رواية دكتوره رفيف الفصل الثامن بقلم جمانه السعيدي
رفيف...بعد ماسمعنا من المكالمه ان الشخص المسول عن اختطافنا راح يوصل زاد الارتباك والخوف
هاشم...فتح الباب على كيف
التفت عليه وكال بسرعه خل نطلع قبل لا يوصل وبعد مانكدر نسوي اي شي
طلعنا نمشي على كيف بعد ماواصلين الباب البيت الخارجي سمعنا باب
الغرفه انفتح
بعد مانلحك نطلع راح يشوفونه لان بعد مسافه للباب
راسا دفعني هاشم ودخلني للمطبخ لان كان المطبخ بداية البيت عباره عن بناء طابوك وارضيه تراب كلشي مابي
وكفنا بجهة الباب بصف الحايط بنهاية المطبخ
بحيث الي يمر من يم الباب مايشوفنه
وكفت وهو وكف بصفي كمت كلني ارجف
ارجف من راسي الحد. رجليه
مااعرف خوف لو بردانه لو مرتبكه لو كلهن التمن عليه
بعد مادخلنا وطلع واحد منهم راسا صاح الحك ولك ذوله
ماكو منهزمين
رد علي الثاني شلون انهزمو طلعو ثنيبنهم بلحوش
.......منيين طلعووو
الباب مسدوده
رفيف...اني كلت خلص هاي هي لزمونا كمت ارجف بلزايد
وهاشم يقرأ آيات قرائنيه
واكف بصفي وحس جسمي كله يرجف
يعني اختظ بشكل موطبيعي
راسا رفع ايدا وخلاني بحضنه وكال على كيف اهدي
اهدء انشاء الله راح نطلع
رفيف...مجاي اكدر اسيطر على نفسي
صوتي يطلع ضعيف ومهزوز احس رجليه مايكدرن يشيلني
نزلت اديه ولزمت رجليه من يم الافخاذ
وهو بعدا خال ايده على كتفي ويقرا آيات قرائانيه
جمانه السعيدي
اسمع ذوله الولد واحد يلوم على الثاني
...انت السبب
...لا انت السبب
...شلون طلعووو منيبن اريد افتهم الغرفه مقفوله من برا
شلون فتحو الغرفه شلون طلعووو
...امشي نطلع بلشارع بلكت نلحك عليهم
فتحو الباب الخارجي وطلعووو
لان المطبخ قريب كنا نسمع صوتهم
....ماكووو بلشارع وين راحووو
....ايجوز انهزمو من زمان
...وهسه شنو الحل
...تعال نطلع بلسياره نفتر بلشوارع القريبه بلكت نحصلهم
رفيف...شغلو السياره وطلعوووو
راسا هاشم نزل ايدا من كتفي وكال يله ننهزم قبل لا يرجعون بس خل اجيب تليفوناتنه
طلع يركض بكل قوته راح جاب تليفونه وكامش تليفوني وجنطتي بايدا الثانيه
هاشم...يله بسرعه خل نطلع
المشكله اني مجاي اكدر اتحرك رجليه صكن
وعيوني وخشمي يصبن ماي
هاشم...يله ماعدنا وقت شبيج
رفيف...مااكدر
جمانه السعيدي
مد ايدا وسحبني بقوه تحركت من مكاني
هاشم بس نطلع منا يله
دنك شالني شمرني على جتفه وبدأ يمشي
رغم هو يمشي يعرج بسبب رجله
بس كان يمشي سريع طلعنا من البيت ومشينا بلشارع
رفيف...احس بطني توجعني لان صايره على كتفه
مشا تقريبا عشر خطوات بلشارع
كتله..نزلني امشي اكدر امشي
