رواية قصة وجدان الفصل الخمسون 50 بقلم انين الليل

  صدك فلت وجهي من كلامه وهو يكلي لو ما مشوفهم العقد ما يخلونه ولا ثانيه 

كلي :: راح ادخل للحمام اسبح وبعدها نروح نزور 

دخل للحمام واني بقيت كاعده بالصاله الى ان طلع اني فتت بس غسلت واتوضيت لان ما جايبه وياي ملابس 

عبالي نزور ونرجع 

هو سالني :: ها جاهزه نروح 

هزيت راسي = بلي

طلعنه من الفندق من وصلنه للامام اتفقنا ان نلتقي بنقطه معينه زرت وصلييت بجيت ودعيت انو ربي ياخذ بيدي 

واتقبل الوضع الي اني بي واعرف عاصف منو وشنو الي يريده مني ما اگلكم ما خايفه منه خصوصا واحنه بفندق 

وسويت النه واعرف بعاصف مستحيل يتهور لكن اني زوجته وهو من حقه ان يطالبني بحقه الشرعي مني كزوج لكن 

اني اثق بي رغم خوفي منه والدليل البارحه واني ويا بغرفه وحده وعلى نفس السرير وما حاول ان يلمسني

التقينه بنفس النقطه وطلبت منه اكعد هز راسه وگعد وياي واحنه ساكتين كل واحد بعيونه وبوجهه كلام لكن ما 

يكدر يبوح بي للثاني سالني :: ما جعتي 

ابتسمت :: مشتهيه لفة كص وقوطية مرندا واكلها وانا امشي 

   رفع حواجبه ونزلهن :: تحچيين صدك 

   هزيت راسي ونفس الابتسامه. = اي عمو

لملم حلكه واتنفس عرفته ضاج او زعل لكن اني غلست :: ياالله كومي 

رحنه نمشي وصلنه يم مطعم مخلي مجموعه من الطاولات بره هو گعد واشرلي اگعد باوعتله وگعدت على مضض 

اشر بايده واجه ولد گله :: حباب سويلنه لفتين كص ولفتين معلاك وقوطيتين مرندا 

راح الولد هو اتقرب من الطاوله وحاجاني

      :: ليش زعلانه 

    هزيت راسي 

   حرك ايده :: يعني شني 

   رديت بزعل = ما زعلانه يتهيا الك 

  :: لا زعلانه لان ما خليتج تمشين وتاكلين المفروض انا ازعل 

    = وليش ؟

   اياشر على نفسه :: يعني بشكلي ولبسي وياي مره وتاكل وهي تمشي شني قليل المكانات 

   = اني عجبني 

:: اكو مكانات ما يصير بيها الواحد يتصرف بكيفه ما سامعه المثل الي يكول اكل ما يعجبك والبس ما يعجب الناس

  = انت ليش هالشكل معقد الامور 

غمض واتنفس :: لا متوهمه ما معقد الامور انا جاي الفت نظرج 

جاب الولد اللفات قدمهن بصينيه وعاصف خلاهن وگلي :: اكلي شنو يعجبج 

  = وانت 

  :: انتي اول اكلي 

= اني راح اخذ هاي اللفه 

   :: لا مو بس هاي 

   = عمو شبعانه

باوعلي اتقرب من الطبه وكلي بكل هدوء :: وجد انا مو عمج انا زوجج سميني عاصف 

فلت وجهي صرت اكل بدون حتى ما اباوع بوجهه هو اكل معلاك وسالني اذا اريد لفه اكتفييت باان اهز راسي 

هو دنالي اللفه الثانيه مالت الكص وگلي :: اكليها 

اخذتها وصرت اكل بيها واشرب المرندا وهوطلب جاي 

شرب وبعدها گلي :: اشربي بعد. هاي القوطيه 

= لا ما اريد

   :: زين اخذيها وياج خاف تشتهيين تشربينها

اخذتها وهو حاسب ورحنه نتمشى بالطريق وگف يم محل واخذ تراك نسائي ودشداشه نص ردن شلحه سالني 

:: ما عجبج شي اخذه الج 

=. لا ما اريد 

::ليش 

=. انت كل شي مشتريلي ما احتاج 

اتقرب مني وشاورني :: تدرين اموت على قناعتج 

  ابتسم بخبث استغربت رجعنا للفندق نمشي سالته

= مي خالف اسالك 

   :: اسالي براحتج 

     =. توك من احنه بالمحل 

  :: شبي 

     = انت اتقربت وشاورتني كلت اموت على قناعتج 

     :: اي 

     =. بس بعدها ابتسمت ممكن اعرف ليش

:: اعرفج قنوعه بكل شي ما تشبهيين بنات هالوكت 

=. مو الهلدرجه بس انت تشوفني هالشكل لان ...

