رواية دكتوره رفيف الفصل السابع بقلم جمانه السعيدي
رفيف....بعد ماشفت اسامه الحمد لله من ودعنا كانت هاي اخر مره اشوفه
بعدها كذا واحد تقدملي واحد استاذ جامعي شافني بعرس
شيلاء
وواحد دكتور صيدلاني وواحد معاون طبيب
بس ماكنت اقتنع ابد مااعرف ليش
ماحسيت اي واحد منهم قريب على روحي
وكنت مااجله الموضوع شويه
الحد نهاية سنة ٢٠١٩ باحداث تورة تشرين
كل الي بلمستشفى راحو وقدمو الدعم للشباب
اني الوحيده الي كنت متردده مااعرف ليش
مو مسئلة مامقتنعه بلثوره لان الثوره قامت من أجل العراقيين حتى ادافع عن حقوقهم
بس كنت متردده حيل وخايفه وخاصه واني اشوف
القتلى والجرح كل يوم
فات شهر العاشر واني مارحت وكنت اسمع عن الشباب الي توكع كل يوم واحد ورا واحد
شي قتلى وشي جرحى والممرضات كانو يجون يحجون عن الأجواء هناك شلون حماسيه
جمانه السعيدي
قررت اسئل بابا اذا يقبل اروح
رفيف...بابا اريد اروح الساحة التحرير
بابا...شسوين
رفيف...اساعد على كد مااكدر اكو اصابات خطيره
وهم اريد اتبرع بمبلغ اشتري بي علاجات للجرحى
بابا...اني اخاف عليج
رفيف...قابل بس اني الاف البنات والولد هناك وكله تساعد على كد ماتكدر
مايصير يمر هيج حدث بدون مااشارك
اصلا منضري محلو كدام كادر المستشفى الكل راح وشارك
حتى عمال النضافه واني كاعده وساكته
بابا....بس تكونين حذره وديري بالج وماكو مبيت هناك
ترجعين تبانين بلبيت
رفيف...تمام
اليوم الي بعدا خلص دوام المستشفى لبست بنطرون جينز
وبدي ردن اسود ورحت وياا بنيه دكتوره صديقتي
وسلوى راحت ويانه
الأجواء كانت تخبل حلوه بشكل مو معقول ابد
ولا عبالك اكو قصف ورمي بس الأجواء كانت حلوه
وحماسيه بشكل مو معقول
الاكل متوفر بكل انواعه والجاي والكهوه
والموسيقى والاناشيد الحماسيه
تحسسك انت داخل حرب منتصر بيه من اول لحظه تخلي رجلك بلمكان
اخذني الحماس وساعدت مجموعه من الشباب
بلعلاج والادويه والضمادات
كادر المستشفى الي يعرفوني كلهم من يشوفوني دكتوره شجابج هنا نخاف عليج
رفيف...ابتسم واكول لا تخافون قل لن يصيبنا إلا ماكتب الله لنا
صارت روحتي كل يوم الساحة التحرير ادمان
مااكدر مااروح وارجع بليل للبيت اسبح وانام والصبح
اكعد احجي كلشي صار وياي الاهلي
حتى شيلاء اتصل واحجيله تقاصيل يومي
اطلع للمستشفى ومناك اروح الساحة التحرير
حسيت نفسي جاي اقدم شي عظيم
واني اساعد الشباب هناك
على فكره اني ماعندي اي ميول ديني ولا انتمي الاي حزب
انسانه اصوم واصلي اعبد رب العالمين
ومبتعده عن كل شي يسبب مشاكل
يعني بحالي من الاخيرررر
بس التجربه عجبتني حيل حسيت نفسي انسانه ثانيه
جمانه السعيدي
شهر ال ١١ كله اني كل يوم اروح حتى يوم الجمعه اروح
بدت مرحلة الاعتقالات والاغتيالات
وخاصه للناشطين والناس المهمه
بابا خاف عليه ومنعني من الروحه هناك
يومين مارحت بس ماكدرت ابد الأجواء هناك غير
تحسين نفسج فعلا انسانه اله كيانه وقيمته