نزلني ولزمني من ايدي وبدينا نمشي كان يمشي اسرع مني يمشي ويسحبني ويااا بقوه
اني مااكدر امشي من الخوف
امشي واتلفت وراي خاف يلحكونا
طلعنا من الشارع لان البيت مو بعيد تقريبا ٢٠٠ متر عن
الشارع
شفنا سياره جايه تمشي على كيف اني خفت خاف سيارتهم
كمت مااكدر امشي راسا التفت عليه هاشم وزمخ بصوت عالي
هاشم...لا تخافين مو هاي سيارتهم يله اسرعي اكثر
قبل لا يرجعون
رفيف....هاشم يمشي ويقرا آيات وادعيه واني من الخوف نسيت حتى اسمي
خوف وبرد وارتباك وكل المصايب على راسي
قربت السياره واشرله هاشم
طلع ولد زغير عمرا تقريبا عشر سنوات
ماخذ السياره وطالع بدون مايعرفون اهله لان الدنيا بعدها صبح
وكف بس شافه هاشم كاله توصلنا
الولد رد علي اي
هاشم...انزل اني اسوق
الولد...لا ماانزل سيارة ابوي هاي
هاشم...مااخذه بس نوصل سحبه هاشم وطلعه من السياره وكال اصعدو بسرعه
الولد بقه واكف وخايف
رفيف...اني سحبته وصعدت بلسياره كدام واني صعدت ورا
شغل هاشم وطلعنا
ردت اتصل بابا بس تليفوني مابي شحن
بس طلعنا هذا الشارع لا كتنا سيارتهم راجعه
بلبدايه مانتبهو علينا
وعبرونا بعدين شافونا لان هاي السياره الوحيده بلشارع اجو ورانا
بس هاشم كام يسوق بسرعه وكل شويه يدخلنا بشارع
لمن وصلنا للازدحام
كان ازدحام السيارات والتكاتك قريب على ساحة التحرير
بعد من دخلنا بلازدحام همه عافونا
شفنا مرور واكف بلشارع هاشم وكف السياره يمه ونزلنا
راسا المرور صاح اطلع ماتشوف الازدحام
هاشم....مااطلع يله انزلي نزلت والطفل بقه بلسياره كاعد
المرور...ليش ماتطلع راح احررلك مخالفه
جمانه السعيدي
هاشم...هاك هذا السويج هاي السياره مو الي لكيت هذا الطفل يسوق بيه
المرور....لا تعوف السياره هنا طلعه
هاشم مالتفت علي ومشينا
بعدين وكف وكال انتي شسمج
رفيف...اني رفيف
هاشم..واني هاشم مبينه بردانه
رفيف...اي ولله كلش بردانه
هاشم...تعاي نشرب شي يدفينا
يمشي كدامي واني انفخ على اديه لان ثلجت
رفيف....اوكف طلعت التليفون اريد اتصل بابا تليفوني طافي
هاشم.... هسه نشحن بس امشي خل نشوف مكان
دخلنا كافي وكله تباوع عليه وعلي
لان هو وجه كله مورم وبي جروح وعينه زركه
هاشم...دخل واني بقيت واكفه برا راسا صاح الابو الكهوه
نريد جاي وشاحن
كعدنا على جه راسا الولد جاب ٣ شاحن كال من يرهم
شفووو
اخذتهن وخليت تليفوني على الشحن
والولد جاب جاي
اخذت الجاي اشرب وحاضنه الاستكان حتى اديه شويه يدفن
تليفوني صار بي خمسه شحن
دكيت على بابا وتليفون لسه على الشحن
دك وبابا مارد
رجعت دكيت مره ثانيه
راسا رد بابا ....
