رواية نهوة عمامي الفصل الرابع 4 بقلم مرج البحر

 سارة: اول ما دخل سيف الغرفه حتى من بدون

سلام كال 

سيف: يله سلميني نفسج 

ساره: بسم الله حتي البدله ما نازعتها هاي شبيك وجان رجل اخته يدك بالباب ويصيح فضها يالله والك اذا انته رجال تسويها وهيه بالبدله هذا تسودن وراد يضربني ونزعني البدله وتقربلي بس متت من الوجع ولحد ثاني يوم اني انزف للعصر اخذتني اخته للدكتوره انتضرنه شويه وبعدين دخلنه للدكتوره وفحصتني وكالت هاي شنو شلاعب بيج شنو شصار غير على كيفه جاوبتها حماتي شيماء كالتلها مو الولد راهنو رادو بسرعه ياخذها وهيه هم ماقابله تنطيه روحها وتاذت كالت الدكتوره لازم خياط اني سمعت ومتت من البجي ما قبلت اخليها تخيطني ونطتني ورقه كالت ماما يمته ما تجين بسرعه تطبين عليه رجعنه للبيت وسيف لاكانه اني بس ابجي متت من الم وامي وعمتي كامن يحجن علي وثاني يوم الصبح رحنه اني وامي وعمتي للدكتوره وبسرعه دخلت عليها وصعدت على السديه وكامت تخيط بالجروح وخيطتني اربعه خياطات وكالت شهر ممنون يتقرب الج الرجال ورجعنه بس شنو اني متت من الم وكمت كوه امشي رحت على الجربايه ونمت وهو اجه يمي سالته كتله ليش هيج سويت 

سيف: والله كله من وراهم كالولي ما راح تكدر وتعرفين بعد وصار الصار 

ساره: درت وجهي عنه ونمت ماحجيت شي لان تعبانه وللعصر اجت اخته كعدتني جايين ناس تواجب وقبل لا اطلع امه اجتني للغرفه وكالت

اقبال: ترى شنو ينطوج واجب تنطينياه لان هذا واجبي

سارة: اني ما حاجيتها وطلعت وسلمت وكعدت شويه وكامن النسوان وصدك من انطوني الواجب شلته خليته يمها بالكاع وكمت اني الحمد لله نفسي قنوعه

رابع يوم اخته جنان سوة مشكله لان اني ما اشتغل وياهن واني بعدني مريضه وكوه اتحرك كمت كنست البيت وغسلت الاماعين مال الغده وغسلت اهدومنه اني وسيف وفاتت ايام وصار يوم السابع اهلي عزمونه على العشاء ورحنه اول مره زرنه الامام سعيد بن جبير عليه السلام قريب يمنه ورجعنه على بيت اهلي اني وسلام وعمتي وعمي وشيماء ورجلها وجنان ورجلها كل احنه رحنه وتعشينه ورجعنه وفاتت ايام ما تخلو من المشاكل يوميه من عمتي وجنان والله شفت انجوم الضهر من وراهن اني طبعي ما اسولف لا لسيف ولا لاهلي والله وهنه بيهن وما يتمادن عليه حتي الباب مال الغرفه اذا انام بليل ممنوع ينقفل كم مره احنه نايمين اني وسيف ويطبن علينه بحجت انريد ناخذ غراض من الكنتور واحنه نتفشل من وراهن لان الكنتور مشترك اني وعمتي وصار عيد الاضحى وسيف راح لكربلاء هوه وجماعته وكالي روحي باتي يم اهلج وثاني يوم الصبح كاعدين نتريك وكلت لعمي عمو وصلني لاهلي وياك من طلع سيف كال روحي وباتي يمهم وعمتي سوت فلك لعبت لعب وما خلتني اروح ومن رجع سيف ثالث يوم العيد جان جايبلي وياه صوغه وامه خذتها وانطتها لجنان اخته والله ما فكيت حلكي وحجيت وحتى سيف راد يروح يجيبها اني ما خليته كتله خل تولي اني مو بعازتهن ونمنه الضهر من كعدنه العصر وداني لاهلي بقيت يمهم لليل ورجع اخذني ورى فتره اجت علينه شيماء ورجلها بقو يمنه اكثر من ست اشهر وهذا رجل شيماء شد وياي فد شده فد يوم الضهر كملنه الغده ورحت اصلي ورجعت اريد اغسل الاماعين بيت عمي كلهم نامو لان جان صيف اني وحدي جنت بالمطبخ وهو اجه سوه نفسه يشرب مي واول مره طخني بجدفي وخرة منه ورجعت اكمل بالاماعين ولن اجه عليه وشبكني من ورى اني بسرعه وخرت منه وكتله اذا عدت هذا الشي ما راح اسكت وعفت الاماعين على النص ورحت للغرفه وما حجيت لان ادري محد راح يصدك بيه وهم كلهم ادري بيهم ما يحبوني العصر كلت لسيف خل اروح لاهلي وداني ورى ساعتين او اكثر خابرني سيف