رجعت اروح بس احاول اكون حذره وارجع من وكت
لو واحد من الشباب يوصلني بسيارته
قصدي الشباب الي يشتغلون وياي بلمستشفى
تحديدا يوم ٢ بشهر ال١٢ رجعت للبيت الساعه عشره بليل
ردت احد يوصلني ماكو احد
بعدين الطرق كله مسدوده يعني لازم امشي مسافه
يله اكدر اوصل المكان السيارات لو التكاتك
كلت يله اني قابل شعليه امشي واول تكتك يصادفني اصعد
بعد وكت يعني الوكت مو متأخر حيل
طبعا اني كله اروح لابسه بنطرون وبلوز لان الدنيا بارده وهم أسهل عليه بلحركه
شلت الروب الطبي بايدي وجنطتي على كتفي ومشيت طلعت من الشارع الاول كان اكو بي ناس رايحه وجايه
دخلت بلفرع الثاني
فرع ضيك بداية اكو ضوا بعدين للنهايه ماكو ضوا
بس اسمع صوت السيارات والتكاتك
صوت مو قريب كلش
باوعت اكو ثنيين شباب يمشون جايين باتجاهي
كلت هاي هي امان اكو ناس بلشارع
قابل اني شعليه كنت خايفه بس اكابر مااريد أبين اني خايفه
راسا اجت سيارره من بداية الشارع اني راسا اشرتله
وخاصه من شفته تكسي ولونه اصفر
وكف قريب عليه
رفيف...السلام عليكم توصلني
السايق...اي اصعدي
فتحت الباب الورا وصعدت وجان الولد الي شفتهن بلشارع
مااعرف شلون وصلو يمي
وواحد دخل من هاي الباب وواحد دفعني ودخل من وراي
يعني اني صرت بلنص
رفيف...شكووو من رخصتكم اني ااجرته
راسا واحد كمش اديه وواحد خله وصله على حلكي وبعد ماحسيت بااي شي
وعيت لكيت الدنيا فجر يعني نايمه اليل كله
مربوطه اديه ليوره ورجليه هم مربوطه بغرفه واكو واحد
هم مربوطه ادي ورجلي وكاعد بااخير الغرفه
يعني كاعد وغافي
الغرفه مابيه اي شي لا فراش ولا غراض ولا ستاره
رفعت راسي بعدني دايخه
رجعت نزلت راسي اريد استوعب اني شنو صار وياي
غمضت عيوني شويه
ورجعت فتحتهن اذكرت الولد الي صعدو وياي بلسياره
رجعت فتحت عيوني حاولت اكعد رجليه مربوطه
واديه
واكو وصله على حلكي
خفت كلت هاي هي هاي نهايتي
هاي المليشيات والعصابات الي ياخذونه بعد مايرجع
هاهي هاي نهايتي
جمانه السعيدي
ماما وبابا كانو ماامنيبن اني يوميه ارجع للبيت ولا يوم ماراجعه نايمين ومايعرفون اي شي
لمن كعدو الصبح ومالكتني امي
ماما...ابو صميم رفيف ماكو بغرفته
بابا...لا تخافين رفيف تعرف تصرف لا تخافين عليه
اتصلو على تليفوني يرن ومحد يجاوب
بابا...ايجوز مشغوله بتضميد الجرحى وماتكدر ترد علينا
لا تخافين اني راح أضل اتصل عليه منا لمن اجاوب واطمن عليه
رفيف....حسيت نفسي بردانه لان ممدده على الكاع بدون فراش والغرفه بارده وخاصه احنا هسه بسهر ١٢ الدنيا حيل بارده
شفت الولد الي وياي بلغرفه فتحت عيونه
كمت اصيح بس مايطلع صوتي يطلع الحجي على شكل
ممممم مممممم
لان حلكي مربوط
هو مربوطه ايده ليوره ورجلي مربوطات ومضروب ضرب مو طبيعي
بحيث وجه صاير خارطه
واكو دم جاف على وجه
باوع عليه وكال يامسكينه وكعتي باديهم
رجعت اصيح علي امممم اممممم
كنت اريده يساعدني بس شلون يساعدني وهو مربوط
سمع صوتهم جايين علينا
