رواية بنات الحجي السعيد الفصل السادس بقلم شمس العراقية
ليال ـ دخلت لقاء سويتلها حركه بإيدي وفهمتني راحت وگفت يم الباب تراقبلي وأني ضليت مصدومه من كلامه حتى ما جاوبته
ليث ـ ليال أنتِ وياي
ـ وياك وياك بس جاي أستوعب اللي طلبته مني بس ممكن أعرف شُــــنو هالطلبات التعجيزيه وليش أترك جامعتي؟
ـ ليال أنتِ تحبيني لو ما تحبيني
ـ أي أحبك بس مو معناها أحبك لازم أنفذ كل اللي تطلبه لا ليث غلطان الحب مو گلشي بحياتي .
ـ بس أنتِ گلشي بحياتي وأحبج وأغار عليج وصعبه عليه ما أكدر أتقبلها يوميه الصبح كاشخه وكشختج فول وعطرج يكفخ وتروحين لجامعتج وكعدات أنتِ وصديقاتج وكلها تباوعلج ، لو يمي وبس لو محد يشوفج ويمتع نظره غيري أنا .
ـ أي مثل ضحكتي أسوي بيها إغراءات لطلاب مو
ـ مو هذا القصد بس أفهميني يا حبيبتي أني رجال أغار وأريد زوجتي بالبيت كلما أرجع من الدوام لو من الشغل الكاج تتستقبلني بوجهج الحلو مو أجي وأنتِ بالجامعه لو تتوظفين وتلتهين بوظيفتج حتى أطفالي ينشلع گلبهم ويضلون على أيد هاي وهذيج أدير بالها عليهم لا حبيبي ماكو هيج شيء يمي .
ـ ماكو هيج شيء يمك بس يم غيرك أكو عادي وعايشين حياتهم طبيعي
ـ أني عليه بنفسي وبحياتي مالي شغل بالأخرين
ـ يعني تگولي عليك وعلى أخواتك حلال وعليه حرام وممنوع! لا حبيبي ما أرضى بهيج وضع وغيرتك من تفرضها على الكل تعال عليه وگتها هم أرفض مو اني أعوف دراستي التعبت عليها وأبيع مستقبلي علمود حب
ـ يعني شُـــنو ليال
ـ يعني ما أوافق على زواج بدايته هيج شروط اليحب ما يخلي شروط تكسر الظهر .
ـ وحُبنـا ليال تضحين بحُبنــا علمود دراستج وطلعاتج وكشختج علمود سوالف تافهه ترى ماكو أحلى من الأستقرار ورجال يحبج ويخاف عليج .
ـ أي لأن الحب مو گلشي وأني أريد أعيش حياتي والحياة العندك كأنما تخليني بقفص وتحرمني من گلشي .
ـ يعني هذا كلامج الأخير
ـ أي
ـ ماشـــي ليــال الله يسعدج
ـ شكراً ويسعدك قطع الأتصال وعفت الموبايل مسحت وجهي بقلة صبر ولقاء أجتي صفگتلي وحضنتني
لقاء ـ هاي أختي الأعرفها عشتي على هالرد مـو گتلج من البدايه بس أنتِ تحبينه وگلبج ما ينطيج، بس يله زين أجتي منه مو منج وديري بالج تنقهرين وتگلبينها مناحه علمود رجال .
ـ لا عشتوا ليش أبجي أصلاً مقهوره على نفسي شلون حبيته وهو هذا تفكيره وغيرته بس عليه وعلى غيره عادي عنده شو أخواته ما يفتح حلگه وياهن بس على ليال أتركي جامعتج لا والله تدلل ليش لأ .
ـ هذا هو لاتنقهرين يمعوده أمشي غسلي وجهج يله
ً ـ گمت دخلت الحمام غسلت وجهي وصفنت بالمرايا وكلامه يرن برأسي أبداً مو صاحي مستحيل تكون صاحي على نفسك وأنت ضحيت بيه مو أني ، هاي هي مو نهاية العالم ولا راح أموت وراك الحمدلله الله يصبرني ويربط على گلبي وأنساك ..
طلعت لكيت أمي تضحك هي وباسل وباوعلي عكد حواحبه كأنما يقرأ عيون ابو الحبجيات
باسل ـ شبيج منو وياج .
ليال ـ ما بيه شيء
لقاء ـ باسل البطل مالتنا الأخ الحنوني البيت ضوجه وأخواتك حبيبات قلبك يردن يطلعن شتگول اطلعنا نغير جو وبوجودك .
هيفاء ـ أسمع الكلام الحلو
باسل ـ يتدللن يله گومن تحضرن نتشعى ونفتر
لقاء ـ يعيش باسل
ليال ـ ودخلنا غرفتنا ونتسابق شُـــنو نلبس جنات گملت قبلنا واني أرتب بحجابي وثلاتننا نباوع بالمرايا وأخذنا صور وحركات وكذا وكملنا وطلعنا وباسل كاشخ وحاضن امي يبوس بيها ويكرصها بخدها
هيفاء ـ ولك أدبسزز شلعت خدودي .
ليال ـ تقرب علينا وسوى النا حركة اليد وضربنا أيد بأيد
باسل ـ يله جنات وثقي گلشي واذا نشرتي سويلي تاك
جنات ـ أوك تدلل شو باوعلي
ليال ـ وگفنا بصف ماما وباسل حاضن أمي وهي صافنه عليه ورجع باسل اخذلنا صور وكملنا وطلعنا السياره جانت بالباب طلعنا وشفت ليث يغسل السياره بابهم ويرش بالصونده شافنا تجاهلته وصعدنا وشغل أغنيه وعبرنا من يم وباسل دك هورن بقوه وگف بصف سيارته.
ليث ـ ها وين رايحيين
باسل ـ والله طالعين نتعشى
ليث ـ بالعافيه
ليال ـ عبرنا من يمه وجنات ولقاء يصورن بالشارع وباسل وأمي يسولفون بينهم علمود عُلا! وأني بالي يم كلامه وصلتني رساله فتحتها
ليث ـ طالعه تحتفلين والحركات عناد بيه عفيه عليح ليال
ليال ـ قريتها وما جاوبته وخليت موبايلي صامت وعشت أجواء الفرح ويه عائلتي وصلنا ودخلنا المطعم تعشينا ونشرت ستوري صوره عائليه وهو أول واحد شافها وبعدها أفترينا بالمولات وفعلاً أتونست واخذنا ملابس وباسل يدفع ورانا .
هيفاء ـ ولجن هلستن اخوجن على كيفجن
باسل ـ خليهن بالعافيه لعد المن أشتغل واتعب لحلك جواهر وربعها ها خويه كملتن .
هيفاء ـ الله يحفظك الهن سند وذخر للايام .
باسل ـ ويحفظج ويخليج النا ، يله ست الكل اخذج محل صاحبي ملابس محجبات وعبي تخبل درجه أولى أخذي اليعجبج .
ليال ـ وصلنا المحل وباسل مباوس هو وابو محل طلع صديقه ، واكفين ونشوف أمي تختار ونساعدها وأخذت اربع قطع وحده احلى من الثانيه وطلعنا كعدنا شربنا عصائر وبعدها افترينا وجنات كلما تشوف محل أكسسورات تدخل وباسل وراها اخر شيء ما تحمل صاح بيها
باسل ـ عاد لو تأخذين شيء بي خير ، أني أجيبلج من المحل مالتنا ناعمات يخبلن وذهب احسن من التنك
جنات ـ ما أحب الذهب
باسل ـ وهو ضال معطل الج دمشي كدامي .
