رواية قصة زهراء الفصل الخامس بقلم زينب نور
ياسر:مر٣ على الزواج وانه مالي نفس بيها كل مااباوعلها اشوف
فاطمه بيها
گعدت الصبح بدلت شفتها نايمه نزلت
لگيت جدي وابوي گاعدين
الجد:ياا الله صباح خير
شعندك بويه گاعد من الصبح
ياسر:صباح النور جدي..
ماعندي بس رايح الدوامي
صالح:يادوام وانته اسبوع مصاير على زواجكم
ياسر:شعندي يابه الاجازه وخلصت
وبعدين شسوي كاعدبالبيت
شعندي
الجد:ومرتك شنهي مو بعدهي عروس
ياسر:جدي مابيها شي مرتي
ماكله...
شاربه...
نايمه....
شتريد بعد
الجد:مااتروح گلت
ياسر:اروح موجاهل گدامكم اتمشون حجيكم عليه
جبرتوني ع الزواج والبت مالي نفس بيها ورضيت
السالم الله ومحمد وعلي عليكم
لاتدخلون بيه بعد
صالح:ولك صاير ماتحترم الجبير
ياسر:في امان الله وطلعت مارديت
بس اسمع جدي وابوي يصيحون
اخذت السيارة ورحت للمطعم اتريگت وطلعت لبغداد
زهراء:وگفت اسمعهم يسولفون
صالح:راسه والف سيف اله يروح
لبغداد
ام ياسر:الله يفشلك ياسر البنيه بعدها عروس
صالح:ديري بالج عليها انه هل اشوفها ضايگ خلگها
والله من اسمع مسويلها شي
ادواه عندي
زهراء:احس كرامه واحترام مابقالي
گدام الناس لهل درجه كاره وجودي وياه صار ٥ ايام الزواجنه وداوم
وخرت رحت للحمام بجيت بجيت
بس مايفيد
غسلت وجهي وطلعت
لگيت عمتي مخليه الريوگ
باالصاله
گعدت وبيبي وجدي وعمي والبقيه گاعدين گال
جدي:بنيتي تدرين برجلج راح
زهراء:شگله هسه
گتله اي جدي گعدت وشفته من طلع گلي
بلعتها بمرورتها
اكلت لگمه وكمت
مر اليوم عادي لليل صعدت شفت
دشداشته النازعها شلتها شميتها
ااااه يعطرك
تمددت على الجربايه واشم بالدشداشه ودموعي تصب
ماادري ليش ابجي
ابجي لئن فشلني گدام الكل
وابجي لىن حبيته وتعلگت بيه
وابجي على حضي.... ماادري يمته غفيت
ياسر:وصلت لبغداد واخذوني بالسلام والاسئله مليت جنك وووو سوالفهم التعبانه خلصت شغل الساعه ٢الظهر ورحت للبيت
مشتري بيت ابغداد
دخلت صاير وصخ نظفت صفحه ونمت بيها لثاني يوم رحت للدوام مر اسبوع اجه يوم الرجع بيه وصلت الساعه١٢
الظهر دخلت الديوان جدي وعمامي سلمت ودخلت للبيت سلمت على بيبيتي وامي
زهراء:مر اسبوع وگالت عمتي اليوم يجي وصل الساعه١٢
دخل سلم على بيبي وامه انه وفاطمه وطيبه اجتنه بالمطبخ انحضر بالغده دخل هوه
ياسر:السلام عليكم
طيبه:هلا خويه هلا بيك شلونك
ياسر:بخير خيتي
فاطمه:شلونك خويه
ياسر:تنهدت هلا خويه هلا بيج
اباوع زهراء واگفه على الطباخ ماردت السلام
زهراء:سويت روحي احوس بالجدر مادرت اخذ ماي وطلع گالت
طيبه:يوال ليش ماسلمتي عليه
زهراء:باوعت الها ورجت اكمل الغده
فاطمه:لا حبيبتي مااسلم گدامنه
فوگ اسلم😉
زهراء:طلعت شفته ماهوه بالصاله ردت ارجع للمطبخ صاحت عمتي اصعدي شوفيه يتغده لو تعبان هسه
صعدت دخلت للغرفه شفته واگف يدور بالكنتور ماادري على شنو
بعدين اخذ منشفه وملابس ودخل للحمام
