رواية بنات سهر الفصل الثامن بقلم فراقد حسن علي
أنّه بخير شكراً، من سألت الحال؟
لتكرّر بعد ما بيه حيل ذنوب
ترى جذبت لمّن كلت أنا بخير الحمد لله ....
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
مسرة /
ما سمعنا غير صوت حيدر كال /
بوية جابر حليتوا سالفة الكل
الا سالفة حيدر نسيتوها
ومادام أنجمعنه كلنا بديوان أبو جواد حلوا سالفتي وياكم...
طارق جاوبه / بلا حيدر ما تسكت يخوي مو وكت سالفتك ،
خلي نشوف حل لموضوعنا بالأول
حيدر كال / وشبي موضوعك مو هل أنحل
البنيه تصبح مرتك وخلصت سالفتكم
الا سالفتي الماتنتهي ويه أختك
بلا منو يرضى بيكم بالصار ويايه
٣ سنوات عاقد سيد ومحكمة
وقبل عرسه بااسبوع مرته تعنطز عليه
وتريد الطلاك
علمود موضوع خارج عن أرادته !!!!!
لو معرس مو هسه عندي أثنين جهال
عمهم جابر أختصر الكلام وياه كاله /
انت ومرتك مشاكلكم تفاهه حلوها بيناتكم ترى البينه مكفينا
ترى كل هاي الهوسه الخاطرج انتي وخياتج
ما نريد الجن الذله من بعد عيون أهلجن
وأنتي أرملة يابوية منو يتقدملج بعد وصغيرة وحليوة بعد ،،
نخاف عليج من الزلة
لزوم تنسترين تحت عباة زلمة خير
وأبو حسين ونعم منه
وباجر من يصبح خيالج وتعرفي زين
أنتي بنفسج تجين ألية وتشكريني
عبن جبرته أله يسجلج تحت أسمة
وان شاء الله تكونين خيرة ومراة حسنه المعشر
مو مثل أم حسين الله يغفر ذبها
جرعته المر وما تنازل عنها
الا بعد ما ساح الدم بينهم
وان شاء الله أبو حسين ما يقصر وياج بخرم أبره ،
ولو بيوم داسلج على طرف
وحشاه لمنتصر أعرفنه زلمة وربات خير
ينعال عليه ومايكول هاي ميله
أنا أخذلج حكج منه مربع
مااعرف شنو أجاوب لو شنو أحجي
بس كتله / عمو والله شايب ومريض باجر يموت
وأني بعدني هسه دخلت بالعشرين
هم أترمل مره ثانيه
هنا طلعت غصة من قلبي مو من بلعومي
شهكت وبجيت بصوت عالي صفنت الكل عليه
هو منتصر كال / أنا أبوك يا حسين
بويه على كيفج ويه روحج
عيونج عمت من البواجي
وكلبج وكف من ألنحيب
بويه حكج زواج بالغصب ما ينراد
وأنا لخاطر كلمة أبوي وعمي جابر حتى مااكسرها
ما رايدج مرأه اليه
راح أعقد عليج حتى تكونين تحت جناحي
وتحل الج الكعدة بيتي معززه ومكرمة وأعدج حالج من حال لمى
أني هنا شفت كلامه قنعني
لان الصراحة مال نرجع ونكعد وحدنا بيتنا هذا حلم صار ،
ومستحيل يخلونا نرجع لهناك وحدنا
فأشوف هذا الاتفاق أحسن حل ألنا حاليا
وهم حبيت خالتي فاطمة ولمى
شكلهن حبابات وتعاملهن ويانه حلو
وهم شفتهم كلهم يحترمون منتصر
ويحسبلوله الف حساب
وكلت ويه نفسي أحسن مااظل مجهوله هنا وهناك
أكون تحت أسمه أحسن اليه والخواتي
بس حزت بنفسي هسه أوافق
ليش بهاي سرعة أرخص روحي من جهه
أساور بقت تندس برجلي
شاورتني / مااريد هذا الرجال شكله مو حلو !
شوفي شلون يباوع علينا !.....
