رواية زواج إنقاذ الفصل التاسع بقلم جمانه السعيدي
جان الفاصل بيني وبينه بليلته حايط واحد وكومة مشاعر مضاربه بيه صح وبيه خطء
اني كاعد اللوم نفسي على الي صار مع اني ماسويت شي غلط
هي زوجتي وحلالي بس كان لازم انطيها وكت اكثر
اريدها تحبني مثل ما اني احبها
بعدين اذا ماقبلت تروح وياي شلون
اخابر الوالد واعتذر منه باجر ثنيين انتضرها اليوم الاربعاء اذا غيرت رائيها
وماتقبل تروح وياي للناصريه اني هم ما اروح اخابر الوالد
وشوفلي عذر
خاف تكرهني بعد الي صار
شسوي المشاعري وقلبي الي يفز مثل الطفل من يشوفها
يارب لاتحرمني منها
اما الجهه الثانيه من الحايط كانت شمس كاعده
ومامصدكه الي صار
بس ماضايجه من ياس
حست رب العالمين دزه الها بلوقت المناسب حتى تميز الصح من الغلط
بس اكو حزن داخله والم فضيع خيانة صديقته وحبيبه
كلشي متوقعه بس ماهر يخطب سماهر
ابد ماجانت ابالي
حاسه بلخذلان وخيبة الامل
جمانه السعيدي
ياس الصبح كعدت قبلها غسلت وبدلت وطلعت عدي كم شغله خلصتهم ومريت على جماعتي
واحد من اصدقائي عزمني على سمج
صحيح افتر واسولف واضحك واكل
بس بالي يمها
افكر هسه كعدت اتريكت البارحه بقت بلا عشى
ايجوز مريضه اني ليش عفته
خاف ارجع وماتحجي وياي
بقيت برا البيت الاذان المغرب ورجعت
عندي مفتاح فتحت الباب ودخلت
دخلت للاستقبال طلعت اتراكي وبدلت بعدين توضيت بلمغسله البرا
وكعدت اصلي ودعيت ربي
يارب هاي المخلوقه اني حبيته من كل كلبي
يارب اجعلها من نصيبي
فتحت اللاب توب وبديت اصفح
سمعت صوت حركته بلمطبخ
ولله مشتاق الها من البارحه ماشايفه
فتحت باب الاستقبال على كيف
ردت بس اشوفه
طلعت من غرفتها ودخلت للمطبخ
فاتت للثلاجه وفتحته شكلها تعبان طلعت مي شربت
وطلعت تفاحه ورجعت سدت الثلاجه
وكعدت على ميز الطعام تكطع بلتفاحه بملل وتخلي شويه شويه بحلكها على كيف
اتحسرت عليه وضجت
بعدين طلعت من المطبخ و رجعت الغرفته
ياس فتحت التلفزيون شويه
وخابرت اهلي بعدين خابرت ام شمس اطمنت على عمي
اخذت ملابسي ورحت سبحت
رجعت تمددت اريد انام مع انو بعد وكت
بس من الملل
بليلتها بصعوبه نمت من التفكيرررر
الصبح كعدت وبقيت منتضرها تكعد لازم احجي وياها
بعد ما اتحمل هذا السكوت
سمعت باب غرفته انفتح كمت اريد احجي وياها
مالكيته داخله للحمام تسبح
رجعت للاستقبال منتضره تخلص واحجي وياها
جمانه السعيدي
سمعته طلعت من الحمام ودخلت غرفته وشغلت الشسوار تجفف شعرها
اني كاعد احضر بلكلام الي راح اكوله
وميت فكره اجت ابالي
هسه تكول طلكني
لا هسه تتعارك وياي وترزلني
يمكن راح تكول لاتجي بلنهار ممنوع تعال بس بليل بات هنا ومن الصبح اطلع ما اريد اشوف وجهك
ياربي شني هذا الامتحان ضجت اتوترت
شويه ومآ احسها اله دخلت عليه وعطرها ترس المكان
رفعت راسي كالت صباح الخير
...صباح النور
...ممكن تساعدني
...اكيد
....الفرجه واني اشسور التفت على شعري ومااكدر اخلص شعري منها ممكن تساعدني
...هزيت راسي اي اي اي
اجت كعدت يم رجليه وصار راسها وشعرها بحضني
وبديت اسحب شعرها على كيف واخلصه من الفرجه