شلت جنطته بالگاع طلعت ملابسه منها
باوعت تلفونه على الشحن عاد الشيطان تربع براسي رحت شغلته
شنو الغباء هذا زهراء راح يخليه الج بلا رمز
ضليت ادوس واسوي بيه طلع انتضر ٣٠ ثانيه رجعته المكانه
بس والله اله اعرف الرمز مالته
شويه وطلع سويت روحي اعدل بجرجف الجربايه
وهوه وگف ع المرايه يمشط مغرور بشعراته وطوله العملاق
اجه تمدد على الجربايه كلت هذا مايريد غده مااگله وصلت للباب
گال
ياسر:طفي الضوء
زهراء:طفيته وطلعت سئلتني عمتي گلتلها مايريد نام
تغدينه وخلصنه ماصعدت بعد ضلينه گاعدين اجت امي ونسوان اخواني
گاعدين بالصاله شويه ونزل هوه
سلم على امي والبنات وگعد گال
ياسر:زهراء غده عفيه
زهراء:تعجبت من ازوجنه لليوم ماكلي على شي
بس ادري بيه لئن امي كاعده
كمت حميت الاكل شالته عمتي
صبيته واخذته اله رجعت انطيته ماي
وگعدت اكل وگام شلت الصينيه
وسويتله جاي اخذته مالكيته بالصاله گالت طيبه راح بره
اخذته دخلت الديوان محد بيه جدي وعمي والولد طالعين خليته گدامه ودرت اطلع صاح
ياسر:اكوي دشداشتي الاسودة
زهراء:طلعت سكته رجعت يمهن كعدت شويه وكمت صعدت خليت الميز والاوتي
طلعتها مو عاته يطلب مني
ايي بس وين لاكيها يتئمر على وحده بكيفه گاعده اكوي ودخل
ماباوعتله راح يم الجربايه اخذ التلفون كلت خل اشوف الرمز
گعد انه خاله الميز بنص الغرفه هوه گعد على صفحه منطيني ظهره
تدنيت شويه من وراه شفته فتحه ايي والله شفته عرفته
ههههه بس دقيقه هههه خال مواليده
والله اله اشوف شبيه هل تلفون رجعت كملت الدشداشه علگتها
،
شلت الميز وطلعت نزلت جوه
امي والبنات رايحات گعدت يم عمتي وبيبي
شويه ونزل كاشخ ومتعطر
ليشوفه يگول هنيالج بيه
طلع ماادري وين
.
لليل ياله رجع جايب حلويات واجباس لئن طيبه وجهالها عدنه
وهم لجهال احمد اخوه كاعدين كلنه بالصاله هوه سلم وگعد
وزع الجهال وانطه العلاكه لمه
وزعت عمتي انطتني كلتلها مااريد
ياسر:اشوف امي انطتها مااخذت
شويه وگامت صعدت
زهراء:صعدت للغرفه غسلت وبدلت تراك طويل لونه اصفر
گعدت على الكرسي كدام المرايه
امشط بشعري شويه ودخل
ياسر:دخلت لبسه تراك اصفر كاعده تمشط اول مره انتبه لشكلها وجسمها
حلوه
زهراء:حسيته يباوعلي توترد كمت خليت شعري مفتوح رحت تمددت ع الجربايه طبعا فراشه هوه يفرشه
بيده فرش وطفه الضوه وشغل التلفزيون
عدل المخده انتبهت تلفونه على الشحن
رفعت راسي متمدد يدور بالتلفزيون مديت ايدي اخذته شغلت بس ايدي ترعش
فتحت الرمز ماادري وين ادخل
دخلت على الواتساب اسماء جماعته وخواته
مالكيت شي طلعت دخلت على الهاتف ادور بالسماء
تارسه ترس
طلعت منه هسه انه والله غبيه
ادور بجهازه حتى لو عنده شي
اكيد ماراح يخليه
طفيته ورجعته لمكانه
رفعت راسي غافي والرمونت بيده
تدنيت لنهاية الجربايه
اباوع بوجها وهوه نايم
حواجبه معلكه وجها ابيض
لحيته وشواربه موسود بيهن شگار