أساور/ السلام عليكم ورحمة الله وبركاته
أسمي/ أساور عدنان
عمري هنا ١٧ سنه بعد كم شهر وادخل ب ١٨
عرفتوا كل الحوادث والكوارث الطبيعية والبشرية
المرت علينا عن لسان خواتي مسرة وسوار
مراح أدوخكم واضيف شي زايد على كلامهن
بهاي الهوسة والكعدة ما جنت أعرف
شنو سالفه زواج طارق وسوار
كل ألأجى بالي ضاربها ،
وهل أجتمعوا علمود يسون حل النا ويزوجونا
حتى لا كل ما يجي واحد يكفخنا ويذلنا
والله بهذا عمري وماافتهمت الموضوع ابد
كل البمعرفتي ضاربها
والله مو أسوي نفسي بريئه براسكم
بس الله يشهد ، ماما هواية تعبت على تربيتنا
وكل حياتنه بوجودها هي وبابا مغلقه ومحدوده
ربونا على الحلال والحرام
والاحترام ، والعيب ، والما يصير
وبذاك وكتنا والله جنا فقره ونفوسنا مرتاحة
مو مثل هسه كلشي متوفر
والواحد ما مصافي حتى ويه روحة
أحنا حتى دوام بالمدرسه ماكملنا
بطلتني ماما واني بعدني حتى ما سجلت بالمتوسطة
حتى منعتنا من طلعة الشارع
لو الختلاط ويه بنات الجيران
تلفون عدنا هذا الصغير ( ١١٠٠) والخط أثير
وبس هي تستعمله
أحنا ما تقبل نلزمة لو نشوف شبي مابي
وتلفزيون شكد توسلنا بيها تشتري ستلايت
ماقبلت كالت / بي شغلات مو زينه تخرب تفكيرجن
وعلمود برنامج ستار أكاديمي الموسم الاول
مال محمد عطيه المطرب المصري
وهلكد ما تهاني بت جيرانا بيت أم عمر
تسولف عليه وبرنامج حلو وجديد
قنعناها أحنا وبيت جيرانا
سحبنا فيشة من عدهم علمود نتابع البرنامج
واذا أنعرض فلم على جنل تو لو غير محطة
وتطلع بي لقطة عيب يعني بوس بين أبطال الفلم
تكول / كومن طفن التلفزيون من عابت على هيج افلام ماصخة قليله حياء
وتلفزيون شكد توسلنا بيها تشتري ستلايت
ماقبلت كالت / بي شغلات مو زينه تخرب تفكيرجن
وعلمود برنامج ستار أكاديمي الموسم الاول
مال محمد عطيه المطرب المصري
وهلكد ما تهاني بت جيرانا بيت أم عمر
تسولف عليه وبرنامج حلو وجديد
قنعناها أحنا وبيت جيرانا
سحبنا فيشة من عدهم علمود نتابع البرنامج
واذا أنعرض فلم على جنل تو لو غير محطة
وتطلع بي لقطة عيب يعني بوس بين أبطال الفلم
تكول / كومن طفن التلفزيون من عابت على هيج افلام ماصخة قليله حياء
واذا طلعنا تسويلنا جولة تفتيش على ملابسنا
لازم نلبس عباية راس وجواها جبه
وربطة نتحنك بيها ، وجواريب
لبس أسلامي كامل ومحتشم
والله لو عليها تلبسنا نقاب
وممنوع وحرام عدنا شي أسمه مكياج
تتخبل من هاي السالفة
حتى حفافة حواجبنا ما تقبل
بس شواربنا نحفها علمود النظافة
صح جانت الله يرحمها قاسيه بتربيتها النا
بس حقها السمعة الحلوة والتربيه الزينه
يرادلها دلال وعقاب بنفس الوكت
أني ما عندي حقد بس مشكلتي عندي أحساس
بسرعة أتأثر وتنعصر روحي وتنزل دمعتي
باصغر كلمة أساءة أنقصد بيها
وألله ما أرد ألاذية لليوجها أليه
بس أبقى أبجي وأقهر بروحي
وغير كلمة حسبي الله وهو نعم الوكيل ماأكول
هنا وبهاي الكعدة قرروا يزوجوني
لهذا الرجال مازن ،
وهو مجلب بكلمة بنات كتال أخويه !!
شنو قصدة وليش هيج يكول مااعرف ؟!
والله شفته شكله مو حلو
هو أسمر
يعني مو أسود عبد وكلنا عبيد الله
لا أسمر ملجوع
أكيد شايفين شباب الجنوب
شلون يصيرون سمران البشره
ما حبيت شكله !!!
وأنوب عيونه أحس نظراتها وسخة
شلون يباوع ويدقق بالشوف
هنا وبهاي الكعدة قرروا يزوجوني
لهذا الرجال مازن ،
وهو مجلب بكلمة بنات كتال أخويه !!
