رواية عدالة الله الفصل السادس بقلم جمانه السعيدي
سوسن....حمودي ميريد امه كلما يكبر يتعلق بيه اكثر
واني ابد مااستغني عنه
هو الشي الوحيد الي مصبرني على هذا الضيم
نهله عايشه حياتها وتصرف وتشتري وطلعات وونسات
ومراجعات يم الدكتوره
وابنها يمي مالها شغل بي
حتى ما تفكده بس مرات الكاعا تباوع علينا اني ويا من نلعب سوا
لو تشوفني اغسله بس مالها شغل بي
خالتي...هذا الوليد الله رحمه بسوسن جان هسه متبهذل
امه مالها شغل بي
عمي.. ربج ما ياخذ شي اله يخلي بمكانه شي
سوسن حبابه ورب العالمين رزقها بهذا الطفل ما تشوفين شلون فرحانه بي
خالتي...ولله سوسن ماكو منها حبابه وطببه لو وحده غيرها جان كالت اني شعليه
بس هي تخاف علي اكثر من روحها
حايره بي طول النهار على كلبها
سوسن. مرات صادق من يرجع من الدوام ياخذ حمودي بلغرفه يلعب علي
اني ابقه اروح وارجع مااعرف ادخل غرفتي اذا هو ماكو
تعودت علي
شويه ويكوم يبجي يريدني شكد يحاول صادق يخلي ينام يمهم بلغرفه بس هو مايقبل
بس يفتحون الباب يجي عليه يركض
من اشوفه يدور عليه ويجيني ركض كلبي يطير من الفرح
على الاقل اكو واحد يحبني ويدور عليه بهذا البيت
جمانه السعيدي
ولله خايفه خاف ياخذونه مني وارجع الحياتي القديمه
حياتي جانت ممله بشكل مو معقول
المهم وصلت نهله للشهر الاخير
وهلمره جابت بنيه تخبل
من اول ما ولدت جابت سرير البنيه وخلته بغرفتي
الضاهر تعودت على الراحه
ماتريد تعب نفسها
جابت ملابسها والحليب وخلتهن بغرفتي
لان هي آمنت من شافت تعاملي ويا حمودي شلون
لا تتوقعون ضجت بلعكس كلش فرحت
يمكن رب العالمين يهديها وتعوفهم اليه
بس عندي مشكله وحده
حمودي يغار عليه مايقبل اشيل اخته يتخبل اذا قربت عليها
مرات يضربها لو يجر شعرها لو يخلي أصبعه بعينها
كلشي ولا يشوفني أقرب عليها يبقى يبجي
اذا مااخلي يقرب عليها يعضني من ايدي
بس اني مااكدر استغني عنه
ذيج بعدها زغيره اغسلها وارضعها وتنام وباقي الوقت كله الحمودي
تعلقت بيهم ثنيبنهم مجاي اكدر افاركهم
حمودي حتى إذا اشتغل يريدني اشيله
لو اخلي على الكاونتر واشتغل
جمانه السعيدي
اذااكنس بلمكناسه الكهربائيه اخلي يلزمها قبل ايدي
ونكنس اني وياا سوه
اني وياا ما نتفارك طول النهار وبليل مايقبل ينام بلجربايه اله بحضني
بس صادق يسمعه يبجي راسا يكوم يصيح
سوسن سوسن تعاي حمودي يريدج
هاي احلى كلمه اسمعها وارتاح نفسيا
جمانه السعيدي
حتى للحمام من اسبح يبقى يبجي اله ادخله وياي
واسبحه
ونهله مكيفه على الوضع مرتاحه
ماتريد اتعب نفسها تريدني اربي واكبر وهي تأخذهم على الجاهز
بس رب العالمين مقدر غير شي
شي خارج حدود تقدريها وخططا
نهله. اريد اسافر الاي مكان ضجت
صادق والجهال شلون حاره عليهم
نهله..ومنو كال اخذهم وياي يبقون هنا يم سوسن
لان مالي خلكهم
صادق...انشاء الله
سوسن...اكثر من مره ياخذها ويسافر هو وياها وبلجذب ولا مره كال تعاي ويانا