احجي بداخلي شيصير لو حبيتني
مثل ماانه احبك وهسه انته رجلي
ومدللني ضليت شويه ورجعت
للفراش شويه وغفيت
ماحسيت بس على صوت الباب مال الحمام وهوه ينسد
شفت الساعه ١٠ كمت لبست دشداشه لفيت شعري لبست الشال ونزلت
كالهم گاعدين ومبين متريگين
رحت للمطبخ عمتي تركب بالغده
صباح الخير
ام ياسر:هلا يمه صباح النور
سهى:بعد وكت اتريكنه وانتم نايمين
ام ياسر:خليهم يمته مايگعدون يتريگون
گعد ياسر لو بعده
زهراء:لا عمه كعد
خليت الريوگ شويه ونزل گعد بالصاله محد بيها اخذت الصينيه ودخلت خليتها گدامه ودرت اطلع
ياسر:تعاي تريگي
زهراء:مااشتهي
ياسر:تعاي كتلج
زهراء:رجعت گعدت اكل شويه شويه وهوه عين بالاكل وعين بالتلفون
خلصت ماكمت رجعت لي وره
كلت خل اگله يجيبلي تلفون
مليت النهار كله ضاله اصفن بس شلون افتح الموضوع وياه
شويه ودخل سعد جان بره
سعد:السلام عليكم
ياسر:هلا
سعد:زهراء بعد اخوج ستكانت جاي
زهراء:من عيوني كمت صبيتله وانطيته
شويه وطلع جهاز من الباكيت كال وين فاطمه
كتله بالغرفه گام
انه شلت الصينيه ورحت للمطبخ
عمتي وسهى بيه وگفت اساعدها مسويه مقلوبه دجاج
انه سويت الزلاطه والخفايف
كملنه اذن وصلو وتغدو
انه مااكلت لئن تريگت متئخر وياسر هم مااكل
انطيناهم الجاي وغسلنه الماعين
مر اليوم عادي ماكو شي
لليل هوه فرش فراشه وتمدد مليت من هاذا الروتين
سعد:شوفي حبي مااريد اي برنامج بيه خليت سم كارت وسويتلج واتساب
فاطمه:ببتسامه شكرا
سعد:عاد وياها بوسه هج ناشفه
فاطمه:تقربت بسته بخده ردت اوخر سحبني عليه
سعد:مو اها البوسه انه اعلمج اشلون
فاطمه:اخذ شفيايفي
ذبت بيده...
زهراء:مرت الايام عادي كلمن بصفحه
بس گام يحاجيني من يريد شي
مر شهر على زواجنه گعدت الصبح كالعاده ماهوه طالع كمت نزلت
تريكنه ولمينه البيت
رحت العمتي گلتلها...
عمه راح اروح شويه يم امي
ام ياسر:روحي يمه بس شوفيلج واحد من الولد ياخذج لا اطلعين وحدج
زهراء:هيه تحجي ودخل سيف
كالتله وصلها بدربك لبيت خالك
رحت انه لبست العبايه
وطلعت هوه يمشي وراي دكيت الباب طلع حمودي ابن اخوي بوسته
ودخلت سلمت على امي والبنات
وضلت امي تسئل ياسر شلونه وياجر ماصار عندج شي وهل سوالف
شويه ردت اروح گالت ضلي تغدي
اليوم مسويه دولمه من التحبيها
صدك ضليت مارحت
تغدينه وخلصنه شويه واخذت مصطفى ابن اخوي ورجعت للبيت
دخلت من باب الحديقه
الساعه٣ الظهر دخلت جوه عمتي وبيبي وعمتي ام ياسر بالصاله كاعدات
ام ياسر: بنيتي اجه رجلج وسئل كتله وصلها سيف لبيت عمك
زهراء: صعدت بس خفت لا يحجي عليه لئن كالتله وصلني سيف
دخلت للغرفه متمدد على الجربايه وتلفونه بيده
ياسر:رجعت للبيت ساعه ٢:٣٠ تغديت وصحت زهراء جاي
كالت امي مو هنا
تفاجئت وين راحت كلتلها وين كالت عند اهلها
شوكت راحت
ام ياسر:الصبح وصلها سيف ماراحت وحدها
ياسر:كالت سيف بسيطه يازهراء اطلعين بلا ماادكولين
ونهيتج من خر....
