رواية حطام امراءه الفصل التاسع بقلم جمانه السعيدي
فاتن فدوه امسح الفديوهات واني مستعده الكل طلباتك
سالم هسه صرتي تفتهمين
فاتن والمطلوب
سالم خل احضر مكان وارجع اخابرج دير بالج تحاولين
تخلصين مني
لان اني مامن نفسي واذا حسيت باي غدر منج
راح انشر كلشي واكتب اسمج وعنوانج الكامل
فاتن لا فدوه الله يخليك
سالم انتضري اتصال مني وخليج عاقله
فاتن حاضر
سد التليفون واني خفت بلزايد منه
خاف صدك ما يكدرون يثبتون علي شي واني اوكع بيه
من هاي الحادثه اي وحده تطلبني اروح انضف بيته ما اقبل
ابد لان الي مريت بي مو شويه
كمت اسوي كبه وابيع وطرشي واذا وحده عدها طفل تخلي
يمي
احصل فلوس كلش قليله بس ميخالف ولا هاي المصيبه
ورا يومين اتصل بيه وسام
فاتن الوووو
وسام السلام عليكم اني وسام
فاتن اهلا وسهلا
وسام الرقم الي جاي بتصل عليج منه ما مسجل باسمه
الرقم كلك مانكدر نثبت علي شي اله نلزمه متلبس
فاتن يعني شنو ما تكدرون تلزمونه
وسام اذا طلب تطلعين ويا وافقي
فاتن يمه اخاف ما اكدر
وسام بس اسمعيني من راح يتصل احنا نسجل المكالمه
وراح تلكينا منتضرينج
مراح يكدر يسوي اي شي
فاتن ولله هاي بلوه وطاحت عليه ياربي اني عايزه ضيم
وسام لا تخافين راح نلزمه وياخذ جزائه
بليل اتصل عليه سالم
سالم هلو ياحلوه حضري نفسج ساعه وأمر عليج اخذج
فاتن ووين تاخذني
سالم مكان يخبل مراح تنسينه طول حياتج
فاتن بس جهالي نايمين
سالم لا تكعدين اطلعين حجج اني كوه دبرت مكان
دزيهم يم احد لو تشوفين احد يجي يكعد يمهم
فاتن اي هسه اشوف احد يكعد يمهم
جمانه السعيدي
سد التليفون واني اتصلت على امل وشرحتله كلشي
وكتله تعاي اكعدي يمهم خاف يكعدون من النوم
بلكت الله وتنتهي هاي الشغله اليوم
شويه وصعدت امل
بس اني كلش خايفه احس بطني توجعني ورجليه بادن
حتى راسي يوجعني
اذا ماكدرو ينقذوني منه شلون شسوي
اشويه واتصلت بوسام
فاتن فدوه العينك لا تعوفني الله يحفظك
وسام سمعت المكالمه كله لاتخافين هاي اخر ساعات
السالم اني اعلمه يتاجر بعرض الناس علمود شهوته
فاتن شلون اعرف انت موجود
وسام بس تنزلين من العماره راح اكون واكف بلجهه الثانيه
ومحضر سيارتي
اني وياي ثنيين من الضباط وين مايروح احنا ورا
فاتن فدوه يعني اطمن
وسام اذا ماتشوفيني لاتصعدين
فاتن اي زين
سديت التليفون واني الخوف يقرأ عندي الف
للا حتياط اخذت سجينه من المطبخ وخليته بجنطتي
شويه وخابرني سالم وكال يله انزلي
راسا اتصلت بوسام
كال انزلي لاتخافين اني واكف كباله
راح اطلع من سيارتي واسوي نفسي اخابر
فاتن نزلت كوه اسحل برجليه سحل
طلعت من العماره شفت سالم واكف باب سيارته
التفتت للجهه الثانيه شفت وسام واكف يم سياره ويمه ثنيين ولد بس كلهم لابسين مدني
وسام اشرلي بعيونه اصعدي
بس صعدت وسام صعد سيارته وقبل لا يطلع سالم
سيارة وسام صارت كدامنه
وطلع رافع مسدس هو والضباط الي ويااا
وسام انزل انزل بسرعه
سالم شكو شصاير
وسام انزلي فاتن هذا الي جاي يبتزج
فاتن نزلت ورحت وكفت بصف وسام وكتله اي هو هذا
سالم شنو ابتزه سيدي هاي وحده ك...ح...ب..ه
ساقطه تريد تورطني وياها
اصلا هي رايحه وياي بمزاجه
وسام محمد اسحب التليفون منه بسرعه
تقدم محمد وسحب التليفون وفتشه طلع عندا تليفون ثاني
وسام اصعدي فاتن البيتج وهذا الجريذي راح يبات بلسجن والصبح تجين نكمل التحقيق
فاتن كمت اركض مو امشي مشي شفتهم خلو الكلبجات
بادي وصعدو بلسياره
وهو يصيح برئي اني بريئ هاي الساقطه جاي اجذب عليكم
