رواية بنات الحجي السعيد الفصل الخامس بقلم شمس العراقية
عصماء ـ هـا بس العفو عمي أبو زينه وين
علي نجم ـ نايم والله
ـ بس ممكن تگوله يجينـا باجر الصبح عدنا مسواك
ـ أن شاء الله
ـ مع السلامه
ـ الله وياج
ـ أنقطع الأتصال وكعدت وصفنت وفزيت على بيداء اصيح عليه
بيداء ـ عصماء عصماء عصماء
عصماء ـ ووجع شگو
ـ همزين سمعتيني ويامن صار ساعه أصيح عليج شبيج وين صفنتي وين غرگت السفن
ـ يـا سفن
ـ السفن الصفنتي بيها ، خير ياطير شعندج ما عندج
ـ شبيج أنتِ شعندي قابل يله گملي دروسج ونامي
ـ ماشي .
ـ طلعت لكيت أمي نايمه بالهول وأبويه ينام بالطرمه توضيت وصليت ونمت ومن الصبح كعدنا وتحضرنا وطلعنا لسوك ويه أبو زينه اخذنا مسواك المحل كامل وبالجيه هو أجه وأمي أستغربت وسألته
غنيه ـ أكول أبني أبو زينه وينه
علي نجم ـ عنده شغل وهو دزني أوصلكم عادي .
غنيه ـ خير أن شاء الله اي يمه عادي يله عصماء صعدي
عصماء ـ صعدنا وطول الطريق ما شفت منه اي تصرف او نظرة بالجامه نهائي عاد امي سألته
غنيه ـ أكول يمه أنت شنو شغلك
علي نجم ـ أشتغل بالميناء حجيه .
غنيه ـ الله يحفظك لأهلك وليدي .
علي نجم ـ رحمه الله والديج حجيه .
عصماء ـ وصلنا ونزل الأغراض خلاهن يم باب المحل وأمي انطته الكروه بس قبل يمشي عبر من يمي وباوعلي عبالك وشعور غريب سكني ، دخلت المسواك باوعت الساعه بعد وكت كعدت ارتب واعزل المحل وگملت دخلت لكيت بيداء بعدها ما راجعه ساعدت أمي بالغده وهيج لحالي أصفن بدون واعي
غنيه ـ وين صفنتي
عصماء ـ هـا لا هيج تذكرت شغلات وصني البنات عليهن أخاف ناسيه شيء منهن ما جاوبتني ، ورجعت أكمل شغلي ومر شهر ورحنا تسوگنا وكل عقلي أشوفه! عيوني جانت تريد شوفته مو بيدي هالشيء.
... رجعنا البيت ما شفته ما جاي ودخلت المسواك لمحل وأمي دخلت البيت وأتصل موبايلي رقم غريب ترددت أجاوب على الرقم وبالعاده أني أجاوب عادي لان اكيد وحده من نسوان القريه بس الا هالاتصال!! خلصت الرنه وما فتحت خط رجع دزلي رساله
علي نجم ـ أني علي نجم
عصماء ـ بلعت ريك علي! ورجع اتصل باوعت ماكو احد جاوبته واني متوتره وما أعرف ليش فتحت الخط ضليت ساكته الا هو حجه
علي نجم ـ سمعت اليوم رايحيين السوك
ـ أي
ـ عادي أتصالي لو أزعاج
ـ وليش أتصلت
ـ والله ما أدري بس الأدري بي رحت البصره ورجعت لديالى علمودج
غنيه ـ عصماء وين صرتي كملتي بعدج
عصماء ـ أجيت يمه ، لازم اسد الخط باي
علي نجم ـ مشغوله
ـ أي والله يله باي
ـ الله وياج .
ـ سديت الخط ومسحت وجهي مصخنه نار شبيه خرب بعقلج عصماء طلعت رحت على أمي كاعده تگشر شجر
تسوي غده
ـ هـا خلصتي تعزيل
ـ أي وبعدين أعزله على كيفي .
ـ يله كبي ماي على جسمج تعاي نكعيلي التمن
ـ أي هسه دخلت الغرفه باوعت لرقمه سهل يسرعه ينحفظ أبتسمت وباوعت المرايا معقوله اكون حبيت!
فتحت شالي ونثرت شعري وتذكرت شگله غمضت وأنفض برأسسي عصماء رجاءً رجعي لعقلج ...
ضليت أيام أفكر وتفكيري بعقلانيه ما أريد أخربط بعمري بتصرفات ما موزونه ونفس الوقت أني بنيه حالي حال البنات عندي مشاعر وأحساسيس ما أكدر اسيطر عليها وهو مبين عليه خوش ولد والجذبني بي ثكله ورزانته وبالأخص من گال رجعت الديالى علمودج هذا معناها هو هم حبني أو بعده ما متاكد من مشاعره
... شبيه اني گمت اقرر من كيفي حبني والا ما حبني على أساس أني ناقصه سوالف الحب وخرابيطه كافي عليه هوسه النسوان من يجني المحل لا عصماء عوفي هالدرب وابقي كاعده على عقلج ...
وبيوم رحنا السوك بعقوبه أني وأمي وأفترينا أخذنا كل النقوصات النحتاجها والموصياتني عليها وأحنه نمشي شفته رجعت ركزت أخاف مشتبه ونظراته أكدتلي هو واكف بعد مسافه من بين الناس صار گبالي أمي وگفت تشتري وهو واكف جگارته بأيده ونظراته ناحيتي عدلت عبايتي وأبتسملي ..
غنيه ـ هاي بيش
عصماء ـ ها يمه گملتي أحجي ويه أمي وهو يباوعلي يالله شگد صارلي ما شايفته واليوم شفته لو عبالك ولدت من جديد هيج فرحه بصدري ما أعرف شلون أوصفها وگلبي ناصب حفله ، مشينا ومن شاف أمي انطانا ظهره وكف يحجي ويه ابو المحل يسأله وعبرت من يمه وگلبي يدك سريع وصلنا ابو زينه وأخذ الأغراض عنا وبقيت أتلفت وراي عبالي يجي ويانا بس يمكن ما يريد أمي تشوفه وتشك بي هيج فسرت عنه ...
وصلنا البيت فرحانه لان شفته وهالمره عصماء ما بيها مجال وكعتي بالحب وگعتي ، لليل أهلي نايمين فتحت تلفوني الصرصور وشفت رقمه والثول أجاني بهل الليل أثاري ضاغطه على الرقم ومتصله گبل فصلته شگد عيب ، ورى دقايق دزلي رساله
علي نجم ـ يابه السلام عليكم
عصماء ـ توترت كتبت اله وعليكم السلام
ـ أخاف أسبب الج أزعاج
ـ ما جاوبته لان خايفه أبويه بالبيت وأخاف من أمي
كتبت اله باي .
ـ الله وياج يابه ، الله يستر عليج ويحفظج .
ـ نمت وگلبي يدك وشگله راسمته بمخيتلي للصبح كعدت أمي مسويه ريوك تريكنا ومشت هي وابويه لفلاحه وقبل لا تطلع كالت
غنيه ـ عود رگبي الغده
عصماء ـ ان شاء الله يمه ، راحوا وبيداء هم مشت ضليت بس أني فتحت المحل ورجعت البيت متلهفه لزمت موبايلي طلعت رقمه بس رمشتله ورجع أتصل يبوه شحجي وياه ، أكل بأظافري وأفتر وتالي جاوبته
الو .