وترحين وياه صعدت دمي يفور عليها
نص ساعه ودخلت
زهراء:كلت السلام
مارد
طر التلفون على الميز وكام احنه كلت اجاك الموت ياتارك الصلاة
ياسر:شلون اطلعين ومدكليلي
شنو مو بعنج ماحاسبتني زلمه
زهراء: وين رحت غير هذولي همه اهلي وبعدين كلت العمتي وماطلعت وحدي
ياسر:بعصبيه... وانه شكو بعمتج
وسيف وصلج موووو
زهراء:كتله ايي
اجه عصر ايدي بيده بكل قوته ويحجي وفتح عيونه حيييل
ياسر:چم مره نهيتج منه سيف لا تتگربين يمه هاا
زهراء:ايددي عوفني راح تكسرها
ياسر:اكسرها واكسر راسج بعد فاهمه مرتي غصبن عليج اسوين الي اگوله شنو طالعه ويه من كتلج شنو بينج وبينه نكرتي
هااا احجي اشو نخرستي كلامي صح موووو
زهراء:فلتت ايدي منه ودفعته حيل
وانه طالعه روحي
گتله مرتك من شوكت مرتك
هااا ليش انته حاسبني مرتك ماادري انه شنو وجودي عندك لا انه
مزوجه ولا انه امطلكه
هاي مرتك بس غسل وتنظيف
واوامر لزم تتنفذ
ياسر: لاتلعلعين بصوتج لا اشوفين شي مايعجبج
زهراء:سوي الي تريده انه مليت منك على شنو اتحملك ماادگلي
لا مقدرني ولا محسسني انه مرتك
رجعني لهلي احسلي من هاي الذله
طلگني شنو تتهمني بشي انه مامسويته
انته رجلي وابن عمي عود شخليت للغريب
ياسر:تحلميين اطلگج وطلعه من هل بيت ماكوو
زهراء:لك حس بيه ادري ماتحبني ولا منتظره منك اتحبني بس على اقل كول هاي بشر وعدها مشاعر
كول شتحس شتريد
لا عبالك بس انته جبروك على الزواج
انه هم ماانتظرو اكلهم كلمه انتم كلكم ماتحترمون المره ها هيه عدكم خدامه وكلشي تردوه يصير
صالنه شهر ماكلت هاي بشر ليش اضلمها وهيه مالها ذنب
هااا اخر شي اگلك طلگني مااتحمل بعد
ياسر:تحجي وانه عيني عليها تحجي بعصاب ادري ضالمها بس مو بيدي والله
كلتلها طلاك ماكووو وطلعت
زهراء:طلع وانه طحت وادك على وجهي ليش ياربي ليش
لاهوه حابني ولاهوه راحمني ومطلگني بجيت لمن مامليت
كمت غسلت وتمددت ع الجربايه وشبكت المخده عطره بيها
ودموعي نزلن لا اگدر اكرها ولا اگدر اتركه ماادري شريد
والله تعبت
غفيت وانه ابجي
ياسر:نزلت جوه كعدت بالحديقه وافكر بكلامها احس ضلمتها
بس الضلموها گبلي اهلها
