رواية أسرار الهاربة الفصل السادس بقلم موفا
بيعدى يوم ورا يوم على سما وبدر وكل يوم بيعدى عليهم بيقربهم من بعض
لحد في يوم
كانت نجاة قاعدة هى وسما بيتكلموا
خرج بدر ابتسم لسما
سما بصت في الأرض
نجاة ملاحظة نظراتهم لبعض
نجاة تعالى يا حبيبى اقعد معانا
بدر ابتسم لامه طيب هى قاعدتكم ناشفة كدا ليه
نجاة باستغراب ناشفة يعنى ايه
بدر يعنى لا كوباية شاى معاها حتة كيكة أو حتة بسبوسة
وضحك بصوت عالى
نجاة بصت لبدر بصدمة
ورجعت بصت لسما
سما ابتسمت لنجاة
نجاة انت بتضحك يا بدر
بدر إيه يا ماما صعبان عليكى انى اضحك
نجاة لا يا حبيبى أنا كل همى أنك تضحك وتكون مبسوط
بدر الصراحة أنا مبسوط ومبسوط أوى كمان وبص لسما
نجاة امممم وياترى إيه إللى مخليك مبسوط اوى كدا وبصت لسما
بدر ابتسم لامه طيب المهم عايزين حاجة حلوة من ايدك الحلوة يا حلو أنت
نجاة اختشى يا واد بس عارف أما أنت مبسوط كدا هقوم اعملك حاجة حلوة زى ما أنت عايز
بدر ابتسم ربنا يخليكى يا ماما
نجاة سابتهم ودخلت المطبخ
بدر بص لسما وابتسم
سما ابتسمت بكسوف لبدر
بقولك إيه تعالى نقعد جوا
سما بتوتر جوا فين
بدر ابتسم هنقعد تحت تكعيبة العنب
سما اتنهدت بصوت عالى
بدر ابتسم تعالى زوقينى يلا
سما طيب هقول لخالتى
بدر طيب ودخلت المطبخ وخرجت بسرعة لبدر ودخلوا قعدوا تحت تكعيبة العنب
بدر اتنهد بصوت عالى
سما مالك
بدر مافيش بس عايز أعرف عنك كل حاجة
سما بعدت بسرعة عنه
بدر بعدتى عنى ليه اتكلمى وفضفضى كل اللى جواكى
سما بصتله بتوتر خايفة خايفة أوى
بدر عايز أعرف أنتى خايفة من إيه يا سما
سما اتنهدت بصوت عالى
بدر مسك ايديها بصراحة كدا أنا
سما أنت إيه
بدر ولا حاجة ولا حاجة وفضل قاعد ساكت
سما تحب اسيبك لوحدك
بدر اتنهد بصوت عالى لا يا سما مش عايزك تسبينى خالص ومسك ايديها جامد
نجاة كانت داخلة شافت بدر ماسك ايد سما
وقفت مكانها تبص عليهم
سما لو سمحت سيب ايدى
بدر انتى خايفة منى يا سما دا أنا حتى قاعد مبتحركش واكتر من ماسكة ايدك مش هعمل
سما بصتله بحزن أنا مش خايفة منك
بدر ابتسم بجد يعنى بتبقى مطمنة وانتى معايا
سما ابتسمت وبصت فى الأرض
بدر أنا كمان ببقى مبسوط ومطمن وأنا معاكى ونظرات مليانة حنان بينهم
نجاة ابتسمت وعملت صوت قبل ما تدخل عشان ميعرفوش أنها سمعتهم
ودخلت قعدت معاهم وكل القاعدة كانت ضحك وهزار
.
عدا كام يوم و بدر وسما مبقوش قادرين يخبوا احساسهم ببعض
وكل دا كانت شاهدة عليه نجاة
.
