رواية نعم أحببتك الفصل السادس 6 بقلم انين الليل

بثينه 

جنه نسولف بالكافتريا وانا اشوف صديقاتي يباوعن الي انا جمدت بمكاني عبالي اياد وانا جاي اعيب علي درت 

اتفاجات شفت نفس السخص الي نقذني وهو واكف ومبتسم وبعد ما سلم كلي

انسه بثينه ممكن كلمه على انفراد

انا بصراحه اتفاجئت بطلبه وظليت جامده بمكاني وانا جاي اسمع صوته وهدوئه واشوف اناقته وطريقة 

كلامه صرت ارجف وجهي احس بي صار احمر 

رادت هدى وماجده يكومن هو هز رأسه وكللهن 

:العفو اخذو راحتكم 

بعدين باوعلي وكلي //شويه نتمشى اذا تسمحين وما بيها احراج الج

انا انتبهت على نفسي شنو ما شايفه رياجيل شبيه جريت نفس وكمت على استحياء ومشيت

بس احس دكات كلبي عبالك مكينه دا امشي وانا احس بوجهي صار احمر من الخجل

هو سبقني بخطوة وانا امشي ورا إلى ان وصلنه مكان بالحديقه الي بالكليه كانت

اكو شجرة جواها مسطبه هو وكف وانا هم وكفت كلي //انا آسف ياانسه إذا كنت احرجتج بس انا ردت احجي 

وياج ثاني يوم الحادث لكن صرت اشوفج تجين ويه هذا الولد الضابط

انا بعدني مرتبكه وانوب صوته يخبل ورزانته وهدوئه جاوبته بهدوء ما اعرف خجل 

= ها اي صحيح هو هذا ابن عمي ومن سمع بالحادث بابا طلب منه يوصلني

حسيت بي ضاج /:يعني راح يبقى يوصلج على طول آسف لتدخلي

،،،،،اويلي شوف المنطق والهدوء مو اياد يرعد بالصيف أحاجي نفسي،،،،

=لا لا على شنو الاسف هو بس هاليومين لان بابا طلب منه هذا الشي ويكول بلكي اكدر اوصل للمجرمين 

--احم اح --اتفضل استاذ شنو ردت مني

هوبابتسامه //ردت اكلج الحمد لله ع السلامه ،،

= الصراحه كان المفروض انا اجي ادور عليك واشوفك واتشكرك على الموقف الي سويته وياي 

اشر بايده وگال //لا يا انسه انا ما سويت الي كل واحد يسوي لو كان بمكاني 

=شكرا الك كلك ذووق الي سويته شي چبير الله يخليك 

،هوطلع علبه زغيرة من جيبه وكلي //انسه بثينه ارجوح ضمي هاي العلبه بجنطتج ومن توصلين للبيت يالله 

تفتحيها هذا رجاء خاص 

انا متفاجئه = اي بس مو اعرف شنو بيها وليش تنطيني إياها

هو بهدوء ورجاء//هسه انتي أخذيها وبعدين نسولف انا مضطر اروح لان عندي شغل 

نتواصل بعدين ورجاءا اعذريني زاحمتج

ما خلاني احجي راح والعلبه بايدي انا ضليت صافنه حتى تفكير ما جاي أفكر وانا اشوفه شلون يمشي وهدوئه لو 

لمن خله العلبه بايدي يممه حسيت بكهرباء سرت بكل جسمي هذا شنو من بشر بقيت لازمه العلبه بايدي وصافنه 

قطعت سلسلة الصفنه زميله وياي بالكليه مرت شافتني وحجت وياي كلتلي

: هلو بثينه اشونج سلامات اشو صافنه 

انا انتبهت لكيت روحي واكفه والعلبه بايدي رأسا ضميتها ورديت عليها 

= هلو حبيبتي دينا انتي شونج 

دينا بابتسامه //اني تمام ماشي الحال بس انتي بثينه شبيج اشو مو على بعضج ،

= هاء لا ما كو شي منتظره صديقاتي اشو ما اجن يالله بااي

وعفتها رحت للكافتريا بس وصلت تلكني بهاله فظيعه من الاسئله انا ولا جاوبت كتلهن اتاخرنا ع المحاضرة 

