رواية حطام امراءه الفصل السابع بقلم جمانه السعيدي
بقيت بلبيت بيومها وماطلعت ابد وحتى ما شتغلت بيتي
ماليه واهس ابد
خابرت امي وكتله تعاي اني محتاجتج
طبعا اني بين يوم ويوم اتصل بيه
هي تطمن عليه واني اطمن عليه
امي كالت خل اشوف حجه واجيج بيتنا هوسه اخوج طلع من البيت
اتعارك هو وابوج علمود المصروف
وأجر بيت وطلع
وبيتنا شويه متوتر
بأقرب فرصه اشوف حجه واجيج اشوفج
ثاني يوم اجتني امي واجت وياها اختي ايمان هاي الي مزوجه ابن جيرانه
امي مطلعه حجه اخذه للطبيب وجايات عليه ثنيينهن
بس شفت امي حضنته وكمت ابجي
ابجي بحركه
هواي عليه هاي المسوليه اني ما اكدر عليه
اريد ارجع الحضن امي
اريد ارجع زغيره وماعندي لاهم ولا غم
كعدن يمي تقريبا ساعه بس ولله ردتلي روحي من شفتهن
حسيت بلامان واني مثل الطفل الزغير حاضنه امي وابجي
ماتتخيلون ايمان شتكلي
اتكلي هنيالج
جمانه السعيدي
فاتن على شنو هنيالي
ايمان وضعج احسن من وضعي الف مره
وللج النهار كله مشاكل وشغل البيت كله عليه
والكل يضربني هم زوجي وهم عمتي
وحسره عليه ارتاح
ولا اكله بيه حظ ولا ملابس بيهن خير
ولا زوج يفمج
على الاقل انتي مستقله وحدج محد يتحكم بيج
تردين تطلعين تردين تكعدين
وحتى الشغل الي تشتغلي هم تحصلين فلوس
اني حسره عليه الربع
امي دائما تسد النقص الي عندي
مرات افكر انتحر واخلص من هاي الحياة
لا اهل بيهم حظ ولا رجل ينشد بي الضهر
يمكن اشرد واجي اكعد يمج
واشتغل مثلج
لان بعد ما اكدر اتحمل ابد
انكسر خاطري عليه حيل
النوب اني انطيته ملابس الجهاله من ملابس حمودي وجنه
ونطيته دشاديش ثنيين جدد
ونطيته ٢٥ الف مصرف
خطيه كسرت خاطري
صدك الي يشوف مصايب الناس تهون علي مصيبته
فاتن من سمعت كلام ايمان حمدت ربي وشكرته الف مره
اذكرت حياتي السابقه بيت عيالي
وإيمان عدها اتلث اطفال
كله صوج ابوي وين ماكو واحد مابي حظ يشمرنا علي
وبعد ما يسئل علينا
جنه ما صدك يخلص من عدنا
وين يروح من رب العالمين
راحت امي حسيت نفسي شويه احسن من شفت اهلي
جمانه السعيدي
ثاني يوم رجعت خابرتني سمر وتتوسل بيه بس ارجعي
حتلو ساعات عمل اقل
هم ميخالف بس ارجعي
فاتن ما قبلت ارجع ما اريد ارجع الذاك المكان ابد
مره ثانيه
زوجه مو راحه واني اهم شي عندي احافظ على نفسي
مابطلت سمر تتصل وتطلب مني ارجع
كمت من اشوف رقمه ما ارد عليه
دزتلي رساله زين شوفيلي وحده مثلج ثقه وامينه تشتغل بمكانج
هم ما رديت عليه بعدها بكلبي الخوفه من زوجها والي سوا بيه
انسان حقير وبلا اخلاق
بعد اسبوع بطلت سمر تتصل بيه لان اني كمت ما ارد عليه ابد
وبيوم اجاني اتصال من رقم غريب
اني عادي ارد على اي رقم
لان موزعه رقمي على البنات علمود الشغل
خاف وحده تطلبني بشغل
رديت جان واحد كال اللووووو
فاتن تفضل اخي منو رايد
سالم فاتن
فاتن اي اني فاتن منو حضرتك
سالم اني واحد معجب بيج
فاتن شنوووو فعلا ماتستحي
تكول انت منو وشتريد لو اسد الخط بوجهك
سالم اني سالم زوج سمر
فاتن بس سمعت اسمه كلبي كام يدك بسرعه
رديت علي وشتريد
سالم اريد اشوفج عندي موضوع مهم وياج
فاتن اني ماكو بيني وبينك اي موضوع مهم وبعد لاتتصل هنا
فهمت
سالم اوكفي اوكفي لاتسدين الخط دقيقه
اكو شي يخصج يمي واريدج تشوفي
فاتن احترم نفسك وبتعد عني ولله أفرج عليك أمة لا اله الا الله صدك انت ماتستحي
سديت التليفون
