رواية قصة وجدان الفصل الخامس والخمسون 55 بقلم انين الليل

  وجدان 

كنت كلش عصبيه واني احچي ويا خصوصا وهو يخزرني ما انتبهت الكلامي حجييت وانا ارجف 

اجاني كف حسيت راسي افتر ودار وجهي وخزرني والغضب بوجهه واحس عيونه ناار يريد ينقض

عليه وينهيني طلع من الغرفه بدون ما يحجي وصرت الووم بنفسي

= اني شلون هالشكل حاجيته اني شسويت ليش هيج اتهورت شراح يسوي شنو ردة فعله

طلع وين راح يجوز بغرفة بيبي اووف مني ومن الساني

    = ليش هالشكل حچييت شنو اغار علي مثلا من يمتى مو سوا الي الي محد مسوي 

   شلون هيج قللت من رجولته

ما گدرت اطلع لا احد يشوفني بقييت الليل كله اتگلب ما نمت الوم بنفسي

شلون حچييت هاي الكلمه ومحتاره شسوي لان انا اعرفه العاصف مو من السهوله 

يسامح ويضم بگلبه شفت الساعه صار اذان الفجر كمت اتوضييت وصليت استغفرت وبيني وبين نفسي 

احچي واكول = انا غلطانه ولازم اعتذر منه 

حسيت على صوت ابراهيم وهويحاجي عمتي امل 

- - عمه سوي ريوك يكول عمي 

  - - اي هسه ان شاالله 

بقيت بمكاني ما اتحركت وانا اسمع رقيه وهي تسلم على بيبي وعمه امل الي تگلها 

- - ابقي تريگي اهنا 

- - لا خاله اتريك ويه فروحه هناك حتى نروح

دكت الباب عمتي امل وفتحته // صباحج خير شني ما تگعدين تتريگين 

= ما اشتهي 

  - - كومي غسلي واتريكي ويانه 

فتت غسلت وطلعت لگيت بيبي بغرفتها اكلت شويه وياهن ورجعت الغرفتي بعدها اسمع رقيه اتكلهم

سلمولي على وجدان 

امل // بحجرتها هسه اصيحها 

- - لا ما يستوجب خليها اتكمل نومتها 

حجييت = طبعا ما يستوجب حتى تاخذين راحتج بالسلام والكلام

بقيت متمدده ع الجربايه على صفحتي حسيت بعاصف فتح الباب دخل للغرفه فات سبح وطلع بدل بدون

ما يحچي وياي او يشوفني نايمه لو كاعده طلع تقريبا 

ربع ساعه اجه ابن عمي مهدي ابراهيم دك باب الغرفه 

خليت شالي على راسي فتحت الباب گلي // عمي عاصف يكول خلي تبدل حتى نمشي

عرفت عاصف زعلان مني واكيد ما راح ايسامحني بس اوصل للبيت اعتذر منه اي هو هذا الي راح 

يصير كملت تبديل ملابسي خليتهن بالجنطه وطلعت مريت على بيبي بوستها هي وعمه امل وطلعت

شفت عاصف واكف يم عمو جابر ويمهم علووش استغربت وجوده لان اني امس سالته هو كال

ابقى ابيت جدي ويه بيبي شكم يوم

وصلت سلمت =. صباح الخير 

عمو جابر //. هلا عمي هلا بيج اشلونج 

= الله يسلمك شلون خاله ام مصطفى 

زينه الحمد لله شني ما شفتيها امس 

= شفتها بس ما كعدت وياها

جابر // خو سمعت عاصف وجدان تسال على ام مصطفى من تجي مره ثانيه جيبها النه تبقى 

يوم يومين يم سميره 

هو ركب وگال :: ياالله خلي نتوكل

اتفاجات من عمو جابر ركب يمه بالصدر وعلي ركب ورا واني ركبت وره من جهة عاصف الطريق 

كله وهمه يسولفون وعلاوي انطيته نقالي يلعب بي واني دايره وجهي ع الجامه اباوع للشارع