 طبعا التليفون جان ارضي خابرني لان يكلي انتي طالق طالق طالق اني ضليت صافنه حتى ما جاوبته وسد التليفون اجتني امي كالت شبيج وسولفتلها ورحت كلت لمرت عمي عزام وكالت بليل اروح عليهم واعرف شنو السبب وصدك راحتلهم لان عمتي اقبال تكلها هيه بتكم ما تستحي تتحرش برجل شيماء وهيه دائماً من تدنك تخلي صدرها كله يبين كدامه وهوه لو ما شريف جان سكت وانطاها التريده وثانين هيه بايكه فلوس سيف وحجي هواي ثاري هو الحقير لان اني رحت لاهلي حسباله راح اسولفلهم وافضحه فهوه رايح مسولف لعمتي اقبال ومرته وهنه مخابرات سيف وكايلاتله وهذا مصدك بيهن ومن رجعت مرت عمي وسولفت اني حجيتلهم لصار وطبعن اهلي صدكوني لان اني الشرف مالتي كلها الناس تحلف بي والله شاهد عليه لان احنه تربات شيوخ مو شلون ماجان والله الناس الخطبوني بس الله يدري شكد حتي ساده معروفين كلش هم خطبوني لبنهم بس اني جنت قارين فاتحتي اني وسيف 

  وثاني يوم رحنه اني وامي ومرت عمي وسولفت لبيت عمي حميد الشي الصار وواجهت حيدر رجل شيماء واكيد نكر فاني كتله تمام أنت ابقه على حجيك واني اشوفك الامهات شنو تجيب اذا ما اخلي اسمك ينمحي من العراق مو من البصره انت تشوف اني تربات شيخ عزام 

 ولتفتت على سيف كتله من باجر اريد ورقة الطلاق وخلينه وطلعنه ثاني يوم حيدر وشيماء من الصبح راجعين للبصره ومن راجعين ورى كم يوم مخابر على عمتي اقبال وحاجيلها الصدك وكامو يوميه يودون مشيه زلم على اهلي ويوميه جاين وسيف متعارك وياهم واجانه بليل يبجي

سيف: بس ارجعي كلشي تردينه يصير حتى لو نعزل بيت وحدنه اني قابل وهذا حيدر بعد ممنوع يطب للكوت 

ساره: راح جاب شيخ على مود سالفت الطلاق والشيخ كال لابوي الطلاق باطل لان بالتليفون وهسه هيه بعدها مرته وبقيت شهرين يم اهلي واجت ناس اكبار وشيوخ يالله قبلو اهلي ارجع ومن رجعت عمتي اقبال وبناتها ما يحاجني لان اهلىي طلبو حيدر بعد ما يطب للكوت

