رواية اصفاد الود الفصل السادس بقلم زهرة الرمان
سعدون عقل رافض فكره جواد ياخذ ختمي
والأصعب ما دافع عن نفسه ولا برر ولا نطق
جلاب انت شفته اخذه
جلاب اي عمي شفته وهم انه من جنه نبات سوه بالمغازه اشوفه يحسب بالشلايف لو يكول هذا هلكد يصيرن فلوسهن وهيج حجيه كله عيونه على حلالك وكال مره عد سعدون شختوره مكريها
الشختوره هي زورق بوقتها حديث جدآ امتلاكه الا للذوات النفوذ والمنصب والثروه)
شمعرفه بهاي السالفه لوما يبحوش وره العدك والماعدك
سعدون
جلاب ابن صديقي وأبوه اعرفه خوش انسان ما شكيت لحضه
بس شنشل دومه يكول عنه خوينس والخوينس ينخاف منه
تمنيت كلام جلاب غلط من كال يريد يروح لهله ياخذ الختم وشوف شيسوي
. الاكدلي كلامه جواد بيومها يحوس كالي اريد اروح لهلي وكال لشنشل
بعد ما راح جواد بقيت مضايگ كلش غالب يتشد ع جواد يحبه يلاعبه علمه ع السبح يلعبه هواي شايل بيتي شيول جواد مايمل ولا عنده عيون مو حلوه هم
نفسه عزيزه كلش لو ميت جوع مايكرب لزاد الا اكله والح عليه. وانه ابن سوك الما يصبر على بطنه ولا على عيونه ما يتورع بالامانه لذلك ما ارتاحيت كلش
اجاني خليف بشغل سولفتله عن جواد عدل كعده وباوع عليه
خليف
انه متعلم عليك تشخل بنادم يجوز ضني جواد موش زين معقول انه حيل آمنت بيه وكفاته مو مال غدار لو دني نفس شوف سعدون هاي مصارينك المتعكده معناتها انت بداخل روحك ماتريد جواد يطلع هيج
سعدون
اي والله خليف كلش احس گفاي بيه جانون مسعر(جانون يعني كانون يعني مكان جمر)
خليف انه ماكدر اكولن موش هو بس انه رايح لديرته واشوفنه وهو اذا مستهضم لو يجذب ويغطي ثنينهن رايح يحجي واعرف منه الصدك والجذب العيون تفضح وياما مرت علينه أشكال
سعدون
انتضر ع نار جيه خليف وما كلت لاحد حتى شنشل ماكتله لحد ما اجاني شنشل كال خليف اجه. دخله
شنشل ممنوع احد يجي هنا لاتخلي احد يدش وسد الباب
. خليف
سويت روحي شفته هيج على لاهيتي رحب بيه وعزمني ومثل ما كلت لو مستهضم لو يجذب
حجالي كلشي الصار بس طاحت دموعه مستهضم حجالي هواي سوالف بس ما جاب سيره هو هيج واكفلك ابد بس حمدك بس يكول ضني انه عدي مجان بكلب سعدون وهو هذا الزوهرني
سعدون
يعنى جواد بري
خليف
هيج وصل گلبي حجيه يمثل معقول شتكول
سعدون لا عمره ما بين شي و كلبه شي ابد جا خليف انه ضلمت جواد؟
خليف
المنك لازم تحطهم ثنينهم وتواجهم شمعرفك بالكلوب
سعدون. من گلبك يأمن بأحد تصير عليك ثكيله اذا سمعت بيه لوله ما شافن بعد عيوني
تشكرت من خليف وطلبت منه يبقى الموضوع بينه
بقيت بنفسي اراقب جلاب وشنشل يجوز هم الي سووها
تفاجأت ذاك اليوم اجاني ابو جلاب يخطب بتي
ام غالب
انه ماعلمت بغيب الله بس اضن خطب البت لان يجوز شافك من كلت جواد نسيبي كال انه اصير بمجانه واخذ بت سعدون وابوي صااحبه
والا ماشفت جواد ماكو أعز من الروح وفده بنفسه حتى ما يخرب عرس بتنه
سعدون
زاد قهري كلت لشنشل يروح يجيب جواد
مارضه جواد يرد
شنشل اربدنك عينك على جلاب هالمده
