رواية بنات الحجي السعيد الفصل التاسع بقلم شمس العراقية
ليال ـ باوعت لقاء أشرتلها وعافت الموبايل
هيفاء ـ وين لگيتها ومنين وبنت مـنو؟
سعيد ـ بنت ام سجاد اللي أبنج فتن عليها غنيه بنت مسعود زوجه أسكندر ما تذكرينها .
هيفاء ـ لا والله ما أذكرها يعني گرابه
سعيد ـ اي كرابه من بعيد وهي خوش مره وجانت تجينا گبل بس أختفت واليوم أجتي هي بنتها شلون بنيه ليره عبالك علويه وعجبتني الله يستر عليها .
ـ الله يستر عليها بس بالأول نشوف أبنك خوما گبل وسألت عليها خاف متزوجه مخطوبه أرمله مطلقه .
ـ لا بنيه والأرمله والمطلقه أبنج يخرب عليهن تعلميني بي بس گتلج علمود لادورين اله مره لكيتها وخلص
ـ غير تتأكد بالاول يا سعيد ونحجي وياه وأخاف ما يوافق وهم بعد جرحه من علا ما لحك يطيب انطي مجال نلحك نزوجه ونفرح بي .
ـ لا نزوجه هسه أحسن ما يضل گلبه معلك بهذيج بلكي ينساها ،وأني ما أحجي وياه بس أحجي نتعارك ويهوس علينا أنتِ أمه وحاجي على كيفج لما اسأل عليهم ونرتب الوضع شوف شلون ترهم بس بالأول حاجي ورديلي
خبر .
ـ خير أن شاء الله .
ـ يله أني أروح
ـ وين رايح ، ليش ما تبقى .
ـ أمي تعبانه أروح أشوفها .
ليال ـ راح أبويه وأمي ضاجت بس ما بينت ألنا گامت راحت الغرفتها واني شلت الاستكانات غسلتهن ورجعت الغرفه لكيتهن يحجن بموضوع باسل
جنات ـ الله يعين التتزوج باسل
لقاء ـ ليش شبي باسل الف وحده تتمناه .
جنات ـ لا أقصد كُلنا نعرف باسل يحب عُلا ويموت عليها وقافل على موضوع الزواج من وراها يعني صعبه بعده ما ناسيها يزوجونه وحده لا شايفها لا حاجي وياها فقط على شوفة ومعرفة الأهل يعني زواج تقليدي .
لقاء ـ كلمن وقسمته بعد وشبي الزواج التقليدي شو حجايتج مو عدله لازم عاجبج الحبجيات تعالي جنات احجيلي شعندج شضامه علينا شو ما مرتاحتلج!
جنات ـ شعندي قابل هيج حجيت حجاية الا عندي شيء
ليال ـ لا تتعاركن هسه عوفنا صُدك لقاء اسألج عن عُلا شخبارج عنها أنتِ صديقه باسل المقربه عايفها لو لا .
ـ لا ما عايفها
ـ ليش مو گالوا تتزوج أبن عمها
ـ زواجيش يمعوده! هذن گلاوات أهلج ضحكوا بيها على باسل أصلاً ما عافها ولا يوم وأكبر دليل بس گمل الغده عيونه بموبايله وطفر لغرفته! .
جنات ـ لعد شلون أبويه يريد يزوجه وهو يحب عُلا
لقاء ـ أبوج بعد يصلح الخطأ بخطأ أكبر منه ويمكن يكون صح شمدرينا يجوز يحبها وينسى عُلا الله وأعلم ومرات قرارات الأهل تكون هي الصح لان عدهم بعد نظر ومارين بتجارب وأمور أكثر من عدنا
جنات ـ الله يستر اذا فتحوا الموضوع وياه
لقاء ـ هي تخبط وتاليتها تصفى الله كريم يله ادعبلن راح أنام وجنات لاتضلين بس عينج بهل الموبايل نامي
جنات ـ وأنت وصي عليه والله خوش شو اني ما أحاسبجن من لازمات موبايلاتجن.
ليال ـ عفتهن متلاغيات وعزلت نفسي عنهن بزاويه وخطر على بالي يا ترى هم يحب ويتزوج وأخطر على باله
أنتهينا من زمان وضلت فقط الذكريات المؤلمه والحزينه
العصريات كاعدين نسوي عصرونيه أني وأخواتي وأمي وباسل يحجون وما حسينا غير باسل كام يصيح بعصبيه
باسل ـ زواج ما أتزوج وحجايه وحجيتها قبل زواج من أتزوج لو عُلا لو تنسون باسل يجيبلكم جنه لهذا البيت واذا تلحون بهذا الموضوع قسم بالله أشيل راسي واهج منكم .
هيفاء ـ ولك يمه تضل هيج
ـ أي أضل هيج كافي عاد كفرتوني جفصتوا على گلبي وسگتت وحجيتوا عليها وطعنتوا بشرفها وسگتت وگلتوا مًا تتزوجها والله شُنو مطلقه وأنت أعزب وما توالمك ومو من مستوالنا والعالم شتكول وشتحجي وبلعت موس وسگتت بس مـال تعال أتزوج بعد كل هذا وأسكت لااااا هنا حدكم .
ـ يمه من صالحك وهذا عمرك وشبابك الله يحاسبك عليه وتضل عايش هيج ما تريد مره بحياتك ما تريد طفل يصيحلك بابا وتصير ابو فلان
ـ لا مـا أريد گافي رحمه لدين محمد گافي كرهتوني بعيشتي ما حبيت مطلقه الا عبالك كافر وحب يهوديه حاربتوني وياها أشكال الكلام والسب والطعن حجيتوا عليها كدامي بس لان مطلقه لان رجلها عار ابن عار ما عرف قيمتها وعاشت بالقندره علمود تعيش وما كدرت طگت ومن طگت تطلقت ومن رادت تعيش حياتها وحبيتها اجيتوا أنتوا حاربتوها وحاربتونا بحبنا كفرتونا بالأسـلام .
ـ أبني ما الك قسمه وياها هذا قدر ومكتوب هذا قدرك وأرضى بي وهي عوفها خل تشوف حياتها ويه غيرك تضل مجلب بيها وأنت عايف عمرك وشبابك من دون مره ، ولك أبني الزواج نص الدين الزواج أستقرار وأبوك علمودك يريد يزوجك گلشي يسوي لصالحك
ـ الزواج نص الدين على عيني ورأسي على عيني وراسي بس الزواج بموافقه مو أجباري مثل ما جبر ليال على ليث لايجبرني على وحده ثانيه وبعدين اني جاهل بكيفه يدورلي مره وتعال باسل وافق عليها وتزوجها وين عايشين أحنه بيا عصر جواري قصر السلطان سليمان والبنيه اللي لأكيها وتعال تزوجها تدري أني أحبها غيرها تدري بگلبي شبي تدري بيه متعلعل من وراكم .
ـ أبني أستغفر ربك
ـ أستغفر الله وأتوب اليه
ـ أبني ، ماما حبيبي گلشي من أختيار رب العالمين توكل على الله والزواج مو أجباري وهو صح أبوك لاگيها الك بس أكيد تشوفها بالأول خوما نزوجك گبل وأبوك هسه بس مجرد گالي گوليله بعدنا گلشي مل مسوين لا سألين على أهل بنيه ولا منطينهم خبر ، الا أنت توافق وكلشي يصير برضاك .
ليال ـ كعد لزم رأسه وأيديه يرجفون من كثر ما عصب أمي أنطته ماي شرب وحضنته وتبوس بي .
باسل ـ ما تفهموني .
هيفاء ـ لا فاهمينك وهذا هو نخليك على راحتك فكر شگد ما تريد وأبوك ما عليك منه أني أحاجي وأفهمه والبنيه مو هي غيرها الف وحده تتمناك شوف شضاملك ..
ليال ـ ما جاوب شال موبايله وطلع وأمي مقهوره عليه كعدنا يمها فرشنا سفره ما أكلت ويانا بس تفكر أتصلت عليه أبويه شويه وأجه وحجتله وصفك أيديه وكعد .
سعيد ـ وتالي والعمل ويه هالولد يضل شالع گلبي يضل أعوج ومخربط شصارت هالعُلا الله خلقها ما خلق غيرها .
هيفاء ـ شنسويله خوما أجباري وأنت لاتلح عليه عوفه هسه خل يفكر انطي وكت بلكي الله يهدي .
ـ شيفكر ليش هو عنده عقل علمود فكر صارله سنين ما فكر ، هو صارت مشكله وانخبصت الدنيا وابن عمه نصاب وكعدة زلم وشيوخ وعمك خالك وروح وتعال والأفندي ما فكر وعافها تردين هسه يفكر وانطي وگت
ـ شنسويله يريدها وقافل عليها ، تضربه بهذا العمر وهو زلمه تعاقبه ما يفيد وياه
ـ لا يبوي شسويله خلي هاي هي ما يتزوج طبه مرض ازوج نائل وأفرح بي وهو خلي هيج لازملي هالموبايل من طاح حظه عبالي أدمي بس طلع انكس الاوادم
ليال ـ أمي ما حجت وأبويه ضاج تالي كام وگال
سعيد ـ يله اني رايح أشوف عمي عبدالعزيز متخربط ووضعه تعبان وأنتِ هم لبسي عبايتي وتعالي ويانا .
هيفاء ـ اي روح هسه أجي وراك بس والبنات شلون
سعيد ـ خل يجن يضلن بيت جدهن .
ليال ـ راح وتجهزنا وطلعنا بيت جدي وگلهم واكفين يم الباب يردون يمشون رفعت رأسي شفت ليث بينهم بس واكف يحجي ويه سجاد وصلنا وأمي سلمت عليهم رد السلام بدون ما يرفع رأسه ودخلنا البيت والكل مشوا بيت جدي عبدالعزيز والبيت فرغ بس عمتي نجاح موجوده وبالحديقه نائل وفارس كاعدين ، كعدنا أخواتي كلمن عينها بموبايلها الا أني حتى مالي واهس الزم موبايلي كارهته وحياتي فارغه فقط يشغلها الرسم
لليل صبينا عشه واخذت عشه لـ نائل وفارس كاعدين بالحديقة ونائل اجه ياخذ الصينيه من أيدي ودخلت جواهر
جواهر ـ خير شعدجن جايات مو عدجن بيت
نائل ـ يمه شُـنو هالحجي وين يضلن مو كلها راحت
جواهر ـ وأنت شگو صدرك حامي عليهن .
نائل ـ أستغفر الله خل نتسمم هسه وشعندج راجعه وحدج
جواهر ـ تحاسبني يعني رجعت البيت فارغ أعوفه لبنات هيفاء يلعبن بكيفهن .
