رواية نهوة عمامي الفصل السادس 6 بقلم مرج البحر

ساره : اتصل الدكتور صديق بابا كال الطفل توفه لان ماكامل وطلع تعبان اني بس سمعت انهاريت وكنت اصرخ هذا تعبي كله راح كلشي ما حصلت بس التعب والقهر وثاني يوم الصبح كاعدين نتريك واجت عمتي اقبال من العماره وتحمدتلي بالسلامه شو هاي انهدت بيه كامت تحجي 

اني مو اكلج كلشي لا تسوين لا تشتغلين بس انتي ما تسمعين الكلام شكو غاسله الزوليه احد كايلج احد عاتب عليج بس كله منج 

سارة: اني ابد ما حاجيتها ولا جاوبتها لان تعوت

على كلامه جذب وتلفيق حجايه وجهين

وبعدين كالت 

سيف زعلان يكول هيه الموتت ابني 

امي كالتلها شنو هيه موتته منو الشاف الموت غير هيه شو هو حتى كاتلها لان تكله اخذني للمستشفى 

 اي غير نايم وجان نعسان بحال مستشفى

 امي كالت جا احنه مو هم جنه نايمين والله لو تشوفين ابوها شلون طفر من سمعها تبجي وبس كالت الحكوني راح اموت حتي راد يسوي حادث بلطريق 

 اي جا هو سيف بعده طفل شمعرفه هيج راح يصير

سارة: ورى هذا الحجي كله اني يوم عن يوم نفسيتي بالنازل واحس بعد مالي قيمه يم سيف وهو بقه اكثر من عشر ايام ما اجاني ولا شافني لحد ما كمت اتخربط باليل وكم مره اهلي يردون يودوني للمستشفى اني ما اقبل واجن علينه اخوات سيف وشافن وضعي حتى اكل ما اكل وبس اتصفن ومن احد يجي على اهلي اني مااطلع ولا اسلم حتى على عمامي

 ومن راحن ومسولفاتله ثاني يوم اجه اني جنت نايمه واجه كعد بصفي على الجربايه وكال 

ليش هيج صار 

 كله من وراك من اكلك اخذني للمستشفى راح اموت حسبالك اجذب اهم شي عندك النوم وبس اني فلا يوم حبيتني  

 لا صحيح اني اول مره مجبور بس بعدين حبيتج وكمت هذا الهوء الاتنفسه انتي 

 ليش هاي الايام كلها ما اجيت

  والله من قهري ما اريد اشوفج بهاي الحاله بس من سولفت جنان البارحه اني للصبح ما نايم وافكر بيج والله وما انام اذا ما اخلي ثوبج بحضني 

اني ضحكت وكتله مزاعلتك يالله روح بعد لا تجي كام يضحك وكال 

لا اليوم حتي ابات يمج 

وفاتت ايام واني الخياط مالتي طك ومتت من الالم واخذتني امي للدكتوره وفحصتني وكالت هاي شنو الخياط طاك بس بعد ما يصير يرجع يتخيط لان ملتهب راح انطيج علاج ولازم تستمرين عليه واسبوع وارجعيلي كتلها تمام

 وثاني يوم اجت عمتي اقبال وكالت 

يالله تعاي وياي صارلج اكثر من اسبوعين

 يم اهلج وسيف باقي وحده لا احد يغسل ملابسه وهاي مرت ياسين طلعت حامل واحنه نخاف عليها خاف هم يصير بيها مثلج 

وصدك امي كالت روحي وياها وبيوم موعد الدكتوره تعاي اني اخذج 

ورجعت وخلصناها بجي اني وسيف وبيوم اربعين الطفل ردت اروح ازوره بس عمتي اقبال ما قبلت وكالت

 لا ما يصير تروحين يكولون بعد ما يصير عندج طفل 

وخلتني وراحت هيه وبناتها وللمغرب رجعن واني من شفتهن شبعت بجي لان ما خلتني اروح ورى كم يوم جابتلي علاج كالت هذا ينشف الصدر من الحليب لان اذا بقى حليب موزين عليج واخذت العلاج ورى شهر تقريبن سيف كام يطلع هواي وحتى اذا موجود بالبيت ما يقبل اكعد يمه وبس يخابر اربعه وعشرين ساعة ومن اسئله بيمن تخابر يكول صديقي وبقيت اراقب بي كم يوم ومره هو صاعد بالسطح ويخابر من اتسمعت عليه لكيته يخابر ببنيه اسمها وداد وصحت عليه وتعاركنه وكتله هسه توديني لاهلي بعد ما ابقه يمك لو تنكلب الدنيا هذا الحجي صار بليل ضربني وكال