علي نجم ـ شُنو هالصوت الحلو شلونج
عصماء ـ الحمدلله زينه وأنت شلونك
ـ نحمده ونشكره ، أي أهلج شلونهم الحجيه شونها
ـ زينين الحمدلله وأنت
ـ شبيه
ـ أقصد شلونك
ـ الحمدلله وأحمده وأشكره لان خلاج بطريقي وأبوس هذيج الساعه الأجيت بيها لديالى وشفتج بيها سامعه بالحب من أول نظره
ـ أي سامعه
ـ عصماء
ـ ها
ـ أسمج أسم على مسمى وشكلج مريح للنظر، گلشي بيج حلو لفت شالج عبايتج من تعدلينها وتضبينها على وجهج مشيتج بكثل صوتج الرزن ، أخلاقج وثگلج ورزانتج يا بنت الناس رجعتني من البصره لديالى على الرغم اني جياتي قليله بس أنتِ خليتني أعشق كل شارع بمحافظة ديالى ..
ـ مـا حجيت
ـ أعرف بيج مستحيه وخجلانه وهذا واضح عليج وأحلى صفه بيج ..
ـ شكراً
ـ العفو يابه تدللي عليه أي
ـ أي يربي والله ميته خجل شحجي
ـ من يمتى تشتغلين بالمحل
ـ من گملت السادس صارلي تقريباً سنتين ونص
ـ يعني ما گملتي جامعه
ـ لا والله معدلي مو شيء وأمي تريد طبيه فه گلنا ندرس أختي أحسن
ـ ها بيها الخير، تحبين تكملين جامعه
ـ مو هلكد لأن أساساً شغفي راح بيها من ما كملت من البدايه ، بعد ما أعرف الله شسقاملي .
ـ الله كريم كم أخ عندج
ـ ما عندي بس أخ واحد وغرق وعندي أخت وحده
ـ الله يرحمه ، زين اذا أتقدملج محد يعارض
ـ ضليت ساكته
ـ يصير خير أي ما تسمعيني صوتج الرزن أحجيلي عن حياتج
ـ شحجيلك مثلاً عاديه ما بيها شيء أشتغل بهل المحل
ـ حلوة حياتج
ـ أي
ـ بعدج مستحيه
ـ ما جاوبته
ـ فدوه
ـ يمه گلبي سمعت صوت يله لازم اروح باي
ـ ديري بالج على نفسج وأنتظر أتصالج تمام
ـ تمام قطعت الأتصال وكعدت اخذ نفس وسمعت صوت ام سعد بالمحل رحتلها هلا خاله
أم سعد ـ المحل فارغ مو بالعاده شلونج معصومه .
عصماء ـ الحمدلله خاله ، أخذت شغلاتها وأنطتني الدين وراحت وأستمرت حياتي نفس الروتين شغل البيت والمحل بس أنضاف علي لحياتي مثل النسمه نورلي حياتي ، فرحانه وعايشه بعالم الحب صح بالبدايه واجهت صعوبه لان اني طبعي أستحي وبصعوبه أتقبل شخص بحياتي وأذا تقبلته خلاص هذا قفلت عليه باب قلبي ونفس الوقت أشوفه شخص يستاهل أحبه لان يحبني ويهتم بكل التفاصيل الأحبها ويسألني على كل تفاصيل يومي ومن أول علاقتنا عرض عليه الزواج بس اني رفضت ..
وضلينا أشهر بعلاقه فقط أتصال وتطورت علاقتنا وفقط يجمعنا الحب النقيى والصافي بدون سوالف وأمور ثانيه ...
خلصت شغلي بكل واهس وكعدت بالمحل ورمشتله وأتصل مُباشرةً
علي نجم ـ شتاقيت والله شتاقيت طگ گلبي على هالصوت شوكت تخلص أمتحانات أختج عاد
عصماء ـ ليش
ـ شنو ليش حبيبي مو أتفقنا بس تخلص أني أتقدملج
ـ أي
ـ شنو أي عبالك ناسيه
ـ لا ما ناسيه بس گتلك حالياً ما أكدر أجلها الا أختي تخلص وأضمنها يله لان أمي وحدها وما تكدر لمحل والمسواك تعب عليها شلون أعوفها بهيج وضع وانت تكول اذا خطبتج بظرف شهر نتزوج .
ـ أي بظرف شهر نتزوج خلص مالها داعي العلاقه تطول أكثر دام عرفتج وعرفتيني وأثنينا نحب بعض الأحسن نتوج هالحب بزواج وأخذج يمي من ديالى للبصره
ـ أن شاء الله
ـ شيصير لو تگولين حبيبي
ـ علي
ـ يا عيون علي يا أمنية وحلم علي يا البنيه الجان يتخليها علي
ـ على نياتكم ترزقون
ـ الحمدلله الله يگملها ويانا على خير .
ـ الله كريم ضلينا نحجي وسمعت صوت المكينه أبويه اجه باي
ـ ماشي حبيبتي باي ديري بالج على نفسج
ـ ماشي قطعت الأتصال وعزلت المحل ودخل أبويه ضل يباوعلي وصافن عليه نظراته خوفتني الصراحه.، بلعت ريك وعبرته رحت المطبخ صبيت العشه وتعشينا وبالليل كعدنا اني امي وأختي وأمي فتحت القاصه
بيداء ـ ها يمه تفتحينها مو گلتي ما أفتحها هسه
غنيه ـ أي أفتحها أريد أشتري كسرة ذهب بيهن أبوج راكبتة الجنيه يريد يبيع المحل واذا وجد عندي فليسات يهلسني ..
عصماء ـ فتحتها وحسبنا ومناك هم مجمعه وكامت شالتهن وضمتهن وكالت
غنيه ـ باجر نروح ويه عمتج شهله تروح لأهلها البغداد ونمر لسوك نشتري بيهن ذهب وهم نمر الشورجه نتسوك للمحل .
عصماء ـ ماشي يمه
غنيه ـ عود تحضري
عصماء ـ أن شاء الله طلعت ودزيتله رساله وبلغته وبيداء تباوعلنا وضحكت وجع شگو
بيداء ـ سلامتج حبيبي .
عصماء ـ رجع دزلي
علي نجم ـ ليش تروحين وياها مرت عمج مو وياها ليش تأخذج ما حاجه روحتج
ـ ما أعرف هي تريدني علمود الذهب نختار اني وياها
ـ قابل ما تعرف ، حبيبي تعذري منها ولاتروحين
ـ ماشي
ً ـ ما تروحين خوش
ـ خوش
ـ أحبج وأغار عليج
ـ أي أبتسمت وبيداء شمرت عليه المخده شگد خبيثه
عفت الموبايل ونمت والصبح گلت لأمي ما رضت
ـ لا تروحين لعد منو يروح جديده هاي ما تروحين وياي لو هاي أمور الدوله!! .
ـ يا دوله
ـ تعرفين يا دوله! وروحه نروح كلامي ثاني مـا أريد ...
________________
ليال ـ ضليت بيت جدي وعمي سليم كلما يشوفنا يعيط بينا واحنه ساكتين لأن عمنا بس مع ذلك هواي حقر ويانا وابويه ما شفناه يمكن راح المستشفى على ليث ..
كاعدين بالغرفه ثلاتننا وجنات عازله نفسها وتگلب بالموبايل وعمتي نجاح خطيه ما ترضى عمي سليم يحجي واكفتلنا وساندتنا ..
لقاء ـ شو هذا انجلب ترى طگت مرارتي أكوم أنفجر بي ما ضل عليه بس هو وبعدين شكو ضال بس يعيط على هاي وهذيج ما يتزوج ويفكنا من شره بس منو ترضى بي شايب وخبل .