اول سحبه جانت قويه صاحت اخ يمعود على كيف
...اسف اول مره اسوي هيج شغله اعذريني
. شمس ..اني دائما اشسور بس ما اعرف هلمره ليش صار هيج
يمكن شعري طولان
. ياس ..شمس
..نعم
...انتي زعلانه مني
....اكيد لا ليش الزعل
...لو تدرين شكد احبج
حاولت تغير الموضوع
يمته نطلع للناصريه
...باجر انشاء الله الصبح بلتسعه نطلع لان عكبه المهر
...انشاء الله
كملت شعرها بقت خصله وحدا سحبته على كيف
من خلصت
هي وكفت واني
طلعت الطوك الي اشتريته الها وخليته بشعرها
...هاي شنووو
...هذا طوك جبتله اللج
...خل اروح اشوفه على المرايه كامت راحت للمرايه الي بلمطبخ واني واكف وراها
التفتت الله يخبل عاش ذوقك
جمانه السعيدي
...بعد اريد احجي وياج بموضوع
. شمس ..اذا شغلت اول البارحه ما اريد احجي بيها
...لا على سفرتنا للناصريه
اهلى مايعرفون بموضوع زواجنه بس الوالد يدري
وما اريدج تحجين بهذا الموضوع كدامهم
....اكيد
...وشغله ثانيه لاتكولين احنا عايشين سوا كولي جيرانه مره جبيره تبات يمي وياس يجي كل يومين اتلاثه
يطمن عليه ويسوكلي ويروح
شمس اوكي موافقه خل احضر الريوك حتى نتريك سويه
كملنا ريوك هي بقت تنضف واني رحت اجيب كم غرض من الشقه اخذهم وياي
رجعت لكيته محضره الغدا
تكة دجاج ومقبلا ت
بس هلمره حيل طيبه تغدينا وكملنا
بدت تغسل مواعين واني اجيته من ورا وبست جتفه
وكتله عاشت ايدج كلوش طيب
التفتت وبتسمت وكالت الف عافيه
العصر اني رحت للحلاق وهي راحت للصالون
وتفقنا من اخلص امر عليه اخذها وياي
خلصت وتصلت عليه كالت منتضرتك
وصلت وهي طلعت من الصالون
بس طالعه فد شي مغيره لون شعرها ومنضفه بشرته ومعدله حواجبها
...هاااا شلوني
....يبووووي على ياس وايامه انتي تردين تموتيني
...اسم الله ليش
...باجر يمكن ارتكب جريمه بلناصريه
ولج كلها اضل اتباوع عليج
...لاتبالغ مو الهدرجه
....اكثر ابد ماشايف شمسين يطلعن بلنهار
ابتسمت وبعدين كامت تحشش
. شمس ..اي مطربنا المخضرم ياس خضر اذكرلنا اعز اغنيه على كلبك
واني كمت اغني
اعزاز عدنا اعزاز اعزاز ولله وعزاز
...يمعود اسكت لميت العالم علينه
...لا اشو اله اغني واطلع كل مواهبي الدفينه
...بلبيت غني على كيفك بس انسد كل الابواب والشبابيك
...شنو قصدج صوتي مو حلووووو
...لايمعود يخبل صوتك شوف حتى العصافير شردت منه
...زين اسمعي اغنيه ثانيه يجوز تغيرين رائيج
...لاشكرا السمعته كافي
...تايبين وللمحبه ماترجعنا السنيين
بقينا نضحك منا لمن وصلنا للبيت
شمس ما اعرف ليش احس
براحه نفسيه مو طبيعيه من اكون ويا ياس
بليل حضرنا ملابسنا
وكلساع يوصيني ما اريد ملابس ضيكه
ولا تراكات والحجاب ماينزل من راسج
...ياس يمكن راح ابطل بس كلامك يخنكني
...بس الله يستر ولله اخاف عليج من عيونهم
...لاتخاف مايصير عليه شي
....كملي وتعاي اشوفج صورهم حتى تتعرفين عليهم بسرعه
اجت كعدت قريبه عليه واني ادنى عليه
وعطرها اخذني الغير عالم
ااشررلها على الصور وهي مندمجه واني ودي ألبوم الصور ما يخلص
لان هي حيل كاعده قريبه علي
احبها ومآ تكدر استغني عنها ابد
شكرا لزيارتكم عالم روايات سكيرهوم
