رواية قصة زهراء الفصل السادس بقلم زينب نور
.
.زهراء:بجيت بس البجي شيفيد
صح غلطت من طلعت ومگتله
بس مو هج يهيني ويتهمني
شويه وندك باب الحمام كمت غسلت وجهي فتحت الباب رحاب بنت احمد طلعت
حرت وين اروح اريد اشكي لحد ويسمعني مليت والله
دگيت الباب على فاطمه
طلعت سعد هنا
فاطمه:لا طلع شبيج باجيه
زهراء:دخلت وكمت ابجي
فاطمه:يااا شبيج والله خوفتين احجي
زهراء:مسحت عيوني احجيلج لو ماحجيت راح انجلط والله
فاطمه:احجي اسمعج وگفتي گلبي ياسر مسويلج شي
زهراء:الحجي اريده يضل بينه عفيه
فاطمه:ايي بس احجي
زهراء:هاااي......
سولفتلها كلشي من يوم زواجنه لليوم
فاطمه:يعني شنو هسه انتم اخوان
زهراء:هزيت راسي بمعنى ايي
فاطمه:اشو جوه يسولف ويضحك وكلشي يريده يكلج عليه
زهراء:ايي هاي رايدني بس خدمه اله
فاطمه:اكلج شي ولا ازعلين
انتي هم غلطتي من طلعت ومكلتيله وناهيج من سيف وطلعتي وياه ..
زهراء:ادري وعرفت غلطتي بس كالساع ويتهمني بيني وبين سيف شي
فاطمه:ليش اشايف
زهراء:سوالفتلها من شافني وياه بالمطبخ
فاطمه: والله حگه واحد غيره مايسكت لو شايفج واحد من اخوانج
زهراء: مااحاجيه انه بس هوه لزكلي
فاطمه:انه هل سيف اكرها من الله ماارتاحله احسه عيونه زايغه
زهراء: لا اسولفين لحد على سالفت سيف
فاطمه:لا شمالني تخبلت وانتي هم لا تقهرين روحج
مرده الج ماراح يالكه احسن منج
زهراء:الله كريم
فاطمه:اتحبيه
زهراء:منوو
فاطمه:ابوووي....ياسر بعد منوو
زهراء:ابتسمت
فاطمه:هههه سالفتج مو خاليه
زهراء: ههه شومخاليه خير رجلي هسه انتي ماتحبين سعد
فاطمه:هههه صار روحي من الدنيا
زهراء:هههه انه مثلج
شويه وطلعت رتاحيت من سولفت الي بكلبي كله
شفته گاعد بالصاله يدخن اول مره اشوفه دخلت يم بيبي
ياسر:من كالت تندم احس ضغطت عليها هواي بس خليها خل تحترم تطلع ومدگلي
شفتها تدخل على بيبي
بيبي: زهراء يمه ماتنطيني الحبوب
اشو گلبي يوجعني
زهراء:شبيج بيبي اصيح لعمي وجدي
بيبي:لا يمه عليمن هسه اخذلي حبايه واصير زينه
زهراء:انطيتها الحبايه بس احسها تعبانه شويه ونامت سهى وعمتي رايحات ماادري وين وعمتي ام ياسر راحت لجيرانه تتخلفلها
ضليت افتر طلعت للحوش البره
جدي وعمي ماادري وين رايحين عدهم اطلابه مدري شنو واحمد ومرته بغرفتهم
رشيت الحديقه ماي شويه ودخل سيف بسيارته من باب الكراج
سديت الحنفيه ودخلت
هسه يشوفني يسويها عليه قصه
صح سيف من يوم الخنكه ياسر بالمطبخ ماحاجاني ومو دوم يتواجد بالبيت يطلع الصبح يرجع بليل
دخلت على گعته بالصاله وتلفونه بيده اجت عمتي .