 اني بعد هم ما اريدج باجر من الصبح تروحين

  تمام وصدك بقيت للصبح كاعده وابجي حتى ما طبيت الغرفه بقيت كاعده بالصاله والصبح رحت لاهلي وحدي واول ما طبيت كتلهم بعد ما ارجع لو شيصير وسولفتلهم على عيشتي بيت عمي حميد لان اني اكثر من سنتين يمهم والله ما حاجيه ايشه لاهلي ومن يسئلوني اكلهم لا زينين وياي واني شفت انجوم الضهر من امه وخواته والله حتى ملابسي ياخذنهن وما يكولن لحد ما اشوفهن لابساتهن وحتى الملابس الداخليه هم ياخذنها من غير الفلوس والله وما احجي واكول بس بعد ما ضل عندي صبر جان هو مهود عليه ضيم اهله بس من وصلت للخيانه بعد ما اتحمل ابوي وعمي من سمعو الحجي كالو

 بعد هاي هيه ما تصيريلهم مره وبيناتنه المحاكم بس هسه انتي ارتاحي كم يوم ويصير خير ورى كم يوم خابر خالي عزم اهلي على عرس ابنه امي كالت روحي ويانه صارلج هواي ما شايفه خوالج كتلها اكيد هسه بيت عمي حميد كلهم يرحون

  معليج بيهم احنه مو كنالهم بعد ما ترجع واني وابوج وياج فنه احد يحاجيج 

 بس اريد اروح للصالون احف واكص شعري كالت

 ليش هو اكو مثل شعرج 

 لا بس اعناد بسيف لان جان دائما يكلي اذا يوم كصيتي شعرج اموتج 

وصدك العصر رحت للصالون وحتى ام الصالون ما قبلت تكصه لان اني شعري سرح كلش وطويل نازل لحد الافخاذ وبعدين قنعتها وكصيته مدرج قصير وصار كلش حلو بس بعدين انقهرت بس ما بينت لاحد وثاني يوم رحنه لبغداد يم بيت جدي لان بيت خالي ابو العريس بغير مكان امي كالت العصر نروح لان بليل الحنه ورحنه واول ما وصلنه لكينه بيت عمي حميد موجودين وشفت سيف وياهم بس ما باوعت بوجه ابد وصارت الحنه مال الولد واحنه جنه كاعدين يم خالاتي وكل كرايبنه موجودين واسمع عمتي اقبال تكول لعمتي حميده

 اريد اخطب منج زينب لسيف كل الموجودين ضلو صافنين بس اني ضحكت لان اعرف طبعهم عمتي كالتلها

 زين هو موماخذ ساره بت فيصل وفيصل اخويه

شنو نسيتي 

  اي بس راح يتطلكون 

لا عيني لو بس هو يبقه احنه ما ننطي على بت اخوي حتى لو تتطلك 

سارة: وبعدين صار كلام هواي لحد ما صار نص الليل وكلهم راحو نامو وثاني يوم الصبح كاعدين واني طبيت للحمام ومن طلعت واكفه امشط بغرفت خالي طبت نجلاء اخت س سيف وسلمت اني عادي سلمت عليها ومن شافت شعري بسرعه طلعت وبعدين صارت الزفته وكمل العرس واني واهلي رحنه يم بيت خواتي بقينه كم يوم بس اني ابد مالي خلك حتى ما اكل وخالتي عزمتنه على العشاء ورحنه يمها اول ماطبينه اني لعبت نفسي خالتي كالت شنو خاله شبيج شو حتى وجهج اصفر

 كتلها لا لان جنت بالسياره كامت تلعب نفسي وسوت عشه بس اني ما كلت بس دولمه ورى تقريبن ساعه او اكثر بعد ماستحملت ركضت للحمام وكمت استفرغ وخالتي كالت لاامي خاف سارة حامل اني بقيت صافنه وتذكرت هيه فايتتني وخالتي سألتني كتلها اي يمكن صار اسبوع على موعدها كالت باجر اخذج للدكتوره صديقتي وانشوف 

وثاني يوم رحنه اني وامي وخالتي وسويت تحليل مال دم وطلعت النتيجه حامل اني اتخبلت كلت لاامي ما اريده ما اريد ارجع لبيت عمي حميد وكلت للدكتوره فدوه نزليه وبعدين الدكتوره طلبت من خالتي ابقه بس اني يمها بالغرفه

وطلعت خالتي وامي بقيت اني والدكتورة

 سالتني ليش تردين تنزلين الطفل

 مو اريد انفصل من زوجي ومااريد شي يربطني بي خاف يرجعوني غصب لو ياخذونه مني

كالت زين راح اسالج وجاوبيني بصراحه كتلها تمام كالت

 زين اني راح انطيج مسدس واطلعج بالشارع واي طفل كدامج اريدج اتقتليه

 لا طبعن ما اكدر اسوي هذا الشي مستحيل شلون اقتل ونوب طفل لا لا دكتوره ضحكت

  زين ليش تردين تقتلين طفلج يجوز رب العالمين دز الج حتى يصير الصلح بينكم يجوز هذا طفل 

