رواية الشيخ سلطان الفصل التاسع بقلم زينب نور
سلطان
طبيت كعدت ع الجربايه بصفها
شنوو شمس ضجتي مني والله موقصدي اشاقه وياج اني اصلاً احب سوالفج وحركاتج احسج طفله
شمس/لا مزعلت واسفه على ردت فعلي بالعكس شكرا الك لان دا تعلمني الشي الوحيد الي مخليت بابا يعلمنياه اكثر من مره كلي اعلمج تصلين جنت ارفض حياتي طايشه جانت
سلطان/يعن مزعلانه زين شبيج احسج مخنوكه خاف جعتي او عطشتي
شمس/لا بس ودمعت اًْعًۤـيًٗــ👀ــؤَّنُِـيِ
سلطان/شبيج بس شنو
شمس/شوكت تخلص شغلتي استحي افتح الموضع وي عمو واني اريــٍـد اكمل حته ارجع لبلدي اشتاقيت البيتنه والحياتي هناك والصديقاتي
بكلبي اشتاقيت الانس وهو يوميه يكولي خلصي وارجعي
سلطان/حسيت غصه بكلبي صارت من جابت طاري الرجعه ولو هي اول وتالي راح ترجع مصارلها شهر يمنه وملت صدك مثل ماكال غسان متقاوم يمنه
باوعت عليها
لَيــِْش شمس ضجتي من عدنه احد سمعج احجايه لو غثج بشي
شمس/مسحت وجهي
لابالعكس كولكم حبابين والله واحس ريحة بابا بيكم بس اني اول وتالي راجعه لبادي وتوقعت جيتي مثل كل مره 20 يوم وارجع بس ماعرف عمو شوكت يخلص سالفه الاملاك حته ارجع
سلطان/ لها درجه حابه بسرعه تردين وتعوفينه واحنه تعودنه عليج حته جهالي كلش حبوج ومن يكعدون يمي بس يسولفون بيج
بكلبي وانه تعودت عليج اكثر من جهالي
شمس/واني كولش احبهم والله واذا رجعت اْكّــًّيّدْ اجيكم بكل عطله آٍجُـٍـٍيِ ابقه شهر يمكم
سلطان/بريه خلي يخلص رمضان والعيد واحجي وي ابوي انـ شـاء الـلّه خير
شمس/اشكرك
سلطان/يله اخذي راحتج
طلعت رحت الغرفتي كلت انام شويه بين مايصير لفطور وكاعد من وقت لان دوام عندي
بقيت افكر بيها واتخايلها من تروح احس تعلمت عليها مااريد ليش بقيت افكر حته ماكدرت آنہامہ
شمس/طلع غسان خابرت انس حجينه شويه وكل مااخابره يلح عليه يله اخذي ورثج وتعالي حته نتزوج خبلني
غسلت وجهي وخليت الحجاب ع شهري ونزلت لكيت المطبخ مخبوص وزينب وايه يسون اكل هواي اكل دجاج شوي وسمج وتشريب وبرياني
كولتلهن اساعدكم
ايه/وانتي شنو الي تعرفينه حته تسوي
شمس/اعرف حلويات وسلطات. ومعجنات هيج شغلات يعني
زينب/حبيبه اكعدي كلشي منريد منج لااتعبين
ايه/جابت غراض الزلاطه وخلتهن كدامي يله سوي زلاطه
كولتلها مْـإأڜْـي بقيت اسوي زلاطه والمطبخ كولش حار ولنوب لابسه حجاب احتريت حيل وجهي صار احمر
سلطان /ماكدرت انام نزلت جوه طبيت للمطبخ شِفـٍـــٰٰتْ لبنات يحضرن بالفطور وشمس كاعده تسوي زلاطه وجهه احمر كل شويه ومسحته مبينه محتره
شمس/اكوللكم ميصير اشرب مي شويه كولش عطشت
زينب/لاخيه ميصير تحملي مابقه شي
سلطان/هالمره ابتسمن بداخلي حته متضوج كلت بكلبي شـنــ😳ـي تريدين تاخذين اجازه زمنيه من الله تشربين مي وترجعين تكملين صيامج