:: لان شنو 

=لان هالشكل اني بعينك 

::لا انتي قنوعه من اول ما اجيتي ولا بيوم اصريتي على شي الا تردينه او تاخذينه ولا بيوم طلبتي شي ومن ما 

تحصلين علي تظليين تلحيين 

= لكن هاي بالحقيقه سلبيه مو قناعه 

:: لا انتي بعمرج ما چنتي سلبيه انتي انسانه عينج متروسه ما تباعيين لليمج شعده ولا تغارين 

= شكرا جزيلا ،

:: بس هسه 

باوعتله باستغراب =. هسه شنو 

:: صايره لحوحه هوااي

دنكت واتنفست =. مو حقي 

:: بس الله انطانه نعمة النسيان 

هزيت راسي =صحيح نعمة النسيان لليعرف الشي مو انسى اشياء ممكن اكون ما اعرفها بعدين وتصير ضدي 

حك خده :: هم صدك ياالله خلي ندخل ونام لان كلش تعبان

وصلنه للفندق واني اتمنى ما ادخل للغرفه لكن بيني وبين نفسي گلت 

  = اذا يتقربلي اهدده اعيط والم علي الناس 

   = اي وبعدين يضمها الج شكد غبيه وما تفتهميين وهو مراويهم العقد

وصلنه للسويت دخلنه انطاني علاگة الملابس :: هاج ادخلي اسبحي وبدلي هدومج 

اخذتهن وانا ساكته طلعت التراك ودخلت للحمام سبحت ولبست التراك وطلعت واني شايله الملابس 

هو ابتسم وگلي :: نعيما 

  = شكرا 

  :: خليهن بالعلاگه لا ننساهن

الصراحه ارتاحييت لان اخذت حمام ولان غيرت ملابسي حاجيته = ما عبالي نبات كان جبت وياي ملابس 

:: ولا يهمج شمكثر من الهدووم 

ابتسمت سالني :: ضحكيني وياج 

  = لو بيبي سامعتك كان تگول شمكثر من التواميل 

  :: ههههههه زين صرتي تحجيين مثلنه

بقيت گاعده هو يدخن ويباوع للتلفزيون التفت الي :: روحي نامي ع الجربايه وانا انام اهنا 

سالته =. وين اهنا ؟

:: ع القنفه 

   بلعت ريكي. = عم ... لا انت نام ع الجربايه اني يعجبني انام ايهنا 

     طفى الجكاره :: شني نبقى نتعازم اريد اباوع ع التلفزيون روحي نامي 

      = ياتلفزيون انت تعبان من السياقه 

    هز راسه :: لا متعود روحي نامي 

     وكفت بتردد = تصبح عل خير 

   :: اجمعين

اتمددت ع الجربايه لكن ما نمت قلقه وخايفه من عاصف ان ياتي بتصرف ما اعرف شلون يكون ردة فعلي 

فصرت اتكلب وبين فتره وفتره اباوع اله واشوفه يباوع ع التلفزيون وگفت اريد اشرب ماي وصلت شفته نايم 

كانه طفل باوعتله والريمونت بايده وهو غافي بتعب رجعت على كيف واخذت بطانيه غطيته بيها لان السويت 

بارد رجعت لفراشي حتى ما شربت ماي خوف يحس ويگعد

حسيت بصوته وهو يكلي :: ياالله اكعدي خلي نصلي ونمشي 

فتحت عيوني لگيت روحي غافيه باوعتله بنعاس = صباح الخير 

:: صباح النور ياالله صلي 

رحت للحمام واتوضييت وصليت بعدهه شال البطانيه من ع القنفه وگلي :: شكرا مغطيتني 

= احم مو شفتك بردان 

:: اي التكييف بارد خلي نتوكل

طلعنه ورحنه نمشي للكراج وبالطريق كلي :: خلي نمر على ام جاسم خوش عدها كيمر نتريك ونطلع 

بقيت ساكته ما جاوبته وصلنه شفنه يمها ناس هواي عمو سالني :: تنزلين لو تبقيين بالسياره 

= لا ابقى 

هي شافته ابتسمت بوجهه واكيد سلم عليها شفته يفتح بالصمونه ويخلي بيها گيمر واجه يتمشى وهو 

جايبلي لفه وكوب جاي

اشرلي براسه يعني اخذيها اخذتها وهو راح ورجع بيده صمونه وكوب جاي انتجى ع السياره وصار ياكل باوعلي 

سالني :: اجيبلج بعد 

  = لا شبعت 

هو راح بعدها اجه واجت ويا ام جاسم سلمت عليه // اشلونج خاله 

  = احم اهلا خاله 

دنكت عليه باستني // اشلون صحتج 

  = الحمد لله 

  - - مبارك وان شاالله منها للولد عاصف يستاهل ماي العين ديري بالج علي

باوعتله هويلملم بحلگه واني اكتفييت هزيت راسي وابتسمت بخجل هو سالها :: محتاجه شي ام جاسم 

