رواية احببت من لا يراني الفصل الثامن 8 بقلم سحر السحرتي

سلطان :عارف يا اميره و هجيب لك حقك انت وبنتك 

:لا يا معلم انا هلم هدومي واخد بنتي ونمشي انت عارف من الاول ان انا عايشه عشانها و ماليش غيرها ... سكت لما اته-انت مره واثنين وقلت الاخوات بيعملوا أكثر من كدة مع بعض أو لسه على ما يتعودوا على بعض رغم اني حسيت ان الدكتورة مش بتحبها قلت زعلانه ان ابوها اتجوز غير امها دايما بعذرها ..... بس لدرجه الض-رب بالقلم  ... انا عمري ما ض-ربتها واذا على الشبشب اللي دايما يترفع عليها هي واخده عليه ومش بتزعل ... زي ما دخلنا بالمعروف نخرج بالمعروف وكثر خيرك وخير بنتك لحد كدة و افتكر الفتره اللي فاتت ما قصرتش معاك أو مع حد ... واظن احنا ما كناش في الشارع زي ما هي قالت و جرح-تنا بالكلام 

*صدم سلطان من كلماتها التي تدل على كبر الج-رح بداخلها مما حدث 

: انت بتقولي ايه ... انا مش هحاسبك على كلامك ده عشان عارف بتقوليه ليه ومقدر انك لك حق وسماء كمان و هجيب لك حقك

: ما تزعلش بس اكيد مش هتيجي على ابن اخوك وبنتك عشان خاطر ناس جايه من الشارع 

:اميره ما اسمعش الكلام ده تاني وانا راجل وقد كلمتي ولا مش مالي عينك 

:فشر انت ارجل واحد انا عرفته في حياتي كلها ... بس قلبي اتك-سر على بنتي لو كنت انت اللي ض-ربتها عمرنا ما كنا هنزعل لانها اعتبرتك ابوها

ام ادهم :حقك عليا انا يا اميره مش قادره اتدخل  من ساعتها مكسوفه من اللي عمله ادهم .. لكن توصل انك عايزه تسيبي بيتك الست لما بتتجوز بيبقى البيت بيتها مش بيت جوزها 

سلطان : سمعتي ام ادهم قالت الكلام الصح لو تؤمري الم هدومي انا ولمياء ونمشي هنا بيتك انت وبنتك

: لا طبعا عيب ما يصحش

لمياء: نعم يا بابا عايزنا نعمل ايه 

*نظر للمياء بغ-ضب وقال بحدة 

: اخرسي انت حسابك معايا بعدين وانت عارفه هعمل ايه كويس قوي 

*ونظر لاميرة بحب  

:تقبلي بايه ترضيه لك لو طلبتي حياتي مش هتاخر

: انا عن نفسي مش عايزه حاجه و بعتبر لمياء زي بنتي و غلطت ...انما سماء اته-انت كرامتها وانا عارفه كرامه بنتي غاليه قوي عندها اذا هي اتراضت انا كمان هكون مرضيه 

:خلاص انا داخل اراضيها وما حدش يتحرك ولما انادي عليك يا ادهم انت ولمياء تدخلوا تعتذروا و كل واحد فيكم رأسه في الارض

بقلمي سحر السحرتي 

*دخل سلطان يتحدث مع سماء وسحب عمار ادهم ليتحدث معه بهمس

: ممكن افهم ايه اللي انت عملته ده شكلها هبت منك قوي 

:يعني اشوف مراتي مض-روبه و اسكت ترضاها على مراتك

: لا بس اكيد لازم افهم الاول

 :ايه يعني قالت ان ابوها حش-اش ما هي دي الحقيقه 

:تعرف منين وبعدين هي الاول اتهم-تها انها رافضه العريس عشان بتحب حضرتك

:نعم مين دي اللي بتحبني

: سماء

:وهي سماء بتحبني

:بقول لك اته-متها 

:ايه الكلام الفارغ ده

:انت بنفسك قلت وقالت لها كمان ابويا لمكم من الشارع هتقبل على نفسك الكلام ده وسماء لسه صغيره ما اتحكمتش في نفسها وكل مره لمياء لازم تحرجها وته-نها قدامنا ايه ما لهاش كرامه مش من حقها تدافع عن نفسها كل مرة بتسكت وتعمل اعتبار لعمك لكن المرة دى بصراحه انا شايف أن لمياء زودتها قوي واللي عملته سماء أقل واجب 