ليال ـ وامشينا واخر شيء دخلنا تسوگنا للبيت واخذنا حبشكلات وحلوايات قصص وروايات عراقية كرار صلاح وطلعنا للبيت رجعنا والوقت متأخر وتعبانين ، دخلت الغرفه خليت موبايلي على الشاحن ووصلتني منه رساله!
ليث ـ خلصت أحتفاليتج!
ليال ـ ما جاوبته رجع دز
ـ شدعوه يابه هيج فرحانه وما مصدگه خلصتي من ليث أثاري طلعت خانگج يالحياة واني ما أدري .
ـ ما جاوبت
ـ لاتجاوبين أحسن لأن مـا أريد أنصدم بيج أكثرر لان واضح هذا التردينه وتحقق بسرعه مبروك عليج خسارتي
ـ مو هذا الأريده ولا تمنيت نوصل لهل النقطه وأنت تعرفني شكثر أحبك بس مع الأسف ما قدرك حُبي الك
ـ أني مـا قَدرت حُبج لو أنتِ
ـ أني بشنو بله
ـ من أول موضوع نحجي ونتاقش بي سحبتي نفسج طلعتي ما مصدكه تنهيين هالعلاقه ولج حتى ما گلتي أنطيني وقت أفكر أصخم أحتمال أوافق أراجع نفسي وأردلك خبر بعدني بداية كلامي رفضتي وطلعتي تحتفلين أنتِ وأهلج على حساب وجعي منج .
ـ ليش أنت أنطيتني وقت ، مو أني خراب هالعلاقه لاتگلب الموضوع ضدي وطلعني أني السبب
ـ هاي هي براحتج أي أني السبب .
ـ لاتزعل وتتهرب من الحقيقه وتطلعني اني الغلطانه بحقك وهاي حياتي من حقي أعيشها وهذا مستقبلي ودراسـتي تعبانه عليها ليش تخليني بين نارين لو أني لو دراستج ليش ليث ، أنت طلعت أسباب وأعذار تافهه علمود تنهي العلاقه مو ليال تتخلى عن حب حياتها .
شافها ومـا رد عليه رجعت دزيتله تعال وين رحت ليث؟ أيضاً شافها وما رد عليه ليث ليش وصلتنا لهذا الحال
شافها وما رد خلص مع السلامه .
باوعت أخواتي نايمات وأني مـا يجيني النوم گمت غيرت ملابسي رفعت شعري وطلعت ورقة رسم وكعدت وبلشت أرسم وأرسم وأرسم ويمشي الوقت ورقه ورى ورقه مره رسمته وهو يضحك ومره وهو معصب ومزعوج، ضليت أرسم الى أن فقدت الشغف وأخر شيء رسمت رسمات أيدين وعيون وأحس تطورت بالرسم وبقمة أوجاعي وذبولي أتفنننت برسماتي ورسمت أخواتي وجواهر رسمتها لصقتها على الباب وضحكت الى أن أذن الفجر واني كاعده سحبت موبايلي من الشاحن شفته كاعد تجاهلته وكمت توضيت وصليت وكعدت ماما هم تصلي
هيفاء ـ اليوم شمكعدج على صلاة الفجر مو بالعاده
ليال ـ كعدت شبعانه نوم هزت رأسها ومشيت الغرفه باوعت للرسمات ضميتهن ونمت ..
الصبح كعدت على لقاء تكعد بيه بالگوه كعدت شگو
لقاء ـ شُـــنو شگو ، مو عندج دوام گومي يله اني رايحه التكريت باي ديروا بالكم على نفسكم بغيابي ومره ثانيه لاترسمين هاي الجنيه ومخليتها گبالنا عوذه ولا ومبدعه بيها رسمج يخبل صاير هم محبة الأدب والكتب وأنتيكا ورسامه عمي محظوظ الياخذح أمه داعيتله والله
ليال ـ باستني وراحت الله وياج ، گمت تجهزت وطوخت كشختي وتريكت أني وماما وباسل رايح الشغله حرامات جان وصلني حتى جنات راحت قبلي شلون سالفه ويامن أروح گمت طلعت فتحت الباب الفرع فارغ بالعاده سيارته يم الباب يله بعد أحسن .
هيفاء ـ ليال ماما ويامن تروحين
ليال ـ أروح اشوف منو موجود عمي سليم أو نائل
ـ ماشي أستعجلي ترى تأخرتي أخواتج من شوكت راحن
ـ ماشي طلعت أتمشى وليث دخل الفرع شافني مشة سريع بحيث طبگ السياره يم رجليه باوعتله لابس نظرات تجاهلته ودگيت الجرس وهو كاعد بالسياره أدك بالجرس محد يفتح باوعت بالكاميرات رفعت أيدي واسمع صوت جواهر
جواهر ـ أجينا .
ليال ـ وينكم مـا تفتحون
جواهر ـ ليال هاي أنتِ شعجب ما رايحه الجامعتج لحد الان .
ً ـ منو موجود يوصلني تأخرت
ـ بس نائل ونايم
ـ حبابه خاله كعدي خل يوصلني والله كلش تأخرت
ـ أكعده من عز نومته علمودج ، أمشي دبري نفسج خل ليث يوصلج .
ـ أشرت عليه وهو نفس كعدته
ـ ليث وصل بنت عمك تأخرت يله تحركي اروح أكمل نومتي طيرتيها يا مزعجه .
ـ سدت الباب بوجهي باوعتله نفس كعدته تقدمت فتحت الباب وصعدت شغلها ومشه سريع وطول الطريق صمت ووصلني وحجيت شكراً ما رد عليه دخلت وأكلت رزاله تسوى عمري شبعت قهر وهاليوم جان نحس بشكل لحد ما خلص الدوام وما شفت ياقوت رايحه وأني ضليت وأتصلت على باسل مغلق هذا رجع تعبان ونام أدري بي ، أتصلت على نائل وجاوبني
نائل ـ أهلاً بسيبويه مدري لاستيگه
ليال ـ نائل بلة قشمرتك وين أنتِ
ـ بالبيت توني كعدت وجاي أكل مندي يشهي
ـ بالعافيه عغيه تعال أخذني من الجامعه
ـ ليش حصانج وين
ً ـ يا حصان
ـ ليث أفندي مو هو متكفل يوصلج ويه السنوريتا أخته
ـ ما أعرف هسه تعال حباب
ـ توسلي بعد
ـ نائل مو اني أختك حرام عليك
ـ عوذه من أخوات عوذه سمجن ينكط عليه ولي خليني أكمل غداي
ـ نائل حباب ترضاها واكفه وأنت أخويه
ـ توسلي بعد
ـ فدوه لطولك أخويه الكبير شمعتنا وسندنا
ـ جايج
ـ قطع الخط وضليت واكفه راسلت ياقوت شوكت رحتي
ياقوت ـ هلا حب، طلعت من وگت أسفه ما بلغتج صدك رجعتي لو بعدج
ـ أي بالطريق رجعت ويه أخويه
ـ ها تمام .