نائل ـ لا اله الأ الله جيبي عمي جيبي وروحي تعشي .
ليال ـ أنطيته العشه ودخلت ولاحظت نائل من يوم الخطوبة صاير حباب والله هو خوش ولد لما أمه جواهر صح مرات عنده طبگات بس وكت الوكفات اخو خيته
دخلت عصبيه ولقاء غمتها همزين ما شافتها وجنات ما رضت على تصرف لقاء وكامت تحجي
جنات ـ ليش تغمينها لو الا تسوين مشاكل
لقاء ـ جنات خلي جنانيني نايمه لا اكوملج اجفصج أنتِ ووياها لوكيه ما ضلت عليه بس أنتِ ادافعين الها عارزز
جنات ـ أحترمي نفسج ولاتغلطين
نجاح ـ شكو شبيجن ثكبتن
ليال ـ تعاركن وسحبت جنات على صفحه واجانا صوت جواهر من الغرفه تعيط بعلوا صوتها .
جواهر ـ يبـوه يبــوه .
لقاء ـ شگو شبيها إنكرصت بلكي الله وأهل البيت انلدغت بعربيد علمود هاي موتها وأكل ثريد بفاتحتها يالله يا حبيبي أستجب دعائي وفرح گلبي .
ليال ـ دخل نائل مستعجل على صوتها عبرنا وراحلها
نائل ـ شگو شبيج تعيطين فضحتينا رجال جبير بالعمر ومات شيريد يطلبنا طلابه عمره ويومه خلص وكلنا نموت ليش العياط ما تصدكن واحد يموت يبوه ويبوه عليمن يبوه شــو سگتي سگتي .
ليال ـ عرفنا جدي عبدالعزيز مات الله يرحمه وأخذ جواهر وراحوا ولليل دزوا علينا اجه باسل أخذنا ونائل رجع للبيت
لبسنا عبايتنا ومشينا لبيتهم هوسه وكل أقاربنا موجودين ومن دخلنا صادفنا ليث صار بوجهننا كبل عبرنا سريع وأنضرب بكتف باسل
باسل ـ أعمى ما تشوف شلت جتفي ، يله فوتن گبل على أمي خبصتني بيجن .
ليال ـ دخلنا كعدنا يم أمي وعمتي نجلاء مجرحه وجهه والدم نازل من خدها وتضرب على صدرها وادك وتلطم
لقاء ـ شگد جذابه عود حزينه لو أنتِ ميته ولا جدي عبدالعزيز ميت ، عوذه شيصير لو وحده منجن ماتت
هيفاء ـ لقاء صوتج ماما گعدي يله شعندج واكفه
ليال ـ گوة كعدت وتالي دزن علينا رحنا المطبخ وأستلمنا الجاي وخلني أني أضيف النسوان دخلت قدمت الهن وعمتي سلوى شافتني أبتسمت .
سلوى ـ شلونج ليال .
ليال ـ الحمدلله عمه زينه ، گملت ورجعت المطبخ هوسه وگومه بنات ولقاء واكفه باب المطبخ وتصيح عليهن لان يضحكن ولا عبالك ميت .
لقاء ـ مو عيب وكت ضحك هسه جان أستحيتن شوي احترمن دافنين ميت مو راس بصل .
ليال ـ سگتتن والوقت تأخر رجعنا البيت وثاني يوم رجعنا وجوادر وفاتحه ضخمه دخلنا من باب الصغير من بيت عمتي نجلاء وكبل للمطبخ أستلمنا الجاي والكهوه المره وثلاثة أيام على هالحال ولاحظت عليه ما شفته نهائي وقتها من صدك كطعت نفسي وأنكطع أخر خيط أمل وعرفت من صدك طلعني من حياته ...
_________________
جنات ـ كنت شايفه الحياة من منظور ثاني كل ظني البشر سواسيه بالمحبه ومحد يشيل حقد على أحد واحنه ظالمين المقابل وماكو حقد ولا تفرقه ولا سحر مثل ما جنت أعتقد وأشوف وياريتني ما أعتقدت ولا شفت لان صعب البداخل ينحجي بسطر والمقابل يفهمه بنظره .
البدايه ...
" نزلنا للأسواق صايره على الشارع أني وصديقاتي وياي بالخط ليلى وأماني وأشترينا حلويات وحبشكلات وذكرت أخواتي وياي وكملت قبلهن وواكفه أتفاهم ويه وانطي الحساب دخل رجال وگف بصفي وسلم
ـ شلونك عزيز
ـ هلا عماد جكاير كالعاده
ـ أي والله
جنات ـ العفو شگد صار الحساب .
ـ لحظه بس أشوف الاخ .
ـ أي عفيه لأن ابو الخط ينتظرنا ورجع هو جاوبه
ـ مشي البنيه أني بعدين وشعجب الولد ما موجودين
ـ هسه طلعوا والله ، أختي حسابج عشره .
ـ تمام أنطيتهن اله ومن اخذت العلاكه نصها وكعت يا
ـ الله الله يله ما صار شيء على كيفج .
ـ شكراً حجيتها وأرتبكت وتوترت وشلتهن وأجن صديقاتي وأني وگفت على صفحه وهو وگف اخذ جكاير وگمل باوعلي وأبتسم الغبيه رديت الأبتسامه توترت حتى صخنت يله بنات تأخرنا
أماني ـ أنطي صبر مستعجله
جنات ـ گمل وعبر من يمي وگف وصفن بوجهي هي ثواني بس شعورها يدوخ وبعدها راح وگملنا وطلعنا وباوعت هو ماكو رجعت البيت ولا أكدر اتخطى لمعة عيونه وهو يباوعلي وشگله أنطبع بعقلي! .
ومر تقريباً شهر ما أكول أفكر بي دائماً بس من أتذكره ما أعرف شيصيرلي أدوخ وكلما نمر نأخذ ليال من الجامعه أباوع على الأسواق وگلما نريد ننزل ليال تضل بس ترددم وأني كل عقلي أشوفه باع الثول أكيد يكون جاي صدفه
نزلنا للأسواق وما مخليه أبالي أشوفه وأول ما دخلت لكيته واكف يدخن جكاير ويضحك وضحكته تجنن ويحجي ويه الولد ومُباشرةً باوع ألنا وتفاجئ وعلى خده أبتسامه عبرته ومشيت أشتري وهو نظراته ملاحگتني أختار نساتل وعصائر وهو عيونه عليه گملت وتقدمت وهو وأكف العفو شوفلي الحساب الولد يحسب بيهن وأجتي أماني تسأل الولد على نوعية نساتل وما حسيت غير سحب علبة نعناع وكتب رقمه خله بالعلاكه وأجه الولد أسمه عزيز .
عزيز ـ العفو تأخر عليج حسابج عشره
ـ انطيته وشلت العلاكه وطلعت قبلهن وهو هم طلع
ـ يله عزيز أني رايح
ـ الجكاير نسيتها
ـ أخذ الجكاير وطلع جنت واكفه يم الباب وطلع وكال
ـ يوميه عايف شغلي وجاي نايم بالأسواق من وراج
ـ ما جاوبته تشنجت ودخت وگلبي ينبض بكل سرعته
ـ مع السلامه
ـ ما جاوبته ويمشي بثكل صعد سيارته وأبتسملي ومشه وفتحت العلاگه وشفت رقمه أبتسمت وضميته بالجنطه .
رجعت البيت سجلت الرقم وطلع لي الواتساب مالته ومخلي صورته وضليت صافنه على صورته وأيام وأني أفكر بيك متگولي شأخذت مني وأحتليت مساحه من عقلي وأفكاري وهو مجرد لقاء عادي بس النظرات جانت تحجي گلشي .
" أيديه يرجفون ومتوتر ومتردده كل شوي برأي أكتب وأمسح وأرجع أسجله يومين أني دايخه أخاف عيب شنو ما صدگت واحد رقمها والله فشله تالي كتبت اله مرحبا أستاذ عِماد أنتظرت مرت دقايق وجاوبني
عِماد ـ أهلاً .
جنات ـ ليش هيج سويت
ـ منو .
ـ أني اللي بقيت رقمك يم أبو الماركت عزيز
ـ بس لا أنتِ
ـ أي
ـ تشاقين
ـ لا أعرفك تعرفني علمود أشاقه وياك
ـ ومنو يگول أنتِ
ـ أني شبيك
ـ الأ اتأكد بلكي طلعتي ناصبه عليه
ـ أسولفك الموقف وأذا ما صدگت أحظرك
ً- متفقين
ـ سولفت اله بعدني عالنص هو گمل عني
ً ـ أم عيون فرفح گلبي بشوفتج شهر كامل يالظالمه أفكر بيج خمس مرات رحت الأسواق ونفس الوقت وأنتظرج وأنتِ ماكو لازم أثرت بيج بنت الأوادم .
ـ ليش بقيت رقمك
ـ أنعجب بيج ودخلتي عقلي وگلبي وأفكاري وبقيت رقمي على رغم جنت مأيس منج تراسليني بس الحمدلله بالأخير تواصلنا
ـ أي
ـ شنو أسمج
ـ جنات
ـ يا سبحان الله أول مره أشوف شكل والأسم متطابق
ـ ما جاوبته
ـ جميله يا جنات
ـ شكراً .
ـ تدللي يا جنات .
ـ وبدأت العلاقه وتعارفنا على بعض وصار كل حياتي ووقتي وحبيته وأول حب اليه هو عماد وخلصت السنه وأحنه نتواصل بس مـا متشاوفين لان قلة ننزل نشتري وهو بالشغل عنده محل كماليات سيارات وعمره ٣٥ سنه ووحيد أهله وعنده أربع أخوات ثلاثه متزوجات وحده بعدها تدرس .
" خبصني وأني أشتغل وياهن طلعت فلتت بالحمام راسلته عَماد فدوه لاتتصل هسه ، گتلك من أرجع البيت هسه اني بالفاتحه والدنيا مكلوبه .
عِماد ـ ترى ما صارت فاتحه هذا يوم الثالث ما حاجي وياج مثل الأوادم أدري ميت الكم شيخ يمعوده الكي حجه وروحي لبيت جدج وخابريني .
جنات ـ شحجي وياك باي
ـ أي لاتحجين بعدين أحاسبج عليها ، رجل كرسي اني صارلي ثلاثة أركض وراج على كم رساله تضحكين بيهن عليه تحاجيني من ورى خشمج .
ـ توني ردت أجاوبه فزيت على صوت لقاء وكعتلي گلبي
لقاء ـ شتسوين؟
جنات ـ شسوي أصخم بالحمام دخلت اغسل وأعدل شالي .
ـ صارلج شگد شجنتي تسوين؟
ـ وأنتِ شگو مخليه عينج ورايه لو هم بالبيت مخليه راسج براسي .