ضليت ساعات گاعد بالحديقه كمت صعدت لگيتها نايمه اباوع بوجها احمر وجفنها مورم باجيه تمددت على الطرف الثاني ودرت وجهي
زهراء:فزيت على صوت اذان المغرب درت لگيته نايم ع الطرف
كمت لميت شعري وطلعت
توضيت ورجعت صليت حسيته كاعد خلصتي صلاتي ونزلت
وگلت بعد عهد عليه اذا اسويله شي
خل يشوف النعمه الي جان رافسها
نزلت حضرنه العشه
على ماخلصو وصبينه كالت عمتي صيحيله يتعشه
اخذتلي فره مااريد اصعدله
شفت رحاب بنت احمد كلتلها روحي اصعدي صيحي لعمو ياسر يتعشه
خطيه صعدت تركض رجعت انه للصاله كالها كاعده كعدت شويه ونزل
ياسر:اندك الباب تعال
رحاب:عموو ادكول عمه زهراء تعال تعشه
ياسر:روحي حبيبتي هسه انه جاي نزلت شفتها گاعده
گعدت بس ماادري ليش كالساع واباوعلها تاكل على كيف حرگت گلبي وجها اصفر
زهراء:كمت اولهم رحت للمطبخ مااسمع بس صوت وراي
ياسر: جاي وياج
زهراء:ماكني سمعته غسلت وطلعت رجعت للصاله
ياسر: طلعت بلا كلام الصبر الهي رجعت شفتها بالصاله گاعده
گعدت
زهراء:شالن الماعين انه ماكمت خلي سهى شويه تهز طولها
كملن رجعت سهى دخلت صاح عليها
ياسر:خويه جاي وياج رحمه لوالديج
سهى:من عيوني
زهراء:عمى بعيونج كون صبت صينيه وانطتهم
اجت فاطمه كعدت بصفي
شمالج وجهج اصفر
فاطمه: لعبانه نفسي وراسي دايخ
زهراء:روحي لغرفتج ارتاحي گبل لا بجي سعد
فاطمه: والله من ادخل للغرفه تلعب نفسي
زهراء: ياااا شبيج بهمس اكلج خاف حامل مدام دايخه ولعبانه نفسج
فاطمه: لا حامل شنو بسم الله صالنه شهر
زهراء: اي عادي اسمع اسولف كبل ادكول بيهن يحبلن من ليلتهن
فاطمه: ماادري والله بس شلون اتئكد
زهراء: تلفونج وين
فاطمه: بالغرفه
زهراء:گومي وياي
كمنه رحنه للغرفه اتصلي على اسماء
فاطمه:المن متصله لاادكليلها خل نتئكد اول
زهراء:ولج مااكلها بس احنه مايخلونه نطلع بس اكلها اجيب اختبار حمل وتجينه
فاطمه: اتصلت انطيته لزهراء
زهراء: حاجيتها والخبله فرحت عبالها انه
اكلج بس لا ادكليل لحد
اسماء:لالا مااكول
زهراء:سديته منها هاج لا تحجين شي كدام عمتي مانريد نفرحها ويطلع ماكو شي حتى سعد لا ادگليله
فاطمه:خوش
زهراء: رجعت للصاله بعده كاعد وسهى ادگ سوالف ماادري ضجت منها من اسولف وياه وهوه كالساع وباوعلي
ماكمت ضليت كاعده للساعه٥.
