رواية يوميات هجران الفصل الخامس بقلم شروق الشمس
شنوووووو عيد شكلت وعد
نفس ماسمعتي ولان انتي غالية علية مااريد ادخلين وتنصدمين
وهوه دزك علية
لا والله اصلن ميعرف اني جايج ابوية وسعد دزوني الهيج لبين مايقنعونة يعقد بالسكتة
وصلني للبيت وعد
هدي زهرة
وووووصلني ووووعد
وصلت لبيت سعد وجان لهوسة كايمة اهناك مينعرف شكو من دخلت كلهة سكتت باوعت على ميعاد حرامات بيج لثقة ولصداقة كلكم طعنتوني بظهري
لا تفهمين غلط زهرة
لو هسة تحلفين بالف ايمام مراح اصدكج
عفتهة ودخلت للصالة كلهم ملتمين بهاي لساعة حسيت نفسي وحيدة صدك لا سند ولا اب رحت لعمي كلت
بيوم من الايام زعلت من محمد وكتلي اطلبي واتمني كتلك مااريد شي منك بس اتصيرلي اب ولو صدك انت ماخذ دور الاب ماجان جبرت ابنك يهدم حياتة لخاطر سمعت عشيرة ودخيلة شارة من اهلهة وتردونهة تتستر براس واحد من لولد
فاهمة غلط بنتي
لااااا تكول بنتي بعد من هاي لحضة انت مجرد عمي ابو زوجي وبس
ابو فيصل..... هدي بوية
لا تكول بوية لان ماتعرفون هاي لكلمة ابد ليجبر واحد علمود تعقدولة بدون علم مرتة ودز واحد يلهيهة وتخلونهة مثل اطرش بالزفة حرام بي لعشرة بعد مااعيركم اني بس جان اتذكرتو وكفاتي وياكم واولهم بفيصل الي ماكدرتو تهدمون حياتة وجبرتو محمد يهدم حياتة وحياة جهالة انتم وربكم تنجازون
ام محمد..... عرفت هيج راح يصير والله حسبي الله ونعم الوكيل عليكم كتلكم ماتتحمل مصايبكم ابعدوهة عنكم بس ماتسمعون مني
هم يحجون بيناتهم ويتعاركون واني عيني ادور علية اريد اجذبهم واجذب لخدعة لبيهة اني اريدة يجي ويكلي انه يمج يروحي انتي خوفتيني عليج لا تتوقعين اعوفج لخاطرهم اخذج وننهزم وينك حبيبي وينك اثبتلي كلشي يصير غلط
بهاي لساعة نسيت جهالي وحالي وكلشي بي اني انتظرت ربع ساعة وية نقاشاتهم من شفتة ماكو عرفتة خلص انتهة كلشي بعد احس لدنية اسودت بوجهي كلشي مااسمع بعد ولا اشوف كدامي واني اشوف مرة ضخمة طالعة من لغرفة لضيوف وبيدهة وصلة بيضة ملطخة بدم عذرية حسيت لهوة خلص بعد ماكام يدخل بريتي عفت لكل وراية يحجون بس مااسمعهم ركضت على وعد سحبت منة لسويج بس كدت انطق
انت تبقة اخوية وجهالي امانة يمك بس وصلهة لاهلك واخوك هجمو بيتي الله الهم بالمرصاد وكول الاخوك ورقتي توصلني قبل لا اوصل الاهلي حتى جهالة مااريدهم
لا تستعجلين زهرة افتهمي بالاول انتي غلطانة والله
ووووووخرررررر من كداااااامي وووووعد
دفعتة وسحبت لسويج وطلعت اركض لسيارتي مااعرف شلون طلعت وشلون سقت لسيارة كل همي بس اريد كلهم يختفون من عيوني اسمع محمد ايصيح وراية بس ماهمني صوتة
محمد...... زهررررررررة لج لاااأااا عوووووفي لسيارة بس اسمعيني لا تستعجلين بداعت جهالنة
لو جان جهالنة عدهم خاطر يمك ماسويت لسويتة هسة
لج بوية والله ماسويت شي بس افتهمي
وخررررررر مني لا تحلف بعد مااثق بيك