صار وقت الفطور فرشو سفره بالصاله بقت زينب تصب الاكل وايه تاخذ بالصينيه وتودي للصاله اني هم اشيل بيدي واودي وياها صار اذان واحنه نتقل بلاكل كلهم بدو يصلون
بس لبنات
بالمطيخ
شفتهم عمو وعمه وسلطان. وغسان. بدو يصلون. مملو واجوي كعدو بدينه نفطر اني راساً شربت مي حيل عطشانه
الحجيه/يمه فتحي ريكج بتمره ولبن ميصير كبل مي معدتج تضل تاذيج
شمس/عمه كولش عطشانه
الشيخ/هاي اول مره تصومين وكدرتي تقاومين عفيه بويه هسه يوم على يوم تتعودين
اكلت شويه بس شربت مي وعصاير حسيت نفسي شبعت
سلطان/اباوع عليها من تاكل شكد نازكه بقيت اراقب حركاتها لا ارادين عيني عليها لحد ماكملت اكل وكامت تغسل
احنه كملنه وشربنه جاي
شمس/البنات غسلن المواعين وكالن وصعد نصلي بقيت اني رحت للصاله شفتهم يتفرجون تلفزيون عمو وسلطان وغسان وعمه طلعت بالهول تقرا قران
هسه مو المفروض اصلي مثل لبنات رحت كعدت قريب ع سلطان همست يله نصلي
سلطان/باوعت عليها وعلى برائتها تهمس بصوت ناصي يله نصلي كولتلها يله كمت طلعت
ابويه بالصاله وصوت تلفزيون.
كلتلها تعااي هنا نصلي بالهول
توضت واجتي صلينه كملنه
كعدنه بالصاله ولنوب نزلن لبنات
جابن صينيه بيها حلويات جلي وكاستر وشغلات وزعت زينب ونطتنه خواشيك بقينه ناكل ونتفرج مسلسلات عراقيه حلوه
خلص اليوم هيج وهم بليل كعدنه نتسحر وهم صليت وي سلطان لمده يومين وحفضتها للصلاه بقيت اصلي وحدي عمه نطتني مصلايه وجادر صلاه جديد كالت هذني خليهن بغرفتج اذا تحبين تصلين بغرفتج تاخذين راحتج
الجو حار واني كوه مقاومه الصيام والحر ممتعوده على هيج حر ابد
ورا كم يوم كالو نسوي فطور باجه
عمه هي الي طبختها وقت الفطور شِفـٍـْْــٰٰتْ الباجه شنو راس ورجلين خروف وبس هي بالسفره ووياها خبز وشوربه وزلاطه وعصاير
باوعت عليهم كولهم ياكلونها وبصل وياها اني اكلت شويه شوربه ومتحملت اشوف الاسنان والعيون تخايلت راس بشر مو حيوان نفسي لعبت
شافوني مااكل بس شوربه
الحجيه/يمه مدي ايدج اكلي لومتحبين الباجه
شمس/عمه مااريد اكلها اصلاً اول مره اشوف هالاكله هاي واسمع غسان يكوللهم وين اللسان اريده
وزينب تكوللهم هاي العيون منو يريدها
متحملت رساً كمت اركض للحمام رغم معدتي فارغه بــَس مي وشويه شوربه وتقيئت صاحو شبيج اجتي زينب ورايه كولتلها ارجعي كملي اگـلج مابيه شي
سلطان/نفطر واباوع على شمس موع بعضها تباوع علينه من ناكل وابد مامدت ايدها ع الباجه. لنوب امي تكلها اكلي متحبينها شنو وهي تكلها اول مره اشوفها
حسيت بيها لعبت نفسها
شو راساً كامت تركض للحمام
كلت لزينب روحي وراها شوفي البت شبيها
شويه واجتي كالت لعبت نفسها
شمس/غسلت ورجعت كعدت ع التخم مااباوع عليهم
الحجيه نطتني عصير برتقال كالت اشربي حته تروح اللعبان نفس منج
اخذت شربت
كملو فطور وشربو جاي
سلطان /اخذت سويجي وطلعت كلت خطيه هاي كلشي مااكلت وهي صايمه اكيد جوعانه