لليل تعشينه وخلصنه غسلت الماعين وصعدت لكيته متمدد ع الجربايه
طلعت فراش واجيت افرشه بالگاع
فرشته طفيت الضوه وغيرت ملابسي تمددت
التلفزيون مشتغل على فلم اجنبي
ضليت اباوع لمن غفيت
ياسر:ماحاجيتها فرشت الفراش ونامت كمت طفيت التلفزيون
شفتها متكرفصه طلعت بطانيه
وغطيتها بيها
دنكت ملاحضها دائما تخلي شعرها مفتوح وتنام
وخرته عن وجها عبالك ملاك وهيه نايمه
كمت نمت
زهراء:فزيت على صوت الباب وهوه يتفلش طفرت من فراشي عبالك مخلوسه
هاااا شكو شكووو
ياسر: كمت فتحت الباب
ام ياسر: الحگ بيبيتك تخربطت
زهراء:رجع بسرعه جك الدشداشه
وانه مثل الثوله ادور على الدشداشه وهيه كدامي لبستها بسرعه خليت الشال على راسي و.نزلت اركض
كلها گاعده طلعو من الغرفه خاليها على بطانيه وشالوها احمد وسعد
وياسر ركض شغل السارة
وراحوو
شويه واجه ابوي واخواني اخذ سيارة وراحو همه وعمي حاتم
وولد
جدي تعب ضل عمي صالح يمه
ضلينه نفتر عمتي كالت شوفن شنو بالبيت لمنه
مانعرف شراح يصير لمينه منه ومنه
وعمتي ادگ على سعد والولد مايردون
شفت الساعه ٦
ضلينه واحد يباوع بوجها الثاني اجت امي واسماء سميه ضالت يم الجهال نايمين
ياسر:وصلنه للمستشفى
نزلناها شلتها بيدي ومابلسانها غير زهرة يمه زهرة
اخذوها شويه واجو عمامي والولد كلهم
نص ساعه و طلع الدكتور كلنه طفرنه
حاتم: هااا دكتور
الدكتور: البقيه بحياتكم الحجيه متعرضه لجلطه بالقلب
ياسر: لاااااا ماماتت دفعت الدكتور
ودخلت مغطينها
وخرت الغطه وجها ازرگ
بجيت احس ام الماتت اگعدي بيبي
يالحنينه
تعوفين ياسر وحده المن اشكي
.......
دخلو عمامي وبجي كمت طلعت
دگيت على تلفون البيت
زهراء:واگفه اشرب ماي الكلاص بيدي مااسمع بس الصرخه
طفرت طاح الكلاص من ايدي وركضت رجليه احسهن ماتن
لكيتهن يلطم
ام ياسر:يبووووويييييي
يببببووووويييي
.
زهراء:عرفت ماتت كمت كمت ادگ على وجهي بالحظه صار البيت انترس نسوان وجهال صعدت لبست ثوب اسود ونزلت
كلها تصارخ صغار وكبار
بيبي مره فقيره وتحب الكل عمرها مااذتهلها احد
للساعه٨ جابوها وهنا انگلب البيت گلاب عمتي تصرخ الله يساعدها امها انه لا عرف اصرخ ولا شي مكتفيه بالبجي وكلها تكومت ع التابوت وتصارخ
شالوها عمتي سعاد رادت تروح صاح ياسر
ياسر:محد تروووح
سعاد:ولكم امي حرام عليكم
يممممممه
زهراء:اخذوها وماخلو احد يروح وياهم
سمعنه حديد الجادر خلوو ٦ جوادر
لئن جدي شيخ معروف
كمنه احنه للنسوان التجي جاي وهوسه
للساعه ١ دگ تلفون عمتي انطتنيه كالت ياسر
ياسر:الووو
زهراء:رديت عليه صوته رايح تعبان
ياسر:حضريلي الحمام ودشداشتي السوده والجفيه وتعاي فتحي باب
الترك خل ادخل اسبح
زهراء:سديته منه وركضت فتحت الباب يصير يم الدرج
دخل هدومه كلها تراب وشعره مخربط صعد بوجها
صعدت وراه كاعد ع الجربايه
اخذت منشفه وملابسه علگتهن بالحمام
كتله يالله حضرتهن كام نزع دشداشته بره ودخل طلعت جفيته ودشداشته الاسوده ردت انزل كلت خاف يريد شي شويه وطلع
بس عقدت الحواجب مانفتحت
ياسر:الدشداشه
زهراء:انطيتها اله ومديتله الجفيه اخذه وباوع بعيوني
نظره ماتتفسر اعتذار على حزن
ماادري شنو كبل لا يطلع دار عليه وكال
ياسر:تدرين ماذكرت احد ما على لسانها غير زهرة
زهراء:دموعي نزلن داىًما اصيحني. زهرة على اسمها ادكلهم هاي تشبهني
هيه الربتني ودللتني
كمت ابجي حيييل بصووت
سحبني عليه حضني راسي بصدره صار كمت ابجي حيييل
ياسر: حضنتها وتبجي حيل وخرت راسها مسحت دموعها
بستها بگصتها
زهراء:رجعت ليوره امسح بوجهي
ياسر:الغرفه اقفليها والمفتاح خليه عندج لا تفتحينها لحد
زهراء:خوش
ياسر:وباب المطبخ لا تعبرينه الولد داخله وطالعه للكراج
زهراء: اخليلك شي تاكله...