دخلت علينه اسماء وسلمت وگعدت شويه وسوت حجتها تودي بنتها للحمام وگمت وراها
هاا جبتي
اسماء:ايي بس ماكلتي المن
زهراء:لفاطمه
اسماء: عبالي الجه هاج
زهراء: صحت الفاطمه
فاطمه: شلون اسويه
اسماء: هج وووهج
زهراء:دخلت فاطمه للحمام شويه وطلعت
هاا بشري
فاطمه: خطيين
زهراء:ههههه الف مبروك حبيبتي
فاطمه: يعني حامل
اسماء: راح اهلهل
فاطمه:هههه لا خايبه لا تفضحينه
لا ادكولن اريد اكل لسعد اول مره ماريده يسمع من غيري
اسماء:الله يتممها ياله انه ارجع للبيت
زهراء:ضلي شعندج
اسماء:راح اخبز سميه ملتهيه ويه ابنها خبلها تركض وراه منه ومنه على الدراسه
زهراء:راح اسماء وفاطمه فرحت خطيه
ياسر طلع ماادري وين لليل وره العشه ياله رجع وجايب حلويات
انطاهم انه صعدت للغرفه
بدلت لبست دشداشه جوه الركبه
نص ردن
وگعدت اباوع ع التلفزيون ملل والله مابيه شي اخر شي مسلسل تركي طلع خليته عليه واباوع
شويه ودخل
خله علاكه على الثلاجه وفتح الميز مدري شيدور فتح باب الغرفه
وصاح على ابن احمد
ياسر: عبودي عبودي
عبودي:هاا عمي
ياسر: جيبلي المكينه مال الحلاقه عفيه
عبودي:صار عموو
زهراء: اخذها وسد الباب التفتلي
ياسر:حضري جنطتي مال الدوام
ودخلت للحمام
زهراء:اول مره حلت مااگوم
بس كلت مالي خلكه كمت خليتله ملابس بالجنطه ورجعت للفراش
مرتكيه على تاج الجربايه واباوع للتلفزيون
شويه وطلع بالشورت والفانيله
مخفف لحيته
مشط وتعطر
اشو هاذا اجه وتمدد على الجربايه
شنو ماينام بالگاع
ياسر:تمددت سحبت الغطه من الطرف وتغطيت واباوع وياها
زهراء: سويت روحي مامنتبهتله من فتح الغطه
وتمدد خلصت المسلسل انه كمت
اجيب غطه ثاني الي
ياسر:كامت لبسه دشداشه رجليها طالعه وبيض
اخذت غطه ورجعت
زهراء:تمددت وردت وجهي عنه هوه ضل يگلب بالتلفزيون
بس كلبي يدك حييل ماادري ليش
شويه ومااحس بس ايده صارت على خصري ماانطيت اي ردت فعل
سويت روحي نايمه
ياسر:خليت ايدي على خصره احس
حاضن خشبه ماكو اي ردت فعل
قربت راسي من شعرها واشم بيه عطرها يسطر سطر
زهراء: كلبي راح يطلع من مكانه وهوه حاضني ظهري صاير بصدره
وانفاسه حاره على رگبتي مااتحركت يبست روحي
مااريده يحبني ك رغبه اله وبس يمته مالكاني ياخذ الي يريده وبس
لا اريده يحبني مثل ماحبه انه
ضل على حطته حاضني وراسه بشعري
ماادري يمته غفيت
فاطمه: سعد
سعد: عيون وروح سعد
فاطمه: تسلم حبيبي
بس غمض
سعد: ليش شكوو
فاطمه:غمض وماعليك
سعد:ياله غمضت😑
فاطمه: كمت جبت الختار وكفت كدامه فتتتح
سعد:شنو هاذا
فاطمه: ماتعرفه
سعد:صفن وابتسم بس لااا...
فاطمه:اييي حامل
سعد:جذذذب
فاطمه:ههههه والله حاااامل
سعد:زين شوكت ومنين جبتي هذا
فاطمه:اسماء جابته
سعد:كلتيلهم
فاطمه:لا رتك انته تعرف اول واحد
هل خبر
سعد:والله واحلى خبر سمعته اليوم
لاتعببن روحج گلبي وامشي ع كيف
فاطمه: خايف على ابنك موو
سحبني عليه
سعد:اخاااف على ابني وعلى ام ابنيه شعندي غيركم انه
اريد بنيه حلوو تطلع نفسج هادئه وشعرها طوويل
فاطمه:واذا طلع ولد ماتحبه
سعد:شلون مااحبه كلشي جاي من الله حياه الله المهم يطلع سالم
فاطمه:زين شنسمي
سعد:اذا ولد اريده امير
فاطمه:واذا بنيه
سعد:بكيفج انتي اختاري اسم البنيه فاطمه:اممم...
