رواية صغيرتي كالشمس الفصل السابع بقلم ام البنات
سلام...صعدت دكت عليه مها رفضته وغلقته مالي خلكها
فنن...سلام شبيك شو كمت بسرعه حتى جايك مكملته
سلام...لا هيج ماكو شي ...بس ضجت
فنن..شنو الي ضوجك
سلام ...كمت تقربت عليها كتلها انتي ....بعصبيه وصوت ناصي
فنن..اني !ليش شسويتلك
سلام..... تقربت عليها اكثر كتلها من تحتاجين شي واطلبينه من اخويه ومطلبي مني الي حق ازعل 😠
فنن...احجي ومترزلني😬
سلام...من كالت هيج هديت نفسي كتلها احجي
فنن...مو انت كل وكتك عصبي ويايه وكل وكتك طالع شوكت اكولك وين شايفتك اني ومصطفى اخويه الجبير وكل اليوم ويايه ماينه عليه
سلام...تمونين على حماج واني رجلج متمرنين عليه ...حجيتها وعيني بعينها اوووويلي يا عيونها شرار مو عيون اخضر على ماوي ادوخ حتى نسيت شجنت احجي
فنن...منا وجاي اذا احتاج شي اكولك....انتبهت عليه كولش قريب عليه محسيت بي شوكت تقرب هلكد مني حسيت نفسي رافعه راسي عليه صافنه بعيونه عطره يجنن
رفع ايده ولزم خدي بطرف اصابعه من الضهر اني مدري شصار بيه اول مره احس هيج احساس حرك اصبعه الابهام على شفتي واني ما ادري شبيه بغير عالم
سلام...بدون وعي لزمت خده شكد ناعم بشرتها مثل الطفل تلمست شفافها الورديه شكد حلوه وترفه حسيتها مثلي دايخه غمضت وتقرب ابوسها ....جان تندك الباب مصطفى وينك
مصطفى....صعدت وراهم بحجت عدي اوراق خاف يترعن ويتعارك وياها ما ادري ليش احس نفسي مسأول عنها صعدت سمعته يحجي بعصبيه ليش متمونين عليه واطلبين مني شويه وصار هدوء حسيت بده يتقرب الها لان بده يحجي بهمس كلت خلي شويه يستوي وادك الباب حتى اشلع كلبها مو بسهوله ينولها هاي طفله متعرف ....دكيت الباب عليها
سلام...فتحت الباب وجع شكو
مصطفى....شدسوون😯
سلام....جريته على صفحه اشتعلت صفحتك خربت عليه الاول والتالي
مصطفى...شجنت اسوي😐
سلام.....اوووف ولك اول مره اتقرب الها هيج احس حتى رجليه خدرن
مصطفى....دروح خلصت منك انت خلي انصب على فنن.....فنونه تعاي صبيلنه بعد جاي
فنن...ها اي هسه
مصطفى...تعاي تعاي هاي شبيها خدوج حمر جنج وحده مسويه جريمه انضمو الى صفحتنا قصص عراقية واقعية
فنن....من اخجل لو افشل لو اي موقف يصير ويايه خدودي اصير حمر....ها لا مابيه راح انزل اني
مصطفى😂😂😂باع شلون استحت
سلام....اكلك اني راح اسافر عكب باجر عينك على فنن
مصطفى...نجب انت تعلمني شلون ادير بالي عليها🙌🏻
فنن....بقيت يومين ما ابقه وي سلام بمكان وحدنه اتهرب منه ما ادري ليش
سلام...فنن تحاول تتهرب مني يمكن تخاف من هذاك اليوم من فقدت بس اني مصر اخليها تثق بيها صاريومين زينين نسولف ونضحك سوه لازم اخليها تحبني ....اكولج فنن امشي نحضر الجنطه مالتي خاف بيها نقص لان بالليل طيارتي
فنن...اي راح اصعد....صعدنه نحضر الجنطه مالته
سلام....اعدل بجنطها اباوع عليها كتلها محتاجه شي اجيبلج مناكه
فنن...لا سلامتك
سلام....بكلبي كون هاي مها جان سوتلي قائمه....شلون يعني ابد ولا شي محتاجه
