رواية نهوة عمامي الفصل التاسع بقلم مرج البحر
سيف يابه ولك شحجي وشكول وعلى يا عار احجي ولك يابه راسه راح صار بطين
ولك يابه
هاي بتك نجلاء عدها علاقه وي صاحبي عدنان
واني هسه تعاركت وي عدنان خليت خشمه يصب دم
سارة : بس شني عمتي ابد ما صدكت وكالت لسيف
لا هاي سالفه ما تطلع من نجلاء شو هيه تموت على رجلها وشني انته ما تعرف تربيت خواتك
كالها
هسه تخابريها خل باجر من الصبح تجي
شنو تجي انت مصدك نجلاء عدها علاقه وي عدنان
اي والله ليش ما جاي تصدكيني اكلج اني جنت مراقبها وهسه تليفون عدنان جان بيدي اريد انقل منه اغاني ودك التليفون شفن الاسم مسجله حرف N بالنكليزي ورى شويه ودت رساله كاتبتله جاوبني حتى لو سيف وياسين يمك ابتعد منهم وجاوب واني طلعت الرقم بتليفون عدنان وطابقته بتليفوني نفس الرقم بعد شنو ما تصدكين
سارة: عمتي خابرت على نجلاء وكالتلها على السالفه ونجلاء كالت اني باجر اجي وافهمكم وثاني يوم اجت العصر ولنها عين الوكحه وتمشي وتحجي واني شمسويه هو خابرت أسأل على مود يوسف من جان داخلين بي مستشفى
سيف: زين ليش ما تصلتي على امي على سارة على ياسين ابوي عليه ليش يعني هذا هم عذر
سارة: صارت مشادة كلاميه بينهم وكام سيف راد يضربها وامه وابوه ما قبلو يضربها وكالهم
ما دام هيج انتم صرتو وياها اني بعد ما ابقه وياكم اخذ مرتي وابني واطلع وتعاركو هو وعمي وصدكو بحجي نجلاء وسيف ما صدكوه وعمتي كالت
هاي سوالف مرتك لازم هيه حاطتها بالك مال الطلعه واحنه اليشك بخواته هم ما نريده بعد
وعمي طرد سيف وكاله كوم اطلع بعد لا احنه اهلك ولا نريدك وطب سيف عليه للغرفه وكال
كومي لمي ملابسنه خل نطلع
وين نروح بهل الليل
نروح يم اهلج
سارة: وصدك رحنه يم اهلي واول ما طبينه س كاللهم تعاركنه اني وابوي على مود فلوس سياره ما كال على سالفت اخته وهم وصاني كالي لا تكولين كتله هيه هاي سالفه تتسولف وثاني يوم اجت عمتي اقبال من الصبح حسبالها سولفنه لاهلي واجت حتى تدافع على بتها وكالت
البارحه بليل سيف شسوه بينه وشلعب وتهم اخته نجلاء عدها علاقه وي عدنان اهلي ضلو صافنين بعدين مرت عمي سالتها كالتلها شنو نجلاء شنوه علاقه انتي شنو تحجين زين هيه بيج مو يم رجلها شنو هاي السالفه وعمتي اقبال كالت
هاي غير اخوهن عود هو اليدافعلهن وهو سندهن طلع هوه يذب عليهن مصايب وصار هواي كلام وبعدين كالت كلي لسيف من يجي ابو يكول ما اله غراض عندي لا غرفه اخشاب ولاشي وخل يخلص عمره بايجار منين يكدر يشتري بيت خلي حيل وياه اذا مو كم يوم ويجي يبوس القنادر وشوفو وكولو اقبال كالت
سارة الضهر اجه سيف من المحل وسولفتله على امه وكال
خوش اني ابوس القنادر بصيصه اذا ما اشتري بيت واكسر اخشومهم والغراض اروح واجيبهن واريدهم يحجون والله اسويها دمايه
سارة ورى كم يوم سيف باع السياره مالته وهو عنده كم مليون واني بعت الذهب مالتي كله جان مداليه ومحابس تلاثه وزوجين تراجي وبتوت ثنين وسوار وحلقه كله بعته ولمينه وسيف كال
والله ما اكعد اجار اله اشتري بيت وبقينه اربعة اشهر يم اهلي وفد يوم كاعدين العصر وسلام اجه يركض كومي وياي كتله وين كال
اشتريت بيت
اني ما صدكت كتله لا تتشاقه كال
والله اشتريت بس هو. شويه بعيد بمنطقه جديده
كتله مي خالف المهم اشتريت