لكن هذا ما يمنع استرق النظر العاصف الي ابد ما شفته يباوعلي وبنفس الوقت ابد ما بطل تدخين

وصلنه للمطعم الي كل مره نوكف يمه جابر گله شني مو تونه متريگيين 

:: دا انزل يخوي نتغدا دنيا ظهر 

هو وكف ودار على علووش وكله :: انزل جيب الاختك اكل وارجع اتغدا ويانه

نزل هو وجابر وعلووش واني بقيت بالسياره اعرف بي كلش زعلان وحقه وهماتين اعرف اني غلطت هوااي

بس ما كان قصدي كله من رقيه بمجرد ما نوصل للشقه راح اعتذر منه واكله مو بقصدي

جابلي علووش غدا كان دازلي لفتين كباب ولبن وقوطية ببسي اكلت بدون نفس لان ما متعوده على عاصف

هالشكل يتصرف وياي شربت اللبن وخليت القوطيه مالت الببسي بقيت بالسياره لمن ما اجه علووش وهو ايكلي

(). اذا تردين تغسلين انزلي للحمامات 

ادري بعاصف هو الي كايله هالشكل يحچي رحت للحمامات غسلت ورجعت شفت علووش منتظرني سالته 

= شعجب اجيت 

(). عمو عاصف كلي تعال ابقى يم اختك

هزيت راسي هو اجه ويه جابر وركبو بالسياره وشي اكيد الجكاره ما وكعت من حلكه ومو مثل كل مره اي 

شي ما جابلي ويا اصلا ما يباوع بوجهي 

بقو يسولفون واني نمت من وصلنه حسيت بايد وصوت علووش ايكلي 

( ) اكعدي وجد وصلنه

فتحت عيوني شفته بالسياره ويا عمو جابر هو نزل واني وعلاوي نزلنه ورا فتح باب الشقه

ودخلت بيها هو بقى بره ولزم كتف علي وحچى ويا 

:: تبقى يم اختك واي شي تحتاجونه انت تخابرني سمعت علي انت بس تخابرني. 

دخل علي وهو طبك الباب باوعت العلووش مستغرب انا جبرت نفسي ابتسم

= ياالله علووش اخذ حمام وتعال شغل البلي 

() شصاير وجد 

= شصاير 

() عمو عاصف كلش ضايج وحتى عصبي 

= امس صارت شغله. عدهم بالبيت واكيد هو ضايج منها 

() شنو هاي الشغله 

= ما تخصنا علووش تخص فرح ورجاء

هز راسه وفات ع الحمام سبح واني دخلت للغرفه واحجي ويه نفسي 

= شنو قابل يبقى العمر كله زعلان لو ما يجي 

سبحت وغيرت ملابسي طلعت شفت علووش يلعب بالبلي ابتسمت وكتله علووش من تجوع كلي 

() لا موجوعان 

زين لعد اروح للغرفه ارتاح وانت من تتعب تعال

هز راسه دخلت للغرفه وبيدي النقال صرت اضرب ع الكومدي ضربات خفيفه = اكتبله واكله اسفه 

= بس هو گال العلووش انت بس تخابرني شنو قصده ما يريد يجي 

صرت اعض بشفايفي عضات خفيفه اتمددت وصرت اباوع ع اليوتيوب لا على التعيين يعني الاشياء 

الموجوده والصراحه بالي مو يمه وكل شويه اطلع واروح للواتساب اشوفه بلكي دازلي شي لكن ماكو 

شي اهنا كتبتله كلمتين ردت اشوف رده 

= اني اسفه

شفتها وصلت لكن ما قراها متاكده شافها لكن ما قراها 

بقيت منتظره يرد وهو ابد فات هواي وقت شفته قراها لان صار خطين ازرق وما جاوب 

طلعت سويت عشا كليت بيض وطماطه 

اتعشينه ونمنا وثاني يوم ما اجه عاصف ولا رد على كلامي وثالث يوم نفس الشي اني مراقبه الكامرا