شنو قصدة وليش هيج يكول مااعرف ؟!
والله شفته شكله مو حلو
هو أسمر
يعني مو أسود عبد وكلنا عبيد الله
لا أسمر ملجوع
أكيد شايفين شباب الجنوب
شلون يصيرون سمران البشره
ما حبيت شكله !!!
وأنوب عيونه أحس نظراتها وسخة
شلون يباوع ويدقق بالشوف
خفت أحجي وأكول مااريدة
وترجع تكب العركة من جديد
كلت بس المسرة / مااريدة مو حلو
ونبهتها شلون يباوع علينه
هي بس كالت / أسكتي لا يتهموج انتي تعرفين
غير رجال ،،وتكولين على هذا الرجال مو حلو
يمه فد خفت من هذا كلامها
سكتت بعد أبد ما حجيت
ولا باوعت على مازن
شو عمهم الرجال الجبير جابر
عاف مسرة ورجع عليه وكال /
وانتي بويه عندج شي تكولينه
لو راضيه بقسمتج من مازن
والله خفت أكول مااريدة مو حلو أسمر
ويطلع كلام مسرة صدك ويتهموني
اني اعرف رجال غريب
بس حركت راسي بمعنى لا
وكلت / ماعندي شي
هو الرجال بسرعة كال / عفيه بويه
الله يسعدج بحياتج ،
ومازن خوش مازن
وأنا متاكد راح تنسعدين بحياتج وياه
فضت الكعدة مالتهم وبقوا على أتفاقهم
وشويه شويه بدوا يرحون لبيوتهم
وعمنا حاتم جلب بيهم على العشا ما قبلوا
عاد بقوا يسلمون ناس على ناس
وراحوا كلهم لبيوتهم
الوكت أتأخر وراحت حتى صلاة العشا
كومتني مسرة ورحنا للمطبخ وره مرت عمنا
كتلها / عادي أتوضى هنا بالسنك
أستحي أشلح أيديه وأفتح حجابي بره
وأتوضى بمغسله الكلدور
هي خطيه كالت / البيت بيتكم أخذي راحتج
هو صح بيت عمنا بنائه جديد وحديث
بس مو مثل بيت منتصر ما شاءالله
هذا مساحتة صغيره واقل فخامة
راح اوصفه الكم حتى تعرفون تصميمة ويايه
لان وكت طويل عشت بي
-
يعني بي أستقبال جبير
ويصير ينفتح على وسط الصاله
من خلال باب خشبيه تصميها حلو
وغرفة نوم خاصه بعمنا حاتم ومرته
ومقابيل غرفتهم العفو أكو صحيات
ومطبخ مساحته حلوة واسع
وبي مخزن صغير للغراض الزايدة
من مواد غذائية وغيرها
ومنور يضوي للغرفة و المطبخ
والكلدور بداية البيت بي بابين
وحدة تدخل على الاستقبال ،
وحدة على الصالة
والعفو اكو صحيات خارج البيت من جهه الاستقبال
واكو ثلاث غرف فوك وحمام
غرفة للولد بيها أسرتهم
والبنات صغار ينامن يم أمهن جوه
وباقي الغرفتين وحدة للفراش وباقي الأغراض
وحدة فارغة هاي بعدين صارت غرفتي ...