نجاح ـ لقاء عمه لسانج ما يصير عمج هذا ميخالف خل يحجي هو هيج طبعه لسانه متبري منا هو احنه ما خلصانين لما امي ما تنطي مجال بس شنسوي نتحمله
ليال ـ عفتهن وتمددت وبالي يم أهلي وليث گلبي ممرود عليه لصبح أنام واكعد مية الف حلم شفت من الوساس والخوف والرعب العشناه ...
كعدنا على صوت أمي بالصاله هي وجديتي طلعنا وشفناها لـو ردت النا روحنا همزين لقاء سألتها
لقاء ـ ها يمه شصار ليث شلونه
هيفاء ـ لا الحمدلله زين طلعوا بالبيت يله امشن لبيتنا عمه تردين مني شيء
حليمه ـ لا روحي بيتج أرتاحي ودزيلي باسل اتأكد منه داك الناقصه وياها لـو هاي سالفه سواها علمود نزوجهم ..
جواهر ـ داك الناقصه عمه
حليمه ـ وشمدريج أنتِ أجه وحجالج
جواهر ـ سعيد اخذه للبيت ودگه دگه زينه وصخم الله وجهه على هالسالفه السكط فضحنا بين العالم
حليمه ـ وأنتِ شعندج تركصين بجفيه على خراب بيت سعيد ترة الصار يمسج يالغشيمه لان أخو ابنج فه أحشمي روحج وخلج محضر خير لاتزيدين النار حطب يله هيفاء اخذي بناتج روحي بيتج وأنتِ تعالي أخذيني لغرفتي لا بارك الله بيج من مره .
ليال ـ جديتي بردت گلوبنا الله محتاجه هالرزاله من البارحه يمه ماكو هيج انجلبت هي وعمي سليم
هيفاء ـ سگتن يله خل نمشي لبيتنا
ليال ـ طلعنا وهوسه وسيارات وزلم يم الباب الظاهر جايين على ليث ماما شلون نطلع .
هيفاء ـ أمشن من باب الصغير لايشوفنا أبوج صاير نار وتلهب .
ليال ـ مشينا لبيتنا من باب الصغير ودخلنا باسل متمدد بالصاله وصافن تقربت أمي وتحجي بعصبيه
هيفاء ـ هـا أبني يا فتحه صدري يا بجري هاي الجزه هيج ولك ، ليش هيج سويت مو شايفتك بعين جبيره ليش فشلتنا أني وأبوك وهسه كل أثنين بسالفتك وابن هيفاء وأبن هيفاء ، يعني اذا أهلك ما وافقوا تروح تغلط وياها تروح عليها وبيتها يا مصخم الوجه ..
باسل ـ يمه بس خل أحجيلج .
هيفاء ـ ولك شتحجيلي شتحجيلي وأنت رايح برجليك لخراب نفسك وسمعتك وسمعة أهلك وتاليها صارت شكدها شگبرها الله يدري تاليتها شلون تنحل والأكبر منها أبن عمك ليث لو جايه الطلقه بصدره لو صايرله شيء شنكول شنحجي من ورة نزواتك ابن عمك يصيرله شيء .
ولك مـا خفت يمصخم ما خفت وتالي ما تالي أهلها لازموك بالكاميرات وصـىرنا مضحكه لأمة محمد أبن الحاج سعيد شحجي ولك سالفه ما تسولف هيج باسل هيج يا أبني أنتَ تتقرب للحرام وأنتن صاحب أخوات يا حيف تربيتي بيك يا حيف لو تعبانه على جلب من الشارع ولا تعبانه عليك خزيتني وفضحتني ولا جني مربيتك ومعلمتك الحلال عن الحرام وحذرتك وگتلك دير بالك تمشي ورى نزواتك ويطيح حظك ولك هاي سمعه تجي أنت تخربها بسالفه ويه عُلا .
ـ أنتوا السبب ردت أتزوجها وأنتوا صرتوا ضدي وعارضتوا وأني أحبها وكلكم تدرون بيه شگثر احبها وگتلكم لو هي لو مـا أتزوج غيرها .
ـ ولك متگولي شصارت هلعُلا الله خلقها مـا خلق غيرها
شوف ولك عُلا تنساها وتشيلها من رأسك لو ما الك كعده بهل البيت اكظبك الشوارع وخليك حاير بنفسك شوف تكدر تعيش عود خل عُلا وحُبها تفيدك يا أرعن .
ـ يمه ليش تصيرين ضدي
ـ أصير ضدك وأكسر رأسك هم اني ما خلفتك علمود تجيب العار لأبوك وتنزل ررأسه بين الزلم من ورى مره
ـ لاتزيدينها عليه
ـ لا ازيدها فوك طيحان الحظ الجاك، شوف ولك شيگول الك ابوك توافق واياك ثم اياك تعاند لو توكف بوجهه والله اغضب عليك ليوم الدين تمشي ويه أبوك وما تخلف أمره وشوره لو بكد الذره ، وبس تفض على خير نمشيلك على وحده ونسترك ونخلص من سوالفك ومكسراتك طايح الحظ .
ليال ـ عافته ومشت لغرفتها واحنه مشينا لغرفتنا تمددت تعبانه ومشتاقه لغرفتنا واخواتي متعاركات عالحمام وصلتني رساله جريت موبايلي رساله من ليث فزيت وفز گلبي فتحتها .
ليث ـ ماكو الحمدالله على الساعه يا بذاته .
ليال ـ كتبت اله الف الحمدلله على سلامتك يروحي والله متت الف موته بس ما أكدر أجيكم ولا أكدر أراسلك تعرف الوضع والاجواء مشحونه واللي صار مو قليل بس الحمدلله عدت سلامات ، وسلامتك أهم شيء
ـ لا واضح سلامتي أهم شيء ليش ما اجيتي
ـ وين اجي ليث مًا أكدر والله
ـ بيناتنا بس الحايط ليش ما تكدرين ، ترى ادري بيج بيت جدي
ـ لا والله رجعنا البيتنا أمي اجتي اخذتنا
ـ ماشي
ـ شـنو زعلت
ـ لا
ـ لا زعلت مني
ـ گتلج لا ، باسل وينه
ـ تمام ، موجود والله
ـ يله بعدين احاجيج جماعه يمي
ـ ماشي أنتبه على نفسك وجرحك وبالي يمك شافها وما جاوبني أدري بي زعل لان ما رحتله بس وين أروح
عفت موبايلي وطلعت جنات لازمت الموبايل مالتها شو كثرانه مراسلتج خير يا طير .
جنات ـ بسم الله لاتصيرين مثل لقاء عفيه كلما الزم الموبايل تباوعلي بنص عين هم مو نظره گامله عبالك مسويه جريمه .
ـ أحنه علمودج غير نخاف عليح وبعدج طالبه مرحلة أولى انتبهي لنفسج وتصرفاتج وسيطري على مشاعرج لاتركضين ورة صديقاتج وياهي تجي تصديقينها وتفتحين الها گلبج ومن الأول خلي حدود وأبني أسم ومكانه بإحترام نفسج .
ـ اي أن شاء الله بس هسه عندي كم صديقه نسولف بينا سوالف عاديه وعن الدوام ماكو شيء من البالجن
ـ ماشي حبيبتي ، وطلعت لقاء أكولجن اني راح انام من اكعد اسبح لان اهناك بيت جدي أبداً ما نمت .
لقاء ـ منين يجيينا النوم والسحاره تفتر فوك روؤسنا يله نامي واني نازله أشوف أمي وأفهم على سالفه باسل .
