رواية دكتوره رفيف الفصل التاسع بقلم جمانه السعيدي
رفيف....قبل هاشم يروح ويانه للبيت
بلطريق بابا اتصل على ماما وطمنه عليه بس بدون مايحجيله اي شي
وصلنا.للبيت واني رحت بدلة ملابسي وحضرت ريوك
وجبته لكيت بابا يسولف على هاشم والحديث بينهم حلووو
حسيتهم منسجمين على الاخر
تريكنا وبعدين جبت أدوات التعقيم عقمت الجروح واكو جرح زغير براسه خيطته
عقمت ايدا لان مجروحه وربطته وانطيته مسكن
بابا....تكدر تدخل إتنام هنا بغرفة الضيوف من تكعد نكون لكينا مكان تكعد بي منا لمن تنحل هاي الازمه
هاشم...بس مااريد أثقل عليكم دكتور
بابا...ماكو اي ثقل اني اصلا مديون الك لان انقذت رفيف
بس ممكن اطلب منك طلب
هاشم...اي تفضل
بابا...وانتي رفيف اسمعي مااريد اي احد يعرف بهاي سالفة الخطف لان راح اتأثر على سمعت رفيف
الحمد لله خلصت على خير ومابيه اي اضرار علينا
اتمنى ماتحجون بهذا الموضوع
هاشم..انشاء الله
بابا...اخذ راحتك وليدي
جمانه السعيدي
رفيف...طلعنا وبقه هو وحدا بلغرفه
بابا رجع حضني وباسني يابابا الله ستر علينا لو مااشويه ردت أبلغ الشرطه
لان عقلي طار من امج كالت رفيف ماكووو
طبعا اني ماردت اخوفه طمنته وكتله اني رايح للدوام ومناك اتصل على رفيف اطمن عليه
واني صعدت السياره وكبل الساحة التحرير
اسمعي كلامي بعد ساحة التحرير ماكووو ازعل عليج
اذا رحتي
رفيف...بعد الخوف الي شفته اليوم مستحيل اروح مره ثانيه اجا كلبي يوكف من الخوف
لو ما هاشم كل شويه يطمني الحمد لله
اروح اسبح واصلي صلاة الشكر الحمد لله والشكر
صعدت الغرفتي سبحت وصليت ونمت كعدت المغرب
نزلت جووا مالكيت هاشم كاعد وطالع محد يدري بي من طلع
شكد ضجت علي يعني شاب مثل الورد عايش بلده وهو خايف ومامحصل اي شي من حقوقه
الله يعينهم على هاي البلوه
امي بس شافتني حضنتني حيل
امي...ليش ماما ليش هيج ولله الصبح من مالكيتج بفراشج جان انجنيت
الحمد لله والشكر
رفيف...يستاهل الحمد
امي...خوما تحرشو بيج لو سسولج شي
رفيف....اصلا مالحكووو هاشم نقذني منهم
امي...على طاري هاشم توقعت اشوفه واسلم علي واشكره بس مالكيته
رفيف...شكد نفسه عزيزه اصلا ماقبل يجي ويانه للبيت
امي...الله يحفظه ويبعد عنه ولد الحرام
بليل رجع بابا للبيت
بابا...شلون صرتي حبيبتي
رفيف....الحمد لله احسن بهواي
بابا...اتصلت على مدير المستشفى واخذتني اجازه مفتوحه
يمته ماتحبين ترحين روحي
بس بشرط اني اخذج واني ارجعج بعد ممنوع اطلعين وحدج
رفيف....تمام
جمانه السعيدي
بقيت اسبوع بلبيت ماداومت وكلما انام اتخيل نفسي مخطوفه
رعب حقيقي الله يساعد الي يخطفوهن ويعذبوهن لو يغتصبوهن فعلا رعب وخاصه الوحده مثلي ابد ماشايفه هيج شي ولا متوقعته ابد
