رواية دكتوره رفيف الفصل السادس بقلم جمانه السعيدي
رفيف...ثاني يوم اجا بابا كعدني وكال تعاي نطلع نتربك برا
اني عازمكم
كعدت دخلت سبحت وبدلت ونزلت
بابا...لا اريد تلبسين شي كلش حلووو ومميز مو لبس عادي لبس مال وحده طالعه من الحرب منتصره
ابتسمت ورجعت صعدت لبست بنطرون اسود قماش وستره سوده قصيره وقميص احمر فتحت شعري شسورته ولبست اكسسوارات نازكه
حذاء احمر وجنطه حمره والعطر راقي وثابت
نزلت بس شافني بابا
بابا...اي هاي بنتي الي مايهزه شي دوم قويه وحلوه
يله لان اتاخرنا
طلعنا كلنا من البيت اني وبابا وماما وشيلاء
صادفنا اخوي صميم وزوجته طالعين عزمناهم على
الريوك بس ماقبلو
صميم...الله الله شنو هلجمال رفيف شطالعه
يمته الزواج عن قريب
رفيف....لا كنسلت شغلت الزواج اريد ابقه على كلبكم
صميم...ليش
رفيف...مو كلت ابقه على كلبكم
صميم....مثل العسل انتي اذا بقيتي مثل العسل
رفيف....شكرا اخوي العزيز
جمانه السعيدي
رحنا اتريكنا الأجواء تخبل حسيت نفسي هواي عندي فرق
بس بعد احتاج وقت حتى اتعافى
وصلني بابا.للمستشفى
بابا....رفيف لا تخلين اي شي يزعجج واذا ماعجبج الوضع اتصلي ودقيق تلكيني هنا
رفيف....تمام يااحلى بابا بادنيا ربي يحفظك اليه يا عزوتي
دخلت وحسيت كل الانضار عليه اني هذا السيت اشتريته قبل فتره وبعدني ملابسته
انتضرت المصعد يجي واني واكفه اجا ولد ممرض يشتغل ويانه بلمستشفى
وكف
قبل فتره جاب امه جبكنا حالته عدها سكر وضغط
ضياء....صباح الخير دكتوره
رفيف...صباح الخير شلون صارت الولده
ضياء...الحمد لله جاي تمشي على نضام غذائي والعلاج
انفتح المصعد
دخلنا اني وياا وراسا اجا اسامه دخل ويانه ويباوع عليه من جوه ليفوك
اني مادرت بال ابد
رفيف...ضياء اذا تحتاج شي لا تتردد ابد جيب امك كل فتره اجيك حالته وتطمن عليه
ضياء...الله يحفظج دكتوره ماتقصرين هي هم ارتاحتلج
دووم تكووول الدكتوره الحلوه
هي مسميتج الدكتوره الحلوه
رفيف...ابتسمت شكرا سلملي عليه
راسا انفتح المصعد وطلع اسامه وبعدين اني وضياء طلعنا
دخلت الغرفتي راسا اجتني سلوى
سلوى...الله الله شنو هلجمال ياربي كمر لا ولله يخسى الكمر مايوصل الهلجمال
رفيف...شكرا
بدت ادخل عليه المراجعين وانشغلت شويه بعدين طلعت اربد اشرب جاي
واني امشي بلمرر فات اسامه وبابا اتصل يطمن عليه
راسا شلت التليفون
رفيف...هلو حبيبي
من كلت كلمة حبيبي راس التفت عليه اسامه
رفيف...لا تمام الحمد لله كلشي تمام تسلم حبيبي
المهم خلص الدوام وهو بس يباوع من بعيد وما جابلي ورقة طلاكي
جمانه السعيدي
اني بهذا اليوم حسيت مشاعري تغيرت من جهته
مو نفس اللهفه القديمه علي
خلص الدوام واجاني بابا ورجعت للبيت
اسبوع واني اداوم بكل اناقتي وهو بس يباوع من بعيد
اجتني سلوى
سلوى...اريد احجيلج شي يمكن يهمج
رفيف....خير شكووو
سلوى...دكتور أسامه مسولف وياا دكتور نعمان يكول
اني احبه بس امي ماتقبل ازوجه اتكول اتبرا منك اذا ازوجته اني نفسي بيه
ويكول ماتوقعته هلكد قويه عبالي بس اعوفه تنهار ومااداوم لان اعرفه تحبني
بس اتفاجئت بيه شكد قويه توقعت بس اعوفه تجي تتوسل بيه حتى نرجع وتقبل بكل شروطي
الصراحه فاجئني راح اموت من القهر عايشه حياته ولا هامه وجودي من عدمه
رفيف.... لا تتعلمين تنقلين كلام عيب بعدين دكتور نعمان شدعوه ماصبر وراسا حجه كلشي
الصراحه وكع من عيني المفروض مايحجي أسرار الناس
سلوى.... لا بس لان الحجي عليج حبيت اوصلج خبر
رفيف...اي شي مااريد اسمع عن اسامه صفحه ونطوت