: انا شكلي عكيت الدنيا

:ومش اي عك .... انا حبيت اعرفك عشان لما تدخل تعتذر تبقى واثق ان معاها حق وانك غلطت ويا ريت تعقل الست لمياء تعتذر بجد مش مجرد تقضيه واجب وتحاول ما تكررهاش .... واعمل حسابك كلنا بنحب سماء وإذا عملتها تاني صدقني محدش هيقف لها غيري و هزعلها وانت عارف انا بعمل ايه ومش هعمل اعتبار لا لقرابة أو صداقة بينا

: ما خلاص بقى هو انت المحامي بتاعها

: من يوم ما أنقذت سماح وانا بعتبرها اختي الصغيره غير كلام سماح عنها وقد ايه كانت جدعة معاها وهي اللي شجعتها تكلمك عن خطوبتنا يمكن من غيرها ما كنتش هقدر اخد الخطوة الأولى فهي دلوقتي مسؤولة مني زي اختى ملهاش حد هبقى أهلها وسماح موافقه على كلامي من زمان 

*دخل سلطان غرفه سماء بعد ان طرق الباب ولم ترد

*وجدها نائمه وعنتر بجانبها يضع احدى قدميه فوق ظهرها كأنه يحتضنها ويخفف المها و الوساده ممتلئه بالدموع فطبطب عليها 

:سماء اصحي يا حبيبتي 

*زمجر عنتر كأنه يقول

: اتركها وحدها 

:اسكت انت بدل ما تنزل تقعد مع امك في الشارع 

*اخفض عنتر راسه لانه فهمه واستيقظت سماء

: نعم يا معلم

:فين بابا ولا خلاص عايزه تمشي مع امك زي ما قالت 

:هي قالت كده كويس لان انا كنت همشي لوحدي و اسيبها تقعد براحتها

:عايزه تسيبيني يا سماء ده انا متجوز امك مخصوص عشان حسيتك بنتي اللي بتحبني و تخ-اف علي ... مين بياخذ باله مني ومن مواعيد الدواء بتاعتي .. مين لما ببقى زعلان عمره ما سابني غير لما اضحك .. لا انا زعلان 

*ارتمت سماء بحضنه وبكت

:اسفه يا بابا بس انا اته-نت و اتكس-رت وانت شفت بنفسك وقدام الناس كمان ماما أكثر حاجه بتعملها تحدف الشبشب لكن عمرها ما ض-ربتني 

:شفت واللي هتطلبيه هيتنفذ  .. عايزه تض-ربي ادهم زي ما ض-ربك ... عايزاني اض-ربه انا واجيب لك البنت لمياء دي من شعرها ماشي ... بس تعالي هنا حركه المصارعه دي اتعلمتيها منين

بقلمي سحر السحرتي 

*ضحكت سماء

:انا رفيعه اه بس يت-خاف مني وكنت بأدب العيال في الشارع لو حد زعلني

*واكملت بحزن

: ربنا ما يوريك احساس انك من غير ظهر وكان لازم احمي نفسي مش كل شويه ماما تتخ-انق عشاني

: جدعه بس خلاص بقالك ظهر ولة مش مالي عينك 

: ازاي يا حبيبي دى انت مالي العين والقلب طب دى حتى كان نفسي اتجوزك انا 

: هههههه طب دلوقتي هنده على العيال اللي زعلتك تعتذر وانت تعملي نفسك لسه زعلانه و ترفضي اعتذارهم

: ومين اصلا قال اني موافقه اقابلهم

:لا كده هنام في الشارع مع بنتي انا مدي كلمه لامك

: طب نام انت هنا ونيم لمياء في الشارع 

*ضحك سلطان : تصدقي بنتي بس تستاهل

*في الخارج لمياء : هو انا هستنى كثير على ما البرنسيسه سماء ترضى علينا انا زهقت 

ادهم :حاولي تلمي الدور لان عمي مش طايقنا احنا الاثنين وبعد كده لما تبقى خناقتك مع واحده ست ابقي حليها بنفسك وشوفي حل في لسانك ده

