رواية قصة وجدان الفصل الواحد والخمسون 51 بقلم انين الليل

رحت الغرفتي واحجي ويه نفسي معقوله الي سمعته عاصف مسوي كل هذا الشي على مودي 

او لان امي وصته او لان كان ايحبها 

زين اني شلون لازم اتصرف ويا 

بشنو 

بوضعنا

عاصف ما طالبني بشي يمكن مرات اشوف نظرت عيونه الي وحسيت برجفة كلبه لكن بكل الاحوال هو رزن 

وما مطالبني بااي شي 

يمكن يريدني احبه 

وانتي 

اني شنو 

ما تحبينه 

ما اعرف احبه لان عمو الي رباني ودار باله عليه لو احبه لان عاصف الي سوا كل شي حتى اني ابقى واكون ايهنا 

ما اعرف افكاري مختلطه بعدين عاصف مو زغير اكبر مني بهوااي

اتوضييت وصليت وبقيت بغرفتي متمدده على فراشي وكلام عاصف جاي ينعاد بااذني 

هو سوا الي سوا بغزوان لان اعتدى على بته وكلبه وروحه 

اندك الباب استعدلت بكعدتي هو دخل سالني :: بيج اتطلعين ؟

رفعت راسي ابتسم :: يعني نتمشى تغيرين جو 

= لا ما بيه تعبانه هوااي 

: : بكيفج 

= مو لازم تنام وترتاح

دار بدون ما يجاوب حاولت اغفى ما كدرت كل الكلام الي كاله الي عاصف جاي اتخيله كدامي 

استغربت من قوة هذا الرجال وبنفس الوقت حنيته بحيث اشترى العلي بلي قبل ما يجي يكعد ويانه 

اتذكرت لمن اتمرضت واخذني البيتنا ومن دخلت ما دخل وياي لكن صورته من طلعت وشفته كاعد ويمسح 

بدموعه هذا الشي اثر بيه هوااي ولا يمكن انسا

حسيت بي بالصاله لان سمعته يحجي :: اي هسه جاي 

:: ما ادري حسب الظروف 

:: تمام ياالله 

سمعت باب الشقه انسد عرفته طلع وين راح والمن وحتى ما مر وكلي اني طالع

اتمددت ع القنفه وصرت اباوع للتلفزيون. وبنفس الوقت اسال نفسي = هو مو تعبان مو راد ينام وين راح 

صرت ادور بالقنوات لكن بالحقيقه ماالي خلك يعني ليل وجايين من سفر وتعبانيين وين ممكن يرووح 

كعدت اتثاوب لكن بنفس الوقت ما جايني نوم صدك ملل بقيت بالصاله انتظره مره اشرب جاي ومره اكل جبس 

لگيته بالثلاجه

واحجي =. اذا ابقى هالشكل راح اصير فيل يعني بس اكل وانام اي شي ما جاي اسوي 

= مو كلج امشي نتمشى وانتي ما قبلتي 

لملمت حلكي وهزيت ايدي = هاي لو اني گايلتله خلي نتمشى كان طلعلي الف عذر وعذر

رجعت للغرفه حاولت انام لكن ما كدرت رجعت للصاله صرت اباوع على فلم اجنبي وبعدها هماتين طلع فلم ثاني 

ما حسيت على نفسي اله وصوته بااذني وانفاسه تطخ بخدي وهو يكلي :: شو اكعدي. فوتي نامي بعرفتج 

باوعت النفسي نايمه ع القنفه على صفحتي باوعتله هو ابتسم :: صار اشكد اندهج وانتي غزكانه بالنوم

فتحت عيوني مستغربه اتذكرت البارحه كنت اباوع للفلم سالته = بيش الساعه ؟

:: بثمانيه 

اتثاوبت = انت توك اجيت مو ؟

:: فوتي ادخلي كملي نومتج بالغرفه 

عرفته جاي يتهرب من الجواب وجزمت هو كان ويه وحده

رحت للغرفه وهو هماتين دخل الغرفته اتمددت على فراشي ردت انام لكن ما كدرت لان الفضول يقرا 

وياي مليون اريد اعرف هو وين كان ويامن دك باب الغرفه وحاچاني 

:: گاعده وجد 

رحت فتحت الباب گلي :: لا تطلعين ابقى بالغرفه 

باوعتله هو رد وهو يدخن :: جايين عليه جماعه 

رن موبايله رد 

:: الو

:: اي خويه جايلك دقيقه

باوعلي :: ابقي بالغرفه ولا تطلعيين 

حركت ايدي = ليش ؟

:: جايينه ناس

رجعت كعدت ع الجربايه واتساءل = ياترى منو هذوله الجايينه؟

= اكيد اصدقائه 

كعدت واني اسمع تلطيش كلام يعني ما مفهوم تقريبا ساعتين اقل اكثر 

واني باقيه بالفراش بدون ما انام اندك الباب فتحته هو كلي :: راحو اذا تردين اتطلعين 

طلعت وهو ايكلي :: هاي خليت ا هنا كامره وبالمطبخ كامره

  باوعت شفت شاشه مشتغله واني دا اشوف كل البره ما عقبت رحت للمطبخ اريد احضر ريوك لان كلش جوعانه 

حسيت بي واكف وراي ويحجي 

  :: هاي خليتلج كامره خاف اطلع واتاخر وتجي نهوده تريد تكتلج عاد عدنا عليها دليل

ما رديت هو طلع واني حضرت الماىده مثل كل يوم ورحت للصاله ما لگيته دكيت باب غرفته سمعت صوته :: جاي يابه 

رجعت كعدت هو اجه :: صباح الخير 

= صباح النور 

:: نمتي 

هزيت راسي = لا 

:: ليش 

= ما اجاني نوم

صرت اختلس اباوعله وارجع اكل واعرف بي هو هماتين يباوعلي وكل شويه جايتله رساله ع الواتساب يباوع 

الها ويرجع النقال المكانه كال :: الحمد لله بلا زحمه من تكملين استكان جاي 

ما جاوبته كملت ريوگي واخذتله استكان جاي كان كاعد بالصاله ويدخن اخذ الاستكان واني كعدت هيج اريد اراقبه 

