رواية زواج إجباري عشق السيد الفصل السادس بقلم جمانه السعيدي
اماني....اليوم الي بعده من رحت اني وامي البيت السيد
كانت هاي سابع مره ادخل بيت السيد
ذيج المره رحت اربع مرات وصرت احسن وهسه انتكست حالتي ورجعت رحت مرتين وهاي ثالث مره
هلمره من فتحتلنا الباب ام حيدر الي تشتغل عدهم جان وجه ثكيل
كالت انتضرو هنا بلهول مادخلتنا على السيد
راسا دخلت وطلعت علينا زوجت السيد
اني صحيح ماشايفه شكل السيد بس زوجته مو حلوه
عيونه زغار وخشمه كصير وسنونه مفاركه
لابسه دشداشه وخاله شال على راسه
جمانه السعيدي
اجتنا وهي منزله حواجبه
مادخلتنا على السيد كعدتنا بلهول
زوجت السيد...انتم بيت ابو جاسم
امي....هله بلعلويه شلونج
زوجت السيد....اهلا وسهلا شبيه بنتج ( تحجيه بستهزاء)
امي....زوجة عمها خلتله سحر ولله لو شايفته قبل مثل الورده المفتحه
زوجت السيد....وليش هيج تسوي زوجة عمها
اماني....حسيت من كلامه كاعده تستجوبنا وكانما ماراضيه ندخل بيتهم
امي...زوجة عمها تكرهني من زمان جنا كاعدين عد العيال وشوفتني نجوم الضهر
والنوب هسه ابنه جاي يخطبه مني
زوجت السيد....اي ليش ماازوجيه لابن عمها هو اولا بيه من الغريب
امي...يااا لو يبقى اخر واحد بلدنيا ماانطيه اله
زوجت السيد....وهسه هي شبيه يوميه جايبته للسبد
امي....تختنك وتعبانه وحتى اكل ماتاكل
زوجت السيد ...اي والسيد شيسويله يوكله قابل
امي....لا بس يقرأ عليه تصير احسن
جمانه السعيدي
هنا دخل السيد علينا بس شافنا راسا دنك
السيد....العفو مااعرف عدنا خطار
اماني...مالكيت نفسي غير اباوع علي من ورا البوشيه
شخصيه وهيبه
طوله تقريبا ١٨٥ لابس دشداشه وجراويه بيضه
بشرته حنطاويه صاحب لحيه وشوارب
يشبه الشاعر العراقي علي منصور ابو الاكبر وبعد شكله احلى منه
بعد مادخل السيد وكال العفو مااعرف عدنا خطار ودنك راد يرجع
امي....هله سيد شلونك
السيد....هله ام جاسم شلونج البنيه شلونه اعذريني
مااعرف انتم هنا ودخلت
امي...لا سيد لا تعتذر احنا ضوجناكم كل شويه وجايبن
بس اماني ترتاح من تقراله
زوجت السيد... يله بلله
اماني اني سمعت الكلمه كلش زبن امبينه مضايقه منا
السيد تفضلو ادخلو جوا وهسه اجيكم
دخلنا جوا وبقينا ننتضر
جمانه السعيدي
هسه احجيلكم ليش ام حيدر استقبلتنا هيج وكعدتنا بلهول وراحت صاحت زوجت السيد
كثرت ترددي على السيد خله ام حيدر يتهيئله اشياء
يعني كانت تتوقع اني اريد اوكع السيد ويزوجني
لان اني اكثر وحده تتردد علي
بدت تشحن بزوجت السيد عليه
ام حيدر....علويه هاي البنيه بت ام جاسم كل يوم جايه للسيد
زوجت السيد...اي وشنو يعني خاف مريضه
ام حيدر....اي مريضه بنيه شابه وكل يوم جايه وتكعد تنتضر السيد تتعمد تبقى اخر وحده
حتى تستفرد بي هي وامه هاي النسوان محيله وانتي على نياتج
جمانه السعيدي
زوجت السيد....قصدج تريد توكع السيد حتى يزوجه
ام حيدر... اكيد ولله اني صار اكثر من ١٥ سنه اشتغل عدكم وين اكو وحده هلكد تروح وترجع
واني شفته ابد مو مريضه كلشي مابيه
زوجت السيد...غير اكله بسنوني اكو وحده تكدر تقرب للسيد افضحه بلشارع واخليه فرجه الأمة محمد
من تجي لا ادخليه على السيد كعديه برا واني احجي وياها اريد ارزله حتى بعد ماتدخل البيتنا
