رواية نعم أحببتك الفصل التاسع 9 بقلم انين الليل

رجعت انا واياد بالسياره وانا احس انو اياد فرحان مو عوايده ليشى من اجه يشوفني كان مرتبك وخايف بس من رجعنه للبيت هادئ وجهه بشوش شلقصه يجوز لان الطبيب كله

،،،،،،،ايجوز المدام حامل لو من كله،،،، انت على كيفك وياها

صدك يضحك عبالك زعطوط هو دخن جكاره بس مع اول سحبه باوعلي وطفاها كلي 

///العفو بثينه نسيت 

صدك يضحك عبالك طالب بصف الاول ابتدائي وجاي يعتذر من المعلمه حاجيته 

ما صار شي بس الجكاير مو زين على صحتك ليذ هلكد تدخن 

هو جاوبني /:بثينه ما تعرفين شكد اعاني بالشغل مشاكل وصغوطات 

--مي خالف اياد كل عمل ما يخلو من الصعوبات والمشاكل وانت لازم تدير بالك على نفسك والجكاير مضره بصحتك ياريت تتركها 

اياد ::صار ما طول اناي اشوفينها مضره اليه راح تحاول اقللها وبعدين افطعها

تمينا ساكتين الى ان وصلنه للبيت لاكتني امي

ها سلامات

هو بادر بالكلام

اياد::عمه بثينه طلع عدها فقر دم وهبوط بالضغط بسبب الرجيم

(هو ما يدري ضغطي هبط من خابرني )

ماما//اي عمه البنات هالوكت طايرات بسالفة الدايت والرجيم والجم 

وبس أحد يكللهن كالن نخاف ،،،نسمن هي جنها عصفور بي جفاف 

وتكول اخاف أسمن،

اياد ضحك وامي باوعتلي و كلتلي //

اصعدي بدلي وانزلي اتغدي وانت يمه ابقى لان عمك على جيه

وكلي بس يجي اياد خلي يبقى يتغده ويانه يريد يشوفك

وافق بدون تردد،

،،،صعدت فوك غسلت ولبست تراك طويل ولفيت شعري وخليت شال

ورحت طلعت النقال لكيت سعد دزالي رساله

سعد//هاابثينه طمنيني خو ما صار شي

--لا اطمن كل شي ما صار الحمد لله بعدين نتواصل

طفيت الشبكه من نقالي ونزلت لكيت بابا وزين جايين سلمت ورة شويه نزلت منى وبهاء حضرت الغدا ويه امي وكعدنا كلنه نأكل وخلصوا لميت المواعين وخذيتلهم جاي وكعد بابا واياد يشربون وزين صعد الغرفته يرتاح رن تلفون اياد جاوب 

الو أهلا سيدي ،،،،هسه جاي )،،،،،نهى المكالمه وكال::

لازم اروح طالبيني بالمديرية، ،

،ابوي وامي كلوله (الله وياك )من راد يفتح باب الصاله باوعلي

،اياد::بثينه الله عليج اكلي فواكه وشربي عصير طبيعي ديري بالج

 على صحتج

انا ابتسمت وهزيت راسي ما أدري ليش حسيت بالراحة من كلامه ،

من طلع اجت منى وكالت 

منى //خو بثينه ما تعتذرين لان مريضه اليوم تاخذينه للمول والحديقة

 مثل ما كال بابا

ابوي قبل يومين شاف منى تعبانه من الدراسه 

وزين كال //متعبه نفسها تريد تصيرطبيبه 

هي حست بي انو يستهزأ بيها عاد اويلي الله لايطيح أحد بلسانها كامت تحجي عبالك نشرة أخبار 

بابا راد يهديها لأن أعصابها منهارة البكالوريا تخبل الواحد فابوي كلي

بابا//الخميس أخذي مناوي وبهاء للمول وروحوا للزوراء واتعشوا

على اساس اخويه زين يأخذنا بالسيارة 

زيوني طلع عنده شغل هاليوم لان التاجر كللهم البضاعه توصل الخميس العصر

بابا كال//بثينه اخذي بهاء وديرو بالكم ولا تتاخرون بالرجعه

صعدت اتمددت عه الجربايه فتحت الشبكه لكيت دازلي مقطع فيديو فتحته شفت واحد واكف يباوع للبحر ورة شويه إجت ابنيه وخلت ايدها على كتفه دار باوعلها وحضنها ويا المقطع موسيقى حزينه انا اندمجت باوعت للمقطع أكثر من مرة اجتني رساله من سعد يكلي

