رواية حطام امراءه كامله جميع الفصول بقلم جمانه السعيدي
اني فاتن مواليد ٩٢ شكلي كلش حلو ونازك
( فاتن هواي تشبه هاي البنيه بالصوره )
طوالي ١٦٣ بشرتي بيضه بس موكلش بيضه بس حلوه
عيوني حلوات حواجبي حلوات
شكلي مميز ومرتب
احنا ٣ ولد و٣ بنات تسلسلنا ولد وبنيه ولد وبنيه ولد
واني ازغر وحده
امي أطيب كلب بلدنيا كلش فقيره
وتصدك كلشي وتخاف من ابوي حيل
لذالك علمتنا على الخوووف
انفذ كل الاوامر بدون نقاش
ابوي اذا دخل للبيت يعني دك جرس الانذار
بعمرنا ما اكلنا ويه بابا بصينيه وحده لو بمكان واحد
دائما امي توكلنا قبل لايجي
ودخلنا للغرفه وتسد علينا الباب
حتى بابا من يجي ياكل براحته ومحد يزعجه
تعلمنا من احنا زغار على الطاعه العميه
جمانه السعيدي
ابوي جدا عصبي وما يحب البنات ابد
يعني اختي الجبيره بس اجته قسمه راسا وافق
بدون ما يسئل
او يستفسر راسا وافق
خطيبه ولد ميكانبكي وأمور تعبانه حيل
والثانيه خطبوها جيرانه ولد الله يستر منه
ولد ما يحس بلمسؤليه
وامه مسيطره على البيت
وكلما تجي زعلانه بابا يفشله ويرجعها
بنفس اللحضه
الحد ما استقوو عليه وحتى ضرب يضربوه
تخيلو من يجين زياره بابا يكلب وجه
اذا حجت يكول اس دخت
لو يكووول ما ترجعن البيوتجن البيت هوسه
لو يسمعهن حجي
المسواك جاي يخلص بسرعه
شكد تاكلون
لمن بطلن يجن اله كل كم شهر ومن يجن راسا يرجعن
كمنا نتحسر على شوفتهن
واحنا ممنوع نعترض على هاي المعامله
لازم نسكت وما ناقش ابد
اني شكد خادمتهم هو واخواني واركض ركض وشكد يحجون عليه
اذا دخلو للبيت هو واخواني بعد مستحيل اكعد بلكاع
ماي جاي ملابسي جيبي الشحاطه هذا ما ماكل سوي اكل
هذا جوعان هذا تعبان
اضل اركض مثل الناعور
وياريت يغزر بيهم
جمانه السعيدي
بابا كل فتره وكال عوفي المدرسه شسيوين بيه شنو راح تصيربن مثلا
بلكوه وصلت صف ثالث متوسط ومن نجحت كال هذا حدي وبس تعليم
شكد انقهرت بيومها على المدرسه
حرامات راح ابطل ولله جنت متونسه بالمدرسه حيل
واكثر شي ضوجني صديقة عمري امل انتقلو الغير منطقه
وصارت شويه بعيده عليه
صديقة الطفوله والمدرسة
كلش احبه انسانه طيبه وحنينه
كلما تجي وحده تخطبني اني اسد الموضوع
ولله وين التعبان جايني
ما اريد ازوج مثل زواجات خواتي
بلكت الله ويقسملي زواجه زينه
ابوي رغم اني شكد خادمته واركض ركض
كلما يشوفني يكووول
ضليتي على كلبي رغم عمري ١٧ سنه
اكلج ام علي هاي بنتج ليش الهسه كاعده على كلبي
الي بكدها عدها اثنيين وتلاثه
ام علي بعدها زغيره
...شنو زغيره مو اخواتها ازغر منه وزوجن
وبيوم تفاجئت بابا جايبلي عريس
ابن صديقه
يعني كبل كال حضري نفسج للعرس
لا شفت الولد ولا اعرف اسمه ولا شنو يشتغل
وامي هم تخاف تسئله
اجت علينا المشيه بس على كد الزلم
ماكو نسوان
ومناك وطلعو