  وعلي جاي يلعب بالبلي ومرات يطلع يروح للمحل يجيبلنه اشياء نحتاجها ويرجع ادري جاي يشعر بالملل 

بقيت منتظره وعاصف ولا كانه مخلينه اهنا رابع يوم الساعه خمسه العصر اتصل شفته عاصف راسا رديت

= الو عاصف انت وين 

سدا بوجهي ما رد عليه اجت رساله ع الواتساب :: علي رد 

رجع اتصل مره ثانيه انطيت الموبايل العلي وفتحت السبيكر رد (). الو 

:: هلا علاوي اشلونك يابه 

( ) اهلا عمو انت شلونك 

:: انا زين اكلك ابو حسين اطلع اباب العماره رايدك 

( ) اي جاي 

= راح نروح نتعشى بلغ اختك مو يظل بالها 

(. ) تمام 

:: ياالله متانيك

باوعلي علووش انا ما رديت وهو فات سبح ع السريع وغير ملابسه اباوع بالكامره طلع وركب بالسياره 

بقيت گاعده منتظره علي الى ان صارت الساعه بالعشره اندك الباب شفته علي ويا عاصف 

بمجرد ما فتحت الباب دخل علي وجايب ويا علاليك كومه اباوع عاصف دار وجهه وراح

دخل علووش ومبين على وجهه الراحه كعد وانطاني علاكه ( ) هذا عشا دزا عمو 

= لعد هو لويش ما نزل 

( ) يكول هنده شغل 

خليت العلاكه ع الطبله علاوي سالني ( ) لويش ما تتعشين 

= مو جوعانه

شال العلاليك وخلاهن يمي ( ) هذني عمو اشترالج ملابس للدوام وانطاني هايه الفلوس كلي 

انطيهن الاختك مصرف لان هو ما يكدر يجي لهنا 

اخذت الفلوس كان مليون ونصعرفت بعد عاصف مقرر ما يجي لهنا 

علي كلي ( ) حتى اني اشترالي ملابس واحذيه 

هزيت راسي سالني ( ) انتو زعلانين ؟

بقيت ساكته (). ما دام ساكته يعني زعلانين 

=. كان سالته 

() سالته منو كلج ما سالته هز راسه وسكت 

ابتسمت بمراره =. علووش هيج ابيناتنه لا تشغل بالك 

(. ) بس عمو مبين علي كلش ضايج 

=. هو عصبي بعدين انت لاتهتم حبيبي ياالله خلي اشوف شنو اشتريت

صار يراويني ومن سالته = منو اشتراهن انت لو هو 

(. ) اني اختاريت ملابسي بس ملابسج هو اختارهن

اخذت العلاليك ودخلت الغرفه فتحتهن كان مشتريلي صداري اثنين وقمصان وجواريب وترانشوزات

اثنين وجنط اثنين عطور وملابس داخليه 

كتبتله بنقالي 

= شكرا ذوقك كلش حلو بس كنت اتمنى انت تاخذني وياك وتشتريلي 

طبعا جاي اكتب واني احاول استميله لكن الي حصل انو هو قراهن وما رد عليه 

رجعت كتبتله =. عاصف اني جدا اسفه واعتذر ما اعرف شلون هالشكل حجيت اني جاي الوم بنفسي 

