رواية يوميات هجران الفصل السادس بقلم شروق الشمس
واكفين ننتظر باب لنعاش كلنة متندمين لان ماحجينة وية زهرة وفهمناهة شنو صار بس صارت ساعة شيطان بعد
امل اني ماضايج من شي بكد ماضايج من زهرة معقولة هيج صدكت اني اسوي بيهة هيج واكسرهة
لا تلومهة لان هي ماتعرف انت شنو مخطط واكثر شي لخبلهة من طلعت ام لعروس تهوس بياض بتهة وانت ماكو شتريدهة اتصير طبعاً اتصدك بس لو من جاية وشايفتك كبالهة اكيد تتفهم
غير اني جنت انتظرهة بيتنة كلت لوعد يجيبهة للبيت علمود تفتهم شنو لصار
بعدنة ممكملين كلامنة جان يطلع لدكتور وهوه مبتسم
الحمدلله على السلامة لمريضة صحت بس لا تعبونهة خلوهة ترتاح
طمني دكتور خومابيهة شي
لا الحمدلله جروح طفيفة ولضربة ممأثرة على شي
الف الف الحمدلله ولشكر الك يارب
بقينة كلنة برة ومحمد دخل عليهة
زهرة.... صحيت بوجع براسي يموت فحصني لدكتور الحمدلله كلشي مابية كلة بسبب لضربة طلع جان يدخل محمد اني شفتة وتخبلت
شجااااابك اهنااااااا اطلع بررررررة ماااااريد ياخاين اطلع لا توجعني اكثر لمستهة موووووو يانذل عجبتك بعد صارت مرتك موووووووووو
جنت واكف شوية بعيد منهة ومجتف ادية هاي ماشافت شي وهيج متخبلة لعد لو صاير كلشي كبالهة اله تموت
موووووو احجي وياك ليششششش سااااااكت
انتظرج تكملين عصبيتج
شنوووووو شفتني مخبلة كدامك
تقربت عليه وحضنتهة لصدري
ليش كل هذا سويتي بنفسج ليادرجة تحبيني
مااحبك اكرهك وخر مني لا تحضني
ليش هسة حضني يضوجج
اي لان خاين
وحق كفيل زينب وحق هذاك الامام لشفتج بي اول مرة وخليتي كلبي ينبضلج لا صارتلي مرة غيرج ولا لمست غيرج ولا راح اتصير انتي نسواني الاربعة لحللهن الية الله شلون ترديني اعيد لغلط نفسة واكررر لصار قبل
ماكمت اصدك بشي بعد شفت بعيني
حقج يابة بس خليني افهمج لصار وانتي احكمي
مااريد اسمع
مو بكيفج.... بهذاك ليوم ابوية وعمامي جبروني اوافق على لدخيلة بس لخاطر ابريهة من لحرام بوكتة رفضت رفض قطعي. وكتلهم لو فتحتو لموضوع مرة ثانية اخذ مرتي وجهال واطلع مااخليكم تندلوني بعد صارت هوسة ومشكلة وابوية تخربط وضل اسبوع يزن براسي لان لازم لو اني لو وعد لو رعد ناخذهة بعتبار اقرب شي لبيت لشيخ سعد ميصير ياخذهة لان دخلت عندة صارت جر وعر بالسالفة سليمان كال اني اقبل اخذهة بس ابريهة اطلكهة بس ماقبل اهل لبنية ولا ابوية عاد اهنانة رعد كال زهرة اهواي وكفت ويانة وماانسة فضلهة طول عمري راح ارد من فضلهة جزء صغير ومااخرب بيته مرة ثانية اتفق وية مرتة بس ياخذ لنيشان ويطلكهة بنفس لساعة رغم جانت ندى رافضة بس كالت اقبل لخاطر زهرة لو ماهي جان هسة اني عندي ضرة بهذا لوكت جان عمي داز عليج وعد علمود تتقبلين امر لواقع بس الله شاهد وعد مايعرف بالحجي بيني وبين ورعد ف اني وافقت بس علمود يكعدون ويسكتون ومن جابو لسيد نطيت اسم رعد بدالي وكعد عقد عليهة همة سكتو لان كدام امر لواقع صارو اني كبل رجعت للبيت انتظرج ترجعين واحجيلج شنو صار وردت اكلج ماخلفت بالوعد لبينة