وهنه ولا بطلن اسئله

:بثينه كولي شنو راد منج

:اشو ما تحجيين 

:وج شنو كلج عرفتي اسمه شنو شغله اوو بثينه ليش ما تردين 

هدى كالت //هاي شبيها عبالك منومه مغناطيس 

انا ساكته ظلن يلحن كتلهن بعصبيه 

= شخبصتني راد يطمن علي ويكلي الحمد لله ع السلامه،،،

ماجده /:صدكناج والله يكلها الحمد لله ع السلامه جان كالها يمنا ليش اذا تسمحين ومن رخصتكم وانتو اخذوا راحتكم

بس حتى يكلج الحمد لله ع السلامه 

هدى /:والله هالبثينه سوكها ماشي دكي ع الخشب ناس تنقذها وناس توصلها هاي لو انا وهيج رايدين يخطفوني 

اكتفي براشديين من السيد الوالد وبعد ما كو دوام 

ماجده /:انا اذا اليخطفني مثل هذا لو مثل اياد اوافق اصلا انا اخطفهم واطلب فديه 

باوعتلها = وشتطلبين 

: اتزوج الي يخطفني واعيش ويا بصحراء 

هدى /:وربي صخول ودكي تاتو بحنجج وتتلكينه ياهلا يهلا بابن العم

مجرد ما ذكرت هدى كلمة ابن العم بطني مغصتني وضجت 

كملنه المحاضرات على الساعه 12 وانا بغير عالم افكر بهذا الولد 

وشنو بيها العلبه وكل اشويه اتحسس جنطتي

طلعت لكيت اياد منتظرني ركبت بالسياره وسلمت 

=هلاو اياد 

اياد بابتسامه ::هلا بثينه اشلونج 

باوعتله وهزيتله راسي = تماام 

انا خاله الجنطه على كلبي ولازمتها حيل عبالك راح تنباك مني وتمينا الطريق ساكتين وانا اشوف اياد مرتاح شويه

 باوعلي كلي ::رايده شي يعجبح تمرين ابفد مكان تشترين شغلات 

ابتسمت وجاوبته = لا اياد شكرا انت ناسي اهلي هسه منتظرينه ع الغدا 

اياد باوعلي وكال ::لا ما ناسي بس كلت اذا يعجبج فد شي تاحذي وعلى حسابي 

ضحكت =هههه لازم الدولار مرتفع 

اياد بضحكه :: مو اليوم قبضت 

جاوبته = لا شكرا خلي نرجع هسه منتظرينه ع الغدا 

كلي وهو مبتسم ::اي خلي نرجع اليوم كلش جوعان 

انا ويه نفسي كلت = هو انت يايوم ما جوعان كريمه ملتهيه تكص بالناس فصالات على كيفها وموتتكم من الجوع 

ومن تاكل عبالك سنه ما ضايك الاكل 

(لصراحه كلامي مو بمكانه اياد حتى من يجي ويه اهله البيتنا ما ياكل بس انا اتبلى ع الرجال 😈)

وصلنه للتقاطع وچان اكو رجال ومره يستجدون اياد شال فلوس وانطاهم المره گلتله الله يهنيك ويخليها الك 

هو باوعلي وگال آميين 

ما عقبت على تصرفه وصلنه للبيت نزلنا سلمت وصعدت للغرفه وصلتني رساله عه الواتساب وترميشه عرفتها 

من امي لان احنا متفقين اذا عدنا احد تكتب مسج وترمش انا فتحت النقال وقريت

ألبسي التراك الي عه الجربايه ولفي شالج عدل

عوجت حلگي = لفي شالج عدل عبالك انا بايدي هو شعري حلو وناعم ويطلع شسويله 

انا غسلت ولبست التراك كان لونه مأوي بي خط اسود بجامه طويله وردن طويل 

والقميص كان جوة الركبه عبالك زي هندي وانا ساكته كل مره ابقى احجي لكن هالمره كل همي بالعلبه الي بالجنطه