ـ لا بس جنتي تحجين على الموبايل
ـ اي راسلت صديقتي ليش عندج مانع
ـ لا شعليه يله أمشي گملنا نروح البيت ليال راحت قبلنا
ـ ويامن راحت ليش ما أنتظرتنا
ـ راحت ويه عمتي بلقيس راسها كام يوجعها جديتي كالت خل تروح ترتاح لان الحقيرات ما رحمن حالها يجيبن يذبن عليها مواعين على السنك يله امشي باسل واكف
ـ أي بس أعدل شالي
ـ عوفيلي شالج هسه ما بي شيء والدنيا ليل محد يباوع لشكولج تحركي هسه باسل يعيط بينا وننثول
ـ طلعنا ودورت على جنطتي تذكرت ضامتها يم ماما جواهر
ـ لكيتي جنطتج فضينا عاد
ـ يم ماما جواهر هسه اجيبها
ـ سليمه تلفج وتلف ماما جواهر وياج أمشي لا افرك حلكج .
ـ دخلت عليهن باوعتلي وأبتسمت ماما جنطتي
جواهر ـ ضامتها يمي هاج حبيبتي .
أسمهان ـ مبين بس هاي من بنات هيفاء تحبج
جواهر ـ ما ضاعت تربيتي بيها غزر بيها التعب .
جنات ـ أخذتها منها وطلعت وأمي واكفه هي وباسل يحجون
باسل ـ يله زين أجتي وفاة جدي على گلبي علمود أبويه يشيل فكرة الزواج فد سنه سنتين .
هيفاء ـ تدور السنه ونزوجك شكد نأجل يعني وهاي سنة الحياة والموت حق والحياة ما تتوقف يمه لاتخلي أسباب توكف بطريقك وتوقف حياتك .
باسل ـ يصير خير يله نمشي
جنات ـ مشينا للبيت ويتصل همزين مخليته صامت گبل ضميته بالجنطه ولقاء أكلتني بعيونها وصلنا البيت دخلت الغرفه أخذت ملابسي ودخلت الموبايل بالملابس وطلعت لحمام سريع وانضربت براس لقاء
لقاء ـ وعمى شعندج مطيوره لكف اليلكفج .
جنات ـ أريد أسبح طگيت وخري دفعتها ودخلت الحمام ولكيته يتصل جاوبته شبيك خبصتني أصبر مو كتلك من أرجع ليش هيج تسوي بيه تريد تكسر ركبتي بكثر أتصالاتك .
عِماد ـ وين أنتِ هسه
ـ بيتنا توني رجعت بس أسبح وأراسلك مراسله
ـ وليش مو أتصال
ـ ترى گتلك بيتنا شبيك عِماد
ـ دوريلج حجه وروحي بيت جدج وخلي سماعات وحاجيني
ـ وين ادورلي حجه وبيت جدي ما بي أحد بس عمي سليم وأخويه نائل ما يگوليلي شعندج جايه
ـ جديتج ومرت أبوج وعماتج وين
ـ ضلن بالفاتحه بعد ناس تجي عليهم
ـ ها وأنتِ ما تروحين بعد مو، هم گولي اروح افين حظج روحه وولد عمج بكد الدود يفترون انسيها
ـ لا مـا أروح
ـ اي عبالي
ـ فديت اليغار
ـ خطيه عليج هواي تحسين بيه من أغار
ـ شسويلك يعني هاي حياتنا لازم خوما ابقى وحدي بالبيت
ـ لا بس اني هيج طبعي
ـ اوك حبي يله لازم أسد الخط باي
ـ لاتتأخرين والصبح طياره لبيت جدج
ـ أوك قطعت الخط وشغلت الدوش وغيرت ملابسي وأندك الباب بقوه خير صحت منو
لقاء ـ أني ووجع فتحي الباب .
جنات ـ شتردين جاي أسبح
ـ فتحي الباب
ـ أهوو شعندج حتى بالحمام واحد ما يأخذ راحته
دخلت وباوعت الحمام شگو
ـ موبايلج وين
ـ عفواً
ـ بله لغوة موبايلج وين
ـ وأنتِ شگو بموبايلي هواي صايره تتدخلين شو طلعي برى أصيحلج أمي يمه يمه دفعتني عوفيني شتردين مني والله خوش
ـ مدخله موبايل وياج للحمام شسوين بي ها
ـ شسوي بي يعني ليش اني مثل أفكارج القذره
ـ انجبي واججي والا أكولج الا اجفص على راسج يله تحجين تربيه السحارات شتطلعين .
ـ جرتني من شعري وعضيتها يمااا يمااا لحكيلي يماا واجتي امي فازعتنا ودفعت لقاء برة وكامت تحجي
هيفاء ـ صغار أنتن متعاركات بنص الحمام شوكت تكبرن أمشي للغرفه وأنتِ دخلي سبحي واذا عيطتي بهذا صوتج العالي جنا صوت عاهره أبتلي بعمرج
لقاء ـ تطلعين خوما تضلين بالحمام بعدين حسابج
هيفاء ـ لقاء أمشي لغرفتج يله تحركي .
جنات ـ طلعت وقفلت الباب وفتحت موبايلي حذفت كلشي ودزيتله رساله دير بالك تتصل الا اني أحجي وياك
عماد ـ تمام حبيبتي .
جنات ـ سبحت وطلعت وليال جايه من بيت جدي ونايمه ولقاء كاعده وتهز برجليها عبرتها وكبل قفلت الباب وسحبتني من شعري واخذت موبايلي عوفيني شنو أنتِ مجرمه شعليج بيه .
لقاء ـ عليه ونص وأكسر راسج هم ما عدنا بنات فالتات يدخلن موبايلات وياهن الحمام بس اللهم استغفر الله
جنات ـ وصلت بيج تشگين بيه لهل المنحدر
ـ والله گولي لنفسج وليش مدخلته وياج
ـ دخلته خفت الكهرباء تطفئ واضل بالظلمه لو عقلج ما يفكر بس بالسوالف الموزينه عوذه منج ومن عقلج الشايلته .
ـ والله أني هيج وهذا طبعي والدنيا تخوف وأنتِ جاهله شو دفتحيلي موبايلج يله
ـ وليش أفتحه
ـ هيج بكيفي أوامر عندج مانع ست جنات
ـ شـنو أنتِ أستخبارات
ـ يله فضيني أريد أروح أسبح .
َـ فتحته وسحبته مني وراحت كعدت على جربايتها جنها باسل ضلت بالنص ساعه تگلب بي فلسته تفلس واني
أمشط بشعري اجتي خلته عالميز واخذت ملابسها وطلعت فتحته ودخلت على رقمه مسجلته بإسم وحده من صديقاتي دزيتله حبيبي خوما دزيت شيء
ـ لا أنتظرج ليش
ـ هيج
ـ صاير وياج شيء
ـ لا
ـ گملتي
ـ أني اراسلك
ـ أنتظرج لعد
ـ حذفت الرسائل وخليته عالشحن وأجتي لقاء دفعتني وكفت تخلي كريمات عفتها وتمددت وأتصفح وهي كملت وباوعتلي .
ـ إذا تحبين ليش خايفه ومستحيه لو البطل الخارق يفشل ما يساعد تحجين عنا
ـ لا مـا خايفه ولا مستحيه بس من يجي وقته أكولجن
ـ منين هو
ـ من يجي وقته أكولجن
ـ حبي زلمه مو عار والأ أكولج أحنه دازينج تدرسين مو تحبين وتصخمين وجوهنا بالحب والطيحان الحظ
ـ بس أريد أعرف الشايلته بصدرج گلب لو صخره
ـ الأثنين ، يله نامي وعوفيلي صديقاتج والكروبات
ـ ترى ما عندي شيء وهواي بالغتي
ـ ندري ما عندج شيء بس للحيطه والحذر أنبهج .
ـ نامت وأني ضليت كاعده راسلته كاعد حبيبي
ـ راح أنام واني هواي أنتظرتج الخاتون
ـ شسوي هيج يله رهمت
ـ مشتاقلج والله
ـ وأني هم والله حتى ما شبعت من صوتك
ـ ولا أني صوتج ناعم تتنعوصين ، وين أنتِ هسه
ـ بيتنا بيت أمي
ـ شوكت تروحين بيت جدج
ـ ما أعرف والله بعد هوسه وما أكدر أحجي وياك لان مأخذ راحتي وهاي أختي أخاف منها أما اذا اروح بيت جدي أخلي سماعات عادي وأحجي .
ـ ماشي
ـ وين أنتِ
ـ بالبيت
ـ ها شعجب اليوم بالبيت مو ويه أصدقائك
ـ أختي جايه زياره يمنا وما طلعت رجلها يريد واحد يگابله
ـ أي شگو بيها
ـ يله أني أروح أنام وأنتِ هم نامي
ـ اوك حبيبي
ـ جناتي أحبج
ـ وأني بعد أحبك حبيبي راح وباوعت لقاء نايمه وخليت موبايلي عالشحن ونمت والصبح أخواتي كاعدات قبلي ليال مستمله غسل البيت ولقاء مستلمه الحمام وغسل ملابس وأمي بالمطبخ تنظف وتطبخ صباحوا
هيفاء ـ صباح العافيه كعدي أسويلج ريوك تردين بيض لو جبن .
جنات ـ لا ماما أروح بيت جدي أتريك
هيفاء ـ تريگي وروحي منو هسه يكعد يسويلج ريوك
لقاء ـ ست جنات وليش ما تتريكين أهنا ليش الا بيت جدو ، تريكي أهنا وبلا دلال زايد فوك ما تسويلج وأنتِ ما عاجبج عابت .
جنات ـ أباوعلها واكفه باب المطبخ ومشجله بدشداشتها ورافعه الشعر والحاجب وجه المجرم يمه حاجيها والله صايره أكرهه البيت من وراها بس تحجي وتتحكم بيه عبالك ضرتها .
هيفاء ـ خير هم رجعنا لمعارك البارحه بالليل تمالختن ما شبعتن ، أنتِ أمشي نشري الملابس عالحبل وأنتِ كعدي تريكي والتحجي الا أكفخها بهل الجفجير صغار أنتن .
جنات ـ مشت عصبيه وتتوعدلي كعدت تريكت وطلعت عليهن لقاء تنشر الملابس وليال تغسل كدام باب البيت أساعدكم .
