رواية الشيخ سلطان الفصل السابع بقلم زينب نور
سلطان
شمس/قدمتلي المي وشفت لابسه دلع وصدرها مبين ليكول كيمر مو صدر تقصدت احرجها اشرتلها هي دنكت شافت روحها ومااحس اله كلاص المي بارد بحضني راساً كمت ع حيلي وصحت بيها شنوووو متشوفين شبيج+
شمس/عاط بيه راساً نزلت دموعي
دنكت بقيت ساكته
سلطان/استغفرت ربي وهدئت كلتلها يله مصار شي
كمت صعدت لغرفتي
زينب والحجيه
كالن
لتضوجين وليضل ابالج اكيد مايقصد بس هو عصبي حيل
الشيخ/بويه لاتضوجين من ابن عمج هو هذا سلطان من يوم يومه عصبي
شمس/لاعادي مصار شي اني صاعده الغرفتي
صعدت وصلت لباب الغرفه باوعت على غرفه سلطان كولت اروح اعتذر منه
دكيت لباب على كيف مرتين جان ينفتح سلطان كولشي ملابس بس منشفه لافها على بطنه وخاولي على راسه يفرك بــَس شعره فتح لباب باوعت عليه راساً دنكت راسي استحيت جسمه طالع وصدره متروس شعر وقطرات مي تنكط منه درت وجهي صاح تفضلي شمس
سلطان/اندك. لباب عبالي عبالي حمزه لو هيا صعدو لان دكه خفيفه وانه هستوني طالع من الحمام فتحته وصارت شمس بوجهي شافتني ودنكت الضاهر استحت وانا ملابس بس المنشفه لاف روحي بيها رادت تطلع. صحتله اتفضلي بكلبي تعالي اجيتي برجليج
طبت بس مدنكه
راساً اخذت دشداشتي والفانيله. وطبيت للحمام لبست وطلعت وكفت على المرايه امشط شعري وهي وراي مدنكه كلتلها رفعي راسج ترى بدلت
شمس/من طب للحمام رفعت راسي الغرفه اول مره اطبلها كولش جبيره يمكن اكبر غرفه بالبيت وبيها غرفه تركيه بيضه ام نفرين كولش فخمه وحلوه كولها مري
وميز مكتبي على جهه وقنفه كبيره و2 صغار لونهم اسود والبردات لونهم ابيض واسود اباوع. وحسيت باب الحمام انفتح راساً دنكت سمعته كال رفعي راسج بدلت رفعت راسي عليه شفته. لابس دشداشه لون جوزي مخصره عليه ويمشط بشعره اني وراه بس مبينه بالمرايه
سلطان اني اسفه والله مو قصدي اوكع الكلاص عليك بس من اشرت على هنا سكتت
سلطان/ انداريت عليها عرفتها شتقصد بس الضاهر استحت تقربت عليها وكفت كدامها مسافه كلش قريبه وهي كدامي واكفه عبالك هيا واكفه كدامي هلكد ما ناعمه واقصر مني بهواي
ايي كملي من اشرت على شنو قصدج من اشرت على الدلعه مالتج. والجوه مبين
شمس/خجلت منه حيل
صح اني عايشه ابلد اوربي وكولشي هناك عًـًـًآدًيً ومتاح بس اني بابا من الصغر معلمني على العيب والغلط والصح يعني من اٍُِجٌِيت للعراق ولبيت عمو شِفـٍـْْ👀ــٰٰتْ شكد شبه بينهم وبين بابا خصوصاً الدم والطبع نفس الشي
صح ممحجبه بس بعمري من شبيت لحد وفاة بابا مايوم لبست كيمونه كدام احد بس مٰـ❧ـِّنِْٚ آنام او محد بلبيت مٰـ❧ـِّنِْٚ اطلع. اكثر شي لبسي بديات. نص ردن او ربع ازيد شي. مااخلي جسمي يطلع لا صدري ولا شي مماخذه طبع البريطانين والسبب يرجع لتربيه بابا اليه طبعاً هو الي علمني
حته انس شكد حاول يتقرب مني ويبوسني ابد ماسمحتله بهالشي كوتله الي اعرفه هالشي حرام وميصير اله نتزوج ياله
هنا قرب سلطان. ونضراته. وكلامه اليه احس روحي صرت طماطه من الخجل مديت ايدي ع شعري بقيت العب بي ومدنكه
سلطان/اشوفها شكد خجلت معقوله هاي من ام بريطانيه وعايشه ابرطانيه انه ادري عدهم كلشي عًـًـًآدًيً بــَس هالابنيه صح شكلها مويمنه ابد شكلها اجنبي بس طبعها وخجلها ودمها عراقي