: يعني ايه انت مش جوزي والمفروض تدافع عني 

:لو حد داسلك على طرف اه انما انت اللي غلطانه 

:غلطانه ليه بقى ما ابوها فعلا زي ما قلت 

: جبتي منين الكلام ده غير اني عرفت باقي الكلام

: يعني هي مش بتحبك 

:حتى لو فزي اخوها انت بتشكي اني بخ-ونك

: انا بقول عليها مش عليك

:لمياء اخر مره اسمعك تقولي كده

: امال هي رافضه كريم ليه 

:هي حره يمكن مش بتحبه

: يبقى في حد ثاني

:لمياء اتلمي بقى احسن مش طايقك ولا طايق اللي انا عملته بسببك 

*بكل دلع و مياصة لكي تمتص غض-به وإحساسه الذنب  مما فعله 

:ليه بس يا حبيبي ده انت حتى عجبتني قوي

*استمعت اميره ومن معها بعض من همس ادهم ولمياء فوقفت

: انا هدخل لبنتي يا ام ادهم عن اذنك 

:استني لما المعلم ينادي احسن يكونوا بيتكلموا وانت تقاطعيهم وما تنسيش انها زعلانه منك انت كمان وهو هيصلح ده

: معلش مش طايقه اقعد وقلبي قايد ن-ار على بنتي 

بقلمي سحر السحرتي 

*دخلت وهي حزينه 

سلطان :هو انا كلامي مش بيتسمع مش قلت ما حدش يدخل 

سماء :معلش يا بابا سيبها انا عارفه ماما مش هتستحمل تعالي يا حبيبتي انا كويسه

: حقك علي لو تحبي نمشي انا ما ليش غيرك وانت عارفه 

سلطان :ثاني الكلام ده يا اميره اهون عليك دي سماء احن عليا من بنتي اللي بره دي

: معلش يا معلم احنا من يوم ما اتجوزنا و حاسه ان لمياء مش بتحبنا ولا عايزانا في البيت 

:تعوز او ما تعوزش اهي اتجوزت و بتنزل اجازه و بترجع تسافر ونزلتها الجاية هتبقى في بيت جوزها يعني هتيجي هنا بعد كده زي الضيفة

سماء : ما تزعلش يا بابا من كلام ماما ... وبعدين هي عايزه تمشي سيبها انا قاعده معاك 

*واخرجت لسانها لامها وارتمت داخل حضنه 

اميره :كده صحيح محتاجه شبشب

:لا كفايه ايد ادهم المر-زبه

: مش قادره ادعي عليه مهما كان في مقام ابن المعلم 

سلطان :ما تزعلوش هدخلهم يعتذروا وهما حاطيين عنيهم في الارض 

: لا يا بابا مش عايزه انا رافضه

 :يعني ابات في الشارع 

:لا قول للمياء تبات هي

 :يا ريت بس ما ينفعش دي بنت 

:خلاص عشان خاطرك ... على فكره انا موافقه اقعد مع كريم و اتكلم معاه بس اذا رفضت المرة دي تخليه يقفل الموضوع نهائيا 

:اتفقنا هطلع بقى ازعق شويه لهم بره وبكره يعتذروا ليكي

 :ماشي يا حبيبي 

:يلا يا استاذ عنتر مع السلامه بقى مفكر نفسك هتبات معانا 

*تحرك عنتر واتجه الى باب الشقه ففتح له سلطان

 :مع السلامه يا عنتر سلم على امك 

*ثم ضحك واستغرب نفسه ونظر لهم وهو يقول

: البنت خلتني اكلم الكل-ب كأنه هيفهمني الله يسامحك يا سماء 

*ثم نظر بح-ده في اتجاه لمياء وادهم

 :مش طايقه تشوف وشكم بكره تعتذروا و تحاولوا تسترضوها واذا رفضت هتشوفوا وش ثاني وانت بالذات يا لمياء عارفه هعمل ايه انما انت يا ادهم يا كبير مش لاقي كلام أقوله 

: اسف يا عمي اته-ورت من غير ما أسأل عن الموضوع انت عارف بحب لمياء قد ايه ومش بستحمل الهواء عليها 

: حبها بالعقل انما كده هتركب نفسك الغلط وانت مش قليل فاهمني

سماح :ممكن ادخل لها يا عمي

:ادخلي يا حبيبتي 

*لمياء بهمس لادهم

:شايف اختك داخله لها ولا فكرت حتى تقول لي معلش ما تزعليش 

:عايزاها تقول لك كده ليه

: مش اتض-ربت يرضيك

: لمياء ما تبقيش غلطانه و تقاوحي وبعدين انت عارفه علاقتهم مع بعض اكثر من الاخوات

: انت كمان عليا شكرا وبعدين المفروض أن سماح تكون قريبة مني أكثر مش قريبه من سماء 

: قولي لنفسك وشوفي هي قريبة منها قوي كده ليه مع أن علاقتهم بقالها فتره قصيره ....ياااه الكام يوم اللي انت قاعداهم هنا هتقلبيها غم شكلي اتجوزت واحده وش نكد

