رواية اصفاد الود الفصل السابع بقلم زهرة الرمان
ام غالب لا تحمل ع فادك هيج الله يحلها
سعدون كاسر خاطري هذا الزلمه الطردته وهو بري وراح مهضوم
ام غالب
رده
سعدون موش كل البشر يمشون بنفس الدرب
انه نكست وشه بالكاع كطعت رزجه (رزقه)
ام غالب وشنهي العمل يسعدون
سعدون
وين قند
ام غالب بالحوش
سعدون صيحهه الي
قند ها بويه
سعدون انه اذا اطيتج لخوش الزلمه ترضين بويه؟
ام غالب منهو وقند ما حجت راحت صنطه
سعدون
جواد
ام غالب بس
سعدون. شنهي كودن اهلهه ضعاف حال احجيي بله شفت عيونها انفتحن عرفت ماترضه
ام غالب
بتك الجبيره اخذت ابن شيخ والثانيه أخذت من الاعيان ورجلها يشغل وي الملكيه
جا جواد شنهي وهاي قند موش ياهي الجان مكوره حلات بيت شكير كلها بيها (مكوره يعني متجمعه.. بيت شكير نسب عائلتهم يعنى
سعدون وانت كولتج اطي خرزه گلبي لياهو الجان
ذولاك نسابتج نحتاجهم البلملكيه والشيوخ نحتاجهم صدك بس هنا بيتنه نريدلنه لقند واحد عينه علينه وليد النه عضيد لغالب ومو طميعي وهم مايحرمنه شوفه قند
الزلمه من تريد تناسبه شوف غيرته وكرمه وعكله اذا كلهن ذني بيه اطي وأمن
ها شو اجتج فهاوه
ام غالب شورتك وهدايت الله يعني اكل لقند
سعدون اي كليللهه كيل لا اطرش لهل جواد
أم غالب ياااع تروح تخطبه انت
سعدون شمالج مهرفله كلي لبتج ابوج اطاج لزلمه حوك لجواد حتى ماخليتي البت تفك حلكها انت كليلها وشوفي وجها راضي يا لا
جواد رحت للمغازه الزم حاجه وانسئ ليا مكان اروح وافكر جا يجويد هاي شتجيبلها وشتحط الها اهلك لو يضلون عشر سنين يلمون محصول الكاع ما يسوون حجرتها
ولكم انه اطلع من نگره اطيح ببير شلون ورطه شجابني ششوفني
شنشل
خاب جووواد شنهي الف مره اصيح جواد ماتسمع
جواد
هااا ما سمعت
شنشل َلك انت كبالي اكله جواد مامش شنهي تمشي مغمض وساد اذنك
جواد
خلني اروح اشرب اميه
شنشل دجيب عشر كلوصات لعمك عويد (كلوصات يعني تكه جكاير) او حزمه
جواد جبت التتن حطيته وكعدت اشرب ماي
صرت انام بالمغازه مادريت لغرفتي كبال بيت سعدون مارضه ارد يم بيته مثل كبل وما نشدت
بس بداخل گلبي كلت اضن بعده ما مأمن بيه
سالت شنشل على موضوع الختم ما قبل افتح هيج موضوع وسده
صار سعدون هواي يشغلني بس انه ابد ما اتوانه او اكول تعبان شيطلب اكول اي
بقيت هواي مارايح لهلي بس من اجه وكت المعاش سلمني فلوس نص
سعدون
من هذا اليوم نص معاشك اضمه سياك والنصف تروح لهلك ضل ثلث ايام بس وترد لشغلك
جواد ما حجيت رضيت ورحت لهلي ورديت بقيت هيج سته أشهر اليوم اجه معاشي كعدني كباله سعدون
سعدون
شوف جواد انه اضم بمعاشك لسياك مرتك بس اليوم معاشك تاخذه كله اليوم شنهي
جواد
ثنين
سعدون تسلم على ابوك تكله الجمعه تجون تخطبون واليملج السيد نسيبنه وتعال انت وأهلك وغداكم ببيتي.يلا ارشد وها الفلوس حطهن بيد ابوك
جواد طلعت فرحان لان صار أشهر صنطه
وصلت لهلي بيومها كلمن يريد يسويله شي ابوي راح لعمامي رميض ورويض
وانه رحت لگاطع
گاطع دشداشتك عليه وانه وابوي نروح وياكم نخطب