لقاء ـ وبشنو تساعدينا وأحنه خلصنا بعد وگت على عرض خدماتج ولو أنتِ بس يمنا جايفه يم جواهر فالحه وخوش مره وعمتي نجاح البارحه تسولف بيج وبشغلج
جنات ـ ترى أساعد عماتي خطيه كل الشغل عليهن ليش ضايجه
لقاء ـ وعلى شنو أنقهر قحط عليج وعلى شغلتج تربيه جواهر شتطلعين ، أمشي منا أنتِ وكفشتج جنج خبله وولد عمي على السطح ما اعرف شيسون ليال خلصتي
ليال ـ اي خلصت يله أمشن وأنتِ شعندج كاشفتج منفوشه ومدلعه مو بيت عمي گبالج شو دخلي لا بارك الله بيج جاهله أنتِ .
جنات ـ دخلنا ورحت الغرفه مشطت وترتبت ولبست عبايتي وشلت جنطتي وشغلاتي وأهم شيء السماعات وطلعت يله ماما أني رايحه .
هيفاء ـ رجعي قبل الغده
لقاء ـ وليش تخلينها تروح شعندج موليه شو رجعي يله
جنات ـ وأنتِ شعليج بيه يمه أحجي وياها
هيفاء ـ لقاء عوفيها خل تروح روحي ماما .
لقاء ـ روحي بس بسيطه ضامتها الج
هيفاء ـ لقاء گافي عوفي أختج
لقاء ـ ليش تخلينها تروح
هيفاء ـ شسويلها أمنعها يكولن تزرع الحقد بگلب بناتها وما تحنن وهي تسوي مشاكل خل تروح وتفضني هي مغزر بيها تعب جواهر خل تروح وتخلصني من مشاكلجن أنتِ وياها .
جنات ـ باوعتلي بحقد ومشيت لبيت جدي ودگيت الجرس طلعلي نائل صباح الخير
نائل ـ مخلفينج وناسينج ، هلا صباح النور .
ـ لازم ضايج مني
ـ ليش أضوج منج البيت بيت أبوج قابل بس بيتي
ـ فديت المتفهم
ـ يله بله لواگه فوتي المطبخ سويلي ريوك صحي مو مثل أمي تجييلي أربع بيضات بالدهن الحر وتعال أكل يومين الجالي موغف على معدتي نفسي مسدوده من الأكل .
ـ تدلل هسه أسويلك دخلت المطبخ ولكيتهن صباح الخير شلونج ماما
جواهر ـ هلا جنات هلا حبيبتي الحمدلله يله تعالي تريگي ويه أخوج سويتلكم شلون ريوك بيض بدهن الحر
جنات ـ بس ماما نائل يريد أكل صحي
جواهر ـ خل يطير هو والأكل الصحي مالته أمشي نائل تعال تريك أمي
نائل ـ جنات أني شحجيت شنو هذا الريوك
جواهر ـ أني سويته والأكل الصحي شيله من راسك أنت زلمه وهذا أكل زلم على گد افعالها يله أكعد أكل
نائل ـ لا أنتِ منتهين منج ناويه تجلطيني عمي عوفيني بحالي ، داخل جم وخابص نفسي وريوكي دهن حر ، أروح على بيت عمي أشرفلي .
جنات ـ صعد الغرفته وكعدت تتريك
جواهر ـ مدي أيدج لو هم مثل أخوج أكل صحي
ـ لا تريكت
ـ بالعافيه حبيبتي .
ـ گمت نزعت عبايتي وطلعت موبايلي لكيته مراسلني
ٕ ـ وينج مخفتيه ، صباح الخير
ـ موجوده أوكف هسه أجيت بيت جدي
ـ ها زين يعني نحجي أتصال
ـ اي
ـ خليها مراسله أحسن
ـ ليش مو جنت تريد أتصال
ً ـ جنت أريد وهسه عادي كاعد بالاستقبال وحدي بس على ساعه يهجمون جهال أختي وهوستهم كلشي ما أفتهم منج
ً ـ مشكلتك والله
ـ يله لاطنكرين علينا
ـ ضحكت ولبست سماعات وباوعت نائل ماكو اكيد راح ماكو أحد بس عماتي وحده تغسل البيت وحده تطبخ وماما جواهر دخلت غرفتها أتصلت عليه وجاوبني بس هوسه
ـ هلا هلا
ـ هلا بيك شلونك
ـ بخير دام سمعت هالصوت شنو هالهدوء اليمج الله ما تجين تأخذيني يمج لان راسي صار طبل من وره هاالمزعطه لعبوا بينا لعب
ـ كعدت بالصاله والسماعات بإذني واحجي وياه جاوبته خطيه جهال تحملهم وسمعت واحد منهم صاح بابا! وبثواني أنسحبت السماعات من أذني وفزيت نائل !.
نائل ـ شتسمعين أغاني من الصبح
جواهر ـ وشعليك بيها شو جيبها وأمشي على بيت عمك
نائل ـ يما منج هاي جنات عبالك بنت بطنج شدعوه على كيفج عيني ثكبتي .
جواهر ـ وشعندك لحد الأن ما رايح ابو الأكل الصحي
نائل ـ نسيت موبايلي ورجعت .
جنات ـ نقذتني ماما جواهر من سحبتها منه وشمرتها عليه ، أني هم ثوله شلون أمنت نائل راح المفروض اتاكد منه وأخذ موبايله وراح باوعت الشاشه الأتصال مقطوع وماما جواهر باوعتلي وأبتسمت ومشت الف الحمدلله يمه گلبي جان وگف لا لازم أنتبه منا وهيج
رجعت راسلته وينك
ـ منو هذا
ـ أخويه
ً ـ لا بربج خوما كشفج
ـ لا تلحكتني مرت أبويه وسحبت السماعه منه
ـ أنتبهي على نفسج حبيبي
ـ من وراك خبصتني الأ أتصال
ـ بس گتلج مراسله أنت لحيتي وگتلج يمي هوسه ما فاد وياج شسويلج
ـ اي فهمت صُدك على طاري الهوسه سمعت طفل يمك گال بابا!
ـ شوكت
ـ من جنت أحجي وياك
ـ هاا هذا أبن أختي صاح على أبوه
ـ مو على أساس كاعد لوحدك
ـ لا أجه كعد يمي
ـ ولحد الأن ما رايح لازم بايت يمكم
ـ أي بايت وشنو هاي اسئلتج
ـ لا هيج خاف تطلع متزوج وهذا أبنك گالك بابا!
ـ منو المتزوج ولج
ـ أنتَ
ـ من شوكت تزوجت بله شو بكيفج تحجين واذا متزوج خايف وما أكولج صارلنا شگد هسه يله كمتي تشگين
ـ مو أشك بس الأعرفه النسيب ما يبات والطفل من صاح بابا جان قريب منك صوته بإذني وبعدها سگت
ـ ليش النسيب ما يبات هههه خوش عندج سوالف
ـ ما أعرف عماد
ـ ما تعرفين شنو شبيج حبي
ـ ما بيه شيء
ـ هاي علمود عقلج ينظف وگلبج يطمئن أحلفلج والله ما متزوج وماكو وحده غيرج بگلبي .
ـ ما گتلك أحلف ترى مجرد اسئله
ـ مو أسئلتج أعرفها بالج مو صافي ناحيتي والله شلون سمعتي گال بابا هاي هي شيطان تربع بعقلج المتبن
ـ لا هاي هي سد الموضوع
ـ أنتِ فتحتي وما عندج ثقه بيه شكو نحجي
ـ شبيك مجرد سألت لاتسويها سالفه
ـ والله الما عنده ثقه بيه وبكلامي لايحجي وياي تشككين بيه متزوج وهذا أبنك ، جاهل كدامج اني
ـ عماد شبيك .
ـ من تصير عندج ثقه حاجيني
ـ صدك تحجي ما جاوبني وغلق الأنترنت هذا شبي اني هم ثوله شلون شگيت بي وأحنه صارلنا شگد نحجي وحجالي عن حياته مـا معقوله يحبني ويكذب عليه .
حذفت المحادثه وضجت ورحت لبست عبايتي وشافتني ماما جواهر .
جواهر ـ ها حبيبتي تروحين .
جنات ـ أي ماما
ـ ضلي على الغده تغدي بس أني وعماتج
ـ لا والله ما أكدر ماما گالت رجعي قبل الغده غير مره أتغدى يمكم
ـ ماشي حبيبتي براحتج بس جنات ماما أنتبهي على نفسج
ـ بشنو
ـ أنتبهي وخلص
ـ أن شاء الله گالت كلامها ومشت معقوله تكون شاگه بيه لو سامعتني مره احجي وياه لا اني حريصه بس اليوم صرت ثوله وجان رحت بين أيدين نائل .
رجعت البيت لقاء بالمطبخ تثرم سلطه خزرتني ورفعت السجين شهل الحركات لقاء والله أكول لابويه عليج
لقاء ـ شبعتي من بيت جدي
جنات ـ أي أصلاً ماكو أحد كلهم بيت جدي عبد العزيز وجديتي ما راجعه بس عماتي وماما
لقاء ـ الماما! شوفي لج كلمة ماما ما تنگال بس لأمي لا اكصلج لسانج وأخليج خوش تكولين ماما
ـ ترى أحتراماً الها أكول ماما
ـ تكدرين تگولين خاله أم الأحترامات أنهجم بيت الباميا أمشي غيري عبايتج لا أشنقح بيها وتعاي ساعديني نصب الغده يله
ـ وليال وين
ـ وشلعيج بيها تحرگي يله .
ـ عوذه شگد مكروه عفتها ودخلت غيرت ملابسي وليال كاعده ترسم الله شـنو هالجمال باعي الرسمه حلوة من أيدج بس لو راسمتني ما راسمه لقاء أحسن
ـ ليش
ـ لان صايره فد مكروه
ـ أنتِ تصرفاتج ما تعجب وهواي صايره تروحين بيت جدي ما نعرف شعندج .
ـ حتى لو عندي مو من حقجن تحاسبني هاي حياتي وأني ما متدخله بحياتجن صح كلامي
ـ صح كلامج بس تكدرين هنا تحجين اذا عندج شيء بس مال تروحين اهناك لا هاي واكفه .
ـ أذا أحجيلج ما تتفهميني أنتن بسرعه تنفعلن
ـ لعد لاتحجين بكيفج وروحه بيت جدي أنسيها بس لضروره بس وخفة الرجل بطليها فاهمه
ـ أي فهمت خليت موبايلي عالشحن راسلته ها حبي شافها وما رد شبيك ما تجاوب أنتظرته وما فتح رسالتي هذا شبي تحسس حقه اني گبل گتله متزوج وهذا أبنك وأكيد أنعدمت الثقه بينا لازم أحاول أصلح الغلط البدر مني تجاهه وزعل عليه ...
_______________
عصماء ـ ضليت مصدومه وشعور بهذيج اللحظه طغى على كل مشاعري ودمعت عيوني وبجيت من فرحتي راح أنجمع اني وياه على حب .
