رواية اثر الفصل السابع بقلم اسيل ياسين
ولا خيرَ في خلّ يخونُ خليله
ويلقاهُ من بعد المودةِ بالجفا .
~~~~~~~~~~~~~~~
فتحت موبايلي...
لكيته دازلي صوري!
كاتب:
- "أوووف... شلون يوم حلووو! بعد يومية أعيده وياج "
إيدي رجفت ودموعي تنزل خفت حيل
دزيتله " شبيك حسن ليش هيج تسوي"
رد "هههههه غير حبيبتي شمسوي هسه اني ترى الكل هيج "
" امسح الصور حسن "
بقه حسن يهدد بيه ولازم يجي للبيت وانطي منوم لـــ إيلنور اذا ما اسوي ينشر صوري
خوفني حيل عشت برعب يجي للبيت بس يحضني يبوس يسوي
اشياء سخيفة ولازم اسكت
بس ما يتقرب توسلت اله
هواي بس مايقبل ...
لحد ما إيلنور لزمتني بوقتهه
انقهرت لمن عرفت تمرضت بسببي بس خفت
ايلنور ماتحبني ودليل كبل راحت حجت لأمي وللكل ماصدكوها ماكدر أمن الها ..
حسن لمن كتله أبتعد فترة عني صرت اعاني من كلبي هواي لحد ما اكتشفت صار عندي
خفقان ..
ارتاحيت شويه لحد ما بداية الرابع اعدادي مرت سنة
كاملة حسن كطع طريقي بوقتهه خفت
وباوعت للطريق كال بعصبية
-لج كحــ... مو ادك عليج ليش ما جاوبين؟
بصوت مكسور كلتله:
- حسن فك عني.. كافي عوفني!
صرخ
- انجبي لج هسه أفك عنج تردين؟
صرخت وأني أرتجف:
- شتريد بعد؟ شتريييييد؟؟؟
ابتسم ابتسامة مسمومة وكال:
- هالمرة شغلة بسيطة حبيبتي ما أتعبج.
سكت وبعدين كمل:
- عندي واحد مدرس بالمعهد أريد تخلينه يحبج وبعدها أجي أخطبج
گلتله بصوت مصدوم
- أنت؟ ما عندك غيرة؟؟ شنو هالتفاهة؟
- اني ماعندي غيرة وانتي ماعندج شرف
متساوين بهل نظرية
- انجب حسسسسسن
ضحك
- وين اكو وحده شريفة ادخل رجال لبيت اهلها ؟؟
انطاني ورقة بيها اسم الأستاذ والمكان طلع قريب عالبيت... دموعي نزلت واني أمشي بالشارع أباوع للسيارات كلشي بدا يخنكني كلشي بدا يطفيني ياريت لو وحدة تدعمني ياريت أموت وارتاح .
كلت لأهلي
أريد مدرس أني مو زينة بالمواد وصديقتي سجلت قبلي هناك وهم قبلو ..
رحت ويّا ماما للمعهد أول ما دخلنا...
حديقة بنص المكان بيها قاعتين كبار
ضوجة جوّا بس برا نسيم خفيف يبرد القلب
هو الأستاذ اسمه عمار أتمنى ما يقبلني ما أريده .
حجيتها بهمس بس ماما ما انتبهت لكلامي وسجلتني وطلع عمار يدرّس رياضيات وكيمياء وفيزياء .
مرت الأيام وحسن مختفي
أما أستاذ عمار؟ وردة مال الله
شاب صغير لطيف وحتى يستحي يحجي وياي محترم بطريقة تخلي شخض يغار من أخلاقه!
حسّيته مثل الأخ، أو الصديق القريب اللي يهمّه مستوانا ويشجعنا ندرس وننجح .
بديت أحب المعهد أصير حزينة إذا ما يداوم أدرس بجد ، أتفوّق بالمواد ...