 والي اول مرة أضمها بالكنتور واقفل واشيل المفتاح واخلي فوك الكنتور 

طلعت لكيت امي فارشه السفره بالصاله وشفت بابا واياد كاعد يمه 

ومظفر كاعد بجهة بابا الثانيه ويمه زيوني وبهاء حسوني بحضن بهاء

انا رحت للمطبخ يم منال وماما نكلنه الغدا كعدت منال هي وماما وانا كعدت كبال اياد الي ما نزل عينه مني 

 شويه نزلت منى طبعا منى ما تدري بمنال جايه لان بالليل ما تنزل والصبح طلعت المدرسه ورجعت حتى ما 

مرت بالمطبخ هاي من شافتنا رفعت ايدها يعني هذا سلام الكل ضحك واخذت حسوني من بهاءء خليته بحظني

ابوي خله دجاج گدام اياد ويگله ايودي ادري بيك تحب الدجاج اكل بالعافيه 

اياد ::الله يعافيك عمي انت اكل لاتعزمني هذا بيتي 

امي //اي والله بيتك 

منال //شنو اشو تعزمون باياد تره انا ورحلي الخطار 

ابوي //ولا واحد بيكم خطار كلكم اصحاب هذا البيت 

مظفر //يدووم البيت واهله 

 اتغدينه واشوف اياد ياكل ويباوعلي انا خليت بصحني تمن وشويه لحم وروبه وصرت اكل وكل ما ارفع راسي اشوفه يباوعلي وره الغدا لمينه الصحون انا ومنال ورحنا للمطبخ 

 زيوني صعدالغرفته لان تعبان وما نايم وطالع للمحل من وكت

وابوي واياد ومظفر الغرفة الضيوف وامي كالت المنال اخذيلهم جاي

وانا بقيت أكف بالمواعين واغسلهن تقريبا نص ساعه امي راحت للغرفه 

لان شفت ابوي دخل يرتاح اكيد استاذن منهم 

 وانا بقيت أنظف بالمطبخ إجه اياد شافني جاي أنظف ضحك وكلي 

::لعد شلون يكولون ما تعرفين تشتغلين مبين عليج ست بيت ماهره،

،،انا ضحكت وحجيت باستهزاء = منوضحك عليك وكلك ست بيت ماهره تره بس أغسل المواعين

ولأن اليوم خميس نظفت المطبخ يمعود انا مو مال شغل

اياد بامتعاظ ::مشكوره بثينه يعني انا يضحكون علي واصدك 

حسيت على نفسي وشلون جطيت بالكلام كتله 

 = اسفه والله ما اقصد بس الي كلك جذاب انا كل شي ما اعرف

اياد::تره بثينه انتي فسرتي الكلام غلط يعني وصلولي انتي كل شي

ما تعرفين بس انا من شفتج كلت ست بيت شاطره

انا وصلت يمه وابتسمت = الله لاتزعل انا شاطره امم اغسل مواعين وانظف المطبخ واسوي جاي وحليب البابا

امم ها واسوي كيك وكاستر 

اياد :: حلو تدرين احب الكاستر 

= صدوك ولا يهمك مره اللخ اسويلك تستاهل شكم اياد عدنا 

هو ضحك وكلي ::تسلمين بت عمي اكلج بثينه انا هاي الأسبوعين عندي شغل يمكن ما اكدر اوصلج للكليه شنو 

رايج ادزلج سايق من الدائرة ياخذج ويرجعج بسيارتي

انا من سمعت طرت من الفرحه وكلت الاياد

= لا عليمن انا اروح ويه البنات والمسافة مو كلش بعيده واذا احتاحك

 اني راح اتصل عليك اكيد 

اياد من سمع اتصل من احتاجك فرح حاجاني::انتي عندج رقمي انا ما عندي رقمج

انا--لا منيلي عود أخذه من زيوني 

طبعا انا احجي وياه وانا أمسح الكاونترات إجه يمي كلي

اياد ::زين بثينه سيفي رقمي يمج 

باوعتله =مو نقالي بالغرفه ما نزلته كتلك اخذ الرقم من زيوني 

هو اتحسر وكلي ::انا رايح اي شي تحتاجين كليلي

انا بدون ما اباوع اله = ان شالله الله وياك شكرا تعبتك هاي الايام وياي 

اياد::العفو بثينه ما بيناتنا انتي تامرين وتدللين 

انا بدون ما اباوع علي كتله = شكرا ما قصرت

،،،،طلع اياد احس چان فد شي گاطع عني الهوى واحجي ويه روحي

--اي دروح لزكت خو ما لزكت شكد غثيث يأبويه على كولت نبأ

(هاي صديقتي أصلهم من ذي قار وسكنو بغداد قبل فتره وهي هيج تحجي فأنا كل ما اضوج أتذكر سوالفها واصير