وما اكدر انام 

وهم شفته قراهن وما رد

وصرت يوميه اكتبله = اني اسفه واعتذر وبس ارجع 

= ساعدني لا تتخلى عني 

= اني بحاجتك 

= بداعة كل عزيز على گلبك سامحني 

لكن هو ولا يجاوبني ورغم هذا اني يوميه اكتبله = اعذرني سامحني اسفه 

بس هو ابد ما يرد وهنا اني يقنت انو عاصف خلص كرهني وبعد ما الي اي مكان بگلبه

وهاي صار تلث تشهر داومنه اني وعلاوي بالمدرسه اني سادس وهو سادس ابتدائي ذبيت كل 

جهدي بالدراسه ونفس الخط الي كان ياهذني العام اخذني السنه 

عاصف ما اجه ولا شفته ولا حجى وياي صار يكل الابو يوسف الحارس يصيح العلي 

اخويه واشوفه بالكاميرا وهو ياخذه كل اسبوع ويطلعون سوا ويشتريله شغلات ومن يرجع ينطي مصرف 

وعرفت من تصرفات علي هو موصي انو هو يروح للاسواق ويوصي ابو يوسف اذا نحتاج لحم او سمج او دجاج

اما بيبي فمرتين خابرتني وردت احچيلها الي صار لكن عرفت انو هي من تسمع بالي كلته العاصف 

راح تنقلب ضدي وراح تكرهني ومبين من كلامها هو ما حاجيلها 

وعمه امل وعمه انصاف داىما يخابرني

كل يوم خميس واني داىما الخميس ما اقرا بي نوصي على عشا واباوع تلفزيون واني دا احضر 

اشياء اطبخها الباقي الايام لان بصراحه صرت اضم فلوس من المصرف الي يدزه عاصف 

خصوصا واحنه بس نفرين ولغيت الطلعه لان اعرف بي ما يقبل وعلاوي هو يطلع ويا 

وعاصف يدفع الخط الي والاخويه ويدفع النت يعني المصرف الي يدزه نكتل روحنه نصرف ربعه والباقي اضمه

وهاي صار تلث تشهر وعاصف لا واصل للشقه ولا حاجي وياي كلمه وحده لا بااتصال ولا واتساب ولا

اي شي يعني عايفني كانما اني ما اهمه بشي واني يوميه باقيه ادزله اعتذار ع الواتساب حتى

صوتيات جاي ادزله وهو يشوف ويسمع لكن بدون اي فاىده

كنت دووم اگول = هو زعلان وحقه وما معقول يبقى العمر كله زعلان مني خلي اشد حيلي بالدراسه

ومن انجح اكيد يكون اله رأي ثاني

وفعلا شديت حيلي وامتحنا نصف السنه. وبدت العطله واني متفائله لان مجاوبه كلش واعد يوم يوم للدوام 

حتى اشوف درجاتي وافرحه واراضي بيهن اول يوم ارتاحييت بالبيت وثاني يوم كتبتله 

= اريد اطلع اغير جو اني وعلووش لان كلش مختنكه هسه يخابرك ويستاذنك

قراها واني اتصلت وعلي صار يحجي ويا ولان علي ما قبل يفتح الحاكيه ما اعرف لويش 

اسمع علي بس ايكله 

تمام 

صار 

الله وياك

علي باوعلي وكلي (. ). عمو يكول اطلعو العصر ولا تتاخرون بالليل 

بدلت وطلعنه اني وعلاوي الي طلب من ابو يوسف يوكف النه تكسي رحنه للحديقه ودخلنه المطعم وتمشينه ورجعنه 

يعني قبل الساعه ثمانيه وصلنه للبيت يومين واجه علاوي كلي 

(. ) وجد انطيني تلفونج 

=. ليش 

(. ). عمو محاجي ابو يوسف يريدني اتصل بي

بيني وبين نفسي عرفت عاصف مو بس ما مسامحني ولا يريد حتى يسمع صوتي 

انطيته التلفون وعلاوي راح الغرفته بعدها بشويه طلع وهو يكول 

(. ). تمام باجر انتظرك 

سدا وباوعلي ( ) عمو يريدني اروح ويا للناصريه يكول لان عطله 

=. ها وتعوفني ابحدي 

(. ). عمو يكول ما عليها شي وهو موصي الحارس 

ردت اگل العلاوي خلي اروح ويا بس اكيد عاصف مايقبل وبصراحه ما هانت عليه نفسي 

يعني عاصف ما يقبل وهناك اساسا اني محد يريدني بس بيبي فشسوي ارووح

حضر ملابسه والصبح اندك الباب سالت منو كلي //. عمو الحجي يريد علاوي منتظره بالسياره 