كلتلها/اسمعي بنيتي انتي هنا صح مالابسه حجاب بس هم انتبهي اللبسج شويه من تدنكين خاف يطلع ضهرج لو يطلع. جسمج. من الدلعه لتنسين اكو شباب اثنين بالبيت انه وغسان صح ولد عمج احنه بس هم حرام ميصير نشوف جسمج
شمس/هو يحجي وكانما بابا واكف كدامي يحجي تذكرت كلمه بنيتي وكلمه حرام. وميصير راساً دمعت عيوني اشتاقيت البابا حيل
سلطان/شو احجي وياها وراساً نزلت دموعها والوجه نكلب احمر
شبيج شمس كلامي غثج ليش بجيتي
شمس/لابالعكس كلامك حلوو بس تذكرت. بابا جان اكثر كلمه يكولها اليه بنيتي وهم على طول جان يعلمني على الحرام والغلط من الصح ومن وفاته محد نصحني بشي
اشتاقيت البابا حيل وخليت ايدي على وجهي بقيت ابجي واشهك
سلطان/انمرد كلبي عليها وهم ذكرتها بعمي وانه كلتلها بنيتي هيج عفويه طلعت مني ماادري عمي جان يصيحلها كله ابنيتي وذكرتها بي
مديت ايدي وخرت ايدها من وجهه باوعت عليها عًـٍُُيُِِِِونها
جنهن شذر ولنوب حمر صايرات والوجه احمر من البجي مسحت دموعها بيدي وبستها براسها ردت الطف الجو شويه وياها كلتلها انتي حالج حال هيا بويه انه ابوج وانتي بنيتي
شمس/ضحكت من كال هيج
سلطان/ايي وعلي البجي ميلوكلج اضحكي شويه
شمس/تمام يله عن اذنك رايحه لغرفتي
سلطان/راحت واحس الغرفه متروسه بعطرها
كملت تبديل لفيش الشماغ ورشيت عطر اخذت السبحه ونزلت رحت للمضيف مالتنه مضيفنه مايفرغ شبابنه دومهم بي ولد عم ابوي وولدهم كلهم. يمنه داير مدايرنه ساكنين وتجمعاتهم كلها بالمضيف جاي وكهوه وكاعدين حته لو ابوي مموجود همه موجودين
رحت
كاعد صحت للكهوجي جابلي كهوه وهنا اجه ابن عم ابوي كال ٱڱڵـــگ ابو حمزه صدك المرحوم حازم عنده بت طلعت
سلطان/اي عمي صدك
عمي/ويمكم البت
سلطان/اي يمنه
عمي/شني صغيره جبيره البت
سلطان/لا صغيره ڃًٌْـُ👶ـٱٍهڵ بعدها
عمي/الله يرحمك ياحازم عشت حياتك بالغرب وتالي حته ماحصلت ولد يشيل اسمك
شمس/نزلت يمهم كاعده يم الحجيه وزينب
وهنا طب غسان كال السلام عليكم
الحجيه/هلا يمه هلا بيك جا وين مريتك وجهالك
غسان/يمه من الشغل واجت بقو هناك باجر اجيبهم
الحجيه/خالتك شلونها يمه
غسان/الحمدالله تسلم عليكم
يمه جوعان اكو شي اكله
زينب/هسه خويه بس اكمل شعر هيه واكوم اصبلك تاكل
شمس/شفت زينب تمشط بشعر هيا
كمت كولتلها اني راح احضرله الاكل
طبيت للمطبخ
اكو تمن ومركه دجاج مال الغده ردت افتح لطباخ. مااعرفله
شِفـٍـْْــٰٰتْ غسان. غسل ايده. وكعد على الميز يدخن جكاره باوعــت عليه كوتله بس افتحلي لطباخ. مااعرفله
اجه يمي كلي باعي تفرين هاي اول وحده وتقربين الجداحه يم هاي العيد وتفتحيها
وهاي العين تفرين هاي ثاني وحده وتشغليها
شمس/ابتسمت كوتله شكرا
باوع عليه كال وهسه عرفتي تفتحين الطباخ
شمس/اي عرفت
بين مايحمي الاكل طلعت طماطه وخيار وليمون سويت زلاطه وطلعت طرشي خليتهن كدامه. وصبيتله ماعون تمن. وماعون مركه. وجبتله الخبز ردت اطلع
غسان/شكرا شمس تعبتج
شمس/العفو مسويت شي
غسان/اكعدي اكلي وياي
شمس/لاشكرا مجوعانه
غسان/زين صارلج شكد يمنه وكلشي مااعرف عليج تدرين بس اسمج
شمس/كعدت يمه كوتله وشنو الي حاب تعرفه عليه اسمي تعرفه مواليدي 97
غسان/رفعلي حاجبه كال مواليد97 انتي
يعني عمرج 19 سنه
شمس/بالضبط
غسان/اها حقج لعد من تلعبين وي جهالنه
شمس/عقدت حواجبي يعني شنو قصدك