عاد توضيت بالسنك مال مواعين
والله المطبخ نظيف يلج من النظافة
وحتى من خلصت الوضوء
رجعت شطفت وسميت على حوض السنك ومسرة هم توضت ورايه
ورجعنا للصاله نصلي
خطية مرت عمنا جابتلنا محارم صلاة وسجادات
اني صليت أني كاعدة رجلي كلش توجعني
ومسرة صلت عادي هي واكفة
أحنا نصلي أجى هذا مازن من باب الاستقبال
وبقى كاعد وحدة بالصالة
عمنا حاتم دخل بدل هدومه لبس تراك بيتي
وأجى كعد يمه وبقوا يسولفون سويه
من خلصت صلاتي
كلت المسرة / اريد قران أقرأ على روح ماما
هي اخذت السجادات وراحت للغرفة ترجعهن بمكانهن
كالت / هسه بس أشوف سوار وأرجعلج
هذا مازن طفر وجابلي القران
موجود الكتاب بالاستقبال
قدمه اليه ،أخذته من ايده
سألني / ليش تصلين وايدج مجتوفة ؟؟
كتله/ احنا هيج ماما علمتنا نصلي
من أول ما تكلفنا بعمر الصلاة
عمنا حاتم كال / أكلج بويه
أنتي تعرفين شنو عشيرتج وأصلج لو لا مذهبج تعرفي شنو ؟؟
جاوبته / اي أعرف أحنا الجبوري من ألبو خطاب
شو هذا مازن كال / والغسل الهذا الحلك
شبيج نغله وتنكرين أصلج
يمه هو كالي هيج وأني أنعصرت روحي
عيوني أنملت دموع وبقيت أباوع عليه
كتله / لا تغلط عليه اني ما غلطت عليك
عمنا حاتم كال / هاي العرفناها
الله لا يرحمك وانت بكبرك يا عدنان
حتى خلفتك تنكرنا وتنكر أصلها
بويه باوعي عليه / انتن بنات عدنان محمد الكعبي
يعني عشيرتج من بني كعب
العراق والوطن العربي يروج برجال عشيرتج
ويتفاخرون با أسمهم ونسبهم
الجبوري البو خطاب والنعم منهم
لكنهم أهل أمج وعشيرتها
مو أهلج عيب تنكرين أصلج
أني بعد وين أسمع لو أشوف
بقيت مدنكة راسي وأبجي
هضمني هذا الأسود من عابت أخلاقة
ابد ما يحترم
مسرة رجعت كعدت يمي
شاورتني شبيج ؟؟
كتلها / هذا الاسود غلط علية
هي خزرتني وكالت / حرام تكولين عليه أسود
الله خلقة بااحسن صوره
ومو هو الاختار لون بشرته
وبعدين يجوز كلبه وأخلاقة حلوة وبيضة
شكو انتي تجاوزين بحق خلقة الله
مو الصحابي بلال الحبشي جان أسمر البشره
ونبينا المصطفى صلى الله عليه وسلم
خلاه يصير مؤذن الأسلام والمسلمين
لان خلوق وخوش أنسان
شو هذا مازن عبالك شامر أذانه يمنا
شلون سمع حجينا وأحنا نشاور بيناتنه
كال / صح أنا أسود الشكل مثل ما تكولين
بس أبيض قلب والله ،، وكام يضحك
عمنا حاتم كاله / وين أكو مثلك نسخة ثانية أبو سمره علواة ال حسن بيهم بعد نسختين من عندك
جان ما ساح الدم بين العمام
ولا وصلنا الهاي المواصيل
مسرة كامت للمطبخ تساعد مرت عمنا
عيب نبقى كاعدين وهي وحدها تفتر
أني بقيت كاعدة اقرة قران وأبجي
وهذا مازن وعمنا يسولفون بشغلات ماافتهم بيها
سوالف العشيرة وشغلهم
رفعت راسي هيج فجأة
وصارت عيوني بعيون هذا مازن
يمه مركز عليه من كل خاطره
متت من الخجل بسرعة دنكت راسي
وبعد ابد ما شلت راسي من الكتاب
بقيت أقرأ لحد ما جابت العشا مراة عمنا ومسرة
هم الرياجيل تعشوا وحدهم
وأحنا كعدنا أكلنا وحدنا لان جهال يلوصون بالاكل
بعد ما خلصنا العشا أحنا كاعدين على السفره
مسرة أخذت أكل وراحت تكعد سوار تعشيها
وأني بعدني كاعدة بالكاع مااكدر أنهض
كلت المراة عمنا / خاله تعاي كوميني
أروح للغرفة رجلي توجعني مااكدر أكوم وحدي
هي كالت / بس دقيقة أغسل أيد نوره بيها دهن لا تلوص ملابسها
عاد عمنا كام من مكانه وأجى عليه
كال / أنطيني أيدج ،
ومد أيدة عليه
أني كلش أستحيت بقيت مترددة ما مديت أيدي
هو كال / ترى أنا عمج شبيج لا تخافين لو تستحين مني
مديت أيدي اله هو جلب بجف أيدي
وبسرعه جرني كومني وكفت على طولي
رجلي أنشلت من ألوجع عطت /
أاااي ماما تعاليلي،،،عمو حباب عوفني
ونفضت أيدي من أيدة
ولزمت مكان الضربه
هو هم أخترع كال / هااا شبيج
بقيت وأكفة ومطعوجة لازمة مكان الجرح
والدموع تسح على الوجهه هاي ابد ما توكف
أجتي مراة عمنا ولزمت أيدها
وسندت نفسي عليها وبالكوة مشيت للغرفة
مسرة/ وحق القران الكريم تعبت
بعد ما عندي لا روح ولا جسد يحملن القهر
والضيم المر عليه ،،
أساور تبجي واعرف بيها راح تظل شهر
تعوي وتبجي وتحلج بروحها
لان مازن غلط عليها
وهم رجلها توجعها
وسوار علتها خفيه وما تكدر تحجي وتسولف
كعدتها من النوم أريد أعشيها
فزت خايفة وترجف
والوجه غادي ليمونه من الصفار
وبس تتلفت وتبجي وتكول / اريد ماما
اخذينا البيتنا حبابه راح يموتنا هذوله العالم
والله هذا طارق وحش
وين بابا يجي يعاقبه !!!
