رواية انتقامي الفصل الثامن بقلم جمانه السعيدي
شاهين ...طلعت تليفوني اتصل على منى اريد اشوف
وين صارت وشنو هذا الكلام الي جاي اسمعه
طلع الجهاز مغلق
رجعت اتصلت مره ثانيه طلع مغلق
ابوي...جاي تتصل عليها عوفها اكيد من عرفت كشفناها انهزمت من البيت
شاهين...اريد اواجها اريد اسمعها هاي المكالمه
ليش تسوي هيج
ابوي...لا مو هسه اني طلبت من رياض يقدم طلب
بكل المكالمات اريد مكالماتها من يوم ازوجت لليوم
يطلعهم من الشركه الاتصالات حتى نتاكد فعلا
هي جانت تحاول تبتزنا هي وشريكه
اريد اروح أقدم بلاغ على هذا الحقير الي ماصدك يتاجر اعراض الناس
شاهين....خل نروح البيتهم واسمعهم الاتصال بين الضابط
وهذا الحيوان
ابو شاهين...لا اله تطلع المكالمات حتى يكون عدنا دليل قوي عليهم هذا الاتصال مايجبلنا حقنا
شاهين...صعدت للغرفه مااكدر افكر عقلي مجاي يستوعب
ليش وحده عايشه وحدها معززه مكرمه
تتصرف هيج تصرف
ليش تريد تخرب حياة اهلي رغم همه زينيين وياها
شنو نوع المرض الي تعاني منه.
مااكدر اوصفلمم حالي واني اشوف ابوي تعبان بسبب زوجتي
اني نفسي تعبان احس بألم بجسمي بسبب الي صار وياي
حتى نحصل المكالمات مسجله من الشركه بقينا ننتضر اربع ايام يله طلعت
كل هذا الوقت وهي جهازه مغلق
الضابط أكد اكو تواصل بينهم من زمان
شاهين...كنت اتمنى الاخر لحظه يطلع كلشي وهم مو حقيقي رغم هي الشغله مبينه لان عافت البيت
وتليفونه مغلق جمانه السعيدي
شاهين....بليل رحنا اني وابوي واخوي على ابوها
ابوي بعده يريد يحفظ الود بينه وبين صديق العمر
ويعتبر تصرف منى تصرف طفولي
وأهلها ما مسؤلين عنه
كنا متفقين نحجي الابوها ونمشي بإ اجرئات الطلاك
بدون فضايح ولله ابوي ماكو منه هيه تريد تشهربي وتبتزه وهو يريد يحافظ على سمعتها
دخلنا عليهم ابوها واخوها ووجوهم ثكال
سلمنا وكعدنا
بدا ابوي يحجي شلون الولد تواصل وياي وهدده
وشلون راح الدائرة الابتزاز والضابط اتصل علي والولد اعترف
منى الي دزته
ابو شاهين....احنا ماصدكنا كلام الولد بس طلعنا سجل المكالمات من طلع فعلا عدها تواصل ويااا
وحتى لمن تزوجت ماوكطعت هذا التواصل
ابوها...اي هسه شرايدين طفله وغلطت حقها عايشه وياكم بجحيم
شنو كاعده بيت وحماتها ماتحجي وياها
ابوي...هااا اذا حماتها ما تحجي وياها تلبسها مصيبه
ابوها...وينها المصيبه كلشي مابيكم
شاهين...انت قابل على تصرفها
ابوها...هي شمسويه منو بهذا الوقت ما تحجي بلتليفون
عادي صديق قديم من ايام الجامعه
وتحجي ويااا شكو ليش مكبرين الموضوع
ابو شاهين...ادز صور بنتي الواحد.ساقط وتنطي رقم تليفوني حتى يبتنزني وتكول عادي
بعد عليمن اذا انت هيج تكول ليش نعتب عليها طلعت انت مشجعها
ابوها....ولله ماعدكم سالفه هسه انتم اربع زلم جايين على هاي السالفه
بنتي مو غلطانه ضايجه
شاهين...اي بله منو شنو حضرتها ضايجه
ابوها...معلكه فوك وطول النهار وحدها هنا يسولفن ويضحكن جوه وهي معلكه وحدها
ابو شاهين...هي طلبت تعزل هي كالت اريد وحدي
