رواية نهوة عمامي الفصل الثامن بقلم مرج البحر
سارة رجعت لكيت ولا حركه كعدت وخليته بحضني واباوعله ابني ميت ما يتحرك والشفه مالته صارت زركه وعيونه نكلبن بيض كمت اصرخ واجت عمتي اقبال خذته مني وركضت لجيارنه اني ركضت وراها بدون كلشي لا حجاب ولا عبايه جرتني مرت ياسين وذبت العبايه على راسي وطلعت حافيه وخذنا للمسبشفى دخلنه للاطوارئ واخذو الاطباء كالو فاقد من الصخونه وصايره عنده شمره ضربو ابره وخلوله مغذي واحنه باب الغرفه ما يقبلون ندخل يمه ورى نص ساعه تقريبنه صحه وكام يبجي اني بس مكابلته وابجي وكلت لعمتي خل ناخذه للدكتور للعياده من يخلص المغذي ردنه نطلع الدكتور الي بلطوارئ ما قبل كال الطفل مو زين ليش تطلعو كتله لا راح ناخذه على حسابنه للعياده كال تمام بعد احسن حتى الدكتور يجيك وضعه طلعنه وباب المستشفى لاكانه سيف جاي ودموعه تصب لان مرت ياسين مخابرته وكايلتله الحك يوسف يمكن مات وهوه لاحكنه للمستشفى كتله لا صحه وخل ناخذه للدكتور رائد احسن
كال يالله منا نروح كتله لا خل نرجع للبيت البس حجاب اني حتى اجيت حافيه ورجعنه للبيت سبحت يوسف وبدلتله وطلعنه للدكتور وسولفت للسكرتير وبسرعه طبينه وفحصه الدكتور وكال لازم دخول مستشفى اقل شي اربعة ايام
كتله تمام ندخل وكتبلي ورقه كال بس توصلون للمستشفى همه يسوون الباقي واني امرلكم بليل اشوفه وطلعنه من العياده رجعنه للبيت خذت ملابس لابراهيم ورحنه للمستشفى ويانه راحت امي ومرت عمي واجه الدكتور بليل كال هاي الحاله مال يوسف تصير وراثه منو عدكم جان تصير بي هاي الحاله امي كالت بنتي لارا من جانت زغيره دائماً تنشمر
كال الدكتور اي هاي الحاله وراثه وبقينه خمس ايام بالمستشفى ويوم بعد يوم يوسف يصير زين بس شنو اني متت جوع لان عمتي اقبال ما تقبل سيف يجيبنه اكل بقيت اكل بسكت وعصير واني جنت ارضع من صدري وجعت كلش حتى لزمتني دوخه لان ما اكل واليوم الثالث اجه سيف يشوفنه كتله جيبنه اكل ترى متت جوع وامه ما قبلت وكالت
لا لمن جايب مو كل ساع تاكلين بسكت وعصير
اني سكتت وراح سيف وهيه كالت اريد اروح للحمام
ومن راحت اني خابرت امي وسولفتلها وكالت اني راح اجيج واجيبلج اكل وكتلها بس لا تكولين اني خابرتج
كالت لا شلون اكول ما اعرف طبع اقبال حتى تسوي عزه عليج ورى ساعه تقريبن اجت امي ومرت عمي واخوي سالم وجايبين وياهم كباب سوك وكبه تمن وزلاطه ولبن وفاكهه ومن شافتهم عمتي اقبال كالت
يا المن جايبين هذا الاكل هوه اليكعد بالمستشفى يكدر ياكل امي سكتت ما حجت شي وخامس يوم الصبح اجه الدكتور وشاف يوسف وكال تمام صار زين تكدرون تطلعون للبيت بس اخذي حذرج لان هاي الحاله راح تتكرر عنده من اقل صخونه وكتبلنه علاج وكال لازم تبقون عليه مدة شهر
ورجعنه للبيت ورى كم يوم اجت عمت جنان ومن شافت يوسف كالت هذا ابنج شام انفاس من عمته همزين ما مات لان النفاس يموت وسولفتلها على مرضه كالت الله ستر جان راح بيها الولد
ومن سمعت الحجي عمتي اقبال ما قبلت وكامت تحجي اني بناتي كلوبهن بيضه ما يضرن مو تدرين انتي شكد هنه يحبن ابنج وكامت تصيح وعمت جنان هيه مره جبيره بالعمره كالتلها لا الولد شام انفاس اني ما اكول اذا ما متاكده وكالتلها خل عمته تحلب على ضهره حتى الولد ترد عافيته وهيه جنان رادت تحلب اني ما قبلت وكتلها لا هو لان صخن مو منج ولا نفاس بس شنو اني متت من البجي لان عمتي اقبال كامت تصيح عليه كدام المره واني ما حاجيه شي