دفعت ايدة وطلعت شكد ماكلبي موجوع هلكد ادوس بانزين لسيارة جانت اطير مو تمشي بالشارع شوية خففت لسرعة لان كلبي كام يوجعني كلش كمت اضرب على ستيرن لسيارة بكل قوتي واصرخ ليشششش ولك ليشششش شنوووووو سويتة وهيج جازيتني رجع مر بية شريط وكفتة وية تغريد وشكد بوكتة نوجعت بس مو نفس ماشفت من طلعو بياضهة كدام لك يعني هسة هي صارت شريفة ومراح يطلكهة مراح يخلونة يذلكهة لان بنية ويكسر بختهة شلوووووون الله ياخذكم كلكم طعنتوني بظهري الله لا يسامحكم انشاللة
بقيت امشي بالطريق بس مااعرف وين رايحة اله انتبهت اني بطريق لنجف ههه رايحة لابوية اشكيلة جنت اخاف اطب وحدي للمكبرة وهسة كلبي وجعة لجابني اهنا وصلت وية لعصر كلش كعدت يم كبرة وحسيتة هوه موجود صرخت من كل كلبي
طعنوووووووووني يااااااابة
كوووووم موجوعة اني منو يداويني عفت كلشي وراية وجيتك ياااااااابة تعبانة كووووم دليني طريقي كمت مااعرف بمنو اصدك وبمنو اجذب حسيت نفسي بغابة وكلهم وحوش
تعرف هسة بس ارجع للبيت اول مراح يتشمت بية اخوك وجهالة لان فضلت لغريب على ابن عمي يابة لبزر شكد عزيز اني عفتهم وجيتك ياااااااابة ضمني بحضنك تعبانة مشتاقة اسمع شمام لگلب منك تيتمنة واحنة اصغار ماشبعنة منك
حضنت نفسي خليت راسي يم گبرة ماعرفت اذا اغمة علية او نمت اله حسيت لشمس بعيني ودعتة وكمت للسيارة لتليفون محروك حرك طيزت لك وماجاوبت احد بس كسرتني امي برسالتهة الية
جانت دازة
دفنت واحد ونذليت وراه لاتخليني ادفن روحي بيج ردي علية يروح امج
حركت لسيارة وطلعت لبغداد بنص لطريق هم دكت علية امي رديت علية
شلعتي كلبي يمة
بس كلبي محترك اني من لبارحة لليوم
اسم الله عليج حبيبتي وينج امي
يم ابوية جنت
عززززززززة لعززززاني ولج بقيتي ليلج وحدج بالمكبرة
من كد وجع كلبي ماخفت ولا حسيت بشي والله
هسة وينج انتي وصلت بغداد
محمد...... خليج بمكانج اني جاي عليج
من سمعت صوتة حسيت رجعلي لصار لبارحة عطت بي ايااااااك تشوفني وجهك بعد ابد لا توصلني اطلع من بيت اهلي ماااااريد اشوفك وجعت كلبي الله يوجع كلبك
محمد.... ليش وقليل الله وجع كلبي بيج لج من لبارحة مثل لمخبل افتر بالشوارع ادورج وين رحتي
اكرهك مااريدك بحياتي بعد طلكني
قبل ماتسمعين لسالفة مستحيل اعوفج هديتي حيلي
بعد وبعد الله يهد حيلك ياخاين
سديت لتليفون بوجهة وشمرتة دست بكل سرعت صار شكل هوسة لبارحة كدامي ليش ولك حتى ماكلفت نفسك وطلعتلي بعدني ممخلصة اعتابي ماحسيت اله لسيارة انصدمت بشي قوي وبدت تتكلب هوسة وصوت مرور بس ماحسيت بعد بشي
امل..... من طلعت زهرة وهي متخبلة اجة محمد وعرف بالصار تخبل اول ماضرب وعد بوكس طشر وجهة شلون خلاهة تطلع وحدهة اباوع علية لحكهة بس هي تحجي بعصبية ومنفعلة دفعت ايدة وطلعت بالسيارة على لشخطة لشخطتهة كلت مراح توصل لشارع اله يصير شي بيهة من لسرعة مالتهة طلعو وراهة محمد وعد وفيصل وسليمان كلمن بسيارة محمد متخبل عليهة جهالهة ضلو يبجون بالبيت رجعت يمهم اسكتهم وكل ساعة ادك على. فيصل يكول فص ملح وذاب ماكو هسة طالعين لبيت اهلهة اخاف راحت يم امهة وبعد مرور ساعات هم دكيت كال ماكو اهلهة ميعرفون شكو صار محمد تخبل من عرف هي مو يم امهة ليل كلة يفتر بشوارع بغداد حتى علي طالع وياهم