ليال ـ تمام نزلت واني نمت كعدت الظهر سبحت ونزلنا تغدينا وباسل ما موجود ماما شصار .
هيفاء ـ العصر الكعده يكولون تنحل اليوم
لقاء ـ يعني يزوجونهم
هيفاء ـ لا وين أكو حتى لو هيج أبوج مـا يرضى ولا جدج وعمامج يرضون بس راح تصير سد بسد ليث قدم شكوى ضدهم وشوف تاليتها شلون تفض .
ليال ـ الله كريم ، لليل كاعدين وأمي گالت تجهزن نروح بيت عمجن كريم نعافي ليث وصعدت لبست وتجهزنا وطلعنا لبيتهم وكومة سيارات يم الباب ودكينا الباب طلع النا فواز ودخلنا وأستقبلتنا عمتي سلوى واستبرق ولكينا جوج ومأجوج الكل يمهم وأولهم عمتي نجلاء وبناتها .
سلوى ـ هلا هلا بيجن اتفضلن منا اتقضلن يا هلا بالبنات فوتن يمه أستبرق ركض ضيافه .
أستبرق ـ من عيوني عمه
ليال ـ دخلنا وكل عماتي موجودات وهوسه سلمنا وكوه يبوسن بينا عبالك مسويين جريمه كعدنا بصف أمي وعمتي نجلاء تباوعلنا بقرف
لقاء ـ هاي شبيها هيج تباوعلنا ليكون ناهبين مالية الخلفوها .
ليال ـ سكتي شكلها جاي تسوي إحماء ياخوفي تسويلنا مشكله مبين من كعدتها وهدوئها هذا ما يطمن .!
لقاء ـ ختولي خل تفتح حلگها والله الطمهن على حلوگهن كل وحده تجيب معدلنا لو معدل باسل أشك حلگها الخايس .
هيفاء ـ شلونه صار ليث شلون صحته أن شاء الله احسن
سلوى ـ الف الحمدلله يگلبي عداه الخطر وأبني ذيب ما يهم ألها وعدت سلامات .
نجلاء ـ صدك تحجين سلوى من كل عقلج لا وكاعده ومكابلتها وأبنها جان السبب بكل اللي صار بأبنج وانضرب طلقه جان مات
سلوى ـ أسم الله عليه من الموت وأبن عمه ودافعله ما بيها شيء هما حسبة أخوان ربوا سوه وأبني دمه حار ما تحمل أحد يتعدى حدوده ويه ابن عمه وشمر روحه للموت هاي من الزينات .
ـ يا زينات تحجين عنها وسالفته تفشل وتصخم الوجه والله اني لو منج أصلاً مـا ادخلها بيتي لا هي ولا بناتها واحرمه عليهن شبيج أنتِ هذا ابنج جبيرج فتحت صدرج نيال گلبي على برودج .
ـ نجلاء مو وكته هالحجي أحنه ما جاي نتحاسب المره جايبه بناتها وتعافي لأبني عيب سدي السالفه خلينا كاعدين وحبايب .
انسام ـ والله لو منج اطردهن وكل الصار بسبب تربيتها ما عرفت تربي هاي مو جواهر ضرتها وياها ربت نائل فدوه لطوله وعقله ما يوم شفنا تصرف مخل بسمعتنا بس باسل ابن هيفاء على صيت هالولد ودللته وطلعت عينه كالك اغلط بلكي يزوجونها اليه بس حامض على بوزه ما يحصل اظفرها وراح يزوجونها لأبن عمها .
سلوى ـ أنسام شُنو هالحجي هاي عود أنتِ العاقله عيب يمعودات بهيج ظرف نتكاتف لو ناس تطعن بناس .
هيفاء ـ لا خيتي ام ليث خليهن خليهن عبالهن بس ابني غلط ولدهن معصومين من الغلط ، خاف عبالجن ابني غلط وانفضح بس الله اله بيها أراده يمكن تكون سبب هدايته وصلاحه وخاف عبالجن ابوه يتخلى عنا لا حبيبتي هذا أبنه هذا أبن هيفاء وباجر نزوجه ونسويله عرس ما صار ونفرح بي
واحنه بالعلن ما نخاف من شيء بس الباقين الله يدري شمسوين بالسر الله يستر عليجن وعلى زلمجن ولدجن وبناتجن يله بناتي گومن الكعده بيها سم .
نجلاء ـ سم يسمج أحترمي نفسسج واحجي عدل شتقصدين بكلامج هذا ووين موليه واجهيني لو اسويلج سالفه اخليج تطلعين بسواد وجهج فوك السواد الصخم وجهج بي أبنج .
هيفاء ـ كلامج مردود عليه بس أكولجن شيء لاتحمن زايد بدال ما تباوعن على عيب أبني وغلطه ومسوياته سالفه الجن باعن على العيوب العدجن وأنتن أعرف .
ليال ـ فجرتها وخلت عماتي ينكزن لسما ويصيحن وأمي مشت بثكل وعمتي سلوى اجتي ورانا تتعذر وضربت امي على جتفها وضحكت هي وأمي حتى احنا ضحكنا .
سلوى ـ هههه ينعل بليسج فجرتيهن خليتهن وحده تباوع لثانيه ونجلاء كامت تموت .
نجلاء ـ ولج تماضـــــــــر أحترگت عشيرتج تماضـــــر!
سلوى ـ عزه ولج سمعي سمعي
هيفاء ـ لعد شعبالج اسكتلهن وهنا يحجن على أبني خاف گبل سگت لخاطر من خاطر بس منا وهيج ما اسكتلهن واوكفهن عند حدهن هالحقيرات .
سلوى ـ والله مشتريات الشر بدم گلبهن عوفيهن أنتِ أكبر منهن يرحون فدوه لعقلج أم باسل الذهب .
هيفاء ـ فدوه اروحلج خيتي هسه ما علينا منهن ليث شلونه عبالنا نشوفه نتحمد له على سلامته .
سلوى ـ بالاستقبال يم الزلم والله دزوا عليه وراحلهم أهل البنيه جايين عليه يردون يتنازل بس راح يسدون السالفه وتفض على خير ان شاء الله ونخلص .
هيفاء ـ ان شاء الله خيتي الله يسمع منج يله سلمينا عليه وكوليله عمتك وبناتها اجن عليك لا يروح يزعل لان دمه حار وخشم طالع على عماته ..
سلوى ـ ههه عوذه كلشي ولا عماته .
ليال ـ ضحكنا ومشينا وأنفتح باب الأستقبال الداخلي وطلع ليث رفع راسه اجتي عينه بعيني تقرب علينا وامي وكفت تعافيله واني تقربت الحمدلله على سلامتك .
ليث ـ الله يسلمكم شنو وين رايحيين
هيفاء ـ اجينا من زمان ودام شفناك نروح احسن
ليث ـ ليش أحسن عمه البيت بيتج اتفضلي
سلوى ـ لا يمه ما قصدها شيء بس عماتك اهنا وتلاكن وتعرف عماتك
ليث ـ ها هيج الحجي بس البيت بيتي محد يحقله يحاجيهن واني موجود والله أاكص لسانها التحاجيج بكلمه عمه أنتِ عزيزه وغاليه واللي صار مقدر ومكتوب لا بيدي وبا بيد باسل وسبحان الما يغلط على أساس أحنه معصومين من الغلط، امشي عمه صدك جذب .
هيفاء ـ فدوه لطولك الله يحفظك لشبابك يعيون عمتك .
ليث ـ شعندي غيرج يا عمه .