يعني احتقرت نفسي لمن ما يجي ويحجي هسه الناس شتظن بيه 

علي راح وكتله يدير باله ويسلم على بيبي

بقييت بالشقه اكضي وكتي مرات اقرا ومرات اتصفح اليوتيوب على اكله اكوم اسويها 

كان يوم خميس الساعه سبعه ونص بالليل كنت بالمطبخ خلصت صلا واجيت اريد اسويلي شي اكله 

اجتني رسائل ع الواتساب وحده وره الثانيه استغربت وبنفس الوقت اتاملت يجوز عاصف 

اخذت نقالي من ع الكاونتر وفتحته وقريت وشفت الي ما متوقعه اشوفه

رقم غريب وهو يگلي 

شنو ما تردين تباركيين العاصف اليوم عرسه 

طبعا انتي ما تدرين خطيه اتمنيناج ويانه 

وصورة عاصف وهو ينزلها من السياره 

ومقطع بي كاعد وكل شويه يوكف ويسلمون علي ويباركوله 

صورة رقيه وهي كاعده بالصاله وبيبي كاعده يمها ورجاء ونهاد وفرح وبناتهم

لا اراديا بدون تفكير صورت المحادثه واني ارجف ما اوصف حالي يعني عاصف اتزوج واكيد اتزوج رقيه 

بلعت ريكي ودموعي ينزلن 

اجت رساله ثانيه شنو ما مصدكه باركيله اتزوج حبيبة كلبج رقيه

صرت اعيط بكل قوتي = اي كلبي حاسس انت راح تتزوج رقيه

لزمت التلفون اتصلت ما رد كتبتله ع الواتس = عاصف انت تزوجت رقيه وخذلتني وين كلامك وين وعدك

وصلت وقراها وكانما منتظر توصله رساله مني وكانما يريد يتشفى بيه 

   اتصل بيه فتحت الخط واني كلبي يدك اسمع بس نفسه جاوبته واني ابجي = انت قتلتني اتهنا

دموعي ما بطلن مره الوم نفسي ومره الوم اهلي ومره اگول = اني وين وهو وين 

ومره اگول =. هذا الشي متوقعته لكن مو هسه وهسه صار واقع حال شسوي خلي ولا يهمني 

انهاريت واني احجي = لا شنو ما يهمني لعد اني ليش غلطت علي مو لان احبه واغار علي 

= طلع كلامي صحيح الرياجيل كلهم يتشابهون كلهم نفس الحقاره واحد يشبه الثاني 

النذل باعني ويه اول غلطه 

= اي ما يختلف عن بهاء وعن غزوان مع الاسف اني حبيته كسرني وهاني

بقيت بالشقه ما اعرف شسوي وهو بس يتصل يريدني اجاوب بقيت بالصاله واسال بنفسي 

= عاصف اتزوج رقيه ليش وين كلامه وين وعوده 

صرت ابجي بحركه امسح دموعي وعيوني ترجع تبجي صرت اتنفس بصعوبه وكلبي يرجف احجي ويه نفسي 

= ليش تبچيين من اول ما عقد عليج هو كلج ما يلمسج بس تدخلين كليه ايطلكج وهاي اني صار عندي 

ضره وما دخلت كليه وعاصف اتزوج

نزلت من القنفه وكعدت بالكاع واعاتب بي = ليش هالشكل كان ممكن اتطلكني وتتركني اعيش حياتي عسى ما 

مهدي يذبحني هم اهون من ذبحتك هاي 

= ليش هالشكل سويت بيه 

خليت ايدي على القنفه وخليت وجهي على ايدي حسيت الباب انفتح رفعت راسي باوعتله عاصف 

دخل وهو مبين صدك عريس 

اتقرب مني بهدوء من شفته وكفت اباوعله هو ضام شفايفه ومدنك رفع راسه :: وج...

