رواية جسر الذكريات الفصل الخامس بقلم مريم الحيالي
ابتسام: المصلحتج والله وبعدين راح اتعرفين الي سويته صح ..انسي ادفني هذا الحب بگلبج وحتى دريد هم مستحيل يخطي خطوة بيها ضرر الج
واذا وصل اله خبر بأن غازي خاطبج صدگيني راح يرضى بالأمر الواقع مستحيل ايفضحج ويفضح سمعتج ...دريد واعرف طبعه
نبيلة: كمت مسحت دموعي وگلتلها لازم يعرف بسمه ..راح اروح اجيب الرقم الي باوربا واطلع اتصل من الهاتف العمومي لازم اعرف شنو رأييه وردة فعله
ابتسام: صرت عصبية عليها اهنا متحملت.. من القهر وكسرة القلب الي هي بيها مدتعرف شتسوي... مستحييييييييل اكعدي وسكتي خلص بعد انسي دريد ماكووووو لتخليني اسوي شي ميعجبج نبيلة ارضي بنصيبج واسكتي
نبيلة: متت قهر.. لا بسمة لااااااا حتى انتييي انوب عليه حبابه بس اكلة والله اريد اعرف شيكول ماسوي شي ...حتى انتي تعالي ويايه ..ها شتكولين ها بسمة احجي؟
ابتسام: بدون ما اجاوبها كمت جريت المفتاح من الباب وطلعت وقفلته عليها .. جبرتني على هذا التصرف المصلحتها اني.. دريد ظروفة متسمحلة يرتبط وهي متأملة على شي مموجود هو موعدها بشي ابد
....طلعت سألت امي ... يووم شوكت يجون ايخطبون
ام غزوان: الخميس اخوج كال.. باجر يعني
بيها الخير يارب الله يسعد بختها
ابتسام: ان شاء الله يوم ان شاء الله
..................................................
صار يومين من اتصلت على نزار ومرجع خابرني ومو من عوايدة ميخابر واني انشغلت حتى مرجعت اتصلت بعد ... صاير شي ادري مستحيل نزار واعرفه ... اخابرة وميرجع ايخابرني ..كملت الشغل الي بأيدي ورحت للمكتب حتى اتصل اجاني ابو محمد وكال
ابو محمد: السلام عليكم ... راجعين دريد ان شاء الله السبت احنه بالعراق
دريد: وعليكم السلام ..هاي شنو شعجب هالمرة من وقت ..ماكو شي؟
ابو محمد: سلامتك الطيب ماكو شي .. بس شغلي خلص بعد بقيتنا مالها معنى حظر روحك
دريد: ان شاء الله... والله فرحت الحمدلله راجعين وگلت ما اخابر خليها افاجئهم بجيتي... طلعت اني واحد الاصدقاء كال شنو رأيك انروح للبحر گتلة يلا اني هم اريد اشتم هوى ...اتمشينة وكعدنا عالبحر سوالف عاديه ...بس فكري مشغول بيها
...صار موعد الرجوع واني مخابرت ولا گلت الاحد اني راجع ..طلعنه للمحطة مال القطار حتى انروح للمدينة الي بيها المطار ونرجع عالعراق ..طريق سفر طويل ومرهق ...وصلنا للعراق
....وصلت البغداد بليل ورحت للبيت سلمت عالاهل وثاني يوم مباشرة بدون حتى ما ارتاح طلعت عالسريع ورحت للمعرض وكنت اتمنى اشوفها هي اول وحدة بالمنطقة.. بس القدر اللعين اقوى ومشفتها ... لأن حسب علمي الامتحانات بأيامها الاخيرة رغم شوقي الها..