كال اي يالله انطيني الفلوس خل اوديهن واتكاتب وي ابو البيت واجي عليج حتى نروح نشوفه
واخذ الفلوس وراح ورى ساعتين اجه ورحنه اني وعمي عزام ومرته وشفنا جان مساحته 100متر مبني بلوك و بي غرفة نوم ومطبخ
وصاله وصحيات وكال ها شنو رايج
كتله تمام مابي شي المهم مو ايجار وثاني يوم راح الصبح يريد يحول البيت باسمه طلبو منه شهاده جنسه وهو جان ما عنده شهاده واذا يريد يطلع تتاخر كم يوم وابو البيت يريد يحوله لان شايلين لغير محافظه كتله اني عندي شهاده خلي باسمي ويمته ما تسوي شهاده حوله باسمك وثاني يوم رحنه للمحكمه وبعدين للطابو وسجل البيت باسمي سيف جان يطلب ابوه 9اوراق من اشترينه البيت سيف احتاز مليون ونص خابر على اخوه ياسين وكاله كل لابوي اريد التسع اوراق لان اشتريت بيت وبعد عوزي مليون ونص ولليل خابر ياسين وكال لسيف ابوي يكول ما عنده فلوس يمي وشيريد يسوي خل يسوي فلس احمر ما انطيه سيف من سمع هذا الحجي تخبل بسرعه راح لبيت اهله اني جنت اصلي كملت صلاة وامي كالت روحي الحكي رجلج شوفي لحكته اني واخوي سالم ولمن وصلنه لكيت الدنيا مشتعله هوه وابوه ومتضاربين وعمي حميد ما يقبل ينطي الفلوس لسيف
وسيف كاله اني ما طالب منك اريد فلوسي وعمي ما يقبل اني كوه قنعت سيف نرجع وكتله خل يولن لا يصير بيك شي من العصبيه تعال ابوي فيصل انطاني مليونين وبالف ياعلي من طلع سيف من اهله ورجعنه لبيت اهلي وثاني يوم الصبح رحنه اني وامي للسوك اشتريت اماعين وفرش وطباخ وهو سيف اشتره ثلاجه ورحنه للبيت نضفنا ورتبنه الغراض ورحنه لبيت عمي حميد جبنه المبرده والغرفه مال الاخشاب بس بيومها عمتي اقبال وعمي حميد جانو رايحين لبغداد ورحنه استقرينه بلبيت وبعد كم يوم من راجعين من بغداد اقبال وحميد وشافونه ماخذين الغرفه حميد كالب الدنيا على ياسين ومرته وباقي يحجي عليهم ليش خليتو ياخذها والمهم
فاتت ايام وتعرفت على الجيران اليمنه خوش عالم وناس والنسوان كامن يطبن علينه وجيرانه البصفه حايط على حايط الرجال طلع صديق سيف وتعرفت على مرته ابنيه كلش حبابه اسمها سحر وصارت صديقتي كلش وكمنه نروح للسوك سوه لو للدكتوره كمنه محد تطلع اله تاخذ الثانيه وياها وعشه ايام كلش حلوه وبيت فتره وفتره اروح لاهلي
اول ما عزلنه عمر يوسف جان سنه واربعة اشهر وفد يوم هو مصخن واني كاعده ارضعه فهوه عضني بصدري من كعدت ثاني يوم الصبح لكيت صدري مورم واني كابه نار وسيف جابلي علاج من الصدليه وفات كم يوم واني ميته من الالم وصار الحليب ينزل اسود من كد ما لتهب صدري ورحت لاهلي من شافتني امي كالت باجر جمعه نروح للكوت الدكتور خذنه العنوان من جارتنه جانت هيه مراجعه يمه اسمه دكتور حسن الملك خاص بالثدي و رحنه وفحصني وحولني على سونار ملون ورحت للدكتور اسمه الحسناوي وفحصني بالسونار وكال ترجعين للدكتور هو يفهمج ورحنه دخلنه على الدكتور كال عندج التهاب كلش قوي لازم الطفل ينفطم لان الحليب يضره وكتبلي علاج ورجعنه للبيت وفطمت يوسف بس شفت انجوم الضهر من وراه هو مريض واني مريضه وما اكدر اشيل راسي من كد الالم ويوسف تنحس كلش لن انفطم وما يقبل احد يكضه اله اني وحولته على الممه بس ما قبل ياخذها وكمت اسويله حليب بكلاص