ـ ووصل نائل دگ هورن وصعدت بالصدر شكراً
ـ العفو ، شعجب ما راجعه وياهم
ـ ياقوت طالعه من وكت
ـ ها بس هيج
ـ أي سگتنا ووصلنا
ـ أتفضلي على المندي أتغدي وياي
ـ لا شكراً عليك بالف عافيه مع السلامه نزلت أتمشى ودخل الفرع بسيارته ودك هورن لأهله يفتحون اله الباب هذا وين جان ضليت واكفه يم الباب أباوعله وهو نزل الجامه وباوعلي وفتحت الباب ودخلت بيتنا وأسمع صوت الهورن يدگه قوي شاله الفرع لازمت گلبي وين جان معقوله جان يراقبني يعني ينتظرني ويامن أرجع دخلت الغرفه كتبت اله سريع جنت تراقبني گبل شافها ومـا رد عليه ..
مرت الأيام وأثنينا كلمن مكتفي باللي سمعه ملهيه روحي بالرسم ومره رحت شارع المتنبي أشتريت كتب وأفتريت هواي وأرتاحت نفسيتي لأن مكاني المفضل ونفس الوقت أحاول أنساه رغم صعبه بس كلمة النسيان تأكل وصله من گلبي بس هاي هي وصلنـا خط النهايه وقطع التواصل ولا أني أتواصل وياه وأنتهينا ..
وحتىٰ گمت مـا أروح وياهم وباسل يوصلني وأبتعدت عنه مره مرتين ياقوت دگت الباب وتعذرت منها صح بالبدايه واجهت كلام أهلي وليش ما تروحين وياهم وشُـــــنو السبب
اكتفيت ماكو سبب الى متى أضل أتوسل بهذا وهذاك وصلوني واتأخر ، وسگتوا محد حجه بعد بس أمي نظراتها جانت الها تفسير ثاني وبيوم جمعه هي جانت يمهم راحت عليهم وأني كاعده بالغرفه أقرا دخلت عليه وكعدت يمي ها شلونهم بيت عمي .
هيفاء ـ زينين الحمدلله .
ليال ـ الحمدلله هم مريتي على جديتي .
هيفاء ـ لا لگيتها بيت عمج هي وعمتج نجاح ويسلمن عليج، عود العصر روحي سألني عليجن .
ـ أن شاء الله
ـ فتحوا موضوع زواج ليث!
ـ أي وشحجـوا؟
ً ـ أني أعرف ليث شنو بگلبه وأعرف بنتي بس الما أعرفه شبيكم أحجيلي ماما
ـ قبل لا أحجيلج شحجوا؟
ـ ما حجـوا شيء بس سلوى گالت ليث معزم على الزواج أن شاء الله بهل السنه نأخذله!
ـ ححيت الها گلشي لان ماما صديقه وأم، واني أحجي ما كدرت أسيطر ؏ دموعي وبجيت على رغم ولا مره بجيت من يوم تركنا بس شعور صعب واني أحجي الأمي لان الوحيده تفهمني أخذتني بحضنها وتمسح على راسي بحنيه .
ـ هذا هو مو لازم دام الأستاذ مخلي شروط هذا ما يريدج من الأساس لان اليحب ما يخلي شروط على محبوبه تكسر الظهر والله أغار عليج وهل السوالف التعبانه ، تجاهلي وأنسي والحياة ما وگفت بس على ليث بعد أحسن ما تصير صح سلوى خوش مره وعمج كريم ذهب وأنسان طيب ، بس ما راح أسلم من لسانهن يفضحنج ويهججنج بليله ما بيها ضوء گمر وبنتي الف واحد يتمناها وهو خلي يأخذله وحده نفس عقليته شوف يلكة .
ـ ماشي ماما
ـ اني لأحظت ومن گمتي ما تروحين وياهم ومن ذابه نفسج على الرسم بس خليتج على راحتج وماكو أم ما تدري بنتها شبيها بس ولا يهمج ولاتزعلين ولاتنقهرين أعتبريها تجربه وفشلت وأتعلمي منها وبعمرج لاتفضلين رجال على حساب نفسج ودراستج ومستقبلج لان بهل الوكت محد يستاهل نهدر من طاقتنا وعمرنا ماما حبيبتي .
ـ أي ماما ماشي بستها وكمت غسلت وأرتاحيت من فضضت لأمي وكمت طبخت الغده وماما يمي ودخل علينا أبويه وأمي فرحانه بي خطيه وأحسهم ما شبعانين من بعض وجواهر بطريقهم كلما يجي تسويلنا مشكله تريده كل الأوقات يمها ...
كل يوم يمر يثبتلي هو الجان رايد خسارتي وبعمره ما حبني وجنت أنطي فرصه گلت يمكن يوم يومين ويحن ويرجع بس مـا رجع أبتعد أكثر ما أني أبتعدت وقتها قررت أﻧساه وأتخطاه وأعيش حياتي مثل هو أبتعد وعايش حياته من دون ليال وحُب ليال ...
طلعت من المحاضره رايحه على البنات وشفت ياقوت أشرتلي وأني أمشي سمعت صوت بأسمي .
ـ ليال لحظه ليال .
ليال ـ أنداريت وياقوت تباوعلي أستاذ باهر!
باهر ـ شلونج ليال .
ليال ـ الحمدلله تمام أستاذ
ـ دومج يارب عادي أخذ من وقتج أريد أحجي وياج بموضوع .
ـ أي عادي أستاذ أتفضل .
ـ هو الموضوع العام حجيت بي وياج ورفضتي
ـ يا موضوع!
ـ الظاهر ناسيه الموضوع من گتلج معجب بيج وأريد أتقدملج ورفضتي وگلتي ما مفكره بالزواج أني جايه أدرس وبس .
ـ تذكرت وفعلاً السنه الفاتت مرتين فتح هالموضوع واني رفضت لان ماكو أحد بحياتي غير ليث وبالأخير ليث عافني وراح
ـ ليال وين صفنتي
ـ وياك أستاذ باهر العفو منك تذكرت وأرجع وأنطيك نفس الجواب ما مفكره بالزواج ولا أفكر أرتبط!
ـ ليال أني معجب بيج وصار سنتين وكلما أفاتحج بالموضوع ترفضين ونيتي وياج صافيه ما رايد علاقه رايدج زوجه بس وافقي وأجي أتقدملج .
ـ نفس كلامي ما يتغير عن أذنك أستاذ ، عفته ومشيت وأجتني ياقوت
ياقوت ـ شُـــنو يريد منج أستاذ باهر .
ليال ـ هيج كم سؤال
ـ بس
ـ أي
ـ وليش هيج يباوعلج أنداري وشوفي نظراته مال واحد معجب
ـ ماكو شيء يمعوده هو هيج نظراته للكل
ـ لا هو أنسان محترم ما يباوع لأحد ، شگالج
ـ ياقوت شبيج هو تحقيق ليش صايره هواي تلحين
ـ هاي هي براحتج شحجينا ثكبتي وأنفعلتي على كيفج
غدير ـ شکو شبيجن
ياقوت ـ ماكو شيء يله اني أروح عندي محاضره باي
ليال ـ باي راحت وأسئلتها قلقتني معقوله گايل الها تراقبني لا مو لهل الدرجه هو هسه عاد بحالي حرام الحرم إذا يذكرني بكيفي أفكر وأقرر عنه ...
خلص الدوام وطلعنا وأفترقنا وياقوت باوعتلي بحزن
ياقوت ـ ما تجين ويانا
ليال ـ لا أنتظر باسل وأنتِ منو يجي يأخذج
ياقوت ـ لو فواز لو ليث بس أكثر فواز لان ليث بالدوام اليوم يجي بس ما أعتقد يجيبني لان يجي تعبان
ليال ـ ها تمام ووصل فواز وسلم عليه
فواز ـ هلا ليال شلونج
ليال ـ الحمدلله تمام
ـ شو واكفه أصعدي نوصلج .