فنن....اريدك سالم ممحتاجه شي
سلام....وصيني على شي اي شي اريد اجيبلج شي بس ما اعرف وارتاح اذا طلبتي مني
فنن....اي شي يطلع منك حلو
سلام....اوكي
فنن...سلام
سلام..نعم
فنن...تتاخر
سلام...نداريت عليها وكفت كدامها ولزمته حنجها رفعته عليه كتله انتي شتردين
فنن...شنو شريد
سلام...تردين اتاخر لو من وكت ارجع
فنن...لا طبعاً اتمنه ترجع من وكت
سلام....ليش
فنن...ما ادري بس من انت ماكو اضوج حتى لو منحجي سوه بس من انت موجود احس نفسي مرتاحه
سلام...فنن اريد ابوسج وعد مني ما اذيج ابد
فنن...معرفت اجاوبه بقيت ساكته تقرب عليه وباسني شفافه دافيه
سلام....شكد بايس بنات بس هيج شفايف مشايف رقيقه كولش بقيت ابوس بيها بديت اكزكز وخرتها كتلها وخري راح ااذيج
فنن...هو باسني ما اعرف ابوسه اني بقيت ساكت بس هوه يبوس بعدين كلي وخري راح ااذيج حسيت يكز بسنونه اني احس نار تطلع مني احتريت كولش وخدودي نار ....دفعني وكعد على الجربايه كلي روحي جيبيلي ماي
نزلت اجيب ماي طلع بوجهي مصطفى...
مصطفى.....هاي شبي وجهج
فنن.....ها لا مابيه
مصطفى...هاي خدودج وارتباكج يخلين اسألج سلام وين😉
فنن....عفته ونزلت
مصطفى...فتحت الباب ودخلت على سلام لكيته متمدد وصافن بسكف...كتله الشاغل بالك يتهنه😉
سلام...كولك عوفني وروح مو بحالك اني
مصطفى.....مبين مو بحالي ...تمددت بصفه وحضنته بسته من خده وهوه بغير عالم صافن ندار عليه وعاط
سلام.....دافكر بشفايف فنن وبوستها محسيت ال واحد يبوس بيه نداريت لكيت مصطفى
اااايع كبر وخر دفرته وكع من الجربايه ....امداك وامده جهرتك🙌🏻وين جنت صافن فزيت على جهرتك
فنن...دخلن لكيت مصطفى بلكاع ميت ضحك وسلام يدردم...شكو شبيكم😯
مصطفى....فاتتج والله🤣
سلام... لو تكوم تقره مو احسلك...تعاي خلي نكمل الجنطه
مصطفى...لا ما اقره اليوم عدي استراحه خلي اساعدكم بجنط😂
سلام...😒😒كوم امي اصيحك
مصطفى...امي طالعه😆
.
.
سلام...اول مره موعد سفر عدي وضايج ماريد اسافر اباوع فنن كاعده على الجربايه ضايجه كومتها وحضنتها لا اضوجين
فنن...مو تتاخر
سلام.. احاول ما اتاخر صدكي لو ما شغل ضروري ما اروح
فنن...تروح وترجع بسلامه
سلام...بستها من خدها ورجعت ابوسها من خدها الثاني شكد رقيقه ونازكه ...جان تندك الباب فتحت لكيت مصطفى
متكلي انت منو موصيك عليه
مصطفى😃لازم فاتني شي
سلام...هذا هم حظي 🤦🏻♂️
مصطفى دمشي اوصلك
سلام....فنن بقي تلفونج يمج خاف اخابر
فنن...ان شاءالله
سلام...طلعت بطريق دكت مها جاوبتها ها شبيج
مها...انت راح اسافر
سلام....اي ليش عدج مانع
مها....وي منو وليش مكتلي
سلام....وي سجاد عدي شغل واخذ سجاد ويايه اضوج وحدي
مها ممقتنع ليش مكتلي من وكت
سلام....وانتي شكو مرتي مدخلت بيه
مصطفى...من حجي سلام وي مها عرفة كام يكرها ارتاحيت وصلته للمطار ورجعت لكيت فنن ضايجه شبيج
فنن...ما ادري خلي نطلع للحديقه احس خنكه البيت
