رواية الضحيه الفصل الخامس 5 بقلم زينب نور

 

رواية الضحيه الفصل الخامس بقلم زينب نور

 حتى اخابرة وفعلا صار الليل ونامو امي وابوية اخذت التلفون وطبيت لغرفتي خابرتة فتح الخط ...

-نعم منو وياية ....

- أيمن حبيبي شبيك اني سدرة ...

- هااا اي عرفتج شتريدين ....

- شنو يعني شتريدين ليش تحجي بهاي الطريقة اني مفارضة نفسي عليك اذا ميعجبك بعد ما اخابرك....

- للمرة الأخيرة اسالج انتي شنو خافية عني واذا محجيتي راح يصير شي ميعجبج....

- احنا مو اتفقنا متسالني شي....

-جنت اتمنى اسمع منج وما اخلي شخص يدخل بيناتنا بس انتي ما نطيتيني مجال للثقة خليتيني اشك بيج وبحبج الي اني عرفت كلشي صديقتج حجتلي على فكرة ترى شغلة عادية ما عندي مشكلة بس مشكلتي لان كذبتي علية مع الاسف عليج ضيعتي احلامنا ودمرتي حبنا....

- اني اسمع ودموعي تنزل كتلة شنو يعني عرفت كلشي كال السر الي متقبلين نتزوج علمودة كتلة بس اسمعني....

- ماكو شي اسمعة بعد الي ردت اسمعة منج سمعتة من غيرج وجنت اتمنى انتي الي تحجيلي روحي الله وياج بس حسبي الله ونعم الوكيل عليج لان دمرتيني وضيعتي حبي الوحيد من ايدي سد التلفون .....يتبع

            

                              

-مرت سنة على فراقنا اني وايمن المدرسة تركتها ما اكدر اروح واشوفة لان نفس الطريق اني وهو وكمت ما اطلع من البيت واذا صدفة طلعت اروح من طريق ثاني ما اروح من يم بيت عمة حقدي وكرهي لاخوتي زاد وحبي الة تحول كره صرت ما احب اسمع هذا الاسم فد يوم جنت كاعدة اني وامي اندك الباب طلعت امي نسوان ٢ ديدورون على بنت للزواج ...

                              

-بس ماعدنا بنات...

                              

-هههه اخاف مخربطين بلعنوان جماعة دزونا عليكم كالو عدكم بنت....

                              

- امي مقبلت تخليهم يفوتون....

                              

-يعني حتى اذا مو خطابة شنو متستقبلون ضيوف ....

                              

-طبو جوة اني ما اعرف شيريدون طبيت سلمت عليهم وطلعت طلعت امي وراية كتلها منو هذولة ...

                              

- خطابة...

                              

-كمزت من مكاني كتلها شنو يعني خطابة اني منو كالج اقبل اتزوج ....

                              

- ما اقبل اني هم بس هما لحوو علية ودخلو هسه يشربون جاي واطردهم...

                              

- سويت الجاي دخلتة الهم ردت اطلع...

                              

-تعالي خاله كعدي شوية ويانا ....

                              

- اسفة خالة عندي شغل ....

                              

-تعالي شوية كعدي لتخافين مراح ناخذج ويانا كلشي قسمة ونصيب...

                              

- كعدت شوية وياهم ارتاحيت لكلامهم بقو كاعدين ساعة ونص بعدين طلعو كالو نزوركم مرة ثانية بقو يروحون ويجون شهر كامل بعدين امي كالت...

                              

-هذولب تعبوني راح اطردهم اذا متقبلين....

                              

-اشوف غيرتي رائيج....

                              

-لا والله يمه بس شفتي شلون خطية رايحين جايين يريدون يجيبون الولد تشوفيه خلي يجي شوفيه وكولي معجبني....

                              

- هزيت راسي يعني موافقة اجو العصر امي كالت خلي يجي ضحكت امة خالتة...

                              

- نصيحه هو موجود بلسيارة برأس الشارع اروح اصيحة واجي....

                              

-اجه دخل شفته وشافني عجبني أخلاقه وادبه صارت الخطوبة و صرت أحبه وحبيبي احمد طاير من الفرحة رايح جاي ما يمر يوم إلا ويجي يشوفني اهووو احمد هم اجيت ....

                             
حبيبتي ما اكدر اتحمل يوم ما اشوفج ...

                              

-احمد اشو اني ملحكت اشتاقلك ...

                              

-اي شسويلج اذا انتي ماعندج احساس....

                              

-هاا هسه صرت ماعندي احساس روح زعلت منك ....

                              

-لا حبيبي لا تزعلين اني ما اكدر ازعل زوجتي وحبيبتي تدرين اني صرت ادعي بكل صلاة لصديقي .....

                              

-حبيبي وصديقك شعليه ....

                              

-حبيبتي لو معازمني هذاك اليوم مجان اجيت وشفتج وجان بعدني تايه ادور على مرة وحبيبتي ملاكيها تدرين اني شفتج من اول مرة كلت لازم هاي تصير الي وثاني يوم دزيت امي وجنت اندعي ربي تكونين مو متزوجة او مخطوبة .....