ـ لا شكراً هسه يجيني باسل بالطريق
ـ تمام براحتج
ـ راحوا وطلعوا الطلاب ومن بينهم أستاذ باهر وبوجود ليث ما جنت أشوف أحد عميه عن الكل بس يمه مفتحه
وگف يمي وأبتسم .
باهر ـ هـا شعجب ما رايحه لحد الأن
ليال ـ أنتظر أخويه هسه يجيني
ـ ها ماشي بس خاف يتأخر
ـ لا هسه يجي شكراً استاذ
ـ بداخل الجامعه راهمه مال أستاذ بس خارج الجامعه شيلي الأستاذ خلي فقط باهر
ـ أبتسمت أن شاء الله أستاذ باهر
ـ هـا ليال شو هم أستاذ
ـ ضحگنا وصفن بوجهي
ـ ضحكتج حيل حلوه
ـ شكراً أستاذ
ـ العفو طالبتي الخلوقه
ـ خجلني بكلامه وهو لاحظ خجلي وأبتعد وكف يم أستاذ ثاني ووصل باسل بس شو اشر لـ باسل وباسل نزل يضحك وصفكوا أيدين بعض وحضنه ومباوس
باسل ـ باهر حبيبي شلونك شخبارك مشتاقين والله
باهر ـ لك أنت أكثر جذاب ولوتي وينك ما نشوفك
ـ والله بالشغل تعرف الحجي مسيطر علينا
ـ واضحه السيطره الله يخلي الكم
ـ هذاك اليوم مرينا على بهاء للمحل وسألت عليك والله دزيتلك سلام
ـ وصل حبيبي الله يسلمك .
ـ يله حبيبي الغالي نتشاوف أن شاء الله وهسه لازم اروح
ـ في أمان الله حبيبي باسل أخذ راحتك
ليال ـ أشرلي ومشيت وباهر باوعلنا وطلعنا للبيت يعني أصدقاء أو يمكن تربطهم معرفه قديمه أحم باسل تعرف أستاذ باهر
باسل ـ أي أعرفه بس مو هلكد أعرف أخوه لان أخوه صديقي ليش
ليال ـ لا هيج سألت لان الأستاذ مالتنا
ـ ها زين اذا أكو رسوب شيء تجين تتوسطين يمي
ـ لا عيني ما أحتاج تعرف أختك شاطره
ـ وهذا المطلوب ، أمي خبصتني أمشي على أختك وأمشي يابه شكد توهس ها يمه جبتها أي بالطريق شويه ونوصل ماشي عيني .
" وصلنا البيت ودخلنا باسل دخل قبلي وسمعت صوت سياره دخلت الفرع فتحت الباب ومديت رأسي وشفت سيارته وباوع ناحيتي ودگلي هورن! گبل دخلت البيت دخلت غيرت ملابسي وتغديت وتمددت فتحت موبايلي لكيت واصلتني رساله من عنده :
ليث ـ ما شاء الله الأستاذ من أول لقاء ضحكتي وياه
مبين هواي باهرج هل الأستاذ باهر!
ليال ـ أعوذ بالله من الشيطان الرجيم هذا وين شافني لاااا أكيد مراقبني! وشبسرعه لكفت أسمه الأستخبارات مو مثلك ، تجاهلت رساله وما جاوبته
ليث ـ يحتاج أباركلج!
ـ أعرف بسوالفه دز هالكلام يريد يستفزني وأجاوبه بس لو اطگ روحك مـا أجاوبك .
راسلت لقاء وبلغتها وصدمتني من گالت
لقاء ـ وليش مـا وافقتي .
ـ وين أوافق يمعوده لا عوفيني هيج مرتاحه
ـ أكولج أنتِ جنتي موقفه حياتج كلها علمود ليث وعيونج عميه عن الكل لان هو بحياتج بس هسه هو طلع من حياتج ولاتنسين هو رايد خسارتج ولو موافقه على كل شروطه جنتي تدفنين نفسج بالحياة .
ـ أي أعيش بسجن تحت شروطه وتحكمه بگلشي
ـ أي شفتي أما هسه الوضع أختلف وهاي حياتج من حقج تعيشينها وأستاذ باهر من العام كلتيلي عليه وتمدحين بأخلاقه والولد رجع بادر مره ثانيه ما أعرف ثالثه المهم ليال شغلي مخج وياي هاي حياتج ما مجبوره توقفينها لان عشتي تجربه حب فاشله ويه ليث وتظلمين باهر وياج بس لان گالج أريد أتقدملج وواضح الولد نيته صافيه وياج لو مو صافيه جان غازلج أو اجاج بطريق ثاني خو الزلم خبره بهاي السوالف ميه الف درب عدهم للمرأه
ـ لا هو مو من هذا النوع أنسان جداً محترم والله بس ما أعرف أحس بعدني ما جاهزه ما أريد أستعجل بأي قرار يخص حياتي .
ـ لاتستعجلين انطي لنفسح وقت أرتاحي وتشافي من الغضب ليث أبو رأس المربع أما عن باهرنا المثقف وعن كلامج عنه واضح أبن ناس ومحترم وما بيها شيء أنطي فرصه شوفي تعرفي عنه لان حقج تعرفين اطباعه وتصرفاته ولو ماكو إنسان كامل الموصفات لازم بيهم خيط خبال
ـ لا ما أرتبط ولا أحجي وياه وهو بنفسه گالي ما أريد علاقه ما أعرف شوف شلون ترهم
ً ـ تمام حبيبي فكري وبراحتج عود أطلعيني على أخر التطورات وسوالف ليث التغث لاتحجيلي عنها بس عن باهر أي أحجيلي احب الناس المثقفه والواعيه والمحترمه
ـ ماشي نهيت المحادثه وياها وشفته فاتح انترنت عفت الموبايل وتجاهلته ورجعت كملت دراسه وبهل الفتره علينا ضغط وأمتحانات حيل تعبت حتى ليث ما اجه على بالي وأستاذ باهر أشوفه بس للامانه ما تعرضلي أبداً أحترم حدودي ..
وبيوم كاعده وحدي وخله عصير كدامي رفعت راسي استاذ باهر شكراً شنو هالزحمه .
باهر ـ تدللي يله أخذ راحتج
ليال ـ راح يمكن ما راد أحد ينتبه هو واكف وياي شربت العصير وأجتي ياقوت شبيج مزعوجه .
ياقوت ـ لا هيج .
ليال ـ حسيت برأسها شي وتجاهلتها وخلص الدوام وشفت سيارة ليث طابگه وكفت بعد مسافه وطلعت ياقوت صعدت بس ضلوا واكفين وبهل الأثناء طلع أستاذ باهر
باهر ـ باسل يجي عليج
ليال ـ أي أستاذ
ـ ليال فكرتي بالموضوع
ـ ما أعرف شگولك أحجي وليث بعده واكف
ـ على راحتج يله مع السلامه
ـ الله وياك راح وأجه باسل وليث فر سيارته ومشه سريع وصعدت ويه باسل وطلعنا للبيت وصلت تعبانه ودايخه ووصلتني رساله منه وأنصدمت بكمية الحقاره!
ليث ـ فد مره أوكعي بحضنه ليش مستحيه ما هو صار گلشي عالمكشوف وللقاءات الغراميه ما تصير الا باب الجامعه ، خوش تعرفين تختارين حتى أسمه حلو باهر!