بعد كم يوم يوسف كام يبجي يريد عصير واني كتله هسه نخابر بابا يجيبلك
خابرت على سيف كتله عفيه جيب عصير ل يوسف يبجي خطيه على عصير
وهو جاب كارتون ومن شافته عمتي اقبال عاركت سيف وكامت تحجي المن جايب جان اشتريتله باكيت واحد ثنين مو جايب كارتون وكامت تحجي ما دام هيج انته تمشي بحجيها وبس تخابرك على شي تجيبه بسرعه بعد تدفع مصرف وي ابوك واذا ما تدفع ما تاكلون ويانه وبيومها ما قبلت نتعشه وياهم كالت لسيف اخذ مرتك واصعد ما الكم عشه وهو ابد ما كال شي اني خذت ابني وصعدت فوك بلسطح وسيف كال اني طالع وي جماعتي وخله وطلع ورى ساعتين اجه وجايب وياه حلويات وببسي بس جان الببسي حار خله بالمجمده هو والحلويات وصعد يمنه فوك وكالي شويه وانزلي جيبيهن حتى نتعشه بيهن ومن نزلت لكيت بس قوطه مال ببسي وحده وحلويات كلش قليلات من شافهن سيف نزل تعارك وياهم وكاللهم
ليش ماخذين منهن انتم مو ما قبلتو نتعشه وياكم
عمتي اقبال كبت العيطه مالتها
اي بس لمرتك تجيب جا ما جبت النه وياك وهاي اختك نفسه ما جبتلها لو بس لمرتك اني ادري شمسويتلك مدي سحر مدري مشربتك بولها
اني بقيت صافنه على حجيها سليف كال
لا هيه لان فقيره انتن ما تردنها لو تعاركجن مثل مرت ياسين جا خليتنه فوك روسجن ما صارت كلشي اجيبنه لازم تصير عركه وخله وصعد ونمنه بدون عشه اني وياه وثاني يوم الصبح كعدتني من الفجر وكالت كومي نضفي البيت يالله وسوينه ريوك نزلت لكيته مكومه ملابس بديت اغسل بيهن بايدي طبعن لان ما تقبل نغسل بلغساله
واني كاعده اغسل ملابس كالت كومي عمج يريد ريوك عفتهن ورحت سويتلهم ونزل سيف وكالي
مو تاكلين اني اروح للمحل شويه واجي
وراح جاب قشطه واجبان واجه كال
كومي سويلنه ريوك
حجت عمتي اقبال خلي البنات ومرت ياسين يتريكون وياكم
اني سكتت بس سيف كال خل يجن هذا هواي اكل وخله وطلع وكملت التنضيف مال البيت وطبيت غرفتي انضفها وصار وكت الضهر ورجعو عمي حميد والولد من الشغل سيف جاب يوسف جنت منومته بلهول لان انضف بالغرفه وطب وسد الباب وكال
بعد لا تطلعين راح يصبون غده وماريد ناكل وياهم
كتله تمام كمت صليت وهو يلاعب يوسف على الجربايه شويه واجت مرت ياسين داكه الباب وكالت عمتي تكول خل يجون يتغدون سيف ما قبل كاللها لا ما نريد بعدين اجه عمي حميد وكاله كوم اذا ما تجون تتغدون بعد لا اني ابوك ولا اعرفك سيف طلع وي ابوه واني كملت صلاة ولحكتهم كملنه غده وغسلت الاماعين وطبينه بالغرفه كال
اني بعد يوميه انطي لامي مصرف احسن ما كل ساع تعيرنه
بكيفك بعد احسن
ومشت الايام واجت يمنه حماتي نجلاء وبقت اكثر من عشر ايام بس هيه دائماً عازله نفسها وتحجي بالتليفون سيف يراقبها بس ما يحجي وبعدين راحت لعيالها بعد كم يوم سيف راح يم جماعته ورى ساعه تقريبن اجه كلب البيت علينه ويصيح ويكول والله اني جنت شاك وصار فتره مراقبها بس ما لزمت عليها شي بس هسه لا اني كلشي عرفت واحنه نريد نستكه ونعرف عليمن يحجي ما يسكت وخابر على ابوه جان طالع للكهوه وكاله هسه تجي تعال شوف مصايب بتك خلت روسنه بالطين ورى شويه اجه عمي حميد وكاله
شني شبيك غير تفهمنه عليمن تحجي
سيف يابه ولك شحجي وشكول وعلى يا عار احجي ولك يابه راسه راح صار بطين
ولك يابه
هاي بتك نجلاء عدها علاقه وي صاحبي عدنان
شكرا لزيارتكم عالم روايات سكيرهوم