واحنا اولاد اليوم
سلوى....بكيفج
رفيف...شوفي اذا اكو مراجعين برا لو خلص
سلوى....اي اكو ثنيين
رفيف.... يله دخليهم شمنتضره
ماانكر كلام سلوى ريح كلبي لان اني انخسر مااخسر
خلص هذا الأسبوع وهو بس يباوع من بعيد
عبالك بزون مكابل شحمه
من كل عقله اني اروح اتوسل بي حتى يرجعلي
هو الي بدأ وهو يتحمل ثمن اخطائه
رفيف....بابا اريد تتصل باسامه اريد ورقة طلاكي
بابا...اي حقج
راسا بابا اتصل علي
بابا...شلونك دكتور اسامه
اسامه...اهلا وسهلا
بابا...وياك ابو رفيف
اسامه...اهلا وسهلا عمو شلونك
بابا....الحمد لله بس بلنسبه الموضوع الطلاك ممكن تستعجل لان مااحب بنتي تبقى معلكه
اسامه....بس
بابا....باجر اذا امكن توصلني ورقة طلاكه
اسامه...تمام اعذرني عمووو
بابا...ماصار شي بعدنا على البر الله وياك
اسامه... في امان الله
رفيف...ثاني يوم اندكت الباب ماما فتحته
اسامه داز ورقة طلاكي بيد ولد
ضجت من شفت ورقة طلاكي لان صعب انسان تغلي
وتعزه وهو يرخصك
هذا كان أكثر شي حز بنفسي
جمانه السعيدي
شيلاء....ولله انتي صاحبت احسن حظ بلدنيا وين اكو وحده تخلص من الشر قبل لا يوكع على راسه
امي...اني هسه ارتاحيت الحمد لله والشكر الف الف الحمد لله والشكر
رفيف...كل هذا الكلام ماطيب الجرح الي صار بكلبي من اسامه اتحولت مشاعر الحب الي بداخلي إلى مشاعر
كره وحقد علي
لان ضحى بيه علمود شغله مالي ايد بيه
المهم من هاي اللحظه كلشي انتهى واني بحالي وهو بحاله
بعدا طلاكي بشهر انتشر خبر خطبة اسامه
امه خاطبتله وحدا من القريه على ذوقه
وشفت الكل بلمستشفى يباركوله وهو يوزع ابتسامات
على الكل
سلوى مافوتت الفرصه جابت صور المهر وصور اله من بيته
الي كان بيتي سابقا
صحيح ماكو صور للعروسه بس اكثر شي قهرني
ماخذ صور بلبيت
والبرده الي اختاريته معلكه وغرفت النوم الي على ذوقي
كاعد على الجربايه وماخذ صوره
واللواحات الي كال انتي تجين وتختارين المكان
معلكهن على الحايط
وميز الطعام الي اختفى رجع بلبيت الميز الخشب
والحايط لونه ابيض مثل مااني ردت
وكانما متعمد ياخذ هاي الصور وينشرها بكروب المستشفى
حتى اشوفه وانقهر
وكانما يكووول كلشي رجع للبيت وانتي استعجلتي بقرارج
مااعرف شلون يزوج على نفس الاثاث الي اني اختاريته
شنو من نفسيه علي همزين كشفته قبل لا ارتبط بي
خلي يزوج كل يوم راح يذكرني وهو يشوف اثاري منتشره بلبيت وكلشي على ذوقي مو ذوقه هو والعروسة
بعد فتره اخذ اجازه حتى يزوج
وكمت مااشوفه بهاي الفتره اتقدملي دكتور بس من غير مستشفى واجا لللمستشفى حتى يشوفني
من فاتحني بلموضوع رفضت اربد اتعافى نهائيا
حتى اكدر ابدي من جديد وابدي صح هلمره
جمانه السعيدي
رجع أسامه والكل يباركله على زواجه هنا اني حسيت
كلشي عادي لا اكره ولا احبه
كلشي بلنسبه اليه انتهى
صادفته بلممر ابتسمت
رفيف...مبروك زواجه الدهر
هو مثل الي تفاجئ مني بقه واكف وصافن
رفيف....الله يسعدك ويهنيك
اسامه...الله يبارك بيج
رفيف...عفته مذهول ومشيت وهو بقه واكف وعينه عليه
صحيح كانت تجربه قاسيه بس طلعت منه سليمه بدون اضرار
بعدها بست اشهر طلع نقل اسامه للناصريه
والكادر حضر حفلة وداع اجتمعو كلهم حتى يودعونه
واني رحت وياهم
ودعته ورجعت الغرفتي
بس خلصت الحفله اجا وراي
اسامه....شكر لان انتي انسانه طيبه واسف اذا ازعجتج بيوم من الايام
رفيف....بلعكس انت انسان محترم واتمنالك كل الخير
أسامه...فرصه سعيد اتمنى نلتقي بضروف احسن
رفيف...انشاء الله