صار يشرب ويدخن سالته

= ليش ما ترد 

:: على شنو 

= على الرساىل الي دا تجييك 

:: مو مهم 

= ليش يجوز شغل ضروري ،

:: حتى لو ما يعجبني ارد

وصلته رسالتين بنفس الوقت وكفت وحاچيته ابرود = رد يجوز البارحه الي نمت عدها ااا العفو الي نمت عدهم محتاجيك 

باوعلي باستغراب او يمكن متفاجى :: لا النمت عدهم محتاجين يردوني ابقى يمهم يبيعون الدنيا بس حتى يرضوني 

=. كان ما اجيت وباقي يمهم 

:: مو انتي بعدج ما تعرفيني انا واحد ما افتهم جاي اركض ورا سراب ما اله نهايه 

سمعت جملته صدك رجفت وريگي يبس هو باوعلي 

  :: اذا خلص تحقيقج روحي ارتاحي وبعد لا تفتيين من بحدج

وگف وسالني :: محتاجه شي اروح اجيبه 

= لا كل شي موجود 

:: زين انا تعبان اروح اتمدد بغرفتي 

حبيت استفزه = لازم ما نايم 

ابتسم :: البارحه طولت بالسهره ومن رجعت مو راسا نمت راح انام ومن اكعد اروح اجيب غدا 

( اتثاوب ) شوفي شنو مشتهيه من اكعد كليلي

راح للغرفه وانا بقيت گاعده بالصاله بعدها رحت غسلت الصحون ورجعت للغرفه هم اتمددت واحجي 

راح يصير بيه كساح من الغرفه للصاله للمطبخ

تستمر القصة أدناه

اندك الجرس بقيت بمكاني اندك مره ثانيه سمعت باب غرفته انفتح اسمعه يكول :: هلا بيكم حياكم الله اتفضلو 

:: تعاي وجد شوفي منو اجانه 

طلعت اباوع شفت عمه امل وعمه انصاف وهنه فاتحات اديهن رحت حضنتهن وهنه يبوسني ويكولن 

• - هذا اليوم الي اتمنينا

عمه انصاف تهوس بعباتها // شايف خير ومستاهلها كللووووش 

امل //افرح لابن العم تعتاز ايامه 

وهواااي وانا فاتحه عيوني ومبتسمه هو يباوعلي ويضحك 

امل // صلوات صايرين تخبلون من يمته عاصف من گتلك 

انصاف تصفك // نعله على بيه الگال عاصف مو حلو هو ببسي ونستله وحامض حلو

وكلساع وحده بايستني 

سالهن بعد ان گعدن :: منو جابجن 

امل // غانم 

:: وين راح 

- - كال يروح يفتر وتالي يرد علينه ما تدري بي يستحي

  راح الغرفته وجاب تلفونه خابر :: الووو 

::بساع تجي وجيب وياك غدا 

::اسمع الكلام غانم هذا بيتك وبيت امك گبل لا يصير بيتي 

امل // عساك سالم 

انصاف // جا ليش ما وديت علينه 

يحرك برجله :: صارت بساع ما لحگنه 

امل //مهنا وشايف الف خير تستاهل خويه

:: الله يحفظج 

انصاف // خو رجاء ونهاد ما سولهن مسرحيه 

امل // ولا سوون نشاد بيهن 

باوعلي :: گومي جيبي عصير 

امل // لاعمه سويلي كهوه شو راسي يوجعني 

:: سوي ريوك بسرعه 

امل // لا وداعتك ريگنه غانم بالدرب كيمر وجاي بس انا ظليت اسولف علي اخافن ينعس وهالراسي وجعني 

گومي عمه سويلنه كهوه اذا عدكم

رحت اسوي گهوه وهو بقى يسولف وياهن جبت تلث فناجين قدمت الامل هي كالت انطي العاصف 

نطيته وهنه اخذن كل وحده فنجان ورحت جبت بطالة ماي انصاف // شني تبقون هنانه 

:: جا وين يرحون 

• • اكول عاصف متعود على نفاه وهاي الشقه زغيره 

:: كافي علينه شعدنا

امل // شبيها ايدك 

باوعلي :: انجرحت 

- - بيش 

ابتسم وهو يباوعلي وانا مرتبكه :: لو تدرن بيش وشلون 

هنه باوعلي ورجعن باوعله وعرفت عاصف راح ايگللهن تهمتني بايك فلوس ومسدس ابويه وسوار امي 

هو حمحم وهو يبتسم وانا احك بشعري من گد الربكه

:: بت اخوجن رادت تتعلم السياقه وترمت عليه گبل اول امس اله اتعلمني هاي صار شكد اكعد علمني السياقه 

اگوم علمني السياقه المهم اخذتها اول مره زين وفهمت الدرس تالي داست البانزين حييل زين ما طيحتنا من الجسر 

دعمت الها سياره وانا ايدي وحتى هي تره ايدها انفصخت بس جاي تكابر كدامجن 

انصاف //. احنه ابختج ياعمه وكت سياقه 

امل //. خلي ايعلمها 

انصاف // ويو هناك سمعو 

امل //. والا سمعو شنو ما يعرفونها لو ما يدرون بيها

انصاف ترجف بديها //. يممه كون تدري نهاد چا ترمت على مهدي يعلمها تسوق ويشتريلها سياره 

امل //. منين يشتري من كملاته شني هي مخليه عده فلس عانه حضرت نهاد خانم 

انصاف //. كله من امي وابوي نفكوها براس مهدي 

امل // كله من رجاء اختي واختي وانصدمت وابنكم سوا بيها الما يتسوى نجلها وعافها ومن هالسوالف التعبانه ،

تاليتها مهدي مسودن وساتره علي الهدوم

امل //. انا دووم اكول لو ما عاصف احنه شلون بينه الله يطول عمرك ويوفقك

انصاف // من خابرت امي وگلتلي ولا صدكت 

امل تباوع العاصف ومبتسمه // انا ادري 

انصاف // منين تدرين 

امل // هسه عوفينه مهنا وشايف الف خير 

انصاف // هم تدرون احمد يگلي يمه مو عمها شلون اخذها 

امل // حتى انا كرايب ابو غانم ينشدونه (باوعتلي ) اگلج شني توكم كاعدين من النوم فوتي اسبحي وبدلي

استغربت من عمتي وخجلت بنفس الوقت فتت للغرفه وعماتي. اجن وياي طلعت فستان وفتت للحمام وهنه گعدن 