ليال ـ أستوي بعد أستوي تجاهلته ورجع دزلي
ليث ـ نزلتي من عيني .
ليال ـ لو تموت ما أجاوبك عفته وتمددت دوخني فوك دوختي وتعبي أنت وصلتنا لهل الحال ليش مسوي روحك المظلوم ..
أروح الدوامي بخط أني وجنات وخلصت من سالفه الخط لو انجبر أروح وياه لا خصمتها وأبتعدت فدمره، وجانت فترة أمتحانات وليث مختفي ماكو منه أي مرسال بالواقع ولا بالمواقع الظاهر هاي هي تعايش ويه فكرة فراقنا عن بعض والحمدلله على كُل شيء دائماً وأبداً وبكل الظروف ..
طلعت من المحاضره وشفت باهر تقربلي وهو مبتسم
باهر ـ شكلج راح تطلعين الأولى مثل السنوات الفاتت
ليال ـ أي أن شاء الله
ـ يوم عن يوم يزيد أعجابي بيج والله ، شوكت يحن گلبج عليه وتوافقين وأفرح الوالده واجي أخطبج .
ـ صفنت الصراحه الولد ما بي أي عيب يخليني ارفضه حلو وشخصيه ومحترم نفسه وسمعته طيبه وباسل يعرفهم .
ـ ها ليال شو صفنتي
ـ لا العفو منك أنطيني وقت وأردلك خبر
ـ وأني بالأنتظار على راحتج
ـ ماشي
ـ أخذي راحتج
ـ الله وياك راح وأجتي ياقوت وگفت بصفي وتباوعله
ياقوت ـ شيريد منج؟
ليال ـ عن المحاضره
ـ هـا بس
ـ أي يله نمشي جوعانه وتعالي أحجيلي عن فيروز شلونها ويه السادس
ـ زينه الحمدلله بس فيروز تسألين عنها
ـ أي يله أمشي، مشينا وحسيتها تريد تفتح موضوع أخوها وشگيت بيها مراقبتني وعيونها على أستاذ باهر
كعدنا وهي بس ساكته ولا أني الي واهس نحجي وتفتح موضوع أخوها لحد ما خلص الدوام وطلعنا وسيارة فارس طبگت نازل من الدوامه رفعلي أيده
فارس ـ هلا ياب صايرين أثكال شسالفه عمي ما تجين ويانا نوصلج
ليال ـ هلا فارس لا والله اروح ويه أختي هسه راح تجيني لازمين خط
ـ وليش مو جنتي تروحين وتجين ويانا أنت وياقوت شتغير هسه
ـ ما تغير شيء بس هيج أحسن يوميه يدكون عليه الباب لو اتاخر عليكم ما اريد أتعبكم .
ـ براحتج عيني يمتى ما أحتاجيتي بس خابريني
ـ تسلم فارس ما تقصر
ـ ولو تدللي بنت عمي
ـ راحوا وأجتي جنات هي وصديقاتها وصعدنا وطلعنا للبيت وجنات وتحجي هي وصديقاتها شكو شبيجن
جنات ـ نريد نشتري أوكفي نجمه هسه أكوله عمو محمود أوكف النا يم هاي الأسواق نريد نشتري
محمود ـ ماشي بنيتي .
ليال ـ وين نازلات اهناك اكو اسواق قريبه الا هسه
جنات ـ ليال خلينا ننزل نشتىري هسه نروح وأمي ما تخليني تكول لليل يله بنات ننزل وأنتِ ما تنزلين ويانا
ليال ـ اخ من راسج وعنادج نزلي بس لا تتأخرن لا ما انزل .
جنات ـ شتردين اجيبلج يله اشتريلج كرواسون أنتِ تحبينه
ليال ـ ما أريد گلشي بس أشتري نفسج وفضيني جنات لاتطولين ، نزلت هي وصديقاتها واني ضليت وحدي ويه عمو محمود رجال متوسط العمر من منطقتنا وصافنه عالشارع وعبرت من يمنا سياره ودگ هورن ركزت هذا ليث! مشه وراح وگبل وصلتني منه رساله
ليث ـ شمكعدج وياه لوحدج لو ليث مو على رأسج ماخذه راحتج والوضع صاير أنفلات .
ليال ـ ما كدرت الا جاوبته أحترم نفسك الكاعده وياه رجال جبير وأني مو بنت شارع تحاجيني هيج وليش أنتَ ولي أمري وأني ما أدري لو شفت نفسك عليه .
ـ وليش كاعده وحدج الوياج وينهن؟
ـ وأنت شعليك ما مسؤول علينا علمود أجاوبك
ـ هـا والله يابه وطالعلج لسان ومستوكحه ورأسج هذا ينراد اله تكسير وعلى أيدي ، جيبي أختج ورجعي البيت لا أسوي سالفه اطيح حظج بيها فهمتي عليه لو أرجعلج وافهمج .
ـ بس أريد أعرف شغله وحده أنتَ شگو بينا وشعندك مراقبني ما مليت من المراقبه؟
ـ أراقبج!! ليش فد نمونه أنتِ علمود أراقبج
ـ لاتنزل من عيني بهاي تصرفاتك خلي صورتك حلوة
ـ هو ما أريد اخلي أي صوره تخصني يمج لأن أنتِ ما تستاهليني وحرامات بيج هيج رجال جان يحبج ويغار عليج ويخاف عليج من الهوا والله حرامات أنتِ يوالمج واحد مثل بهوري لان واضح هو منبهره بي .
ـ ما جاوبته
ـ لاتجاوبين طبج مرض والسكوت علامة الرضا .
ـ غلقت الموبايل مقهوره منه يوم عن يوم يثبتلي هو بعمره ما حبني وتصرفاته وكلامه وحقارته وياي ضجت وجنات تأخرت وين صرتن وشويه واجني بس جنات تتلفت ولاحظت أيديها يرجفون شبيج أشتريتي
جنات ـ ما بيه شيء أي أشتريت هاج مالاتج .
ليال ـ أخذتهن منا وطلعنا للبيت وأول ما طبكنا يم الباب سيارته دخلت الفرع جنات دخلت قبلي وأني باوعتله رفع رأسه وشمر الجكاره كبل فتحت الباب ودخلت تغديت وتمددت واجه على بالي باهر وكلامه راسلت لقاء وحجيت ألها
لقاء ـ وافقي .
ليال ـ الله كريم
ـ اي شمنتظره ومبين هواي يحبج ويخاف عليج ونصيحه أخذي اليحبج لاتأخذين اللي تحبينه .
ـ هاي هي
ـ الله يسعدج أختي حبيبتي
ـ شكراً لقاء الداعم الأول وضليت أفكر وهواي أخذت وقت وما أستعجلت بقراري علمود لا اتندم بعدين
طلعت من المحاضره مالته وعيوني تراقبني وتقدملي
وأبتسملي
باهر ـ عندج كلام مستحيه تگولينه .
ليال ـ اي أستاذ عندي
باهر ـ لو سمحتي كوليلي باهر مشتهي أسمع أسمي بدون أستاذ
ـ بس أحنه داخل الجامعه
ـ همصح اي أسمعج ليال
ـ أفرك بأيدي ومتوتره ما كدرت أحجي اي حرف گبل مشيت سريع كل جسمي يرتجف على خوف على مستحى اول مره احجي ويه شخص من بعد ليث .