ليال ـ گالها وباوعلي ومشينا كعدنا بغرفته وهو كعد على جربايته وعمتي سلوى ساعدته وطلعت وضلينا كاعدين وحسيته ما مرتاح .
هيفاء ـ ها يمه عبالك ما مرتاح
ليث ـ اي والله
ليال ـ كامت امي ساعدته واشرتلي
هيفاء ـ ليال جيبلي مخده
ليال ـ انطيتها الها وهو صفن عليه ومشيت كعدت بمكاني جابولنا جاي وهو يسولف ويه امي علمود سالفة باسل واحنه نسولف ويه ياقوت وشوية ودخل علينا ابويه ابتسم من شافنا
سعيد ـ ها انتوا أهنا شلونجن بابا
ليال ـ الحمدلله بخير بابا تقرب باسنا وحضن جنات وباوع لأمي
هيفاء ـ ها بشرني
سعيد ـ انحلت الحمدلله يله گومن نروح البيت ليث عمي ارتاح بمكانك لاتضل بس تفتر لا كلما اجه زلمه طلعتله تركض الاستقبال ندري بيك ذيب وسبع بس جرحك بعده رطب عمي دير يالك على نفسك وسلوى خيتي سويله شوربة لحم خل يتغذى اريده يطيب هذا ابو الكلفات أيدي ورجلي سبعي .
ليث ـ تدلل عمي
سعيد ـ عود حاجي أبن عمك لان الأفندي زعلان مني فوك سواد وجه وهو الزعلان شايف هيج شيء
ليث ـ ميخالف عمي هم على كيفك وياه اللي صار مو قليل عليه وأنت گلبك كبير سامحه سامحه .
سعيد ـ والله يا أبني سالفته ما يتسامح عليها بس شسويله يضل أبني واجبنا نتحملهم ونتحمل اغلاطهم بس لعلمك هو ما زعلان مني بس زعلان لان عباله يحصلها بس ما صارت هم طارت من أيديه ويسـتاهل هذا يخالف أمر وشور أهله شيعلم لعد .
ليث ـ خلي عليه هو ينساها خوما يضل راكض ورى الغلط .
ـ الله يهدي ويثبت عقله برأسه وأنت احجي وياه وخلي يعقل بس أني أعرف شلون أخلي ينساها خل هسه سالفته يمر عليها وگت وتنسي عگبها ادورله بنت الحلال وأستره ويكظب بيته ومرته .
ـ لا عمي ما أعرفك هيج تعالج الخطأ بالخطأ وبنت الناس شُنو ذنبها ، لا عمي سالفة الزواج عوفها هسه أنطي مجال على أقل خل ينسـاها وگتها يدلل علينا نسواننا خير وبركه يطب ويتخير بس يأشر والله أسويله عرس مـا صار بكل العشيره بس هسه لا عمي أجلها .
ـ الله كريم لا هسه مو وگته فد سنة زمان وما أخذله من الأقارب عاد كل ما يتعاركون وتكوم تعيره وتشيل رأسها لبيت أهلها وتعال سعيد راضي وفضها لا عمي شلي بهل الطلابه أخذله غريبه خل يصفى بالي وأدورله بنت الحلال .
ـ الله كريم عمي الله يسهل
ـ ولك ليث تعال على طاري الزواج شوكت ناوي تتزوج مو صرت شايب أبوك بگدك مخلفكم كلكم ، سلوى شو أنتِ وكريم ولا ابالكم تزوجونه لو ما صدگتوا .
سلوى ـ والله علواه تحجي وياه وتقنعه شو هو ولا أباله كلما نحجي وياه يگول بعد هسه والهسه سنه تجر سنه شينتظر ما ادري .
ليث ـ لا الله كريم عن قريب أن شاء الله
سلوى ـ يالله يا حبيبي يوم عيد وأفرح بيك
ليال ـ عمتي سلوى تحجي وتباوعلي يمه متت بدمي وأبويه واكف عزه دمي نشف والله بلعت ريك وهو وابويه يضحكون ضحتكهم تجنن وعمتي سلوى وأمي وحده تباوع الثانيه ويوزعن أبتسامات مجاناً ولقاء أفندي تغمزلي واني لزمتني الرعشه ، ضحك وباوعلي وتنهد
سعيد ـ ها بيها الخير ، يله بناتي يله بابا نمشي، ليث أبني أنتبه على جرحك .
ليث ـ أن شاء الله عمي
ليال ـ طلع أبويه وأحنا وراه وصارت بوجهنا جواهر وگفت هي وأبويه يحجون .
جواهر ـ سعيد وين رايح
سعيد ـ وين رايح لبيتي يله گافي أخذي أخواتي وروحن البيت خل يرتاحون بيتهم هوسه ما فرغ من العالم .
جواهر ـ وأنت مــا تجي .
سعيد ـ لا ما أجي يله أمشي گافي لغوه .
ليال ـ مشينا وضلت واكفه وتباوعلنا بحقد وأبويه وكف هو وعمي كريم يحجون وامي وعمتى سلوى مـا حلت السوالف الا يم الباب ولاحظت لقاء ماكو شويه وأجتي وين جنتي تقربت شاورتني
لقاء ـ الله يستر من هل الليله ما تعدي على خير وداعتج وگولي لقاء ما گالت
ليال ـ أمشي الله يكفينا شـرها ، وصلنا بيتنا وبدخولنا شفـنا باسل كاعد بالحديقه ومخلي سماعات يأذنه هو شافنه خله موبايل بجيبه وأبويه باوعله وگاله .
سعيد ـ أذا ما تصير أدمي باب البيت يعثرك فاهم لولا
ما عندي ولد مخربط أصلح غلطه ويرجع يغلط بكل عين صلفه علمود مره تبيع أهلك وسمعتك ما سأل عنها والخلقك يا باسل إذا هالغلط تكرر أتبرى منك وخل الشوارع تلفيك
ولك تسوى عمرك من يگولون هيفاء ما عرفت تربي ولك تروح فدوه ونذر لأظفر من اظافر أمك .
ليال ـ ما حجه شيء ودخلنا البيت گبل لغرفتنا ولقاء عافتنا وراحت تفتر بالطابق وفتحت باب السطح وين رايحه بهل الليل .
لقاء ـ أنتظرها تجي هي وسحورتها!!
ـ منــو ولج
ـ العاهره جواهر .
ـ لا بربج عوفي هاالسوالف وما أعتقد تخوفنـا بعد لان من زمان ما سوت شيء بالاخص من أنتِ جنتي بتكريت
ـ ليال أمشي منا لاتوكفين بطريقي اني شفتها دخلت المطبخ مال بيت عمي وتحجي بالتلفون!! .
ـ شتحجي ولج شسمعتي
ـ سمعت وخلص
ـ وما تخافين من عزه العزاج نزلي وأمشي نكول لـ باسل
ـ خاب دتطيري تگول لـ باسل على أساس شگد راح يصدگنا وهو وين واحنا وين أصلاً بس نگوله يعفط النا
ـ لا إله الأ الله لقاء نزلي وتعالي گوليلي شُنو سمعتي أمانه
ـ الجن مالتها اليوم يحضر بيتنا!
ـ قل أعوذ برب الفلق شيسوي
ـ عدنا وليمه عشاء شمدريني شيسوي شايفتني أعرف بهاي السوالف بس أريد اكعد بالسطح وأشوف
ـ شتشوفين هو ما ينشاف عزه العزاج نشفتي دمي بسوالفج أمشي هسه ابويه يحس علينا ويصعد ويضل يسأل شتكولين تكولين جواهر أكيد ما راح يصدگج .
