رواية أسرار الهاربة الفصل الخامس بقلم موفا
عدا يومين والأحوال هديت بين سما وبدر وخدوا على بعض
لحد في يوم
بدر قاعد هو وسما بيتكلموا فى أى حاجة ويضحكوا سوا
سما هو ينغع اسالك عن حاجه
بدر ابتسم اسالى براحتك
سما انت اتعصبت ليه لما صاحبك جه يزورك
بدر فتح عيونه على الآخر وبقى ينفخ فى الهوا
سما أنا آسفة مش قصدى اديقك
بدر نفخ فى الهوا وضم وشه بايده
سما نزلت ايده من على وشه وقعدت فى الأرض وبقى وشها فى وشه مش أنت قولت نعرف بعض أنا عايزة أعرفك
بدر بصلها
سما احكيلى
بدر اتنهد بصوت عالى
بدر بصوت مخنوق مخلص دا كان اقرب واحد ليا كان اقرب ليا من ابويا وامى
سما وبعدين ليه كرهته كدا
بدر بصوت مخنوق
أنا كنت بشتغل مكيانيكى الات زراعية
سما بصدمة مكيانيكى
بدر ااه
سما مش باين عليك خالص
بدر ابتسم غصب عنه
سما أصلك ابن ناس وشكلك متعلم
بدر طيب وايه إللى يمنع أنى ابقى ابن ناس ومتعلم وشغال ميكانيكى على فكرة أنا مهندس
سما بجد
بدر أيوة
سما وشغلك هو سبب كرهك لصحبك مخلص دا
بدر نفخ فى الهوا
سما لسة بتبصله
بدر أنا زى ما سمعتى البيت والارض إللى فى الجهة القبلية دول بتوعى بابا كتبهم باسمى
سما وبعدين
أنا قبل الحادثة كنت دايما بقعد فى البيت إللى هناك وزى ما تقولى عملته زى ورشة كبيرة كدا اصلح فيها الات الزراعية
ودايما مخلص كان بيجى يقعد معايا فى البيت هناك
وساعات كان ييجى وانا مش هناك أنا كنت مديله الأمان لدرجة كبيرة وفى يوم كنت بصلح ماكنة فى بلد جمبنا ورجعت متأخر
لقيت مخلص فى البيت ومعاه اصحابه وكانوا بيشربوا مخدرات
أنا اعترضت وزعقتله ومشيت اصحابه وهو وعدنى تكون آخر مرة وفعلا محصلتش تانى
بس في يوم كنت فى البيت بصلح ماكنة لقيت واحد جه يسأل عن مخلص ولما عرف انه مش موجود ادانى كيس
الصراحة الفضول شدنى اشوف الكيس فيه إيه بس المصيبة لما فتحت الكيس لقيته مليان مخدرات اتعصبت وكنت عايز اشوف مخلص باى شكل
وبعد شوية جه مخلص زى عادته وكان المرة دى قلقان وقاعد على نار ولما سألته قال ان واحد هيعدى عليه وجايبله فلوس بتاعت شغل أنا طلعتله الكيس ووجهته بالمخدرات وقولتله انى هبلغ عنه بس مخلص مسك فيا وبقى يضرب فيا ويهددنى انى لو بلغت الناس إللى وراه هيموتونى قال عشان خايف عليا عشان صاحب عمره هى فين الصحبية اللى بيقول عليها
سما بتبصله بحزن
بدر أنا صممت انى ابلغ البوليس
بس هو قالى أنا هاخد الكيس ومحدش هيجى عندى تانى
أنا قلتله انسى ان ليك صاحب اسمه بدر
خد الكيس ومشى وأنا فضلت قاعد أفكر في إللى حصل
حسيت وقتها انى مدمر أوى أخر الليل ركبت الموتسكل وقولت أروح احكى لبابا واشوف هعمل إيه
وأنا ماشى على الطريق فجأة عربية نقل جايا من بعيد خبطتنى وبقيت فى الحالة إللى أنتى شيفانى فيها دى
فجأة بدر بقى يترعش جامد أوى
سما حزينة على حالة بدر من غير ما تحس قريت منه وحضنته
بدر اترمى في حضنها وبقى يعيط بهستريا وهى كمان عيطت
سما كل واحد بلوته شكل
بدر بصلها ومسح دموعه أنا عرفتك كل حاجة عنى والوقت عايز أعرف كل حاجة عنك
سما بسرعة بعدتت عنه ووقفت قلقانة
بدر مالك أنتى خايفة منى
سما بصتله بتوتر
بدر قرب منها ومسك ايديها متحافيش واحكيلى
سما اتنهدت بصوت عالى
بدر متخافش
وقبل ما سما تتكلم سمعوا صوت نجاة واقفة على الباب
سما بسرعة طلعت تجرى على اوضتها
بدر فضل يبص على سما وهى بتجرى على فوق وكلم نفسه هى مالها كأنها خايفة حد بشوفها معايا أيوة عشان عملت كدا أول ما بابا جه والوقت خافت من ماما
وفجأة الباب اتفتح ودخلت نجاة وجوزها بنتها علاء إللى كان بيوصلها
نجاة ابتسمت ابتسامة جميلة أول ما شافت بدر
نجاة السلام عليكم
بدر وعليكم السلام حمد الله على السلامة يا ماما