أني بعد ما عندي قوة أتحمل أشوفهن يتعذبن كدامي وصبري خلص استغفر الله هاي اليومين روحي خلصت
طلعت من الغرفه ورحت على عمنا حاتم
لكيته بالصالة هو ومازن
كتله / عمو تعال بسرعة سوار مو زينه
ورجعت امشي سريع رديت عليهن
ما حسيت غير دفعه قوة أجتني
وعمنا حاتم فات للغرفة يركض
وراه مازن ،
ومراة عمنا خطية كاعدة قريب باب المطبخ
تبدل العفو حفاظة بتها عافتها واجت تركض
دخلت وأشوف سوار خربانه
مااعرف فاقدة
مااعرف تنفض وترجف
وعمنا حاتم تولاها سطر راشديات خفيفه
ويصيح على مازن / خابرلي حيدر
هاي أنشمرت من صخونه
مراة عمنا كالتله/ بس وخر عنها ايدك ثكيله
فريت دماغها ،
هاي خايفة ومهبوطة
وعدها جرح لازم تصخن من وراه
أنخبصنا سوار بس تهذي وترجف
وتباوع بالوجوه ومبين عليها الخوف
وعمنا حاتم حرك منتصر حرك يخابر عليه
يبووو شكد غلط وفشر على طارق
شويه ودخل علينا منتصر ولمى
وياهم بنيه اني شفتها قبل شويه بالكعدة
بس مااعرف منو هي
طلعت أختهم أسمها سهى
مااخذها ابن عمهم أسمه سعيد
من شافت حالة سوار وشصاير بيها
بقت تحجي على طارق
وتكول المنتصر/ أطردة من البيت
هذا أبو النسوان عمره مراح يصير براسه حظ وخير
عمركم كله شايفين ذيل الجلب أنعدل
هذا لو مو تزوجونه
لو تخلوا بنص سجن وتقفلون عليه ،
مايتوب من المشاكل والشرب والنسوان
عمنا حاتم سأل منتصر / وين أخوك العار
ما أجئ يشوف البنيه شصاير بحالها
منتصر جاوبه / أبو جواد أنت التعرف دربه
هسه وين لافي ،،
عمنا حاتم سأل منتصر / وين أخوك العار
ما أجئ يشوف البنيه شصاير بحالها
منتصر جاوبه / أبو جواد أنت التعرف دربه
هسه وين لافي ،،
الرياجيل طلعوا من الغرفة
بقن بس النسوان يمنا
ولمى عرفتنا على أختها سهى
هم حبابه وطيبه مثلها
وتكول لأسوار / وعلي أجي من غبشه أخذج
هناك البيت أبوي وأخلي جهالي ينسوج الدنيا
ولج واحدهم ملج مو جاهل يمشون على الحياطين
خطيه دكووا حسين وخلوا أمي تلطم
ولو هو هم حقير يلدغهم ويضم راسه
وصدك لنص الليل يلا راحت لمى وسهى
وأحنا نمنا بغرفة عمنا الخاصة
وزوجته نامت يمنا هي وبناتها ابد ما عافتنا
وخطية بقت توصي بينا وتكول /
ديرن بالجن على نفسجن ولا تغفلن عن شي
ولا تغرجن وجوهم الخيره
ترى واحدهم خبيث وعربيد وينكطون سم
واليتفقون عليه ويشفون بي مصلحتهم
ينفذوه لو على كص أركابهم
وخلي أكلجن كلمن ترى نسوان ال الحسن
وحدتهن خبيثه وحيه تلدغ وتضم راسها
وكحات وصلفات ما تخلصن أرواحجن منهن
كل وحدة ترضى بقسمتها أحسن الها
لا يطمغنجن بالشرف ترى ما عدهن مخافة الله
واني اكولجن هذا الكلام مو أخوفجن
لكن أني معاشرتهم وأعرف أدروبهم جرعوني المر وحبيت أنصحجن لوجه الله
بقيت الليل كله أفكر بكلامها
ياالله لطفك وعفوك ورحمتك ورضاك
وين جنا مدللات
وين صرنا عبيدات
للصبح و سوار ما نامت متوجعة