ومشت الايام وطبعا من تخلو من مشاكل عمتي اقبال وجنان ورى فتره جنان شالت من يمنه وشويه خفت المشاكل وسيف اول الاشهر من زواجنه دللني مثل الماي بالصينيه وبعد كم يوم سمعت عمي عزام مريض شويه وكلت لسيف اروح العصر اشوف اهلي وقبل اروح وجنان جانت موجوده يمنه ولزكت الا تروح وياي ورحنه وكعدنه بالصاله وشفت اهلي وعمي عزام وامي كالت خابري على ابوج لان مشتاقلج صار هواي ما شايفج وخابرت على ابوي وجاوبني اخوي سالم وكال ابوي طالع من المحل وجنان جانت موجوده يمي وسمعت الحجي وبقينه تقريبن ساعتين وامي كالت بيت خالج مصطفى اليوم اجوي يمنه كتلها منو اجه منهم كالت خالج وعمتج والبنات وامير وكرار كتلها سلميلي عليهم كلهم ورجعنه اني وجنان المغرب للبيت اول ما طبيت كالت عمتي اقبال اصعدي نظفي السطح حتي تفرشين

 لان جنه انام بالسطح وخذا الغراض مال التنضيف وصعدت انضف نضفته وفرشت ونزلت اتوضه اريد اصلي اشوف عمتي اقبال تنافخ وبس تصيح وكل ساعه حاجيه عليه واني ما اعرف شنو السالفه صليت وكمت اسوي عشه واني واكفه على الطباخ اكلي كبه واندك الباب وطلع سيف يفتح الباب 

لان اشوف اخوي سالم جاي هو وامير ابن خالي وسلمنه وكملت العشه وجاي احضر بي اسمع عمتي اقبال تكول ل امير ابن خالي انتي ما جاي علينه اجيت لان سارة مخابرتك من يم اهلها وكالتلك تعال 

اني بيدي ماعون كبه طاح من ايدي وانكسر اسمع امير جاوبها لا عمه ماكو هيج حجي 

سيف صاح عليه تعاي شنو هذا الحجي 

ساره: والله ما مخابرته صاحت عمتي اقبال

اقبال: ليش تجذبين مو جنان وياج وانتي مخابرته العصر من اهلج

سارة: عمه والله ما مخابره خابرت على ابوي وحتى سالم جاوبني 

سالم كالها اي عمه صدك اني جاوبتها وامير كاللها عمه انتي ليش ما تسدين هذا الموضوع انتي مو بيوم عرس قاسم من اجيتي وكتيلي سارة صارت لسيف اني شنو كتلج مو كتلج خلاص سارة بعد صارت اختي حالها من حال رنا وزينب وكتلج شايفين كل الخير واني هسه اجيت اشوفكم حتى ما تكولون لان اخذنه سارة كام ما يجينه وخله

 وطلع واني طبيت بغرفتي وسديت الباب همه ضلو ياكلون ولا جن صاير شي بس سيف اجه صاحني تعاي تعشي كتله ما اريد وحلفتله اني ما مخابره امير

 ورى شويه اجت اخت سيف الزغيره ايات كالت امي تكول خل تكوم تغسل الاماعين رحت غسلتهن ورجعت للغرفه وبقيت للصبح كاعده من القهر وابجي من طلعو عمي والولد رحت لعمتي كتلها شنو هذا حجي جنان هيه ليش جذبت عليه

اقبال: يا غير تتشاقه وياج هسه شنو شصار 

سارة شنو شصار ما شفتي سيف شصار بي من سمع

 اقبال: اي مو اشوف خله دمج بطولج 

سارة: عفتها وطبيت بس كلت الله موجود ورحت انضف بالبيت ورى يومين جنان بليل وهيه نايمه كارصتها عكرب وضلت فوك الاسبوع هيه مريضه ويوميه بالطبيب اني بيني وبين نفسي كلت هاي حوبتي لان ذبت عليه تهمه 

وفاتت ايام وكامت عمتي اقبال تريد تزوج ياسين وهو ما يقبل ويقنعون بي وماكو قافل فد مره