وسام صاح علي اسسسس ولا كلمه هسه نحقق وياك ونشوف منو البريئ
فاتن صعدت ركض موتكول الشقه بلطابق السادس
لا طرت طيور
رجعت البيتي والجهالي الحمد لله والشكر ياربي
جمانه السعيدي
امل هااا رجعتي بسرعه
فاتن لزمو ولج لزمو واخذو التليفون منه
امل اي الحمد لله والشكر
فاتن بس باجر يردوني بالمركز ادلي بافادتي ضده
فدوه اموله روحي وياي
امل اي ميخالف راح اطلب اجازه واروح وياج
همزين ضهر الحق الحمد لله والشكر
نمت مرتاحه بليلته خليت جهالي بحضني ونمت مطمئنه
ثاني يوم اتصل عليه وسام
وسام صباح الخير
فاتن صباح الخيرات الف رحمه على اهلك خلصتني من هم
شكبره
هذا الضالم كان قالق راحتي وراحت جهالي
يريد يلبسني مصيبه
وسام الله مايقبل بلضلم وكشف الحقيقه الساعه عشره نريدج تجين حتى اكمل التحقيق
فاتن انشاء الله الساعه عشره تلكاني حاضره
الساعه تسعه ونص رجعت امل من الدوام واجرنا تكسي
وطلعنا
بس شافني وسام ابتسم وارحب بيه
كعدنا وجابو سالم
وسام راح نسجل اقوالج كله حتى نثبت التهمه علي
وبدا وسام يسئلني واجاوب
ورجع يسئل سالم بس ماكدر ينكر لان لكو الفديوهات
بتليفونه
وكل المكالمات مسجله
ماكدر ينكر اي شي
اخذو للقاضي حتى يحكم بقضيته
وسام لاتخافين اقل شي راح ينام تلث سنيين بلسجن
فاتن بقينا بلمكتب بس اني وأمل وسام وولد كاتب يكتب جوه ايد وسام
فاتن اني عاجزه عن شكرك الله يحفظك
وسام هذا حقج وحق كل إنسان مضلوم لازم نساعده
فاتن بس عندي سوال واحد
وسام اي تفضلي
فاتن بلنسبه للفدبوهات كل الضباط شافوها
وسام لا اني بس تحققت من بداية فديو واحد وراسا انطيت مسح الكل شي بلموبايل
هاي اعراض الناس امانه عدنا
فاتن الله يوفقك ويسترك دنيا واخره
جمانه السعيدي
طلعت من المكتب واني ما مصدكه نفسي
الف الحمد لله والشكر
امل رجعت للدوام واني قررت اروح اشوف امي
صار سنه ما داخله بيت اهلي
دخلت وسلمت وكعدت
كعدت يم امي
ابوي اجا سلم عليه وكانو ماصار شي ابد
ابوي وين جهالج
فاتن حمودي بلمدرسه وجنه يم جيرانه
....سمعت تشتغلين وعدج شقه وما ثثته احسن اثاث
فاتن باوعتله صفح وكتله الحمد لله ربك ما ينساني
...وشكد تحصلين بليوم
...خير من الله
....اختج تكول حالتج كلش زينه ومطيته فلوس وملابس
همزين خلصتي من رياض انتي مرزوقه
فاتن ولله يابويه مدري شكلك اجيت اكله انت ما تفرق هواي عن رياض ثنيينكم نفس النموذج بس لعنت الشيطان وسكتت
ابوي اني مفكر اهد بيتنا وارجع ابني اريد اسحب سلفه من الدوله وابني بيتنا
فاتن اي بيه الخير
ابوي انريد نجي نكعد يمج منا لمن يكمل بيتنا
فاتن التفتت علي وفتحت عيوني حيل
شنووو شنوووو ماسمعتك زين تجون تكعدون يمي منا لمن يكمل ببتكم
لا والف لا ما اريدكم تجون ولا توصلون
تذكر من طردتني والدنيا ليل وبارده وياي ثنيين اطفال
وماكسرت كلبك ولا كلت وين تروح بهليل
ولا رحت الرياض وكتله ليش طردته شنو ذنبه
وهسه تريد تكعد بيتي
روح الولدك اكعد يمهم ماجنت تفضلهم علينا
وهسه اني اترخص منكم اروح البيتي وراي شغل
ابوي بقه يباوع عليه وساكت
طلعت من بيتهم واني متعجبه المنطق ابوي
شلون يحجي يربد يجي يكعد يمي بلبيت وبعدين يخليني اصرف عليهم
ليش تكعد بيتي من الطيب الي زرعته بكلبي
كل المصايب الي مريت بيهن بسببك
لو ما مزوجني الرياض ومختارلي قسمه زينه ماجان صار هذا حالي
لو عايفني بلمدرسه هسه موضفه حالي حال صديقاتي
بس كايل ابو المثل ان لم تستحي ففعل ما شئت
شكرا لزيارتكم عالم روايات سكيرهوم
