رواية عشق مابعد الطلاق الفصل التاسع بقلم ساره فاضل
ناي
طلعو من عدنه المغرب تقريبآ
جنت اتمنه يضلون نگعد اني وقيصر نتعرف ع بعض موكبل يسافرون
يلاا عذرهم وياهم هوه لو يريد جان بقه بس هوه يريد يروح
رجعت للبيت لكيته نضيف خطيه صديقاتي كملن كلشي وراحن لازم باجر اروح اتشكر منهن وكفتهن متنسي
رحت للمطبخ
جمعت الكيك الزايد كله ودزيته الجوارينه بيد والي لان مماكلين بس كيكه وحده ووحده باقيه ع حطتهه ورجعت ع كيكة الخطوبه دزيت طابقين لبيت ابو رضا جوارينه زنوبه ونرجس شبعن تعب ولاماكلات ولاشاربات خطيه هم دزيتهن بيد والي
خليت النه بس الطابق الزغير كافي عليه اني ووالي لان ابويه مياكل حلا عنده سكر
البيت ميرادله شي بس المطبخ كلت خلي ع باجر لان كلش تعبانه رحت الغرفتي أريد افتح شعري الماشات مال التسريحه موتني واني مااعرف اخلي شعري مفتوح طول اليوم احس شعري يكوش. ههه
رحت للمرايه جاي افتح شعري أباوع لنفسي بالمرايه اول مره انتبه النفسي هلگد اني حلوه المكياج صح حلو بس الجذبني لبسي وحواجبي
وجهي طلع من سويتهن طول عمري عيوني ملونه وكل اليشوفهن يكول عدسات لان لونهم جذاب
بس اني ماجنت اشوفهن حلوات او جنت متعوده على جمالي ماجنت احس نفسي عندي شي زياده عن باقي البشر بس اليوم احس اكو لمعه بيهن مااعرف ليش
امي الله يرحمهه تكول التحب عيونهه تلمع ههههه لالا ويني وين الحب صح خطيبي بس اني مااعرفه احسه غامض ماأعرف ليش جاي امنع كلبي يحبه رغم اني من اول جيه اجانه بيهه حسيت بمشاعر اتجاهه عطره وشكله جذبوني بس موبكد ابتسامته ونضرته الاأحسهه تحجي لمن يباوع للبشر لو كلامه القليل شكد ماينرفزني من يذب الحجايه بالكوه بس احب طريقته احسه ثكيل ورزن موثرثار
بين السوالف ويه روحي والوكفه ع المرايه انتبهت النفسي مخلصه شعري وواكفه بس اتنوع لوجهي فتحت كنتوري وطلعت كطنه ورحت بللته بالزيت كلت امسح المكياج لان ماينمسح بسهوله مسحت مكياجي وطلعت قراصتي من المجر اريد الف شعري لان صاير سبرنكات هههه ومنا هوه طوال احس نفسي متغطايه بي وضاله بس شعر اليشوفني ينخرع لوبس اعرف ليش ابويه يكول احلامابيج شعرج
معقوله يحجي صدك لو يتشاقه هههه طلعت قراصتي وجاي الم شعري بيهه لفت نضري المنديل مال قيصر النساء عدنه قبل فتره اوووف هسه شيكول عليه باكته يبووو عليج ناي وعلى نسيانج اخذته حته اخلي كدام العين حته من يجي انطيهيا جذبني عطره رغم صارله فتره بالمجر بس ريحته مثل ماهيه عطره يجنن جذاب مااعرف ليش شميته بعمق احس ريحته تتخلل روحي كلشي بيه اشتم عطره ياربي جني حبيته
يارب ساعدني واوكف وياي وخليني اعرف اذا جان يحبني صدك لولا لأن صدك اول مره احس هيج احساس
قيصر
وصلنه للبيت وجاي افتح بالباب اتصل عليه صديقي دكتور حسين بس الوقت متأخر معقوله يتصل بهيج وقت هسه لودوامي عادي تصير بكل وقت يتصلون بس اني مجاز صح هوه اعز صديق اليه بس منتخابر بهيج وقت الفجر