وحسن؟ ماكو ومرتاحه منه .
مرت الأيام ، ووصلنا نهاية السنة وذاك اليوم بقيت كل البنات طالعين وأنا منتظرة وهب يجي ياخذني .
عمار طلع من القاعة شافني كاعدة ابتسم:
- ليش كاعدة؟
- منتظرة أخوية .
سكت شوي بعدين سألني:
- نورا سؤال إذا واحد يتقدم إلج توافقين؟
ابتسمت وانحرجت:
- هااا؟ لا بعدني صغيرة .
هو ابتسملي وبنظرة دافية خلّت قلبي يتلخبط ... وصل وهب .
ركبت ويّاه ولما صعدت فوك طلعت تلفوني شفت مكالمات فوات من حسن
تنهدت أوف... ماناوية أخلص!
فتحت المحادثة رسايل طويلة كلها سب وانواع الشتم
كالعادة داز صورتي العارية وكاتب فوكاها
"الشريفة"
دموعي نزلت بس بدون صوت دزيتله رسالة:
"حسن، شتريد؟"
ما مرّت ثواني دك تلفوني فتحته وگبل لا أگدر أحجي سمعته يگول بصوته اللي أكرهه:
- هااا كححح... شنو وينج ياعيني؟ شسويتي ويه عمار؟
كعدت مستقيمة وگلت ببرود:
- رجال خلوق ومحترم يعني شسوي؟ سجلت عنده وانتهى الموضوع .
صرخ:
- لج أني شكتلللللج؟؟؟؟؟؟
- شكلت كلت سجلي عنده، وسجلت شسوي يعني؟
- الشريفة حبيبتي أريدج علاقة! حب ، أريد أكسره!
صرخت بهمس :
- ماااااكدر! وشعندك وياه؟ أخلاقه تسواك وتسوه عشيرتك!
ضحك... ضحكة خلت دمي يجمد:
- هذا أخوي...
سكتت:
- شنوووو؟
- إي... أخوي من أبوي ، من غير مرة.
بس هو كلشي ماخذ مني، حتى شعور الأب حرمني من عنده
أريد أقهره مثل ما يقهرني.
شهگت:
- حسن... إنت مريض نفسي تعرف؟
كال بصوت هادئ ومقزز:
- الشريفة والله، ثم والله ما تعرفين شسوي
- حسن يعني شلون؟ شلون أخلي يحبني؟
- بسهولة أدزلج رقمه وتخابريه أو بلدوام تقربي منه إنتي خبيرة بهل سوالف!
شهگت شهگة دمعة بيها حرگتني:
- عزة حسن أبوس إيدك فدوة كافي ماريد والله ماريد! خليني أعيش لتدمرني
بس هو ظل يلح، يوعد، ويهدد... وخوفني حيل .. ماعندي حل غير اقبل ماكدر التجا اي شخص اخاف حيل ..
رحت للمعهد ونظرات عمار لطيفة الي .. واسولف ويا هواي اخذت رقمة خاف احتاج سؤال بليلة امتحان .. وبوقتهه اخذتها حجه وخابرتهه كلشي صار بدون علم احد من بيتنا..
مرت ايام ونسولف اني وعمار
احس تعلقت بي بسوالفه كولها عن أهل البيت
عن أشياء مجنه اني وحسن هيج ..
اني وحسن لمن جنه علاقة نسولف نضحك
وغلط يخلصها وجنت افضفض اله ..
بس عمار مختلف تماما حجه ويايه هواي حتى يتقدم الي وماقبل بحجه صغيرة .. خلصت العطلة واني ويه عمار بقينا سنتين تماما
تعلق بيه هو هواي وحسن خلال السنتين اختفى ..