بابا...هلو رفيف وينج بابا اني بساحة التحرير ادور عليج
رفيف...اني قريبه عليك اني بكافي النوارس
بابا...مجاي اسمعج الصوت عالي
رفيف...صحت اني بكافي النوارس تعال اخذني
بابا...اي اجيت اني وامج اجينا نتخبل عليج
رجعت اشرب جاي التفت هاشم يباوع عليه
بس انتبهلته دار وجه
هاشم.... اني عرفت ليش خطفوج
رفيف...ليش
هاشم...لان حلوه ذوله ناس لاذمه ولا ضمير
رفيف...بس اني دكتوره واعالج الجرحى هنا بساحة التحرير
هاشم...دكتوره دكتوره لو ممرضه
رفيف...دكتوره رفيف دكتورة باطنيه
هاشم...ماشاء الله
رفيف...وانت شنو تشتغل
هاشم...اني خريج اداب قسم فلسفه وعلم نفس
تخرجت صار اربع سنوات وماكو اي تعيين
لمن سمعت بلثوره اجيت شاركت بلكت نطلع بنتيجه وياا هاي الحكومه الفاسده
تالي كامو يصيدون بينا واحد واحد
مو حكومه مجرمين الله يلعنهم انشاء الله مصيرهم
اتعس من مصير صدام
جمانه السعيدي
رفيف.... انت لازم تروح للمستشفى تتعالج وجهك صاير خارطه
هاشم...عوفي وجهي بس شلون ارجع للبيت تلكينهم منتضريني هناك طلقه من بعيد ويخلصون مني
رفيف...الله يستر
هاشم...ليش متعجبه الاف الشباب ماتو بهاي الطريقه
راسا شفت بابا اجا من بعيد وكفت واشرلته
بس وصلت حضنته
بابا..شبيج ليش هيج شكلج
رفيف...مريت بمصببه وهذا الشاب الطيب خلصني
بابا...يارب دخيلك ليش
رفيف...خل نروح للبيت وناخذ هاشم ويانه اريد اعالج جروجه
هاشم...لا مااروح وياكم خل ادبرلي مكان بلاول
رفيف...تعال ويانه واني اشوفلك مكان
هاشم....لا اشوف واحد من اصدقائي واروح يمه واتصل باامي اطمنه عليه
تلكيه هسه خابصه الجووو
بابا...هاك تليفوني بي رصيد واحجي
اخذ التليفون وطمن امه علي بس ماكال اني جنت مخطوف
كال اني بساحة التحرير وتليفوني انباك مني
ام هاشم...صار يومبن ماكووو
هاشم...لا تخافين مابيه شي تليفوني انباك وماكدرت اتصل عليج
جمانه السعيدي
ام هاشم...ترجع اليوم
هاشم...لا ماارجع بس اتصل عليج اطمنج
رجع التليفون البابا
هاشم...شكرا هاي بنتك واني في امان الله
رفيف...اوكف ماتروح اني عندي مكان تسكن بي تعال وياي
ارجوك من فضلك اسمع كلامي
بابا...تعال ويانه بس اليوم وباجر شوف مكان اذا مايعجبه المكان
هاشم...لاتخاف عليه اني اكدر أدبر نفسي
رفيف...بس اعالج وجهك وروح
بابا....تعال ويانه خل نضيفك اليوم
رفيف...بعد إلحاح قبل يروح ويانه
بس صعدنا بسيارة بابا حجيتله كلشي صار وياي
بابا....مو كتلج لا ترحين ماتشوفين الدنيا شلون خربانه
لو ماستر رب العالمين وهذا الولد الطيب
اني وين ادور عليج وشلون الكاج
بعد ساحة التحرير تنسيه نهائيا فهمتي لو لا
وراح اتصل اطلبلج اجازه شهر
مااريدج اطلعين بلشارع اخاف عليج
يارب سترك من هذا الزمان يارب سترك وحفظك
بابا...انت عمو ليش خطفوك
هاشم...ماكو بس ردت حقي بهذا الوطن
مااريد شي بس ردت تعيين حتى اكدر اكون نفسي
الضاهر بهذا البلد الي يطالب بحقه يموت
بابا....الله كريم ربك مايقبل بلضلم الهم ساعه نخلص منهم مثل الي قبلهم