احجي وطلع مارد عليه
طلع قفلت الغرفه وضميت المفتاح بصدري ونزلت طلع وسديت باب الترك وراه رحت للصاله والاستقبال متروس نسوان
صبو غده الهن مدينه سفره من الاستقبال للصاله كلها وماكفت خلينه بغرفت بيبي نسوان تتغده
وبناتنه بالمطبخ گعدت انه ماتغديت خلصن للعصر اجت ملايه ودگ ولطم. وصريخ عمتي سعاد تخربطت كامت اصيح عمتي ام ياسر صحو واحد من الولد ضليت افتر ذكرت التلفون مال عمتي من سديته من ياسر
صعدت دگيت عليه يدك وماييرد ضليت ادگ
رد ويصيح
ياسر:هااااا هاااا شكوووو
يمممه مارديت ملتهي حركتي التلفون حرک
زهراء: راحت اذني من صوته
كتله هاي انه موووعمتي
ياسر: شتردين رحمه لهلج مالي خلك
زهراء:عمتي سعاد تخربطت وامك كال صيحوو واحد من الولد
مارد سداه خليت التلفون ونزلت شويه ودخل عمار ابن عمي حاتم وسيف صاحو على النسوان توخر
شالوها وطلعو امي راحت وياهم وهيه لا تحرك لا ايد ولا رجل
للمغرب اجو معلكيلها مغذي وضغطها صاعد
دخلوها بغرفت بيبي ترتاح
ماتحجي يمشن بيها سهى وامي
صبو العشه طبعا الطبخ على الزلم
مااكلت لحم دسم يكتل صعدت للغرفه العلاكه الجابها ياسر فتحتها طلعت كيكه منها وعصير اكلتها ونزلت
خلصن والجهال لعبين لعب باالاكل
جابينه بالگاع
لملمنه الماعين وطلعناهن بره للولد
مر ٢ خلصت الفاتحه الناس خفت مو نفس اول يوم
لاجدي ولا اي واحد مادخلوو لليل
صادف يوم اربعاء وكلها اجت كرايب بيبي من العمارة اخذهم ابوي لبيتنه والنسوان عدنه
فرشنه الهن بالغرف
الساعه٩ دخلو سعد وياسر انه واگفه بالمطبخ
ياسر:استكان جاي راسي راح يطگ
زهراء:هسه حميت الجاي
سعد:خويه اكلك شي كاضيها جاي وتسحب بهل جگاير مو زين عليك
ياسر:بساعج
زهراء:مارد على سعد
گعد على الكرسي سعد طلع
انطيته الجاي وجها صاير اسمر تعبان
ياسر:حبايه مال وجع راس انطيني
زهراء:رحت للثلاجه دورتها واجيت انطيته وخليت يمه كلاص ماي
مدنك ولزم راسه بديه
رجعت وكفت اغسل بالستكاين
كال
ياسر: اكو احد بالغرفه فوگ
زهراء:لا محد اذا تريد اصعد ارتاح
شرب وطلع للبره خلصت البيدي ودخلت ابن اسماء يصرخ
امي:كومي اخذي ابنج النسوان نايمه
اسماء:زهراء بعد اختج اخذي هذل يمج خل انوم هاذا
زهراء:خذتهم وياي فوگ واجت رحاب بنت احمد فرشتلهم اربعتهم بالگاع ونومتهم كمت تمددت ع الجربايه
ظهري احسه منكسر بالنص من الوگفه
بسرعه غفيت فزيت ع الباب وهوه ينفتح عبالي واحد من الجهال يريد يطلع گمت ظلمه الغرفه شفته ياسر
ياسر:شغلت الضوه واكفه وعيونها منعسه هاااا گعتج
زهراء:لا عبالي واحد من الجهال طلع
عبرت انام بالگاع كض ايدي
ياسر:خليج بمكانج تعبان
زهراء: يحجي صدك تعبان رجعت للجربايه ماردت اعنده نزع دشداشته وتمدد وايده على عيونه
همستلها راسك يوجعك
وخر ايده وباوعلي ضوه خفيف بالغرفه
ياسر: من اكلج ايي شسوين
زهراء:ماحاجيته تقربت على مخدته وكمت افرك براسه
ياسر:وخرت ايدها نامي رتاحي لاتهتمين
زهراء:خليني افرك راسك يخف الالم
ماحجه شي اباوع بوجها التعب مبين عليه حسيته نام رجعت لمخدتي وغفيت