جمانه السعيدي
ابوها...اي تعزل طلعها ببت وحدها عندك خير من الله
ابوي.. هي ويانا بنفس البيت وسوتلها مصيبه شكبرها
لو كاعده وحده بيت
جان واحد طالع واحد داخل
هي مبينه اخلاقه مثل اخلاقك
ابوها.. احترم نفسك انت بيتي شتردون تسوون سووو
بنتي مامسويه شي غلط
نايم على الفلوس ليش مطلعها وحدها
انت هسه جاي تحاسبه على شنو تحاسبها
على مكالمه تليفونيه عادي المكالمات ماكو اكثر منها
اي دليل ماعندك عليها روح اشتكي
واني اعرف اخذ حقي منكم
شاهين...فعلا انت بلا اخلاق ولا ذمه ولا ضمير افتح ملهى
بناتك احسلك تحصل فلوس اكثر
ابوها....اسكت لك حيوان انت منو وتحجي على بناتي
شاهين...طلعنا واحنا مصدومين اكثر من دخلنا عليهم
اذا هذا منطق ابوها
بعد هي ليش تحترم بيتها وتحافظ على حياتها
لازم تلعب بكيفها جمانه السعيدي
رحنا اشتكينا عليهم وطلعنا كل الادله الي عليهم
دزوعليها اجت هي وابوها
نكرت تعرف هذا الولد تكول مااعرفه يريد يوكعني بمصيبه
بس سجل المكالمات فضحها
قررو يدخلوها سجن منا لمن يكمل التحقيق
بس ابوها دفع كفاله ٣ مليون وطلعها
وقدم طعن بلادله
شاهين...ابوي قدم عليها قضية ابتزاز
واني رفعت عليها قضية خيانه زوجيه
اشتغلنا محاكم وروح وتعال
الولد انهزم محد لزمه وابوها راح هدد اهل الولد
اذا اجا واعترف عليها
راح يلبسه القضيه وحده حتى مستعد يقتله
ولا يخلي يعترف عليها
طلب منهم يبقى مختفي وما يطلع الحد ما القضيه تنسي
واذا الولد الشاهد الوحيد غير موجود
مراح تكمل القضيه
ومراح يكدر شاهين ياخذ حقه منها
شاهين...كفيلكم الله ايام سوده بعمري مراح اكدر انساها
ابوي.. نروح الاهل الولد نقاضيهم عشائريا
شاهين...واحد مثل هذا حقير ونذل اكيد العشيره مراح توكفله
جمعنا عمامنا وكل الناس الخيره ورحنا على اهله وحجينا الموضوع بالتفصيل
شيخ عشيرتهم كال بيكم خير وتدللون مايضيع الكم حق عدنا احنا نمشي عليكم ونرضيكم
شاهين....اهم شي يروح يعترف عليها حتى ناخذ حقنا منها
شيخ العشيره صار بيكم خير ودللو
ابو منى من سمع الشيخ مجاوب ويانا راح علي
وهدده اذا ابنهم سلم نفسه وشهر بمنى راح يكاومهم
وياخذ منهم فصل
رغم هي الي وكعته بهاي المصيبه بس العشيره
تجبره يدفع الاهلها فصل
شاهين...كمت اخذ منوم وهم ماانام من المصايب الي نازله ترف عليه
راحت منى ورفعت عليه قضيه طلاك ونفقه وتريد الحاضر والغايب
بلغونا اهلها راح يجون يشيلون غراضها من البيت
هذا الشي حقها والدوله وياها بي لازم تاخذ غرفتها
والحاضر والغايب
تخيلو مسجله السبلت وياا الغراض وهو اخوي قبل من ازوج بلغرفه مشتري من راتبه
حتى المروحه تريدها
شاهين ...فتحت الكنتور اطلع غراضي منها
وامي فتحت خانتها اطلع الغراض
جان امي تنصدم كل شي فقدته من البيت لكته داخل الكنتور
كلشي فقدته خواشيك كلاصات
حتى اكو فرشه مال جربايه جايه هديه الامي
لكتها داخل الكنتور
كعدت امي بلكاع وبقت متفاجئه صدك جذب
هاي الغراض كلها عدها هاي شنو من نفسيه حقيره
الخاطر الله