صرت سادس جنت بلعطلة صيفية مسجلة جدا عاجبني اختصاص طب عام وعمار شجعني عليه انو أكدر اطلعه .. اول يوم جنت رايحة للمعهد وحدي اعترض طريقي حسن شهكت
ومشيت سريع عاط بيه
" اوكفي لج شنو ما مشتاقة الي؟؟؟؟"
- شتريد انت؟
- سمعت بعماار ميت بيج يابه عفيه على الشريفة
- حسن كافي ما مليت صارلك شكم سنة بسسسس كلي حتى خفقان بسببك صار بيه
وزني صار ٤٨ انت دمرتني لا انام عدل ولا احلم ولا عايشة حياتي
- هاهيه اريد اخطبج
- مستعدة احرك روحي وماقبل
ضحك ضحكة طويلة
- بكيفج مووو ؟؟؟؟ باعي نورا الأخطاء ما تنغفر ونبقه نعاني منها وقت طويل
- انت الي تخليني اعاني ولله
- اذا اروح تخلص معاناتج؟
دموعي نزلت
- اتمنى تموت وتختفي من حياتي لو اني اموت تعبت ولله انت لعنة
- ههههه الشريفة اسم الله على عمري .
مشيت خطوات واركض عفته وراية وابجي مسحت دموعي ودخلت للمعهد شفت عمار دكو عليه وانخبص مباشرة
رحت كتله " استاذ بيك شي؟؟"
يحجي ومستعجل
- اي أخوية حسن مسوي حادث !!
طلع يركض نصدمت قبل شويه جان يحجي ويايه يارب يموت يارب ..
رجعت للبيت دكيت على عمار ماكو ميجاوب
.. يومين هو ماكو ثالث يوم دازلي رسالة
" أخوية توفى ماكدر احجي وياج"
مييييي بارد ونزل على كلبي ردت اطير من الفرحة ضميت موبايل ونزلت شفت بيت عمتي عدها ولد اجه من الخارج اسمه رامي مسوين عزيمة الهم ..
اني ماعرفه أول مره اشوفه جان شكله لطيف طويل وشعره خفيف اسود وحنطاوي ولحيته خفيفه .. رحت دخلت هو باوعلي كال ما شاء الله اخر العنقود طلعت أحلاهم ..
ابتسمت وكعدت إيلنور باوعتله
" ايي رامي عدنا إنتاج حلو "
باوعت لــ إيلنور وخزرتها .. هي ايدا ماتحجي ويايه غير للضرورة ماعدنا شي اسمه خوات صديقات نلتم بس من يجون خطار ..
ثاني يوم ماما كلتلي عمتج تريدج لـــ رامي
كبل ضحكت وردت أجاوب ، إيلنور جاوبت بدالي " حلوه القسمة نورا لازم تفكر "
- لا اني سادس أريد أكمل جامعة
إينلور متغيرة هالفترة .. اروح للمعهد وعمار ماكو .. رجعت بيوم جانت الدنيا تمطر فتحت غرفتي وشفت إيلنور بيدها موبايلي!!!
حجيت بتردد
" ايلنور شدسوين؟؟"
- عندج موبايل بلسر ضامته؟ حلو حلو
تنهدت وكعدت بلكاع ماكو حل بعد خلاص خلي تعرف اني تعبت من الكتمان .. موبايل جنت كلشي ما حاذفة بي جان كلشي بي ..
حجت وباوعتلي خزرتني
- هو عمار هم مخدوع بيج مثل اهلي خلي يعرفج
- يعرف شنو؟؟
هي سكتت وتلعب بلموبايل مسحت دموعي
-ااااء إيلنور يعرف شنووو؟؟؟
- كلشي
-إيلنووووور شنو شبيج؟؟؟
كمت سحبت تليفون من إيدها بعصبية، عيني توسعت وعيوني رجفت شفتها، شفتها بعيني دازّة صوري، أني وحسن... لعمار!!!