اسميها ايه شدكول
سعد:بكيفج اذا عجب ام امير احنه يعجبنه
فاطمه:ههههه
قرب راسه لرگبتي وهمس
سعد:اروح فدوه لهل ضحكه العذبتني وشلعت گلبي
........
زهراء:گعدت ماادري بيه من رايح كمت لبست شفت فلوس علميز
مخليهن خليتهن برجراره ونزلت
تريكنه وسعد كايللهم على حمل فاطمه وكلها فرحانه
وتباركلهم وسعد طاير فاطمه لا تتحركين لا سوين هج اكعد ووووو
خلانه كلنه نضحك
وجدي يصيح عليه ولك عوف البت مو اول وحده حبلانه
سعد:جدي هاي ام امير شعندي غيرها احبل اجيب
الكل:هههههه
الجد: الله يستر عليكم
ياله كوم وياي للمضيف
سعد: وام امير
الجد: گوم لا انعل ابوك لا ابو ام امير
سعد:ههههه جدي كلشي ولا ام امير
😉
زهراء:طلعو سعد وسوالفه الماتخلص
كمنه سوينه الغده عمتي طابخه باميه ولحم
طلعت دعاء مرت احمد تخبز وطلعت وراها يخبزن وره البيت
هيه تخبز وانه اشيل الغلگ
(غطه التنور)
وبالي كله يم ياسر اشتاقيت لصوته بالبيت
كملنه ودخلنه اذن اتغدو وخلصو
وطشو كلمن بغرفته انه صعدت
شفت ملابسه نازعهن الصبح وصخات طلعت خليت ماي بالغساله وخليتهن
رجعت للغرفه فتحت الشباك
يطلع على الكراج الجو حلو جانت بدايه شهر ١١
كنست الغرفه ومسحت الخشاب وعطرتها كملت وطلعت طلعت
الملابس منالغساله شطفتهن وجففتهن وشريتهن
رجعت للغرفه اباوع لو جهي ضعفانه مو نفس من اجيت من اهلي حتى سواد صاير جوه عيوني
كعدت ع الكرسي من الملل كمت اخلي مكياج وامسح
ياسر:وصلت للبيت بغداد خليت الغراض وطلعت للدوام
وهوسه بالي كله يم زهراء احس تعودت عليها
عماد:هااا وين صافن ابوو الشباب
تيسير:لا اااكيد شتاقلها😉
ياسر: هااا ويااي
تيسير:لا ويه الحايط الوراك
اخويه شبيك من اجيت ليهسه بس تصفن گول مشتاقلها وفض السالفه😉
ياسر: خاب گوم عني احسلك وبطل سوالفك هاي
عماد:ههههه گوم گوم خل بخابرهاا
ويرتاح
ياسر:صفنت على كلمت عماد اخابرها
تلفون ماعدها لا من ارجع اخذلها تلفون كلهن بالبيت عدهن تلفونات بس هيه ماعدها
زهراء:كمت غسلت وجهي ورجعت اخذت ملابسه خليت الميز وگعت اكوي بيهن والعطر يخبل
ضليت اشم بيهن خلصت علگتهن
مر اسبوع اليوم خميس يجي وصادف الثواب مال كل ليله جمعه
گعدنه من الصبح تعزيل وطبخ عازمين شيوخ كبار سووه عشه
اجت امي ونسوان خواني
وخالتي مرت عمي حاتم
وزينب وطيبه خوات ياسر
ونسوان ولد عمي حاتم المهم صارت الجهال عبالك روضه شنو نسوان هلكد تحبل فوگه فوگه
خلصو الغده
للساعه ١ دخل ياسر ردتلي روحي احس
ياسر:اخذتلها تلفوم وسم كارت ورجعت للبصرة وصلت ساعه وحده تعبان وخميس وثواب سلمت عليهم بالمظيف ودخلت جوه كله جهال
سلمت على بيبيتي وامي ونسوان عمامي ووحده ادورها بين الكل احس مشتاقلها
زهراء:انه واگفه باب المطبخ هوخ دخل سلم على بيبي وطلع سلم على امه والبقيه وخواته