نجاة الله يسلمك يا حبيبى عامل إيه
بدر الحمد الله أنتى عاملة اذيك يا علاء
علاء الحمد لله يا بدر انت عامل إيه وحشنى يا راجل
بدر يا سلام يعنى أنت كنت بتسأل ولا بتيجى
علاء والله دايما بسال عنك سحر على طول
بدر الله يسلمك
نجاة بتتلفت إيه دا اومال فين أبوك وسما
بدر بابا سافر مع المهندس يشوف حاجات محتاجها فى الأرض
نجاة طيب فين سما
بدر احممم فوق هى على طول فوق بتجبلى الأكل وتغملى الشاى وتطلع تقعد لوحدها
نجاة اقعد يا علاء عقبال ما الغدا يجهز
علاء لا يا خالتى أنا همشى انتى عارفة سحر لوحدها والعيال مبتريحش
نجاة والله ما تمشى غير لما نتغدا مش كفايه أنك صممت تسيب شغلك وتوصلنى حتى ترتاح من تعب المشوار
علاء تعبك راحة يا خالتى
أنا كان نفسى تقعدى أسبوعين تلاتة معانا وتنورينا
نجاة أنت عارف انى مبعرفش اسيب البيت وعمك وبدر لوحدهم تتعوض ان شاء الله
علاء ان شاء الله
اقعد عقبال ما اشوف سما ونحضر الغدا وسابتهم وطلعت
وطلعت على فوق
نجاة خبطت على سما
سما بتوتر فتحت الباب
نجاة سما عاملة ايه
سما بتوتر آلله يسلمك حمد الله على السلامة
نجاة الله يسلمك يا حبيبتي
أنتى عاملة ايه طمنيني عليكى وعلى احوالك بدر بيقول أنك دايما حابسة نفسك فى الأوضة
سما بتوتر مافيش حاجة يا خالتى
نجاة أنا عارفة أنك كنتى مكسوفة وانتى لوحدك انتى وبدر صح
سما بصت في الأرض
نجاة ابتسمت أنا عارفة انك بنت محترمة وبنت ناس
سما ربنا يخليكى
نجاة معلش اسبقينى يا سما على المطبخ عقبال ما انزلك عشان نحضر الغدا عشان علاء جوز سحر تحت
سما حاضر ونزلت على المطبخ
سما كانت بتعمل الأكل وهى متوترة
نزلت نجاة وحضرت الأكل
صممت سما متقعدش تاكل معاهم
بعد الغدا مشى علاء
نجاة عامل إيه يا بدر
بدر الحمد لله يا ماما
نجاة هى مالها سما هى بتحبس نفسها فى اوضتها كدا من ساعة ما مشيت ولا إيه
بدر احممم ااه كانت بتعمل الأكل وتطلع
نجاة اصلها بنت مؤدبة أوى
بدر هز راسه
نجاة استنى أما اندهلها تنزل تقعد معانا
بدر وهى هترضى
نجاة أيوة هترضى عشان أنا موجودة
نجاة بصوت عالى يا سما يا سما
سما نزلت قلقانة
نجاة إيه يا بنتى قاعدة لوحدك ليه
سما مافيش
نجاة تعالى اقعدى نشرب شاى سوا
سما واقفة ساكتة
نجاة اقعدى وأنا هعمل الشاى
سما لا أنا هعمل الشاى خليكى انتى ودخلت المطبخ
نجاة البت دى سبحان الله تدخل القلب على طول
بدر قاعد ساكت
خرجت سما بالشاى
نجاة تسلم ايدك يا حبيبتي عقبال ما نشرب شربات فرحك
سما بصتلها بحزن
قاعدين التلاتة يشربوا الشاى وساكتين
نجاة مالكم ساكتين كدا ليه
بدر معلش أنا هدخل أنام
نجاة لسة بدرى يا ابنى
بدر مردش عليها ودخل اوضته
نجاة بصت لسما معلش بدر خلقه ضيق من ساعة الحادثة
سما ربنا يشفيه يارب
نجاة يارب يا بنتى ادعيله معلش هطلع انام شوية
سما طيب
نجاة طلعت و سما قعدت لوحدها
بعد لحظة خرج بدر وقرب منها
سما أول ما شافته قامت وقفت
بدر مالك يا سما
سما بتوتر مالى
بدر لا في حاجة أنتى مبتقعديش معايا ولا تكلمينى قدام حد
سما بتوتر ماعرفش
بدر متعرفيش ليه
سما بصتله بكسوف وبصت فى الأرض
بدر مسك ايديها وابتسملها
سما بتشد ايديها جامد
بدر مالك يا سما مش إحنا بقينا أصحاب
سما باستغراب أصحاب
بدر ااه أصحاب وفيها إيه مش إحنا خلاص عرفنا كل حاجة عن بعض
سما بصتله وساكتة
بدر بس على فكرة أنا لسة معرفتش حاجة عنك ولازم تحكيلى كل حاجة عنك
سما بخوف بعدت عن بدر
بدر قرب منها إيه يا سما أنتى خايفة من إيه
سما دموعها نزلت خايفة من الدينا تقسى تانى عليا أنا خلاص تعبت أوى
بدر مسك ايديها متخافيش طول ما أنا معاكى عمر الدنيا ما هتقسى عليكى تانى
سما بالدموع بجد يا بدر
بدر بجد يا سما بجد
ياترى سما مخبية إيه على بدر هنعرف المرة الجاية ؟؟؟