                                          

              
                    

-بقينا مخطوبين ٧ أشهر وتزوجنا بعدها فعلآ جنا عايشين مثل المسلسلات كلها حياتنا حب وغزل ورومانسية طبعا اخوتي قاطعتهم لان رادو يجبروني لابن عمهم بس اني جنت افضل الموت عليه خواتي ٢ تزوجو اولاد عمهم وحدة شهرين وتطلكت والثانية على وشك الطلاق هما ببساطة متخلفين مو مال زواج مر سنة على زواجنا بس شغلة جانت مضايقتني باحمد لون عيونة وغيرتة ماتفرق عن ايمن جنت أتضايق لان اني ما اريد شي يذكرني بلشخص الي خلاني اكره صنف الرجال الا ان الله سبحان وتعالى دزلي احمد احمد غير نظرتي بلحب وبلرجال بس ارجع اكول حتى اذا كان يشبهه بشي قليل مستحيل يكون مثلة مر على زواجنا سنة ونص واحنا عايشين احلا عيشة جنت حامل بلشهر الثالث واحمد طاير بية ممخلي شي الا وجايبة ما اكول على شي الا والكاه يمي فد يوم جنت ابيت اهلي طالعين اني وامي رايحة للدكتورة اشوف واحد يمشي وراية ريحت عطرة مو غريبة عني عبر من يمي باوعت شكوكي صحيحة هو أيمن خفت اتحججت انه ظهري وجعني ورجعت للبيت كعدت شوية....

-يمه اذا ارتحتي خلينا نروح ...

-طلعت مشينا شوية شفتة واكف يم بيت عمة ياربي شنو هاي هذولي بعدهم يمنا وهو بعدة يجي يمهم رحت للدكتورة ورجعت صديقتي اجتني للبيت الي هي بنت عم أيمن شفتها خفت مسكت أعصابي وستقبلتها كعدت تسأل عني وتسولف بقت كاعدة ساعة بل اخير كالت....

- اني جايتج بموضوع أيمن دزني الج يريد تحجين وياه....

-مستحيل انتي شنو تحجبن ...

-والله هو وصاني اكولج هذا الكلام وبقت يمج بعد.....

-روحي كوليلة مو سدرة الي تخون زوجها وية واحد غدر بيها .....

- بس هو يكول يعرف عنوان بيت زوجج اذا محجيتي وياه ترى يفضحج ويخلي يطلكج....

- راحت بقيت اصفن وية نفسي معقولة يسويها لا ميسويها لا يسويها اكيد هو تركني وما اهتم بلسنوات الي بيناتنا وما اهتم شكد حبيتة يعني ميسويها ويفضحني صار الليل اجا احمد يريد يأخذني لج حبيبي مشتاقلج ارجعي كافي صارلج يومين .....

-احمد حبيبي تعبانة والدكتورة حذرتني ابقى مرتاحة خليني يومين بعد ارتاح واني ارجع استسلم وراح حسيتة ضاج ومبين بس حبيبي مجبورة اريد احل المشكلة وارجعلك خابرت أيمن بليل فتح التلفون بس سمع صوتي ضحك كتلة شكو تضحك اخاف منتظر غير مخابرة وقاطعتك....

- الزمي حدودج اذا انتي رحتي تزوجتي اني بعدني محاجي وية غيرج وبعدني على عهدي وياج غيرج محبيت ولا احب ....

-ضحكت هسه تذكرت انت تركتني انت موتتني واحمد رجعني للحياة اتعصب وصاح....

- لتجيبين اسمع على لسانج ...

- هذا مو موضوعنا انت شرايد مني احجي بسرعة سكت شوية ....

-اريد تطلكين اني راجعت نفسي ما اكدر اتزوج غيرج ....

- اي زين لعد ابقى بدون زواج اتعصب بقى يسولف ويهدد انه يفضحني....

-والله افضحج واخلي يطلكج. ...

- روح سوي التريدة اني طلاك ما اطلك وانت تحلم بيوم اصير الك سديت التلفون وثاني يوم رجعت لبيتي واني خايفة مو خايفة من أيمن بس خايفة ع مشاعر زوجي مو معقولة بعد الحب والدلال الي نطاني ياه يسمع عني شي مو حلو غلطة غلطتها ودفعت ثمنها كرامتي غلطة ثمنها واصل ما اريد يدمر زواجي بسببها بقيت اسبوع فد يوم كاعدة زوجي راجع من دوامة معصب ونار تطلع من عيونة ما كدرت احجي وياه بقيت صافنة انتظرة يحجي وبكلبي اصيح ياارب مو الي ابالي فات كعد كام يصيح....

- صبيلي غدا خلي اتسمم....

- ركضت للمطبخ حطيتلة اكل كلت يا ربي هذا مو طبعة هو شكد يتعب ويتعصب بس لمن يرجع للبيت يصير غير واحد كعد ياكل باوع علية وعيونة حمر....

- شنو هاي حتى طبخ متعرفين اتطبخين اني عليش متزوجج حتى بس تكعدين شمعة ....

-كل هذا واني ساكتة ولا حرف ما نطقت شلت الاكل ورحت صبيتلة جاي كال تعاي اكعدي يمي لو تعرفين نفسج غلطانة وساكتة ما تحملت اكثر.....

-شنو قصدك احجي....

- مقصدي شي بس اني نطيتج اكبر من قيمتج مع الاسف الحب الي خذتيه مني متستاهليه ....

-كمت رحت للغرفة اجا وراية كعد بصفي ....

تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1