جواد فرحت بفرحهم اليه امي كالت عدي سبحه (قلاده كبيره) وعدي خزامه اشترينه انه وگاطع هدوم لهلي ورديت فرحان لكيت ابوي وشه ما يتفسر
شبيك بويه
شنهي يمه شبيه ابوي خانس
ابو جواد
عمامك يكلولي شنهي ماعدنه بنوات وأخذت لجويد من غير ديره
مانروح وياك
جواد وشكلتلهم بويه
ابو جواد وانه برايهم هوات روحك وماهويتهن شنهي غصب هي لو شنهي خلينه لوحادنه نروح وابو كاطع كال اروح وياكم وابو صبيح هم يريد يروح ويانه وخالك شمخي يمشي هم واحنه الزلمه سعدون ابن خير مايعيرنه لان ما اجينه هواي
جواد بويه لاتهم سعدون خوش زلمه وهو بخطبه بناته مامش احد هم عمامه موش خوش بليلتها مارضه ابوي يكدر فرحتي وبقه يتكشمر وياي ونشدني شنهي سعدون اخافن يشرط علينه شروط انه لو اعرف ابيع كاعي واسده ماطولك هيج فرحان
بقيت بليلتها من فرحتي اتكلب هيست ابوي شرب ماي
ابو جواد
ولك جويد نام الفرحه أخذت النوم منك يمهطور جا من تصير تحت كترك يمكن ماضل جاعد بمجان هههههه (كتر يعني قريبه جدا عنه او كتف ع كتف)
جواد اضن من فشلتي من ابوي غفيت فزيت ع وش امي متهندمه وحاطه الحكل وتهلهل
بساع بساع لبست هدومي الجديده وكلهم لابسين طلعنه متواعدين وي كاطع وخوالي ورحنه اخذنه الربلات ومشينه لبيت سعدون صار شطوله الدرب فرحان وافكر وكلما اصد الكا گاطع مبسم ويهز برأسه لو يطك اصبع
لكينه نسابه سعدون بالباب راحت النسوان لباب المكعاد واحنه اجه سعدون رحب بينه ترحاب قوي ودخلته للمضيف
وبقو يحجون اهلي وما رضو ينكل الغده الا بعد الخطبه واكللهم خالي نخطب وبعدها يصير نسب وزاد وملح عرف اهلي ع نسابته وع خال غالب الي كاعد حذاي ويعرف كلشي ويضحك يشاورني رايح تصير إبنه وانه اضحك سألو اهلي شنهي تطلب احنه جدامك
سعدون
انه مالي طلبات السياگ جواد اطانياه
خال جواد بعد شتامر احنه وفايه ع فتحه حلكك
سعدون كفو منكم انه عدي بس شرط واذا رضيتو بيه نقره الفاتحه والبت الكم
اامر
سعدون الأمر لله انه شرطي جواد يسكن حذانه ويضل يشتغل بمغازتي
والمجان اليكعد بيه هو يعرف عدي هناك غرفه كيال بيتي يكعدون هو ومرته بيهه
جواد
ضلو ابوي وخالي والناس الناكلهم واحد يعاين بوش الثاني بس كسر صنطتهم ابوي
ابو جواد
احنه مالنه حك بهرقرار لان تعرف يبو غالب المره تتبع الزلمه موش الزلمه يتبعها بس اذا يريد يضل جواد يشتغل هنا ويعمر دار هنا لازمن يشوف مكدرته يسكم بيت هنا منه موش غرفه منك واعذرني هاي اصول وانت ابو الأصول هو هذا جدام الكل ايريد يضل بهاي الديره يشتغل ويفتح بيت هنا انه وأهله راضين بس المارضاها اله بغرفه بيتك لاله عدك امكانيه تفتح دار يجواد رد وخلنه نقرا الفاتحه
سعدون
انه والوياي نترخص ضلو وحادكم وشوفو رأيكم واحنه نزهب الغده (نزهب يعني نحضر)
جواد شنو بويه اضل هنا شلون وامي وانتم غير ببيتكم
ابو جواد للضروره أحكام وشغلك هنا لابد تعيش مرتك كربك هاي مالك لازم بيها بس احنه هضيمه علينه نكعد بغرفه مالت نسابنك كلشي يصير الزلمه يكون هو مكون بيته موش بيت أهلها ما ترهم عدنه