 اقلدها وهي من تشوف وحده بالكليه شايفه نفسها تبقى تقلد وتعوج بحلكها واحنا نسمعها ونضحك خصوصا من تكول 

لج دادا عزا بعينج 

اوووي هاي شنو 

ومن تشوفني اضحك تكملها 

جا لعد شنهي بس انتن تعرفن تحجن وتتبغددن )

راح اياد وانا صعدت اركض وقفلت الغرفه عليه وانا ارجف بصراحه اول مره اقفل الغرفه علي 

طلعت الجنطه ونا ارجف وكلبي يدك سريع وفتحتها بسرعه أخذت العلبه لكيت قصاصة ورق زغيره أخذت القصاصه 

وانا ارجف لكيت بيها رقم تلفون كاتبلي بالورقة //

سيفي بالنقال رقمي اوالج مطلق الحريه ان تاخذينه اولا وانا آسف على جرأتي بس ،،،

اشو هذا ما مكمل الجمله

طبعا كتبت الرقم بنقالي واتصلت وراسا قطعت الاتصال وانا احجي ويه روحي 

= هسه شيكول شبيها انا صدك ما افتهم خلي اثكل شويه 

باوعت الورقه ملاحظه

(اذا سيفتي الرقم الورقه مزقيها قطع صغيرة ورميها بسلة المهملات)

انا هم بسرعة مزقتها ورميتها باوعت للعلبه شفت جيس ورق صغير 

فتحته لكيت بي سبحه مثل السبحه الي ضاعت لا هاي احلى باوعتلها وانا مرتبكه

شويه اجتني رساله بالواتساب ،،،

هذا رقمج انسه بثينه

جاوبته بخجل عبالك هو كدامي = اي 

 رد عليه //مو تدرين من الساعه بالوحده لحد هسه منتظر اتصالج وانتي ابد ولا كأنه

انا تعجبت وكلت لازم ارد علي علمود افتهم فلم السبحه شنو 

= اسفه استاذ اعذرني چان عدنا خطار ولجة الغدا والمواعين 

: تمام ما صار شي 

سالته =شنو هاي أستاذ؟

:سعد اسمي سعد انسه بثينه

كتبتله باستغراب = لحظه حضرتك منين تعرف اسمي

سعد//بصراحه عرفته يوم الحادث لمن صديقتح كامت تعيط

= زين وهاي شنو 

اخذت صورة للكلاده ودزيتها

سعد كتبلي//شوفي بيوم الحادث سمعتج تحجين ويه صديقاتج انو السبحه مالتج ضاعت وانا بصراحه جنت 

شايفها عليج وانتي لابستها طبعا اسمحيلي اكلج كانت تخبل عليج من رحتي للبيت ورة ما وصلتج

رجعت دورت عليها ما لكيتها ضجت لان احسها شي غالي على كلبج 

جاوبته = اي فعلا كلش غاليه عليه لان بابا اشتراها الي من نجحت 

سعد/ها شفتي يا انسه عرفت انها غاليه وتعزيها هواي فانا رحت المحل صياغة حبيت اهديج إياها 

لان اعرف راح تكون لابستها احلى وانزك ركبه بالعالم

انا بذهول وخجل عبالك هو واكف كدا مي = أشكرك بس ما اكدر اقبلها

سعد// تسمحيلي انسه بثينه نكون أصدقاء 

رديت = اكيد يا استاذ سعد انت صاحب فضل علي وانا الي الشرف

سعد//لالا تكولين هيج اي واحد مكاني يسوي هيج وأكثر شنو فضل 

بس انا الحقيقه اتمنى من زمان أن نكون أصدقاء لكن ما عرفت اشلون

 ابدي وياج فمن صارت الحادثه يعني ااه تكدرين تكولين صارت سبب حتى اشوفج واسمع صوتج واشوف كتابتج 