ـ أنتِ بس ولي منـا وفگيني من لسانج أمشي روحي راسلي ليث مو يريد يتزوج روحي تلاحكي حبكم خاف جواهر مسويتلكم سحر وأدمر حبكم وتخرب فرحتكم
ـ لا مستحيل ليث شعلي
ـ شكد على نياتج ، أمشي يم جنات لان هاي ما مرتاحه الها بس طامسه بهل المهجوم الموبايل!
ـ ماشي صعدي وتعاي بسرعه لاتطولين أمانه
ـ بس افتر وارجع أريد اشوف بشر لو جن
ـ لقاء تشاقين
ـ ما اتشاقه شبيج وگت شقه
ـ صعدت السطح لقاء يمعوده رجعي لا واحد من ولد عمامي يشوفج اكيد هسه كاعدين بالحديقه مقابلنا رجعي ، ما سمعتني ، باوعت جوه الأضويه طافيه أهلي ناموا لازم أنزل أصيح أمي اكيد هاي سامعه شيء عن جواهر نزلت ولازمه گلبي واني أمشي شفت بزونه جبيره سوده وعيونها تجدح وصرخت بعلوا صوتي يمــا
" ضربات خفيفه على وجهي وصوت صياح اخر شيء فزيت على ماي بارد فتحت عيوني لكيت نفسي بحضن باسل
باسل ـ اسم الله الرحمٰن ليال وياي بيج شيء أخذج المستشفى .
سعيد ـ ليال بابا تسمعيني ، باسل كوم شغل السياره أختك مو بوعيها ما تشوفها شون تباوعلنا .
هيفاء ـ يمه بنيتي ليال ماما حبيبتي بيج شيء أحجيلي شبيج شُنو شفتي وگعتي گلبنا
ليال ـ ما بيه شيء نهضت من حضن باسل وكلهم فوك رأسي ولقاء عضت شفتها كأنما تحذرني من شيء ، ما بيه شيء شفت بزونه وأخترعت بس
سعيد ـ صوجك ما تدخل غرفتك عفت الباب مفتوح وبزازين تتدخل البيت لا صاير شيء لوحده من أخواتك
باسل ـ يابه يا بزونه أصلاً من دخلت البيت على صوتها ماكو بزونه والباب مقفول منين تجي البزونه .
سعيد ـ يله ما صار شيء أختك خافت واخترعت من البزونه نازكات مثل امهن ، يله هيفاء أخذيها رقيها وخل تنام وترتاح وأنت قفل الأبواب وفوت الغرفتك
هيفاء ـ كومي ليال ماما گومي جنات لقاء امشن صعدن الغرفه گدامي .
ليال ـ صعدنا الغرفه ولاحظنا الطابق كله اظلم ما ينشاف شيء ماما ظلمه
لقاء ـ ماما ما انام اهنا المكان محضور أعوذ بالله من الشيطان الرجيم امشن خل ننزل .
هيفاء ـ لقاء شبيج ماما شنو محضور شنو هالخرابيط ماكو شيء اللي ايمان قوي ما يامن بهيج سوالف جنات أمشي افتحي الاضويه ماما .
ليال ـ اباوع لقاء ترجف وتهز براسها برفض ماما خل ننزل جنات حاولت ما ينفتح ولا ضوء عاد من فوك امي صاحت
هيفاء ـ سعيد ما تشوف الجوزه ما طابق الثاني يمكن فاصله .
ليال ـ رد علينا صوت مو صوت أبويه وأنصرعنا
ـ أي هسه
هيفاء ـ اعوذ بالله من الشيطان الرجيم قل اعوذ برب الفلق ، امشن نزلن ركض كدامي جنات وينج جنــات
جنات ـ اني جوه ماما شگو
هيفاء ـ لقاء ليال جنات وين مو جانت يمنا!!
ليال ـ متنا خوف امي ركضت كدامنا واحنا وراها وجنات باب المطبخ بأيدها الأيس گوفي شافتنا اجتنا تركض وامي ابتعدت عنها واحنه نتراجف وطلع ابويه من الغرفه
هيفاء ـ أعوذ بالله من الشيطان الرجيم وخري وخري .
سعيد ـ شكو شبيحن تتصراخن
جنات ـ ما أعرف امي شبيها ونزلن يتراكض
هيفاء ـ سعيد اني صحت عليك من فوك ترفع الجوزه سمعتني لو لا
سعيد ـ يا جوزه شبيج مو كتلج صعدي ليال وراح افوت انام شكو شبيجن .
جنات ـ ماما شگوو
ليال ـ أمي كعدت على القنفه ولازمه راسها ركضت لقاء جابلتها ماي شربت ونصه كبتها باوعت لغرفه باسل
هيفاء ـ باسل وينه باســل وين
سعيد ـ شبيج تخبلتي الولد دخل غرفته نام
ليال ـ طلع باسل من الغرفه
باسل ـ ها عيني يمه صحتيني
هيفاء ـ اي يمه سألت عليك ، سعيد البنات ينامن يمي
سعيد ـ ليش شگو ليش ما ينامن بغرفتهن .
هيفاء ـ والله يا سعيد على اللي شفته اذا احجيلك مـا تصدك
سعيد ـ لا احجيلي شبيج
ليال ـ أمي حجتله گلشي وأبويه يهز بأيده وباسل يضحك كالعاده محد يصدگنا ورجعت باوعت لجنات وصاحت بيها
هيفاء ـ وأنتِ جنتي بصفي كتلج شغلي الأضويه وما أشتغلت ورجعت صحت عليك من فوك وگتلي أي هسه
جنات ـ ماما أني ما صعدت وياكم دخلت المطبخ اسوي ايس گوفي حتى سألي باسل مو باسل
باسل ـ اي حتى گتلها سويلي وياج يعني متوهمات ماكو هيج شيء وسوالف وخرابيط الجن شيلينها من راسجن ، هاي من هذيج المره صارت بيجن خوفه كل ما تشكل الجوزه وتفصل الكهرباء على الطابق الفوق يصير بيجن واهس وكمتن تخافن وتتخيلن
سعيد ـ لا اله الأ الله ، الله يعيني على عقل النسوان وخرابطيهن يا مره خل بناتج ينامن واحنا انام وراي شغل ماكو شيء .
هيفاء ـ سعيد بهذا البيت ما الي كعده لا اني ولا بناتي مـا جايزه منهن لا يروح جني يتلبس بوحده منهن .
سعيد ـ بيت ماكو مستحيل أغير البيت من ورى تفاهات وسوالف ضراير بينجن وكافي خبلتي بناتج وياج استغفري الله من هالخرابيط يعني حتى لو ماكو من ورة واهسج يحضر ليش ترجعينا لنقطة الصفر هاي هم جواهر وسحر يوميه مطلعتي سالفه گافي راح تصيرن جدات گافي مناحر بينجن وحده تحجي عاالثانيه .
ليال ـ صرت بصف أمي وباسل يضحك علينا
هيفاء ـ دام هيج ما تصدگني لعد الكاميرات باجر تصلحونها والبنات ينزلن جوه ما ينامن فوك بعد .
سعيد ـ لا اله الا الله على هل الليله الكشره سويتها سم
علينا خلص عمي هاي هي باجر اصلحها يله بابا صعدن نامن ما عليج من سوالف أمجن
هيفاء ـ ينامن يمي وأنت نام يم باسل لو تنام بالاستقبال .
ليال ـ أمي لزمتنا من إيدينا وأبويه مشه وعافنا وباسل دخل غرفته وأمي كامت تقربت على جنات تتلمس بوجهه وصافنين عليها .