ع الجربايه بسرعه سبحت وطلعت عمتي امل اللهم صل على محمد وال محمد نعيما يروحي 

ابتسمت بخجل = شكرا

صرت اسشور بشعري وعمتي انصاف اتقربت مني // خلي شويه مكياج من دخلت وشفتج ولا جنج عروس 

امل // تره عاصف خوش ولد ياالله شدو حيلكم وجيبولنه ولد

انصاف // شني نريد العاصف هواي جهال يصيرون عده تره رجلج عده خير من الله ويرادللى واحد يشيل كبرته 

عود شبيج ساكته شني مستحيه تره هاي سنة الحياة

لبست وكملت وحتى عطر خليت وخليت الهن وياي سالتني امل / / ياهو اجاكم 

حمحم وسمعته يگول :: ياالله 

شكد اشتاقييت الكلامه اجه لابس دشداشه بيضه والعطر يخبل والساعه كال // انا رايح شويه واجي 

امل // وين رايح 

:: شغله ما اطول من يجي غانم اكعدن يمه 

انصاف // خويه لا تكلف نفسك ع الموجود وغانم راح يجيب غدا 

:: وداعتجن جيتجن هاي مال ذبيحه 

انصاف //. فدوه الطولك عساك سالم يبعد اختك

ابتسم على ملام عمتي هو اشرلي يعني تعاي 

سبقني للصاله وصلت يمه باوعلي وصفن سالته =. ها ردتني 

:: احم احم اي تفوتين للحمام تاخذين الكلبيه مالتي تخلينها بغرفتج مفهوم 

     فتحت عيوني ع الاخر هو رد :: تعلگينها كدامهن ومن يجي غانم قبلي حاولي لا تطلعيين الى ان اجي انا 

بقيت ساكته سالني :: شبيج 

رفعت اكتافي = لا ما بيه شي 

ابتسم واتقرب حجى بهمس :: طالعه تخبليين

ما جاوبته اتنفس :: رايح ما اتاخر 

رديت علي بخبث = خاف مثل البارحه 

مد السانه يبلل شفايفه :: لا مو مثل البارحه البارحه انا معزووم 

‎ونمت هناك = 

:: اتاخرنه بالسهره 

= ويامن نمت

باوعلي وخزرني :: روحي يم عماتج زحمه 

= يعني الي دا افكر بي صحيح 

:: لا تشغلين راسج من تكبرين اتفهميين 

طلع واني رحت للحمام جبت الكلبيه من الحمام وعلكتها بالغرفه وعماتي كالن // خلي نكعد بالصاله 

عمه امل //. من اجت نهاد انتي شسويتي 

= اني بقيت ساكته لان عم ... عاصف ميقبل ارد

انصاف // عفيه جساره جايبه افريحه وياها شني لدالهن عاصف يعوف وجدان من تجي وتتبجبج لو يخاف منهن 

هي شمالها ولا جنها طالبة كليه عشتو 

امل // لا دادا هاي سوالف نهوده هي هسه قائدة المجموعه 

• • ابتلش بيها مهدي 

• • وداعتج اظن من يفك حلكه اتفرسه 

اتحسرت انصاف // اي صدك مهدي اتدولب بيها وهي مسيطره محد ايوكفها عد حدها 

امل // بس عاصف چعمها واله هي ياجبل ما يهزك ريح 

انصاف //. والهسه الله يعينه شيريد يلحك على يا مصايب على يا شغل

امل سالتني // ورجاء من اجت 

رفعت كتفي = ما حجت بس ( سكتت. ) 

امل //. شصار 

= هو صار يعيط عليهم وبعدين راحو 

انصاف // كله من امي هي كبرت راسها وبلشت عاصف بي 

امل // امي هم حكها نسيتي ابوها شگال 

انصاف //. ما نسيت جابولنه هالحيايه على بو بنات عمنا وياريت بيهن خير

انصاف نترت بيه وهي تضحك // ولج شو ساكته شبيج 

ابتسمت امل وهي تضحك // فدوه جا هو ليش طاير بيج 

ا نصاف // الله عليج انتي تدرين 

امل تهز براسها // اي عاصف فاضحته عيونه من اول ما اجت الرجال عيونه تدور عليها من تاكل من تمشي من تحچي 

عرفته عاشكها وضام بگلبه لو تشوفينه من اتمرضت واخذها البغداد ما ينام ولا يگعد محتار بيها

انصاف // جا ليش من سولفنه علي من عافت المدرسه مو كال سدو الموضوع 

امل // اي رادها اتكمل ولو ما بهاء الهسه ما ماخذها بس ابن اخوج نجلها عبالك عدوته اسكتي انصاف 

عاصف ما يقبل تطلع حچايه 

انصاف // لا المن اطلعها كله بيك يطلع ويخزيك 

امل حاچتني // ديري بالج على عاصف عمه تدولب وشال هم بكد الجبل 

انصاف // اي ولا تظليين فاهيه عمه بعدج زغيره فرحي او ونسي

صدك خجلت وما جاوبت انفتح الباب واجه عاصف جايب لبن وعصائر وفواكه امل لاكته واخذتهن منه 

انا كتلها = عمه ارتاحي 

امل // شرتاح شمسويه المفطح كملته هو اريد اغسل الفواكه واخلي اللبن بالثلاجه 

= اني عمه 

- - لا انتي روحي اكعدي يم رجلج

اخذت امل العلاليك واني رجعت اكعد يم عمه انصاف هو دخل الغرفتي انصاف گالت /= شو گعدتي ما ترحين يمه 

يمكن صخنت من كلامها ردت // فوتي روحي طلعيله دشداشته شوفي خاف محتاج شي 

ما جاوبتها // شبيج عمه استحيتي شني كايلتلج روحي نامي يمه دا كومي انا رايحه يم امل

رحت على مضض للغرفه فتحت الباب بهدوء شفته جاي يلبس بالكلبيه هو شافني :: هاا 

‎عمه انصاف وحچيها = 

:: ههههه شكلتلج 

بقيت ساكته گعدت ع الجربايه اجه هو گعد بصفي :: مضطرين هالشكل نسوي انتي فاهمه مو 

هزيت راسي 

:: لذلك انا ما اخلي امي تجي هي وعلاوي اهنا 

باوعتله وسالته = يعني احتمال عماتي يباتن اهنا 

:: يجوز 

= صدك 

حرك اديناته :: شني بالمثل اطردهن هلا بيهن 

بقيت مدنكه هو اخذ التلفون اتصل :: ها خالي انت وين ليش اتاخرت 

:: اي ياالله استعجل 

وكف وكال :: ياالله خلي نطلع 

= مو راح يجي ابن اختك 

:: اي سلمي عادي انا موجود

من ردنا نطلع باوع الوجهي مد ايده على يمكن خصله من شعري ضماها جوه الشال حسيت بدگات گلبه بلعت ريكي 