سلمت عالاصدقاء وكالولي سفرة سعيدة واتحمدوا على سلامتي ..طلعت اتمشى رحت للمعمل اشوف نزار وييين البذات ناسيني ..فتت وسألت احد العمال گلي طلع راح يتريك بالمقهى
...اتمشيت والگا كاعد ويشرب جاي وصافن ... مشيت وصلت يمه وهو ممنتبه گتله ياب الماخذ بالك هنياله
نزار:: درييييد هلاااااااا ...كمت حظنتة وسلمت عليه
ليش مگتلي جاي شنو شوكت وصلت؟
دريد: ليش هو انت جنابك وين اتصل عليك وماكو ...وفوگاها تعتب عليه.. شلونك شخبارك
نزار: الحمدلله والله مكانك خالي الحمدلله على سلامتك... صفنت شراح اجاوبه من يسألني الصبر ربي
دريد: الله ايسلمك بشرني شخبارهم ...؟
خير شبيك مو على بعضك صاير شي بغيابي
نزار: سلامتك ..ارتاح وبعدين عود ابدي بتحقيقاتك
دريد: احجي يابه احجي .. الامانة وصلت لولا؟
نزار: لا
دريد: السبب
نزار: بعدين دريد بعدين ...نكعد كعدة طويلة وانسولف
دريد: وهسه احنه كاعدين احجي... نزااااار لتشلع كلبي شكو شصاير
نزار: انخطبت
دريد: ضحكت لا ارادياً وكتله... عوف الشقة مالتك بلا
وسولفلي تعبان ترى والله وصلت متأخر
نزار: انخطبت دريد انخطبت.. الخميس راح غازي وخطبها وگطعوا مهر
دريد: مخلي ايدي على حنچي ومنتچي عالميز... واعاين عليه بصدمة وهو ايعاينلي محجيت شي
لأن اريد اشوف ديحجي صدك لو شنو الفلم
نزار: گتلك اعترفلها روح احجي وياها بادر
دريد احجي ويه امها ماكووو ...البراسك اتسوي
يا امها تفقد ثقتها بيه... يا اخواني ..يا مسؤلية
يا شغلي مو ثابت... موتتنيييييي نعلت سلفه سلفاي
.... هاي راحت بعد ماكوووو بحححح انخطبت وبس ايكمل اوراقها ياخذها وايسافر
دريد: مستمر يحجي وايلوم واني ساكت.. والله متأخرت ياربي كلها اسبوعين هيج اروح واجي الكه الدنيا مهدودة على راسي ..شنو الي صار معقولة استسلمت بسرعة للأمر الواقع
نزار: احجي دريد احجي... شراح اتسوي هسه.. اجه رادني اروح ويا ومرحت وحتى ابوه هم مراح ويا ومقابل على هذا الزواج اخذ عمه واصدقاءة وراح خطب
دريد: الله ايوفقها... حجيتها وگمت امشي بشارع الرشيد واني غضب وبركان بداخلي قلبي اسمع دكاته بأذني ..ليش هيج ليش ...امشي بسرعة والجو بارد ايگص ايسلمون علية اسمع ضجيج وما اجاوب وامشي بسرعتي الحد ملگيت نفسي امام بيتهم
... وگفت اعاين عالباب ...شداسوي اني شجابني اهنا
وشنو اگول اذا رحت وبأي حق احاسبها .. اني لا واعدها ولا واعدتني ... مو من حقي اگلها ليش
ولا من حقي اگلها لتتزوجين ...