رجعت البيت لازمه گلبي خاف يكون فهمني خطأ وخاف يجينا لا شسالفه أكيد يبلغني ويكول راح نجيكم أي طبعاً يله الله كريم ..
كملت العشه وجنات راحت يم بيت جدي وباسل بعده ما راجع راسلته وين أنت تتأخر لو تجي على العشه .
باسل ـ أتعشوا اتأخر عندي شغل بالمحل .
ليال ـ ماشي وأجو أمي وابويه بس أبويه يباوعلي بنظرات رضا وعلى وجه أبتسامه حلوة وگملنا العشه وأجه باسل دخل يضحك ويباوعلي استغربت نظراتهم أصبلك أكل .
باسل ـ أي والله صبيلي شطابخين .
ليال ـ مخلمه لحم
باسل ـ الله شــنو هالطبخ الطيب حرامات راح ننحرم من هل الأكلات الطيبه! .
ليال ـ گال كلامه وطلع ما فهمت شيقصد! صبيتله وأخذتله وصبيت الجاي أخذته الهم وأبويه اخذه مني وأمي أبتسمتلي! شصاير معقوله باهر حجه وياهم لا شبسرعه حجينا ما لحك يبلغ أهله وكسر الصمت أبويه من گال
سعيد ـ ليال بابا أجو عليج خطابه دكتور جامعي وأني ما أنطيتهم الموافقه الا أسمعها منج .
ليال ـ أنعصر گلبي وتوترت وباسل يباوعلي نظراته بيها هواي كلام ما حجيت رجع بابا گال
سعيد ـ هذا هو نخليج براحتج فكري زين
ليال ـ راح الغرفته وصاح أمي وباسل كام وصب كوب جاي لنفسه وراح الغرفته بالگوه غسلت المواعين وكعدت أنتظر أمي تجيني أفهم منها أكيد هذا باهر بس شبسرعه ودخلت عليه أمي مبتسمه تقربت باستني وتمسح شعري بحنيه .
هيفاء ـ شفتي جبر الخواطر من رب العالمين شگد حلو
ودكتور جامعي وياج بالجامعه وأهله معروفين وخوش ناس .
ـ دكتور وياي
ـ ليش عرفتي
ـ أي ماما العام حجه وياي گالي معجب بيج وأريد أتقدملج بس أني رفضت وصار فتره رجع يحجي وياي بس ما توقعته بهل السرعه يجي يتقدم .
ـ أي هذا هو ماما هذا قسمتج وهلا بي
ـ ما جاوبتها بس دايخه رجعت لزمت أيديه ارجف وخايفه
ـ من شُـــنو خايفه گوليلي الولد مو حلو لو أخلاقه ما تعجبج لو مضايقج گوليلي هسه أبلغ أبوج يخابرهم ما يجون
ـ لا ماما مو هيج السالفه الولد يخبل شخصيه وأخلاقه كلش حلوة ومحبوب بالجامعه بس ما أعرف خايفه أحس شيء مو على البال وعلى السريع وليش ما بلغني أنو راح يتقدملي ليش خلاني تحت الأمر الواقع
ـ غير أنتِ مسويه بيهم خوفه ياهو يتقربلج ترفضينه وشافوا الأفضل يدگون الباب على أبوج مو مثل بعض ناس ، وأجاج من الباب ورايح هو وأبوه لمحل على ابوج وأخوانج ومبلغهم .
ـ يعني تنطوني اله .
ـ أي شگو بيها اذا خوش ولد وحلو ليش لا وأكيد بموافقتج لا أبوج ولا أخوانج يجبرونج على شيء القرار قرارج وبموافقتج فكري ورديلي خبر علمود أبلغ أبوج
ـ الله كريم أمي راحت واني ضليت صافنه ودايخه الليل كله حتى النوم أنشال من عيني وصلتني رساله
ليث ـ مبروك يابه دازه صاحبج الدكتور باهر على أهلج يخطبج علمود تحركين گلب ليث ، عفيه عليج والله تعرفين تشغلين دماغج بس ميخالف ليال يصير خير .
ليال ـ أنقهرت من كلامه صاحبي!! هاي وأنتَ تعرفني وهيج تحجي عليه مع الأسف والله أنقهرت منه وتجاهلته بدون رد وقتها وصلت لقرار الأخير وعن قناعه تامه هذا هو ليث أنتهى طريقنا ...
ثاني يوم الصبح صادف يوم جمعه گمت طبخت وأبويه وباسل موجودين وعيونهم عليه گملت الغده ورحت الغرفه دخلت عليه أمي
هيفاء ـ ها ماما شلونج
ليال ـ الحمدلله ماما
ـ ليال ماما أبوج وأخوج يردون يسمعون موافقتج لان أهل الولد يردون يجون وبراحتج .
ـ أي ، دخل أبويه وباسل گمت وهو كعد على الجربايه مقابيلي واني منزله راسي ومستحيه منهم .
سعيد ـ بنتي أني البارحه گتلج جايين عليج ناس يخطبونج والناس خوش ناس وهاي سنة الحياة وهسه جايين نسمع موافقتج وصح الوقت قصير بس الكلام راجع الج اذا ما موافقه هسه نخابرهم ومـا يجون مو لازم واني مستحيل أغصبج لا أنتِ ولأ أخواتج بالأخص بموضوع الزواج لان هذا عمر مو يوم ويومين فه شتكولين بابا
ـ رفعت راسي وباوعتلهم وباسل صافن بعيوني كأنما حاس بيه ويعرف كلشي وتذكرت كلام ليث وحقارته وياي ونزف گلبي وأحترك من جديد غمضت عيني وهزيت راسي وجاوبتهم موافقه .
سعيد ـ على الخير الله يسعدج بابا
ليال ـ طلعوا وأمي تقربت حضنتني وبادلتها الحضن
هيفاء ـ أن شاء الله تكونين كد الموافقه باوعيلي هذا قرارج اجه عن قناعه لو عن وجع
ليال ـ الأثنين وخلص هاي هي موافقه
ـ الف مبروك بنتي حبيبتي يله بدون حزن اليوم يوم الفرح لازم نتجهز ونروح الصالون لان أهله يجون ولازم نكون جاهزين على أخر حبابه وأكيد هسه الكل يحضر المشيه
ـ يعني اليوم يجون
ـ أي غير أهل الولد مية الف أتصلوا على أبوج يردون يجون ولأن اليوم جمعه والكل مجموعين كالوا اليوم نجي أحسن .
ـ ماشي
ـ تجاهلي گلشي ماشي ماما
ـ ماشي ماما طلعت وللظهر صار وقت الغده واني بغرفتي ما طلعت راسلت جنات وين أنتِ
جنات ـ يم بيت عمي كريم .
ليال ـ ها مو جنتي بيت جدي شوكت رحتيلهم
ـ البنات دزوا عليه ورحتلهم وتغديت يمهم ليش
ـ لا هيج
ـ أذا تسألين على ليث أجه وعصبي وتعارك هو وعمي وعمتي سلوى صاير نار ما أعرف ما فهمنا شبي .