: ادهم 

:خلاص بهزر معاكي ... يلا يا عمار تعالى نروح شقتنا وسماح تبقى تحصلنا يلا يا ماما

: امشي انت اما تطلع اميره اشكرها على العزومه واطيب خاطرها

لمياء :هي عملت ايه يعني ده واجب عليها

:واجب لما تبقى امك الست تعبت هي وبنتها وعاملين اصناف كلنا بنحبها وسفرة تشرف اي حد ... واظن انت ما عملتيش ولا حاجه معاهم

:هو انا بعرف اطبخ

: طب اتعلمي يا حبيبتي لان خلاص كلها سنه وتبقي مسؤوله عن بيت 

:انا وادهم متفقين على كل حاجه ما تقلقيش يا طنط 

*همست ام ادهم لنفسها

: ده مفيش في قلبي غير القلق منك الله يكون في عونك يا ابني 

بقلمي سحر السحرتي 

سلطان :صحيح سماء وافقت تقعد مع كريم و هكلمه يجي بكره 

ادهم :وليه السرعه دي يا عمي 

*استغرب الجميع سؤاله وطريقته

:لان بكره الجمعه اجازه ودي مجرد قاعده معاها عشان بعدها تفكر وتقول رايها هروح اتصل عليه 

*ذهب وبعد عده دقائق عاد 

:الواد زي ما يكون اته-بل من الفرحه اقول له ده مجرد قاعده تعارف تتكلم معاها مش سامع الزمن وقف معاه عند كلمه موافقه وقال انه هيجي مع اهله عشان الكل يتعرف على بعضه ... ابقوا تعالوا عشان يحس ان ليها اهل

*بعد ان رحلوا شعرت لمياء بانتصار ان سماء سوف تتزوج مغص-وبه ه-ربا من اتهامها بحب ادهم ... لكنها لم تعلم ان ذلك كان خيرا لها 

*في المساء كانت تجلس سماء في البلكونه وتضع السماعات تستمع الى الاغاني وتشرب فنجان من القهوه وكان ظهرها موجه لبلكونه ادهم 

*ارسل لها رساله 

:ما تزعليش انا اسف بجد حقك عليا مش عارف عملت كده ازاي 

 *نظرت الى الرساله من الخارج ووضعت الهاتف بجانبها .. لكنها فوجئت بمن يخبطها بمزح على راسها 

:بتحطي رسالتي على جنب 

*نظرت له بعيون دامعه ولم تنطق

: اسف حقك عليا ما استحملتش اشوف لمياء بتعيط من وهي صغيره مش بستحمل دموعها 

*لم ترد عليه فخ-طف من يدها القهوه

: لو مش هتردي هشرب القهوه بتاعتك 

*كادت ان تتركه وتدخل اغلق ستاره البلكونه وقفز في خاصتها فش-هقت

: انت بتعمل ايه مش خاي-ف الست مراتك تكمل اتهام وتقول ان في بينا حاجه

: لو ما سامحتنيش هفضل وتشوفنا واتجوزك معاها 

*في نفسها :يا ريت

*لكن تحدثت بف-زعه

: نعم بقى ابله لمياء تبقى ضرتي غير انك تبقى جوزي ليه مش لاقيه وكمان انت مش نوعي المفضل 

: انت صحيح هتوافقي على كريم

 :وانت مالك

: واضح انك لسه زعلانه وادي راسك يا ستي

 *امسك راسها و قبلها ثم رفع وجهها باصبعيه والتهم شفتيها بقبله ملت-هبه من الحب ابعدت سماء راسها ولنفسها 

:الله يخ-رب بيت تهيؤاتك دي مجرد بوسه على الراس كبرت الموضوع يا سمسم 

*ووجهت له الكلام

:خلاص مش زعلانه انت زي اخويا الكبير 

:طب قولي لاخوك عشان يطمن عليك هتعملي ايه مع كريم

:ارجع مكانك عشان كده غلط عليا لو حد شافنا وهقول لك 

*عاد قافزا الى خاصته 

:هقعد واسمعه ويمكن اديله فرصه 

:بس انت مش بتحبيه

: ومش بحب غيره ايه المانع اسمعه يمكن يعجبني

: وانت هتتجوزي واحد يعجبك ولا واحد بتحبيه

:هتجوز واحد يدخل من الباب هو ده الصح الحب بيجي بعد كده هو دخل كثير من الباب وعمره ما فكر ينط من الشباك حتى لما كلمني في فرح سماح عرفت انه كان مستأذن من ماما 