- - - عساك سالم وغانم كثر الله خيرك 

  :: فيمان الله 

- - الله وياك 

اتقربت مني وگالت // سلمي على حبوبتج 

   هزيت راسي = الله يسلمج

ساق السياره وصلنه للمقبره تلقاىيا صرت ابجي وكفت السياره قريبه نزلت وكانما اول مره اجي واشوف قبرها 

صرت ابجي واشهك بالبچي واحاچيها = ماما حييل مشتاقه الح 

گعدت وصرت احجي وياها بهمس مره اعاتبها مره احچيلها على الي جرالي وعاصف راح وگف يم قبر جدي 

واعرف بي عافاني يريدني افضفض كل الي بكلبي رجع يمي حاجاني 

  :: موكافي مو هم ياالله نروح 

=. خليني شويه 

:: الشمس حاره وتاذيج

باوعتله وگفت رحت القبر بابا ورامي قريت الهم الفاتحه وبعدها رحت القبر جدي تصدگون اني زعلانه عليهم كلياتهم 

لان اني الوحيده الي انظلمت بيهم اجه يمي عاصف وحاچاني :: ها نروح 

هزيت راسي واني مبرطمه ركبت السياره 

ومشى تقريبا مسافة عشر دقايق او اكثر ونزل وگلي :: انزلي اهنا 

اني بصراحه خفت حييل لان المقبره مبينه قديمه وحتى القبور واحد بصف الثاني سالته 

= ليش جايين لهنا

صار يمشي بدون ما يرد عليه وانا امشي ابطأ منه لمن ما دار عليه :: شبيج خايفه شنو جايبج اكتلج اهنا 

ما اعرف ليش رجفت وعزت روحي شفته يباوعلي وصلت يمه وكف يم قفص حديد بي تلث قبور او اكثر 

ما انتبهت من خوفي شفته يقرا الفاتحه وراح يم ثاني قرا الفاتحه 

ما انتبهت للاسماء هو حاجاني :: هذوله ابوي وامي واختي

باوعت الهم شفت صورهم جدد اتنفست وهدىت وكفت قريت الفاتحه وهو رش ماي واجه قارئ وصار يقرا 

وعاصف واكف مكتف اديناته بعدها انطى للرجال فلوس واتشكره وكف يمهم وكانما يهمس الهم بكلام ما يريدني 

اسمعه التفتلي :: ياالله خلي نمشي 

طلعنا بالسياره وصار يسوق بالسياره حاجيته =. انت دائما تجي تزور اهلك

    :: اي 

     = اي مبين من الصور 

   اتحسر :: كل فتره اجي وابدلهن ليش انا ما شايفهم بس بالصور 

=. الله يرحمهم 

:: تعيشين 

=. ابوك وامك بعدهم شباب 

هز راسه :: ما حبو يتفارگون ماتو سوى

   

     صار يدخن = انت وعدتني 

     بدون ما يباوعلي سالني :: بشنو ؟

   = تحجيلي كل شي 

    اتنفس :: نوصل ونحچي 

ما رديت سالني :: تردين نرجع للبيت لو يعجبج نبقى نروح الغير مكان 

  = نرجع 

  :: براحتج

اباوع اله وهو دا يسوق والجكاره بحلكه مره ينفخ الدخان ومره ثانيه يرجعها اباوعله الى ان كملها وطلع ثانيه 

خلاها بحلكه شعلها وقبل ما يسحب الدخان اني سبقته واخذتها هو باوعلي وشافني واني اقربها من حلگي 

       فتح عيونه :: شتسوين بيها تردين تتعلمين اتدخنين 

هزيت راسي = اي ليش لا قابل بس بيبي اتدخن 

  رد باستهزاء :: بيبي اتعلمت حتى تنسى ضيمها 

  = ليش واني ما مر بيه ضيم

هز راسه واتنفس وهو عاض شفته حاچيته = هوااي كلش دا تدخن واني ...