رفعت ايدي قاطعته =. ولا كلمه شتسوي جاي انت عريس 

هز راسه :: اي جاي ما اريد... 

عيطت = كتلك اسكت ما اريد اسمع منك حرف اطلع بره 

اتقرب مني يريد يحضني لكن قررت ما اضعف رغم اريده ::خلي افهمج 

صرت اضرب على صدره = ابعد عني اكرهك ما اريدك حقير اكرهك

:: لا تصيحين منا ناس 

اتهسترت واحجي بعصبيه وارجف = خايف من الناس هسه اصيح والم الناس عليك اذا ما طلعت منا 

هز راسه :: هسه عرفت نفسي حقير ونذل وتكرهيني وبعد شتردين  

= طلگني اكرهك ما اطيق اشوفك 

اتهسترت صرت احجي هواي كلام واذكره باشياء صارت

انت اكبر نذل وجبان هسه تطلگني ما اريدك اكرهك 

:: واذا ما اطلكج 

= غصبا عليك اتطلگني اشتكي عليك وافضحك 

وكف :: كافي اهدي الصار صار 

صرت اصيح اكثر = جاي اكلك طلگني اكرهك 

رد بعصبيه :: كافي بس وطلاك ما اطلك لا تتامرين عليه 

=. اكرهك ما اريد اعيش وياك 

:: اساسا ما عايشه وياي

= شلون الك نفس تعيش ويه وحده اتكرهك تحتقرك طلگني ياهمجي ياجبان 

لملم حلگه واتقرب مني والشرر طالع من عيونه :: تريد تتطلكين يجرالج بس بالاول تتزوجين يامدام 

   ارجف واحجي = ششنو قصدك 

  :: هسه اراويج قصدي مو كلام لا فعل 

  = صدك اعيط والم عليك الناس

:: ههههه شتگليلهم رجلي جاي ياخذ حقه مني رجلي الي اكرهه واحتقره وتلعب نفسي منه جاي يريد ياخذ

حقه مني يريد ينام وياي 

:: رجلي العاف مرته بيوم عرسها البنيه الشابه الي تبوس التراب الي يمشي علي واجه الوحده ادب سزز 

لان بچت وانكسر خاطرها

:: لهنا وكافي جنت اضحك على نفسي واكول باجر تعقل عكبه تتغير بس انتي ابد ولا كانه هسه اعلمج هذا

الهمجي الجبان شيسوي

لزمني بكل قوته جرني للغرفه واني اگله = هدني والله اعيط هدني ياحقير 

  دا احاول افلت منه حصرني ع الحايط واني بس اريد مجال اطلع لكن هو عبالك حايط

=. عوفني عوفني 

صار يتصارع وياي ورغم هو اقوى مني لكن اني خرمشته برگبته وعضيته بايده يمكن شلعت منه لحمه 

وهو كان مصر ان ياخذ حقه مني وفعلا بالاخير استسلمت رغم كنت ادافع عن نفسي بس هو فصل عني

بكل شي اله الشي الي جاي يسوي وياي اختنكت واتخشب كل جسمي وكل هذا هو ما تركني 

بلحظتها كرهته واحتقرت نفسي لان من اعتدى عليه غزوان ما قتلت نفسي

خلاني متمدده بالغرفه وهو طلع صرت الم بثوبي الي مزقه واني دا اباوع النفسي الي حسيت بيها رخيصه 