تشنجت إيدي، حيل خفت، نزل التلفون من إيدي بلا وعي
كلشي صار ضباب، ما أشوف، حسّيت الدنيا دا تدور
فجأة دكّات گلبي صارت مو طبيعية
خفقان قوي صدري ياذيني ما أكدر أتنفس عدل
إيديي ثلجن ماحسيت بشي غير اني بلمستشفى..
كعدت نفسي ثقيل حاولت أسترجع ذكرياتي شويه شويه فتحت عيني شفت إيلنور يم راسي همست - إيلنور ليش هيج سويتي؟
وكفت يم راسي
- راح اخلصج منهم
- إيلنور عمار دره؟
- بعد انسي عمار وحسن ماكو هذوله
- إينلور شسويتي!
اجوي اهلي .. طلعت من مستشفى إيلنور اخذت موبايل مني خفتهه خلتني اعوف معهد جبرتني ابطل من مدرسة واقنع اهلي بسبب مرضي وجبرتني اوافق على رامي دمرتني إيلنور كولشي لازم اوافق ..
حرمتني من دراسة الي هيه مابقه شي واصير جامعة بس كالت "انتِ مدرسة ولعبتي لعب جامعة شتسوين"..
واني اساسا ردت اخلص من كولشي
هسه حتى إذا دكلي موتي اقبل ..
قبلت ازوج واني ماعرف شي عن عمار ..
صار زواجي تقليدي إجباري لمن ازوجت
رامي اشتره موبايل الي ماسويت بي شي ..
جان رامي لطيف بس اني كرهت الكل واتعامل برود ويا .. مره اغسل الطرمة فتحت باب ارش بل باب وشفت عمار بقيت ارجف وسديته ..
صرت اخاف كل ما افتح شباك المح عمار
اكول لــ ايلنور وهي ما تسوي حل .. هذا بقه واخاف رامي يشوف .. مره طلعت للسوك
واجه واحد غريب وصلي رسالة تهديد يريد فلوس ويفك عني عمار !
نصدمت عمار شيسوي بالفلوس! بس جان يريدني اروح للشقة .. كلت لـــ ايلنور تروح اخاف اني اروح بس هيه صدمتني وضيعت الفلوس .. وبقه عمار يهدد .. لحد ما خفت ورحتله بنفسي .. سلمته نفسي طلعت من المكان وارجف ..
رجعت للبيت صعدت لغرفتي ارجف وابجي طبيت للحمام اغسل بنفسي حيل حاولت تروح اثاره ما راحت دكيت راسي حيل بلحايط ليش ما اموت لييش !!
ندك باب الحمام رامي
" نورا شبيج حبيبتي ؟"
- ها لا مابيه شي
طلعت من الحمام شفت رامي كاعد على جرباية من شافني كام اجه بتجاهي ودنك على ركبتي وهمس "مشتاقتلج شو لا اتصال لا شي ليش عيونج حمر "
ابتعدت عنه شويه
- رامي تعبانة
هو حضني وقربني باسني بركبتي ونزلت دمعتي أبتعد عني باوعلي بعصبية
- ليييش تبجين كل ما اتقربلج ليش ؟؟؟
سكتت هو عافني وطلع جبت سجينة ردت انتحر بس جبانة خفت ...
إيلنور ...