علي نجم ـ حبيبتي عصماء گلبي وينج
ـ وياك يعني صُدك تحجي
ـ أي قابل أكذب عليج وأني من يوم حبيتج أختاريتج زوجه ووعدتج هسه أجه الوكت أوفي بوعدي ألج وأجيبلج مشايه شيوخ ومشايخ وهلي وكل ناسي من البصره لديالى وألبسج حلقه حبيبة گلبي معصومتي .
ـ بجيت وهو حس بيه
ـ تبجين وأني موجود
ـ من الفرحه
ـ الله يدوم علينا الأفراح ويتمم على الخير
ـ أميين يارب .
ـ باجر أشوفج باجر البسج الحلقه يارب أهلج يوافقون يارب
ـ أن شاء الله ، يله لازم أروح
ـ تمام
ـ قطعت الأتصال ومسحت دموعي ودخلت عليه بيداء شافتني وتقربت گبل حضتني وبجيت بيداء راح يجي يخطبني راح يجي .
بيداء ـ حبيبتي الله مبروك تستاهلين كل الخير أنتِ طبيه والله ينطيج على كد نيتج وصفاء قلبج والله يتمم على خير .
ـ أمين يارب ، طلعت من يمها وأمي كاعده تمشط بشعرها كعدت يمها وصفنت بوجهي بخوف
غنيه ـ شبيج يمه عصماء عيونج حمر تبجين
عصماء ـ لا هيج ماكو شيء مسحت عيوني يمه أريد أحجي وياج بموضوع
ـ گولي بنيتي
ـ ما أعرف شگولج نزلت رأسي مستحيه وخجلانه منها
ـ لاتستحين أحجيلي أسمعج
ـ علي گالي باجر يجيب أهله ويجي يخطبني ضحكت وگبل سحبتني لحضنها وتبوس بيه
ـ مُبارك يمه مُبارك هلا بي هو وأهله والله يتمم على خير ، أنتِ بنيتي وأعرفج ومن يومج عاقله حتى من گلبج قرر يحب مثل أي بنيه بعمرج تحب وتنحب عرفتي تحافظين على نفسج وحبيتي رجال وزلمه يوفي بوعده الج وراح يجي يدك الباب .
ـ بستها من رأسها
ـ نتغده ونجهز نفسنا وننظف البيت نسوي حمله وأخذج وأروح السوك أجيبلج فستان تكشخين بي ونجيب ضيافه وبالليل أحاجي أبوج وأكوله أبن اخت ابو زينه وأكيد ما يعارض هو يعرف ابو زينه صارله عمر يودينا ويجيبنا والقسمه من تريد تصير لو بفاتحه لو بعرس لو بمناسبه لو من طرف عرف والله يكملها على خير .
ـ أن شاء الله ، وسمعنا صوت أبويه أجه ودخل علينا وخزرني ما اعرف على شنو عبرته ورحت صبيت الغده وكعدنا نتغده وبيداء كاعده بصفه وشوفتها كلادتها
بيداء ـ شوف يابه أسمي شگد حلوه
اسكندر ـ لان أنتِ حلوة وأني سميتج أكيد حلوه .
عصماء ـ باوعت للمحبس وأمي غمضت عيونها وأبتسمتلي وكملنا وأبويه دخل نام وأني وأمي نظفنا البنكات والحياطين وجوه المخاد غيرناهن والبردات ورتبنا الاستقبال للعصر طلع أبويه وباوع النا
اسكندر ـ شعدجن ما خليتنا انام بس أطركعن هسه وكت تنظيف عفيه نسوان ما تعرفن تكعدن عوذه
غنيه ـ هسه أنت رجال شعليك بينا
أسكندر ـ انجبي ولا تجاوبين .
عصماء ـ خله وطلع وأمي هزت رأسها بقهر ودخلت لبست عبايتها ها يمه وين تروحين .
غنيه ـ اجيبلج فستان تكشخين بي واجي
ـ لا يمه خاف أبويه يگوم يحجي يوميه طالعات لسوك
ـ وشعليه بي دافع من جيبه ، يله أني رايحه اذا أحتاجيتي شيء خابريني
ـ ماشي راحت ورجعت گملت شغلي وصليت العصر وكعدت خابرته وهوسه يمه علي وينك
ـ هلا حبيبتي بالبيت والله جاي أحجي أني وعمامي علمود باجر نجي ، وخابرت خالي ابو زينه
ـ ها زين
ـ شلونج شخبار المعنويات
ـ زينه شوي خايفه
ـ لاتخافين ماكو الأ خير وأبوج يوافق ان شاء الله
ـ أن شاء الله ضلينا نحجي شوي وراح وگمت فتحت المحل واسترزقت الحمدلله وأجتي أمي وشفت الفستان يخبل مال عواريس وجابتلي شحاطه تجنن وضيافه هم جايبه وكعدنا فرحانين اني وياها والليل كله ما غفتلي عين وبالي يم أمي گالت احجي ويه ابوج وتبلغه علمود يضل بالبيت ويبلغ جدي وعمي أبراهيم .
الفجر صليت ودعيت وضليت كاعده ما نمت صبح الصباح وطلعت وابويه يباوعلي بحقد ما كدرت أتحمل نظراته وراح بيت جدي واني ايدي على گلبي وما خلص الوقت الا نص عمري راح ومتت خوف ساعة وصلتني رساله منا .
علي نحم ـ وصلنا نص ساعه بالقليل أحنه يمكم .
عصماء ـ الحمدلله على سلامتكم .
ـ الله يسلمج ، جديتي وأمي وأخواتي ومرت أبويه هم ويانا .
ـ هلا بيك وبيهن ، عفت الموبايل لان أبويه يفتر ويباوع عليه وعلى أمي ويفر بسبحته جمد الدم بجسمي وشويه وطلع أبويه مستعجل .
غنيه ـ اجو كومي لبسي فستانج
عصماء ـ وأبويه
ـ شعليج بي گومي بسرعه صارلي ساعه من گتلج
ـ گمت لبسته ورتبت شگلي وأسمع صوت النسوان وأني بالغرفه كل جسمي يرجف وخايفه وصلتني رساله
ً ـ گلبي راح يطلع من صدري ويفلش الحايط البيني وبينج ويجيج بويا مشتـاق
ـ ايدي ترجف ودخلت عليه أمي ورجع دزلي
ـ ولج معصومه شو هذا أبوج وجه المجرم عبالك ذابح أهله كوه سلم علينا الله يستر .
غنيه ـ عوفي الموبايل وتعاي سلمي على النسوان بس يسألن عليجن خو جديته عينها عالباب وين معصومه وين معصومه .
عصماء ـ أي لبست شالي هذا هو شكلي
غنيه ـ تخبلين وين أكو بجمالج الله يوفقج .
ـ الله لايحرمني من دعواتج طلعت وياها وسلمت عليهن ويبوسن بيه من كل كلبهن عبالك علي موصيهن وأمه صافنه عليه وتمسح على شعري
أم علي ـ عمه هاي معصومه تبارك الرحمن .
الحجيه ـ تعاي گربي صوبي تعاي يمي يمه جنتنا الحلوه
عصماء ـ كعدت بصفها وتبوس بيه بيداء قدمت الضيافه وجديتي وعمتي شهلاء اجني ويحجون وأني بالي يمهم ومخليه أيدي على گلبي وشويه وصاحوا أمي واجتي منزله رأسها .
غنيه ـ حجيه دزوا عليكم يمشون .
الحجيه ـ چا غير نعقدلهم شنهي ما وافق رجلج
غنيه ـ أي والله حجيه
عصماء ـ گالتها ونزلت دمعتي وأمه كبل حضنتني وكامت تبجي
ام علي ـ والله علي الا يتخبل يتسودن علينا هو صارله أسبوع يتحضر الليل ما نامه فدوه ام عصماء قنعي حاولي وياه وشتردون احنه حاضرين وبنتكم بنتنا وبيتها لوحدها وأشيلها بعيوني بس لاتكسرون گلب أبني وتهضمونه .
غنيه ـ والله حجيه شطالع بيدي علواه عليه اكبعها وأنطيها الكم وأنتوا مبين عليكم ولد أصول ما يحتاج نسأل عليكم وأخوج ابو زينه ذهب صافي بس مو بيدي الأمر بيد أبوها .
عصماء ـ گامن وأمه تبوس بيه وحجيه ضاجت ما حجت دگت عوجبتها بالكاع وطلعت مزعوجه وطلعن وجديتي ما رضت وكامت تحجي
الحجيه ـ ليش ما أنطاها بنيه اجتها قسمتها خل تمشي يضل مجلب بيهن ما انطي هذا وما انطي لهذاك خل تمشي بقسمتها فشل الأوادم وجايين من مكان بعيد من جان أستحى على عمره اي والله .
عصماء ـ ودخل علينا أبويه مثل العاصفه ويحجي .
أسكندر ـ جايين مناك يردون مني مره أعرفكم تعرفوني أنطيكم مره كله منج أنتِ أمها ام الدكايك أنتِ وابو زينه جايبلي أبن أخته من انعل ابوك لأبو ابن أختك كواويد
الحجيه ـ عيب عليك احجي مثل الاوادم ليش كواويد شبيهم موزين اجو دگوا بابك انت منو يدك بابك وجهك وجه المجرم ، ناس مبينين خوش ناس وحموله وبنتك اجتها قسمتها تضل مجلب بيها .
اسكندر ـ يمه أنتِ لاتدخلين بنتي واني حر بيها عسى ما ازوجها لساقط وابن شارع محد اله دخل بيه وناس حموله شجابهم عليه اعرفهم يعرفوني ومخبل عاقل انطيها بالبصره والعالم ما يكولون شلون أجه الا اللهم أمه جابته .
الحجيه ـ الحجي ما منا فايده اروح احاجي ابوك وأخوك وخل يردون خبر الهم وخل البنيه خل تمشي بقسمتها لا اغضب عليك لا ابني ولا أعرفك فشلتنا كدام الناس الغربه الله يفشلك اي والله .
أسكندر ـ محد يتدخل ما داز على احد يحضر البنت بنتي وأني بكيفي ازوجها وما انطيها لو تطلع نخله براسهم وأنتِ سحبي نفسج وتردين تغضبين عليه غضبي هو بدون شيء الله مطيح حظي وكفت على غضبج خل يطيح حظي بالزايد .
عصماء ـ جديتي خلت ومشت هي وعمتي شهلاء وابويه ركع الباب وراها وما حسيته غير نزع الحزام واجاني جرني من شعري وكام يضرب بيه وامي تفازع وشالها ونومها وضربها وياي ويغلط ويفشر علينا .