جنات ـ ماما شبيج
هيفاء ـ ما صعدتي ويانا
جنات ـ لا والله
لقاء ـ ماما خل ندخل الغرفه ونحجي .
ليال ـ مشينا وباوعت فوك وشفت البزونه تباوعليض گبل أختفت لزمت ايد لقاء يعني الجن بيتنا
لقاء ـ أي بس محد يصدگنا امشي خل نحجي لأمي
ليال ـ ودخلنا الغرفه أمي كعدت لازمه راسها ولقاء تحجي الها وهي تهز براسها واني خايفه ولازمه كلبي
هيفاء ـ ما تبطل سوالفها ما تبطلهن سحورتها قبل من جنتوا صغار ممرمرتني بحياتي وهسه وأنتـوا كبار رجعت لنفس شغلها بس مـا جان هيج هسه أقوى أقوى .
لقاء ـ ماما اني سمعتها تحجي على الموبايل يعني شنو تحجي وياهم وتبلغهم.
هيفاء ـ لا أكيد لا بس تحجي ويه ناس هما يسون هل الأعمال الشيطانيه ، أويلي عليج هيفاء ما ترتاحين الا تموتين يله!!
ليال ـ عفيه ماما لا هيج تحجين والله ما ناقصين كافي الرعب العشناه
هيفاء ـ جنات وين ولت ما تشوفنها
لقاء ـ جنات
ليال ـ انفتح الباب دخلت علينا جنات بأيديها موبايلاتنا وين جنتي
جنات ـ صعدت جبت موبايلي والشاحنه وجبت وياي موبايلتجن .
هيفاء ـ وشلون صعدتي ما خفتي!
جنات ـ لا والله وماكو شيء والأضويه مشتغله جبتهن واجيت هاجن .
لقاء ـ على اللي شفته صرت أخاف منج هسه تطلعين تشغلين الها أستغفر الله .
هيفاء ـ لقاء لسانج تعاي ماما تعاي يمي .
ليال ـ نامت بحضن أمي ولقاء كامت قفلت الباب ونمنا على الجربايه بصف أمي وخايفين ولازگين بصفها من الرعب العشناه بهل الليله ...
هيفاء ـ حصلت على مبتغاها سوت كل هالشيء لان أبوج خشن الكلام وياها ومشى ويانا .
ليال ـ تحجي واني عيوني على الباب وبالكوه نمنا وأمي ضلت كاعده تقرأ المعوذات وأيات قرأنيه ...
الصبح كعدت بس اني على الجربايه جريت موبايلي الساعه بالعشره اليوم جمعه وصوت القرأن مشتغل على سورة الكهف وريحة البخور شگت خشمي گمت طلعت البيت مغسول ونظيف وأمي بالمطبخ اسوي غده ولقاء مطلعه جبن وجاي تتريك وجنات تلعب لعبه بالموبايل صباح الخير
هيفاء ـ هلا يمه صباح النور ، المكتبه مالتج صارت غرفه الجن بقيت بس الرف مال الكتب والمكتب .
ليال ـ ماشي يمه عادي باوعت على لقاء الرسمه
لقاء ـ يمي لاتخافين .
ـ اي الحمدلله طمنتيني يعني هسه الغرفه مالتنا گملت .
ـ أي غير من الصبح أبويه نفذ طلبات وأوامر الست هيفاء هو وباسل كملوا گلشي وأخذوا الكاميرات هم والغرفه صارت تجنن لان طابع المكتبه مالتج والاصقات
وسوالفج الحلوه كلها بقت والأحلى باسل خله الهديه جابها ليث الج لصقها على الباب أنتيكات ..
ـ ها تمام رايحه أشوفها مشيت وباوعت الفوك بلعت ريك أستغفرت ربي ودخلت الغرفتنا مجرد دخلتنا انشرح صدري مكتبتي الحلوه تلمست الكتب وأشيائي زين ما مخربينها وسمعت صوت نائل وفتح الغرفه وباوع بيها وعوج حلكه وجر اللصقه من الباب وشمرها بالكاع جفص عليها مردلي گلبي
نائل ـ والله بطرانه شهل السوالف التافهه أنتيكات ليش ما لاستيكات ، وشكو نزلتن جوه ابويه خبصني تعال نزل الأغراض مالت أخواتك
لقاء ـ تغيرات بسيطه وأبويه ما رفضلنا طلب .
نائل ـ أنهجم بيت الباميه شگد تنفخ مو أعرف سوالفجن وتافهتجن تموتن على صرف الفلوس والتغيرات بس أمجن منو عليمن تطلعن .
ليال ـ شمر كلامه مثل السم وطلع ودخل باسل ضرب باسل بكتفه بقوه وباسل باوع لامي
باسل ـ هذا من دز عليه شجابه
هيفاء ـ مو أبوك دز عليه على يجي يساعدكم علمود غرفة أخواتك وماأجه هسه يله .
باسل ـ بعد وگت .
ليال ـ رجعت الغرفه فتحت موبايلي لكيته مراسلني
ليث ـ شو مختفيه!
ليال ـ موجوده بس جنت نايمه صار أيام نومتي ما مستقره لهل السبب تأخرت
ـ وين غداكم
ـ بالبيت ليش
ـ عبالي بيت جدي علمود تجين علينا أشوفج
ـ لا والله بيتنا
ـ ماشي
ـ ليش شتاقيتلي
ـ لا بس عبالي أحجي وياج بموضوع
ـ شنو لا يعني ما أشتاقيت اليه؟
ـ شبيج ليال على گلشي أدققين أنتِ مو طفله يعني أشتاقلج الا أكولج مشتاقلج واسأل عليج يعني شنو أفهميها
ـ يعني شُنو ما أعرف أنت فسريلها شُـــنوْ أني أنسانه عاطفيه محتاجه أسمعها مو أحلل وأفسر علمود أفهم .
ـ يعني هسه موضوعنا وكفت على هالنقطه من كل عقلج ليال!
ـ اي من كل عقلي وأنت ما حنت هيج والصراحه حيرتني وياك وبأطباعك الغامضه ، قبل جنت تظهرلي أهتمام وبعدها ظهرتلي أهتمام بحب وهسه أهتمامك صار جاف يعني من الأخير مـا جاي أفهمك شتريد بالضبط وأني شـنو بالنسبه الك؟
ـ أنتِ حبيبة وزوجه بإذن الله وعن قريب!
ـ يعني
ـ نتزوج بس أكو أمور لازم نحجي بيها بالأول .
ـ وهي .
ـ مو هسه من يصفى فكري
ـ ليث شبيك
ـ ما بيه شيء بابا
ـ تمام هذا هو براحتك ، شلون جرحك
ـ لا زين الحمدلله ، أنتِ شلونج
ـ زينه من أطمئن عليك لو تدري شصار بيه من أنصابيت متت الف موته .
ـ لا أسم الله لاتخافين ما بيه الأ العافيه لاتخافين مـا أعوفج باقي على گلبج ولحلالج وملكج وأملاكج .
ـ أحبك
ـ وأني هم ، هسه يعني مـا أشوفج
ـ لا والله أبويه بالبيت أعذرني وبيت جدي ما اروح عماتي موجودات .