الوو
حسين
الو السلام عليكم
قيصر
وعليكم السلام دكتورنا العزيز
حسين
ههههه ولك شهلرسميات شحال لو مااني رفيق الدرب
وين هليام اشو لابالدوام ولاع الفيس منقطع اخابر عليك لو مغلق لومطنشني هسه جاي ادزلك رساله
كلت اخابرك افضل بلكي الكاك سهران
حسين
شنوالسالفه شبيك شصاير احجيلي
قيصر
بعدين افهمك هوه اني عندي غيرك افضفضله اشو انته المعالج النفسي مالتي هههههه
حسين
اني شوداني وتخصصت باطنيه لوصاير دكتور نفسي مو اصرفلي من هلتعب والسهر والخفارات هم بطريقي اعالج صديقي ابو نفسيه تعبانه هههههه
حسين
اي حبيبي احجيلي شنو الغاث اخويه ومكدر خاطره موعوايدك تترك صاحبك اسبوع حته رساله مادزيتلي اكيد اكوو شي صاير
قيصر
يلا ا باجر اخابرك ونلتقي واسولفلك كل البكلبي بس خل افوت للبيت الكل فات واني گاعد ع الرصيف اخابر هسه اليشوفني شيكول عليه
حسين
يلاا حبيبي تصبح ع خير
قيصر
اجمعين اخويه الغالي
فتت للبيت لكيت امي تفرش لزوجات عمامي وبناتهم عمو عصام كعد سلم ع الكل ورجع لغرفته لان الوقت متأخر والكل تعبان رحت الغرفتي ونزعت ملابسي كلش تعبان فتت للحمام سبحت وطلعت جاي امشط بشعري انتبهت ع الحلقه بايدي اباوع الهه واني حزين مااحس بأي فرح بالعكس احس جبل ولابسه بايدي باجر من اداوم شلون اخلي عيني بعين سمر شحجي وشكلله لالا مااروح للدوام احسن شي انقل
اي وشكد راح اضل مهزوم موهم يجي يوم نلتقي
احسن شي اداوم واليصير يصير وشتحجي وشتكول حقهه
نزعت الحلقه وخليتهه ع الميز لأن مامرتاح وهيه باأيدي متديت وكبل اجه ابالي ناي جمالهه وهدوئهه وترتيبهه ياربي هلبنيه كلشي بيهه حلو بس كلبي مامتقبلهه لازوجه ولاحبيه ابد
كلشي عاجبني بيهه بس كلبي كلشي ميعجبه غير سمر ااااوووف هاي شلون مشكله شيحلهه اسولف ويه نفسي وغلبني النعاس فزيت ع المنبه بالتسعه كمت ع السريع بس بعدني نعسان بس الدوام يحكم اليوم لازم اباشر رحت غسلت ورتبت شعري ع السريع لبست واخذت صدريتي وجنطتي. وسويج سيارتي ذني اهم شيء
ع السريع طلعت لكيت امي والاهل صابين الري
صباح الخير
الكل
صباح الخير
ام قيصر
تعال تريك حبيبي عليش هلستعجال ياماما
قيصر
متاخر ماما لازم اروح من وكت
قيصر
وصلت للمستشفئ كبل ع غرفة المدير دكتور سمير اكثر دكتور احبه وامشي بنصايحه لأن احسه يفهمني ويفهم عقليتي
دكتور سمير
صباح الورد اليوم منورنه وين هلغيبه
قيصر
والله مااعرف شكلك دكتور بس تكدر تكول تغير جوو
د سمير
ونشالله غيرت جو وتبدلت نفسيتك
قيصر
الحمدلله
،،،،،،،،،،،،،صمن
خطبت
د سمير
اي بيهه الخير انته وسمر زين ليش معزمتونه
قيصر
لا، ،،،مو سمر خطبت بنت خالي من الريف
د سمير
والله مااعرف شكلك اذا زواجك انته وسمر غير مرحب بي من الاهل والاقارب ف الافضل متزوجون لان راح اتعبون من المشاكل واحتمال حته تنبذون أسريآ وانته سبق وكلت الوالده مريضه اقبل ببنت خالك افضل