سعدون احج شلكيت
شنشل
البارحه كلت ماطول عمي راد اراقب جلاب رديت بليل للمغازه
ولكيت جلاب وياه هايم ونفاع يشربون وره المغازه والريحه واصله لآخر الدرب
سعدون هاي عملته على روحه مانكدر نكول هو سوه الدزنه(الدكه او الشي المو زين) الغمه بجواد
بس لابد احاسبه ما يخلي يشرب حرام بمغازتي
تعال جلاب هو ونفاع وهايم شنهي البارحه يكول عوزكم بس اجيبون ترفه ترگصلكم
ولكم باب رزق تشربون محرم بمجاني
جلاب
عمي
سعدون اسسس وعمه اليعميك
كلكم تردون لهلكم مامش خبزه الكم بعد منا لشهر ضلو ابلعو هوه اخير حتى تحسون بقيمه اللكمه يلا مالكم معاش لشهر ربو أرواحكم ونضفوهن يله تجون تشتغلون عدي
جلاب عمي هذا ضلم احنه ماشربنه بالمغازه
سعدون انه ضالم جلاب امش من وشي لوما كرامه لابوك انه طاردكم بس لو هذا نفاع الي عده امه خرسه ونثايا اخوات بركبته
لو هايم الي استغفر الله
هايم كولها عمي احد ما يعرف بابوي بالسجن
سعدون ماخذت احد بذنب غيره انتم اذنبتو يلا ولو مني
ابقو عاينو ع الكمر لمن يهل هلال جديد يلا تردن وهم كون مامش السم التطوحلونه يكرب لمغازتي
صح ضليت هايلايم قليلين العمال بس اخير اربيهم اريد صارلهم عشر ايام محد بين الحمد لله
شنشل
عمي شني اليوم تروح
سعدون لا مالي روح اهيس روحي تعبانه
؛
ام غالب
شنهي اليوم جيتك ماهو طويب لو عدك خطار
سعدون
لا هاي ولا ذيج بس اريد ارتاح خليني أمد ضهري واذا غفيت لاتكعديني على غده لمن افز وحدي
مدري شكثر نمت ضليت بيومها مارحت بعد للمغازه بليل ما اجاني نعاس لان نمت الضهر ضليت كاعد
نامو اهلي وانه طلعت بره اهيس چلاب تنبح
كلت شنهي احد يفتر طلعت بس امشي على طارف اصابعي ملچوم من ولد عمي غدارين
شفت واحد يمشي ويهبد ع الحايط مشيت سريع ولزمته فكيت غترته ضلمه سحلته اجه بيدي بلا صوت ولغاد يمه واحد ماعرفه سحلته هم ما قاوم كلش
وصلت لمجان بيه فانوس والكاه جلاب
شعدك هنا ولك احج
رايح مايعرف يحجي اضربه ما يهيس وراه هذا الثاني ماعرفه
شمرتهم بالغرفه الجان بيها جواد
ضحك حيل جلاب
جلاب
شنهي جبتني هنا عدالي تخليني بمجانه من زمان
سعدون بمجان منو ولك بس كلامه ما مسيطر عليه
جلاب. هذا المگطم الريستنه عليه وابوي صحبته وياك صارلها دهر
سعدون يحجي وكلامه ما مضبط ضحك اليمه
ولك جلاب جا شلون تكول عده بت يلالي من ريجها الماي (اشاره ان البنت الشفافه البيضاء جدآ)
جلاب اي ولك ضهد غير راد يطيها لجويد الاغم
سعدون
جايين انتم ع بتي جلاب بهليل تف عليك
جلاب ههه امي تكلي تف ع مرضعك وهي امي وانت اتفل عليه وابوي يكلي اتفل بوشي اذا لحكك خير ماتكلولي شعدكم بالتفال
سعدون لان يخرج من الطيب الخبيث اوجفوا (اوكفوا يعني) ربطتهنم بثبات بنص الغرفه ضهر ع ضهر وهم رايحين طينه
يامن يصبح يا صبح
وديت على شنشل وحجيتله وخليته يودي ع ابوه دخلت عليهم الصبح مثل الاجاه الفهوه
جلاب
ها عمي
سعدون
اششش لا تفك حلكك يجي ابوك ونحجي
هذا ابنك اذا تنشد ليش هنا لابد ما كالك