من تطلع خالتي وعمي للزياره ياخذوني وياهم
اما صادق نساني اهم شي رضا ست نهله اني شنو
كتلكم محد مهون عليه كل هذا القهر والتعب غير
حمودي وايه ابد مااحس بلوقت وهما يمي
كبرت ايه وصار عمرها سنه وحمودي سنتين ونص
ايه متعلقه بيه مثل حمودي واكثر
لان من عمرها ساعه وحده وهي عندي اني امها الي تعبت عليها
مالها شغل بنهله ابد
عسى ما تعوف البيت شهر مالها شغل بيها
قررت نهله تطلع رحله للشمال هي وصادق قبل لا ينتقلون البيتهم الجديد لان مابقى شي ويكمل
واكيد تعوف الجهال يمي لان خاف يزعجونها
تريد تاخذ راحتها
طلعو الصبح اني من يطلعون الاي مكان ارتاح
لان تصرفاتهم تغثني وهي تتعمد اضوجني
خل نرتاح منهم كم يوم
صح ضجت لان صادق مايفكر يطلعني لأي مكان مثلها
بس خلاص مادام حمودي وايه عندي
خليهم وين مايردون يروحون مالي شغل بيهم
طلعو الصبح وهي تتعقيل وتتفيك كدامي حتى تقهرني
عود تسمعني تحجي ويا احلام
راح ناخذ صور وندزلكم
واشوفج شلون الونسه الحقيقيه
طلعو من البيت اني سبحت ايه بدلتها ونامت
وأخذت حمودي وياي للمطبخ
عنده طوبه يضربها عليه برجله وارجعها علي
العب وياا واشتغل
لمن تعب للساعه ١١ اخذته غسلتله وغديته ونومته
وراها بنص ساعه اجانا اتصال
الاتصال اجا العمي
صادق سوا حادث بلسياره وتقلو هو ونهله للمستشفى
بيتنا انكلب كلاب
كلهم راحو للمستشفى بس اني بقيت بلبيت وجهال فاضل بقو يمي
جمانه السعيدي
مااعرف اوصف شعوري بهاي اللحظه مراح اكول ما ضجت
لا ضجت على صادق
ضجت حيل مهما يكون يبقى زوجي حتلو اذاني
كمت ابجي وحدي بلبيت
ورا ما وصلو للمستشفى اتصلت على عمي
كال ثنيبنهم ماتو صادق ونهله
حضنت الجهال وكمت ابجي خطيه حمودي وايه
صارو يتامى وهم بعدهم زغار
مساكين صادق مالحك يتهنى بجهاله ولا يفرح بيهم
شوف البشر شكد عنده امل بلدنيا وشكد عندا احلام
يخطط ويحضر
صادق مات على الجهال ولمن صارو مالحك يتهنى بيهم
ونهله كل الوقت تخطط للبيت
هيج اثث وهيج اسوي وهيج اخلي
تالي عافت كلشي وراحت
عافت بيتها وجهاله وراحت
عفيه بشر شكد طماع يريد ياخذ كلشي بس مايعرف
شكد راح يعيش وراح يتهنى بلاشياء الي حصلها لو لا
استلمو الجثتين من المستشفى واخذوهن دفنوهم
سوينا فاتحه بلبيت عمي وخالتي حيل اتأثر بوفاة صادق
عمي كوه يمشي من القهر
وخالتي ضغطها صاعد وبس تبجي كل الوقت
اني بعد ماليه مكان بهذا البيت جنت كاعده علمود
جنتهم بس هسه زوجي راح ولازم الزم عده
بس خلصت السبعه
اخذت ملابسي ورحت بيت اخوي
رغم عمي وخالتي مارادوني اطلع من البيت
بس بعد اني المن باقيه بهذا البيت
رحت بيت اخوي هلمره ارمله مو مطلقه
بعد ماله حجه عليه قبل يكول ماعدنا بنات تطلك
بس هسه اني ارمله
كلشي ما همني بكد فراك حمودي وايه
مجاي اكدر اصبر على فركاهم كل الوقت صورتهم كبال عيني
اول يوم كوه عديته ثاني يوم اريد الوقت يخلص ماكووو
ثالث يوم دزيت رساله الفاضل