اتقبلهه شوف جوانبهه الايجابيه وخليهه تكمل دراستهه حته تصيرون نفس الطبقه الاجتماعيه ياابني تره موكلشي الحب راح احجيلك شغله يجوز مسامعهه عني
اني تزوجت من دكترة سها كريم انته تعرفهه تداوم بمستشفئ(، ،،،،،،) اتزوجتهه ببداية حياتنه جنه شباب مااكلك احد رفض ولاعارضو الاهل بالعكس جانو متبنين الفكره وحابينهه بس احنه مكملنه بسبب خلافات متنذكر بس راح اكلك موقف منهن
سهاا جانت مستصغره عائلتي ودائمآ تشوفهم اقل منهه ومن شهادتهه العلميه هواي حاولت اخليهه تتقبل مجتمعي بس مفاد عاد لمن حصل خلاف اختارت تنفصل ومالزمهه لاحب ولاعشره ولازماله وصداقه اختارت نفسهه وراحت تزوجت شخص من مستواها العائلي واني تزوجت بنت عمي. كانت مدرسه وعمرهه زغير جانت هستوهه متخرجه ومتعينه مدرسه كنت بالبداية ممتقبلهه بس بعدين اكتشفت عدهه مميزات غطت ع كلشي وحبيتهه وحبتني جبنه 2اطفال ربتهم احسن تربيه وبيتي جان يشع بالحب والاولفه ومحتضنه الجميع اهلي وخواتي وخواني وتحب وتقدر الكل ياابني لاتروح وره المشاعر تره مرات الاهل يشوفون شي انته مشايفه ولاتعرفه "
...
قيصر
مااعرف شكول دكتور كلامك ع عيني وراسي وكلش اثر بيه صح كل الكلته بس اني مجاي اتقبل احد غير سمر مجاي اشوف غيرهه
د سمير
حاول ابني حاول لاتضل تجذف بمكانك لاتغرك ومحد يكدر يطلعك من الانتا بي
قيصر
دكتور أني جاي اقدم ع البعثه
د سمير
اي ليش لا قدم ونشالله يطلع اسمك هوه المطلوب 10اطباء وانشالله انته منهم
بس دكتور انشالله هاي البعثه ماتستخدمهه للهرب من واقعك
قيصر
مااعرف مااكذب عليك هوه يجوز هيج بس بنفس الوقت انته تعرف من زمان اني ناوي ع هلبعثه حته الزم شهادة التخصص وارتاح شوي ومنهه اغير جوو
د سمير
ماشي الله يقدم البي الخير يلاا دكتور كافي سوالف روح شوف شغلك
قيصر
ماشي دكتور اني اترخص
رحت لغرفتي واني ادعي بداخلي مااشوف سمر بعدني بالممر وجان المحهه من بعيد تمالكت نفسي وجمعت قوتي ومشيت بطريقي وصلت يمي واني مالي عين احط عيني بعينهه
سمر
هلووو دكتور مبروك يكولون خاطب ميصير هيج دكتور غير تحجي تكول تعزمنه حته نقوم بالواجب
قيصر
سمعي سمر اني ماناقص لازيدينهه عليه بطريقتج هاي
سمر
ماناقص
لاوالله اشو ناقص وحقير ونذل انته اصلآ ذرت مستحه ماعندك ولك عشمتني سنين وغشيتني وتالي ماتالي تعوفني علمود وحده معيديه معفنه متسوه فلس بسوك النسوان بدلتهه بسمر دكتوره سمر الماتتقارن بوحده انته قارنتهه بقرويه قذره
قيصر
عيب هاذ الكلام مهما يكون البنيه زوجتي كلامج هاذ ممسموح ومااتقبله منج المشكله بينه ليش زاجتهه بالوسط
راح قيصر
وعاف سمر وحدهه تاكل بنفسهه
وسن
شبيج انتي تخبلتي تردين تهزمينه
ولج والله لوماالعمل المشتغلينه اله فلا يستحمل السانج بس انتي لاحسبالج يضل معمي. تره يجي يوم يصحئ ع زمانه انتي هم شوي خففي من حديتج تره والله يشرد وتنذبين بالشارع لاحسبالج هسه متحملج هطع عماا والله من يصحئ الا تنشمرين بالشارع