جواد انه هم مارضاش بس بويه هاي الولايه شگصها بالشي الفلاني شلون افتح دار الها (الشگص يعني مكان صغير جدا)
خال جواد اكري بيت (يعني اجر بيت) والعونه من الله وحجايه ابوك صحيحه زحمه الزلمه يكعد بحلال مرته
سعدون شتكول يرضون
شنشل عمي انت موش كلت انه رايح اعمر هاي الغرفه أكبرها الهم اذا مارضو شلون
سعدون انه شرطت عدي غايه اريدن اشوف بحالتين هو رايح يضل بهاي الغرفه شوف وتعلم
شنشل هاي حزاوه مال بحالتينهم هو يضل من كون مايرونيضيش
سعدون بس اصبر واسمع ولا تحجي
اجانه جواد كال تعالوو عمي يردونكم اهلي رجعنا
هاا ابو جواد خوي كول
ابو جواد انه مالي اي اعتراض ويجرالك بس موش بغرفه مالتكم ولا تهون انه اكريله دار بس ها ع كد حالنه حتى لا تكول غشوني وبعدين الله يحلها ويصير عده ويحطلها دار يلوكلها ويصيرالها دارين البديرتنه وهنا وان شاء الله مانكصر وياها وتصير وحده من بناتي واشد رايه العباس اذا يوم تسمع معيول بيها ها شكولك خويه
سعدون خوش من كون هيج انه اكريها الغرفه اله بفلوسه يكعد موش حلالي لا كل شهر يطيني اجار الغرفه تاهت ولكيناها
ابو جواد خويه ابو غالب الله يعمر بيوتك بس انه واكولن يكري دار غيره نشوفه اله اخير
سعدون انه خليتكم على شوركم بس خلوني اكللكم انه ما اطيح عانه لجواد من اجار غرفتي بس اريدنه مجابل بيتي لان شغله موش لان ياخذ بتي حكم شغله
ايو جواد هاا
خال جواد عاينت ع ابو جواد يعني أرضه لان شغل موش علمود بته
سعدون رفعت أيدي نقرا الفاتحه وبديت قروا الفاتحه
جواد
قرو الفاتحه والسيد ملج وكاله سعدون للمره
وشويه ونكلو الغده
سعدون
صار نسبه وزاد وملح اليصير عليكم يسدي عليه اليصير عليه يسدي عليكم وان شاء الله بس الخير بديارنه ودياركم
جواد بقينه شوي ورديته كال سعدون رد وي هلك وضل لحد ما اوديلك مرسال تجي وتسوون العرس لاتجي
اخذنه النسوان وطلعنه وصلنه للبيت وسالفتنه ما خلصت خوالي وابوي يسولفون
ابو جواد انه ماريدن يكولون كعيدي لو طميعي وعباله ناخذ البت ببلاش لان هو عده جم فلس لا الفلوس حلوه بس الهامه عاليه ما نوطيها لأجل الفلوس
جواد
يمه خلي ابوي يحجي وكليلي شنهي شفتي البت
ام جواد
يمه اسمها قند بس عود شنهي يمه غزاله كحيله
جواد يمه هسه انتي كليلي اوصافها كحيله وغزاله وبعد شواي تكليلي تشبه ذيج البزونه لو تشبه
العجل مال عطيه يمه سولفيلي اوصاف بشر موش حيوانات
ام جواد يا جا انه هم استحي اصد ليها أخواتها وامها وخالتها حذاي تنوعت(يعني نضرت لها) بيها شواي كلت جويد صيدتك حره تلالي البت وضروسها جن صف لول
جواد انوب صيد يمه خلفله الله عليج
شنشل عمي حيرتني شنو فره السويته
سعدون
انه ابن عشيره اعرف بنادم اذا ابوه ابن خير رايح مايرضه لابنه بالموخوش ويكولون عليه بالديار كعيدي ونسابتي كاعدين
ردت اشوفن يستاهلون اطيهم بتي انه جواد ضمنت هو نضيف بس اليناسب موش بس الزلمه حتى اهليته وأبوه فطن (يعني ذكي) وما خله لوله على روحه وع إبنه
ونجح بالردته منه
ومن رضو بالغرفه وانه اصلا هاديه اله بس ما اكله