ـ هو وهسه هو وينه
ـ بغرفته تردين أسال عمتي سلوى شبي
ـ لا ديري بالج لاتصيرين ملكوفه يله تعاي خما تضلين يمهم
ً ـ أي أضل
ـ شعندج ضاله تعاي
ـ أهوو ليال ترى جمعه وكاعدين اني والبنات وين أجي أكابل الحياطين لو أنتِ بس ترسمين حجايه ما تحجين
ـ ضلي لاتجين ، طلعت شفتهم كاعدين گبل دخلت المطبخ مستحيه منهم صبيت أكل اليه وأجتي جنات وأسمع باسل يحجي عليها
باسل ـ وين جنتي
جنات ـ وين قابل يم بنات عمي
ـ مو جنتي بيت جدي شمأخذج الهم وليش ما گلتي
سعيد ـ باسل على كيفك ويه أختك وگالتلك يم بنات عمها أمشي بابا ما عليج منه .
باسل ـ بس حجي هيج تطلع عينها هاي مو أخواتها وياها ما يطلعن ملتهيات بدارستهن لا واللة هي ما تشبه ولا وحده منهن .
سعيد ـ باسل گافي .
ليال ـ دخلت عليه المطبخ هاا أجيتي شبعتي دياحه
جنات ـ أي أجيت ليال صدك اليوم خطوبتج؟
ـ أي
ـ عليج الله كولي كذب
ـ لا والله مو كذب
ـ ولج فد مصدومه توقعتج گبل ترفضين شلون وافقتي وليث وحبج اله
ـ صوتج الله ياخذج صوتج
ـ هـا يعني وافقتي
ـ أي وافقت
ـ تدرين بيت عمي كريم فد ضايجيين ومن سمعنا كلنا ضجنا وأنصدمنا حتى ياقوت گالت توقعت منها ترفض وبعدين عرفنا أنتِ موافقه وبلغهم يجون اليوم
ـ أي
ـ ليال وليث فهميني راح أتخبل وليث شلون .
ـ ما يحتاج أفهمج هاي هي الله ما كاتب النا قسمه يله كومي تجهزي ونروح الصالون
ـ يعني موافقه موافقه
ـ أي شبيج ضلت ساكته وتباوعلي واني بداخلي نار ومشتعله بس ضغطت على نفسي هاي هي ليال كوني قويه وتجاوزي هو الأبتعد وهو اللي دمر هالحب بشروطه التافهه ..
گمت نظفت المطبخ وغسلت البيت والحوش وفتحت الباب غسلت كدام البيت وشفت سيارته واني أرش الباب طلع وباوعلي وركز نظراته ناحيتي طلع جگاره ورثها ونفخ الدخان ، دخلت البيت وأجاني صوت أمي
هيفاء ـ ليال ماما تعالي تجهزي نروح الصالون تأخرنا هسه يجون ما ضل وقت عليج جنات عوفي هالمهجوم كومي لبسي .
جنات ـ كايمه شعندي قابل
ليال ـ دخلت سبحت وطلعت من الحمام ولبسنا وطلعنا أحنه وأمي لـصالون وباسل وصلنا وأمي بالطريق تحجي ويه أم التجهبزات والكوشه .
هيفاء ـ أي نصبيها بينما احنا نجي من الصالون اي حبيبتي ما اريد نقص فدوه لوجهج اريدها احلى كوشه عندج ، ماشي حبيبتي .
باسل ـ هاا تلحك تنصبها
ـ اي تلحك بعد وگت بس كون ما نتأخر يم الصالون
ليال ـ وصلنا الصالون وراح ودخلنا سويت تسريحه وتخليلي مكياج واني صافنه على شگلي وتذكرته تمنيت أكون الك وهاي الهوسه والترتيبات والمكياج تكون خطوبتنا أني وياك مو لغيرك بس مو قستمنا
...
ما حسيت بالوقت وگملنا وأجه باسل أخذنا ويباوع لأمي ويضحك
باسل ـ شنو هالجمال شنو هالكيك صدقه لخلقج ابوس هالوجه .
ليال ـ مطكها بوسه وهي تحجي عليه ودخلنا البيت ابويه موجود ينتظرنا وشگله مزعوج وباسل وكف يحجي وياه واني أستحيت منه ودخلت المطبخ أسمعهم
باسل ـ يابه فدوه لعينك شتخابر منهم والجماعه هسه متحضرين خطيه ما صدگوا كلناهم تعالوا ، شُـــنو لعب جهال هي جاي نلعب عليهم وليال موافقه واخذتهن الصالون وهوسه وروح وتعال، بعد شله داعي هسه كلامك تخابروهم وتلغي
سعيد ـ أنت وأخوك انطيتوهم الموافقه يجون ولك أبني عدها كومة ولد عم وأخاف عمامك يزعلون علينا .
ـ ليش يزعلون علينا البنت قسمتها أجتي تضل كاعده والله عمامي يزعلون ولا هما جايين يخطبونها واحنه طردناهم من الباب لو الأفنديه يردون أحنه ندك بابهم يابه تعالوا أخذوا بنتنا شهل الحجي هذا خل أختي تمشي بقسمتها والقسمه خوش قسمه .
ـ خوش قسمه بس
ـ شبيك دايخ حجي أنت بلغتهم شگالوا الك
ـ أي بلغت عمك رشيد گالي أريدها لأبني زياد
ـ لا زياد ما ترهم أصغر منها ما يتوالمون لو سجاد بيها مجال بس سجاد مرتبط لهذا قدملك زياد .
ـ بيمن مرتبط هم أرمله لـو مطلقه مثل أبن عمه
ـ لا حجي لا هاي ولا هاي مرتبط بوحده عزباء الأرامل والمطلقات بس يمي يم أبنك ، هسه ما علينا وعمي كريم حجيت وياه
ـ هو ضيمي عمك كريم أني كلشي ولا أخويه كريم
ـ ليش شبي أخوك شگالك؟
ـ ما گال شيء بس ساكت واظن زعلانين من عدنا ولك أبني خل نخابر الجماعه لا يجون ونلغي هالخطوبه من الأساس وبعدين نكعد ويه عمامك ونفهم منهم .
ـ حجي بس گولي على شُـــنو زعلانين يردونها لـ ليث ما يتقدمون الها ليث أفندي شينتظر !، والخطوبه ما تنلغي وگلشي تجهز والجماعه راح يجون والبنيه موافقه شـــنو اكعد وأفهم منهم جاي تگول تدلل بأختك علمود يأخذونها لا هذا الشيءما يصير خل البنيه تمشي بقسمتها الولد أعرفه خوش ولد واخلاقه عاليه وأهله معروفين وأني وأخوه بهاء درسنا سوه وأني وياك بنفسنا سألنا عليهم بعد شگو هسه متردد وتريد تلغي
ـ وين أكدر ألغي اذا جدك ونائل مناك وأنت عليه منا
ـ لان قسمه خوش قسمه والقسمه الزينه مو كل مره توكع بالايد وجدي بنفسه كال بنات هيفاء ما انطيهن لكرايب وهو أعرف بمصلحتهن لو يريد جان گالك الغي الخطوبه وانطيها لولد عمها بس أنت الله يسلمك خايف على زعل أخوانك .
ـ يعني هذا هو نتوكل
ـ أتوكل حجي رايتك بيضه ، شگو عليك أول نسيب دكتور جامعي طگوو يابه
ـ أنجب لك ليش اني ناقص نسب لو مكانه
ـ شبيك حجي هذا النسيب
ـ ديله لا تحمى علينا زايد أبو الارامل والمطلقات
ـ گلبي متولع بالمطلقات بس شسويلك ما الله هداك عليه هسه شيصير لو مزوجنياها أخ منك حجي والله كسرتلي گلبي .
ـ مو وگته كمت تلطم بوجهي ، ديله اني رايح للبيت جيب أمك وأخواتك وأشوف عمامك يحضرون لا وبس لا زعلوا .