سمر
ولج حرك كلبي جايبله وحده معيديه يريد يخلي راسهه براسي واضل ساكته واتفرج
وسن
اي ضلي ساكته وتمسكني وابجي وبيعي علي من هلسوالف التعبانه وجرجري
ولج بهاذ سلوبج تشردينه
سمر
شجرجر يعني ترديني اقبل بالمعفنه تصير مرته
واني اصير رقم 2بحياته ولج اطك واموت والله
وسن
وشبيهه اي خل تصير مرته وانتي بشطارتج اخذي منهه وخلي يذبهه بالشارع وهيه كلهه فتره واهله تصعد ارواحهم لذات أللاهيه وتخلصين منهم وانتي بشطارتج بعد اخذي منه الاول والتالي وبعد بكيفج تخلينه اتشمرينه
سمر
شكد ماجان الوضع صعب هسه اصعب شلون اجيبه مااعرف بس هيه شغله وحده عرفت من فتره كالي راح يقدم ع البعثه الطبيه اني راح اقدم حته هناك اعرف اشتغله ع الهداوه هنا صعب شوي
وسن
اي هاذي سمر الاعرفهه ولج انتي صدك دكتوره بس لاتنسين اصلج انتي سموره المشيه نص ولد منطقتج ع مرامج هاذا يصعب عليج
سمر
لاوعيونج ماناسيه واني اعلمه واعلم امه الحقيره الا ابجيهم دم اني يحتقروني اني اشرفهم واشرف عشيرتهم
قيصر
رحت من يم سمر لان خفت اضل يمهه وتزيد بالغلط وتعلا اصواتنه وعيب بس انتبهت النفسي ليش هيج دافعت الناي زين شنو الخلاني ادافعلهه مااعرف شنو احساسي بس هم اني رجال وهيه عرضي ومااقبل عليهه كعدت واني جسمي كلا تعبان شوي وكمت اخذت اغراضي ولبست صدريتي كعدت بالاستشاريه لل12الضهر يلا خلصت اني احب اخلص الكل يلا اطلع اتعجب ع الدكاتره اليضربون الدوام ويخلون الناس هيه العالم شنوذنبهم همه تعبانين وامكانيتهم متسمح يروحون للعيادات عاد بالمستفئ ندير بالنه عليهم انشالله بس اختص وافتح عياده اخذ اجور رمزيه ومااخلي مريض بحاجة بس انشالله. الله يكدرني ومااقصر
خلصت وطلعت رحت بوجهي كبل للطابق الرابع صعدت لكيت حسين نايم مخلص خفر ومرايح للبيت خطيه اهله بعيد عن المستشفئ ومودائمآ يروح انشالله يكدر ياجرله شقه ويستقر بدل هلوضعيه الهوه بيهه
دخلت كعدته
حسين حسين
اكعد اكو مريض من مرضاك مات وانته نايم
حسين
شنوووو منوو مات
حسين
صدك جذب قيصر تريد تموتني موتدري من انام افصل
قيصر
اي م علساس انته راوتر ههههه
حسين
وجماله تضحك صدك سفيه
يلا ع هاي الكمزه غداي ع حسابك
حسين
يابه تضل بخيل مكمزني ومخوفني ولفات فلافل كول كباب دجاج باجه
قيصر
لابشرفك باجه لاا تلعب نفسي منهه اني اعزمك باحسن مطعم واطلب اليعجبك بس لاتجيب طاري الباجه
حسين
دمشي امشي يعمي الكيوت مايحب الباجه هوه
رحنه للمطعم طلبنه الاكل وكعدنه نسولف كلش مشتاقله حسين موبس زميل مهنه حسين اخويه من اول يوم فتنه للكليه واحنه سوه مااعرف احسه اخويه الماجابته امي سولفنه وتشاققينه اني ويا لمن نلتقي ننزع الرسميات ونضل اني قيصر وهوه حسين ننسه شغلنه وننسه احنخ دكاتره نرجع ليام الدوام
اووو جانت احلاايام
شكرا لزيارتكم عالم روايات سكيرهوم