ام حيدر....اي صار تدللين نسوان اخر وكت لا تستحي ولا تخجل امه يوميه مكبعته وتفتر بيه
كولي ادورله رجل بعد شنو هاي الحجه مال مريضه
زوجت السيد. ....بسيطه اني اعلمه خل تجي وشوفي شراح اسوي بيه
هسه نرجع الاحداث هذا اليوم
اماني.....سمعت السيد من دخل كال بعصبيه اس ولا كلمه نحجي بعدين
كعد ورا البرده
السيد...قربي بابا خل اقرالج
قربت على البرده
السيد....شلون صرتي انشاء الله احسن
اماني...الحمد لله احسن
السيد...تقرين قراءان
اماني...اي اقرا بس هم احس نفسي مضايقه
السيد...ميخالف راح تتحسنين
اماني انشاء الله
خله ايدا على راسي وبدأ يقرأ عليه
حسيت نفسي ارتاحيت
شويه وطلعنا من بيتهم
جمانه السعيدي
الحديث الي دار بين السيد وزوجته من طلع واحنا دخلنا جوا
زوجت السيد... هاي شعدها كل يوم جايه
السيد........مريضه وبعدين هذا باب رزقنا
زوجت السيد....مريضه لو ادور على رجل اكيد خاله عينه عليك
السيد... اني ماشايف شكله بعدين هاي بكد ابني
زوجت السيد..... تعلمني بهاي الشكووول
هاي اذا ماتطلع خاله عينه عليك وهاي شغلة مرضه
حجه حتى كل يوم تروح ووتجي شنو اني غبيه ماافهم
السيد....كافي يامره تشكين بلناس
البنيه مودبه واني ماشايف شكله والبنيه فعلا مريضه
واني مااخسر عليه شي اقراله شوية قراءان
زوجت السيد....ولو اني راح امنعه تجي هنا
سنيين صارلك تشتغل بهاي الشغله الناس تجيك مره
مرتين مو هاي كل يوم وجايتنا
لا تستحي ولا تخجل اهله شلون يقبلون كل يوم داخله علينا صدك ناس ماتستحي
الناس شتكول علينا وين اكو وحده هيج رايحه جايه
لا رقيب ولا حسيب
السيد....عافه وطلع
زوجت السيد...وين رايح وعايفني
السيد...اش بعدين نحجي
جمانه السعيدي
وصلنا للبيت اني وامي
اماني....يمه السيد شلون عايش ويااا هاي
امي...شبيه
اماني... اولا موحلوه ثانيا مبينه عصبيه وشكاكه
امي...استغفري ربج هاي خلقة رب العالمين لا تعيبين حرام عليج
وهاي بت عمه والساده ماياخذون غريبات اله علويه
حتى يحافظون على نسلهم
اماني... مااعرف ليش حسيته مامحبوبه الكلام وياها يخنك
شلون متحمله السيد
امي....خوش بنيه وعدها اطفال منه ياا اطفال ولدها شباب
اماني...شوفي الكلام وياا السيد يريح ويطمن والكلام وياها يغث
امي...شعلينا بيه بس تصيرين احسن بعد مانروح الهم
اماني..... انشاء الله
بعد هلمره صرت احسن ومارحت البيت السيد
احس نفسي اكدر احاول وياا نفسي حتى اتعافا واصير
احسن خوما ابقى طول عمري رايحه البيت السيد
وراجعه منه
اكيد هاي مرحله وراح تخلص
بعد اسبوع واحد
اجت وحدا اقاربنا من بعيد اني شكد اكره تنقل كلام
وزود بلحجي وهي هاي الي حركت الدنيا بين امي وأم احمد بس شفته ضجت وحسيت كلبي انقبض
كعدت واني جبته جاي وطلعت
كعدت هي وامي تقريبا ساعه... ومن طلعت شفت امي فرحانه على غير عادته كل مره بس تطلع هاي اامره
امي كلش اضوج
اماني....يالله خير هلمره ماضايجه هاا بطلت تنقل كلام
كامت تنقل اخبار زينه
امي...اي احلى خبر سمعته ام احمد خاطبه وحدا من كرايبه
الاحمد اي خل نخلص خل تلتهي بغيرنا
موتتنا بسحورته كون اطيح بوحده انكس منه
اماني....بس سمعت احمد راح يخطب حسيت الهوا صاع عليه وكمت مااشوف بعيوني
شكرا لزيارتكم عالم روايات سكيرهوم