بعدها ماشفت هاشم ابد رغم اني كنت اباوع على كل الوجوه الي تصادفني بلكت المحه ولو من بعيد
الصراحه ترك اثر بكلبي
رغم اني مابقيت وياا غير نص نهار بس هو هيج الإنسان الطيب الشهم يترك اثر بلنفس
بعدها بسنة الفين اجت كورونا والوضع حيل ادهور
وكان وضعنا بلمستشفى يرثى له
واني أكثر دكتوره عليه مراجعين لان هذا المرض
يصيب الجهاز التنفسي وياثر على الجسم كله
كنت ادوام كل الايام بلمستسفى
بس شنو لابسه كفوف وكمامه ومناضر وبدله واقيه والتعقيم بصفي
كانت حاله من الهلع بلمستشفى
خصوصا عدنا دكاتره ثنيين انصابو وماتو بهذا المرض
الله يكفيكم الشر
وبيوم من هاي الايام الصعبه واني عليه كم غير معقول من المراجعين طبعا بابا اكثر من مره كال قدمي استقاله
احنا مو بحاجه الهاي الوضيفه اني مامستعد اخسرج
بس اني ماقبلت اذا اني اتخلى عن واجبي اتجاه المرضى
منو يساعدهم ولي يموت يكون يومه محد يموت قبل يومه ابد
جمانه السعيدي
المهم كانو المراجعين عددهم غير معقول واكثرهم مصابين
بهذا المرض اللعين اكو المرض حيل مأثر عليهم وبمرحله متقدمه واصل بجسمهم
واكو بلبدايه والناس عايشه حاله من الخوف
وكل الكادر مغطي نفسه بلكامل وماكو غير ريحة التعقيم تفتر بلمستشفى والمستقبل مجهول بلنسبه النا
لان تقريبا يوميه تطلع اكثر من خمس جنايز من المستشفى
دخل واحد بدون كمامه وهو خايف
...دكتوره فدوه امي امي موزينه
رفيف...باوعت هذا هاشم واني وكفت على حيلي
وصحت بدون وعي وينك ادور عليك
طبعا هو ماعرفني لان اني لابسه بدله واقيه كامله وكمامه
وجفوف ومناضر
اتفاجئ من كلامي والتفت ورا
رفيف...نزعت النضاره ونزلت الكمامه
...هلو هاشم
هاشم...اتفاجئت من شفت رفيف والغريبه هي بعدها تذكرني
...هلو دكتوره
رفيف....وينك يمعود ليش اختفيت
هاشم....انتي بعدج اذكريني
رفيف...شلون انسى الإنسان الي نقذني من الموت
هاشم...تسلمين
رفيف...شنو اخبارك شجابك هنا
هاشم..امي تعبانه حيل
رفيف...دخله بسرعه رجعت الكمامه والنضاره
دخل امه للغرفه
رفيف...شلونج خاله
ام هاشم...الحمد لله
رفيف...اصعدي افحصج
صعدت وفحصته زينه حالته لا تخاف
هاشم...الحمد لله
رفيف...بس اريد مجموعة فحوصات وياريت تلبس هاي الكمامه والجفوف انت والولده
انطيتهم كمامات وجفوف
رفيف... بس ترجع ادخل راسا
هاشم...شكرا دكتوره
طلع وتأخر لان ناس هواي وازدحام طلعت لكيته واكف
كتله تعال انت والوالده هنا بغرفتي
دخلتهم جوا وصبيتلهم جاي من الغلايه
امشي بلمراجعين وكل شويه اباوع علي شلون مهتم بامه ويداريه حتى يمسح حلكه وجابله مي
جمانه السعيدي
طلعن التحاليل طلعت مصابه بس بداية المرض
سجللتلهم مجموعة ادويه ودزيت ولد يجيبهن من برا على حسابي لان سعرهن غالي