يصلح زوجج ويحس على نفسه ولو اني مااعرف شنو ضروفج وضروفه ومن منو سبب بس مهما يكون يابنتي لازم نرضا بقدر رب العالمين ف حبيبتي اتعوذي من شيطان ورجعي على بيتكم

واستغفري ربج لان هذا تصرفج وتفكيرج غلط مهما يكون هذه روح زرعها رب العالمين بيج ولازم 

تحافظين عليها هاي امانه وبعد كم يوم ربج يحاسبج عليها 

ساره: من سمعت كلام الدكتوره هدأت شوية واستغفرت رب العالمين سلمت عليها وطلعت

ورجعنه للبيت خواتي وبقينه يمهم اسبوع واني طول هذا الأسبوع مالي خالك وبس اتقيء وخالاتي وخواتي كلهم يصبرون بيه واني اكلهم بعد ما اريدهم لو مو طفل لان مليت من قهرهم واجت بيبيتي ام امي واخذتني للامام الكاظم عليه السلام وزرنه وصلينه وكالتلي

 ادعي يم الامام وهو يحل مشكلتج ان شاء الله

 واني دعيت وكلت يا سيدي ومولاي اقسم عليك بحق امك فاطمه الزهراء اذا الطفل بي صالح أن شاء الله يبقه واذا لا ان شاء الله يوكع وطلبت من الله واهل البيت ينطوني الصبر كملت دعاء والزيارة صليت احس روحي رتاحت

 وبعدها رجعنه للكوت لبيت اهلي وامي سولفت لمرت عمي عزام وكالت

 لازم يدرون بيت حميد حتى مو بعد كم شهر وكالو مو ابنه وعمي عزام دز على عمي محمد وكاله سارة حامل بس هيه هسه كلش تعبانه عمي حميد كال 

خل ترجع وعمي عزام ما قبل وبعد كم يوم 

 خوات سيف جايات علينه يردني ارجع كتلهن

لا اني ما ارجع بعد ولان اخته نجلاء كالت

 هو سيف هم ترى متحلف بيج 

 ليش 

 لان كاصه شعرج 

 ضحكت وكتلها وهو منو كاله على شعري 

 ما ادري اني ما كتله بس يمكن البنات الي بلعرس هنه سولفن كالن شعر ساره صاير حلو لايكتلها الكصه وهو سمع وتسودن 

 على العموم روحي وكليله بعد يحلم يشوف اضفر مني مو شعري

 وراحن وبقيت يم اهلي ومن دخلت بشهر الخامس عمتي اقبال اجت علينه على اساس تريد ترجعني واول ما طبيت كالت

 ها يالله ترجعين لان سيف مل وكال اخطبيلي اني بعد ما اتحمل

 امي كالتلها

 بالعافيه روحي اخطبيله شكو جايه سارة بعد ما ترجع 

 والله ما يطلك واله تبقه بتكم معلكه لا هي للسمه ولاهي للكاع واله ازوجه واكسر خشمها

  شتردون تسوون سوه مو مشكله 

وخلت وطلعت وبقيت يم اهلي لحد ما جبت ولد وسميته يوسف وكملت الاربعين بس شنو طول هاي الفتره احنه معارك وي بيت عمي حميد يعني معارك بمعنى الكلمة ابد ما ارحاحيت واني حبالتي خطره لان رحمي ما ثابت من ولادة الطفل الاول المات وبعدين ورى ما كملت الاربعين بكم يوم

  جايات خالت سيف واخته ومرت ياسين وبكل عين صلفه يحجن يالله كومي انتي مو خلصتي الاربعين ما ترجعين امي كالتلها 

شنو ما ترجعين لازم هيه خطار عدنه شو انتن ما تعرفن تحجن البت صار سنه هيه يمنه وبيت حميد راوونه الويل وشبعت قهر وبجي من وراهم وهسه بكل بساطه جايات علينه زعاطيط وتردن ترجعنها ما ترجع لان اخته نجلاء كالت 

وابنه شلون يريد ابنه

 امي كالتلها معليج هاي السوالف ومو وياجن 

انتن لا تدخلن نوب علينه المزعطه

وهنه خلن وطلعن للمغرب اني جنت كاعده بالطرمه مالت البيت لان الكهرباء طافيه وابني بحضني وما نسمع بس صوت الرمي على البيت اني راسن خذت ابني وطبيت جوى وصار رمي هواي ورى شويه سمعنه شخطت السياره ومن طلعنه...... 

شكرا لزيارتكم عالم روايات سكيرهوم