فزيت على صوت رقيه بس اسماء كعدت عمرها سنتين كمت هوه بعده نايم شلتها خليت المميه بحلگها
وخليتها يمي ع الجربايه
ياسر:وديها لمها وانتي ارتاحي
زهراء:جفلني ماعبالي كاعد
كتله لا حسه راح تنام
صدك شويه وغفت خليتها بنصنه ونمطلت بصفها هوه گاعد كتله بيش الساعه هسه شاف تلفونه
ياسر:٤:٣٠
زهراء: بعد مارجعت غفيت طارت النومه بس مغمضه ورقيه بيناتنه
شويه وسمعته كام
الجامع يقره قران لمن اذن كمت توضيت وصليت وبعد مارجع للغرفه تمددت غفيت
نزلت بالسته كلها كاعده لئن اول خميس اليوم النسوان كاعدات
لگيت اخوي علي بالمطبخ يحاجي
ب سميه
علي:البيت متروس زلم شلون ادخلين دبري روحج انتي من امس كلنه شمحتاجات جيبن
سميه: هسه شلون وملابس الجهال
علي: دبري روحج حجاها وطلع
زهراء: اخذي من جهال احمد لبعدين الناس تروح ورجعي للبيت
......
اتريكت النسوان عبالك موكب
فضينه الريوك انه وفاطمه كل وحده لفتلها جبنه بخبزه وهيه واكفه كلناها
بلشنه خضره وتمرر ووووو
هوسه وعلي الطبخ عدهم بره
كملنه صبو غده ماسووه عشه كلها تغدت للساعه٣ اجت الملايه خلصت والنسوان طشت
اهل العمارة حضرو رواحهم يرحون للساعه٥ راحو كلهم زلم ونسوان
خوات عمتي ام ياسر من بغداد هم راحن
ضلينه بس احنه الاهل ماكو غريب
دخل جدي وابوي وعمامي يبجون جدي بالكوه يمشي تعبان دخل للغرفه مانسمع بس النحيب
سوينه عشه خفايفه امي ونسوان خواني رحن وابوي وخواني هم راحو
بس بيت عمي حاتم عدنه
كليت كبه وسمبوسه وزلاطه اتعشو وخلصنه وجاي وماي كالساع واحد من جماعت الولد يجي يتخلف ويروح للساعه١١ كفضنه كلشي بس عود رجليه تكسرن
صعدت للغرفه اخذت ملابس وسبحت وطلعت
كعدت امشط بشعري دخل ياسر ضل يباوعلي سويت روحي مامنتبها
فتح الثلاجه طلع بطل عصير وگعد ع الجربايه
كمت انه لفيت شعري شغلت التدفئه لئن راسبي صك
طلعت الفراش افرسه انام بالكاع
ياسر: خلي من ايدج وتعاي نامي هناا
زهراء: مارديت عليه صح حاجيته .. بس مانسيت الگاله وتهمني فرشت ودرت وجهي ونمت بسرعه غفيت تعبانه
فزيت وهوه يفتح بالكنتور لف المنشفه عليه
غطيت وجهي بالبطانيه
ياسر:سبحت شفتها گعدت بدلت
ورجعت ع الجربايه هيه بالگاع
نمت ما ردت اضغط عليها خليها براحتها
زهراء:كعت ساعه٧ هوه بعده نايم بدلت ونزلت بس احس روحي مصخنه جسمي مكسر وبلاعيمي طاگه
عمتي اسوي ريوگ وگفت وياها بالمطبخ
ام ياسر:شبيج يمه جنج تعبانه
زهراء:لا عمه ماكو شي بس شويه مصخنه
خلت الريوك الهم ياسر ماكعد
جدي وعمي والولد تريكو وطلعو للمظيف
للساعه٩ نزل ياسر خليتله الريوك واخذته اله بغرفت امه كاعد
ياسر:اشوفها وجها اصفر خلت الصينيه وراحت جابت ماي
زهراء:انطيته الماي وشفت تلفون عمتي على الميز كعدت على الجربايه واخذته بس كضتني الكحه
ياسر:كومي اشربيلج شي دافي مو زين على صدرج اشربي علاج
زهراء:مااشرب الشراب تلعب نفسي
ياسر:اشربي حليب دافي
زهراء:طلعت سويتلي كوب حليب بس اكح وماكو انه من انه اصغيره
اذا صخنت ادكني دك اسبوع اكثر ياله اتروح
گعدت بالمطبخ دخلت فاطمه
فاطمه:هاي انتي لدكحين
زهراء:هزيت راسي.