باوعت لنورا وكتلها
-: لج إنتي شسويتي كليلي شسويتي ؟؟؟؟
نورا .. شسوي راح اكتل روحي
- اي موتي بس شنو تستفادين تموتين وانتي عار لو ميتة بشرفج ولا هل دكة كافي نورا تعبت منج
نورا .. عمار صار انسان ثاني بسببج صار حقود ويريد ينتقم مني عباله اني وحسن نضحك عليه
- ههههههه ليش هو مو هيج؟؟؟؟
نورا كامت
- هاهيه واني اصلا بعد ما اهتم
- انتي شبيج منو اجه وسلمتي جسمج اله شكد رخيصة انتي لخاطر الله ؟؟؟
- اخاف
لزمتها من ايدها قوي
- اذا عمار يدزلج بعد شي كليلي لا ترحين ودمرين نفسج اكثر كافي خووف نورا صوني رجلج خطيه
نورا - عندج الحجي سهل هسه شكد صارلج لكيتي حل ؟؟؟؟؟
- نورا انتي لو تبتعدين هو مايسوي شي عوفي عمار عليه
نورا - لج انطيته نفسييييي اليوم انطيته الي يريددددده بعد شنو شنو ؟؟؟؟؟
درت وجهي
- فوك شينج كوات عينج
نورا .. بعمرج ما عاملتيني مثل اخت ولا حاولتي ويايه ولا سمعتي شي مني وبعدين تجين تعيطين احنه الي مو زينين بس
كاعده اموت كدامج وانتِ ولا يهمج
شنو فرقج عن حسن؟
باوعتله أول مره نورا تحجي ويايه هيج
اول مره اسمع هيج كلام منها فتحت عيوني
ردت احجي بس سكتت ..
نورا نزلت دمعتها
- لا تحاولين اطلعين نفسج بريئة ماكو اخت ادز صور اختها وتفضحها الطعنة اجتي منج
إيلنور انتي الي دمرتيني قبل الناس الغريبة
سكتت وبعدين حجت بشهكة
- اختييي اني غلطت اي غلطت بس مالكيت شخص التجا اله وانتي اول ماعرفتي شسويتي ! ضيعتيني دمرتيني بعمرج ما حبيتيني ، حبيتي تشوفيني مكسورة بس ..
طلعت وسدت الباب بقوة .. صفنت بكلامها كلامها صح اني استعجلت ماعرف ليش بسرعة دزيت صور بدون تفكير ..
كعدت ثاني يوم جنت ضايجة حيل
لبست فستان نيلي وطلعت ..
شفت سفيان مقابيلي رحت سلمت عليه
جان صافن
" هلو سفيان هلو"
- اسمي عباس سفيان
ابتسمت
- مو مهند كال اسمك سفيان
-اخ منه موتني هلرجال ، صدك إينلور هذيج الدكتورة شسمها ؟
باوعت شفت دكتورة مروة اشرتله
- هاي ؟
- اي
-هاي دكتورة مروة عمرها 32 ما مزوجة
ضحك .. شني قابل اخطبها بس كلش هواي تنطي شغل
ابتسمت .. اووه بعدك اشايف انت هسه تشوف شغل على أصوله
رفعت راسي شفت دكتور بكر يباوع عليه مبين هسه جاي لابس قيمص اسود وبنطرون اسود
باوعلي بنظرات غريبة وفات ..
رحت اشتغل اجتي موظفة جديدة عيونها خضر وبيضة شكلها كولش حلو
اجتي مروة كالت
- إيلنور حبيبتي شوفي هاي ميار علميها ودليها .
ابتسمت هيه اخذتها افرها بلمكان بس رسمي وياها بعد من سما وتبت اصادق همست
- جوعانة ولله
- شنو تردين
- كيكة وعصير
رحنه اشترينا .. باوعتلي
- البنات شلونهم هنا الشغل شلونه
- هسه تتعرفين على الكل وتشوفين بعينج
رحنا أشوفها شغل شفت اجه دكتور حيدر واني ماطيقهه شفته يمشي بتجاهي .. حاولت امشي
بس صاح " دقيقة عيني "
التفت عليه .. نعم؟
كاللي بصوته المعروف الهادئ بس عيونه بيهن شي غريب:
- إينلور بلا زحمة عليج تعالي وياي نكمل ملفات المرضى بغرفتي صارت هوسة
چنت واكفة يم ميار
رحت ومشيت وراه هو كدامي واني وراه گلتله بخفة:
- دكتور حيدر مو ضروري نروح للغرفتك نكدر نسويها هنا بالردهة .
