رواية انا عشقت الفصل الخامس 5 بقلم عائشة الكيلاني

زينة اتسعت عينيها بصدمة و اكنها فقدت النطق:- ربنا يجعل كلامي خفيف عليكي ، انتي حية صح ، يا زين 

قالتها بصوت واطي جدا و خوف مداري وراء صوتها مش قادرة تقف 

في اوضة زين 

زين رايح جاي:- هى مصوتتش ليه لتكون ماتت بس. انا موصي ان الافعي تكون من غير سم هكون ارمل و انت صغير يا زين يا الى ملحقتش تفرح ولا تشبع من نكدها نصيب بقا عمرها خلص لحد كدا أما الحق اتصل بالتربي 

الباب اتفتح زينة دخلت بابتسامة و شيلية صندوق:- الصغنن عامل اي لسه منامتش مش انا قولت تنام بدري مش بتسمع كلامي ليه يا روحي 

زين عجز عن الكلام هى ازاى عايشة لا و بتتكلم عادي و مش خايفة:- كنت في التواليت خرجت لقيت افعي في غرفة هدومي و يا سبحان الله جاية بالصندوق بتاعها تو يعني معقول جاية من البلكونة بالصندوق 

زين بابتسامة متوترة:- شوفتي الصدف انتي كويسة صح متخفيش هى مش سمة ، اقصد ان البنات حناينين اوى و أكيد مهنش عليها تاذيكي 

زينة حطت الصندوق في ايديه و خرجت 

زين بص لطيفها بغيظ :- اااه يا بنت 

زينة من برا:- بلاش غلط و اتخمدد 

زين:- اتخمد اهو 

زين غير هدومه و لسه هينام سمع صوت صراخها :- يارب ما يجيلك نوم و يقلق منامك يا بعيدة 

زين قام جري على اوضتها:- مالك يا طنط 

زينة بخوف:- فى صرصار يا زين صرصار بيطير و بررص في التواليت و البرص وراك و بيطير و انا بصراحه بخاف من الحشرات عندي فوبيا منهم و بيم انك متجوزني و شحط اقتلهم لاني بخاف منهم جدا 

زين بيقلدها:- بخاف منهم جدا انتي تخوفي بلاد يا زيزي 

زينة خرجت و قفلت الباب و راحت اوضة زين اتغطت و نامت و هى بتضحك عليه :- أما مربيتك يا سوسو مبقش طنط زيزي 

في اوضة زينة زين بيحاول يضرب البرص و يجري وراه فضل كدا لحد ما قتله و قتل الصرصار و رتب الاوضة و خرج دخل اوضته:- و دا اي ان شاء الله انتي ورثتني 

زينة:- مسمعش صوتك اطفي النور و ادخل التواليت و اتخمد فيه لو حابب لكن مش هنام على الكنبة انا مش امك يلا من غير كلام كتير 

زين:- حسبي الله ونعم الوكيل فيك يا عز يا خويا انا كان مالي و مال كل دا 

زينة قامت قعدت:- خلصت على التواليت يا روحي 

زين دخل التواليت و هنا ضحك غصب عنه عليها:- يعني مخفتش من الحية و خافت من صرصار و برص اما انت غريبة بشكل يا زيزى عليكي حركات اواية و مفترية بس قمر 

بعد وقت زين خرج من التواليت و نام على السرير عادي جدا زي كل الناس زينة عدلت وشها له و طبعا الغلبانة نايمة و بحركة لا إرادية نزلت بايديها على وشه 

زين حط ايديه على وشه بصدمة و الم:- اااه ، اتهدي بقا حتي و انتي نايمة ارفة اهلي اتهدي يا ولية 

زينة عطيته كف تاني و كف تاني وراه:- يخرب بيت ابوكي اتعدلي يا زينة بقولك 

زين بعد شوية و مسك الكمودينة و نام 

زينة قامت و بقت بتزغرط اه صح هى بتمشي اوقات و هى نايمة المهم قامت وقفت على السرير و هى نايمة برضو و بتزغرط زين من الفزع وقع على الأرض فرك عينيه بدهشة :- ربنا يجعل كلامي خفيف عليكي 

زينة قامت خرجت من الأوضة و رجعت تاني كل دا و هى لسه مش فايقة زين خد الغطاء و دخل البلكونة:- والله ما قعدلك فيها انتي معندكش اخوات ولاد يا ولية 