واني دا احس باانفاسه هو فتح الباب وطلع واني ورا ودا احچي ويه نفسي 

:: لعد البارحه انت وين 

كعد ابين اخواته رغم هو ابن عمهن بس مبين اكثر من اخوهن ابد ما فد يوم حسيت هنه بنات عمه اصلا دا احس 

مهدي عبالك مو اخوهن باوعتلي امل وهي تضحك // اكلج اشو مكتره روحج وگاعده بعيد عنه ما تجيين

= لا اني كاعده بمكاني 

انصاف // جا ندري بمكانج تعاي اگعدي يم رجلج 

امل // عوفيها انصاف مو تدرين بيها تستحي 

• هو شني تستحي كومي عمه اكعدي بحضنه مو بصفه

دنكت من كلام انصاف وهنه صارن يصنفن عليه ويضحكن ويه عاصف الي كان يضحك ويباوع عليه وانا مره ادنك 

مره اباوع الغير جهه كل وحده فتحت جيزدانها وطلعت علبه زغيره انصاف طلعت محبس ذهب خلته باصبعي 

وباستني وامل جابتلي مداليه زغيره عباره عن عين لبستها الي عاصف كال :: ليش هالزحمه شنو نعتب عليجن 

  امل // لا عاصف هذا شوباش وجدان شوباشك من تجي خروف شكبره 

:: وصلت ام غانم جيتجن اليوم تسوى الدنيا 

• - تعال اكلك احنه شنجازي منك تستاهل ماي العين

اندك الباب امل // اكيد غانم 

:: هلا بي 

راح فتح الباب ويگله :: هلا خالي حياك الله 

- - السلام عليكم 

:: عليكم السلام وهلا 

تسالم ويا وغانم ايكله // مبروك خالي وشايف الف خير 

:: الله يباركلك اتفضل

وصل انا وكفت مدنكه هو سلم // السلام عليكم 

= عليكم السلام 

- - مبروك مرة خالي وشايفين كل الخير 

جاوبته بخجل /= شكرا 

امل // هلا يمه الله يساعدك 

غانم // الله يساعدجن بس كون شبعتن سوالف 

انصاف // شني على هالساعه 

امل // شو اطيني شجايب

اخذت امل العلاليك وانا وكفت رحت وياها صرنا نحضر بالغدا امل صبت العاصف وغانم وگالت خدري الجاي خدرت 

الجاي واجه عاصف اخذ الصينيه عمه كالتله // هذا غداكم انت وغانم 

:: وانتن 

- - احنه هذا غدانه راح نروح الحجرتك وجايكم جاهز بالترمز من تخلصون صبولكم كوبين

اخذ الصينيه وامل شالت غدانا وراحت للغرفه وانا بقيت بالمطبخ اجه عاصف اخذ اللبن والماي مني واني اخذت النه لبن 

وماي ورحت للغرفه صرنا ناكل وانصاف وامل يسولفن ما اعرف على منو لمن ما كملنه وغسلنه بالغرفه بعدها امل 

وانصاف شالن الصينيه وراحن واني بقيت بالغرفه لمن ما سمعت عاصف كال :: تعاي وجد وينج 

عدلت شالي وطلعت رديت = بلي 

امل // تعاي اكعدي شلقصه مستحيه من غانم مثل اخوج 

غانم رد //. واكثر اختي ومرت خالي 

:: الله يحفظك

كعدنا وهمه يسولفون على ارض زراعيه ما اعرف المن بعدها غانم باوع العمه امل // ها يمه نروح 

عاصف :: وين ترحون اهنا تبقون تباتون نريد نشوفكم 

امل // جايه الايام خويه بس تدري لازم انمر على بيت حماي عيب يسمعون جايين وما مارين بيهم 

:: حتى لو يسمعون اليوم اهنا تبقون 

امل // لا خويه حماي تعبان لازم نروح نشوفه الدنيا صوت وموت

سال غانم :: ها عمك مريض 

- - اي خالي تعبان گلبه 

:: ما يستاهل الحجي لازم اروح اتشافاله ،

امل // خويه عاصف احنه جايين نبارك وشفناك وما تدري من سمعت بيك هاي الدنيا كلها ما وسعتني وداعتك 

ولو بيومها انا اهنا جان شفت شسويتلك 

:: الله يخليج ام غانم ادري بيج انتي وام احمد ما تقصرن 

امل // انت عزيز علينه وانا دووم اكولها كدام اولادي وكدام عيالي لو نشعلك عشر اصابعنه شمع ما نوفيك 

انصاف //. اي صدك لو شنسويلك مو حقك انت اشتغلت وتعبت وسويت الي اخوانه اولاد امنه وابونه ما سوو النه

:: لا يابه ما سويت اله واجبي وغصبا عليه انتن اخواتي ومسوولات مني 

امل // وانت ما قصرت حتى سعاد تكول محد وگفلي بشدتي غير اخوي 

باوعتله هو هز راسه :: يمعوده هاي مسكينه الله يعينها 

امل // وهسه عاصف احنه جاياتك بشغله 

:: خير شكو 

- - كل الخير مهدي 

رفع حواجبه :: هاا شبي 

انصاف // مهدي ودانه عليك 

حچى باستهزاء :: مهدي لو نهاد

انصاف // عاصف الفاس طاح بالراس شنسويلها 

:: اي هم صدك شبي مهدي 

- - يكول عاصف يريد نتبايع ع الگاع وانا من ابيعها وين اروح وهو يدري بيه انا مو مال شغل وتعب 

ابتسم :: جا ماليش نهاد مسويته طلي حاطه بركبته حبل وين ما تريد تگوده 

انصاف // حظه هذا 

:: وشيريد اقصد حضرت نهاد شتريد

امل //. ااخ ياخويه ما يفيد الحچي انت انظلمت ابوي ظلمك بس انت سبع ونجر ومهدي امي وابوي ظلمو وهو فقير 