،،،،،،،،،سعد//كل ما اشوف مقطع حلو اتخيلج انتي البطله ،،،،

انا--هههههههه 

سعد سئلني //شنو الأخبار

--لا جديد بس اريد أخذ منى أختي للمول وبعدين أخذها شويه أفرها بالزوراء او اعشيها ونرجع لان هي أعصابها منهارة بسبب البكلوريا

رد علي سعد// انا هم أعصابي منهارة اريد اشوفج منو يروح وياج 

جاوبته --انا ومنى وبهاء لان لخويه الجبير عنده شغل 

سعد//لعد اجي اوصلكم

--لا عفيه ما بيه حيل هبطه ثانيه يكفي الي صار الصبح

سعد//اوكي بثينه بس خلي ابالح راح ابقى اطلبج لا تعتبرين طلعتنه 

اليوم بالحساب

--تماام عه الجايات ههههه ان شالله

رحت سبحت وجففت شعري ولبست بنطلون جينز ضيق وقميص قصير بس القميص لازك بي يلك شويه طويل وجنطه سوده ولبست ترانشوز رياضي وطلعت كذله وخليت الشال 

ومنى لبست جينز وبدي وشال على رأسها لافته عدل وترانشوز ونزلنا

وامي انطتني فلوس بابا مخليهن وطلعنه أجر بهاء تاكسي وصعد يم السائق أول مرة رحنه للمول اشترت منى دبدوب وساعه واشترت معطرات وشغلات بنات ازغار ابد ولا جنها شابه بالسادس إعدادي وبعد شكم شهر تدخل كليه 

انا اشتريت كيلوت وقميص 

وبهاءاشترى بدي لونه رصاصي 

اخذنه تكسي ورحنه للزوراء قبل المغرب رحنه نتمشى واكلنه بوشار وشربنا عصير 

منى كامت تركض بالحديقه وتطفر عبالك جاهل راحو للالعاب ولعبو قريب الساعه 7 ونص 

كتلهم --ياالله خلي نروح نتعشى ونرجع للبيت 

بهاء ومنى كالو خلينه شويه 

--لا خلي نتعشى ونروح لان ما عدنا سيارة وبابا كال لاتتاخرون 

منى؛عفيه بثينه خلينه شويه 

-حبيبتي خلي نروح نتعشى ونرجع واسبوع الجاي وعد هم نجي 

منى ؛بس كولي ان شالله ما عندي امتحان 

--ان شالله 

قنعتهم وطلعنه

اكو مطعم يم الحديقه دخلنا وكعدنا و اتفقنا ان نأخذ بيتزا خضروات

لكن بهاء كال اريد كرسبي منى وافقت على طلب بهاء كالت انا هم 

طلبت الهم كرسبي انا أخذت قطعة بيتزا بالخضروات وببسي

شويه اجتني الرساله من سعد

سعد بدون ما يسلم //ها تونستوا

جاوبته --اي غيرنا جو وتمشينا هوااي تونسنا

سعد// عمي ناس تأكل بيتزا وتشرب ببسي بارد وناس من القهر

مشتعل جد جدها ،

انا من قريت تعجبت شمدريه سعد جاي نأكل باوعت وراي،شفت سعد يباوعلي ويضحك

انا تفاجئت شفته جاي ناحيتنا وكف كبالي سووه روحه متفاجئ مثلي لان شافني بالمطعم

سعد//هلا انسه بثينه شنو هالفرصه السعيده

انا تنلبكت --اهلا أستاذ سعد

،،،وكفت عرفته على بهاء وعلى منى وكلتلهم// هذا زميلي بالكليه الاستاذ سعد

مد ايده وسلم على بهاءوكلناله --اتفضل

هو كال /:لا سكرا ما اريد ازاحمكم 

بهاء /:لا استاذ شنو تزاحمنا تفضل 

كعد بصفي وانا احس بأنفاسه وعيونه تريد تاكلني

سالته --شعجب جاي لهنا 

جاوبني /:متواعد ويه استاذ فاروق تعرفي مو بس هو خابرني صار عنده ظرف من ردت اطلع شفتكم واجيت اسلم عليكم 

بهاء على اساس هو الرجال كله 

اهلا بيك استاذ شنو تحب تأكل 

سعد/لا شكرا انا ما اتعشه

بهاء /لا ما يصير لازم تتعشه 

سعد /يالله الخاطرك يابعلء الورد أخذ بيتزا ،

،،،طلب بهاء البيتزا وهنا منى تدخلت بخباثه 

منى ؛نت زميل بثينه ما معقوله 

سعد // اي ليش 

منى ؛لأن حضرتك كبير بالعمر 

انا -اسكتي ام السان 

سعد /لا خليها تسال صحيح يا استاذه منى انا تخرجت من أربع سنوات وهسه قدمت الماجستير 