  :: انتي شني لا تكليلي خايفه عليه

ما جاوبته خليت الجكاره بحلكه وبقيت ساكته هو صار بالاكثر يسحب بيها عبالك تريد تطير بقينه ساكتين 

واتفاجات هلمره محد خابره سالني وهويسوق بدون ما يباوعلي :: شنو يعجبج تاكلين 

  = ما اشتهي 

  :: بس انا جوعان 

  = بكيفك شتريد تاكل اكل 

:: اقصد نكعد مطعم 

ما رديت هو سالني :: اشو ساكته ؟

  = منتبه هاي شكد صار بس شنو تاكلين وشنو تشتهيين اجيبلج شنتغدا شنتعشى 

  :: ليش شعدنه غير هالشي 

  = رديت بزعل لا ولا شي 

   :: ننزل مطعم 

   = تعبانه اريد نوصل وانام

بقى يسوق وكف يم مطعم نزل وراح بدون ما يحچي غاب شويه ورجع فتح الباب وگعد حجى بدون ما يباوع 

  :: طلبت دجاج شوي 

ما رديت اكتفييت اتثاوبت جابو الاكل وهو دار السياره وصلنه اني بوجهي للغرفه لبست تراك واتمددت حتى 

ملابسي بقن بالكاع لان نعسانه كلش 

دك الباب ما جاوبته رجع دكه مره لاخ وفتحه :: اكعدي اتغدي وبعدها نامي 

جاوبته بتعب واني مغمضه = ما اشتهي حييل تعبانه

   اتقرب مني :: شبيج 

  خاله ايدي على كصتي = مالي خلك اريد انام 

  :: شنو ضوجج مني 

بقيت ساكته وايدي على عيوني هو اتنفس :: گومي خلي ناكل

ما اعرف لويش خجلت منه وگفت واني اتثاوب اجيت امشي بتعب شفته خال الاكل ع طاولة المطبخ 

كعدت صار يخلي گدامي حتى اكل وهو اخذ شويه خبزه وصار ياكل باوعتله = ليش متاكل دجاج 

  :: مو تدرين مو هلگد ويا 

  = لعد لويش جبته 

  :: انتي تحبينه 

  

شفته ياكل بالخبز بدون اي شي اخذت لحمه من الفخذ وغمستها بصلصه واعرف هو ما يستسيغ هذا الشي قربتها 

من حلگه = اكلها طيبه 

:: مو تدرين بيه هاي الصلصات والما اعرف شنو ما احبهن 

   ابتسمت = هسه انت ضوگه والما عجبك عود بعد لا تاكله نجرب غيره 

    خليت اللكمه بحلگه صار يلوچها ابتسمت = مو گتلك طيبه 

  :: اكلي بالعافيه 

   = وانت 

:: ما اشتهي 

  :: بس انت ماماكل شي 

= من اجوع اكل

اخذت قطعه دجاج هالمره فارغه = هاي الخاطري 

اخذها واكلها باوعتله :: ها شلونه الاكل 

:: طيب 

== بس انت اكلت شي قليل 

  :: من اجوع اكل 

   = لعد راح اخليلك الدجاج بالفرن من تشتهي بس شغله خمس دقايق واكل 

   :: لا ما اشتهي ضمي بالثلاجه

شفته گام وراح خلى ماي بالغلايه = شنو ما تريد تنام 

    هز راسه :: لا ما منعس 

  = بس انت تعبان 

دار عليه ما اعرف ليش اتلعثمت =. احم اقصد تعبان من السياقه 

   :: مو مشكله اشرب جاي واروح اتمدد 

      اتقربت = خليني اني اخدره 

     ابتعد :: بكيفج

  راح للصاله واني كملت الجاي واجيت جبتله كوب. صار يشرب ويدخن بقيت اباوعله وهوصافن 

    = احم ماما 

غمض واتنفس بقوه :: الله يرحمها 

  = شوصتك 

   هز ايده. :: ليش ما تنسيين 

   اتنفست بحزن = مو بيدي ما اريد ابقى مغمضه اريد اعرف كل شي 

:: شتعرفيين سدي الموضوع او ...

= ليش سكتت كمل 

    :: ما اريد اضوجج 

  = حتى لو خليني اسمع شتريد تگول 

:: الي اريد اگوله ليش ما تبتدين من جديد وتنسيين الصار وياج وتحمدين الله لان (صار ينفخ ) استغفر الله 

= كمل لويش سكتت لان لو وحده بمكاني يمكن هسه مقتوله وغاسلين عارها

:: هذا الشي تحكمه عادات وتقاليد ولو ما انا سامع الكلام البينج وبين غزوان يمكن ما رحمتج 

=. تقتلني

باوعلي :: شتردين تعرفين 

=. يعني لو ما سامع الكلام الي بيني وبين ذاك النذل تقتلني مو 

:: اي احد ما يقبلها على تفسه بس عديم الرجوله 

=. صدك امي دزت عليك لو سعاد فبركتها من يمها 

:: شقصدج 

= ما اعرف لعد لويش دا اسالك 

:: امج رادتني اجي حتى توصيني عليج وعلى اخوج

= اي احجيلي 

: : ليش هسه اتطالييني احچيلج 

= لان قبل عبالي انت عمي ولي امري فجاه صرت ابن عم ابويه او ( سكتت دنكت رفعت راسي شفته يباوعلي اتلاكن عيونه ) كملت كلامي = وزوجي فا اتصور من حقي اعرف كل شي 