ابوي اجا بعد ماطلعت الزلم وكال حضري نفسج الاسبوع الجاي الزواج
وطلع فلوس ونطاهن الامي وكال روحي باجر اشتريله ذهب وملابس
كان المهر بوقته من ٧٠٠ إلى مليون
هو انطاني ٣٠٠ وكال جهزي نفسج
شكد ضجت بوكتها ياربي اني شنو حيوانه ماليه رائي
ليش هيج
غير اعرف منو خطبني وشنو يشتغل
زين هذا المبلغ كلش قليل
حسيت نفسي زيادة عدد بيت اهلي
يردون بس يخلصون مني
ماكو هيج زواج بالتاريخ ابد
جمانه السعيدي
رحنا اني وامي اشتريت حلقه وتراجي زغار وكم قاعة ملابس اشتربت بس سيت نوم واحد
المكياج نصه نقص
امي من رجعت كالت الباب الفلوس قليلات كلش ماكدرنا نشتري اي شي
وهو ابوي هجم عليه شنو قليلات دبرن نفسج بيهن
هذا الموجود لا تتبطرن على نعمة الله
انريده يسكت ماكوووو
قرب العرس واني كلش حزينه ومقهوره حتى اكل ما اكدر اكل
رجعونا خبر عقد الشيخ يكون يوم العرس
يعني ميردون يخسرون اي شي
وين لا كينها عروسه بلوشي
وحنه ما سويت لان مادزولي فلوس
بيوم العرس اجت امه وهاي كانت أول مره اشوفها
من يوم خطبوني
ولو هي فتره خطوبتي كله عشر ايام
هااا وعرفت منه اسم العريس الهيبه طلع اسمه رياض
الصبح اجت وجايبه بدله بيضه شحاله
ولونه جارد من كد ما ملبوسه
وكالت جيرانه تمكيجج ولو انتي حلوه بدون مكياج
جابولي بنيه ملغطت وجهي شلون مجان وسوتلي تسريحه تلعب النفس
اامي مكاباتني وتبجي عليه وعلى قسمتي التحفه
اجن بس سيارات ثنيبن وحده للعريس وابو كاعد بلصدر
ووحده كيه
اصلا الكيه اجت محمله نسوان من يمهم
يعني اختي وامي وزوجت اخوي مالهن مكان
بعدين نزلو الولد من الكليه وصعدت هنه
مو عرس ضيم وضلايم
وصلنا البيت يهد الحيل البناء القديم
يعني من تدخلين للبيت تنزلين درج
البيت كلشي بناء قديم وتعبان
هااا نسيت اكللكم الشفيه ما اجه بلزفه امه واخته اجن اخذني من بيت اهلي
اني ما اكدر اعترض او اداهر على أي شي
لان ابوي ميقبل
ومستعد يضربني ويهيني كدام كل الناس
دخلوني الغرفتي جوووه الي اني عرفت بعدين هاي غرفة عمتي وفرغوه النا
غرفة النوم قديمه وصابغيه
هااا الحد الان اني بعدني بدون عقد شيخ
كلشي كان يدل على أن اني بلمكان الغلط
بس شكووول حسبي الله ونعم الوكيل على الضالمين
اي جاي احسب على ابوي الي شمرني هاي الشمره
وتعاجز من خبزتي
جمانه السعيدي
جابو العشه اني وامي واختي وجهاله وزوجت اخوي وجهاله
اباوع العشه يفشل
احنا اربع نسوان وأربع جهال
ماعونين تمن عليهن شعريه وقطعتين دجاج وكرصتين خبز
وماكو لا ماي ولا خواشيك
بعدين امي صاحت انريد ماي نبلع بي الاكل
اني ما قبلت اكل ابد
وامي سوده عليه اتكترت وما قبلت تاكل
الجهال اكلو وزوجت اخوي واختي شويه
بعدهن ما مخلصات كالو الشيخ يريد يعقد
اجا الشيخ ورا الباب
وكام يحجي آيات قرائنيه تالي كال اذا قبلتي الزواج قولي نعم وانت وكيلي
رابع مره كلت نعم وبكلبي حسره شكبرها