واني كلي ارجف منيين جاب رقمي
اكيد اخذه من تليفون سمر هذا شنو من بشر من اي طينه مخلوق
شويه واجتني رساله للتليفون
عندي مقطع يخصج روحي مكان بي انترنيت حتى تشوفينه
انصحج تشوفينه من مصلحتج تردين عليه باسلوب احسن فهمتي
جمانه السعيدي
اخذت جهالي ونزلت يم امل بلشقه لان اني ماعندي نت
دخلت بس شافتني امل كالت هلووو وين غاطه هليام
ماكوووو
فاتن مشغوله
امل واني مشغوله الحد راسي هليام امتحانات
واركض بلمدرسه وماكووو
ومن ارجع انام على وجهي من التعب
اني مكنكه عليهم بس دخلت للشقه اجتني رساله على الواتساب
سالم عفيه تسمعين الكلام
شويه ودزلي مقطع ولكم كلبي وكف جسمي جمد
شكد حقير الخاطر الله
مصورني واني ابدل بلحمام
خال كامره بلحمام ومصورني واني ابدل
مو مقطع واحد لا يمكن اكثر من عشرين مقطع
اطلع بلمقطع واني بلا ملابس بس بلداخليات
وكفت من الصدمه ورجعت كعدت ما اعرف شسوي
امل استغربت من حالة فاتن وجه اصفر وخايفه
شبيج فاتن ردي عليه
فاتن مصيبه وللج مصيبه ووكعت على راسي
اجتني رساله من سالم
هااا ياحلوووه شفتي شفتي الجمال
امل شكو شبيج احجي
سالم تردين تجيني واتفق وياج تردين انشر هاي المقاطع
فاتن لا ياابن الحرام
سالم ابن حرام ميخالف موافق بس اضوك هذا الجمال
فاتن شنو انت اكيد اتخبلت
سالم لا من شفتج عقلت تجيني نتونس اني وياج
والا...... تلكين هاي المقاطع منتشره
بلعالم العربي كله
فهمتي فكري ورجعيلي خبر
فاتن كمت اللطم على وجهي
امل بمعوده خوفتيني شبيج
فاتن هاج شوفي هذا ابن الحرام مصورني واني ابدل بلحمام قبل الشغل وبعده
ويهددني ينشر الصور
لو اسوي ويا علاقه
فاتن كمت اللطم على وجهي فدوه امل دبريني شلون
وين اروح
بس تنتشر هاي المقاطع راح ينقطع باب رزقي
وفضيحتي تصير على كل السان
فدوه امل شلون بيه شسوي
امل اهدءي وخل انفكر
هاي المقاطع تخوف
المقاطع فضيحه لان مبين وجه فاتن بيهن
بالاضافه إلى جسمها كله مبين
هذا مو بشر هذا شيطان
شلون فكر بهاي المصيبه وشلون دبرها ما ادري
امل امشينا نصعد فوك ونفكر على كيف لا تسمعنا امي
صعدنا للشقه واني كوه صعدت الدرج
رجليه يضربن وحده بلثانيه من الخوف
سالم بس دزيت المقطع والرساله وشافتهن فاتن
راسا مسحت كلشي
مسحت الرساله والمقطع حتى ما تلزم عليه لزمه
اله اسحله سحل
اني تشرد مني لازم اجيبه واخذ منه الي اريده
اني تسوي نفسه شريفه براسي
هسه تجيني وهي الممنونه
فاتن ياربي ضعت هذا سالم وين جان مضموم
ليش ياربي هيج اطلع من حفره اوكع بوحده ثانيه
امل خل نفكر بهدوء شلون نطلع من هاي المصيبه
فاتن ولج كلبي خلص
امل لا تردين علي يومين هيج لمن نفكر بحل
فاتن خاف ينشر المقاطع
امل لا ماينشرهن بهاي السهوله هو اله غايه يمج
يريد يستغلج
لان شافج فقيره وتشتغلين خدامه
فاتن الله يطيح حضه مافكر ليس اشتغل خدامه
غير من ضيمي قابل بطرانه واشتغل خدامه
شويه واجتني رساله من سالم
وينج ياحلوه لا تتأخرين عليه وحلتو تريدين فلوس اني مستعد انطيج
ولله حرامات هذا الجسم والجمال كله تشتغلين خدامه
وللج انتي لازم الكل يشتغل عندج
وتحت رجليج
لا تتأخرين عليه لان ماعندي صبر هواي
من شفتج الهسه صورتج معششه بدماغي
ولله إذا سمعتي كلامي اعيشج ملكه
وادللج دلال ما صاير ابد
فاتن المشكله بس يدز الرساله واقراها راسا تنمسح
شكرا لزيارتكم عالم روايات سكيرهوم