طلعت للمطعم جبتلها بيتزا ومقبلات وعصاير ورجعت
محد موجود ابوي رايح للمضيف هو وغسان. والبنات بغرفهن وامي كاعده تقرا قران
صعدت اغرفه شمس دكيت لباب صاحت منوو ادخل
طبيت لكيتها متربعه ع الجربايه وكدامها هيا تلعبها صفيكه مدري شتلعبها وفاتحه شعرها واثنينهن يضحكت
سلطان/هلا باميرت ابوها تقربت بست هيا من خدها وشميت شعرها
باوعت الشمس
كلتلها هاج هاي العلاكه فطور لان مساع مافطرتي
شمس/صدوك جنت حيل جوعانه بوقتها استحيت منه كوتله شكرا ليش كلفت نفسك
سلطان/لابالعافيه صليتي المغرب والعشه
شمس/اي صليت
فرشت الاكب بالكاع اني وهيا كعدنه ناكل وهو منتجي ع الميز ويباوع علينه
شمس/تفضل ويانه
سلطان/بالعافيه شبعان
شمس/ميخالف شويه ع الواهس
سلطان/تربعت وكعدت وياهم بقينه ناكل اني وياها وهيا وهيا تسوي طياره طياره وتوكلني ولنوب توكل شمس بقينه نضحك كملنه اكل شلت هيا
شنو رأيج اليوم تنامين بحضن بابا
هيا/اييييي
ديله امشي
باوعــت ع شمس محتاجه شي
شمس/لاسلامتك وشكراً. على الاكل
سلطان/ولو ماكو داعي تشكريني
اخذت هيا وطلعت للغرفه مالتي
شمس مرت ايام رمضان عاديه ومتابعين مسلسلات عراقيه سويه بقيت اسويلهم حلويات ورا لفطور خلويات غربيه يوميه حلا وكولهم حبوهن حته عمو عنده سكر وياكل وعمه تصيح لاتكثر لاتموت
غسان بقه يوميه يطلب مني اكله يكولي سويلنه مثل هاي الي سويتيها وايه احسها تضوج من يطلب مني
سلطان وزينب وعمه احسهم يشجعوني كولشي ياكلونه يكولون طيب. عاشت ايدج واكثر الاكلان ابد مماكلينها قبل
صرنه. تقريباً 22رمضان كالو ليله القدر مااعرف شنو
عمو ع السحور كال تحضرو باجر كلنه نروح الكربلاء هم نزور ونزور شموسه ويانه بويه سلطان تكدر تاخذ اجازه
سلطان/اي يابه اخـ📞ـٌابر واخذ اجازه
البنات كيفن كولتلهم شنو وين نروح
زينب/خيه لكربلاء نزور الامام الحسين والعباس عليهم السلام
شمس/اها مْـإأڜْـي
ثاني يوم ساعه 12 تحضر الكل
لبست بنطرون سمائي كابوي وقميص ردن لون زيتوني شويه بي طول للورك وخليت حجاب اسود على راسي هـًُّـيًُْـچ بس لبسته وشمرته منا منا وحذاء رياضي زيتوني نزلت
الحجيه/عمه شموسه هاي عبايه وجواريب اخذيهن وياج
شمس/لَيــِْش عمه مو لابسه حجاب
الحجيه/يمه بالزياره لازم نلبس عباهي وجواريب ميقبلون
زين اني لابسه جواريب وي البوتين بس لونهم ابيض لو ميصير
الحجيه/لاعادي المهم لابسه وهاي العبايه خليها بعلاكه من نوصل البسيها
شمس/مْـإأڜْـي اخذتها وخليتها بعلاكه طلعنه انقسمنه قسمين قسم بسياره غسان وقسم بسياره سلطان
عمو صعد وي غسان ليكدام وليوره ايه والجهال
وسياره سلطان عمه ليكدام. وليوره زينب وحمزه وهيا
رحت اتمشه باتجاه سياره غسان لان المكان اكثر هناك جان سلطان. دك هورن رجعت عليهم
كلي تعالي اصعدي
حمزه بابا روح اصعد وي عمك
شمس/لاخلي اني رايحه وياهم
باوعت عليه خزرني واشر براسه يعني اصعدي