وارجو ان تقبلين أنو نكون أصدقاء

احس جاي يكتب لي بمنتهى الهدوء جاوبته = بكل سرور انت صداقتك شرف كبير الي

سعد//زين إذن احنه متفقين انو احنه أصدقاء وهاي هديه من صديق الاعز صديقه 

رديت = بس والله ما اكدر أخذها

سعد//ليش تحلفين هاي شي بسيط

انا اكتب وانا مرتبكه = صدكني اني عندي هواي يعني مو مشكله اذا ضاعت فدوه

سعد//أدري عندج هواي الله يزيدج انا حبيت اخليها عربون صداقه رجاءا اقبليها 

=شكرا يا استاذ بس صعبه ما اگدر 

سعد //طيب خلي نتفق 

=شلون ما افتهمت 

سعد //هسه البسيها يوم يومين وبعدين رجعيها اتمنى تقبلين 

=ولو طلب غريب بس مي خالف 

شكرا كلج ذووق 

=انا الي لازم اتشكرك شكرا كثيير ارجع جمايلك بالافراح

سعد//انا اريدج ترجعيها انو انتي تتحملين ثقل دمي لان راح اضوجج برسايلي

جاوبته = لا ابد اصلا الحديث وياك ممتع ومدا احس بالوقت

سعد//اي كليلي منو خطاركم، ،،

،صرت اكتب باسترسال ويا ما حسيت بالوقت إلا صايرة دنيا ليل وفزيت على صوت امي وهي تصيحلي انا كتله 

لازم انزل لان ماما رايدتني 

سعد//اي انزلي بس ا كتبيني بجهات الاتصال (سعاد) وخلي نقالج صامت وخلي ع الشحن

انا رديت علي كتله = ماشي،،،

كتبت على اسمه سعاد وانا متعجبه من نفسي واكول = هذا ما ناسي اي شي لا ويخاف خاف احد

يشوف نقالي يكلي ا كتبيني سعاد من فدوة تروحلك سعاد واهلها 

شنو هالثقافه والكياسه والاناقة ياربي يخبل

نزلت عبالك توني فايقة من بنج عمليه كل شي ما أفكر بس بي

 وبكلامه واناقته ورجولته

لكيت ماما كالت// شنو كله نوم

= لا حبي جنت اسولف ويه صديقاتي

كالت امي// خالاتج جايات هنه والبنات علمود يشوفن منوله واتفقوا زين ومظفر كال ياخذكم للحديقه ويجيبولكم

عشا من المطعم يالله حضري روحج 

فرحت رحت بسرعه سبحت وبدلت لبست بنطلون جينز وقميص قصير حطيت الشال

بس لبست ترانشوز واجن بنات خالاتي خلي اعرفكم على خالاتي 

خالتي رجاء ارمله وعدها بس بنيه اسمها تماضر بكدي هي معهد طبي خالتي رجاء ربة بيت وعايشه من تقاعد 

 زوجها الي چان موظف بالصحه وبابا ابد ما مقصر منها وتماضر بتها اعز صديقه اليه واكثر من اختي

خالتي سميره عدها 3 بنات مروة وصفا وسارة عمرها 7 سنوات

مروة مرحله رابعه تربيه جغرافية خالتي سميره معلمه

وصفا معهد اداره وساره ثاني ابتدائي وعدها ولد واحد هو ليث مكمل هندسة كهرباء 

ويشتغل بشركه اهليه وخطب زميله ويا بنفس الشركه

بس اجوي سلمت ع خالاتي وانا والبنات طلعنه بقن خالاتي يم امي واحنا رحنا بهاء راح ويانه وحتى منى 

جابولنه عشا وتعشينه وتونسنا ورجعنا فايت وكت طبعا منال وزوجها ومنى وبهاء بسيارة مظفر وانا والبنات بسيارة 

زيوني رجعنه لكيت جايينه بيت عمي صابر وشفت كريمه وساهره ورغد وامي وخالآتي كاعدات ويسولفن 