:: اكيد حقج ( عضت شفته ) من اجت سعاد وگالتلي تريدك عرفت امج مو. صاحبتنا  

=. يعني شنو

:: احساسي يگلي من ودت عليه خلص راح تموت 

=. من اجيت كتلي الاطباء طمنوني 

هز راسه :: شتردين اگلج مجلوطه ومنتهيه وگلبها تعبان وضغطها مصفر ( اتحسر ) رحت ركبت السياره وانا 

ابدي اطير چنت خايف حييل 

=. من شنو خايف ؟ 

:: صوت بداخلي يگلي راح تموت وصلت لگيت يمها ام احسان من شافتني دنكت عليها ام احسان وحاچتها 

نجاة نجاة اصحي اجه عاصف 

اتقربت يمها واشوف بعيون ام احسان خوف ويأس وصلت يمها نفسها عالي مختنكه حاجتني بتعب وصوت ناصي وكلام 

بالكوه اتطلعه اول كلمه كالت // عاصف

:: اول مره اسمع اسمي من حلگها 

جاوبتها وانا كاتم عبرتي :: سلامتج ام هشام 

:: ردت عليه ماكو سلامه همزين لحكت تجي عاصف هاي گدام ام احسان امانتك وجدان وعلاوي دير بالك عليهم 

محد بقالهم الله وانت وانا انا هم امنت خوله على بتي 

ام احسان بجت //. لا تحجيين هالشكل نجاة ما بيج شي هسه تكومين على حيلج وترجعين البيتج وجهالج

امج ردت // فات الوكت خوله احفظي وصيتي ابنيتي خاف تجيج لا تعوفينها 

صارت تتنفس بصعوبه حاجيتها :: ارتاحي ام هشام 

فتحت عيونها // رايده عاصف اطلعي 

طلعت ام احسان وانا بقيت كعدت على كرسي قريب منها وهي تحارب ع النفس كالت 

تدري من اجيت اخر جيه عرفت انت الي ابوك حجى ويه اهلي حتى تتزوجني بس سعدي اخذني بس حتى يقهرك 

عبالي سعدي من اخذني يحبني صبرت على اهانته وضربه ومسبته كلت هو يحبني بس عصبي مو بيده وانا لازم 

اتحمل الخاطر جهالي اثاري طلع متزوجني بس حتى انت ما تاخذني 

عاصف انا كل شي اتحملت الخاطر جهالي جهالي الي ما حصلت منهم شي اثنين من كبرو راحو واثنين وهمه زغار راح اعوفهم يبقون لا اب ولا ام ولا اخ الله وانت امانتك خصوصا وجدان وجدان حبابه دير بالك عليها صي الها اب واخ وصديق 

اوعدني عاصف

:: بلحظتها ما صبرت على نفسي بجييت بحركه واحاچيها 

:: ام هشام هسه تطيبين وترجعيين البيتج وبتج وابنج وحتى هشام المحامي 

گال موقفه زين انتي بس شدي حيلج وكومي وكل شي يتصلح 

صارت تبچي وتگول // شيتصلح رامي الزغيرن يرجع لو هشام الجبير يطلع ( اتحسرت ) فات الوكت 

عاصف فات الوكت اوعدني بتي امانتك اوعدني ما بقالها احد لا اب ولا اخ ولا حتى ام انا حتى اهلي عفتهم 

لان ظلموني وما قبلو يطلكوني من سعدي يعني بتي ما تعرف خوالها ولا خالاتها

بقيت ساكت ما عرفت شجاوبها هي ردت //عاصف اوعدني ما تعوفها 

:: ارتاحي ام هشام اامني وجد وعلاوي بعيوني ما افرقهم عن نفسي اليصير عليه يصير عليهم 

:: اهنا اجت عمتي هديه ام كريم الله يرحمها دخلت وحضنت امج وهي اتكللها اكعدي عمه اكعدي البيتج والبنيتج وابنج 

ردت عليها امج // ارتاحييت عمه وصيت عاصف ما راح يعوفهم انا هذا رامي وسعدي يكلولي تعاي 

صرت ابچي انا وعمتي ام كريم الي تكول // ياظليمتج عمه ياشبابج الما شفتي بي شي

اجت الممرضه شافتنا وگالت // ما يصير اثنين اهنا واحد بس يبقى 

وگفت ما اريد اعوفها هي انتبهت گالت عاصف عاص 

عمتي طلعت وهي تبجي بقيت گاعد وامج نفسها يصعد وينزل سريع باوعتلي وهي تبجي وكوه تحجي // عاصف وجد امانتك 