مزل حمزه وصعدت يم زينب وهيا
طلعو السيارات ونزل غسان قفل لباب الرئيسي وصعد توجهنه
الطريق طويل متعب وحاره رغم السياره تبريد بس اشعه الشمس قويه شفت زينب نامت وعمه هم هيا بقت تغفي اختها بحضني خليت راسها بحضني كولتها نامي حبيبتي بقيت العب بشعرها واباوع على الطريق
سلطان/شويه ونامن امي وزينب بقت شمس مخليه هيا بحضنها
شكد حنينه احسها وتحب الاطفال يمكن لان ماعدها لا اخت ولااخ
لولان هي روحها طفوليه تحب الاطفال كل شويه تبوسها مٰـ❧ـِّن راسها لحد ماغفت بحضنها
وصلنه الكربلاء الطريق تعب وطويل
نزلت زينب لبستني العباء
مااعرف امشي بيها وشويه بيها طول عليه بهذلتني كل شويه اعثر والزم بيد زينب لنوب ازدحام وناس كومه زينب شالت هيا كالت لــلا تختنك وحمزه وي جده يمشي وغسان شايل علي وايه شايله. كرار اني امشي ولازم بعبايه عمه. لااضيع وكل شويه اعثر وهي خطيه كوه تمشي
زينب/خيه راح تنجبحين على وجهج وتسوينه مضحكه للعالم شبيج
شمس/شسوي غير لبستوني هاي ومااعرف امشي بيها
اخر شي عثرت. عثره قويه محسيت اله سلطان راساً لزمني كلي الله الله
كولهم وكفو استحيت كولتلهم لو مجايه احسن
الحجيه/يمه لفي العبايه هـًُّـيًُْـچ منا ومنا والزميها مناه يمه امشي وي سلطان لاتروحين توكعين وتكوميني وياج بالشارع انه كوه اسحب بروحي وامشي
سلطان/مديت ايدي الها كلتلها يله امشي وياي
شمس/راساً باوعــت على زينب اكيد راح تضوج مهما يكون هذا زوجها
بس شو زينب كالت يله خيه امشي وي سلطان لاتضيعين ﯙين نلكاج لنوب
استغربت شو كولشي عدها عادي
عكس ايه هذيج اذا غسان يكولي السلام عليكم احسها تضوج
مديت ايدي لزمت ايد سلطان حسيت ايدي غركت بيده
سلطان/لزمتها بيدي شكد ناعمه ايدها عبالك لازم ايد هيا وامشي بقينه نمشي وراهم وايدها بيدي واحس الناس كلهم عيونهم عليها لان فعلاً هي متشبهنا شكلها مبينه مو عراقيه اصلاً شكم شاب يمشي ويباوع عليها حسيت دمي يفور ياهو الي يباوع عليها اخزره غير بت عمي وعرضي هاي كلما تصير زحمه قويه اقربها عليه حته محد يطخها وصلنه للتفتيش كلتلها طبي وي امي وتلكيني يم الباب واكفلكم
شمس/طبيت هوسه نسوان وخنكه طلعت لكيت سلطان واكف لاارادياً راساً ابتسمتله ومدين ايدي لزمت ايده
كوتله يله ما وصلنه
سلطان/باوعتلها شلون مبتسمه وراساً لزمت ايدي
يربي والله احسها طفله عمرها 5 سنوات
كلتلها بعد شويه مسافه
وصلنه الحمامات طبينه كالت عمه توضي يمه حته تصلين صلاه الزياره كملنه وطلعنه استمرينه نمشي
لحد ما وصلنه كال سلطان هذا لامام الحسين عليه السلام وهذاك العباس عليهم السلام
كال هسه لازم تروحين وي لبنات تطبين تزورين
شمس/خلي نطب سوه اني وياك اخاف اضيع بهاي الهوسه
سلطان/ميصير بنيتي النسوان وحد والزلم وحد
شمس /مْـإأڜْـي
رحت لزمت ايد عمه وامشي وياها
