رواية زواج إجباري عشق السيد الفصل الثامن بقلم جمانه السعيدي
اماني....كعدت ابجي واني اشوف اهلي يتاجرون بيه
ابد ماهمهم مرضي ولا حالتي النفسيه
ولا اهتمو يعالجوني اهم شي يتخلصون مني ومن الفضيحه
السيد....من سمع رد ابو اماني بقه صافن ومستغرب من
رد ابوها علي
جان متوقع يطلبون اعتذار ثاني او مبلغ مالي كتعويض
بس يزوج بتهم حتى يرجعلهم اعتبارهم هاي الي ماكان محسب اله
صحيح هو وزوجته مامتفاهمين ودائما اكو مشاكل بينهم
بس شلون يزوج اماني
هذا الشي هو مامخلي باعتباره ابد
عم سيد هادي.....الحق وياكم واحنا نتشرف بهذا النسب
ومراح نلكه ناس احسن منكم اناسبهم
طبعا هذا عمه مو ابو زوجته عمه الثاني
ابو زوجته ماحضر الكعده مستحي من المصيبه الي سوتها بته
سيد هادي...بس ياعمي
عم السيد....اس لا تحجي اني الجبير واقرر
ابو جاسم والنعم منكم وهديتكم مقبوله وهذا الزواج راح يتم بااقرب وقت
جمانه السعيدي
ابو جاسم.... تمشون علينا تجونه وانتم جايين تخطبون اماني واني احضر زلم الشارع كلهم حتى يشهدون على هاي الزواجه
ويكون مهر اماني مليونيين وعليكم الغرفه والغراض
طبعا هذا الحجي سنة ٢٠٠٠ وكان المهر بوقته ٥٠٠ او ٧٥٠
محد دافع هيج مهر
عم سيد هادي....واحنا موافقين تستاهلون
اما سيد هادي بقه ساكت وماحجه اي حجايه
ابد مامتوقع الكعده راح تنتهي هيج نهايه
طلعو وهمه متفقين المشيه بعد اسبوع واحد
طلع السيد وهو معصب ويحجي ويغلط على زوجته الي ورطته هيج ورطه
صاح على ابنه يوسف تعال
يوسف...هااا يابه
السيد....روح الامك وكله بلعافيه شوفي رعونيتج وخبالج
وغبائج وين وصلنا
الشغله الي جانت بس بعقلج صارت واقع
والبنيه راح يزفوها الابوي خل ترتاح امك ام المصايب
راد يطلع يوسف
السيد....اوكف بطريقك كله ممنوع توصل لو تسوي اي مشكله ويااا بيت ابو جاسم لان هلمره لو مو تصير ام جهالي وبت عمي اطلكه واشمرها شمرت الجلب
راح يوسف وحجا هذا الكلام كله الامه
وهي كبت صريخ ولطم
ام يوسف.....موكتله هاي البنيه مو مريضه تريد تأخذه مني
راسمه عليه
طبعا هو هم الصوج منه شجعه على هذا الشي
ويسولف وياها
هااا يوسف ابوك مكيف راح يزوج عليه
يوسف....ابوي يكول بس توصل البيت ابو جاسم لو تسمعهم حجايه يكون هذا اخر يوم اله وياي
لو مو تكون بت عمي وأم جهالي اطلكه واخليه عبره للناس
يوسف....يمه انتي السبب لو مو هاي المشكله جان ابوي ماتورط بهاي الزواجه
سكينه...ابوك مكيف قابل تعلمني بي من ازوجته لليوم وهو ماطايقني ومحسسني اني اقل منه
اصلا ابوك منو يتحمله غيري
شلون بيه يايمه راح اموت من القهر
فوك ماضربني وطردني من بيتي النوب يزوج عليه
من البدايه عرفت هاي الحيه ودخلته بيتنا مو خاليه
اني صوجي ماكتلته وريحت كلبي
شلون بيه وين اروح خل اروح الابوي يسويلي جاره
جمانه السعيدي
سكينه...وينك يابه الحكلي السيد راح يزوج عليه
ابو سكينه...اي عرفت وعرفت كلشي سيد هادي مابي ذنب
انتي الي ورطتي بهاي الزواجه
سكينه...اني شعليه اني كتلها الهاي الحيه تعاي بيتينا كل يوم
لو سوي نفسج مريضه وخذي البيتكم
خطه هاي خطه وداعتك راسمات علي من زمان ساعة السوده الي اجو كعدو يمنا
ابو سكينه....تصرفج بغباء هو الي وكعج بهاي المصيبه
سكينه....يعني مراح تحجي علي وتنها عن هاي الزواجه
ابو سكبنه...اصلا اني مارحت للمشيه لان استحي اواجه
بعد عملتج السوده
من يمته واحنا عدنا علويه ترفع صوته بلشارع
وتهين زوجه وتفرج علي الناس
اصلا اني اروح اباركله بيوم زواجه
جمانه السعيدي
سكينه...اكتل روحي وين اروح ياربي شلون بيه اذا ابوي واكف ويااا عليه
ابو سكينه...اهدءي لا انتي اول وحده ولا اخر وحده يزوج عليه زوجها
اني اكول تحلين هاي المشكله بعقل يعني ترجعين الببتج