من تنسد البيبان بوجهها لا تعوفها اسندها اتزوجها عاصف لاتعوفها 

استغربت طلبها بقيت ساكت وهي تباوعلي هي هزت راسها // اي من تنسد البيبان بوجها ويجور عليها الوكت 

اتزوجها حتى تحميها عاصف خلي ارتاح اريد ارتاح اوعدني ما تخلى ابتي ما تعوفها اوعدني من تشوفها تشوفني 

بنيتي عاصف بنيتي

   بجيت على بچيها :: اوعدج نجاة بتج وابنج امانه بهالركبه انتي بس شدي حيلج وگوميلنه بالسلامه 

جرت نفس // هسه انا ارتاحييت ولا تنسى هشام مو تعوفه 

  دموعها ينزلن وتون بتعب وكلاما كلش اتقطع عاصف بت وج د ام انت ك علاوي ع ا صف وج د 

وماتت امج جانت اخر اسم نطقت بي اسمي واسمج وهي توصيني عليج بوكتها كعدت عد راسها وبجييت بحركه 

بجييت على عذابها وعلى شبابها بجييت على ظليمتها وعليج وعلى اخوانج صرت انطق بااسمها الي چنت اخجل 

انطقه طوول السنين المرت

:: نجاة مو وكت روحتج 

:: ليش هالشكل حملتيني امانه 

:: نجاة لو بيدي اشتري رامي وهشام بروحي بس حتى ترجعيين ما اقصر 

:: اكعدي واعدت بتج ارجعج وياي زين هسه شگللها

ورجعت اخذتج الها وانا ما اعرف شگلج وبعدها جبتج للبستان 

=. اي وكلهم ما يردوني 

:: اي فرضتج غصبا ع اليرضى والما يرضى وانتي تعرفيين الباقي 

   اتحسرت =. اي اعرف بس ما اعرف انت مو عمي 

ء:: وما بنيتي تعرفيين لو ما ذاك النذل

= شلون قتلته 

:: كتلته ما عليج 

  = يهمني اعرف 

:: شنو ما ناويه تكومين تنامين مو من اجينه تگولين نعسانه وتعبانه 

=. طارت النعوسه سولفلي يمكن انام مرتاحه 

:: من سمعت كلامج ويا بحجرة الماطور ما جان گدامي اله اكتله بوكتها ردت افوت واكتله بس بذيج 

اللحظه صارت وصية امج كدامي لازم اكون لج سند وانتي ما الج يد بيها هو اعتدى عليج وانتي باامان الله 

ومثل ما اعتدى عليج بالحيله هم انا اخلص ثاري منه بالحيله بدون ما ينجاب اسمج

= شلون ؟ 

:: چنت اگدر بلحظتها اكتله بس خفت عليج منو يرحم ومنو يگول انتي ما غلطانه ويا وشنو راح اربح انا بالسجن 

وانتي اكيد راح مهدي يكتلج بحجة غسل العار 

= تقصد نهاد

اتحسر :: بليلة الاخذج بهاء ما اسولفلج شصار بيه بقيت كاعد بره ما دخلت للبيت متاني بهاء يجي ويگول كتلتها 

غسلت عاري لو يجيبج ويگول ما لگيتها بت بهاي منيت روحي كلت اذا جابج بهاء انا اخذج وافضها وتالي اشوف 

شغلي ويه النذل لكن بهاء بذيج الليله ما جابج بقين للصبح بره ما اتحملت طحت وشالوني للمستشفى ما ردت 

احد يبقى يمي حتى امي طلبت من جابر يبقى يمي وره تلث تيام وديته على بهاء ايكله انا طحت وبالمستشفى 

وبوكتها اجه بهاء ولو تشوفين حتى سلامه ابرود اجه شافني خمس دقايق وراح وانا اهنا سالته عنج من راد 

يطلع گتله اشلونكم 

هو رد الحمد لله زينيين 

ودار وجهه وراح وعرفت بهاء زعلان من طلعت من المستشفى ما رحت للبيت

= لعد وين رحت 

:: ابقى بالگاع وجابر يمي 

  = معقوله وبيبي اتحملت انت مو يمها 

هز راسه :: اي اتحملت لان هي السبب بلي صار صحيح مو بقصدها لكن انا اتاذيت وانتي هواي اتاذيتي من بهاء 

اتحسرت هو باوعلي : ليش ما ترحين تناميين 

سلهمت عيوني ورديت = ليش كل ما تبتدي تحجي بنص الكلام تكلي فوتي نامي ارتاحي منو كلك اني مرتاحه 

نفخ الدخان وسالني :: انتي داىما هالشكل لحوحه اقصد من چنتي زغيره

هزيت راسي = لا ابدا على شنو الح 

  :: مو اكول هسه انا راسي صاير طبل وانتي ترديني احچيلج 

       =. حقك عم ... 