طبينه كومه نسوان وخنكه حيل خنكني متت كوه كدرنه نطلع صلينه علمتني عمه شلون الصلاه وصلينه طلعنه لكيناهم كولهم منتضرينه بيره
واحد يكول للثاني زياره مقبوله سلطان همس باذني هنا نجاوب تقبل اعمالك
اني هم الي يكولي زياره مقبوله اكوله تقبل اعمالك
رحنه للامام العباس وهم نفس الشي وازدحام طلعنه كال عمو يله وقت فطور امشونه نفطر
رحنه للمطعم واني لازمه ايد سلطان طبينه حجزو طاولتين طاوله غسان وايه وعمو وعمه
وطاوله اني وسلطان وزينب وحمزه وهيا
نزلو دجاج شوي وبرياني ومقبلات وسمك شوي
ولبن وشوربه
عمو كال هذا على روح ابويه وحازم الله يرحمهم اقرو الفاتحه
كملنه الفطور وقرينه الفاتحه
طلعنه كعدنه بمكان بين الامامين صلينه وكعدنه والناس كولها كاعده اجواء كولش حلہـِوه بس احس الناس كولها تباوع عليه يمكن حجابي متخربط كولت الزينب حجابي بي شي
كالت لامابي شي
كولتلها لعد شبيها كولها تباوع عليه
كالت خطيه غير حلوه ويباوعون جنج اجنبيه
شويه وحمزه خبص ابوه اخذني للعلقمي
كله يله امشي
كولتلهم شنو هذا العلقمي
الحجيه/يمه الخطوه مال الامام الحجه عجل الله فرجه مكان بي مي وبطات وبشوش تلعب بالمي الي يطلب مراده يشعل شمعه بالمي وانشالله ابخت الحجه ينال مراده
كولتها حلووو
كالت تريدين تروحين وياهم يمه كومي روحي شوفي
لتضل بنفسج
راساً كمت ايي حابه اشوف واشعل شمعه
كولت لرينب تجين ويانه.
زينب/لاخيه تعبت وهاي هيا نايمه على رجلي
شمس/ايه تجين
ايه/لا الجهال يتعبوني
رحت وي سلطان هو لازم حمزه بايد ولازمني بايد الثانيه مشينه مسافه لنوب وكفنه كال تعالو اشتريلكم موطه وكفنه اشترالنه موطه اكلنه ومشينه مسافه وكال ماكله دهينه ابوعلي
شمس/لا
سلطان/تعالي اذوكجياها
وكفنه ع محل يبيع حلويات
اخذ باكيتين واخذ قطعه نطانيها كال اكليها اكلتها طيبه بس عطشت
كوتله عطشانه
كال تعالي اشتريلج مي اشترالي مي شربنه
ونمشي وصلنه كال باعي هذا العلكمي كولتله اريد اشعل شمعه كعدنه على مدرج قريب ع المي اني وحمزه والبط تلعب
كال ابقه هنا هسه اجيبلج شمعه واجي
نباوع على البط اني وحمزه شويه واجه سلطان. بيده شمعتين ومخليهن بفلينه كال يله شعليها واتمني امنيه بكلبج وحده الج ووحده اليه
شمس مْـإأڜْـي اخذت الجداحه منه واتمنيت بكلبي
تخلص شغلتي وارجع لبلدي واكما دراستي ونتزوج آٌني وانس
سلطان/ماعندي امنيات بس تمنيت شمس تبقه يمنه ومترجع تبقه عايشه ويانه للابد
شعلنه الشموع ونزلناهن بالمي مشن بقينه نباوع عليهن مسافه وشمعة شمس طفت بقت بس شمعتي
شمس/طلعت فوني وبقينه ناخذ صور وسنابات اني وحمزه
سلطان راح جاب اركيله واجه كعد يمنه يدخن
كوتله عًـًـًآدًيً اخذلك صوره بفوني تبقه ذكرى
كلي اخذي عادي
بقيت اخذله كم صوره هو ويدخن بيهن واضحات وبيهن مغوشات من الدخان
بقينه تقريباً ساعه كاعدين لنوب كال سلطان يله. بويه نمشي
كوتله يله.