هاشم...هاا دكتور هاي هي وين العلاج
رفيف...شويه ويجيبون الك
هاشم.. اني اروح استلمه من الصيدليه
رفيف...لا ازدحام اني دزيتهم يجيبونه
اجا العلاج واشرته وكتله انطيني رقم تليفونك حتى اطمن عليك وعلى الولده اتبادلنا الارقام اني ويااا
ودعني وطلع هو امه
بليل دزلي مسج
هاشم...هلو دكتوره اني هاشم
رفيف...اهلا وسهلا
هاشم...شكد سعر العلاج
رفيف...اي علاج
هاشم...ترا مستوره والحمد لله
رفيف...ليش ازعلني منك
هاشم...اني الي راح ازعل
رفيف...تعرف شكد صار ادور عليك
هاشم...ليش
رفيف...لان ماكدرت اشكرك على موقفك وياي
هاشم...اي موقف ترا ماسويت شي
رفيف...كل هذا وماسويت شي لوما انت جان اني ضعت
هاشم...اسم الله عليج
رفيف...وانت هسه تحجي على العلاج اي علاج يمعود
هاشم...يعني شنو ساعدتج وجاي تدفعين الثمن
رفيف...الي سويته ماله ثمن
واتمنى اكدر اردلك شي احسن
هاشم....انتي الي ماكو منج ابد جمال وأخلاق وادب وثقافه هنياله سعيد الحظ
رفيف....انت شايل الرجوله كله لمن ماكدرت اتحرك
شلتني ومشيت رغم رجلج كانت توجعك
لو واحد غيرك كان كال يله نفسي شعليه بيه
هاشم....لا شلون اعوفج وانت جنتي ترجفين كلج
اصلا اني خفت عليج لا يوكف كلبح
لان تهتزين مثل السعفه
رفيف...الحد الان من انام احلم نفسي مخطوفه
هاشم....واني وياج بلحلم لولا ههههه
رفيف....لا ماكو واكعد خايفه
هاشم...اول مره اشوف دكتوره وهلكد متواضعه
رفيف...وشنو يعني دكتوره على راسه ريشه دكتوره
وبلحظه كنت لاحول ولا قوه لو ماانت تساعدني
هاشم...بلخدمه
رفيف...شلون صارت الولده
هاشم....بس تحجي بيج من وصلنا للبيت الهسه
هاي الدكتوره شكد حلوه
شكد حبابه شكد انسانه
رفيف...الله يحفظه الك
هاشم...ويحفظج ويبارك بيج
رفيف...هي ماعدها غيرك
هاشم...اخ اكبر مني طلع بالاحداث مال بغداد بعد السقوط ومارجع وهي كلش تخاف عليه من اطلع تبقى كل شويه تتصل
رفيف...الله يساعدها حقه وانتم شلون عايشين منيين تصرفون
هاشم...راتب الولد الله يحفظه واني اشتغل احصل ٢٥ بليوم والأمور ماشيه
رفيف...زين اكو سؤال باقي بالي
هاشم...اي تفضلي
رفيف...ليش طلعت من بيتنا بيوم وصلتني بدون ماتحجي
ووين رحت
هاشم....اني وين انتم وين حسيتكم جاي تبالغون بمعاملتي واني ماسويت شي
رفيف....كل هذا وماسويت شي
هاشم....انتي واهلج شنو هلتواضع والبساطة مع اني عرفت انتم عائله كلكم دكاتره ومهندسين
رفيف....عليمن التكبر الدنيا تسوه ابد
هاشم....رحت البيت عمي بلشعب بقيت عدهم كم يوم ورجعت
رفيف...تصبح على خير
هاشم...اوكفي وين ماكلتي شكد سعر العلاج
رفيف...ولله ازعل بعد مااحجي وياك
هاشم...شنو اتزعلين هذا حق
رفيف...تقبل ازعل عليك
هاشم...لا مااقبل
شكرا لزيارتكم عالم روايات سكيرهوم