: سنه مش كبير شويه ده اكبر مني بسنه او اثنين

:يعني انسان ناضج عارف هو بيختار ايه واني مش مجرد نزوة او بنت عجبته والسلام 

: ربنا يوفقك انا هحضر بكره واعرفه ان ليكي اخ 

:متشكره مفيش داعي تتعب نفسك احسن أبلة لمياء تزعل أو تفكر أن في بينا حاجه 

: مالكيش دعوه بيها مهما حصل انت اختي الصغيره 

*في نفسها 

: مهما حصل اختك الصغيرة بس 

*دخلت الى غرفتها وهي سعيده ان ادهم لم يتركها حزينه وجدت سماح تدخل عليها 

:صحيح اللي سمعته هتوافقي على كريم

: هو الخبط على الباب عاملك أزمة

: ردي عليا

: انتم مكبرين الموضوع ليه هقعد معاه بس واسمعه ولو عجبني هوافق

:انتم مين انتم 

:اخوكي لسه مكلمني في البلكونه بيعتذر 

:هو انت بتحبي كريم 

: هو انا هوقف حياتي لمجرد وهم عشته شويه

:هو كان وهم يا سماء 

:انا معاكي بس اعمل ايه هو خلاص شاف حياته ومش شايفني اصلا ولا حاسس بيا 

:تقومي ترمي نفسك لاول واحد يتقدم لك

: اولا انا لسه ما وافقتش ومش هرمي نفسي بس كريم في مميزات كثير 

: زي ايه 

:مؤدب بيحبني من زمان وكل بنات المنطقه نفسهم في نظره منه

: هو ده بس اللي هيخليك تقعدي معاه 

: لا هقول لك على سر انا كنت دائما بحس انه متابع ظروفنا ولما الزبائن بتقل من عندنا لأنهم مواسم كنت بلاحظ اخته بتجيب توب قماش وتخلي ماما تفصله فساتين لدار ايتام.... كان بيساعدنا بطريقه ما تجرحناش يبقى هو أولى اشوفه واسمعه ولا لك راي تاني 

: متاكده من الخطوه دي ولا عشان كلام لمياء انا خ-ايفه عليك يكون كلامها هو السبب

:ما تقلقيش عليا وانت بكره موجوده شوفيه وقولي رايك وبعدين بكلامها أو غيره مسيري اشوف حياتي واتجوز وأكمل مش هقف على اوهام

: صح يا حبيبتي ربنا يوفقك 

*في اليوم التالي قبل موعد حضور كريم حضر ادهم واعتذر لسماء امام الجميع هو ولمياء 

*كانت سماء مستعده وترتدي احدى فساتينها المدهشه واصرت سماح ان تزينها بشكل مذهل لدرجه ان ادهم تدخل بنوع من العص-بية 

:ما تخفي شويه المكياج ده لانها قعدت تعارف مش اكتر امال هتعملي ايه في الخطوبه

سماح :انا اللي عاملاه و سيبها انا اقنعتها بالعافيه

 لمياء: وانت مالك يا ادهم وايه العص-بية دي كلها 

: انا زي اخوها 

:زي يا حبيبي سيبها زي سماح ماقالت يمكن توافق وتتجوز ونخلص

سلطان :هنبدا يا لمياء اذا مش هتعرفي تتحكمي في كلامك ادخلي جوه ... الناس على وصول واي كلمه تجرح سماء قدامهم عق-ابك برضو قدامهم 

:خلاص يا بابا انت مش شايف اللي ادهم بيقوله

:ما قال لك انه زي اخوها وياما عمل كده معاك ومع سماح مستغربه ليه

*رن جرس الباب :افتح الباب يا ادهم وادخلي يا سماء اما انده عليك ابقي اخرجي

بقلمي سحر السحرتي 

*دخل كريم ومعه هدايا كثيره لسماء وقد احضر والديه واخته عبير فقط

*لم يكن كريم بالوسامة الط-اغية لكن كانت رجولته هي الط-اغية كان يفرض احترامه على الجميع بأخلاقه وشهامته