مصطفى...والله عمي لاخنكه ولا شي بس انتي ضجت على فراك الحب😉
فنن...اووف الغرفه تخنك مكدرت اصعد ضجت
مصطفى...يالله ان شاءالله ميطول ....انتي ماكله حلاه اليوم وجهج اصفر
فنن...اي ماكله بس يمكن لان ضجت او نقهرت نزل راح اكل بعد وحده
سجاد...الوكت كله سلام ضايج مو عوايده اعرفه عشرت عمر يحب السفر وصلنه للفندق
سجاد...متكلي شبيك ضايج
سلام....ما ادري اول مره اسافر وهيج اضوج
سجاد....دنحجي ودك تلفون سلام فايبر رفضه كتله جاوب شبيك
سلام...ختولي هاي مها مالي خلكها
سجاد...وضعك معاجبني 😐
سلام.....ولا اني
سجاد...رجع دك تلفون سلام بس هاي المره كمز وجاوب عرفت هاي فنن
سلام...هلو شلونج
فنن...زينه انت شلونك خوما تعبان من الطريق
سلام ...جنت تعبان هسه ارتاحيت
فنن...تدري البيت وحشه بدونك
سلام....عليج الله مشتاقتلي
فنن...اي
سلام...شنو اي؟
فنن...اي مشتاقيلك
سلام...معليه بيهم اري اعرف انتي مشتاقتلي
فنن...مشتاقتلك
سلام....اوووف يعني ال ابتعد يالله اسمع منج حجايه حلوه
فنن...انت هم متحجي بس اصيح وصارلك كم يوم زين ويايه ومن صرت زين سافرت😔
سلام....فنن احبج
فنن...ها..اني هم
سلام..شنو انتي .....ليش بخيله ويايه بلحجي
فنن...لا مو بخيله بس خليها تطلع من وحدها بدون ما انت تطلبها احله
سلام...اصبر هو اني صابر على كلشي بقت على هاي😐
فنن...يالله روح ارتاح دير بالك على نفسك
سجاد....سلام انت اخويه وادري بيك تحبها ابتعد عن مها لا ادمر حياتك هاي حيه وكلنه نعرفه بس انت مغشوش بيها وعفناك نريدك انت تنتبه بس صار لازم تبتعد عنها مدام تحب مرتك
سلام...اي دا احس نفسي حيل مرتاح وياها وبس ارجع احاول انهي كلشي وي مها روحي طالعه منها ....
سجاد....اكولك انت لحد هسه ممتقرب الها؟؟
سلام...اسكت لا اذكرني🤦🏻♂️
سجاد...ولك شلون كدرت مرتك حلوه
سلام...تره ادري حلوه ميحتاج تتغزل بيها كدامي😑
سجاد......كل ما اذكر البوري مالتك بيوم العرس اخرب ضحك بس متوقعت راح اطول هلكد متوصلها
سلام...صاحبك غبي ..بس لاتخاف اسوي تعويض😉مبقه شي ان شاء الله
يومين وسجاد خابرو عليه اهله ابو متخربط بلمستشفى رجع ودزيت وياه اوراق مهمه كتله وديها لا ابويه
سجاد....اطمنت على ابويه ورحت اودي الاوراق لبيت سلام دكيت الباب
فنن... الباب تندك اباوع بلكامره ولد واكف محد اكو لا احمد ولا مصطفى كلت الخاله شافته بلكامره كالت اطلعي ما اكدر امشي هذا سجاد صديق سلام مثل اخوه
طلعت كتله تفضل
سجاد....مره وحده شفت بيها مرت سلام ومن بعيد اليوم من شفتها نصدمت استغفر الله شلون خلقه شكد اثول هذا شلون هيج وياها هو 😳😳
بلازحمه هاي الاوراق اطيها للحجي دزهن سلام اني سجاد خويه
فنن..اي صار
سجاد...خيتي اريد اكلج شغله
فنن...تفضل
سجاد....سلام يحبج حيل بس هو طبيعته ميعرف يصرف لاتطين مجال للي تريد تاخذه منج انضمو الى صفحتنا قصص عراقية واقعيه