ـ توكل حجي وجايين وراك ، علم الحجي علم
ليال ـ طلعت مشيت سريع الغرفه وأجتني أمي ها ماما
هيفاء ـ يله نمشي لبيت جدج أريد اشوف الكوشه جهزت قبل لايجون وخاف اكو نقوصات عيب
ليال ـ ماشي طلعنا سوى وجنات تأخذ صور لـ باسل بالحديقه .
باسل ـ ولج جنات شلوني مو أطگ بالكاع افلش وعلي
جنات ـ دتستقر جاكي شان بس تتحرك خل اخذلك صوره بيها حظ كل الصور ايدك مكطومه شسالفه
ـ أكطم راسج شنو ايدي مكطومه أخذيلي صوره حلوه لا اخرب كشختج
ـ باسل اوكف بمكانك ترى بزعتني اي هسه تمام طلعت تخبل عمي شخصيه هي گوه ، كون هسه ارسلها لعُلا واخليها تجيب قومها وتجي تخطبك من اهلي .
ـ وين والله وتصير عمي موافق بالعشره موافق بس زوجوني ألها والله تدخلون الجنه .
هيفاء ـ سوده عليه كسرتلي گلبي دمشي أمشي خل تفض خطوبة أختك وادورلك مره ونزوجك
باسل ـ لا يمه مو هسه ، عود أني أكول الكم
هيفاء ـ الله كريم أبني هي تجي شوف ربك شنو ضاملك وقسمتك وين ، يله أمشوا ..
ليال ـ طلعنا وتمشينا بالفرع وطبگت سيارات عمامي بالفرع نزل عمي رشيد وولده ثلاثتهم سجاد زياد معاذ وانفتح الباب بيت عمي وطلع ليث وصار بوجهننا وركز نظراته عليه وعلى كشختي مشيت وهو وكف على صفحه يدخن ووراه عمي كريم وفارس وفواز والكل كاشخ ومتحضر وباسل فتح الباب دخلنا وهو ضل واكف وياهم الله يستر نظراته ما تبشر بالخير ...
لكينا عماتي موجودات هذن شوكت وصلن ومنو گال الهن.
هيفاء ـ بكل عزه لطامات وأكيد جواهر بلغتهن هيج يوم ما يتفوت أمشن .
جنات ـ خطيه لقاء ما تحضر ولا احد كال الها
هيفاء ـ لا أخوج باسل خابرها وبلغها ، يله أمشن
ليال ـ دخلنا وسلمت على جديتي وباستني وهزت ࢪاسها وكالت
حليمه ـ هو الخسران الله يسعدج يا جده
ليال ـ الله يخليج النا كعدت بصفها وشفنا الكوشه تخبل گلشي من الراقي الكوشه مرتبه ونازكه أباوع على التفاصيل وبنات عماتي موجودات ولاحظت لا بيت عمي رشيد ولا بيت عمي كريم ولا وحده منهن جايه
هيفاء ـ لا أسمهان ولا بنتها ولا سلوى ولا بناتها ما جايات الظاهر عمامجن منعوهن لا واضح زعلانين على شنو الزعل ما أدري .
ليال ـ جديتي أشرتلي كعدت يمها ومسحت على تسريحتي وتباوع لوجهي .
حليمه ـ اللهم صلِّ وسلم وبارك على سيدنا محمد
ليال ـ أبتسمت إلها تباوعلي وجانت نظراتها حزينه وعمتي نجلاء باوعتلي وأخذت كافه المقاسات من رجليه لحد رأسي عيونها على كلشي لابسته واجتي تماضر جابت العصير ولابسه أصفر تكول الخطوبه الها وشويه ودخل علينا باسل مستعجل
باسل ـ يمه مفتاح البيت انطيته الج أريده
هيفاء ـ اي يمه بس شتسوي بي
باسل ـ لقاء وصلت وتريد تغير ملابسها وتجي
هيفاء ـ يا عيني أجتي من تكريت
حليمه ـ أجتي الذيبه ما جان تجي بملابسها ليش تغيرهن
باسل ـ جده ما تعرفين لقاء هي ام الكشخات .
ليال ـ اخذ المفاتيح وراح وعمتي نجلاء باوعتلي وكالت
نجلاء ـ شكد صارلكم
حليمه ـ شنو شكد صارلكم
نجلاء ـ على العلاقه هي والدكتور باهر
حليمه ـ نجلاء صمي حلكج لا اكص الج لسانج شنو هالحجي .
نجلاء ـ ليش تكصين لساني لعد شلون اجه هيج من كيفه الا اللهم منطيته الضوء الاخضر شو بنتي تهاني صارلها شكد ما اجاها دكتور بس حظوظ
حليمه ـ غير بنتج جگمه وعوبه ، يله سدي حلكج ويا ويلها تفتح حلگها بحجايه خل خطوبة بنت أخوجن تفض على خير .
ليال ـ سگتن وهدير وغدير بنات عمتي انسام للامانه حبابات اجني يمي فرحانات وشويه ودخلت علينا لقاء الكشخه فول وأطك بكعبها ورفعت أيديها وهلهلت وامي منعتها
هيفاء ـ ولج سكتي فضحتينا
لقاء ـ شسالفه خل أهلهل اليوم خطوبة أختي حبيبتي خطوبة بنت هيفاء على الدكتور باهر ، ماكو جگليت عصير أبرد گلبي وأكو ناس خل تبرد دودتها .
هيفاء ـ لقاء ماما سگتي
ليال ـ وتقدمت حضنت أمي وسلمت على جديتي وباستني اني وجنات وعماتي من بعيد سلمت عليهن بدون بوس وغمنها وجديتي ضحكت
لقاء ـ جده ترضينها بناتج يغمني .
حليمه ـ لا والله يجده ما أرضاها بس شسويلهن
ليال ـ كعدت بصفي ولازمه أيدي شجابج ولج
لقاء ـ زعلانه منج لعد تنخطبين واني ما ادري فوك هذا كله ما احضر هاي واني أدري بگلشي بالجذب ما خابرتي گلتي اكول لاختي
ليال ـ گلشي صار بسرعه واني جنت دايخه أعذريني
ـ لا عادي عاذرتج همزين أني من االبارحه باسل كالي واجيت اني وصديقتي وتعرفين ما افوت هيج أجواء حماسيه صدك مبروك .
ليال ـ الله يبارك بيج حب
لقاء ـ متحمسه كلش متحمسه صدك أنتِ موافقه
ـ أي
ـ عن قناعه لو أذيه
ـ الأثنين بس أكثر شيء قناعه
ـ الله يقدم البي خير تستاهلين والله فدوه لوجهج أختي حبيبتي
ـ باستني من وجهي وسمعنا أصوات وهوسة زلم
ودخل علينا نائل
نائل ـ أجو طلعن أستقبلن النسوان بسرعه .
ليال ـ گلبي يدك مثل الطبل وأنفتح الباب ودخلن النسوان سلمنا عليهن وأستقبلناهن ودخلن وموبايلي بالجنطه يرن
لقاء ـ ليال موبايلج يتصل قفلي وگته هسه
ليال ـ نسيت اخلي صامت أبتعدت وگفت يم الشباك وشفته ليث يتصل ضليت صافنه على الأتصال ورفعت رأسي وشفته بالحديقه گبالي وعيونه عليه ويتصل!
شكرا لزيارتكم عالم روايات سكيرهوم