سلطان : اهلا يا ابني امال فين باقي اخواتك

 :قلت بلاش المره دي خليها المرة الجاية 

: اتفضل ومكلف نفسك ليه

:انا نفسي اجيب حته من السما لو أمرت سماء 

: كريم انت عارف انك هتقعد بس تتكلم معاها وتسمعك وهي تقعد تفكر وتقول رأيها بعدين 

: عارف يا عمي

:اصل حاولت افهمك امبارح انت من فرحتك ما سمعتش 

:فاهم يا عمي بس فرحتي اني كنت مستني فرصه اتكلم معاها وصدقني هقدر اقنعها

:على بركه الله قومي يا سماح نادي عليها 

*دخلت سماء اندهش كريم من جمالها

:بسم الله ما شاء الله بس مش محتاجه مكياج انت حلوه من غير حاجه طول عمرك 

والده كريم :تعالي يا سماء يا حبيبتي انت عارفه انا بحبك من زمان ولو حصل نصيب هتبقي بنتي الثانيه

:حبيبتي يا طنط انا كمان بحبك وانت عارفه 

*تم تقديم الضيافه وتحدث الجميع في مواضيع عامة وبعد وقت قليل

سلطان :قومي يا سماء مع كريم في البلكونه عشان تتكلموا براحتكم 

*همس ادهم في اذن عمه 

:هيقعدوا لوحدهم هو ده صح 

:هو انا مدخلهم غرفه نوم ما البلكونه قدامنا اهي ومفتوحه وعينينا عليهم ولازم يتكلموا لوحدهم هو ده الشرع

 *دخلت سماء مع كريم وكانت مكسوفه ووجهها لونه احمر من شده الخجل ... فبدا حديثه ونبرة صوته كلها حنية وعينه ممتلئه بالعشق 

:شوفي يا سماء انا مش هقول لك اني بحبك لاني عديت المرحله دي وانت عارفه ومن زمان ..  ولا هقول ان عمري ما هزعلك انا مش هخلي ناموسه تزعلك ... بس اديني فرصه اثبت لك واعبر عن حبي 

:بصراحه يا كريم انا خ-ايفه اظلمك معايا انا مفيش مشاعر من ناحيتك

:في مشاعر من ناحيه حد ثاني 

*ردت بسرعه وثقه :لا طبعا انت بتقول ايه دي مش اخلاقي

:ده مجرد سؤال عادي انا عارف اخلاقك حتى لو بتحبي حد ثاني هتبقى من غير علاقه بينك وبينه يعني هتبقي من طرف واحد 

:مفيش الكلام ده ابدا 

 :يعني قلبك عامل زي الارض الفاضيه ممكن احط بذره حبي جواه واشوف اذا هتنمو و تثمر 

:ايه التشبيه الجميل ده اول مرة اسمع الكلام ده 

:ولسه يا سماء انا قلبي مليان حب مش هقدر اوصفه بالكلام لكن هتحسيه بالفعل

: طب واذا ما حصلش اني احس بيه

:انت بس اديني فرصه ولو ما حصلش هنسحب واتمنى لك السعاده حتى لو مع غيري 

:محتاج وقت قد ايه 

:نقول سنه خطوبه لان بحكم اننا مخطوبين بي مش هنخرج او نتقابل كثير 

:بس انا مش هقدر اتجوز قبل ما اخلص دراسه 

:انا موافق طبعا ولو عايزاني اكمل في اي جامعه عشان اليق بيكي موافق 

:كريم انا مش بحسبها كده

: امال بتحسبيها ازاي

:انت عارف ظروفي بحكم اننا جيران في شارع واحد ...اتحرمت من ابويا طول عمري ولا مره شفته فمحتاجه من اللي اتجوزه يعوضني عن غيابه 

:انا هبقى ابوك و اخوك وابنك كمان قلتي ايه 

:يعني لو اتخطبنا و حسيت اني مش قادره اكمل هننفصل في هدوء من غير مشاكل 

:انا راجل يا سماء وعمري ما هتجوز واحده رفضاني حتى لو هم-وت من غيرها

 :بعد الش-ر مفيش حد بيم-وت عشان حد 

:لا في انا قلتي ايه

 :سيبني افكر 

:مش اتفقنا تديني فرصه وتحاولي تفتحي قلبك عشان يستقبل حبي وشوفي بعد كده شعورك ايه 

:خلاص طب افكر زي اي عروسه و ارسم الثقل حتى

: هههههه سماء انا بطلب ايدك من زمان قوي تقلتي بما فيه الكفايه

:ده انا حتى رفيعه

*بكل حنيه و استعطاف

: سماء حني عليا بقى ارجوك 

 :خلاص هقوم ابلغ بابا 

:انا هبلغه سبيلي المهمة دي

$ هل سيستطيع كريم أن ينسي سماء حبها لأدهم ؟