عاجز.. عاجز ...عاجز
اول مرة بحياتي اكوون عاجز امام قرار بحياتي.. الا هي الا نبييلة كسرت كل القواعد واختلفت كل المعايير امامها ... انداريت واتمشيت البيتنا واني الحيرة بداخلي ... فتت للغرفة واتمددت واحس العالم مهدوم فوگ راسي وغازي صديقي شلون راح اواجهها ... وشلون افكر بيها بعد
...عيب بحق نفسي ..شنو هالحب الي معرفت بدايته وين وهل هذه هي نهايته .. تفكير وارق مگدرت انام
مرت الايام والليالي عليه مثل الزمهرير...يومية اروح الشغلي وارجع لا اللتقيت بيها ولا شفتها ولا شفت اي احد حتى نزار ايمر عليه ايشوفني وايروح ماطلع ويا
.... كاعد بالمعمل اشتغل واجاني عامل كلي ابو غازي برة ايريدك ... خوش ابني كله جايك
....طلعت وشفت ابو غازي واگف ... وجگارته بحلگة
دريد: السلام عليكم ادري مقصر ويااك هواية قبل متحجي وتعتب... صافحته وبسته
ابو غازي: همزين تعرف بنفسك ... اوربا غيرتك علينه يابة يوميه رايح وراجع..شلونك وليدي شو ذبلان
دريد: الحمدلله عمي ماكو شي بس تعب شغل ...تدري شغل المعمل مو مثل المحل
الف مبرووك خطوبة غازي ان شاء الله تفرح بأولادة..
اتنهد وعاينلي وگال
ابو غازي: ليش دريد شكم مرة گتلك روح احجي اخطب..محد يستاهلها غيرك ..وشكد مانعت وحاولت بس لا جدوى متراجع..وماكدر اكسر بيك واحجي حبك لأن ما بيناتكم وعد ...
دريد: قدر ومكتوب عمي مابيدنا شي...اني اتهوانت بسبب حياتي ممرتبة وانت قريب عليه وتعرف وضعي .. الله يسعدها وين متكون زوجه اخويه صارت بعد
..... احجي بس الكلام گان سكاكين وتغرز بگلبي
ابو غازي: دومك تبقى گلبك كبير .. وكتوم محد يتأذة غيرك صدگني.. اجيت اشوفك واسأل عليك
دريد: سألت عليك العافية ..بخير مابية شي
....ايريح گلبك ابني... في امان الله
دريد: راح ابو غازي .. واني رجعت الشغلي اشتغل من غير روح ..مجرد تأدية واجب ...مو سهل عليه ...بس ماكدر احارب على سراب هواي حاولت اصارحها بس كل مرة ايصير شي واتراجع بنص الطريق...اشارة من الله سبحانه وتعالى
....ما اعتب ولا اللوم ولا اذب الصوج حتى بالقدر ..
.......مرت الايام واجاني نزار وكف على راسي الا اتروح ويايه للمقهى ... كمت رحت وكعدنا جابلي جاي واشرب جگاير وصافن .. ونزار هم ساكت
المسجل معلوگ عالعندليب.. صحت عالعامل گتلة شغل فؤاد سالم مشكورة... نزار رفع عينه عليه
...ورثت جگارة وكعدت اسمع.. وسارح
هاي تاليها صفت هيچي وبسرعة مشيتي..
رحتي حتى وبالچذب.. بالچذب متعذريتي..
مشكوووورة تردين الصدگ ماگصريتي...
لا لا لا لا ..ما خفتي الله وولا حسبتي حساب..
موقف دمعي وگليبي وخطيتي..
مشكووووررة تردين الصدگ ما گصريتي..
دريد: النفاظة انترست ونزار بس ايعاين ما حجه ولا كلمة .. وليش هو اكو شي ينحجي ...واثناء هالكعدة وجان يجي اخر شخص اتوقعته يجي
غازي: بالله ما تستحووون.. بالچذب عزيمة على شرف خطوبتي
نزار: هلااا ياب الف مبروك ان شاء الله..صافحته وبسته
غازي: هااا دريد الحمدلله على سلامتك زعلان عليك صارلك شكد من اجيت
دريد: اتصرفت طبيعي ودست على گلبي وكل مشاعري...الله ايسلمك تعبان والله شايف كل الخير
انت مستعجل مكدرت تنتظر لمن اجي واحظر خطبتك
غازي: بهاي حقك بس والله علمود سفرتي خارج العراق لازم اكمل اوراقها حتى اخذها ويايه
دريد: ان شاء الله خير تتهنون ... بقينه انسولف سوالف عادية ... وكعدة طبيعية
....مرت ٤ اشهر على خطوبتها.. واني كل هالمدة لا واصل بيتهم ولا حتى شايفها من بعيد ...او بالاحرى اني اتلافى اللقاء وياها ...وهي هم محاولت تتواصل ويايه ولا بأي طريقة..طلعت رحت النزار وجان ايگلي
نزار: الجمعه عرس غازي مر علية اليوم وعزمنا وكال اذا محظرت لا انت ولا دريد انسوا عندكم صديق
دريد: عاينتلة وگتلة... ايصير خيير
نزار: لتخبلنيييييي دريد لتخبلنيييييييي ...