زين نام في الارض و اتغط:- بتزغرط و تمشي و هى نايمة و اهو دلوقتي بتصوت الله اكبر عليكي يا فنانة عااش 

زين نام بعد ما حط قطن في ودنه و نام 

تاني يوم 

زين في التواليت:- هى المائة قطعة 

زينة من برا:- حظك بقا 

زين:- اانا عايز اغور لصحابي اهبب اي 

زينة ببرود:- و اعمل اي يا روح طنط لو مستعجل خد شور في الجنينة لو مستعجل اوى متخفش هتلقي جردل مائة في الجنينة 

زين:- طب ما تجبيه يا زيزي 

زينة:- انا مش ملزمة يا روح زيزي لو مش عجبك اتغط و نام 

زينة دخلت اوضتها و هى بتطنطت و تسقف بفرح لانها قفلت المائة خرجت راحت اوضة الغسيل و هى بتبص على هدومه الى في الغسالة:- ورني هتروح ليها ازاى 

زين:- فين الهدوم 

زينة ببرود و تمثيل:- دا انت حظك وحش اوى الهدوم في الغسالة معندكش حاجة لخروج تو 

زين بملل و على وشك البكاء:- مش غاير في زفت يكش ترتاحي 

زينة خرجت و قعدت على الكنبة و شغلت التلفزيون و هى بتغني مسكت الكتاب و بتقرا فيه ببرود قصدها تغيظو زين اتجه ليها و اخد الكتاب منها زينة قامت:- اي قلت الذوق دى هات الكتاب يا زين 

زين بيغني ولا اكنه سمعها زينة اتجهت له:- بقولك هات الكتاب مش بتسمع 

زين قام:- اهو 

زين رفع ايديه :- خديه لو عايزاه 

زينة بهدوء:- زين حبيبي مش وقت سخفتك هاات الكتاب بقولك 

زين جري و هى وراه زينة كانت هتقع لكن زين لحقها و حاوط خصرها و بصلها بإعجاب و برود:- تعرفي انكي بتبقي حلوة اوى و انتي متعصبة و لم بتغني بتبقي احلي 

زينة:- و لم ايدي تسقف على وشك هبقا احلي برضو سبني يا زفت 

زين سابها و دخل الجنينة حط الكتاب على جانب :- زيزي الحقيني شكلي هموت زينة تعالي بسرعة 

زينة:- اتكرهب ولا اي 

زينة دخلت الجنينة جري:- زين انت اااع 

قبل ما تكمل كلامها كان زين فاتح الماية و موجه الخرطوم عليها سابه و جري زينة:- يا واطي يا حيوان 

كانت بتقول بعصبية و ذهول مسكت خرطوم الماية و غرفت بيه زين و بعدين زقيته في البسين:- اشرب بقاا عمل فيها ناصح هاا اشرب يا زين حلوة الماية صح احسن احسن 

زين بيعوم و هى بتتكلم و فرحانة فيه عطيته ضهرها و لسه هتمشي كان زين ساند و ايديها على البسين و شدها لجو البسين 

زينة صرخت بخضة:- ااانت اتجننت على الاخر انت متخلف يا حيوان و 

زين:- تخيلي لو سبتك و نزلتي تحت و اتخنقتي و موتي انا مفيش اجن مني و شكلك مش بتعرفي تعومي و عندك فوبيا من البحر تعبيرات وشك بتقول كدا 

زينة:- والله و طلامة كدا عملت كدا ليه عايز تموتني 

زين شدها لحضنه اكتر و قال بهمس:- انا ادفع عمري ولا اذيكي يا زينة مش حب لكن أنا الغدر مش فيا ياريت تثقي فيا كانسان يا ستي 

زينة بصتله بهدوء و توتر زين بدا يعوم و هو مسكها و كان الجو بينهم هادي شوية 

عند شهد 

عمر:ـ سبيه في حالو شوفي غيرو الواد متجوز 

شهد :- اكبر منه عارف يعني اي و كمان انا عايزة يبقا ليا لوحدي 

عمر:- قصدك عايزة فلوسه 

شهد:- دى مش سهله و طول و هى معاه مش هطلع بحاجة كنت خلاص قربت منه يا عمر بس بنت ا والله لوريها زى ما طردتني هفرج عليها الدنيا كلها 