لا يحل ولا يربط 

انصاف // عاصف تدري بي ما يتخرج ومن يبيع الگاع وداعتك سنه الفلوس وينكرطن وانت التدري 

صار ينفخ. امل حچت //. هاي صار جم يووم انت شلت ايدك منه وداعتك هسه هو محتار بعيشته 

هز راسه :: الله كريم يصير خير 

غانم //. خالي هويكول احنه اخوان لاتخربنه مره 

:: يقصد عليمن 

امل // مو اكلك كل شي ما يتخرج دير بالك علي الخاطر ابوي بكبره

نفخ :: اشوف لو اخلي اياجرها لو اشتريها منه واسويله مصلحه يعيش بيها 

غانم // هو كال انت چنت تريد تفتحله اسواق جمله 

:: چنت بس هسه لا يحلم يريد يفتح يفتح من فلوسه انا العدي يادووب ايكفني 

- - اي خالي حكك بس اكول هو ما عده

:: لا عده وكل ريع احاسبه واطي زايد مو ناقص ويحمل بالسياره الشتريتها اله وكل درب اطي كروته وهاي امك تدري 

ما يصرف على بيته وفروخه لو فلس كله مني وهسه من تكله دايني الف دينار ايكلك دايني الفين 

- - ااه جا وين فلوسه 

:: ما وكفنه عليهن 

انصاف // عد نهوده واخوانها 

امل // وهسه خويه

ضرب على رجله :: هسه الخاطر جيتكم خلي بالكاع وسيارته جوا يشتغل بيها بس انا راح اشيل ايدي من مصرفه 

ومصرف عياله بعد هو مسوول عنهم 

امل //. هذا هو وانت ما قصرت 

:: ويمته ما يريد يبيع الكاع انا اشتريها وشرط اخليله شغله يعيش منها 

انصاف // عساك سالم ما قصرت ما ضاع الربى بيك 

:: الحمد لله ابوي غازي صاحب فضل عليه ولو شسويله ما اوفي 

امل // عاصف خويه هذا الي تسوي كرم منك الله يطيك ويوفقك

اتنفس :: بس بعد لهنا وتعذروني ما الي غرض لا بمصرف ولا بعمال ولا بفلاح هو ينتبه النفسه 

غانم // اي حكك نعم الله عليك 

امل // عاصف خويه ورجاء 

:: شبيها 

- -:امي هلتروح هناك ياهو الها ياهو يخدمها امي شگد ما تضوج من رجاء بس متعلمه عليها 

:: بكيفها وين ما تريد تروح تظل شي راجع الها 

انصاف // خوش ما طول انت اهنا هي تبقى يم امي ومن تجي تروح البيت ابنها 

:: حتى لو ظلت يم امي انا ما عليه بيها بكيفها بس الباب البيناتنه انا وصيت جابر يسده

تستمر القصة أدناه

انصاف // ياباب 

امل // الباب البين بيت عاصف وبيت بهاء 

انصاف // اي سده بكيفك المال مالك والبيوت بيوتك 

:: مو هذا قصدي ام احمد بس من ما تلكى احد يحترمك ابتعد احسنلي 

غانم // انا سمعت بهاء يريد يشيل للولايه 

هز راسه :: اي خلي يشيل اقلها انا اعرف راسي من رجليه 

- - عليش 

:: على امي نروح يمها لو نجيبها لهنا

امل // انت مو تدري باامي تحب الگاع وما تكدر تفاركها 

:: ادري بس بعد الظروف تحتم علينه 

- - الله كريم ياالله يمه خلينه نمشي نتوكل 

:: هسه ما الله يهديكم تباتون 

- - غير مره الجايات هوااي

وكفن وباوسني وانصاف تكلي // عفيه ابتي سولفنه وحچينه وما اتدخلت 

امل //. ديري بالج على عاصف 

اكتفييت اهز راسي اناف وهي تبتسم //. اگلج اموله شو هاي بس تهز براسها ومدنكه شبيها 

امل //. خيره على امها الله يرحمها ناسيه ماسامعينً صوتها للموت 

  انصاف //. اي صدك ما انسمع صوتها الله يرحمها 

امل // وانت عاصف هم دير بالك عليها

باوعلي ويبتسم :: شعدي غيرها 

رفعن ايدهن بالدعاء // الله يتمم عليكم ويفرحكم 

:: رحم الله والديج 

انصاف // كون الجيه الاخرى نشوفلج ابطينه 

ابتسمت وامل رافعه ايدها بالدعاء باوسني وطلعن وعاصف طلع وياهم غاب فتره ورجع كال 

:: راحو ردتهم يباتون اهنا 

= حتى اني ردت ايهنا ايباتن اصلا ما شبعت منهن 

:: على يوم اروح اجيبهن واخليهن يمنه اسبوع اكثر 

= علوا 

:: تدللين صبيلي جاي

رحت للمطبخ سويتله جاي جديد صبيتله باستكان وجبته اله اخذه وگلي :: شكرا 

= العفو 

صار يشرب ويباوع بالنقال حاجيته = اليوم هم عندك سهره 

باوعلي وهو رافع حواجبه :: على حسب 

ابتسمت ابتسامه كذب = اي اكيد طبعا على ما توصلك المسجات اكيد يعني تخبرك اقصد يخبروك شلون تجي 

:: اي زين تعرفين بهيج سوالف 

حركت ايدي = ياسوالف ؟

:: مو تكولين تخبرني شلون اجي بس ممكن اتفهميني شلون بنيتي فرضيتج

ابتسمت = مبينه يعني رساىل الواتساب ما اتوقفت الى ان طلعت مبينه من شخص واحد ورحت وبقيت وبتت 

وما اجييت اله الصبح ودخلت بدون اي حركه لا ولگيتني نايمه بالصاله ومن سالتك گلت اجيت من يمته وما حبيت اگعدج 

:: يعني انا جذاب 

= ما كلت چذاب يجوز انت ما حبيت تكلي وين كنت فانطيتني عذر 

:: لا چذبت فعلا جذبت لان ...

