رواية نهوة عمامي الفصل السابع بقلم مرج البحر
سارة: طلعنه لكينه الجيران ملتمين بالشارع وكالو هذول ثنين ولد وياهم ثنين نسوان واحد منهم رمه عليكم
طبعاً سيف هو الي رمه
لان نجلاء كايلتله سارة تكول طول عمره ما يشوف ابنه وطبعا اني ما كايله هذا الكلام وهو متخبل واجه رمه على بيت اهلي
وثاني يوم صارت هوست الزلم انترس البيت همه جايبين الزلم وطاحو على عمي وابوي وبقت الهوسه ويوميه ناس رايحه وناس جايه لحد ما خلصت الاربعين وصارت كعده مال شيوخ اكثر من عشيره اتدخلت من غير الساده ورادوني ارجع اول مره ما قبلت ارجع بعدين كالو نريد الطفل خل تنطينيا واحنه انطلك وعمي حميد كال اي ناخذ وننطيه لنجلاء هيه تربيه وسيف نزوجه لان ملينه صار اكثر من سنه انتي يم اهلج
بس هو سيف ما قبل يتزوج واني كتلهم ابني ما انطيه لو تنطبك السمه على الكاع ورى كم يوم هم اجت مشيه مال شيوخ وجانو جايبين وياهم سيد كلش معروف وابوي وعمي ما كدرو يرجعو ودخل ابوي للغرفه وكال
اني ما اجبرج بس هذا السيد ما نكدر نرجع احجايته يالله بابا شنو رايج اذا ما ترجعين خل ياخذون ابنهم
اني ما قبلت انطيهم ابني وافقت ارجع طلع ابوي ورجعلهم خبر بان اني وافقت ارجع بس مو اليوم لان مريضه من هبطت الرمي ورى كم يوم جنت نايمه الصبح لان بليل ما انام من ورى يوسف بس يبجي الليل كله ولان جايه عمتي اقبال وياهيه خالتي ونسوان جيرانه ثنين وكالت اجينه نرجعج وكمت سبحت وامي حضرت ملابسي وغراض يوسف ورجعت وياهن وصار وكت الضهر ورجعو عمي والولد من الشغل وسلمت على عمي وياسين
وسيف اجه راد يسلم علىه اني ما قبلت وكتله لا حسبالك رجعت على مودك لا اني رجعت لخاطر ابني وبس
وخليت ورحت للغرفه وحتى ما خليته يشوف ابنه ورى شويه صاحوني على الغده وطلعت تغدينه وكمت نضفت وي البنات وطبيت غرفتي لكيته خال يوسف على الجربايه. ويلعب وياه وكام يعتذر
بس سامحيني والله ما تنعاد
بس اني قفلت كتله ابد والله تحلم اني اراضيك وبقينه تقريبن شهر اني ما احاجيه وهوه ابد ما مل يوميه يكعد يعتذر ويتوسل يريد اراضيه وجابلي سوار ذهب كال
هاي مال سلامتج وامه وخواته ماتن من الحركه لان جابلي واني ما اقبل اراضيه وكامن يحجن عليه وعمتي وصلت الاهلي بان اني ما احجي وي سيف وكم مره تعاركني لان تسمع بي يتوسل ويبجي بليل وحتى تفوت ايام هو ما ينام واني مليت من الحجي والصياح مالت امه وراضيته
وفاتت ايام بس يوسف حيل تعبني بس يبجي ملينه يوميه ناخذه للدكتور وللساده ما خلينه سيد يعتب علينه ولا دكتور ما رحناله والسيد كال صايره بي خوفه من هو بالنفاس وصح مال الرمي لان اني نهبطت وصارت بيه وصار عمره سنه وديناه للحلاق على مود نسويله عيد ميلاد بس هو ابد ما صحه دوم مريض وماله خلك وسويتله عيد ميلاد وصار حلو وفاتت ايام وكامت حماتي نجلاء دائما تجينه ومن تجه تبقه بس تدختل بالغرف وتخابر التليفون ما يطيح من ايده ابد شكينه بيها من نسالها تكول رجلي لو حماتي لحد ما فد يوم بليل كاعدين نباوع على مسلسل نور ومهند وطب سيف عصبي وصاحني للغرفه وطلب مني رقم نجلاء انطيته اله وطلع ورى كم يوم حماتي جنان جابت ولد واجت يمي بالغرفه واني جنت ارضع يوسف ورى شويه ابني ما ادري شصاله راستن كب نار وكام حتي ما يبجي ورحت اريد اجيبله عصير رجعت لكيته.....
شكرا لزيارتكم عالم روايات سكيرهوم