فنن...استحيت من هيج حجه بس من كال لاتخلين احد ياخذه منج كتله شكراً انت هم دير بالك عليه.....طبيت واني افكر اغير نفسي وي سلام كلت من يجي بعد انام يمه بالغرفه ويصير كلشي طبيعي هو رجلي ولازم اخلي يتعلق بيه ثنينه غلطنه من البدايه خشمنه يابسه بس هسه احبه ما اكدر استغني
سجاد...مها سطرتني سطر رسائل وتلفونات لو ادز نسرين صديقتي والولد خابرو كالو راح نلتم نتعشه سوه رحت
مها..سجاد لعد انت مو مسافر وي سلام ليش انت رجعت وهو بقه
سجاد...وانتي شكو شعليج بي
مها...هو جان وحده لو وياه احد
سجاد....لا بس اني وياه ورجعت علمود ابويه حتى دز ويايه اوراق وديتها للبيت اطيتهم لمرته
مها....شفت مرته
سجاد اي
مها...امممم
نسرين ...اكولك سجاد يكلون مو حلوه مرته
سجاد😂😂😂😂مو حلوه وج انتي اذا شفتيها تكرهين روحج ....بحياتي مشايف هيج خلقه الله يستر عليها والصراحه يستاهل سلام
مها...شنو قصدك😠
سحاد...قصدي عوفي الولد بحاله يحب مرته لا تدخلين بينهم
مها...😡😡بكلبي اني الك سلام
سلام...خابرت فنن ها حبي باجر جاي محتاجه شي
فنن..لا حبيبي سلامتك
سلام...كل هاي فترت السفر كول ما افرغ اخابر فنن نبقه نسولف تعلقت بيها حيل سوالفها بريئه ...اصفن اذكر من بستها كلشي متعرف بقت بمكانه وشكلها شلون ذابت مو مثل هذيج العوبه مها خبره.....رجعت وخابرت مصطفى يجيني طبيت للبيت فنن جانت واكفه وصايره ناار عافتني وركضت للغرفه
مصطفى...انت شمصخم
سلام....شوكت لحكت اسوي شي توني طبيت
مصطفى...دروح شوفها
فنن...بدلت وتحضرت لبست بنطرون وتيشرت ربع ردان ومكياج خفيف ورتبت نفسي راح مصطفى يجيب سلام...شويه وندكت الباب بلكامره بنيه دزيت عليها ام سجاد كتلها شوفيها مابيه البس حجاب شويه وفاتت ام سجاد وياها البنيه كالت خاله فنن هاي البنيه عليج جايه كتلها اي روحي تفضلي تعرفيني....بس شكلها مدري وين شايفته
مها....انتي فنن....بقيت صافنه ومتت غيره شكلها كلش حلو
فنن...تفضلي
مها....ليش مجلبه بسلام تره ميحبج
فنن...سلام زوجي مو حبيبي حتى مجلبه بي
مها.....ادري زوجج وهو يحبني الي وازوجج حتى يكدر يزوجني لان ابوه فرض عليه هذا الشي وهو حاجي لسجاد بس ياخذج يطلكج وكايله اكسر خشمها واعوفها مثل الجلبه
فنن....بقيت مصدومه من حجيها كتلها بلازحمه ياريت اطلعين بره بيتي
مها....بعد كم يوم توكفين تتوسلين بيه واني اطردج من هذا البيت عوفي لسلام وحافضي على كرامتج البقت مكافي الي سواه بيوم العرس تسوه عمرج من عافج بيوم عرسج وبقه يحجي ويايه
فنن...حيل تعبن والدنيا افتر بيه ام سجاد دفعتها وكلتلها طلعي بره هجامت البيوت ....اني بقيت ما ادري شسوي حسيت نفسي مضحكه نهانيت بيتي من وحده متسوه طول الوكت تحملت اهانات منه وساكته ومتحمله تجي وحده مثل مها تاخذه ميخالف خلي تاخذه اني هم ماريده بعد طلع من نفسي ....شويه وطب سلام من شفته اذكرت شلون طردني بيوم العرس وخلاني انام على القنفه عفته وصعدت للغرف احس نفسي افور اريد اصيح اول مره هيج اصير اعصاب ..
شكرا لزيارتكم عالم روايات سكيرهوم