رضو بايجار وانه الاكول وكدام الناس ماجر احسن اليه كدام نسابتي يعرفون وحت الكاعدين من الولايه ان جواد ماجر موش كعيدي
شنشل عمي انت عقلك بكد الكون بس ليش خليت جواد يروح وكتله لايرد الا للعرس
سعدون ههه حتى أول هيل مايدش لهلي
والثانيه أريدك تطش جلمه بالمغازه جواد مطيك فلوس تعمرله الغرفه وتسكم بعد غرفه بفلوسه حتى نكملها اله كدام الوادم من فلوسه وهناك يم اهله عده كون شغل يريد يكمل سياك بتنه
وهيج رديتله اعتباره من طردته وهنته كدام خلق الله وهم بتي كبال عيني وهو اليه ولعايلتي هم عين عرفت يشنشل يو لا
جواد
ضال انطر خبر من سعدون كل الايام كظيتهن اشتغل وي ابوي والحمد لله حصاد السنه وافر بس اهلي كالو الغرفه رايحين نعدلها الك حتى لو تروح هناك من تجي هنا كون المره تجي عدكم مجان
رتبوها اهلي ودوم اروح لگاطع الي يحوس يريد يصير عنده طفل بس ماكو ونوو يرحون للجده تشوف ليش ما خلفت صار هواي من تزوج
اليوم انه وگاطع صيدنه حذاف واجينه فرحانين هواي صيدنه وشفت شنشل طارت روحي من الفرحه لكيته كاعد وي ابوي ابوي صاح جويد هذا الصيد رزج (رزق) عمك شنشل
شنشل
مشكور انهوصليت الامانه بعد انتم ع كيافكم
جواد شنهي السالفه
شنشل وراي درب ابو جواد يسولفلك
جواد وصلنه شنشل نشدت ابوي شنهي
ابو جواد
يكول الغريفه كملها سعدون حددو وكت العرس وانه كتله بهله هلال الجاي
جواد موش بعيد اضن بويه
ابو جواد اضكل ولك خلنه نلملم ارواحتنه مانريد لوله بعرسك انه كلت لشنشل يعرس هنا بيتنه ويضل اسبوع عشر ايام
جواد مشت الايام ركض خالي جاب مداد غزل ملون فرشناهن بالغرفه الجبيره وامي اشترت محمل لغرفتي تلملمت بساع وابوي سوه عشا العرس منه انه ماضل عدي قمري كلش
بليله نريد نروح نجيب البت اجاني گاطع الفجر كبل الزوافيف
گاطع هاك ولك جويد ذن خلهن عدك
جواد
ولك ماريد منيلك انت
گاطع وحك الله اختك كصتها خير صاير الم ولميتلي جم فلس هذن نصهن ونص الاخر اخذ اختك لاطبه الولايه يكشفون عليها ليش ما تجيبلي فرخ
جواد گويطع اخو
وطلعنه اول ما وصلنه الهم توسط
گاطع بمشد
احنه اليوفلنه بدم نشري
احنه على الصاحب ما نتعطل كون يصير صياح احنه ع الصاحب ما نتعطل
ولد خال جوتد
البخت البخت مثل الزرع مايطلع بكل كاع
ولهل الزود ننكل جدمنه ولمن تتخير الگط الزين
احنه النتنومس بانساب الزين احنه النتنومس بانساب اشيوخ
جواد
من. عاداتنه بباب اهل البت لازم الزلم تسوي هاي الردات وانوب انطلع العروس لفتها امي والنسوان بعباه. تشكرنه من سعدون
وطلعنه وزفتنه صارت البلام
حطو قند يمي وامي ببلم لااهلنه
وبلام اليمي بيه اهليتي. سعدون تعذر مارضه احد من أهلها يمشي ويانه كال يجونكم بعدين
ضلو يغنون لمن وصلنه للبيت دخلو قند لحجرتي
وضلينه نعشي الوادم
كملو العشا وزفوني لحجرتي
حين كعدت يم قند وخرت كبعها
بوياي ماشايف شمس بليل تطلع ضليت خانس سلمت عليها
ماسامعت صوتها
امي معشيتها انه تنديت يمها
كالت طفي الفانوس جواد
هيست حتى ضلوعي يركصن من الفرح.....