أسكندر ـ والله من أنعل ابوجن لابو الحاويجن بيته ادبسززيه تكودن من وراي ولج غنيه تكودين لابنتج الساقطه عبالج اني غبي ماأعرف ما ادري أنتن جبتنا من البصره لديالى شجابه خيط احمر واجه الا محصل منجن الضوء الاخضر ولج أدبسزز من يومي ما مرتاحلج وگلبي ناكز منج وكلت هالبنت وراها سالفه تصخم بيها وجهي بالعرب لعد هسه كلها تحجي شجابهم من البصره لهنا ولج شجابهم فضحتيني أنتِ وامج فضحتيني الله ياخذجن تف عليج يا ساقطه الله يدري شمسويه من ظهري!!
عصماء ـ امي دفعته وعاطت بي بعلو صوتها تخبلت تريد تملخه وتأكله بسنونها ..
غنيه ـ وخر وخر الله ياخذ ويخلصنا منك وخر جعل ايدك الكسر ، أنت هم اب وتنحسب على الاباء أنت مجرم ولك هاي بنتك بنتك من دمك ولحمك تطعن بشرفها
أمشي اطلع برة أمشي اطلع .
أسكندر ـ وين اطلع البيت بيتي والبنت بنتي تردين تطلعين هذاك الدرب مليان جلاب روحي لاهلج خل يفلونج ويربونج من جديد ويعلومونج التربيه شلونها والأم شلون تكون أم أول مره أشوف أم تكود لبنتها وجايبتلها رجال ولج الأم قدوه ، تردين تمشين الباب مفتوح الج وراج سبع حجارات بس بناتي عندي .
ـ لو تموت ويطلعون جنازتك گدامي ما أعوف بناتي على أيدك ولك أني من مات الغالي ما عفتهن تريد هسه أعوفهن الك ، هو شضل بالعمر علمود هسه ماشيه لأهلي شو كظيته قهر وضيم وعازه اخذتني طفله وارجعلهم عجوز اخذت من عمري عمر على شنــو أرجع ، هو العمر خلص وهل باقي بي أعيشه لبناتي وأدرسهن وأزوجهن ولا تحلم تتحكم بوحده منهم وخاف عبالك طردته يجي غيره قسمتها ما وگفت الله بعالي سماه يباوعلي ويباوع على بناتي أني مظلومه وما راح ينساني بس أنت عقابك يم الله وين تروح منه كافي عليك سجاد طلع من البيت وهو مكتول على ايدك ومهضوم ومات وعبرته بصدره وهاي لحد الان تكرظ بکلبك گافي عليك عبرة سجاد عمت عيني عليه مات من ضيمه من قهره منك شال رأسه وأجته منيته
عصماء ـ جان يحجي وعصبي ومنفعل وتحجي وهو يغلط عليها بس من وصلت سجاد كهربته وعيونه نترست دموع وخله ومشه وأمي وكعت بالكاع سحبتني عليها وأثنينا نبجي على حظنا ضليت بحضنها بجيت الا طگيت وفحم گلبي وأنطفىء وصار رماد وكل الجروح تنسي الا جرح الأهل يضل بسمار يدك بالقلب ..
ضليت عايشه بهل الغرفه مثل السجينه بس دخلت السجن بتهمه باطله أبويه صار يشك بيه ومحاربني بنظراته وكلما يجي أنعزل بالغرفه واخذ مني مفاتيح المحل وبيومها سحب الموبايل مني وعلي ما أعرف أي شيء عنه ولا عن اليوم راجع مكسور وخايب الظن ...
غنيه ـ ميخالف يمه ميخالف شنسوي أبوجن ما نكدرله والي وزلمة البيت وامرنا مو بيدنا هو بس هاللسان ولحمه نكدر ندافع بي عن نفسنا بس يضل هو الوالي والأمر والناهي .
وأبن الناس الله يعوضه ويعوضج ويصبرج ادري بيج تحبينه ويحبج وحبكم نظيف بس هي هاي الدنيا والناس ولو ساقط وكواد وأبن شوراع وأبو نسوان وشراب عرك أبوج جان أنطه مره وما عارض لان نفس صفنه بس الأدمي وأبن عالم وأصول ماله مكان يمنا وحتى لو أبوج وافق والله يحاربج وتكرهين الجيه لبيت أهلج .
عصماء ـ ما حجيت بس دمعتي وعبرتي تعبر عن حالي خلت وطلعت مقهوره بيداء أريد موبايلج .
بيداء ـ هاج عيني
عصماء ـ أخذته وطلعت حسابه وراسلته شلونك
علي ـ موزين حيل موزين كسرلي گلبي أبوج
ـ وأني هم بس شطالع بيدي
ـ لاتنقهرين ما أعوفج والله وأرجع امشي عليج مره ومرتين وثلاثه وأربعه الا أن يمل ويوافق
ـ واذا ما وافق
ـ لا أن شاء الله يوافق ، بعدين أحاجيج يمنا خطار
ـ تمام ، راح ورجعت الموبايل لليل أجتي بيداء وكالت
بيداء ـ يمه علي داز رساله كاتب باجر أجي مره ثانيه
غنيه ـ عمت عيني عليه هالعلي شگول عليك اسكندر شيصير لو توافق وتجمعهم على مخده وحده بالحلال
عصماء ـ ما حجيت وأجه أبويه من برة وباوعلي بحقد عفته ودخلت الغرفه ووكت النومه اخذت موبايل بيداء
دزيتله رساله علي لاتجي
علي ـ ما أجي شــنو كل عقلج بابا والخقلج ما أبطل ولا أمل ولا يهدالي بال الا يوافق أني ما حبيتج وأعوفج بنص الطريق والله أبوج ما يوافق ، لا يوافق مره مرتين يوافق الله كريم
ـ علي صعبه والله
ـ لا مو صعبه يم الله ما يصعب شيء وگلت أمري لله ومستحيل أجوز منج مستحيل ، خليها أبالج أنت لعلي
ـ بجيت علي حبيتك من گل گلبي وبكل صلاة دعيت أكون الك وتكون الي بس الظاهر الله ما كاتب النا ننجمع
ـ لا كاتبلنا بس أبوج ميبس رأسه ولازم يلين ، الينه باجر أجيبله شيخ العشيره مالتنا ويتدلل عليه هو وبنته غير لو يوافق والله أسويلج عرس ما صار يالديره أشيل البصره شيل سبع ليالي عزايم ودك وطبل وأجسي سبع عوائل فقره ،صدقة ونذر بركبتي بس يوافق أبوج
الا اخلي ديالى تسولف بعرسنا بصراوي أخذله وحده من ديالى ..
ولج معصومه يا شحمة گلبي وين الله وأهل البيت وتصيرين قسمتي وأخليج بغرفتي شايفه النجم بالسما أبوسه نجمه نجمه بس رأسج يتوسد رأسي يا بعد كل نفس بريتي يا بعد عمر علي الما عاشه بس ساعة الشفتج بيها وسمعت صوتج وتولعت بيج وبحبج وأخلاقج وحشمتج وثكلج ورزانتج يا زينه النسوان هيج عندي بخت وطولج يفتر بغرفتي هيج عندي بخت وأنت حرمتي حرمة علي نجم .
ـ بجيت طگيت وحضنت الموبايل صعب وما عدنا بخت لا أني ولا أنت وطريقنا معروفه نهايته أثنينا نفترك وهالأحساس أجاني ومتقينه منه أني مو الك ..
ـ ليش ما تجاوبيني ليش ساكته أحجي أي شيء عسى ما دزيلي بس نقطه بس مهم منج شيء، معصومه گلشي ولاسكوتج أني أتعذب أحترك بنار من أشوفج ساكته وسگوتج هذا خبلني من يوم المشيه وأني محروم من صوتج تحرمنيني من كلماتج ليش
ـ ما ضل شيء نحجي بي
ـ لا ضل كلام ينحجي فاهمه ، وضلي وياي لاتعوفيني وتزيدنها عليه كافي عليه أبوج ورفضنه لا عبالج سهله ترى متجوي گلبي مفركس عليج وعلى صوتج جعل أذني ما تسمع صوت غير صوتج .
ـ شوكت تجي باجر
ـ الصبح هسه أبويه جاي يخابر عمومتي وبلغهم والله مستعدين يأخذوله الوزير بس ما يكسرون خاطري وخاطر علي نجم عزيز حيل عزيز بس ميخالف گلشي فدوه الج خاطري وأهلي وعشيرتي بس مهم تصيرين حلالي .
ـ الله كريم
ـ گوليلي كلمه طيبي بيها خاطري لاتبقين ساكته
ـ الله يتمم على خير
ـ أمين يله حبيبتي أبويه دز عليه
ـ أخذ راحتك ، راح ورجعت الموبايل لـ بيداء وكعدت تراسل بعدج تحجين ويه مالك
ـ لا
ـ لعد ويامن تحجين
ـ ويه صديقتي
ـ شطلعت معدل
ـ ٨٥ تريد تقدم معهد طبي تكول احسن قسم وسنتين وتتخرج .
ـ أي نفس كلام أمي هم تريد تقدملج معهد طبي
ـ الله كريم .
ـ الله كريم ، طلعت كعدت بالطرمه ارف على نفسي طگيت ودخل أبويه گبل رجعت الغرفه وما طلعت منها ضليت عايشه بقلق وخاف من باجر ...
وأجه الصبح وصلوا وكومة سيارات وكلهم عاليه سواها وجاب شيخ العشيره مالتهم وأبويه جان بالكاع عمي أستقبلهم بيته ودزوا على أبويه أجه وضليت افتر ما ادري شصار بيداء روحي بيت عمي شوفي شصار فدوه
بيداء ـ ماشي
عصماء ـ راحت واني وحدي ومرت بحدود الساعه ودخلت عليه أمي ها يمه هزت رأسها بقهر
غنيه ـ هم فشلهم الله يفشله وعمت عيني على علي حجه الا تمرمر وأبوج ميبس رأسه قسمه ما تريد تصير
أهلج كلهم وافقوا الا أبوج معند ورافض ..
عصماء ـ عرفت هاي تاليتها وكطعت نفسي منه الابد ماكو أمل بعد هاي هي أبويه قفل قفل نهائي بس مع ذلك علي ما أستسلم ومشة مره ثالثه وهم رفض والرابعه أجه وحده أهله مو وياه بس هو وخاله أبو زينه الظاهر كرامتهم مـا تسمح الهم وحقهم والله حقهم
ودخلت عليه أمي ونفس الشيء ماكو أمل ...
ودخل أبويه ويحجي بعصبيه وبصوت عود سمعي يا بنتي هم طردته ..
أسكندر ـ جايب خاله أبو زينه وجايني أبو صماخ أنت أهلك وياك وشيخ عشيرتك ما أنطيتك مره ترديني أنطيك بطرك روحك .