       اتنفس بعمق :: بردت على السالفه ما ردت استعجل لان خفت 

  ‎منين خفت = 

   :: من النذل غزوان خاف حاجي الاحد صرت اباشر شغلي بالحقل واسافر البغداد بس انا ما جنت اروح البغداد 

   = لعد وين تروح 

:: احضر لانتقامي 

   =شلون ؟

:: چان بين شغل غزوان وكاعهم منطقه مگطوعه هيمه بس ما يدخلوها لان طريقهم موعليها وچان 

وره هاي المنطقه قريه ف انا صرت اجي امشي بيها بدون محد يشوفني او كولي اعرف بيا وكت اروح 

كملت كل شي واجه وكت الانتقام 

باوعلي ::شعجب ساكته ما كلتيلي كمل

بقيت ساكته هو رد :: بيومها امنت سيارتي يم جماعه واجيت اتمشى چان النذل جاي من بيتهم بسيارته شافني 

جاي اتمشى هو وگف ونزلي اتسالم وياي شلونك خالي 

رديت علي واتحاضنه سالني // ها خالي شو اهنا 

:: اي جاي على ولد اطلبه فلوس وخابرني 

- - سيارتك وين 

:: عطلت واجيت بتكسي وما رضى يوصلني ايگلي ما اندل ارجع همزين شفتك وصلني بدربك لو عدك شغل ؟

حك خده // هو من ناحية عدي شغل عدي بس اوصلك 

  :: لا بويه ما اعطلك روح اتاني بلكي تجيني سياره منا منا 

- - خالي ليش ما تروح علينه ترتاح يم اختك وتتغده والعصر نجي انا وياك 

:: لا بعد خالك هذوله التطلبهم من يجون يداينون يجون يتمسكنون عوزهم يحبون ايدك ومن ياخذون الفلوس 

انت تصير تتوسل بيهم وهمه اهل الراهي وانا اذا ما اروحله ع الموعد وداعتك بعد دووم ما احصله 

- - ياالله خالي امشي اوصلك 

   :: لا بويه رووح على شغلك 

  - - صدك جذب شغلي ما طاير

:: جا خوش ذبني يم المشروع وارجع انا مناك اخابره يجيني حتى انت هم ما اتعطل 

اهنا هو آمن كلش لان انا لا سياره ولا مبين عليه ضايج وكتله ذبني يم المشروع وهذا مكان مو بعيد يعني 

شغلة ربع ساعه 

ركبت بالسياره وهو يسوق ويگلي // والله لو نروح للبيت تشوف امي والعصر انا وياك نجي 

:: لا اجيب فلوسي واروح اشوف امك بس مو تخابرها خليني اسويها الها مفاجئه 

- - - ههههه بس انت تعرف امي 

  :: اي هسه من تخابرها راح اتگلك ها توه اتذكرني لو ما يطلبله واحد ما مر ولا نشد 

هو حجى بضحك // وانوب ترد عليه وانت هم مثله ولو يصح بيدك ما تكلي صباح الخير

  ضحكنا وحاجيته :: اكلك خالي انت من تجي دير بالك تره الوكت ما يتامن 

  - - لا تخاف عليه ماخذ حذري 

  :: عاد شايل سلاح 

    - - اي هذا بالجكمجه 

بالبدايه ما فتحتها سالته :: بس كون مرخص 

  - - خالي ما عدي شي كلهم جماعتي

فتحت الجمكجه وطلعته باوعتله عرفته مسدس ابوج گتله :: وهو بيدي هذا قديم 

  - - بس يوفي بالغرض 

:: اي هم صدك 

خليته بيدي بدون اهتمام مشينه بالسياره الى ان وصلت للمكان المحدد كتله :: اطبك خلي اخابر الولد اهنا بلكت يجيني 

طبك والمسدس بيدي هو ما منتبه نزلت وطلعت نقالي بحجة اتصل درت على جهته وصلت يمه وانا مسدسي بجيبي 

فتحت الباب وصوبته على راسه وكتله ::انزل

ارتبك بس بين عود ما خايف ابتسم // شني خالي تريد اتسلبني 

هزيت راسي :: اي اريد اسلبك مو انت گبل سلبتني 

- خالي انت شتگول 

:: السمعته 

نزلته وگعدته بالكاع هو كلي // خالي تتشاقى 

هزيت راسي :: لا ولا بيوم جنت جدي مثل هذا اليوم

- - خالي شصاير سني السالفهر

:: لا تسميني خالي ياعار 

صار يرجف من الخوف // غير اتفهمني انا شمسوي

بدون ما ارد صوبته برجله يم الركبه هو صار يصرخ ويتوسل // دخيلك خالي انا شمسوي 

:: ما مسوي شي بس معتدي على عرضي 

اهنا هو رغم الالم والدم الي جاي يطيح منه سكت 

= شجان رد فعله 

  :: جريدي جبان شنو رد فعله بالمثل 

دنكت وجاوبت =. دا اسالك

صار يتوسل // خالي هي غوتني جي شفت عليها هواي مصايب خافت لا افضحها وتال ذبتها براسي وانا ما قصرت 