منى بنفس نبرة الخباثه ؛حتى لو متخرج من أربع سنوات معناتها جنت تخلص السنه بسنتين 

سعد جر حسره /:صحيح كلامج احيانا الظروف تحتم ع الواحد يترك الشي الي يحبه او الي يصنع مستقبله وهذا الشي صار وياي 

منى؛شلون يعني 

سعد /:يعني انا بالمتوسطه تركت تلث سنوات لان امي اتمرضت 

وبعدين رجعت مسائي وعدت السادس سنتين 

منى ؛لا تكلؤ ابوك تمرض 

سعد /:ههههههه لا بس جنت اشتغل 

خزرت منى الي سكتت شاورني بهاء كال اريد احاسب 

انطيته فلوس بسكته وكام راح سعد ويا بهاء

رجع بهاء متنرفز 

--خير هاي شبيك بهاء ليش ضايج 

،،،،،،،،،،بهاء /بثينه يصير أستاذ سعد ضيفنا وهو يدفع 

سعد /بس ما يصير يابهاء يا عزيزي انا الجبير ولازم انا ادفع 

بهاء /:بس انت يفنا شنو احنه مو كدها 

سعد وهو مبتسم /:لا والله كدها ونص بس هم ما تقبل اني رايح وياك واخليك تدفع 

منى ؛شنو رايكم تتكامشون انت تكول اني ادفع وانت تكول اني ادفع

ضحكنا وقررنا نروح كتله 

فرصه سعيده استاذ وشكرا ع العشا ولو زعلتنا بهاء 

كال /:اني فصال وبهاء يدلل 

ابتسمت وكتله --شكرا كلك ذووق ياالله مع السلامه 

سعد /:وين سيارتكم 

--هسه منا ناجر 

سعد /:هاي شنو مو عيب تاجرون واني موجود ياالله خلي اوصلكم 

انا ما قبلت-لا هياته البيت قريب ناخذ تكسي ونرجع

 كال /:خليني أفرر الشباب شويه بالسيارة

همه وافقو انا شاورتهم كتلهم أوافق بس مو تكولون البابا وماما

وصلنه زميلها ويصير سين وجيم 

وافقو صعد بهاء بصفه وانا ومنى ورة خله المرايه عليه شغل اغنيه 

وكامو يصفكون وكف يم واحد يبيع عصير وموطه كال أجيبلكم موطه وافقنا منى شكالت//

انا وبهاء جيبلنه كلاص بس بثينه جيب الها ام الكيلو لان النهار كله تأكل بس مثلجات😊😊😊😊

جاوبتها --اسكتي ام السان ،،،،وأنا اضحك، ،،

صدك هلكد تحبين المثلجات 

انا هزيت راسي

راح هو وبهاء وجاب موطه ام الكاسه وانطاني علاكه فتحتها لكيته 

 جايبلي علبه جبيره كعدنا نأكل

،،،،،،،،من خلص بهاء كلي// بثينه انطيني 

،،،،،،انا /ما ما ما هاي بس الي هيهيهي 

،،!،،،،،،،،سعد كال /عفيه حبابه انطينه احنه خلصنه 

نطيت العلبه بيها ملاعق البهاء شعد كال وانا اسوق لو التهي اكل 

اخذت العلبه من بهاء وصرت أوكل سعد بالملعقه مالتي وهو يأكل

بشغف ويباوعلي

شويه كللهم// انزلو خل نشتري حب 

واشرلي بعينه يعني ابقي انا بقيت بالسيارة وراحو يم المحل وكامو يشترون واجه جايبلي شيبس

سعد//وتاليها ما اشوفج ابحدي إلا أحد ويانه لو تلفون يرجعج لو تطلعين

 ويه اخوانج يمته اسولف وياج

انا عيني على المحل الي راحو يشترون منه 

انا جاوبته --شتريد سعد تحجي أسمعك

سعد//هاي بس انا عبالك بايك

،،،،،،،اناكانما اتذكرت --صدوك سعد انت اشلون اندليتنه بالمطعم واجيت

سعد//وج اني بس كلتي عدكم طلعه رابطت يم البيت او ووراكم

هيج على ما دخلتو للمطعم 

--وليش كل هذا 

،!،،،!،،،،،،سعد//يعني ما تدرين ،،،هزيت راسي بدلع 

،،،،،،،،،،،كلي// لان هذا المصيوب اليمج يحبج ويموت عليج افتهمتي ،،

انا عبالك كنت صافنه او احد ضربني راشدي

هو راح يمشي يم الشباب حمل الهم نص المحل وهم هو الي دفع 

ورجعنه 

،!،انا بقيت صافنه بكلامه المفاجئ بالطريق امي خابرت 

انتو وين 

--ماما بالتاكسي شويه ونوصل ،،،،

،وصلنه وانا احس خدودي لونهم وردي من الخجل حتى ما كتله مع السلامه دخلنه للبيت ولكيت بس امي مرتبكه رحت عليها 

