رواية نهوة عمامي الفصل الخامس بقلم مرج البحر
سارة: اني هنا تسودنت بس ما حاجيتها وانتضرت سيف اجه من المحل وكتله اذا انته قبلت تتزوج عليه اني ما ابقه نتطلك
سيف: لا اني اريد مرتي وهيه حامل شلون اتزوج عليها
ساره: كام يحجي على ياسين وبلكوه قبل ياسين يروح وراحو للخطبه وسيف راح وياهم واني كاضه كلبي بايدي خاف ياسين يبطل ما يقبل وبيومها للصبح كاعده وبس ابجي واجوي ثاني يوم ومكملين الخطبه ومقررين ورى شهرين العرس وكامو يحضرون للعرس وقبل ما تخلص الشهرين خابرو اهل مرت ياسين وكالو عمتنه حالتها مو زينه تعالي اذا تردون هسه عرسو لان اذا ماتت بعد للسنه يله تاخذون مرتكم وجان ابو الاخشاب بعده ما كامله وصار العرس بساع بساع وعرسو بغرفتي واني ضليت ليوم السابع انام بلهول والهوسه كلها فوك راسي وجنت حامل اليه اربعة اشهر ومتت من التعب لان كل الشغل عليه والله هنه بس يطبخن وفاتت ايام وفد يوم جنت كاعده اركب غده واحس الم كلش قوي صار ببطني وضهري وكعت بلكاع من الالم صحت على مرت ياسين اسمها حنان كتلها فدوه لحكيني راح اموت وهيه شافتني راسن راحت صاحت عمتي اقبال اجتي بكل برود تكلي
هاي تقلصات هسه شويه وتروح
وللعصر اني ميته من الألم وسيف من شافني كال لامي اخذيها للدكتوره وصدك رحنه العصر ووصلنه للعياده النسوان الكاعده من شافني قبلن ادخل قبلهن وصعدة على السديه وفحصتني الدكتور وكالت ماما هاي الطفل نازل كلش وعنق الرحم مفتوح مال ولاده وسالتني انتي شكد الج كتلها هستوني طبيت بالسادس كالت راح انطيج علاج ولازم راحه تامه ولا رجال ابد ابد لحد ما تدخلين بشهر التاسع ومن رجعنه للبيت وسيف اجه بليل كتله خل اروح يم اهلي حتى ارتاح وصدك وداني وبقيت يمهم اسبوع عمتي اقبال جايه تكول
اقبال: ما ترجعين مناك رجلج باقي وحده كومي وياي يالله
ساره: امي كالت روحي هاي مبينه تريد مشاكل وهيه تحجي احنه شعدنه هنه هل الاماعين والكنس والمسح ويالله عود بعد بس اغسلي الاماعين هيه مرت ياسين غير كلشي ما تخلي وصدك رجعت وياها واول ايام ما اشتغل هواي بس الخفايف وكملت شهر السادس وطبيت السابع ولن حيدر رجل شيماء خابر على عمتي ولنها صايحتني تعاي هذا حيدر يريد يحجي وياج اني ما قبلت احاجيه ومن راجع مخابر على سيف وكايله اريد اعتذر من ساره ومن اجه سيف كال مره ثانيه من يخابر حاجيه يريد يعتذر منج وصدك ثاني يوم خابر جنت اعزل بالغرفه وطبت عمتي اقبال وبيدها. التليفون جانت الموبايلات هستوها داخله وعمتي اشترة واحد وحاجيته وكال اني اعتذر منج وبعد اعتبرني مثل اخوج واريد اجي للكوت بس اذا انتي ما تقبلين ما اجه كتله لا اني شعليه بيك تجي لا هذا بيت اهل مرتك ما اكدر امنعك وسديته وبعد كم يوم اجوي هوه وشيماء
واول ايام عادي ما صار شي ورى فتره بدا سيف يتغير عليه وبس يعارك وكام حتى ضرب يضربني وكام حتى ينام بالكاع وكمت اشوفه يخابر هواي وبس اوصل يمه يسد التليفون وصارت مشاكل بيني وبينه ومره اخذت تليفونه وكمت ادور بالارقام وشفت رقم هواي متصل عليه واتصلت بس ما حجيت ولان اسمع صوت بنيه اني تخبلت وعاركت سيف واني جنت كلش تعبانه من الحمل وجان هو مهون عليه معاملت امه وخواته هسه هو صار اكثر منهم يضوجني وكتله بعد ما اتحمل طلكني وكام ضربني وخل وطلع بعدين سمعت حيدر يسولف ل ياسين يكله سيف مصاحب هاي التشتغل يم دكتور مال الاسنان اني بس اجه سيف من المحل كتله انت صدك هاي مصاحبها