خطبتها وگلت استر عليها بس بهاء سبقني والله ينطي هو ستر عليها 

:: ها يعني انت ما معتدي عليها 

- - لا خالي شلون اعتدي على عرضي هي غوتني والشيطان شاطر اذا ما تصدك واجهني وياها اصلا انا من خطبتها 

ردت استر عليها واكعها شفتها ويه اكثر من واحد تطلع من المدرسه لو من صارت تروح ابحدها 

تختل بالبستان شفتها شوف عيني

:: اهنا انا ما اتحملت ماخذلي بوري شلته وصرت اضرب بي بكل مكان سكطته وكل هذا ما شفى غليلي 

   بلعت ريكي = شسويت

::كتله كوم اركض هي طلقه الموتتك امك قابضه فصلك والبقيت عايش بس تباوع بعيونك 

وكف رغم البي دم ينزف من كل مكان وكوه يمشي خليته شويه يبعد وضربته طلقه بظهره غدرته مثل ما غدرني 

وصلت يمه دنكت شفت بي نفس اخذت نقاله خليته بسيارته ورحت شكيت تايرات السياره بسجين ماخذها وياي 

تالي لاگينه جماعه بي نفس وناقلينه للمستشفى

= معقوله سعاد ما شكت بيك

::لا ما شكت لان تدري باابنها هواي بيومها من خابروني انا چنت ابغداد واجيت انا وكريم ورحيم ورحنه وگفنا 

بالمستشفى وانطيتها فلوس خاف تحتاج علاج وعمليات 

= يعني انت كان باامكانك ان تقتله وومحد يعرف بيك 

هز راسه :: اي طبعا 

= لعد لويش خليته عايش 

:: ردته يتعذب مثل ما عذبج وعذبني 

= او يجوز اتعمدت تخلي هالشكل حتى تذلني

فرك خشمه وصار ينفخ بعدها غمض :: هذا تفكيرج وين ايوصلج ليش بالمثل اريد اذلج شنو جانت عدج علاقه وياي 

سنين وعفتيني ورحتيله وتالي هو خانج وانا سويت السويته حتى اعذبج واذلج من ترحين وتشوفينه يكلج سامحيني 

مثل المسلسلات التركيه ولج انا عوقته خليته اخو الميت بس يباوع بعيونه لا يحجي ولا يتحرك

بلعت ريكي لان عرفت نفسي غلطت بكلامي ردت اتجاوز الموضوع :: يعني انت هالشكل سويت ويا لان اعتدى عليه 

رد بدون نفس :: انتي شتشوفيين 

= زين بدون زعل اذا فرضا اعتدى لا سمح الله على اي وحده غيري وبنفس ظروفي شتسوي 

    :: طلقه بگلبه واموته 

  = لعد ليش خليته ما موته

اتنفس بعمق :: ردت اعذبه مثل ما عذبني واعذب امه لان هي الجسرته ولان هو مو بس اعتدى عليج لا اعتدى 

عليه انا خاله الربيته وتعبت علي اعتدى على بتي على گلبي وعلى روحي 

= اريد اروح 

     هز ايده :: وين 

     = اخذني اريد اشوفه 

باوعلي هزيت راسي كلي :: عوفي شتسوين ترحين 

جاوبت بحرگه = اريد اشوفه اريد اتشمت بي وباامه بلكي گلبي يبرد

نزلن دموعي هو رد. :: لا تبچيين اخذج 

= يمته 

:: بااقرب وكت

  = اريد اروح هسه خلي نروح الله يخليك 

   :: اخذج بس مو هسه 

  = ليش اخذني هسه حباب 

   :: انطيني مجال 

  = اليمته

   :: شبيج وجدان ابد ما جنتي تلحيين شبيج صرتي هالشكل 

=. من الشي المريت بي 

:: حقج وما الومج 

بقيت اتنفس بدون ما اجاوبه هو هز راسه :: ميخالف اخذج بعد يومين بس لا تبچيين كافي 

وكف وكلي :: ياالله فوتي نامي وانا هم راح ادخل ارتاح

= لا اني حبقى كاعده 

:: وليش باالله 

= بعد شويه وياذن المغرب ومن انام اكيد ما راح اكعد للصلا 

باوعلي وبوجهه ابتسامه :: حتى انا ما راح انام صدك خاف ياذن وما نسمعه

الفصل الواحد والخمسون من هنا 

شكرا لزيارتكم عالم روايات سكيرهوم