سوسن...شلونك ابو علي فدوه اسئل على الجهال كلبي طك عليهم
فاضل...هلو شلونج يبجون عليج مايردون اي احد
كل الوقت بس يبجون
سوسن...فدوه جيبهم اني صار يومين مااكدر انام بس افكر بيهم
فاضل...حمودي كلشي مريض عليج
سوسن...الله عليك جيبهم
فاضل...اي راح اجيبهم اللج
شويه وندكت الباب لبست حجابي وفتحت الباب
فاضل شايل ايه ولازم حمودي من ايده
من شفتهم فقدت دنكت حضنت حمودي
شكد متغير ويكح وصاير شحاله
وايه بس شافتني حضنتني حيل وماوتقبل تعوفني
جايبلهم جنطة ملابس والحليب
فاضل....بليل ارجع اخذهم
سوسن...ميخالف
دخلتهم للبيت زوجت اخوي من شافتهم ماقبلت عليه
دخلتهم للحمام ودزيت على علاج مال كحه الحمودي
انطيته ايه يحكنها اذاناتها
جبتلها علاج
غديتهم ونامو وياي بغرفتي
من رجع اخوي اسمع زوجته تحجي ما قابله
حقها اني كوه حاملتني شلون اذا وياي اطفال ثنيين
جمانه السعيدي
اجا اخوي للغرفه
اخوي.. هااا شنو ذوله
سوسن...يبجون عليه ثنيبنهم مرضه
اخوي. واحنا شنو علاقتنا بيهم عدهم اهل يهتمون
بيهم انتي مو امهم
سوسن...اني ربيتهم من زغار خطيه فقدو امهم وابوهم
واني هم اتخلى عنهم
اخوي. عدهم عم وجد وبيبي تحتار بيهم
اني مااكدر اتحمل مسوليتهم فهمتي لو لا
سوسن...الله عليك خطيه بعدهم زغار
اخوي. مااريد كلام هواي بهذا الموضوع اني جهالي كوه مدبر عيشتهم
اله انتي وياج ثنيبن
اني ضروفي صعبه وهما أهلهم موجودين
ليش تحمليني هيج مسؤليه
سوسن...اني أشارك وياك بمصرف البيت بس عوفهم يمي الله يوفقك انشاء الله يرزقك من اوسع الابواب
اخوي...اشوف
طبعا اخوي بس سمع اني راح اشيل المصرف وياا قبل يخليهم يمي
بليل دزلي فاضل رساله
فاضل...راح اجي اخذ الجهال
سوسن... اي تعال بس عندي موضوع اريد احجي وياك بي
فاضل..اي كولي
سوسن...اني متعلقه بلجهال ومااكدر اعيش بدونهم
بس اخوي مايقبل يكول ضورفي ما تساعد اتحملهم
اني كتله اساعد بلمصرف
بس اني ماعندي حتى اساعد بلمصرف
ممكن تمشي بمعاملة راتب صادق الله يرحمه
ولو تنطوني جزء حتى اكدر اساعد بي اخوي حتى يقبل ابقى الجهال عندي
تدري اليوم من شفتهم متت قهر حمودي يكح كحه قويه
وايه تريد تطلع سنون وتحك بذنها وتبجي
فاضل...بدون ما تكولين اكيد راتب صادق من حقج وحق جهاله اني من باجر امشي بلراتب ومنا لمن يطلع
اني راح ادزلج مصرف
تردين الصدك هنا بلبيت محد مهتم بجهال صادق مثلج
احلام يله شغل البيت وجهالها وامي مريضه وابوي تعبان
اني اطلع للشغل
جهال صادق انسب مكان الهم يكونون يمج
انتي اكثر وحده تكدر تحافظ عليهم
سوسن... مو تكول سوسن طماعه تريد الراتب ترا اذا عليه
فلس ماريد منكم بس هذا شرط اخوي حتى الجهال يبقون يمي الله شاهد على كلامي
فاضل. ماكو داعي تحلفين اني عايش وياج واعرف اخلاقج زين صار تدللين لا تشيلين هم ابد
سوسن...الف رحمه على والديك سهلت عليه هاي المهمه
كنت حايره شلون راح أدبر الفلوس
فاضل ولا يهمج بيج خير ودللي