ومن ضمن الغراض لكينا سحر ثنيين مو واحد
بااسمي اخضاع حتى امشي وراها ومااناقش واكون مبهور بيها ومااصدك اي شي عنها
أخذنا السحر وبطلنا يم واحد.سيد
اخذت كلشي كلشي كلشي
خالتها اجت ويا سيارة الشرطه جتف على جتف ويا الشرطه اتلم بلغراض ودور
ووين فلان شغله ووين فلان غرض
تكول بايكهن من بيت ابوها
ابو شاهين.. خلوها تاخذ كلشي المهم تطلع من بيتنا
شاهين تمرضت وكعت بلفراش غرفتي فارغه
بنتي مااكدر اشوفها
ناكل ونشرب مشاكل حياتي بين يوم وليله ادمرت
ليش منو السبب كل يوم اسئل نفسي منو السبب
اني السبب لان مادققت من ازوجت
لو اهلي الي انجبرو وجبروني على هاي الزواجه
لو حظي المصخم
ليش هيج يصير وياي اصلي واصوم ومااعصي ربي
حتى علاقات مادخلت ويا البنات
كنت أخاف اكول عندي خوات مااقبل عليهن شلون اقبل
على بنات الناس
جمانه السعيدي
حتى منى رغم زواجنا كان سريع وبدون تعارف
وماكانت حلوه عاديه وتسوي مشاكل
بس حبيتها ودللتها شتطلب تاخذ شتريد تاخذ
ووين الغلط ووين الغلط اريد افهم
ليش لانسان الزين يوكع بلمصايب
ليش اني صار وياي هيج اختبار من رب العالمين
جان رب العزه وكعني بوحده زينه تحافظ عليه وتصوني
ليش هاي الشيطانه تصير بطريقي تصير قسمتي
تمرضت وضغطي دووم صاعد
مااكدر اكل ولا احجي ومالي خلك الاي شي
صرت اسود وذبلان عقلي ما يقبل يصدك كلشي صار وياي
شلون هي عايشه وياي وكانت تخوني
لا والمصيبه ابوها يكول عادي مجرد مكالمه
انت مكبر الموضوع
الخيانه صارت شي عادي وين المشكله
بيها بااهلها الي جاي يشجعونها على الغلط
بيمن المشكله ماادري
المهم الولد سلم نفسه وأهله دفعو لنا فصل
بس شال التهمه منها لان ابوها هدده اذا اتهمها راح يقاضي ويفصل ويشتكي علي
عشائر الجنوب عدهم عيب واحد يحجي على مره
بمضيف حتلو غلطانه برائيهم المره ضعيفه وماعدها عقل وتصرفاتها غير محسوبه
الضابط...ليش ابتزيتهم ومنيبن جبت هاي المعلومات عنهم
....... منى كانت زميله بلكليه وياي وبحكم صداقنا عرفت عمها عندا فلوس بديت استدرجها شويه شويه
لمن حجتلي كلشي عنهم
وبعدين طلبت منها صور الحماتها لان هي كانت تشكي منها
دائما تكول موزينه وياي
الصوره كانت بدون ماتعرف هاي البنيه
واني كتلها امسحها بعدين عرضت عليها اخذ فلوس من عمها وابتزه بصورة بنته
وانطيها من الفلوس كان الموضوع مجرد تسليه
للضحك ماتصورت راح الموضوع ينكشف هيج ويتحول قضيه
اني مستعد اتحمل كلشي منى مالها دخل
اني ضحكت عليها
انسجن الولد ٣ سنوات بعد مااهله دفعولنا فصل
شكد غبي الخاطر الله ضيع نفسه مشى ورا وحده مريضه نفسيا مكالمة وحده ابتز بيها ابوي
ضيعته صار عنده سجل إجرامي وأهله نفضحو بين الناس
اني طلكت منى بس كلبي بعده مابرد منها
بنتي عدها لان زغيره والحظانه للام وتأخذ مني نفقه
والموخر ٣٠٠ الف كل شهر
كلما ادخل غرفتي والكاها فارغه شكد اضوج
والنوب هي طلعت من كل هاي المصايب سالمه
اطلب من رب العالمين ياخذلي حقي منها
شكرا لزيارتكم عالم روايات سكيرهوم