وتكسبين ود زوجج وهاي العروسه تسوينه خدامه عندج
سكينه....عندي خدامه شسوي بلخدامه الي تشاركني بزوجي مااريدها
ابو سكينه...توج عرفتي زوجج وين جنتي وانتي كل يوم تخلقين وياا مشكله
سكينه....هو اصلا ماطايقني ومايربدني من زمان
ابو سكينه....المره الزينه هي الي تكسب زوجها وتخلي يحبه
سكينه...شلون قابل بلكوووه خوما باكوه
ابو سكينه ...ارضي بلامر الواقع واسكتي
بقت سكينه تبجي ومابقى واحد من عمامه ماراحت تتوسل بي حتى يخربون هاي الزواجه
بس كلهم ذبو الصوج بيه لان همه جانو حاضرين الكعده وشافو كلشي
جمانه السعيدي
بهذا الوقت سمع احمد اماني انطوها السيد هادي
احمد....يابه تعال وياي ننهى على اماني اني احبه واريدها
ابو احمد....والبنيه الي امك خطبته شنسوي بيه
احمد....امي خطبته غصبا ما عليه بعدين كان مجرد كلام نسوان بعدنا لا مشيه ولا عقد
تعال وياي نخطب اماني
ام احمد...شلون تخطب اماني غير احركك انت وياها
قسما باااحمد اذا وصلت بيت عمك
لو فتحت هذا الموصوع مره ثانيه
لا اني امك ولا اعرفك ولا تعرفني
ولك امه تمشي وتصيح ام احمد ام السحوره وهي الي مرضت بتي
انت تربد تجلطني وحدا مثل هاي شلون اصير جنتي
احمد...وهي شعليه باامه ليش تعاقبينه بذنب امه
ام احمد....لان البنيه على امه
ومادام اني ماراضبه مراح تتهنى بهاي الزواجه ابد
احمد...بس اني احبه
ام احمد....واني امك ربيت وتعبت وهسه تريد تعصي كلامي
ولله ساعت اعرف واصل ببتهم يااحمد
لو حاجي وياهم بهذا ااموصوع
اكتل نفسي واخليك تعيش بذنبي طول عمرك وانت اكثر واحد تعرف اني اسويه
احمد اضطر يسكت لان هو مايكدر يزوج اماني ماعندا اي امكانيه والزواج يريد سكن ومصاريف وهو توا بدا يشتغل
ويخاف امه تنفذ وعدها وتقتل نفسه بسببه
( كم واحد بلدنيا خسر الي يحبه بسبب اهله)
اماني.... بعد يومين دز السيد المهر بيد ام حيدر
وأم حيدر تغلي اكثر من العلويه
ام حيدر...هذا المهر واني اكول خافو ربكم حوبت العلويه ماتنزل للكاع
امي....هو منو وكعنا بهاي المصيبه غير العلويه
دخلت امي ولكتني ضايجه وابجي
ام اماني ....لا حول ولا قوه كلشي مانكدر نسوي
غير نقبل بلامر الواقع ونرضا ونسكت
جمانه السعيدي
لا اضوجين يمه هاي قسمتج من رب العالمبن
ارضي بيه واسكتي
اماني....يمه انتم جاي اضحون بيه
امي... السيد خوش انسان ومحترم ومتمكن وراح يدللج
بس انتي صيري حبابه واكسبي
اماني... مااريد ازوج
امي...اذا ماتقبلين لازم نعوف بيتنا ونشيل منا
لان الناس مراح تنسى الي صار ابد وراح تبقى تعيرنا بي
واني وابوج بهذا العمر مو حمل نطلع من ولايتنا ونتبهذل
اماني....بس هو مزوج وابنه ازغر مني ب٣ سنوات
امي...واذا الرجال مايتعيب وهو ماشاء الله صحه وعافيه ومال وجاه وسمعه طيبه
اماني...اني مااريد ازوج
امي....اني صوجي اني وكعتج بهاي المشكله بس ولله يايمه اعذريني اني كلب والده
خفت تموتين وتروحين من ايدي
اماني....لو ميته اشرف من هذا الموقف الي خليتني بي
امي.. كولي يالله اني متاكده راح تحبين السيد
اماني... احب واحد أكبر مني بعشرين سنه
امي....اي كولي امي كالت
ماقبلت اروح اجهز امي راحت وحدها واشترت كم حاجه
ومن جابتهن اني حتى ماشفتهن
كنت كل الوقت أجنب ابوي واخواني بلبيت
عبالك مسويه مصيبه
الحد مااجه موعد المشيه والسيد جاب عمامه واهله
وابوي عزم كل الزلم بلشارع حتى يحضرون الخطبه
ويكدر يرفع راسه بينهم
هم كانو متفقين على كلشي مسبقا
ابوي اجا وكال تعاي السيد يريد يعقدلج
كعدت ورا الباب بدشداشتي وحجابي وعيوني حمر من البجي
سئلني وماكدرت اجاوب من اول مره اكو عبره بصدري
ثاني مره يله حجيت
حجيت الكلمه ودموعي نزلن مثل المطر
اكبر ضلم جاي اتعرضله بحياتي
اني شنو ذنبي وازوج هيج زواجه
شكرا لزيارتكم عالم روايات سكيرهوم