=ليش سكتت لان شنو

اتنفس بعمق :: تدرين كل البشر الله خالقهم انانيين 

= لا ما معقوله كلهم (حركت ايدي على شكل دائره ) 

:: صدكي كلهم حتى المتدينيين والمتصوفيين هم عدهم انانية 

= معقوله ؟

:: اي انانية الحب ال الله سبحانه وتعالى. اما الباقيين فهمه انانيين مثلا الي ما يريد الخير بس اله والي يريد الفلوس 

بس اله والي يريد كل شي بس اله

= واني اي واحد من ذوله 

:: يمكن كلهن 

باوعتله باستهزاء= حييل شطالبه منك انت شمنطيني 

::لا ولا شي بس هذا اليمج (اياشر على نفسه ) مستعد ينطيج كل شي يكدر علي وفعلا جاي ينطيج كل شي 

بدون ان يسالج ليش والمن ينطيج كل شي حتى لوانتي ما تحسين بهذا الشي 

= ملاحظ جاي اتمنني 

باوعلي بغضب واي كلمه زايده يمكن ينفجر جاوبني :: لان انتي بدون احساس فكل شي تفسرينه على هوااج

من سمعت جملته صدك رجفت وريگي يبس هو باوعلي 

:: اذا خلص تحقيقج روحي ارتاحي بغرفتج ولا تفسرين الامور حسب هواج

+

ما رديت رحت للغرفه اتمددت وانا استرجع كل كلامه عرفت عاصف يحبني الي وهم عرفت هو جاي يتاذى مني 

وصابر عليه 

اتذكرت كلام عمه امل من كالت هو عاشكني من اول ما اجيتهم معقوله كل هذا الحب عاصف هلگد يحبني 

زين اني شبيه ما حسيت 

= يا غبيه شتحسين مو عبالج عمج 

= اي وهسه عرفتي هو موعمج شراح يصير 

رفعت اجتافي = ما اعرف

= عاصف كل السوا على مودي المشكله اني ما اگدر اتقبله كزوج ولازم هو يعرف هذا الشي 

= هاي شكد صار هو ما طالبني بااي شي 

= اول وتاللي راح يطالبني بحقه كزوج واني بهاي الحاله شسوي 

==ابقي مثل ما انتي بس هو وعدني 

= هماتين بهاء وعدج واحسان وعدج

= عاصف يختلف عنهم 

= يبقى رجال واكيد تفكيره ما يختلف 

= لا يختلف عاصف يختلف عنهم شكم سنه بسنه واني يمهم ولا فد يوم شفته يحچي ويه رجاء ابحدهم ولا حتى شفتها 

اجت يمه للغرفه هذا الشي محيرني يعني هو ورجاء كانما مرت اخو مو زوجته

= هذا الشي الي لازم اعرفه واساله عن السبب 

= عاصف عباره عن صندوق اسرار

اتوضييت وصلييت بالغرفه وما طلعت للصاله ما اريد اتناقش ويا حسيت بي طلع من الشقه اني رحت للصاله گعدت 

شويه ع التلفزيون وبعدها سويت صحن فواكه واكلته 

ورجعت الغرفتي واني اسال نفسي = الى متى ابقى هالشكل اني دا احس نفسي مسجونه لازم اوصل ويا الحل

صرت اتكلب على فراشي لحد ما غفييت صحيت على ضربات خفيفه على باب الغرفه بقيت مغمضه 

حسيت الباب انفتح فتحت عيوني شفته عاصف راسا استعدلت وحاچيته بعصبيه 

= شلون تسمح النفسك تدخل ليهنا 

:: استبطيتج ما كعدتي دكيت الباب ما جاوبتي دخلت اشوفج

مسحت خشمي راح يمشي ناحية الباب بعدها رد عليه :: لاتنسيين انا الوحيد الي مسموح اليه ادخل بدون ان استاذن

عرفت قصده ما جاوبته طلع واني ورا بعد ان صليت قضا لگيته بالمطبخ باوعت ما لگيت شي اتقربت اخذت ماي 

الغلايه وخدرت جاي وطلعت بيض گليت وفتحت العلاكه لكيت صمون حار هو كلي :: جبت گيمر اذا يعجبج 

= مشتهيه بيض

خليت گيمر بصحن وبيض بصحن ثاني وصبيت كوبين وصرنه ناكل واحنه ساكتين وكانما انتهى الكلام 

الي بيناتنا هو راح للصاله واني غسلت الصحون والكوابه وصبيتله بستكان جاي اخذته اله خليته كدامه 

وهو يدخن شرب الجاي بدون ان يحچي وياي غسلت الصحون 

ورتبت المطبخ واجيت للصاله كعدت وما الي خلك كل شي

طلع وهوولابس دشداشه جديده عبالك يوميه ايفصله وحده حاجاني :: بدلي خلي نروح 

=وين ؟

:: طالعين بس البسي عبايه اسلاميه فوك الملابس 

= يعني ما اتكلي وين رايحين 

::ضايج طالعين نشم هوا

رحت اخذت حمام ولبست عبايه اسلاميه مسدوده وعدلت حجابي لان اني هماتين ضايجه واريد اطلع 

وصلت شافني ما عقب انطاني السوار كلي :: البسي 

لبسته وبعدها لزم ايدي الثانيه لبسني سوارت تلاثه مبينات جديدات ومحابس اثنين وحلقه 

باوعت للذهب وباوعتله :: البارحه جبتهن الج 

= شكرا ما الهن داعي اصلا حتى السوار ما احب البسه 

:: مي خالف هاي شكليات بس گدام الناس مجرد ما توصلين لهنا انزعيهن اذا ما يعجبنج ياالله اذا كملتي

هزيت راسي وهو طفى الكهرباء فصلها وقفل غرفته طلع واني ورا قفل باب الشقه 

صار يسوق شفت علامات الطريق عرفت رايحين للناصريه حاجيته = رايحين الاهلك 

ما رد سالته = مو جاي احچي وياك 

:: انتي شتشوفين 

= ما دامنه جايين لهنا ليش ما خليتنه نجيب علووش 

:: لان ما نتاخر 

= يعني قصدك نروح ونرجع 

هز راسه سالته = ليش رايحيين 

:: نامي اذا تعبانه

عرفت ما يريد ايجاوب او ضايج من شي حاچيته = وين مخدتي 

وكف السياره ونزل فتح الصندوق وجابها

  اخذتها وسالته = شعجب خالها بالصندوق 

:: ما اريد احد لا يگعد عليها ولا ينتچي 

ابتسمت = شكرا هوااي 

:: العفو رايده شي نوگف يم مطعم 

= لا شبعانه حدي

وكف يم محل شرب كهوه وجابلي اخذتها بالغصب = مو گتلك ما اريد 

شربت شويه ما اريد شرب هو الباقي حاسب واجه انطاني علاكه :: هاج هذا حب الشمس وعلج ونساتل وعصير 