ورخيصه حييل 

ظليت فتره متمدده ع الكاع وبعدها كعدت واني الگاع تفتر بيه بالكوه وكفت ورحت قفلت الغرفه عليه من داخل 

وفتت للحمام وهو ما اعرف وين صرت جوه الدووش واني ابجي اتذكرت كل الي مر بيه وابچي غسلت شعري 

الي وكع نصه بالحمام من تمليشه الي واني احس بكل جسمي ياذيني 

اتذكرت كلامه من يكول على رقيه :: البنيه الشابه

قارنت نفسي وياها = يعني هو متقصد هالشكل يحجي يذكرني بنفسي النذل الحقير 

  صرت ابجي وحتى اضرب بنفسي بقيت قافله الغرفه عليه وارجف واتذكر شنو سوا بيه كعدت ع الجربايه

واني ارجف اتغطييت ما كدرت انام لكن اغفى وكل شويه افز اتخايله يمي وهو يغتصبني وهو 

ما يختلف عن غزوان وبهاء

وهاي اني الليل كله هالشكل كعدت ما اعرف بيش الساعه صرت ابجي واعاتب بنفسي

= شمعنى اني هالشكل يصير بيه لويش شسويت شنو الجرم الي جنيته

رجعت اتمددت وباوعت ما شفت نقالي ما موجود نسيته بالصاله وهسه ما اطلع لان ما اعرف هو موجود

او لا صرت خاله اذني ع الباب استرق السمع ماكو حركه يعني اكيد طالع

فتحت الباب وكل جسمي يون عليه رحت للصاله شفت نقالي وشفت ع القنفه دم عرفت خشمه نازف 

مثل كل مره وهنا اني حتى ما اهتمييت الكمية الكلنس الي مليانه دم كل ما بالامر شلتهن بعلاكه 

وجبت اسفنجه وماي ومسحت الدم من ع القنفه

كعدت اتذكرت الي صار صرت اعاتب باامي =. لو انتي شويه متحمله ما كان صار بيه الي صار 

كلكم مجرمين انتي وابويه وهشام وابوج وناظم كلكم اني صرت ضحيتكم بشي ما سويته

ابجي بحركه ولو بيدي اكتل نفسي صار يتصل عليه لكن اني ما ارد لان كرهت حتى صوته 

بعدها صارت تجيني رسايل ع الواتساب عرفتها منه 

ما فتحتها لكن من صار يلح بالاتصال والرسايل فتحتهن

  :: ليش ما تردين 

    :: ما يعجبج تحجيين وياي 

  :: طبعا لان انا دجاجه 

:: اذكرج لو نسيتي انا الدجاجه الكل شي اتحمل منج وعلى مودج

رديت مليت الشاشه كلمتين = اكرهك طلگني 

رد عليه :: اف كل هذا الكره تكرهيني وتردين اطلگج 

= تطلگني غصبا ما عليك واذا ما تطلكني اشتكي عليك وافضحك يانذل

بعدها ما اتصل ولا كتب بقيت كاعده ما اعرف شسوي ولا شنو الخطوه الي راح اخطيها والي هو يخطيها

كل الي اعرفه انو اني لا يمكن اعيش ويه عاصف ابد ولا بالاحلام 

ما اكلت شي ولا حتى شربت ماي والي صار البارحه لا يمكن انسا

ولازم اتخذ قرار والقرار هو ما ابقى ويه عاصف اصلا ما ابقى ويه بيت غازي كلهم اخذ اخويه واطالب ام ابوي 

براتبنا واعيش اني ويه علي وانتظر هشام

= تتصورين عاصف يطلك  

=. يطلك هو وعدني 

رجعت بچييت =. بس السوا وياي لا يمكن انسا ،

=. كافي وجدان كافي الناس تبيع بيج وتشتري كافي لازم اوكف بوجههم 

الحقراء كلهم موجودين بالعرس واني حتى دشداشه جديده محد جابلي 

هو هالشكل الما عنده سند ينذل وينوكل حقه

مسحت دموعي =. لهنا وكافي لا عاصف ولا اي احد من بيت غازي 

رحت على الشقه سركيتها من داخل حتى بعد اذا يجي منو ما اخلي يفوتها وراح ابدل الكيلون 