سيف: اي اني مو مصاحبها لا اني تزوجتها بلسر من وراج ما اريدج تدرين وهسه انتي عرفتي شتردين تسوين سوي
سارة: وديني لاهلي ما قبل وبقيت كم يوم ما نتحاجه واني حتى الاكل عفته ورى كم يوم اجه خال سيف من بغداد همه كلهم يحبونه ويحترمونه من اجه اني جنت بالغرفه نايمه هو سائل عليه وكايليله صار كم يوم عرك هيه وسيف وما تقبل تاكل هوه اجاني للغرفه وكعد يمي على الجربايه وكال سولفيلي شنو صار واني سولفتله كال تمام اني اعرف اتصرف ومن رجع سيف من المحل حاجاه خاله كاله والله جذب لا متزوج ولا شي بس هاي وحده اضحك عليها وهيه تصدك وراضانه خال سيف وبقه يمنه كم يوم وراح
وفاتت ايام ودخلت بشهر الثامن وبيوم الرابع من شهر الثامن عمتي اقبال خذت مرت ياسين ودتها لاهلها وقبل ما تروح طلعت الزوليه مال الصاله وكالت تغسلينها
كلتلها عمه ما اكدر وبطني شلون
اقبال: لا ما بيج شي لو بس تردينها حجه كلت تنغسل يعني تنغسل
سارة: وجانت الدنيا باردة اني كملت شغل البيت كله وغسلت ملابس وطبخت وبعدين فرشت الزوليه بالطارمه وغسلتها بس والله ضهري انكسم بالنص والمغرب كملت صلاة سيف طلع وي جماعته بقيت بس اني وجنان بالبيت بليل وهاج عندي الوجع شويه شويه يروح ويرجع شربت مسكن مال الالم ورجع سيف تقريبن الساعه بهدعش وبسرعه نام واني الالم موتني رحت كعته كتله سيف راح اموت كام يصيح
سيف: ما تخلين الواحد ينام راح اشرد من وراج
واني ابجي من الوجع وعافني ورجع نام ورى ساعه شفت روحي بعد ما اكدر صدك راح اموت رحت كعدته وهو بسرعه كام عليه موتني تموت كتل واني اكله فدوه وديني للمستشفى هوه ما يقبل وهوه عنده سياره كتله بس خابر امي والله راح اموت كض التليفون وشمره عليه هاج انتي خابري وصدك شفت الساعه بلثنتين باليل خابرت على ابوي وجاوبني بس سمعني ابجي راسن كال جايج لا تبجين بويه صدك تقريبن عشر دقائق وهمه يمي امي وابوي واخذوني للمستشفى ودخلوني صالت الولادة شافتني الدكتوره كالت عدها ولاده مبكره ولازم تتحول للكوت مستشفى البتول مال الولاده لن الطفل اكيد يطلع ما كامل واحنه هنا ما عدنه خدج رجعنه للبيت اهلي وبقينه للخمسه الصبح ورحنه للكوت لمستشفى البتول واول ما دخلنه ما لكينه دكتوره كالو لثمانيه تجى الدكتوره وبقيت انتضر وحدي بالغرفه مال الانتضار ما قبلو امي تدخل يمي واني ميته من الالم ولمن اجت الدكتوره وشافتني كالت شكد الج كلتلها اربعة ايام بشهر الثامن ضربتني ابره بالمغذي وراحت واني بقيت الوب من الوجع وصارت الساعه بهدعش وهيه بعد ما رجعت عليه وشافتني واني وحدي بس نسوان يمي وكلها تطلك بعدين داخل مدير المستشفى وشاف ابوي وامي كاعدين بره وامي تبجي هوه يصير صديق ابوي متسالمين وسائل ابوي شعندك هنا ابوي مجاوبه بنتي جوه وهيه بعدهي زغيره وهذا اول طفل وما يقبلون امها تدخل يمها وما نسمع بس الصياح مال الدكتور طب على المستشفى ولعب بيهم لعب وكام يحجي على الدكتوره وطبب امي يمي وبقيت لحد الساعه بتلاثه الضهر صارت عندي ولاده بس الطفل طلع ما كامل وما خلوني اشوفه بسرعه خلو بالخدج بس اني ذني السسترات الجيبوني ملخني تملخ وخيطوني اربع طعش اخياط من جوه وبقينه للمغرب ورجعنه للبيت بس ما شفت الطفل
رجعنه للبيت امه بسرعه دخلتني للحمام وسبحتني وخلتني على الجربايه ونمت وشفت حلم وكعدت مفزوعه اصرخ واهلي كلهم ملتمين عليه ولثاني يوم خابر الدكتور
صاحب بوي وكاله.....
شكرا لزيارتكم عالم روايات سكيرهوم