سلطان/رجعنه المكانه ومسافه الطريق كلها اني كايد منا حمزه ومنا شمس اخــّّـّّاف عليهم لايضيعون مني
وصلنه صارت ساعه ب9
سلطان/يله بويه نمشي هم ياله
هاي دهينه هم كبتلكم وياي
عمو/يله امشونه ورانه درب هم ياله نوصل وي السحور
رجعنه لمكان السيارات صعدنه نفس اماكنه ورجعنه شويه مشت السيارت مسافه وعمه وزينب راساً نامن وهي اجتي خلت راسها بحضني ونامت
اني هم تعبت حيل خليت راسي على الجامه ونمت بس كل شويه افز
سلطان /رجعنه وكلها نامت بقت بس شمس شويه وشفتها تغفي تنام شويه وتفز
لحد ماوصلنه للبيت
البنات راساً سوت سحور خفيف
تسحرنه وصلينه ونمنه
شمس/كعدت متاخر ساعه 2 ونص صليت ونزلت
لكيت عمه تقرا قران وعمو نايم بالصاله وهيا وحمزه يلعبون كعدت يمهم كولتلهم وين ماما كالو نايمه
شويه وطب سلطان سلم علينه بس شكله مستعجل كال لحمزه امك وين
كله نايمه
سلطان/هسه وكتها روح كعدها خلي تكويلي القميص عندي طلعه
شمس/خطيه عوفها نايمه جيبه اني اكوي الك
سلطان/فوك بغرفتي المكواة والقيص بس اغسل واصلي واكعد انطيه الج
شمس/تمام اني صاعده لغرفتي من تكمل دك لباب عليه
صعدت لغرفتي كلبت بالفون ولنوب رحت مشطت شعري ورشيت عطري المفضل
اندك لباب عليه عرفت سلطان خليت الحجاب على شعري وطلعت كوتله يله جايه
طبيت الغرفته الجربايه هوسه الفرشه متخربطه طلع القميص والمكواه كال بين مااطب اسبح واطلع
سلطان/انطينها القميص وشميت عطرها صطرني تذكرت نفس العطر الي خلت منه الزينب شكد يجذب استغفرت ربي وطبيت سبحت لبست بنطروني بالحمام والفانيله وطلعت لكيتها مكمله القميص ومعلكته
وجاي ترتب بالجربايه مالتي
سلطان/عوفيها من تمعد زينب تجي ترتبها
شمس/لا يله كملت هذا قميصك
سلطان/اي عاشت ايدج
لبسته وهي طلعت كالت محتاج شي بـٍْْـٍْ؏ـٍْْد
كلتلها ســَ✺ــلامَـٰـ✺ـتج
راحت كملت تبديل ورتبت شعري لبست بنطرون قماش رصاصي وقميص ابيض وستره مقفل اسود ورصاصي
لبست ساعتي رشيت عطر اخذت السبحه والسويج والمناضر لبستها ونزلت
شمس كاعده بالمطبخ وفات من يمشي سلطان لبسه كولش انيق وعطره قوي فات من يمي لابس مناضر كال معزوم لتنتضروني ع الفطور وطلع
نزلن لبنات سون فطور كملنه ومشت لايام هيج لحد اخر يوم رمضان كعدت ب12 نزلت لكيت المطبخ هوسه وعمه وياهن تطبخ كالت اليوم يجني بنات الشيخ كلهن ويباتن يمنه حته مصباح العيد يعيدن ويانه
وهم يريدن يشوفنج
الجداري كبار على الطباخ حسب كلامهم 4 هنا وكل وحده عدها جهال يـعـنـي هنا وعوائلهن
شكرا لزيارتكم عالم روايات سكيرهوم