كال اششش سوي نفسج نايمه لا تتحركين
طبعا اني كتلني البرد الكاع بارده كلش
رجعت غمضت عيوني وهو هم غمض عيونه
دخل واحد باوع علينا ورجع طلع
اسمعه يحجي وياا واحد ثاني يكله شكد خليت مخدر ولك هاي البنيه عبالك ميته
تقدم وحركني واني عبالك ميته حتى النفس كطعته
...شكد حلوه وريحته طيبه
عافني وطلع
ذاك يرد علي خليت شويه مخدر بس هي مامتعوده على المخدر يمته يجي عامر حتى يستلمهم وناخذ اتعابنه
...مو بنيه ضيم
....عوفه لا اجيبلنا مشاكل عامر مايتفاهم ابد
رد علي الثاني...بلكت اليوم يبين خل انام اني تعبان والبارحة ماكدرت انام ابد
بعدين ابتعد عن الغرفه
رجعت فتحت عيوني الولد كال اوكفي خل اساعدج
كام يمشي على مقعده يعني يسحب الكاع برجلي ويتقدم
عليه شويه شويه منا لمن وصل يمي
اتمدد وكال حاولي اجيببن اديج يم حلكي
رفيف...فريت نفسي وقربت اديه علي بدا يقرب حلكه ويحاول يفتح الحبل كانو رابطيني بقوه
بقه اكثر من ربع ساعه وهو يحاول يله كدر يفتح الحبل
حسيت اديه يوجعني حيل من الحبل
الولد....يله بسرعه افتحي رجليج وساعدني ماعدنا وقت
كعدت وفتحت الوصله الي على حلكي وفتحت رجليه
راسا سمعنا واحد يحجي برا اني جمدت من الخوف
الولد...بسرعه يله ساعديني
رفيف.... فتحت ادي اثاري واحد منهم طالع للتوالبت ويسولف على صديقه
يعني بعدهم كاعدين
الولد...فتح رجلي راد يكوم ووكع لان هواي ضاربي
والله يعلم شكد صار حابسينه بدون اكل
رجع حاول مره ثانيه وكدر يوكف على حيله بس يعرج
رجله ضاربي عليه والدنيا بارده وتوجعه
وكف ورا الباب حاول يفتح الباب بس مقفول من برا
الغرفه ما عليه بناء يعني كبل حوش وبنائه جديد
يعني هذا البيت قيد البناء وبعدا ماكامل
باوع من فتحت الباب المفتاح موجود برا
جمانه السعيدي
كام يباوع بلكاع
رفيف...شتريد بصوت ناصي
هاشم...اريد شي ادفع المفتاح واسحبه من جوا
مديت ايدي لكيت ماشه بشعري طلعته وانطيته اله
اديه صارن قوالب ثلج ورجليه جمدن
اباوع يحاول يوكع المفتاح وادي مجرحات وكلهن دم جامد
بقه يحاول اكثر من عشر دقايق
وكع اامفتاح طلع صوت
سكتنا ثنيبنه خاف يسمعونه
بس همه بلغرفه الثانيه وطابكين الباب عليهم ومتغطين ونايمين ماحسو باي شي
دنك يسحب المفتاح بس وكع بعيد واصابعه ماتوصله
رجع يحاول يقربه بلماشه يحاول يقربه على فتحت
الباب من جوه
اكثر من عشر محاولات بس بدون فايده
رفيف....بصوت ناصي خل احاول اني اديه ازغر من اديك
دنكت هم ماوصلن اديه للمفتاح
بعدين بلماشه كمت احركه شويه شويه منا لمن صار قريب وكدرت اسحبه بثنتين اصابع
بس لزمته راسا سمعنا واحد منهم كح
اني انخطف لوني وجمدت
راسا هذا الولد لزم اديه واشرلي لا تخافين اش
بعدنا مافاتحين الباب دك تليفون واحد منهم
هذا الولد لازم المفتاح خله اذنه على الباب
سمعنا هذا الي رن تليفونه يكووول
...كلشي تمام البنيه جبناها ومنتضرينك
هااا شويه وتوصل تمام
للحكايه بقيه تفاعل حلو مثلكم
بعد ماكو بارت ايدي توجعني