ـ بس عمتي نجلاء موجوده
ـ هاي بالأخص ما أطيق اشوفها ، أنت تعال
ـ وشنو الحجه اجيكم بيها واني متصاوب لا بابا اذا صحلج مجال أنتِ مريلي بحجه ملزمه شيء بس مهم أشوفج البارحه ما شبعت مناظره ومنا متصاوب وفراكج كثرن وهواي عليه
ـ الله الله
ـ الله عليج ليالي
ـ فدوه دزيتله سمايل يدمع
ـ ليش تبجين هذا لا ادزينه مره لخ
ـ أوك ما أدزه
ـ يله أروح أكو جماعه يمنًا والله شلعوا گلبي عمي متصاوب مو فاتحتي
ـ أسم الله ليث أسم الله يومي قبل يومك
ـ هههه حبيبي والله يله نحجي بعدين
ـ الله وياك .. أنتهت المحادثه بينا وللعصر أمي خالتي هيام مرت عليها وراحن ، أكولج امي وين راحت
لقاء ـ گالت تسوي حجابات النا تحصنا من جواهر عود يفيد ، بس تعاي هاي الى متى تضل هيج تسوي بينا وسوالفها كثرانه كل كم شهر تسويلنا سالفه تخلينا مرعوبين ونحجي محد يصدگنا مو لازم أحد يوكفها عند حدها ولاتنسين قبل من صغار هم مبزعه أمي يعني سوالفها قديمه واذا تضل هيج تاليتنا مخابيل ونفتر بالشارع لو يربطونه بحبل، والله على ليلة البارحه على ساعه عقلي يوكف بالاخص من جنات جانت يمنا وأنوب نزلت لا انوب نحجيلها تضحك علينا حتى هي كامت ما تصدكنا لان واضح هي ما مشموله لا هي ولا بابا ولا باسل بس اني وياج وأمي .
ـ لاتذكريني لخاطر الله لحد الأن الخوفه بگلبي
ـ شگول عليج جواهر ، أي احجيلي شصار يينكم
ـ حجيت الها
ـ هذا نرجسي الله يعين گلبج
ـ لا مو نرجسي ترى اعرف النرجسي صح اكو أطباع بي بس مو كلشي ينطبق على ليث
ـ اذا تحبين نفسج عوفي ليث لان والله أعرف صديقتي تزوجت واحد وطلع نرجسي عايشه بعذاب نفسي
انتِ صح خطأ يقلب الطاوله عليج ويعيش الضحيه ويخليج تحسين نفسج فعلاً على خطأ يعني من الأخير هذا مرض نفسي يعذبج ويستلذذ بيج ، عوفي ليال الحب مو گلشي والف واحد يتمنى حبج ووفائج وأخلاصج ونقاء قلبج الصافي .
ـ عوفي سوالف العلم والفلسفه وطلعي ليث منها رجاءً
ـ أوك براحتج هاي حياتج وأنتِ أعرف بيها .
ـ عافتني وضليت أفكر بكلامها وتهربت من الحقيقه وضليت راسمه صورته بداخلي صورتك ما تتشوه تضل حبيبي ...
" مرت أشهر وحياتنا طبيعية والحمدلله بعد ما شفنا شيء بالأخص من أمي وخالتي جابلنا حجابات لبسانهن
والله يكفينا شر جواهر وأسحارها ...
واكفين وأضحك أني وصديقاتي وناسيه نفسي ورفعت رأسي لكيته واكف بس بعيد عنا أستغربت ليش واكف بعيد ، ردت أتصل بس اجتي أخته ياقوت دزيتله رساله ليش واكف بعيد
ليث ـ منتظرج تخلصين ضحك! خلصتي لو بعدج
ليال ـ ترة اني وصديقاتي ضحكنا على فد موضوع .
ـ والضحك خارج الجامعه فرجه كدام الرايح والجاي وكلها تباوعلج لو أنتِ متعمده تضحكين علمود تغرين الطلاب
ياقوت ـ هلاو ليال .
ليال ـ عفت الموبايل هلا عيني وأجه سريع طبك السياره وياقوت تباوعلي
ياقوت ـ هذا شبي معصب الله يستر .
ليال ـ صعدنا وشغلها بكل سرعته وصمت لحدما وصلنا وصل الباب دگ هورن ونزلت ياقوت تفتح الباب واني نزلت وگبل توجهت لبيتنا ، لكيت بس أمي تصلي بالصاله عبرتها دخلت غرفتي ولكيته دازلي .
ليث ـ سايق عندج تنزلين وتمشين
ليال ـ مو سايق ولا أحد طالب منك توصلني أنت ما لازم خط الأختك وتوصلني وياها واني أكدر الزم خط وياه أختي جنات بس لان اني وأختك نفس الجامعه ومن يوم يومنا نروح ونجي سوى فه ماله داعي مال سايق عندج ، أنت أبن عمي وغصباً عليك توصلني واذا مليت أخواني الحمدلله موجودين وكلامك مال تغرين الطلاب مردود عليه يا أبن عمي كثر الله خيرك .
رسلتها شافها وما رد عليه وضليت أيام ما أحجي وياه ولا اروح وياهم مرات باسل يوصلني مرات اروح على نائل صح يضل يلغي براسي بس أتحمله مهم ما اروح وياه واتحمل مغثة كلامه عود يغار عمت عين هيج غيره
طلعت وگفت أنتظر نائل واجه ليث أبتعدت مسافه وأتصلت على نائل وين أنت
نائل ـ بالبيت بس لاتكوليلي تعال أخذني والله ما اجي
ليال ـ ليش تحقر مو اني أختك
نائل ـ تعاي ويه ليث مو جنتي تروحين وتجين وياهم شغيرج لو هاي هم موده وتغيير جماعة الأنتيكات
ـ شجاب هاي على هاي قطعت الخط بوجهه وحظرته أتصلت على باسل مشغول هذا الثاني وأجتني ياقوت
ياقوت ـ تعاي ويانا ليال ، باسل مبلغ ليث تجين ويانا
ليال ـ أستغفرت ربي ومشيت وياهم ويحجي هو وأخته يسألها ومطنشني واني لابسته عشتوا عباله أموت وراه لو هو الأوكسجين الحياة .
وصلني البيت دخلت گبل الحمام لكيت لقاء جايه لفيت راسي ونمت .
لقاء ـ شبيج
ـ تعبانه بعدين أحجيلج
ـ اوك براحتج
ـ نمت للعصر كعدت على أتصاله وگومة رسائل من عنده جاوبته نعم
ليث ـ لاتتنرين بوجهي ليال
ليال ـ شتريد
ـ أريدج وأهواج وأحبج
ـ قديمات
ـ ميخالف مو گلشي قديم تحبينه أعتبريني أنتيكا قديمه وحبيني مره لخ عادي أتقبل كلشي منج
ـ لازم أسد الخط
ـ سدي علمود أجي اسد گبرج والله أبقي أريد احجي وياج أتصال
ـ مالي خلگك باي
ـ ليال ابقي على الخط وبلة تصرفات مال جهال
ـ ليث گول العندك نعسانه وأريد أرجع أكمل نومتي
ـ نامي وشبعي نوم لان اذا أجيببج يمي ما أخليج تنامين نضل معارك اني وياج بس كوليلي اذا تبقين بهاي اطباعج بس تتزعلين علمود ما اجي أخطبج
ـ لاتجي مـا جابرتك
ـ ها شو هيج
ـ اي أحسن النـا ضحك وگال
ـ لا والله راح أجي اليوم أفاتح عمي سعيد بالموضوع وخلال شهر نتزوج بس باالأول أكو موضوع نحجي بي
ـ وهو
ـ دراستج وجامعتج
ـ شبيها
ـ تتركينها ليال يمي ماكو دراسه ولا جامعة ولا وظيفه
ـ شُـــنوْ!!
شكرا لزيارتكم عالم روايات سكيرهوم