--خير ماما ليش مو على بعضج وين بابا 

ماما/ابوج ويه زين راحو للمستشفى لان اياد ابن عمج متصوب 

وحالته خطرة ،

،،انا نشغت بصوت عالي 

ماما /انوب اتصل بابوج يفصله بوجهي بس الله يستر ،

،،،رحت انا خابرت ساهره--ها ساهره شنو هذا الخبر ،،

،،ساهرة وهي تبجي //اي بثينه اياد مصوبينه راح طالع على عصابه ومترامي وياهم وبعد ما أدري محد يطمني 

-- على كيفج حبيبتي ان شالله ما بي شي هسه اتصل بزين بعمي عباس وافتهم منه ،،سديت واتصلت بزين ما جاوب اتصلت بعمي عباس جاوب

الو 

هلا عمو شصاير شكو طمني

هاابابا خطيه اياد مصوب وحالته ما تطمن 

--يا ستار وين اصوابه

رصاصه بالجتف طلعوها والثانيه بالبطن هاي الخطرة لان جاي ينزف

وهسه الدنيا مكلوبه 

-ا لله يستر ويلطف بي خطيه عمو ساهره بس تبجي وامي كلش

متوتره وخايفه 

ادعوله بابا 

خابرت ساهره كتلها عمو يكول ان شالله ما بي شي ادعيله 

 ورحت سولفت الامي الي لزمت سجادة الصلاة وهي تصلي وتدعي 

اتصل بيه زين 

الو ها زيوني طمنا 

زين // يم الله 

منو يمكم 

زين //الدنيا مكلوبه اكلج بثينه جاي أخذ امي لان امه ابحدها خطيه وكلش منهاره تكسر الخاطر ياالله شويه وجاي 

،،،انا كلت الأمي كانت تصلي وتدعي راحت بدلت ولبست عبايتها واجه زين واخذها انا ما لحكت اغير ملابسي وما حبيت اعوف البيت بس من طلعت ماما عه السريع صعدت بس غيرت ملابسي ونزلت وصلتني رساله

من سعد //حبيبي شلون 

انا جاوبته --هلو سعد

سعد /خو ما حجه عليج عمي 

--لاسعد صار حادث لابن عمي الضابط وهسه كلهم راحو بس انا بالبيت 

سعد//منى وبهاء وين هم راحو 

--لا بس وصلوا صعدو نامو تعبانين، 

،،ورة شويه دزالي رساله 

(بثينه انا شويه واوصل يم بيتكم افتحيلي الباب) 

رحت ركض اباوع للكاميرا شفت واحد جاي يمشي باتجاه بيتنا احتاريت شسوي 

كبل طفيت الكاميرات 

دك الجرس واتصل رحت اركض وانا ارجف فتحت الباب

انا جاي ارجف من الخوف --سعد شتسوي جاي مو عيب هذا الشي

 يطلع منك

سعد بكل برود//ما صار شي حبيت اسمع ردج

انا بنفس الرجفه --يارد هذا

سعد اتنرفز //ها يعني ما تعرفين يارد معناها انا ما اهمج بشئ 

انا بخوف -- سعد مو هيج بس بلكي أحد اجه هسه

سعد وهو يضحك //ضميني بغرفتج 

انا احجي وارجف --عفيه سعد روح 

سعد//ما اروح إلا اسمع الرد بثينه احبج واريد اتزوجج شنو رايج اريد 

اسمع هذا الشي باذني

--سعد فدوة الله يخليك روح 

سعد//مااتحرك إلا أسمعها لو ادري اموت

انا بس اريده يروح خفت خاف احد يجي --خلص أحبك 

سعد بعصبيه //مو كفيان شر اريد اسمعها بكلبج كبل السانج

--احبك وأموت عليك من أول يوم شفتك 

سعد وهو فرحان // راح اروح يا بعد روحي انا هم اموت عليج 

باجر اشوفج 

--ما ادري الولد بين الحياة والموت ما ادري شنو يصير 

سعد //ما يصير شي باجر بالكليه 

--ان شاء الله بس رووح 

سعد //كليلي احبك واروح والله 

جريت نفس --احبك احبك هواي بس ياالله رووح لا تسويلي فضيحه

الفصل العاشر من هنا 

شكرا لزيارتكم عالم روايات سكيرهوم