راخذتها = شكرا 

:: العفو 

صار يسوق وهو ساكت حمحمت رد وهو يباوع للطريق :: ها شعندج 

  = ليش 

:: اعرفج من اتحمحمين معناتها عدج سؤال 

= اي ليش الكذب

:: اسالي 

= يعني انت لگييت مسدس بابا عد غزوان 

:: اي 

= معناتها سعاد ماخذه السوار وغزوان ماخذ المسدس ومتقاسمين الفلوس 

هز راسه :: لا تفسيرج غلط سعاد هي الماخذه كل شي 

= شلون عرفت 

:: عرفت

=. اي غير تنورني 

:: من نزلته والمسدس بيدي سالته هذا مسدس سعدي 

جاوبني بخوف اي الي امي انطته الي 

:: تدري امك سوت احسن شي بحياتها حتى من اكتلك اكتلك بي

= يعني انت قتلته بمسدس ابويه 

هز راسه :: اي بمسدس ابووج وبذيج اللحظه ...

سكت واني ما حبيت اطخ ويا بالكلام لان شفته حييل ضايج صرت اتصور الموقف خليت المسند جوه راسي 

حسيت بايده لازمه ايدي جفلت سمعت صوته :: ياالله اكعدي 

فتحت عيوني هو گلي :: صحصحي

اتثاوبت واني لازمه ركبتي من وره باوعت هاي مو مضافة جدي دك هورن طلع رحمن اخو رجاء وهو يكول 

- - اهلا وسهلا حياكم الله 

نزل عاصف واني احس الدم جمد بعروقي اتسالمو وعاصف فتحلي الباب والرجال يگلي 

- - هلا عمي هلا بيج شرفتينه 

رديت بخجل = اهلا عمو 

- - تعال حسن وينك صيح امك اتفضلو

عاصف :: لا تصيحها ندخل داخل احنه موغربه 

رحمن // اووو ياخوي تدخل شتشوف 

:: مي خالف جاي اسلم عليها واروح 

- - وين ترحون اليوم اهنا 

:: شني نجربك رحمن

صارو يمشون // همزين اجيت عاصف هاي اختك صايره ما تنحمل اعصاب وما تتحاجى 

هز راسه :: الله يساعدها محد يلومها مصيبتها چبيره 

رحمن هز راسه // ادري بس هم احنه البلبيت شني ذنبنا ما تشوفني حتى من اجي تعبان اهنا اكعد 

:: ميخالف اتحملها انت تعرفها مو جديده عليك 

- - لا مو جديده. هيه حلوه وانوب اجاها المطر غركها احچي وياها عاصف رحمه الروح ابوك 

:: تمشينه هسه

مشو واني وراهم اعرف يريدني اشوفه للحقير احس بنفسي رغم خوفي من الموقف لكن اني قويه بوجود عاصف 

دا احس اكدر كل شي اسوي ووفعلا بهاي اللحظه ردت اشوفه 

دخلنه للبيت ورحمن ايكول // شني وينچن 

:: انطيها خبر خاف مرت ابنها اهنا 

هز ايده // يامرت ابنها اخذت الولد وعافته 

:: تحجي صدك ؟

اجت رحمه // اشلونك خالي 

:: هلا بعد خالج اشلونج 

رحمن // هو خالج لو عمج 

:: يابه ماكو فرق 

باوعتلي وحضنتني // هلا وجدان اشلونج 

ابتسمت = هلو حبيبتي 

- - هلا بيج اتفضلي

صرت امشي وراها لان همه دخلو قبلنا احنه دخلنه وراهم واسمع عمو رحمن // وينج سعاد 

طلعت من الغرفه والحزن والقهر مبين على وجهها // هاي انا قابل وين رايحه 

شافتنا اتقربت وهي اتدني بشيلتها على وجهها وصلت يم عاصف والحزن مبين عليها // هلا بيك ابو فرح 

:: هلا سعوده اشلونج (باسها براسها )

- - على الله بخير دامك بخير

باوعلي واشرلي بعينه وصلت يمها = اشونج عمه 

- - هلا هلا اتفضلو 

عاصف بابتسامه :: تخليها تحبج 

ردت بعبره حزينه // جا شريد منها هله بيج يروحي انا احبنها

بستها واعرف بيها ما تريدني ولا تطيقني =. اشلونج عمه 

- - على الله اتفضلو 

مبين الكسره بوجهها عاصف گلها :: نكعد اهنا بالهول 

گعد واشرلي اگعد بصفه جابت رحمه ماي هي ردت // سوي جاي الخالج ما عدنا شربت جان قدمنالكم 

:: شاربين ما جايين نجربج 

- - هله بيكم

:: شلونج وشلون امورج 

رحمن // همزين اجيت حتى الحچي يصير مكابل حييل ماذيه روحها وماذيتنا 

:: امر الله سعاد 

بجت بعبره اول مره هالشكل اشوفها مكسوره وحزينه // لا مو امر الله امر بنيادم 

رحمن // ابنج مو خيير 

عاصف :: هاا 

رحمن // شني ما تدرون باابن اختكم تره يوميه اطلابه ومكسراته هوااي والناس ما تنحزر 

سعاد وهي تبچي // هسه هو انصاب وتعوق مرته الجلبه اخذت الولد ومشت ليش

رحمن //. اتفضل هاي كراوتها 

:: سعاد الولد من اتجيبينه تلتهين بي لو باابنج 

صارت تحچي بصوت متقطع من كد البچي // هيج ابني دفنته وهو عدل مرته راحت وحسره علينه شوفت الولد 

:: كافي سعاد لا تبچيين هو وينه 

اتاش بيدها // بالحجره غسلتله وريگته 

:: شني ياكل ؟

:: لا هرس رجع مثل فرخ التوه صاير 

رحمن // اي هذا الما يمشي عدل شيحصل 

- - انت متشمت بي جي مو ابنك 

- - لا ما متشمت بي ياما نصحته ونصحتج ماخذه الدنيا بزودج وشحصلتي انجان انتي وانجان هو 

:: خلي نشوفه امم سعاد 

- - حتى ما يهون عليك تكلي ام غزوان

وگفت هي وزوجها وعاصف وگف لا اراديا لزمت ايده گلبي يدك ما شايفته من يوم ما واجهته يم الماطور 