منو يبدله الج اكيد ابو يوسف وراح يخلي مفتاح احتياط عنده 

لا مو ابو يوسف اني اجيبلي واحد يغيرلي مفتاح الشقه 

شنو قابل هي شقتي 

مو كال ابقى بيها 

بعد الصار لا يمكن ابقى لازم يطلكني واخذ اخوي واشوفلي مكان بعيد عن كل الناس الي اعرفهم

كتبتله ع الواتس =. شوف الك بس اليوم وباجر غصبا عليك تطلگني 

قراها وما رد طبعا ادري بي يم ست الحسن والجمال كتبت اله

 = اذا ما تجي وتطلگني عكب باجر اني بالمحكمه 

هماتين قزاها وما رد يمكن ربع ساعه اجتني منه رساله :: مو تردين تتطلكين راح اتصل واسمعيني

صار گلبي يدك ما اريد اسمع صوته بس خلي افتح خط بدون ما ارد واسمعه شيريد 

اتصل فتحت الخط هو رد :: شنو منتظرتني 

ما جاوبته هو كال :: تردين تتطلكين وانا حاضر اصلا ما ترهميلي بعد ولان انا رجال ما اريد اتعب باقي 

حياتي تعرفين انا چبير ومو زغير هم ياالله انتبه النفسي وخصوصا حبيبتي الي اخذتها ما اريدها تضوج 

لذلك انا موافق ع الطلاك وباجر اجي واتمم كل شي هسه رضيتي

:: هذ هو السكوت علامة الرضا گبل لا تسدين الخط اتتي طبعا العايفه مو صحيح 

جاوبت واني الهث عبالك جاي اركض = بلي اني كل شي راح اعوفلك واطلع بالملابس الي اجيت بيهن 

رد باستهزاء :: يا ملابس الشردتي بيهن من بهاء لو الي لبستيهن من جنتي عد داليا المهم البسي الي يعجبج 

  اهم شي الحاضر والذهب

  = كله راح اعوفه 

  :: والغرفه 

= ياغرفه 

   :: مكتوبه بالعقد غرفة نوم سته باب مع ملحقاتها 

    = بس انت ما اشتريتلي غرفه 

:: صحيح چان بنيتي اشتريلج وانتي ما قبلتي بس هاي موجوده بالعقد 

  = يعني شنو ؟

:: يعني اريد غرفه جديده سته باب ولا تگولين جاي احجي هالشكل لان ما اريد اطلكج او متمسك بيج 

لا انتي عندي ما تسوين زبانه بس انت تدرين وتعرفين النذل والجبان كل شي يطلع منه وانا نذل وجبان 

حسب كلامج واريد كل شي مكتوب بالعقد

استغربت وضحكت على نفسي واني اكول كلهم نفس الشي 

جاوبته= تمام راح اخلي سوار ماما ومسدس ابويه بدال الغرفه 

  :: ما دام هالشكل متفقين يبقى بس الغايب 

= الغايب تنطيني مجال اشوف ام ابويه وتتنازلي ع الراتب وانطيك المية الف 

:: ليش راتب ابوج شكد 

= شكد ما يكون انطيك الموخر وبعد ما عليك بيه 

:: يعني راتب ابوج تكدرين تنطيني منه المؤخر على گولتج 

     =. اصبرلي ارجعه واني انطيك ال 100 الف 

    :: هذا هو بعد شريد تنطيني الموخر 100 الف دولار وبنفس الساعه يجيج خط طلاكج وانا الممنون

الفصل السادس والخمسون من هنا 

شكرا لزيارتكم عالم روايات سكيرهوم