وفاتت ايام وصرت زينه والحمد لله وصادف رمضان وصمت وبالعيد اجت جنان اخت سيف علينه وكالت امي تريد تشوف يوسف ودي الها وكلت لسيف كال روحي وشويه وتعاي ورحت اخذت يوسف جانن ملتمات يمهم خالات سيف وخواته كلهن سلمت عليهم وكامن يحجن وليش سيف ما يجي يطيح على اهله وهمه لو شيسوون لازم ما يزعل منهم طبعن هنه ما يدرن على سالفة نجلاء لان عمتي كالتلهن على مود الفلوس
وبقيت يمهم ساعه ومن ردت اطلع خالات سيف خلن بجيب يوسف عيديه وعمتي من شافتهن خذت يوسف شالته وتبوس بي واني شفتهن خذت الفلوس وضمتهن بردانها بس ما حاجيتها لان هيه نفسيتها ضعيفه واني اخذت ابني وطلعت رحت لاهلي وبليل رجعنه للبيت وسيف سالني على روحتي لاهله واني كمت اضحك
كال شبيج ليش الضحك
سولفتله على امه من خذت الفلوس وضمتهن وهوه هم ضحك وكال
الله لا يعوزنه الهم
سارة ثاني يوم سيف مسولف لياسين وكايله ليش شنو قيمتهن وخذتهن هنه مو من خالاتي اني مو على الفلوس لا عندي خير من الله بس ليش تاخذهن وياسين رايح وكايللها وخالاته من سامعات كامن يحجن عليها لان هنه ما شافنها بس اني انتبهت عليها ورى فتره خابرتني وكالت اني اشتريت باسكل ل يوسف خل يجي احد من اخوتج ياخذه
كتلها مشكوره عمه ليش اشتريتي كالت لا اني من خذت الفلوس وضمتهن ردت اشتريله كلت احسن ما ينصرفن على الحلويات
وفاتت ايام واحنه ارتاحينه بالبيت وسيف كام من يرجع وكت المغرب بعد ما يطلع لان يخاف علينه وصار عمر يوسف ثلاث سنوات وسيف كال
خل نسوي بعد طفل
اني جنت شاده لولب ورحت للدكتوره وكتلها اريد اذب الولب لان اريد طفل وذبته ونطتني مقويات علاج لان جانت البيضه مالتي كلش ضعيفه واستمريت تقريبن ستت اشهر وماكو حمل بعدين رحت عندي مراجعه دخلت للدكتوره وفحصتني وكالت بيضتج صار حجمها 11وكتبتلي علاج وكالت اريدها بعد تكبر حتي يصير عندج حمل واستمريت على العلاج وفاتتلي كم يوم على الموعد يمكن 7ايام وجارتي سحر اجتني الصبح وكالت روحي وياي للمستوصف لان عندي فلاونزه خل اخيب علاج ورحت وياها ومن وصلنه سولفتلها وكتلها فاتتني وكالت سوي تحليل ما دام اجينه وصدك سويت تحليل كال الولد نص ساعه ويكمل وبقينه ننتضر وصاحو اسمي وكال مبروك حامل اني دموعي صبن وسحر باركتلي ورجعنه للبيت واجه سيف وكتله اليوم سحر تخربطت ورحت وياها للمستوصف وماقبل وكام يحجي ويصيح واني اضحك
كال شبيج تضحكين مكيفه على الرزايل
لا
جا شبيج
اني حامل ضل صافن وبعدين كال
صدك
والله ضحك وسكت بعد ما حجه وكتله العصر اروح للدكتوره حتي تشوف وضعي كال تمام خابري ابو عمار يجي ياخذج
هذا ابو عمار رجال يصير كرايب مرت عمي عزام عنده تكسي وف هو وين ما نروح ناجره وخابرت ابو عمار وكال العصر حضري نفسج اجي اخذج واجه سلمت عليه وكال وين هسه اودين لبيت اهلج لو للدكتوره كتله لا نروح لاهلي وحتى امي تجي وياي ورجعنه للدكتوره كال تمام وصلنه بيت اهلي وسلمنت عليهم وطلعنه اني وامي رحنه للدكتوره وخذنه حجز وبقينه ننتضر شويه وصاحت اسمي ودخلت وكلتلها دكتوره اني حامل وباركتلي وكالت اني ما رتج تحبلين بهذا الشهر لان البيضه مالتج جانت صغيره بس المهم الف مبروك وكالت خل اسويلج سونار وسوتلي وكالت موجود كيس حمل بس الحمل كلش ضعيف وكتبتلي علاج ومقويات وفيتامينات وكالت شهر وترجعين عليه وتشكرت منه وطلعنه رحت يم اهلي بقيت كم يوم على