غنيه ـ شمدري خطيه عباله يگابل اوادم يقدرون
ـ أنجبي وسگتي لا أكوم أكسر حلكج أنتِ وبنتج هذيج رأس الفتيله هي تگوله تعال ولج عبالج أوافق لو تموتين وعلاجج على أيده ما أوافق مخبل عاقل أنطيج اله يكولون خذت صاحبها لو عبالج العالم غشمه ما تعرف بنتي الساقطه عاشكته وجابته مناك لهنا لو عبالجن أني غشيم تعبرن عليه سوالفجن .
ـ حسبي الله ونعم الوكيل بيك وبتفكيرك المو نظيف يعني كلمن يمشي ويدك الباب يكون ساقط وعنده سوالف موزينه موزين ما حبته وضحك عليها على أقل الولد اجاها من الباب وبالحلال وجابلها جاه وزلم معلگه وشيوخ وسياراتهم ترست العرب وكل نسوان يسولفن بمشيتها بس شسويلك رديتهم وكسرت خاطر الولد رايد نسبك وگالك شتريد اني حاضر ، بس أنت مو مال أوادم تقدرك .
عصماء ـ تقرب دفرها وبيداء منعته .
أسكندر ـ محد خرب البنات وسكطهن غيرج ومنا وهيج اني أتصرف واني أزوجهن وحلگج ما تفتحينه وتحجين حجايه زايده فوك حجايتي عسى ما ازوجها لجلب اجرب
ما الج شغل .
عصماء ـ خله وطلع وأني ضليت كاعده بالغرفه وبيداء جابتلي موبايلها .
بيداء ـ علي دازلج رساله!
ـ وصلتني منا أخر رساله وكانت الأنطفاء الأخير لحُبنا .
علي نجم ـ خطية حُبنا برگبة أبوج هيج رجال كلمته ما تصير أثنين ما شفت المجرم هم گلبه يرف الا هو سدها بوجهي ورجعت لأهلي ذال ركبتي بعد ما عاندتهم بالمره الرابعه أجيبج وياي ورجعت وأيدي فارغه من أيدج بس گلبي شسويله حتى ما بيه أكتب وتمينت أحجي وياج أتصال علمود أشبع من صوتج گبل لا أنحرم منه بس غصه بصدري تذبح أبوج وكلمن وكف بطريقي وحرمني منج لو حلال جان أخذتج وانهزمت بيج بس حرام ولا شرع ولا العرف ولا العادات والتقاليد تگول خالفوا وأستشرعوا وتزوجوا بالسر وبدون موافقه الأهل .
لهنأ وأكولها وريتني أخرس وما أحجيها وأنتِ أفهميها
أني لهنا وخلصت أنتهيت أهلج كسرولي گلبي ...
ـ الله يعوضك بوحده تسد مكاني وتجبر كسرك وجرحك وتنسيك ، أنت طيب ونيتك صافيه وعلى نياتكم ترزقون دير بالك على نفسك مو لخاطر أحد على أقل لخاطري .
... مع السلامه
" وأنتهينا وأنتهت قصة حب علي نجم وعصماء "
_____________________________________
بيداء ـ ـ الأيام المرت حيل صعبات ما أكدر أكول نسيته بس تعايشيت على غيابه لأن أحسه هو الوحيد الحبني وصدق بحبه وياي خاصه بعد ما كمت أشك بمهيب هواي يبررلي وينطي أعذار حتى بدون ما أطلب منه عكس مالك گلشي جان مناسبني بس أني الما عرفت نفسي شـنو أريد وهو مشى ورى كلام الماما وتركني
فترة ما طلعت النتائج أني كظيتها بالبيت وأجتي سالفة عصماء خطيه والمشاكل الصارت بسبب أبويه وردود فعله وعدم تفهمه وعصبيته خلتنا ننعزل بزاويه حتى المحل عزلته خطيه لان منع گلشي عنها وحاربها بنظراته وعصبيته وهي أبداً ما تحجي عاشت صدمتها لوحدها وواجهت ظروفها بنفسها ، أحنه أثنينا وحيدات ماكو قرابه روحيه بينا مثل كل الأخوات بعيدات عن بعض كل البعد ...
كاعده بالغرفه وسمعت صوت رفل بالحوش خير هاي شجابها كمت طلعت أشوفها هلاو رفل شلونج .
رفل ـ هلاو بيداء الحمدلله تمام أجيتج ميساء اليوم حنتها ما تروحين وياي علمود البنات يمر يأخذنا وأمي ما تقبل أروح وحدي كلت اسألج تروحين
بيداء ـ ياا راح تتزوج مو گالت الا تكمل دراستها
ـ أجتها خوش قسمه والولد أهله متمكنين وبيتها لوحدها وتعهدوا الها تكمل دراستها بعد على شنو ما تزوج وأول تالي تتزوج .
ـ والله ما أدري يمه شتگولين أروح .
غنيه ـ روحي شگو بيها مو صديقتجن بس لاتطولن
رفل ـ أي خاله صديقتنا وكلنا مجموعين نروح لعد العصر نمرلج .
بيداء ـ ماشي أنتظرجن راحت يمه شلبس
غنيه ـ لبسي هالعندج كومه عندج ملابس شمدريني شتلبسين
ـ خل أشوف ملابسي نسقت لبسه وتجهزت وأجني البنات مأجرات تكسي وتشاركنا الكروه وتذكرته شلون جان يوصلنا لما وصلنا بيت أهل ميساء وباركنا الها وشاركناها فرحتها وركصنا وكعدنا نأخذ صور وكالت
ميساء ـ يوم الج ان شاءالله ونفرح بيج .
بيداء ـ تسلمين أشكرج ، وحده من البنات الجانت ويانا بالدوره ضحكت وگالت
ـ يمعوده وين هو مالك وخطب وراح يتزوج! .
رفل ـ خطب شوگت
ـ صار فتره من خطب وكالوا هالأيام يتزوج .
مالك ـ عبالك أنضربت بشيء على رأسي گبل نزلت دموعي ما كدرت أضل شلت جنطتي وطلعت أبجي واجتي وراي رفل عوفيني
رفل ـ خيولي عاد هو من الأوادم أمشي رجعي يم البنات ليش تجيبين العين عليج
ـ على أساس ما يعرفن ما تسكتين لخاطر الله امشي روحي يمهن وعوفيني بحالي
ـ براحتج
ـ راحت وبجيت من كل كلبي يا حقير يا نذل يا مالك سويتها وخطبت غيري مو جنت تكول ما تحلالي مره غيرج يا كذاب يا خاين الله ياخذك انت وياها كواويد كلكم خونه وحقراء ، أمشي بالفرع ومقهوره وأبجي وأجاني
صوته .
مالك ـ بيداء
بيداء ـ أنداريت نزل من سسيارته الحديثه أخر موديل وكاشخ ومحلق ووجهه مورد صفنت على كل تفصيل بي تقدمت وجاوبته بعصبيه خير شتريد من بيداء شخليت بيها علمود جايها وتصيح بإسمها بيداء ماتت أنساها وأمشي روح منا
ـ ماتت عندج بس ماتت عندي بعدها محفوره بگلبي وبعدني أحبها وبعدها العزيزه والغاليه بعدها مثل ما هي بس لو ما شوهت صورتها بعقلي جان هي هسه بمكان خطيبتي .
ـ عليمن تضحك أنت! تضحك على نفسك لو تضحك على عقلي مثل ما ضحكت عليه بزمانك وأكلت برأسي حلاوه وصرتوا أنت وأمك عليه تبيعون شريفات ومثاليات برأسي وصرت اني الساقطه وانتوا الشرفاء
ـ أنجبي واحجي عدل لا أكسر حلكج بالقندره شوفي لج لحد الأن محترمج وما متجاوز حدودي وياج لهذا أحترمي نفسج ومن تحجين لاتشملين أمي بكلامج لان مشكلتج وياي مو وياها ومن حجت حجت لصالحج أمي بعمرها ما ضرت أحد فه ديري بالج تشملينها بالكلام
ـ لا والله خوفتني گمت أرجف اوي يمه يا حدود تحجي عنها ليش أنت بقيت بيها حدود دسكت أبو الشرفيات
ـ وأشرف منج لج أدبسزز أنتِ ليش هيج صايره وحده حيوان وما تحترمين ، جاي احاجيج مو أعاركج
ـ أني من يوم يومي هيج وأنت حبيتني هيج شتغير هسه تبدلت لا تغيرت لا اني اني ، وبعدين على شنو جاي نحجي ليش ضل شي نحجي بس مو خطبت وراح تزوج أمشي ولي على خطيبتك ولا تشوفني خلقتك لا من بعيد ولا من قريب أكرهك فاهم أكرهك
ـ خل نحجي وبعدها أولي على أقل لخاطر الأيام البينا
ـ لك يا أيام تحجي عنها ليش بقيت ذكرى حلوه بينا
مو أنت نفسك الجنت تكول عني رخيصه ولك كلامك يدك بگلبي مثل البسامير وهسه بعد ما خطبت جايني وتكولي بعدج عزيزه وغاليه البسك وانعل أبو گلبي اليباوع شكولك الزفره .
ـ مو أكسر خشمج هسه واخليهن يسونچ وصله مسح لحذائي
ـ دسكت لك تفله قليله بوجهك عفته مشيت وگلبي محترك كلما اشوفه تعيد ذكرياتي أهات وجع مال سنين ضيعتها على هيج أنسان يلتفت عليه بس مو نفس ذاكه الگلبه وأيده ترجف من يلزمني أستغفر الله اني وين وهو وين راح يتزوج واني اكمل دراستي ...
وگفت بعد مسافه وخابرت رفل كالت رجعي الحفله بأولها رجعت أتمشى وهو مر من يمي باوعلي بحقد وصديت وجهي عنه الله ياخذك يا نذل .
رجعت كملت الحفله وياهن بس بگلبي نار مشتعله ويباوعلي بشماته اني شجاني وأجيت جنت كاعده وساكته بس اجيت شبعت قهر ولساني فلت عليه لو ضاله كاعده ومحترمه نفسي مو احسن لي شگول عليج رفل ساعه اجيتي وأخذتيني وياج .
أريد اشلعهن ونمشي عاد لزگن بطلعان الروح يله رجعنا البيت وبطريق وصلتني رساله من عصماء
عصماء ـ رجعي البيت صخام الصخمج على هالسالفه
بيداء ـ أتصلت عليها ما جاوبتني خوفتني وصلنا
ودخلت للحوش أمي وأبويه حاطين القرويله وينفضون حب العين شمس حاجتني أمي
غنيه ـ أبن عمتج يريدج واكطعي نفسج تكملين كليه
بيداء ـ صدمتني صدمه عمري واني الي تاريخ أسود ويه غيره ، ما جاوبتها رجع أبويه گال .