محمد عبالة رايحة للشقة راحو مالكوهة ضلينة ليل كلة متكلكلين عليهة رجع سليمان وفيصل وضلو وعد ومحمد اهناك ابوية ارتفع ضغطة ونقلنا للمستشفى يكول وجعتني بكلامهة وماكدرت ارد عليهة حقهة عمي ابو فيصل اول مرة اشوف دمعتة يكول ملامتهة اذتني صدك نسينة زينياتهة وكفاتهة النه لزلم ماسوو مثلهة امي حاضنة جعفر وتبجي عليهة
للصبح ساعة 9 دك علينة وعد
هاااا بشر
زهرة سوت حادث
شنووووو يمة عززززة بس لا بيهة شي
ولسيارة انكلبت بيهة مااعرف شلون مطلعينهة من لسيارة لو ماستر الله جان هسة هي محتركة وية لسيارة صايرة مثل قوطية ببسي
وهسة وين هي
بالمستشفى فاقدة لان لضربة براسهة وصدرهة
عزة بعيني كون
أم محمد... شكوووو ولج
يمة زهرة
شبيهة احجي مو فتيتو كلبي
سيارتهة انكلبت
يمة صخاااااااام لصخمني كوووووون ولج كووووومي صيحي واحد من لولد يوديني الهم هسة اخوج يموت وراهة ومحمد
بس هدي يمة اخذي علاجج لا توكعين علينة بالطريق
ديمة..... عمة شبيهة مامة
امل.... صفنت بوجهة شنو اكوللهة احم شسمة هذا مابيهة شي بس تعبانة ديري بالج على اخوانج هسة اوديكم يم عمة ندى لا اتسوون هوسة
لااااا عمة فدوه اخذينة وياج لمامة جعفر يبجي عليهة
بس اتصير زينة اجي اخذكم
أم محمد.... دكي على بسمة وندى يجن هينة يم لجهال
اي يمة
اجني لبنات واحنة طلعنة وية فيصل عفت ابني يم فضة طول لطريق دمعتنة مانشفت ابد لحد ماوصلنة للمستشفى جانت مخبوصة خبص خوالهة وعمامهة وامهة وهجران وعلي كلهم موجودين اريد اشوف اخوية وينة شصاير بي لمحت وعد من بعيد
ها وعد بشر
شبشر تعبانة وحالتة خطرة لضربة براسهة خايفين من تصحة ايصير بيهة شي
ومحمد وينة
اخوج من شاف لسيارة وكع من طولة جلطة اله شوية هذاك هوه معلكيلة مغذي وبس صافن بالسكف عفتة يم امي ورحت على محمد
ها خوية شلونك
مثل ماتشوفين كلة بسبب اهلج شوفي وين وصلوني
لصوج بيك انت جنت لازم تفهمهة من الاول
ليش اني اعرف دازيلهة وعد من وراية جنت اني اريد اروح اخذهة وافهمهة لسالفة كلهة بس اااااااخ من لستعجال اهلج عبالهم يلزموني من ايدي لتوجعني شوفي لنتيجة مالتهم وين وصلتنة خلي ارجع اذا ماكلبت مضيفهم على راسهم مااتسمة محمد ليلة كاملة مااعرف وين نامت لو شصاير بيهة تاليتة تروح للمكبرة تشكي همهة وهي لجانت تخلص همومهة بحضني لو صايرلهة شي شنو اكول لجهالهة بسبب سوؤ فهم راحت امكم شلون بية ولج
كول يالله خوية الله كريم تعدي على خير انشاء الله
شكول الاهلهة لملتمين برة شلون افهمهم
احجي لحقيقة
مراح يصدكون
عنهم ماصدكو
واني لجنت متاني هل ايام كلت اخذهم سفرة مدام عيد ومجازين ماضل شي للعيد بس 15 يوم هههه بالتالي صارلي خوش ذكرى بي
انشاللة ترجع بالسلامة وتكملون منين مابديتو
مستحيل زهرة تقبل تكمل وياية بعد
بس انت ماغلطت بشي
ماتصدك بعد اعرفهة
شوفهة لدليل وهي اتصدك
وشلون بعد ترجع اتثق بينة واحنة سبب دمارهة لو ماالله بااخر لحضة منطق رعد جان صدك هسة انتهينة
كوم شد حيلك خوية الله كريم
طلعنة ننتظر يم باب لانعاش ماعدهة كسر بس ضلوعهة مترضرضة ولضربة براسهة اله تصحة يالله يشخصون حالتهة
وهسة ننتظر تصحصح ونعرف شبيهة
.....