لحد في يوم حصل اللى حصل
قاعدة سما ونجاة يتكلموا
نجاة بقولك ايه يا سما يا بنتى
سما نعم
نجاة ايه رأيك في بدر
سما رأى في بدر يعني ايه
نجاة ابتسمت رائيك فيه كدا كله على بعضه
سما بصتلها
نجاة ايه بدر مش كويس
سما بسرعة لأ طبعا دا كويس ومحترم وطيب أوى
نجاة ابتسمت ابتسامة رضا وايه تانى
سما بصتلها وهزت كتفها بس
نجاة بس كدا
سما بصتلها مش عارفة
نجاة طيب نتكلم بصراحة اكتر إيه شعورك من ناحية بدر
سما بسرعة قامت وقفت وبعدت عنها
نجاة قربت منها متتكسفيش أنا زى امك احكيلى انتى مرتاحة لبدر
سما وشها احمر واتوترت
نجاة يا بت اتكلمى انطقى
سما بتوتر أتكلم أقول إيه
نجاة قوليلى مرتاحة لبدر ولا لا يعنى لما بتكونوا سوا بتكونى مبسوطة ولا مدايقة
سما بتوتر وبتبص في الأرض مبكونش مدايقة
نجاة ابتسمت يعنى بتكونى مبسوطة
سما أيوة
نجاة طيب مثلا لو بدر سافر ومشى من هنا تزعلى
سما بصتلها بحزن هو بدر هيسافر بجد ويمشى من هنا
نجاة يمكن الصراحة هو عايز يسافر بقاله مدة
سما والدموع اتجمعت فى عيونها يعنى هو قالك امتى أنه هيسافر ورمشت بعيونها ودموعها نزلت
نجاة واقفة تبصلها وساكتة
سما بتعيط وبتكتم صوت عياطها بايديها
نجاة بتعيطى ليه عشان بدر ممكن يبعد عنك
سما بسرعة اترمت في حضن نجاة وعيطت بهستريا
نجاة بحنيه طبطبت عليها اهدى يا حبيبتي بدر مش هيسافر وحتى لو سافر مش هيسافر لوحده هتسافرى معاه
سما بصتلها وهى بتمسح دموعها
اقعدى وأنا هعملك عصير ليمون
قعدت سما ولسة بتمسح دموعها
فجأة لقت بدر قصادها قامت وقفت مفزوعة
بدر ابتسم ايه خضيتك
سما هزت راسها لا
بدر مالك
سما بالدموع مافيش حاجة
بدر قرب منها ومسك ايديها أنا سمعتك أنتى وماما
سما بتشد ايديها
بدر مسكها جامد مش هسيبك
سما بتوتر ولغبطة سيب ايدى
بدر لا مش هسيب ايديك عارفة أنا عايز أفضل ماسك ايديك كدا على طول عايز أحس أنك جمبى على طول
سما بتوتر ليه
بدر مااعرفش ليه كل إللى حسه انى مش عايز ابعد عنك
وكمان عايز أفضل أتكلم معاكى على طول
سما بتتنهد بصوت عالى
بدر ممكن تقعدى قصادى
سما قصدت على الكرسى قصاد بدر
بدر قرب منها
سما بتتنهد بصوت عالى
بدر قرب ولمس وشها سما أنا حاسيس بحاجة جوايا ليكى
سما بتوتر حااجة حاجة إيه
بدر هو اللى اتوتر حاجة عمرى ما حستها قبل كدا وبيقرب منها وكان هيبوسها
سما بفزعة بعدت عنه وجريت على فوق ودخلت اوضتها ورمت نفسها على السرير وعيطت بهستريا
خرجت نجاة بعد إللى سمعته وشافته
بدر كان ضامم وشه بكفوف ايده
نجاة طبطبت عليه بتحبها يا بدر
بدر اتفزع من أمه
نجاة بتحبها
بدر بحزن مااعرفش يا ماما مااعرفش
نجاة بس شكلك بيقول أنك بتحبها
بدر طيب وهى بتحبنى واصلا هترضى تحبنى وانا قاعد كدا مكسح مش قادر أتحرك أنا عشان أمسح دموعها طلبت منها تقعد ازاى هترضى بواحد زى بس
نجاة بحزن يا حبيبى بكرا تخف وتبقى احسن من الأول
بدر ابتسم بحزن الكلام دا بتقوليه عشان تصبرينى بيه
نجاة اتنهدت بحزن اسمعنى لو سما بتحبك هتحبك على ظروفك وتستحملك لحد ما تخف واذا كانت مش بتحبك يبقى تمشى من هنا ونفضها حكاية بقى
بدر بترجى لأمه لا يا ماما بالله عليكى ما تخليها تمشى من هنا حتى لو مبتحبنيش خليها قاعدة معانا وحياتى يا ماما وحياتى وعيط
نجاة حضنت بدر لدرجة دى بتحبها يا ابنى
بدر ماعرفش ازاى حبتها بس أيوة أنا بحبها يا ماما بحبها
عدا يومين وسما حابسة نفسها فى الأوضة
طلعتلها نجاة وكان معاها شنطة بلاستك
نجاة إيه يا بنتى حابسة نفسك ليه كدا هو أنتى تعبانة ولا زعلانة من حد
سما بصتلها لامافيش حاجة
نجاة ابتسمت طيب أما مافيش حاجة يبقى تقومى تنزلى تقعدى معانا وكمان انتى بقالك يومين مكلتيش إيه مجوعتيش
سما اتنهدت بصوت عالى