غسان/ماقصدي شي بــَس قصدي صغيره بعدج
شمس/ليش انت يامواليد
غسان/88 اكبر منج ب9 سنوات يعني
شمس/العمر كوله
غسان/تـسـڵِمۭيؖـنْ تدرسين لو لا
شمس/اي كملت ثانويه وع لاساس ادرس هندسه معماريه بس اٍُِجٌِــيٍّتٍُْ هنا واجلت السنه
غسان/حلوو انه خريج اداب واشتغل بالعمل مال ابوي وابوج. انه لازم الشغل كله
شمس/ايه يامواليد
غسان/ايه مواليد 90 وتصير بت خالتي مكمله ثالث متوسط وبطلت
شمس/ربي يحفظكم البعض
غسان/اشكرج ربي يحفظج
شمس/ايي وبعد شنو حاب تعرفه عليه مثلاً اكل الثريد بالخاشوكه
غسان/ضحك وهو ياكل راساً اختنك بقه يكح
كمت جبتله مي كولتله اسم الله
شرب مي صار عيونه حمر ومدمعه
غسان/تدرين احلى شي بيج هالصفه هاي
شمس/ضحكت
بهلاثناء طب سلطان شافنه نضحك اثنينه يحب كرسي وكعد مقابيلي
سلطان/هـْﮩـااا خويه ابو علي اشوف الامور طيبه اليوم ﯙيـن ام علي لعَـدْ
غسان/هلا ابو حمزاوي بقو يم اهلها باجر اجيبهم
سلطان/وانه ً أگـِْۈۈل غسان فاتح الحلك ويضحك ماخذ راحته
غسان/شبيك ياخويه هو مجرد اتعرف على بت عمي
شمس/سلطان دائماً احس كلامه كوله الغاز مااعرف ليش
استاذنت منهم وكمت طبيت جوه
شويه وطبو اثنينهم
الحجيه/يمه مابقه شي لرمضان. كلها كم يوم وصولنه الكصاب على ذبيحه وجيبولنه السمجات والدجاجات خلي البنات ينضفنهن ويضمنهن
يمه غسان خابرلنه على ام مشتاق تجي تنضف البيت قبل رمضان لان ماتكدر تجي المره برمضان وهي صايمه
غسان/باجر يمه اشوف مشتاق بالشغل واكله تمرلنه
مشى اليوم طبيعي ثاني يوم نزلت لكيت مريه غريبه يطلع عمرها بالاربعين نهايته وياها ابنيه شابه ينضفن بالبيت حته البردات نزلنها وغسلنها وينضفن بالسيراميك مال مطبخ والهول
كولت لزينب منو هذوله
كالت هاي ام مشتاق هي وبتها ناس ع كد حالهم ابنها يشتغل عامل وي غسان. وكل فتره تدز عمتي عليها تنضف البيت وتنطيها هالقاسمه الله وعمي الشيخ مسويلها راتب كل شهر ينطيها لان رجلها خطيه ميت وعدها جهال بركبتها
المريه باوعـت عليها وكالت
اللهم صلي على محمد وال محمد منو هاي البت جنها لعابه
زينب/هاي شموسه بت عم سلطان
كملن البيت لضهر وراحن تغدينه العصر اجتي ايه هي وجهالها وثاني يوم جابو خروف مذبوح كامل بدون صوف وراس ورجلينات بس لحم وكعدت كمي بالمطبخ تقطه بي وتسوي علاليك وتضم بالمجمده وزينب نضفت الدجاج والسمج. وايه كاعده تلف كبه والمطبخ هوسه صاير كولتلهم شنو عدكم عزيمه
الحجيه/لايمه بعد يومين رمضان انـ شـاء الـلّه واحنه كل رمضان هيج نحضر قبلها اجواء رمضان حلووه هسه تشوفينها يمنه
ورا شويه طب غسان وطوب علاليك كولش كبار
بقوليات ومعلبات وصناديق عصاير طوبهن والبنات ياخذن منه ويطوبن للمخزن اني هم كمت اشيل وياهن الي اكدر عليه وطوبته للمخزن
ورا يومين بليل كالو اليوم سحور
كولتلهم شنو يعني
زينب /خيه نتسحر حته باجر نصوم ماناكل ولانشرب شي لحد اذان المغرب
كولتلها اهاا اي بابا هم جان فتره بالسنه يصوم يكولي رمضان. اشوفه مياكل لليل ياله بس ماعدنه هيج اجواء مثلكم حبيت حماسكم
عادي اصوم. وياكم
كولهم كاعدين جانو
الحجيه/اي يمه صومي لَيــِْش لا لعَـدْ والصيام. واجب
سلطان/باوع عليه ابتسمت كال زين اذا قاومتي يومين
شمس/باوعت عليه ورفعتله حاجبي كوتله ماشي نشوف
نضره تحدي صارت بيني وبينه