صح بدايه الليل سكنت شويه
بس وراها بقت تون من الصخونه ومتوجعة
صارت روحها بالحمام كلساع وكالت / وديني للحمام
اوديها تغسل تكوم تعيط وتبجي وأرجعها
وبقينا للصبح على هل الرنه طحينج ناعم
ثاني يوم مرت علينا خالتي فاطمة
رادت تاخذنا وياهم عمنا حاتم ما قبل
وعدا اليوم هم تعب بتعب
هي خطية أصفرت وكالت / الله يستر عليج
مابيه حيل مشاكل
وحاتم يطلكني ويديحون جهالي
مااكدر اسولفلج شنو القصه
عمج حذرني اسوالف الجن اي كلمة تخص
موضوع اهلجن ،
سدي الموضوع وبعد لا تسألين
اول وتالي مصيرجن تعرفن السالفه شنو
بس عرفنها من غيري انا مابيه حيل للمشاكل
خليت وسكتت وكلت الخواتي بعد ممنوع تسألن عن موضوع ماما وبابا لا أحنا هم ننكتل علمود السؤال
وسوار شلت حالي مااعرف شلون اداريها
كامت كل ما تبجي أنطيها حب فاليوم أبو ال ٥
وأخليها تنام حيدر وصفه الها
ومرات من تزهكني أنطيها حبايتين
حتى تطفى وتنام
وأساور يوميه أضمد رجلها
وتشرب كبسول مال التهابات
شويه صارت أحسن
بس أني غديت كاغد محروك من التعب
والقهر ، والبجي
والله نفسيتي أدمرت
بحيث كمت مااحجي
مالي خلك أسولف ويه كان من يكون
عمنا حاتم راد يلتحق لدوامة
يداوم بالجنوب وطارق يداوم وياه
يلتحقون سويه وينزلون مجازين سويه
هنا منتصر جمع عمامة وأولادهم من جديد
وكال / أبو جواد أنا أعقد على البنيه
وطارق هم يعقد حتى ناخذ البنات
يم الحجية أكلت قلبي عليهن
عمهم جابر أجى من الصبح
وجايب وياه سيد صديقه
يكولون متولي مال حسينية
ورجال خير ومعروف بزرع الخير
ياخذونه وياهم لسوالف العشاير والفصول ،،
وهم يساعد بحل مشاكل الناس
مثلا
-المرأه زعلانه يروح على أهلها ويرجعها لرجلها
-الاخوان المتزاعلين يراضيهم
-يفزع للمحتاج ويفتر على أهل الخير ويجمعله مبلغ
-العندة مريض يلم رياجيل المنطقه ويزوره
-يعقد للعرسان لوجه الله وابد مياخذ فلوس
يعني رجال خير وينكط طيب وأخلاق
أجتي خالتي ولمى وياهن سهى
وهم بنيه ثالثه جديده ،
مااعرفها ما شايفتها قبل
طلعت بتهم نهى رجلها أسمه وميض أبن خالهم
السوة حادث بيوم ما طارق أعتدى على سوار
أنكلب بالدراجة بس مااتكسر
بس تكحتت أيدة وصفحته من التبليط
وبي رضوض بسيطه
وخدوش بكصته ووجهه
وبعد شكم مراة أجن وياهم
نسوان عمامهم وبناتهم وجناينهم ،
يعني ماكو وحدة غريبه
بس أحنا الغرايب بيناتهن
من خالتي سألتني قابله على زواجي من منتصر
جريت نفس قوي وكتلها / بلي موافقه
ومن ردت وسألت سوار موافقة على زواجها من طارق
سوار كامت تبجي وتصيح / وحش ومخبل مااريدة
مراة عمنا حاتم أسمها بيداء
راحت على سوار وشاورتها
مااعرف شنو كالتلها وهي سوار أنصكت
وبقت تباوع بالوجوه ،، وبس تحرك براسها
يعني أي وكالت/ بلي وافقت على زواج !!!!!!
÷÷÷÷÷÷÷÷÷÷÷÷÷÷÷÷
شكرا لزيارتكم عالم روايات سكيرهوم