عمي رحمن يگول // اتفضلو البيت بيتكم 

دخل عاصف وانا ويا واتفاجئت بالشفته غزوان كاعد على كرسي متحرك وبس يباوع بعيونه گاعد وكلش ضعفان 

عباره عن هيكل عظمي وصل يمه عاصف گله :: اشلونك خالي اجيت اطمن عليك شد حيلك

احس بي يسمع لان عيونه غركت بالدموع عاصف رد :: هاي بت خالك وبت عمتك وجدان جاي تتحمدلك السلامه 

هو يباوعلي والدموع ماليه عيونه بقيت واكفه ما اعرف شنو احچي ولا شكول 

باوع السعاد :: الله يكون بعونج 

جاوبت وهي تمسح بدموعها // شسوي خويه وانوب كلها اتبرت مني 

:: وابو سمع ؟

هزت راسها // اي وداله رحمن خبر 

:: وشگال 

- - گال انا ما اعرفه ولا شايفه 

:: هم صدك 

رحمن /$ لا جذاب 

:: ها 

هي ارتبكت عاصف سالها :: شني سعاد ناظم جان يشوف ابنه

هزت راسها // اي خويه جان كل سبه يروحله ويطي مصرف وياخذله مسواك ويخابره بس من طاح 

شوفة عينك كلها تبرت 

طلع من الغرفه وهو ينفخ نفخات سريعه :: احنه نترخص 

سعاد // وين تبقون ع الغدا 

:: لا عدي شغل ولازم الحكله 

رحمن // هاي مو جيه 

:: الايام هواي وهذا بيتي ما تعزموني علي

طلع ضبة فلوس من جيبه :: هاج سعاد اخذيهن اشتري الابنج علاج وديري بالج علي تره الله مرات يمتحن 

صبرنه ويشوفنه 

سعاد اخذتهن // انت ما مقصر 

:: انتي اختي واجب عليه اسال واودي 

— ثمر بيك الربى احسن من مهيدي اجاني مرتين يكلي مطلوب 

:: مو جديده عبى مهدي كل عمره ما عده ومطلوب ياالله احنه نترخص

سعاد // ابقو اهنا لا ترحون 

:: گتلج عدي شغل وما انعزم على بيتي 

اتسالم ويه رحمن واني باوست رحمه وباوست عمه سعاد الي كالت / ابريني الذمه وديري بالج على عاصف تراهو ابن حلال 

ما رديت لان انا مصدومه من الشي الشفته 

ركينا بالسياره مشى شويه كتله = اوگف عاصف

باوعلي ::شكو شبيج ؟

فتحت باب السياره واتقيات هو نزل وراي سالني :: شبيج 

رديت بتعب =دخت ولعبانه نفسي 

مد ايده حتى اوگف لكن اني خليت ايدي بالارض انتچييت عليها او وكفت رحت للسياره حسيت برجفه سالني 

:: اخذج للطبيب 

= لا صرت زينه

خاله ايدي على راسي واضغط واحاول اغمض عيوني هو يسوق وصلنه ع الشارع العام سالني 

:: خلي نروح للطبيب 

= لا ما بيه شي صرت زينه 

:: خفتي 

= هوااي 

:: من شنو ؟

اتنفست = من الي شفته قبل اشهر كان يصول ويجول قبل اشهر واني متحمله ضرب واهانه وعذاب من ورا 

وهو مرتاح وياكل ويشرب وهسه بس نفس وعين مفتوحه 

:: مو جنج انكسر خاطرج 

رديت بقهر = مهما يكون البشر ظالم ويانه لكن من يوكع لازم ما نتخلى عن انسانيتنا 

:: قصدج سامحتي ؟

جاوبت بحده = لا يمكن اسامحه مستحييل بس گتلك مساله انسانيه 

:: تتصورين لو انتي صاير بيج هالشكل لنفرض بحادث تتصورين سعاد شتسوي 

ما جاوبت هو رد :: ليش سكتي انا اكلج لان تدرين بيها راح تتشمت وتكول حل وباابو زايد

عرفت كلام عاصف كله صدك سالته = يعني انت تريدني اتخلى عن انسانيتي 

حرك اصبعه :: لا ابد مجرد مقارنه شنو انا عوقته الغزوان وقبلها عوقت ابو شنو مثلا ما عندي انسانيه 

= راضي عن نفسك 

:: الى ابعد الحدود ما دامني ما معتدي على احد ولا ماكل حق احد راضي عن نفسي

مشت السياره :: هسه نروح البيت جدج 

راسا هزيت راسي بالنفي وگتله = لا 

: ليش من شنو خايفه 

= مو من احد بس ما اريد اروح 

:: السبب ؟

=. ماكو شي بس ما اريد اروح بالوقت الحاض لا بعد عندي تساؤل 

ابتسم = = اريد اعرف زواجك من رجاء شلون وليش هاي الجفوه الي بيناتكم 

:: وزواجي منج ما بي جفوه 

بلعت ريگي = الي بيناتنا 

:: اي 

= تم بشروط انت گلتها وبموافقتنا

لملم حلكه :: صحيح هسه نروح 

= لا 

:: تدرين شكد عنوديه 

درت وجهي ما رديت مشت السياره وره فتره سالني :: شلون صار راسج 

= احسن 

: خلي ننزل ناكل 

= ما اشتهي 

:: انا جوعان 

=. انزل اكل اني ما اشتهي

:: مو كتلج خلي اخذج للطبيب 

= ما بيه شي تريد تمرضني بالگوه

هو نزل واني بقيت غاب فتره ورجع جاب عصائر وليمون فتحلي وحده وكلي شميها 

اجه ولد وجاب علاكه وهو اتشكره وصار يسوق سالني :: نوكف ناكل ؟

ما حبيت اجادله = بكيفك

صار يسوق وهو ساكت الى ان شاف نزله بسيطه عن الشارع العام نزل بيها وكلي :: اهنا خلي ناكل 

= يعني وگفت السياره ما تخاف احد يشوفك 

:: اخاف منين 

= يعني طول الطريق وناس بسياراتهم يسلمون عليك هسه يجوز ايشوفوك ويكلون المهدي

:: ها وانا اخاف من مهدي 

= مووهذا قصدي 

:: بردي راسج معليج انزلي غسلي اديج 

شكرا لزيارتكم عالم روايات سكيرهوم