رواية حطام امراءه الفصل الثامن بقلم جمانه السعيدي
بليل ماكدرت انام افكر عقلي يجيب ويودي
خايفه بنشر صوري وانفضح
وينكطع رزقي
وسمعتي اضيع
والناس ماتصدك تلكه شي تحجي بي
ياربي هاي شلون ورطه ووين جانتلي مضمومه
بطني كامت توجعني من القلق
ماكدرت انام ولا اغمض عيني
طبعا اني مستحيل اسلمه نفسي
عندي الموت أهون من هاي السالفه
جمانه السعيدي
ثاني يوم امل اجتني كالت لكيتلج حل
فاتن شنو كولي بسرعه من البارحه مانايمه
امل خل نروح اني وياج الزوجته ونشرحله الموقف
ماكو غير زوجته تخلصنا من هاي الورطه
فاتن ماعندي دليل ضده مسح الفديو والرسايل
امل هي ادور بتليفونه وتلكاهن وساعته راح اتصدك بينا
فاتن تعتقدين اتصدكنا وتجذب زوجه
امل ماكو غير حل خل انروح ونجرب
بس لازم وقت هو ما موجود حتى نحجي براحتنه
فاتن هو بثمانيه يطلع للدوام يوميه
امل خلاص نوصل حمودي للمدرسه واطلب زمنيه ونروح اني وياج ونحجي ويه زوجته بلكت الله يهديه
وتوكفه عد حده
جمانه السعيدي
بدلت ونزلنا خليت جنه يم خاله ام امل ورحنا للمدرسه وصلنا حمودي وأمل طلبت زمنيه
صعدنا تكسي ورحنا البيتهم
دكينا الباب وفتحته سمر
فاتن وأمل صباح الخير
سمر هلو صباح النور شلونج فاتن
فاتن الحمد لله
سمر اذا علمود الشغل اني لكيت وحده بمكانج تشتغل
بس الصراحه مو مثل شغلج ابد
فاتن لا اني اجيت بشغله ثانيه تخصني
سمر تخصج انتي
فاتن اي ممكن ندخل ونحجي
سمر اي تفضلو
فاتن نسيت اعرفج على صديقتي امل هاي صديقة الطفوله وهسه احنا جيران ساكنين بنفس العماره
سمر اهلا وسهلا تشرفنا
فاتن دخلنا جوه وكعدنا
فاتن عيوني سمر اني من اشتغلت عدكم قصرت وياكم
سمر نزلت حواجبي ليش نكولين هيج بلعكس انتي ثقه وامينه وشغلج حلو
فاتن الحمد لله هاي شهاده اعتز بيه بس الي ماتعرفي انتي اني من جنت اشتغل عدكم
زوجج مع الاسف كان بتحرش بيه
ولهذا السبب اني تركت الشغل عدكم
جمانه السعيدي
سمر انتي شجاي تكولين سالم يتحرش بيج
فاتن اي ولله ماكذبت عليج اني تركت الشغل بسببه
لان اني ما متعلمه اخون الامانه
وهسه هاي مو مشكلتي
الي اني جايه عليه
اني واكعه بمصيبة بسبب زوجج
زوجج مصورني من كنت ابدل بلحمام مصورني مقاطع فديو
وجاي يهددني لو اقبل اسوي علاقه ويااا
لو ينزل المقاطع على النت ويفضحني
وهاي امل شهاده هي شافت المقطع
سمر ما اصدك سالم يسوي هيج ابد خل اشوف المقاطع
والرسايل
فاتن هنا المشكله بس شفنا المقطع راسا مسحه
والرسايل بس قريناهن مسحهن
واني جايه هسه داخله على الله وعليج تخلصيني من هاي المصببه
سمر انت من كل عقلج جاي تتهمين زوجي
انتي شنو كلج سمل خدامه
تتهمين سالم يبتزج وجاي تسوين عليه هاي التمثيليه
وتردين اصدك بيج
وشلون جذابه مسح المقاطع ومسح الرسايل
خاف طمعانه بكم فلس بعد ما شفتي الخير والعز
لو تموتين ما انطيج ولا فلس
جمانه السعيدي
شنو شفتيني غبيه وجاي تضحكين عليه
النوب ما لكيتي غير سالم تهتمينه بهاي المصيبه
اريدج تعرفين زين
زوجي يحبني ويموت عليه وما يبادلني بوحده زباله مثلج
خطتج انكشفت ياحبابه
يله اطلعي برا
هلمره راح اخليج اطلعين من بيتي
اكرما للعشره الي بينا
والي انتي ما قدرتيه ابد
بس اذا حاولتي تعيدين هاي اللعبه مره ثانيه
راسا اشتكي عليج واخليهم يذبونج بلسجن فهمتي لو لا
وهسه يله برا برا اطلعي
فاتن ولله ماكذبت عليج اني احجي الحقيقه
سمر كتلج اطلعي برا ما اريد اشوف وجهج مره ثانيه هنا
فاتن بس اسمعيني شوفي تليفون زوجج وتاكدي
سمر بعدج واكفه وتناقشين اطلعي لا اتصل بلشرطه والبسج قضية ابتزاز
امل ترا اني شاهده وشفت هاي الفديوهات واذا زوجج مابطل من فاتن راح نشتكي عليه
سمر اطلعووو ماتخوفوني شتريدون تسوون سوووا
فاتن طلعنا من بيتهم وحالتنه حاله
كان عدني امل ان زوجته تصدقني وتساعدني
بس مع الاسف طلعت أحقر من زوجهاااا
فاتن امل شلون دبرينا هذا بس يرجع وتحجيله زوجته على الي صار
راح ينشر الفديوهات حتى ينتقم منه
امل لا تخافين مو بهلسرعه هو اذا نشرها شراح يستفاد