بس كلبي وجعني من شفت لمرة طلعت تهوس بياض بتهة بعد ماشفت شي كدامي
حقج يابة ماالومج
وهسة شنو صار بندى
بيوم لطلعت امهة تهوس عبالهم رعد راح يخليهة بذمتة هيج جان ابوية وعمي متفقين بس عبالهم الية ويكدرون علية بس مايعرفون رعد بايع ومخلص بس طلع من لغرفة ولبنية طلعت وراه رمة عليهة ليمين ثلاثة مرات ماخلاهم يتنفسون بعد راح حضن ندى وطيب خاطرهة وكالهم بعلو صوتة هلمرة سويتوهة بالمرة لثانية انتم تحيرون بسالفتكم لا تورطونة بيكم وبمشاكلكم وتصعدون صيتكم على تفليش بيوتنة مو احنة نخلي هيج نماذج فوك نسوانة
خطية شلون تحملت
انتي لخطية يروحي هسة بعدج زعلانة مني
اااااي كلش
مبين اذا زعلانة ليش نايمة بحضني
انت جبرتني
شلون نطاج كلبج تعوفيني وتعرفين جهالج هيج
ماكدرت اتخيل اشوفك وية غيري
شلون خلصتي ليلة كاملة بالمكبرة
من وجع كلبي ماحسيت بشي بعد
شمني بشوغة وحضني حيل توبة بعد والله اضم شي اذا زين لو شين ولا اخليج تتخيلين شي مصاير ولا يصير وهيج تكون لنتيجة بس صيري زينة اعوضج كلشي
الحمدلله نكشف كلشي ابد ماتندمت على لسويتة لان جان شي خاص بية وجنت ادافع علية بس من بعدهة رفضت ارجع لبيت عيالي لان كلش زعلانة من عمي استقريت بشقتي ومحمد جاب جهالي واخذلي اجازة هم مر كم يوم الحمدلله وضعي تحسن بقة للعيد اسبوع طلعنة بليل تعشينة واخذنة ملابس للجهال وكلشي نقص عدنة وقررت ابد مااروح لعيالي بالعيد بس لصار قبل لعيد بيومين اجة عمي وخالتي وابو فيصل بعد لسلام ولضيافة ظلو يعتذرون مني ابد ماعاتبوني على لحجيتة وعمي حلف مايرجع اله احنة وياه يكول مااكدر اطب للبيت وانتي مو بي لو اشوف روح شلون تنطط على لدرج وحنية ديمة علينة وعركج انتي وعد بالبيت حضني ودموعة نزلت بست راسة وطيبت خاطرة بس بعد ماكدرت اكلة يابة مثل قبل وهوه هم كال براحتج لان صدك اني مو كد هاي لكلمة اخذنة غراضة ورجعنة للبيت كلهم استقبلوني ابد مافتحنة ذاك لموضوع بعد مشت ايامنة طبيعية باجر اول يوم للعيد وهسة ساعة 12 اجة محمد يضحك كال كومي حضري نفسج انتي ولجهال نروح سفرة للشمال اسبوع ونرجع
عززززة محمد هسة ياللة تحجي غير تكول من وكت شنو الحك اسوي
لا حبيبي بس ملابسكم اخذوهن لان رايحين كروب كامل
شلون يعني
خليهة مفاجئة احسن
ماكلت لا جنت محضرة جنطنة نروح لبيت اهلي بس زيدت عليهن بعد غراض وثاني يوم طلعنة من لفجر وصل النة لكروب واجن اشوف لاحباب مجموعين امي وياسين وعزوز وعيالة وعبدالله وعيالة وبيت علي ونرجس وزوجهة وفيصل وامل وندى ورعد وعد وخطيبتة هههههه احلى جمعة يعني لباص كامل حاجزينة النة
وهسة احنة اول محطة وصلنة بيهة هي شقلاوة وانشاللة ميكون اخر يوميات كل مايصير شي حلو وجديد راح انزلة الكم احبكم كومة وشكرا على كلامكم لجميل وخاصة بنات الي انضمو الية بالفيس بس ارجع راح اسوي الكم كروب بالماسنجر وندردش سوة الي حابة اضيفهة تكلي او تراسلني بالفيس وتددللين باااااي عسولاتي لجميلات
ههههه اكثر شي خبلني بالرحلة هي روح كل احجاية وتكلي بكيفي
عمي بكيفج شنسوي بعد
شكرا لزيارتكم عالم روايات سكيرهوم