فاطمه:اصعدي ارتاحي هاي الصخونه لو كضتج ماتهدج
زهراء:صعدت تمددت وتغطيت بس احس البروده بعضمي
مابيه اكوم اتغطه بعد ضليت ارجف
ياسر:طلعت للمظيف متروس زلم للساعه١٢ ويه الاذان ياله دخلت
شفت فاطمه بالمطبخ زهراء ماكو ضل بالي عليه كالتلها
وين زهراء
فاطمه:فوگ خطيه مصخنه
ياسر:صعدت دخلت للغرفه تهذي من الصخونه خليت ايدي على كصتها ناار حاجيتها
زهراء زهراء
زهراء:صوتي بالكوه يطلع
اممممم اممم
ياسر:كومي صايره نار خل اخذج للمضمد ينطيج ابره
زهراء:احجي على كيف
ماااريد بس غطيني عفيه
ياسر: كومي مايصير تتغطين تصخنين اكثر وهاي ملابسج عركانه بيهن كومي غيريهن
زهراء: والله ماريد شي بس غطيني عفيه
ياسر: كمت طلعتلها ثوب خفيف واحاجي بيها
اكعدي بدلي
زهراء:مارديت عليه
ياسر: ادكعدين لو ابدلج انه
زهراء: كمت بالكوه كتله اطلع بره كام دار وجها ماكعد رفعت ثوبي بالكوه اديه يرجغن على كعتي لبست نزلت الثوب مطلعلي نص اردان وانه صاكه
.رجعت اتغطيت بطانيه وجرجف وارجف اجه عليه
ياسر:اخذج للطبيب
زهراء:هزيت راسي لااا
ياسر:زين اكعدي اكليلج شي مايصير هج وجهج اصفر
زهراء:مارديت عليه الصخونه دكتني دك
ياسر:طلعت عصير من الثلاجه ورحت كعدت يمها زهراء
زهراء:اممم..
ياسر:اكعدي اشربي بس العصير.
زهراء:ممم مااريد
ياسر:اووو تره انه طالعه روحي
كومي اشربي العصير مابيه اركض مستشفيات
زهراء:كعدت اخذته من ايده شربت اشويه بس طعمه مررر
وخرته
سحب البطانيه مني ضليت بس بالجرجف
لا عفيه والله بردانه انطيني ايها
ياسر:اصخنين اكثر لو تغطيتي ضلي بس هيج
زهراء:والله بارده
سحبني لصدره هوه مرتكي على تاج الجربايه عاد انه ماكلت لا
والله محتاجه حضنه حضني وراسي على صدره ويمسح على شعري وماادري شيقره مااكدر اركز على كلامه احس حضنه دافي وبيه حنيه احسه اتغير...
غفيت ماادري بشي بعد
ياسر:زهراء زهراء ماردت غفت خليتها على المخده كمت طفيت الضوه ورجعت نومتها على ايدي وحضنتها
اسوي هج ماادري حبيتها ماادري
كاسره خاطري....
ضليت كاعد وهيه نايمه وتون من الصخونه
اباوع بوجها عبالك طفله متكرفصه بحضن ابوها
وجها ومعانيها هادئه
تقربت شميت شعرها احس اريد اشبع من ريحتها بستها بكصتها...