نجاة ارمى همك على ربنا وربنا وحده هو إللى هيفرج همك وكربك يلا يا بنتى بدر قلقان عليكى
سما بصتلها بتوتر
نجاة ابتسمت أيوة بيقول انه زعلك عشان كدا حابسة نفسك من ساعتها
سما لسه بتتنهد بصوت عالى
نجاة يلا بقى عشان جيبالك هدية عشانك
سما باستغراب هدية عشانى أنا
نجاة أيوة قومى خدى يا ستى هديتك وادتها الكيس
سما باستغراب هدوم جديدة
نجاة أيوة هدوم جديدة عشانك كنت اشترتها وأنا عند سحر قومى بقى البسيها وانزلى ورايا
سما حاضر
نزلت نجاة وبعد شوية نزلت سما لابسة الهدوم الجديدة
نجاة ماشاء الله إيه القمر دا كله
سما بكسوف قمر بالستر
نجاة قمر طبعا انتى مش شايفة نفسك ولا إيه تعالى اقعدى عقبال ما ارجعلك ولا أقولك تعالى اقعدى تحت تكعيبة العنب الجو برا حلو أوى
سما اتنهدت بصوت عالى وقعدت تحت تكعيبة العنب لوحدها
وبقت تبص علي شباك بدر
فجأة بدر فتح شباك اوضته
سما قامت وقفت بتوتر وبصت بعيد
بدر خرج بالكرسى وقرب من سما
سما كانت هتمشى
بدر بسرعة مسك ايديها رايحة فين
سما قعدت بحزن المشكلة أنى ماليش مكان اروحه ودموعها نزلت
بدر قرب منها ومسح بدموعها بطرف ايده
سما اترعشت وبعدت عنه
بدر مالك يا سما أنتى
سما بصتله ودموعها نازلة
بدر قصدى أنا يا سما أنا مش عايز اشوف دموعك دى تانى
سما أنا معرفتش غير الدموع بس أنا منكرش أنى عشت كام سنة كانت احلا سنين حياتى مكنتش شايلة هم اى حاجة كنت عايشة مش محتاجة حاجة خالص لحد
بدر أيوة يا سما لحد إيه كملى أنا متأكد أن فى سر في حياتك وأنا لازم اعرفه
سما بصتله وعيطت
بدر صدقينى لو عرفتينى سرك ومهما كان إيه السر دا هكون معاكى
سما بتمسح دموعها بس دا مش سر دى مصيبة وأنا واقعة فيها ومش هعرف اخرج منها ابدا أنا ضعت خلاص
بدر بصلها بتركيز مصيبة مصيبة إيه يا سما انطقى
سما بفزعة بعدت عنه بعد ما اتكلمت من غير ما تحس
بدر قرب منها اتكلمى مصيبة إيه يا سما وصدقينى مهما كانت مصيبتك هقف مهما كانت سامعة بس قوليلى يا سما يمكن ترتاحى وأنا متأكد ان أى حاجة حصلتلك كانت غصب عنك
سما بتوتر أنت قصدك إيه
بدر نفخ فى الهوا أنا عارف ان صعب عليكى اللى حصلك بس اكيد كان غصب عنك زى ما قولتلك ومتخافيش محدش هيعرف ابدا وعشان تتاكدى أنا هتجوزك وكدا تبقى المشكلة اتحلت
سما بعدم فهم يعنى ايه أنا مش فاهمة حاجة خالص
بدر بتوتر هو المصيبة اللى ممكن تحصل لبنت وتضيعها إيه غير ان يكون حصلك حاجة من حد غصب عنك
سما شهقت بصوت عالى هاااا وكتمت نفسها بايديها
بدر متخافيش محدش هيعرف أى حاجة حصلتلك بس احكيلى كل حاجة
سما بتتنفس بصوت عالى لا لا أنت فهمت غلط أنا مافيش حاجة حصلتلى من إللى جات في بالك خالص أنا
بدر مسك ايديها يعنى ايه مش زى ما فهمت
سما بكسوف هزت راسها لأ
بدر اتنفس بصوت عالى الحمد لله خلاص أما محصلكيش حاجة وحشة يبقى بس استنى اومال مصيبة إيه إللى وقعتى فيها ويعنى إيه ضعتى فهمينى يا سما
سما بتوتر مشكلة عندى مشكلة كبيرة أوى ومش عارفة اعمل إيه عشان أخرج منها
بدر متخافيش كل مشكله وليها حل
سما بس مشكلتى ملهاش حل
بدر ابتسم ومسك ايديها الكلام دا لو لوحدك بس الوقت أنا معاكى وهفضل معاكى على طول مهما حصل
سما ليه
بدر ابتسم ومسك وشها عشان بحبك يا سما
سما فتحت عيونها مرة واحدة إيه
بدر أيوة يا سما أنا بحبك
سما بتوتر وكسوف بدر أنا
بدر قولى يا سما إنتى إيه
سما أنا خايفة خايفة أوى
بدر متخافيش طول ما انتى معايا وقربها منه وباس راسها
سما اتنهدت بصوت عالى
بدر بس المهم انتى تقبلى واحد زى وفى ظروفى يحبك
سما بصتله بكسوف وبصت فى الأرض
بدر مسك ايديها يا حبيبتي يا سما
وكان أحسن يوم عدا على سما وبدر
ياترى هيحصل ايه مع سما والأمور هتتظبط معاها ولا هتتغبر ???