اجه يصعد ويدنك كلساع بايسله جاهل كلت باله مااسلم ولا احجي
خلي هوه اليتنازل ويعتذر هوه الغلط
دخلت للمطبخ ماشافني
باوعت صعد
ياسر:ماشفتها گلت فوك صعدت دخلت للغرفه مالكيتها كلت هاي متعمده مااسلم
زهراء: اجت عمتي ام ياسر للمطبخ
ام ياسر:روحي يمه لرجلج توه اجه وتعبان شسوين بالمطبخ روحي شوفيه متغدي لا
زهراء:هزيت راسي وطلعت صعدت
دخلت گاعد على حافت الجربايه ويفتح القميص
دخلت سكته باوعلي
ياسر: باوعتلها ماسلمت
گلتلها السلام لله
زهراء:مارديت خلي هوه يعتذر
وگفت اعدل بالملابس بالكنتور
ماحس اله صار وراي صدره لزگ بظهري
مادرت بس انه عود صخنت مد ايده عود يطلع ملابس جذاب والله ادري بيه عود يتحرش قرب راسه على رگبتي
ياسر:بهمس يمره رجلج جاي تعبان طلعيله ملابس داريه
زهراء:وخرت عنه ماارد عليه مااريحه والله خليه يتعذب مثل ماعذبني
طلعت واضحك على كلامه احسه متغير نزلت شافتني عمتي گالت
ها يتغده گلتلها راح يسبح
هاااي المره الله مصلطها بس عليه
وين مااروح رجلج و رجلج
عبالك مخلفته وناسيته
رجعت للمطبخ خليت الاكل على نار هادئه على ماينزل
ياسر:خلت وطلعت زعلانه
ازعلي....ازعلي
اخذت ملابس سبحت ونزلت
گعدت يم بيبيتي اجه ابن طيبه صحته تعال خالو حسون
حسون:ها خالو
ياسر:روح لعمتك زهراء گلها غده لخالو بسرعه حباب
هههه راح يركض
زهراء:اجه حسون ابن طيبه كال على الغده صبيته ووديته اله گاعد بالغرفه يم بيبي خليته گدامه
گال
ياسر:اگعدي تغدي
زهراء:متغديه طلعت جبتله ماي ورجعت للمطبخ بدت عمتي وامي خلن الثواب طبخن بره اجدور كبار ذبايح
شويه ورحت اشيل الصينيه لگيته مخلص
وديتها للمطبخ اجه كال الجاي صعديه الي فوگ
استغفرالله كالساع صاعده ونازل
صبيتله الجاي وصعدت دخلت متمدد على الجربايه بصفه كارتون تلفون
ماافكرت يجيبلي كلت اله يجوز خليت الجاي ومشيت
ياسر:هااج
زهراء:لتفتت عليه ماد التلفون اليه هزيت راسي شنوو
ياسر:الج
زهراء:شكرا مااريد ماگايله لحد جيبلي تلفون بعت (ثگل عليه هههه)
ياسر:ايي ادري ماكايل بس انه جبته واخذيه
زهراء:اخذته من ايده لزم ايدي
گال
ياسر: عاد كولي شكرا
زهراء:خليه يمك مااريده وكمت طفر هوه وكف گبال الباب
ياسر:شوف الشي الي اجيبه غصبن عليج تاخذينه
وهاذا اذا ماخذتيه منيتج
زهراء:باوعتله كتله انته عود جايبلي تلفون تريدني انسه كلامك الكلته عليه وتهمتني بش مالي دخل بيه عود بهاي تعتذر
ياسر:مااعتذر واي واحد غيري شايفج واكفه وياه بالمطبخ راح يفكر مثل ماانه فكرت
ً..
زهراء:باوعتله وبتسمتله بس احس القهر اكلني من جوه
گتله
فكر بشنو تريد بس والله راح يجي يوم وتتندم خليت وطلعت للحمام
اريد ابجي اريد اشكي لحد گلبي راح يطگ والله......
شكرا لزيارتكم عالم روايات سكيرهوم