لف راسه وببرود گال:
- وآني اجيب الملفات كدام المراجعين والممرضات؟ يابه امشي امشي شتحجين انتي .
سكتت ومشيت دخلت وياه الغرفة جنت سريعة بلملفات حايرة شلون أطلع بدون ما أوگع بحجايه ، ما انسى دكتور حيدر والبنية مقزز ..
مديتله الملفات هو أخذها بس تعمّد يلمس اصابعي ضوجني سحبت إيدي بسرعة گلتله واني عصبية :
- دكتور آسفة ما أگدر أكمل عندي تقييم سريري .
گال:
- بعدنه ما مكمّلين بس ذني بقن كملي سرعتج حلوة!
- لا والله ما أگدر تأخرت أساساً.
طلعت ركضت بريشاتي وكل جسمي رجف من لمس اصابعي إحساس مقرف ..
كملت شغل وبعد ساعة منار اجتي تركض گالتلي:
- إينلور، دكتور بكر يريدج بمكتبه.
- آني؟؟؟؟
- إي، أنتي إينلور مو؟؟
- إي، بس شيريد مني؟
- ما أدري ، گال تجي ضروري .
وصلت لمكتبه دكّيت الباب سمعت صوته معصّب گال: "تفضلي"، دخلت
وجهه مايبشّر بخير .
أول ما شافني، نزل علّي بنتر:
- إينلور سؤال واحد جاوبيني عليه بصراحة .
- إي دكتور تفضل .
- شتسوين بغرفة دكتور حيدر؟
- چنت أجهز وياه ملفات هو طلب مني أساعده.
- ليش ماكو غيرج يعني؟؟ وثانيا انتي هذا مو شغلج
- ما أدري دكتور هو طلب مني مباشرة .
- أكو الف موظف وموظفة يشتغلون بالقسم انتي مو هذاك اليوم شفتي دكتور حيدر ويه وحده معناها سمعتة مو زينة شلون ترحين وحدج؟ هسّه شراح ينحجي عليج؟
سكتت ماعرفت
نتر وكال بصوت حاد:
- ما تجاوبين؟
ارتبكت
- لا دكتور إن شاء الله ما تتكرر.
نصه صوته لكن نظرته بعدها حادة:
- إينلور اعتبريها نصيحة لازم تنتبهين مره الثانية
هزيت راسي بهدوء
-فهمتيني؟؟
- إي فهمتك دكتور .
- تمام كملت كلامي تفضلي سدي الباب
باوعتلهه بصدمه
هذا طردني بس بنزاكه..
طلعت وبقيت باب مفتوح كل مره يكلي سدي الباب ولله ولا اسده هلمره ..
رحت كعدت انتظر عثمان واشرب عصير
صفنت اذكر كلام نورا على بالي افكر بيها ..
فعلا احنه ابد مو خوات..
شفت بنيه تبجي لابسه سكراب كمت رحت يمها خليت ايدي على جتفها بس تبجي وتشهك
- حبيبتي بيج شي تردين شي ؟
رفعت راسها وهزت راسها بــ لا
رحت اشتريت مي وجبته الها
كعدت بصفها
-هاج اشربي اخذي نفس حبيبتي
هي رفعت راسها ومسحت دموعها ..
اخذت بطل مني كالت
- شكرا
- شبيج ؟
ابتسمت ودمعتها نزلت
- ما صاير شي خليها بكلبي
- مرات الكلام يريح سولفي اذا تحبين
باوعتلي وعيونه دمعت
- قبل شويه اجه هو وبنية طلعو عدهم تحاليل علمود العقد واني الي سحبت دم منهم
- منو هو ؟
- واحد جنت احبه
مديت ايدي لزمت ايدها
- يعمري هو الي خسرج
- بس ولله حبيته حبيته
- هو لو يستاهل محبتج جان انتي بدالها هسه
بقت ساكتة وعيونها تصب لحد ما رفعت راسها شويه وهدئت باوعتلي
- انتي شسمج وشكرا .