صارت قند مرتي
ولازم اطلع للوادم وبيدي النيشان
ظلو يرمون طلق فرح الي
رديت لحجرتي
وطلع النهار انه اعاين عليها مايهلي اغفئ وما اتنوع بيها وهي مثل هبه هوه بارده بعز بارح
لمن شميت دخان جمر امي ودكت باب الحجره
ام جواد
ها يمه ريوكك زاهب تعال اخذ ريوك مرتك
جواد اريد ادش الحجره وكعدت وجن ليل لاف جسمها شعرها ضفايرها مفتوحه شعرها مغطي ع وشها ماينشاف مثل الماي
تدنيت وخليت الطبك تعالي تريكي
قند
اروح اغسل
جواد لفت شعرها ولبست ثوب فوك ثوبها وطلعت
غسلت انه رحت يم ابوي تريكت وامي كعدت يم قند غصبتها توكل بيها وتعلمها لازم أشياء تسويها اول ايام الزواج زينه لجسمها
اجه بيومها گاطع وكم شخص لليل واجو عمامي مختاضين ويقو يصيحون ع ابوي ابوي اصغرهم وهمه ماخذين اخوات بنات عم بوي ماخذ غير عم
تشاددو الحجي ع ابوي وشلون تعرس لابنك وما تكلللنه كلبوا فرحتنه كدر وضيجه خلك
ابوي كال لاتتهمون مالكم لازم بيهم
صارت روحي يم قند ترافك امي ومن تدخل الحجره مالها صوت ناعمه نظيفه أكثر شي خجلها تستحي كلش مني لاترضه تكشف راسها يمي ولا اشوف جسمها الا اطفي الفانوس وتستحي من ابوي واخواني
ضلينه اسبوع واجت امها وأخواتها وامي فرت الدار بيهم اهتمت حيل بيهم وابوي كذلك
ضلو للمغرب وردوا وياهم رجل بتهم وغالب الي بقئ يصيح جواد امشي ويانه ناخذ اختي وانت وياها امش
وراها بكم يوم موصي سعدون نروح للبيت ودعت اهلي وأخذت قند امي خلصتها بجي
وصلنه لكيت البيت مجدده سعدون وياي ابوي وكاطع جبت غراض لبيتنه
دخلناهن وصارت تروح لأهلها أخذها بأمر سعدون بس بليل يلا يقبل تطلع وحياتي عرفت بيها شنو العشك بقنذ حد النفس عشكتها خلتني احب أكلها وعداليتها وقناعتها وما تحجي يم أهلها كلشي ابد سرها بيتها ما تحجي ابد اطلع للمغازه اشتغل وارد مرتاح كلش وصار وكت معاشي أجيت السعدون اطيته إيجار البيت
هو شالهن اطاهن لقند
سعدون بويه منا وهيج معاش قند حالها حال أخواتها إيجار بيتك
صارت النه اربع مرتاح بشغلي ووي قند سعدون كلش زين
الفجر وسمعت جيلات كريبه فزيت وفزت قند وياي ركضت بباب بيت سعدون الجيلات
شكرا لزيارتكم عالم روايات سكيرهوم