أسكندر ـ بكيفج تزوجين وتنطين نسوان ومنو گالج انطي مره لكهلان وأبنه .
غنيه ـ ليش شبي هذا هم غريب وما تنطي وتخاف من العيب على أقل أبن عمتها ويريدها وهاله من زمان حاجتني عليها بس گتلها خل تكمل السادس وهسه كملت .
ـ وشنو لعد ما تكمل كليتها
ـ الولد ما يريدها تدرس بعد تصير مرته وبكيفه واني هم تعبت مالي حيل أوصلها عاد شحصل منها على أقل ازوجها وخل تنستر بيت زوجها أول تالي تتزوج .
ـ عفتهم يحجون ودخلت البيت أدور على عصماء لكيتها تغسل ملابس عصماء شگو شـنو أمي تكولي ازوجج لأبن عمتج وما تكملين كليه ، عفتها کلشي ما بيها منين طلعتي بسالفه الزواج لأبن عمتي شصاير وراي.
ً ـ هو أتزوجي وأنستري أحسن ألج!
ـ شــنو إتزوج وأنستر شقصدج
ـ مالك خابرني وأمي سمعت وعرفت گلشي
يتبع ...رواية بنات الحجي سعيد
الحلقه التاسعه ( ٩ ) ♡ .
_________________
ليال ـ باوعت لقاء أشرتلها وعافت الموبايل
هيفاء ـ وين لگيتها ومنين وبنت مـنو؟
سعيد ـ بنت ام سجاد اللي أبنج فتن عليها غنيه بنت مسعود زوجه أسكندر ما تذكرينها .
هيفاء ـ لا والله ما أذكرها يعني گرابه
سعيد ـ اي كرابه من بعيد وهي خوش مره وجانت تجينا گبل بس أختفت واليوم أجتي هي بنتها شلون بنيه ليره عبالك علويه وعجبتني الله يستر عليها .
ـ الله يستر عليها بس بالأول نشوف أبنك خوما گبل وسألت عليها خاف متزوجه مخطوبه أرمله مطلقه .
ـ لا بنيه والأرمله والمطلقه أبنج يخرب عليهن تعلميني بي بس گتلج علمود لادورين اله مره لكيتها وخلص
ـ غير تتأكد بالاول يا سعيد ونحجي وياه وأخاف ما يوافق وهم بعد جرحه من علا ما لحك يطيب انطي مجال نلحك نزوجه ونفرح بي .
ـ لا نزوجه هسه أحسن ما يضل گلبه معلك بهذيج بلكي ينساها ،وأني ما أحجي وياه بس أحجي نتعارك ويهوس علينا أنتِ أمه وحاجي على كيفج لما اسأل عليهم ونرتب الوضع شوف شلون ترهم بس بالأول حاجي ورديلي
خبر .
ـ خير أن شاء الله .
ـ يله أني أروح
ـ وين رايح ، ليش ما تبقى .
ـ أمي تعبانه أروح أشوفها .
ليال ـ راح أبويه وأمي ضاجت بس ما بينت ألنا گامت راحت الغرفتها واني شلت الاستكانات غسلتهن ورجعت الغرفه لكيتهن يحجن بموضوع باسل
جنات ـ الله يعين التتزوج باسل
لقاء ـ ليش شبي باسل الف وحده تتمناه .
جنات ـ لا أقصد كُلنا نعرف باسل يحب عُلا ويموت عليها وقافل على موضوع الزواج من وراها يعني صعبه بعده ما ناسيها يزوجونه وحده لا شايفها لا حاجي وياها فقط على شوفة ومعرفة الأهل يعني زواج تقليدي .
لقاء ـ كلمن وقسمته بعد وشبي الزواج التقليدي شو حجايتج مو عدله لازم عاجبج الحبجيات تعالي جنات احجيلي شعندج شضامه علينا شو ما مرتاحتلج!
جنات ـ شعندي قابل هيج حجيت حجاية الا عندي شيء
ليال ـ لا تتعاركن هسه عوفنا صُدك لقاء اسألج عن عُلا شخبارج عنها أنتِ صديقه باسل المقربه عايفها لو لا .
ـ لا ما عايفها
ـ ليش مو گالوا تتزوج أبن عمها
ـ زواجيش يمعوده! هذن گلاوات أهلج ضحكوا بيها على باسل أصلاً ما عافها ولا يوم وأكبر دليل بس گمل الغده عيونه بموبايله وطفر لغرفته! .
جنات ـ لعد شلون أبويه يريد يزوجه وهو يحب عُلا
لقاء ـ أبوج بعد يصلح الخطأ بخطأ أكبر منه ويمكن يكون صح شمدرينا يجوز يحبها وينسى عُلا الله وأعلم ومرات قرارات الأهل تكون هي الصح لان عدهم بعد نظر ومارين بتجارب وأمور أكثر من عدنا
جنات ـ الله يستر اذا فتحوا الموضوع وياه
لقاء ـ هي تخبط وتاليتها تصفى الله كريم يله ادعبلن راح أنام وجنات لاتضلين بس عينج بهل الموبايل نامي
جنات ـ وأنت وصي عليه والله خوش شو اني ما أحاسبجن من لازمات موبايلاتجن.
ليال ـ عفتهن متلاغيات وعزلت نفسي عنهن بزاويه وخطر على بالي يا ترى هم يحب ويتزوج وأخطر على باله
أنتهينا من زمان وضلت فقط الذكريات المؤلمه والحزينه
العصريات كاعدين نسوي عصرونيه أني وأخواتي وأمي وباسل يحجون وما حسينا غير باسل كام يصيح بعصبيه
باسل ـ زواج ما أتزوج وحجايه وحجيتها قبل زواج من أتزوج لو عُلا لو تنسون باسل يجيبلكم جنه لهذا البيت واذا تلحون بهذا الموضوع قسم بالله أشيل راسي واهج منكم .
هيفاء ـ ولك يمه تضل هيج
ـ أي أضل هيج كافي عاد كفرتوني جفصتوا على گلبي وسگتت وحجيتوا عليها وطعنتوا بشرفها وسگتت وگلتوا مًا تتزوجها والله شُنو مطلقه وأنت أعزب وما توالمك ومو من مستوالنا والعالم شتكول وشتحجي وبلعت موس وسگتت بس مـال تعال أتزوج بعد كل هذا وأسكت لااااا هنا حدكم .
ـ يمه من صالحك وهذا عمرك وشبابك الله يحاسبك عليه وتضل عايش هيج ما تريد مره بحياتك ما تريد طفل يصيحلك بابا وتصير ابو فلان
ـ لا مـا أريد گافي رحمه لدين محمد گافي كرهتوني بعيشتي ما حبيت مطلقه الا عبالك كافر وحب يهوديه حاربتوني وياها أشكال الكلام والسب والطعن حجيتوا عليها كدامي بس لان مطلقه لان رجلها عار ابن عار ما عرف قيمتها وعاشت بالقندره علمود تعيش وما كدرت طگت ومن طگت تطلقت ومن رادت تعيش حياتها وحبيتها اجيتوا أنتوا حاربتوها وحاربتونا بحبنا كفرتونا بالأسـلام .
ـ أبني ما الك قسمه وياها هذا قدر ومكتوب هذا قدرك وأرضى بي وهي عوفها خل تشوف حياتها ويه غيرك تضل مجلب بيها وأنت عايف عمرك وشبابك من دون مره ، ولك أبني الزواج نص الدين الزواج أستقرار وأبوك علمودك يريد يزوجك گلشي يسوي لصالحك
ـ الزواج نص الدين على عيني ورأسي على عيني وراسي بس الزواج بموافقه مو أجباري مثل ما جبر ليال على ليث لايجبرني على وحده ثانيه وبعدين اني جاهل بكيفه يدورلي مره وتعال باسل وافق عليها وتزوجها وين عايشين أحنه بيا عصر جواري قصر السلطان سليمان والبنيه اللي لأكيها وتعال تزوجها تدري أني أحبها غيرها تدري بگلبي شبي تدري بيه متعلعل من وراكم .
ـ أبني أستغفر ربك
ـ أستغفر الله وأتوب اليه
ـ أبني ، ماما حبيبي گلشي من أختيار رب العالمين توكل على الله والزواج مو أجباري وهو صح أبوك لاگيها الك بس أكيد تشوفها بالأول خوما نزوجك گبل وأبوك هسه بس مجرد گالي گوليله بعدنا گلشي مل مسوين لا سألين على أهل بنيه ولا منطينهم خبر ، الا أنت توافق وكلشي يصير برضاك .
ليال ـ كعد لزم رأسه وأيديه يرجفون من كثر ما عصب أمي أنطته ماي شرب وحضنته وتبوس بي .
باسل ـ ما تفهموني .
هيفاء ـ لا فاهمينك وهذا هو نخليك على راحتك فكر شگد ما تريد وأبوك ما عليك منه أني أحاجي وأفهمه والبنيه مو هي غيرها الف وحده تتمناك شوف شضاملك ..
ليال ـ ما جاوب شال موبايله وطلع وأمي مقهوره عليه كعدنا يمها فرشنا سفره ما أكلت ويانا بس تفكر أتصلت عليه أبويه شويه وأجه وحجتله وصفك أيديه وكعد .
سعيد ـ وتالي والعمل ويه هالولد يضل شالع گلبي يضل أعوج ومخربط شصارت هالعُلا الله خلقها ما خلق غيرها .
هيفاء ـ شنسويله خوما أجباري وأنت لاتلح عليه عوفه هسه خل يفكر انطي وكت بلكي الله يهدي .
ـ شيفكر ليش هو عنده عقل علمود فكر صارله سنين ما فكر ، هو صارت مشكله وانخبصت الدنيا وابن عمه نصاب وكعدة زلم وشيوخ وعمك خالك وروح وتعال والأفندي ما فكر وعافها تردين هسه يفكر وانطي وگت
ـ شنسويله يريدها وقافل عليها ، تضربه بهذا العمر وهو زلمه تعاقبه ما يفيد وياه
ـ لا يبوي شسويله خلي هاي هي ما يتزوج طبه مرض ازوج نائل وأفرح بي وهو خلي هيج لازملي هالموبايل من طاح حظه عبالي أدمي بس طلع انكس الاوادم
ليال ـ أمي ما حجت وأبويه ضاج تالي كام وگال
سعيد ـ يله اني رايح أشوف عمي عبدالعزيز متخربط ووضعه تعبان وأنتِ هم لبسي عبايتي وتعالي ويانا .
هيفاء ـ اي روح هسه أجي وراك بس والبنات
شكرا لزيارتكم عالم روايات سكيرهوم