دريد: اهنا انفعلت وحجيت بدون وعي... كااااااااافي نزاااار كاااااااافي صارلك اشهر وانت اتلوووم بية وتحجي كاااافي قسمتي مو وياها قدرنا يختلف شتريدني اكعد انوووح وابجي عليها ...
......محد بينا غلطان ولا اني اللومها ولا حتى كارهها وشما اتسوي حقها...لأن مكايللها انتظريني ولا حتى فاتح وياها هيج موضوع...كافي خليها اتروح الحال سبيلها وسد السالفه ...
حتى اذا ردت انسى هم انتى متخليني..
نزار: هاهيه براحتك... اتروح للعرس لو لا
دريد: لا
طلعت اتمشى ورجعت للبيت .. خلص نبيلة لازم تنتهي من حياتي كافي.. حب ما الا كل مستقبل
لازم ارجع احافظ على توازني وتصرفاتي
.... الله ايوفقها ويسعدها وين مكانت...
مرت الأيام واجه موعد عرسها اخذت اجازة ..وقررت اطلع للحبانيه ارووح اناام وارتاح بعيد عن كل الضجيج العايش بي ..وصيت نزار يحظر العرس وايسلملي على غازي ويعتذرلي من عندة وايكله صار عندي شغل ضروري
....حظرت جنطة صغيرة على كد يومين... اتمشى بالشارع ...الى المجهول أيضاً لأن ماكدر اتوقع القادم شنو ...حب من الاول كان لازم ميصير
.....بس الگلب ..من المستحيل الأنسان يتحكم بي
............................
.......اتزوجت نبيلة ومن هذا اليوم بعد دريد لا اللتقى بيها ولا حتى بالصدفة بس بقى يتردد على امها بين فترى والثانية ..ابد ميسأل عنها ولا حتى ايجيب اسمها على اللسانه.. لان صارت على ذمة رجل غيرة
وياريت لو غريب انما صديقه وعشرة عمر
مو كلشي انريدة ايصير ...ولا كلشي نتمنى ايصير
....واتعلمت انو اذا عندنا مشاعر اتجاه شخص ما لازم انگول حتى منعيش نفس الندم الي مرو بي دريد ونبيلة ..بسبب الظروف والعادات حافظوا على حبهم بينهم وبين نفسهم ولا واحد بيهم اتجرأ بأن ايبادر ويحجي...
...........في وقت من اوقات الحاظر القريب..........
اكتب واني مقهورة على هيج حب انتهى بهاي الطريقة الي مو لائقة بي لأن كان شريف وصادق
بس شاء القدر بأن يفترقون
هديل: اي وانتي اجيتي للدنيا وامي جانت متريدج رادت اتذبج
.....وشبيج هيج تحجيها وانتي اتضحكين ومكيفه..هم حظي هذا
هديل: اني شعلية والله ابويه وبيبي مقبلوا وگلولها لا بقيها ميخالف.... وتضحك
....اي المهم اجيت للدنيا وداكتب بقصتهم ...المفروض اخذ موقف وازعل على موضوع قبل 27 سنة
طبعاً هديل اختي نص الاحداث اخذتها منها لأن هي الجبيرة وتعرف والنص الباقي من عمي
وقصة حب نبيلة ودريد لا من الدفتر لأن هو كاتب كلشي...