وابوي وعمي صابر واياد ومحمد بالديوان 

احنه دخلنه وسلمت اني من شفت ساهره الي گلتلي 

شگد مكروهه ليش رحتي وما دزيتي عليه 

ضحكت وگتلها =بهاي الج حق بس والله نسيت 

عمه كريمه //ساهره لا تعتبين هي رايحه ويه بنات خالتها 

امي //ياا واذا رايحه ويه بنات خالتها ساهره اختها وهم اختهن 

خاله رجاء // ام محمد وداعتج تماضر تحب ساهره وتموت عليها 

انا اتقربت منها وگلت =عمه انا ما افرق يجوز انتي تفرقين بس انا لا 

كريمه //وچ انتي ليش ما تلزمين السانج 

امي خزرتني انا فكرت لازم ما اطخ وياها اخاف هذا ابنها المخبل يسمع ويحچي بسالفتي مالت الكليه 

اتقربت منها وبستها وانا اضحك =والله ياعمتي الغاليه سامعه بالمثل الي يگول من حبك لاشاك وانا يمممه وما الج 

عليه يمين اموت عليج احبج من الله ها وعلى الساني ابوي الي هو ابن عمج يگلي انتي طالعه على عمتج حجحححححج

ام محمد ما تفوتين حچايه 

كريمه هزت ايدها //خوش حسين مبيض صفحتي يشبهج بيه 

خالتي سميره //شرايحلها بثينه لو تشبهج ام محمد انتي منو مثلج ما شاء الله ربيتي ولد ونعم التربيه وساهره

ما منها اثنين الله يخليها 

وفيقه //هو حسين من گد ما يحبج يشبه بثينه بيح يگول ام محمد سباعيه وخيره 

نهى هذا النقاش جية بهاء وهو يگول عمه يگول اياد هم ياالله نروح ورا دواام 

وراحت كريمه وانا اتوسلت بساهره تبقى ويانه بس هي اعتذرت من راحت كريمه امي باوعت الخالاتي وگالت 

بثينه راح تموتني قهر كل ما تجي كريمه لازم تسويلها عركه 

خاله رجاء //وفيقه انتي ما تعرفيها 

اعرفها بس بتي ما تعرفها 

خاله سميره باوعتلي //خاله بثينه مريمه مره چبيره وهي تجي مو محبة بيكم بس تجي ويه رجلها وابنها انتي 

تحملي هالساعه ساعتين 

=خاله ما تنهضم وكل ما تجي تسوي عركه وياي 

امي //واناي هم ما مقصره تردين الحچايه عشره 

=اي مو تكولون طالعه عليها خلي تتحملني 

ضحكنا واحنه البنات صعدنه الغرفتي وخلينه الجماعه بالصاله وكعدنا نسولف ونحشش ونختار موديلات من النت 

وانا ورغم هذا بقيت افكر بسعد وانا بالاساس ما اكدر اراسله وهنه كاعدات وهذن عبالك جوعانات سوالف

بكلبي اكلهن =اي دا نامن اطلعن خلي اشوفه ماكو ولا يحسن بنات اللذين 

ظليت الووب اريدهن ينامن ابد لمن ما مروه سالتني 

:اكلج بثينه الله عليج الي نقذج حلو لو هذا انشوفه بس بالمسلسلات 

انا ابتسمت تماضر كالت // ما طوول ابتسمت يعني حلوو موو 

انا هزيت راسي 

مروه// شلعتي كلبي احجي 

جاوبت = هو مو حلو بقدر ما تحسين بي عنده رجوله وجاذبيه 

مروه //هلا هلا جاذبيه شلون عرفتي شنو حجه وياج سولفتوا 

انا بارتباك = لا شنو حجى وياي بس من شفته شلون دافع عني عرفته هو شهم ورجال 

صفا /:اشو سويتيها دراما دافع عني وشهم ضربهم وسحوا وبعدين كام وضربهم 

= لا مو هيج هو يمكن متمرن ع الفنون القتاليه 

مروه //لج خاف متدرب ع الفنون الجميله 

وضحكن وانا اتمنى اتواصل ويا بس ما اكدر بقيت افكر الى ان غلبني النوم 

شكرا لزيارتكم عالم روايات سكيرهوم