- إيلنور وانتي؟
- داليا ، انتي ما شايفتج
-اني مو تحليلات
ابتسمت وكامت
-الكعده وياج حلوه بس لازم اروح اغسل راح ينفضح وجهي راح المكياج
ضحكت -: دروحي الكحلة ومسكارا خربو وجهج
داليا .. عود اشتريتهم غاليات بعد لا اشتري غالي كالو ما تسيل الجذابين
- ليش بيش اشتريتيها؟
داليا .. اشتريت مسكارا بــ ٤ الف وقلم الكحلة بألفين
- هاا لا اكو أغلى
داليا .. عليمن ولله كحلة ام الف تخبل ارجع عليهاا بس من تخلص هاي
- دام زينة ابقي عليها اني ما مجربة ام الف
داليا .. اذا رحت للسوك اشتريلج منها
- لا حبيبتي عندي لا تكلفين نفسج
داليا .. يمعودة هو الف اخذه من أخوية قاسم
ابتسمت وسكتت هي صفنت وكالت
- اني عندي طبع كبل احجي كلشي لأي شخص
ولا ابطل هلطبع ماعرف أصير كتومة
- بس حلوو
- انتي حلوه وتشوفينه حلو
ضحكت ودنكت وهيه راحت باوعت للساعة ٥ وعثمان ماكو دكيت عليه
جاوبني -: لولو بس لا منتظرتني
- اي وينك؟
عثمان .. ولج ولله ازدحام بعدني بالمنصور ماكدر اجيج طولت بلدوام
- ياا عثمان غير دكول الي
- باعي مروة عدها سيارة خابريها ارجعي وياها لا تأخذين تكسي هيج وقت
سديته منه خابرت مروة
جاوبتني سريع " اهلا اينلور "
" دكتورة بعدج بلمستشفى؟"
" لا ولله حبيبتي رجعت للبيت ليش؟"
"ها عبالي ارجع وياج عثمان ماجاني "
هي اعتذرت سديت الموبايل منها يالله هو مكتوبة اليوم ارجع وحدي شفت دكتور بكر يخابر ومبين عليه معصّب بس من باوعلي استغرب وسد الموبايل وتقدّم ناحيتي .
كال:
– إيلنور؟ شعجب بعدج هنا؟
ردّيت بهدوء:
– جنت منتظرة عمو.. بس ما گدر يجي .
سألني وهو رافع حواجبه:
– انتي وين بيتكم؟
– بالكرادة .
– على طريقي أوصلج ويايه؟
– لا شكراً أني أرجع .
سكت شويه وبعدين گال :
– زين خابري أخوج لو أبوج خليه يجيج خو ما ترجعين وحدج؟ أنتي ليش ما مسويه خط اساسا ؟
تفاجأت من كلامه !! يا هذا شبي :
– عمو هو متعوده عليه واني عادي أرجع وحدي .
رفع حاجبه:
– ترجعين وحدج؟
– إي ..
– براحتج
دار وجهه وراح واني مشيت
حسّيت الفستان من فوق ضيّك عليه والهوى اليوم قوي شويه ظل يطير بل فستان ماكو تكسي يووو ..
أمشي وكلبي يدك من التوتر هسه غير يوكف واحد ويفضني لحد ما مر ولد من يمّي باوعلي وضحك بصوت عالي:
– احح شِهالصدر أم النيلييي!!
شفت عيونه متسلطة عليّه أني أخاف من هيج مواقف خصوصاً اذا وحدي ..
أمشي بسرعة وهو ورايه بدراجته، شويه
وشفت سيارة توكف يمي ...
كتبت الكم الأشياء الي وصلت من نورا ماعندي أحداث اكثر لهذا ما تعمقت اكثر ❤️ .
شكرا لزيارتكم عالم روايات سكيرهوم