وغفيت وياهااا
ام ياسر: بيبي رحاب صيحي لعمج ياسر ومرته كوليلهم تعالو تغدوو
زهراء: كعدت شفت روحي نايمه على ايده شلت راسي هوه حاضني ضليت اباوع بوجها واركز بملامحه
اريد احفظ شكله بعقلي لو اباوع بيه ٢٤ ساعه ماامل مركزه واباوع
ماحسيت بس على صوته وهوه يكول
ياسر: انشاء الله عجبتج
زهراء: ثولتها وغلست مارديت وخرت الغطه اكوم ندك الباب صاحت رحاب تعالو تغدو
ياسر:اذا تعبانه لا تنزلين اهنا يجيبن الغده
زهراء:هم مارديت اخذت ثوب قديفه ودخلت للحمام بدلت وطلعت هوه على نفس ضلته مامتحرك باوعلي من فوك ليجوه
استغربت شبيه هاذا لفيت شعري ولبست الشال ونزلت بس الصخونه بعدها
لكيت عمتي اصب ودعاء وفاطمه وياهااا
كعدت على الكرسي بالمطبخ الكاع تفتر بيه
كالت عمتي
ام ياسر: يمه خافنج حبله. وجهج اصفر
زهراء: ضليت صافنه شرد عليها
فاطمه باوعتلي
ياسر:نزلت عبرت من يم المطبخ واسمع امي ادكلها هج
بس ردت زهراء
زهراء:لا عمه ماكو شي بس امصخنه
ام ياسر:انشاءالله يمه اترسون البيت جهال
ياسر: دخلت للستقبال وكلام ام ابالي لحظه تمنيت. يصير عندي طفل
وووو انسه الراح البت مالها ذنب
انه متعذب ومعذبها وياي والحبها حامل ومرتاحه هيه وخواي ....
مالها دخل بالصار ليش اضلمها
انه من البدايه غلطت لو حاجي جاهسه خذتها بس ياله
وزهراء ماينقصها شي
عسه ان تكرهو شيئا وهوه خير لكم
زهراء:شالن البنات الغده محد عدنه كمت حاطين السفره بالستقبال
كعدت رحاب بنت احمد بصفي وبراس السفره جدي وعمي واحمد وسعد وياسر واحنه منه
طابخه عمتي دولمه
مااكلت ضليت اكل روبه وخبز
مااشتهي
ياسر:اباوعلها تاكل خبز وروبه
وهيه ماماكله شي من الصبح شويه ورجعت لي وره
ام ياسر:شكالتي خايبه وجهج اصفر
زهراء:لا عمه مااشتهي
ام ياسر:مو اكلج خافنج حبله ادكولين لاا
زهراء: رفعت راسي صارت عيني بعينه
شكلها بالله مارديت بس حسيت ياسر يغير الموضوع كام يسوالف على الولد سكتت عمتي
كمت غسلت وصعدت مابيه اسوي شي
تمددت ودموعي نزلن ليش ابجي ماادري
كلها تمشي وياي عكس حضي المصخم والحبيته ليش ياربي والله تعبت
تحملت اكثر من طاقتي
لا اريد اعوفه ولا اريد اتنازل واحاجيه كرامتي ماتسمحلي هاني هواي هسه جاي عود يداريني
....مايدري كلمت انه اسف تنسيني كلشي ونبدي مثل اي ثنين مزوجين والله مليت....
سمعت صوته يحجي ويه ابن احمد مسحت وجهي ورفعت الغطه لراسي سويت روحي نايمه
...
ياسر: دخلت متمدده مغطيه حتى وجها تنهدت
فرشت فراش بالكاع وكعدت شغلت الحاسبه واشتغل
زهراء:ماكعدت لمن سمعت اذان المغرب كمت شفته نايم على بطنه والحاسبه بصفه لفيت شالي وطلعت
نزلت توضيت ودخلت صليت بغرفه بيبي طلعت احس رجليه مكسرات
طلعت للبره شفت جدي كاعد ع الكرسي بالحديقه صاحلي
الجد: تعااي زهرة
زهراء:رحتله هاا جدي
الجد:اگعدي بنيتي
زهراء:كعدت
الجد: شلون صرتي بويه
زهراء:لا احسن
الجد:ياسر مضيگ خلگج مسمعج كلام
زهراء:لا جدي زين وياي الحمدالله
الجد: دومكم انشاءالله ياله تعاي سندين وانه ابوج مابيه حيل
اعين روحي
زهراء: مشيته من وفاة بيبي تعب حيل دخل للستقبال عمي واحمد بيه
طلعت سمعت دعاء اصيح على ابنها عرفتها زعلانه لئن اليوم ماسويت شي ضل الخبز والماعين عليها وفاطمه بس عجنت
رحت للمطبخ شويه ودخلت تنافخ وتربد بالماعين
كمت كلت لعمتي شنسوي عشه
كالت طلعي كبه وكباب عروگ
طلعت الكبه خليتها تموع شويه وكفت اگلي كباب دعاء طلعت
شويه وماحس بس ايد.....
شكرا لزيارتكم عالم روايات سكيرهوم
