رواية جسر الذكريات الفصل السابع بقلم مريم الحيالي
نظفت البيت والفراش مسويت نفسي عروس ابد ولازم ما اشتغل ومن هالكلام لا .... وغسلت ملابسهم ورتبتهن .. الحمدلله الولد حبوني ويحترموني وشلت البيت كله .. حتى خالاته من يجون افرح وماضوج ولا اتملل او احجي وهمه اتعودوا عليه
علية : اني من بيت اهلي اخبز كتلة الدريد جيبلي تنور
دريد: خاف متلحكين تتعبين البيت كله عليج اني اجيب صمون ويايه
عليه: لا الخبز احسن وايكفي اكثر الدنيا حرب يوم ايفتحون ويوم لا خلي على ايدي احسن
دريد: سهله اجيبلج ان شاء الله
علية: والله فترة وجابلي تنور وكمت اخبز واني طبخي طيب الحمدلله امي من النوع جانت نظيفة وحازمة ومن الصبح احنه كاعدين نخبز وانظف ب١٢ لازم ابوية يتغدة
.... مرت الايام والحمدلله ماكو شي .. بس كعدت تعبانه وخامله مابية حييل مادري شبية
دريد: شو وجهج اصفر عليه مريضة يابة كولي
علية: والله مادري شو مابية حيل كلش اليوم .. هسه تجيني كريمة واخذها واروح للمستوصف
دريد: ان شاء الله رايح للشغل اني اي شي ايصير دزي علية..
.... راح دريد للشغل واجتني كريمة اختي صديقتي اكثر من اختي... ومن اتزوجت معافتني لأن عيالها قريبين علينه وتجيني كل فترة ..كتلها مالي خلك وسولفتلها وجان اتكلي..
كريمه: ياااا علية خاف حامل ؟
علية: حامل... شبيج كريمة معقولة ...صفنت اي والله صح ...
STORY CONTINUES BELOW
كريمة: امشي خلي انروح انحلل قبل ليجي الرجال من شغله
.....اخذتني ورحنه حللنه وكعدنة ننتظر والله وطلعت النتيجه وابو التحليل كلي
مبرووووك حامل..
عليه: فرحت الحمدلله والشكر ...فتت عالدكتورة وفحصتني وسوتلي كارت مال رعاية وكلتلي كل فترة تجين
.... كريمة فرحانه بية خطيه ... رجعت للبيت وكملت الغدة واللتموا الولد واجه دريد بس مكتلة استحيت كلت بعدين اكله
دريد: هاا علية شلون صرتي..
عليه: الحمدلله زينه ..اجتني كريمة اليوم .. ورحنه اني وياها للمستوصف
دريد: لعد شلون اتكولين زينه كولي يابة خيرج
علية: ليضل بالك ماكو شي بس حللت ... وطلعت حامل ... بينت علامات الفرح عليه متصورت هيج يفرح بس دريد كتوم ورزن يعني من النوع ميبين
دريد: الحمدلله ياربي الف الحمدلله بيها الخير... اخذي حذرج يابه وعلى كيفج منا وهيج
علية: ان شاء الله ماعندي شي البيت ميتعب .. كل فترة يجون اهل دريد خالاته وولد عمه يمنه علاقته بنزار كلش قوية اكثر من اصدقاء اتعودت عليهم
.... وهمه هم حبوني واحير شسوي من اكلات وحلويات وكل شخص شيحب اسويله والحمدلله يعجبهم الاكل
مصارتلي مشكلة وياهم ابد .. وايسمعون كلامي واني ممأذيتهم ولا همه اذوني مرت الايام .. وحملي تعب متصورت هيج راح اتعب وكل ماروح ضغطي صاعد
....كل ما اسأل الدكتورة واتكولي عادي مال حمل بس دير بالج وخففي ملح واكل بي دهون ... اكلها ان شاء الله
....فتت بشهر الثامن وتعبانه كلش كوة اكوم على حيلي الولد عسكرية بس فارس ورأفت الصغار يمي
من كعدت واني اللوب ودايخه الحد متدهور وضعي كلش واختي كريمة من دون الايام اليوم ماكو ما اجتني
علية: رأفت اركض روح الأخوك كله علية مو زينه راح اتجيب ... طلع راح يركض واني مكدرت اتحمل متت من الوجع كوة قاومت ...ودوخه وراسي احسه ايريد ينفجر
اجاني دريد هو وكريمة وامي من طالع داز عليهم اخذوني ورحنه المستشفى الهلال الاحمر بس من دخلت وشافو وضعي استغربوا.. سألتني الدكتورة
الدكتورة: ماما انتي بيا شهر
علية: بالثامن بس عندي ضغط من حملت كام يصعد
والدكتورة كالت ضغط حمل
الدكتورة: ايي ماما وحالياً كلش مرتفع عندج وحالتج خطرة وماعندج طلوگه لازم اتجيبين بأسرع وقت
.... هي تحجي واني ابجي وخايفة حولوني الصالة الولادة وسوولي طلوگه اصطناعية وگوة جبت بس ماسمع اي صوت للطفل او بجي كوة فاتحه عيوني
اشوف بس الدكتورة ملامحها اتغيرت بيدها طفل اخذته وطلعت بسرعة ..
دريد: ها بشري دكتورة جابت شلونة وضعهم
الدكتورة: مع الأسف اجتي الطفلة مختنگه وميته
العمر الكم.. الله ايعوضكم ان شاء الله......