ابو جلاب ما وصلنه صارله شهر ونص
سعدون هاا هنا الحجي يعني من كتلك روح لهلك مارحت بقيت بمعاشك تشرب وضال ملموم على هذا مدري منين
سَولفت لابوه وراها كلت لشنشل يجيب نفاع وهايم
خليته هو وابوه ورحت للمغازه اجه نفاع وهايم
شوفوا تنطردون حالكم حال جلاب تكلولي منهو خله الختم بغرفه جواد
نكروا بس من كتلهم ضلوا هو جلاب كال انتم
نفاع
لا عمي لا موش احنه بريد يذبها براسنه
هو الدبر صحيح احنه رحنه وياه بس هو الأخذ الختم احنه لهينه جواد يطلع من المخزن
وهو اخذ الختم وخلاه بهدم جواد
سعدون لا يملاعين الساس ماريد اشوف ركع وجوهكم بالكم اشوفكم
رديت ع جلاب بحضور ابوك ابنك البارحه تسطا على بيتي وع عرضي ويحجي ببتي داس عتبتي وانت فاهم موش ابو جلاب
ابنك سوه مصيبه بزلمه ولفقله سالفه وطردته لان كلت ابو جلاب صديج عمر وبنه ربات ايده يشرب عرك وكلهن سواهن وانت احكم عليه
ابو جلاب انه من خليته عدك موش ماعدي خبزه ولا شغل وكتلك بوكتها طلع حليب امه من خشمه لان ابني عده دكات دونيه وكلت يستعدل من اشتغل لليوم عانه ماحط بدينه ثاري مخلصهن للشرب الطايح الحظ خويه ابو غالب اسجنه موته بكيفك
سعدون
ما اسويهن وانت ابوه
بس هذا هو يسمع لا هذا ضهد المدري منين جايبه ولا نفاع ولا هايم بعد اله رده لهلمجان الولايه كلها ممنوع اشوفنه شرايك اخذه اكراما الك عفته
طلعو واني وارجف غيض
شنشل عمي ارتاح جسمك يخفگ مثل السعفه
سعدون ولك يفتر على بيتي على حرم بيتي ولك طردت ابن الناس لجل صحبتي شلون تنركع هاي كلي
شنشل اروحله واكله عرفانك بري
سعدون هاي جلمه ابن سوك شنشل تكله هيج يضحك علينه
جا انتم ماحككتوا وهسه جاييني بلا عزه نفس ارد لا لا يرادلها دبار واعتبار لجواد روح جيبلي جاي كون يكحل اليد(يعني جاي ثخين)
اصفي راسي الخربه هذر جلاب الاغم
ابو جواد
تعال بويه تعال هذا الزلمه الخير جنت انت شغال يمه ابو غالب
جواد سلمت عليه بطبيعيه لان كلبي رد عليه كل الموفف واهيس انخنكت
حياك ابو غالب
سعدون انه ما حجيت لابوك كل الحجي
بس انه زلمه عدنه الجلمه هي سند وانه يبو جواد اطيت جلمه لابنك كدام اهلي وناسي
ابو جواد انت كتلي رد الصواب من هلك وسلم ابنك من الغرك بعد اكو جلمه ثانيه
سعدون
اي كلت لكل الجانو واجفين جواد موش عامل عدي جواد نسيبي اطيته بتي الصغيره خرزه گلبي
جواد بهت وجه ابوي
ابو غالب جلمه الطيتها هاي جانت بساعه ضبج تسكت الوادم انه هلي مشولي على بت عم ابوي
سعدون
اذا عاد وطيتو جلمه انه ونكتت ثوبي
قاطعني ابو جواد
ابو جواد
لا ابو غالب لاخطينه ولا رحنه ولا عمامي كنالهم هالتشوف انه بالحصاد كلت نكمل نروح وكوه قنعناه جويد
سعدون
تقرب وابتسم
بس هو مهضوم وهلتشوفه مشنف (يعني شايل خشمه بمعنى متكبر)
جواد بويه شتشاور ابو غالب انت يبو غالب بحل عن جلمتك
سعدون بويه هسه انه جاي بامثال اهلنه اخطب لبتك ولاتخطب لابنك
جواد انه ماكدريش على سياك بتك ناس احنه على كد حالنه..
سعدون تضل تشتغل لحد ما تسد سياگ بتي..