 صار رمضان وجانت يمنه خالت سيف من بغداد طبعا هم بيت عمي حميد محد بيهم يصوم بس اني وكملت الفطور وحضرت الاماعين والبن والماي كلشي ما خليت كله جاهز ورحت توضيت كلت لجنان جانت يمنه عفه اذا يردون عشه بس صبي اني حضرتهن ورحت اصلي وهم صدك صبو وتعشو وما بقو فطور اليه من كملت صلاة رحت لكيتهم كلشي ما مخلين خالت سيف كالت يا ما بقه اكل الج حجت عمتي اقبال

 اقبال: عوفيها يطبها مرض شو تتأمرعلى جنان شنو جنان خدامه عدها ماكو اليوم اكل الج 

سارة: اني عفتهن ورحت اغسل الاماعين وغسلتهن وكملت تنضيف البيت لان اصوم بالنهار ما اكدر اشتغل وطبيت بغرفتي وسيف راد يطلع وي جماعته صحت وراه سيف جيبلي وياك جبن اتسحر بي صاحت عمتي اقبال 

اقبال: اذا جبت والله ما اخليك تطب للبيت خليها بدون اكل حتى ما تتعلم على بناتي يخدمنها

سارة: وصدك رجع سيف كلشي ما جايب اني شربت مي ونمت وبقيت صايمه ثاني يوم وكعدت من الصبح وعلى مود اسويلهم ريوك وسويت الغده وصبيتلهم وغسلت الاماعين بس شنو احس جسمي ميت صار يومين صايمه بدون اكل وهستوني اريد انام طبت شيماء جايه من البصره حماها جايبها شو هاي طبت عليه للغرفه وكالت اي من وراج حيدر ما قبل يجي وياي وهل حماي جابني كومي مو نايمه المسعده كومي نضفي وكمت بدون كلام وكمت اكنس بالبيت بس كمت اشوف الواحد اثنين اجت عمتي اقبال 

اقبال: هاج هذا مي افطري بعد هواي للفطور وراح توكعين علينه ترى ما بيه حيل مستشفيات

 سارة: لا ما بي شي هسه اكمل كنس وانام 

اقبال: روحي مابي شي لا تكنسين 

سارة: صدك عفته ورحت بس ماكدرت انام لحد ما اذن كمت شربت مي ورحت اصلي بس كوه واكفه وهنه سون عشه

وتعشينه واني اكلت شويه وكمت لان معدتي توجعني وكمت نضفت وغسلت الاماعين وغسلت ملابس ورحت طبيت للغرفه ورى فتره اجت علينه مريه علويه تأخذ خيره بالقران واخذت اول مره لشيماء على مود الحمل وبعدين اني كلتلها اخذيلي هم على الحمل وكالتلي اي راح يصير عندج حمل هل الاشهر بس يجيج مثل الطير اني بقيت صافنه شنو مثل الطير بس ما سالتها ورى فتره صدك صرت فاتتلي ورحت حللت طلعت حامل ومن رجعت العصر من الدكتوره كتلهم عمتي والبنات واشوف شيماء انقهرت صدك انقهرت عليها ودعيت ربي يترس بطنها ووكت المغرب اجه سيف وعمتي اول ما طب كالتله اني جنت بالحمام احضر اله بيتهم الحمام مالته صاير بصف المطبخ من اجه سيف وباسني وكال اي بعد صرتي ام عباس وضحكنه اني وياه سمعنه شيماء بالمطبخ وتدعي وتكول وين الله كون ما تتهنه بي وما تشوفه سيف طلع من سمعها بس اني كلت ميخالف مقهوره لان تزوجت قبلي وبعدها ما صاير عدها 

وعمتي بعدها تقنع ب ياسين حتى يعرس وراحت خطبتله وحده من العماره واهلها قبلو وصارت الخطبه ياسين ما قبل يروح للخطبه مالته 

جان تكول عمتي اقبال احنه انطينه كلمه للناس اذا ياسين ما قبل ناخذها لسلام..... 

شكرا لزيارتكم عالم روايات سكيرهوم