عمر:- حلوة على كدا طلامة وشك قالب يبقا حلوة بيقع واقف زين مش سهل برضو 

شهد:- والله مش بعيد تتصل بيه يقفل في وشك علشان طنط معاه 

بالليل كان زين و زينة بيجهزو علشان عازم صحابو الى معظمهم متجوزين ما طبعا شهد و كلامها و ان زين اتجوز واحدة اكبر منه و اد مامتو خله فضلهم يزيد و عايزين يعرفوا طنط الى زين متجوزها 

زين ببرود:- الفستان ضيق و مش حلو 

زينة:- بس انا عجبني جدا و مش ضيق 

زين:- انتي مش هتعرفي اكتر مني بقولك ضيق يبقا ضيق 

زينة :- والله دا الى عندي 

زين:- شكلنا هنزعل من بعض و انا مش عايز دا يحصل بعد اذنك غيريه حالا 

زينة بصتله بهدوء و راحت تغير الفستان بعد شوية خرجت:- اظن ان كدا حلو بلاش كلام لانى على اخري و المفروض بعد كدا يكون في علم و معاد عجبك كدا ضوافري انكسرت بسببك و بسبب صحابك حد يعزم حد و يقول في نفس اليوم حرام عليك انت عايز تموتني يا ابني 

زين:- مانا متهبب عمل نص الاكل يعني متعبتيش كتير طبخت و عملت المواعين و مسحت هو المفروض دا دور مين مش دورك 

زينة:- انا مش ملزمة تمام 

زين مسك ايديها و نزلو فتح الباب لى اصحابو 

زوجه صاحبو:- البت امورة اوى فين طنط الى بيقولوا عليها دى اصغر منه يا شريف 

شريف بصوت واطي:- ممكن تكون اخته استني و اهدي 

شريف :- احم انت اتجوزت مش كنت تعزمنا 

زين:- جت بسرعة اعرفك على زوجتي العزيزة يا مدام لارا المدام زينة مراتي و حب عمري 

عمر شنق:- هى شهد بتحب تكبر المواضيع حضرتك عندك اخت 

زينة بصت لزين الى اتوتر من نظراتها الى مش ناوية على خير:- زين مش معقول هنتكلم على الباب اتفضلو 

شريف:- اي الاحترام الى جالك فجأة دا 

زين:- ادخل و انتي ساكت الله يهديك و يهدينا جميعا 

حمزة:- زين انت سخن 

شرين صاحبتهم و مرات حمزة:- دى اصغر مني و منك يا زين 

زين:- لو جرلها حاجة يا شرين هزعلك بعيونك دى 

عد اليوم على خير كان لطيف و مرعب لزين و استغراب صاحبو تغيروا و انبهرهم بى زينة و خوفهم منها و اندهاش زوجاتهم من جمالها طالعت احلي من الى في خيالهم و مش كبيرة زى ما شهد قالت 

في اوضة زين 

زين :- شكرا يا زيزي 

زينة بصتله بهدوء و استغرب:- على اي 

زين:- انكي كنتي جدعة معايا النهاردة واحدة غيرك كنت قالت عليك و على صحابك 

زينة بهدوء:- دا وجبي يا زين بس ابعد عن عمر دا لانه مش شبهك و الواد التاني لا هو ولا مراته مظبوطين انا مش بامرك انا خايفه عليك ك ام يا سيدي أو اخ صغير 

زين:- اتخمدي عليكي و على اخوكي 

زينة اتغطت و نامت في الصعيد في بيت بدران 

عايدة :- ابني مماتش بسبب ابنك 

جليلة:- قصدك اي 

عايدة:- ابني مات بسبب وشها النحس اذا امها ماتت اول ما اتولدت و ابني من ساعت ما زينة دخلت على حياته و الفقر مسكه و في الاخر مات 

جليلة بشكل و ارتباك:- قصدك 

عايدة:- نحس زينة منحوسة من يومها و وشها وحش على كل الى تدخل حياتهم و آخرها الموت ابنك كبيرو شهر و يموت طول ما هى معاه لو مش مصدقيني اسالي ابوها الى عايز يخلص منها علشان منحوسة 

جليلة بصتلها بصدمة و خوف تاني يوم في الفيلا زينة قررت تطب على زين في شغله 

دخلت الشركة و راحت مكتبه فتحت الباب و اتجمدت 

الفصل السادس من هنا 

شكرا لزيارتكم عالم روايات سكيرهوم