ما يثبت الحمل وبقيت نايمه على ضهري وكملت شهر ورجعت للدكتوره وفحصتني وكالت هسه تمام بس سويلي تحليل مال فايروسات ورحت سويت التحليل والولد كال عشر ايام وتطلع النتيجه ورجعت للدكتوره وكالت تبقين نفس علاجج على ما يطلع التحليل ورجعت للبيت وبيقت كم يوم بلبيت وكام ضهري كلش يوجعني وكملت العشر ايام ورحت للدكتوره وشافت التحليل وكالت اي عندج فايروس واذا ما عالجتي يتشوه الطفل وكتبتلي علاج وكالت تستمرين عليه لا ان تولدين وكلتلها على الالم البضهري وسوتلي سونار وكالت الطفل مهدد بالسقاط لازم راحه تامه والرجال ما يتقربلج لن رحمج ما ثابت بمكانه ومن تدخلين بشهر الثالث تعاي اسويلج عملية ربط اني ما قبلت كتلها لا ما اسوي ربط اني اكدر احافظ على نفسي وفاتت ايام وشهور واني نايمه على ضهري اروح يم اهلي كم يوم وارجع لبيتنه كم يوم وصرت بشهر الخامس والطفل ابد ما يتحرك ورحت للدكتوره وفحصتني وكالت الطفل كلش خامل وماجاي يتحرك شنو انتي ما تاكلين كتلها اي اني هاي كل ما احبل ما اكل ابد بس العصير والسفن والتمر بس غيرهن ابد ما اكل وضلت تحجي عليه كتلها والله نفسي ما تتقبل اي اكل وبهاي الفتره سيف كلش تغير عليه كام بس يصيح واذا اني بلبيت ما يجي وكت الضهر بس بليل ويجي الساعه بلوحده او اكثر اني شكيت هو عنده شي ومره اني جنت يم اهلي ورجعت للبيت ما كتله قبل ما ارجع ف من دخلت للبيت سمعته يخابر ويحجي وي وحده ومن شافني راسن سد التليفون وسالته وي منو جنت تحجي كال
هذا صاحبي بليل هوه نايم واجت رسائل على تليفونه كمت قريتهن كلهن حب وغرام وكلام طايح حظه اني مدري شصار بيه عرفته جاي يخوني وبقيت للصبح ما نايمه ومن كعد الصبح وسألته نكر وكال هذا احمد انتي ما تعرفين شقاه مو دوم هيج يتشاقه وياي
احمد يكون صديقه بس اني ما صدكته وفاتت ايام ودخلت بشهر السادس وصادف وكت صلاة الضهر جنت اصلي وما ادري بروحي مغمي عليه وعيت على صوت يوسف يبجي يم راسي اكثر من ساعتين اني مغمي عليه ومن وعيت على نفسي اتصلت على سيف كتله تعال اخذني لاهلي اني جنت نغمي عليه وحتى من الوكعه كصتي مشكوكه وطالع دم كال ما اكدر اجي خابري على ابوج لو ابو عمار ياخذوج كتله لا تجي واني هم ما راح اخابر على احد وشيصير بيه انته المسوؤل وورى شويه اجت امي ومرت عمي عزام وابوي هو مخابرهم كايللهم سارة متخربطه واجوي مخبوصين لان اني الحمل جان كلش خطر مهدد بالسقاط لن الرحم مالتي ما ثابت بمكانه واخذوني للمستشفى ولكو الضغط مصفر عندي وحتى الدكتور الطوارئ كام يحجي لن وضعي مو زين ودخلوني مستشفى بقيت ثلاث ايام وسيف من خابرته وكتله تعال جان ماخذ صاحبته ورايح للزياره والثاني يوم اني بالمستشفى هوه اجه وسالته وين جنت كال عندي شغل ورجعت للبيت اهلي وامي كالت بعد ما تروحين لبيتج لمن تولدين لا يصير بيج شي ومحد يمج وبقه سيف يروح ويجي عليه يم اهلي بس اني ابد ما مرتاحه من ناحيته وفاتت اشهر ودخلت بشهر الثامن وبهاي الايام سيف جان يلم فلوس يريد يشتري سياره وكال والله اذا ما اشتري سياره قبل ما تجيبين كتله خل تولي المن مشتري كال لا حتى من تولدين اني اخذج بيها للمستشفى ودخلت بشهر التاسع ورجعت للبيت اريد انضفه قبل الولاده ومن دخلت لكيت......
شكرا لزيارتكم عالم روايات سكيرهوم