بس اذا بقن عندا يكدر يبتزج بيهن
فاتن وهسه شلون
امل امشي نشتكي علي
فاتن بس ماعدنا دليل ضده
امل احنا نحجيلهم الحقيقه وهمه راح يكدرون يكتشفون
منو يدز الفديوهات
فاتن خاف ما يصدكونه
امل همه عدهم اجهزه يعرفون الارقام بسرعه ويعرفون منو يتصل
احنا لازم نشتكي علي ونخلي عد حده
وطلعنا على مركز الشرطه وقدمنا بلاغ
وحولونا على فرع الابتزاز الالكتروني
وكدرنا نوصل الضابط اسمه وسام
بس دخلنا كال احجيلي كلشي صار وياج بلضبط
وبديت احجيله كلشي من يوم دخلت بيتهم الحد ما تركت الشغل
جمانه السعيدي
وحتى حجبتله شلون رحنا الزوجته وكذبتنا وطردتنا
وسام عندج نسخه من الرسائل
فاتن لا لان اني بس اقراهن رسا يمسحهن
وسام زين احنا راح نربط رقمج بالجهاز عدنا ونبقى نراقب مكالماتج
واكيد اذا دزلج رساله راح تطلع عدنا
عندج مانع
فاتن لا ماعندي اي مانع
وسام زين هاج اكتبي اسمج الثلاثي وعنوانج بلضبط
الحد ما اسجل رقمج بلجهاز عدنا
فاتن طلع شويه ورجع واني كتبت كل المعلومات الي تخصني
رجع وكال هااا كملتي
فاتن فدوه خاف ينشرهن شلون
وسام واحد نذل مثل هذا مستحيل يفرط بهيج فرصه يكدر يستغلج بيه
فاتن خاف زوجته تحجيله وينتقم مني وينشرهن
وسام انتي غلطتي لمن رحتي الزوجته
لازم من اول يوم تجين تقدمين بي بلاغ
فاتن ولله البارحه مانمت من الخوف
اني مامسويه شي غلط بس هو شلون صورني واني ما ما منتبه للكاميرا بلحمام
ولله اشتغل من ضيمي بركبتي ثنيبن جهال
والعيشة صعبه
ابوهم شمرهم بلشارع وراح ازوج
واني شلت الحمل وحدي
وسام استغفر الله ناس تتحسر على ريحة الطفل وناس تخلف وتشمر بلشارع
لاتخافين وين يروح منا لازم نوصله
وساعته راح اخذلج حقج منه
اريدج تكتبين عنوان بيتهم واسمه الثلاثي
ووين يشتغل
فاتن اني اعرف اسمه سالم وبس
واعرف عنوان ببتهم هو موضف بس وين يشتغل ما اعرف
اني رايحه اشتغل شلي شغله باسمه لو وين يشتغل
اني بس اريد اخلص شغلي وارجع الجهالي
وسام لا تخافين مراح يكدر يسوي شي
احنا هسه ربطنا تليفونج اي شي راح يوصلج راح نسجله
ووين يروح منا
اكيد راح يوكع بدينا
بس انتي من يتصل عليج حاولي اجررجرينه بلكلام
وتبيينين انتي موافقه على طلبه
اهم شي ما يكشفج واذا طلب يشوفج وافقي
فاتن يااا شلون اوافق لعد اني المن جايه هنا
وسام احنا راح نراقب كل المكالمات وحتى إذا اخذتي موعد ويااا
راح نكون قريبين عليج واكيد راح نلزمه وين يروح
فاتن ولله اخاف ما اكدر ابد
وسام لا تخافين هذا كمين حتى الزمه بسرررعه
اذا طلب موعد وافقي وحاولي اجرجري بلكلام
واحنا نسجل كلشي
وهذا رقمي الخاص نتفق اني وياج على الموعد وراح اخلي يندم على الساعه الي فكر يبتزج بيه
فاتن جي شافني فقيره وماليه احد بس انشاء الله رب العالمين وياي ومراح يعوفني بيده
طلعنا من الدائره واني كلبي مطمئن حيل
حاسه رب العالمين راح يوكف وياي لان اني ما مسويه شي غلط وهو يعلم بحالي
امل اني بلنسبه اليه مراح اخابرج بعد
فاتن ليش ولج
امل ما سمعتي الضابط يكول نسجل كل المكالمات
لا اروح أفلت كلمه
فاتن اي ولله صدك
وصلت للبيت وبقيت اراقب تليفوني
وكل شويه اكول هسه سمر حجتله كلشي
شلون خاف ينشر الفديوهات
ياربي استرني بسترك انت تعلم بحالي يالله
بليل اجتني رساله
سالم عبالج من تحجين السمر راح تخوفيني
ابد ما اخاف وباجر راح تلكين كلشي منشور بلفيس
عقاب اللج لان ما سمعتي كلامي
فاتن فكرت ااجرجره بلكلام مثل ما كال وسام
لا فدوه دخيلك ودخيل الله
كلشي اله الفضايح اهلي يذبحوني
...اذا تخافين ليش ما تسمعين الكلام
فاتن راح اسمع كلامك واي شي تريده اني حاضره فدوه بس تمسح كلشي
اهلي اذا شافو هاي الفديوهات راح يذبحوني
...اني ماتهونيبن عليه ابد هسه انتي موافقه
فاتن على شنوووو
...رجعنا للغباء مره ثانيه بابا موكتلج من شفتج الهسه
وضعي تخربط
اريد اضمج بحضني اريد ابوسج اريد طوووووط
(اكيد فهمتو كلام سخيف مثل سالم )
فاتن كلش خجلت من كلامه واني اتخيل وسام يسمعه