جواد سياگ بت العم نطي سبحه امي(السبحه مثل القلاده بس كبيره) ومندرين كطن وبساط غزل مال صوف وبنك سياكها غالي
سعدون على هذا السياگ اطيك بتي بعد ها ابو جواد
جواد
اشلون تأمن بتك عدي وانه.. قاطعني بخزره
سعدون البصير نسيبي مابيه لثگه ماسمعه بعد للموت هاي شنهي وابتسمت اكسر الجو المشحون ما تاخذوني للداركم جاي من بعيد تغدوني لو نضل هنا احصد تردوني
جواد اخذناه للبيت وامي فرت البيت فر بالأكل
سعدون
خاب عاباك الله هذا اليدام (اللبن شطيبه مسويته اختي وانت ولا مره اطاك كلبك تجيبلي تعمدت اشوف بيتهم طبعي هيج اغربل الناس واختبرهم وأهل جواد اصيلين البيت بيه راحه عجيبه وردت اسلم على امه تنكبت واجت سلمت عليه تشكرت منهم وطلعت وصلت للشط
شوكت تجي جواد تشتغل حتى تلم سياگ بتي كلما تستعجل اخير لان ما اعرف يجوز اريد أكثر فلوس
جواد يحاول يتكشمر وراح ورديت بحيرتي يم هلي بليلتها محد نام نسولف بالسالفه نجيبها منا ونحطها منا فرحانين مدري شني وانه بغير حال خايف ع فرحان ومن حددلي سعدون كال اسبوع وتعال لان بقئ على معاشي يم داود اسبوع واروح اله شسوي وششتغل هالمره هواي أسأله براسي
بس ابوي بيوم ردت اروح كال
ابو جواد
الرجال انواع اكو الي يكرم بفلوس اذا راد يتعذر واكو لا عده عقل وكريم هذا اليوزن البشر وما يقدره بفلوس لان يعرفك ما ترضه اعتذار الفلوس ولان هو عده ضمير ياكل كلبه ضميره كال هذا امين وبتي انه اول وتالي اطيها عاد اطيها لواحد تغمض العين منه لان سعدون حسب شوفي اله شكوكي باضفره يشك فيا بويه سعدون انطاك بته لان عزيز نفس مايحب يعترف انه مغلوب هاي رجوله انه يعتذر على كد مكانت المجابله
أوصيك بس بوحده لاتوطي راسك حتى لو بطنك تخسفت وجاعت ابد حتى ضل حر ما تنربظ بافضال لاحد
جواد
طلعت واكيد گاطع وراي واجف
وصلت المغازه وگلبي لاچمني
شنشل
تعال تعال هله بيك جواد
جواد سلمت على شنشل وعيوني ادور المغازه على سعدون
شنشل بوشك لبيت ابو غالب موصيني من البارحه عليك حين توصل تروحله
جواد وصلت لباب دارهم واعاين على غرفتي محد كاعد بيها
دكيت الباب طلع غالب چلب اديه بركبتي
ولك ابو شعر المكعكل صاير ازلمه عفيه بوسته سمعت من الممر تعال جواد دش دش وغالب بيدي شايله
سعدون
سلمت عليه واكعد ماجل لا
جواد
شبعان الحمدلله ابو غالب
سعدون ابو غالب خوش بس اليوم ابو غالب انه وديت عليك تجي هنا لأجل سالفه
جواد كول
سعدون
انه اطيتك مره ولابد تشوفها اليوم حتى كلشي يصير باصوله ورها تبقى تشتغل وتلم سياگ بتي
جواد
بس اليوم ليش
يعني
سعدون
شمالك صرت تلم جلمات مناومنا شنهي خافن مستحي يلرچيچ
جواد
لا بس انه
سعدون
شنهي ما مسوي تواليتك (ههه تواليتك يعني شعرك او ترتيب الشعر ليس الصحيات ههه)
جواد انه موش
سعدون تنهمد تجي بتي هسه اسمها قند هاي خرزه گلبي تعرف شنهي خرزه گلبي
انت من عدك محبس بشذره كامل موش بس من اطيح شذرته يصير مايسواش وقند خرزه گلبي يعني ما يتوصاش عليها كلش
جواد
دخلت مثل خيزران لا شنهي ولك جواد ضبيه لالا
غزال طولها بعده بس طولها شفته جا من تصد ليك يجويد شنهي تذيه روحك (تذيه يعني يغمى عليه)
كعدت وغالب راح يمها كال سعدون شيل شوفك هايه خرزه گلبي انه صديت لعيونها انه كلش ضل گلبي مثل ربد ويدك الضلوع بويه چويسب بويه چويسب اديه تكول أقلام مالت المدرسچيه جمعت روحي حت ابين مابياش شي ولو صارت كدامي كل دنياي وياها يخطف رمش
فززني صوت سعدون هاا شنهي جواد
جواد
هاا عمي
سعدون
جا من كلت عمي معناته شفتها خوش خايب راحت راحت شمالك تخفك مثل السعفه
جواد لا مابيه ارد للشغل
سعدون اضن استعجلت تريد تلم السياگ(معناه المهر) بسرعه موش روح وضحكت
جواد شويه وانچبح على وجهي حتى نسيت انشد ع سالفه الختم
شكرا لزيارتكم عالم روايات سكيرهوم
