رواية بنات سهر كامله جميع الفصول بقلم فراقد حسن علي
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه ببير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحه
=========================
الأم كلمة صغيرة وحروفها قليلة
لكنّها تحتوي على أكبر معاني الحبّ والعطاء والحنان والتّضحية،
وهي أنهار لا تنضب ولا تجفّ ولا تتعب،متدفّقة دائماً بالكثير من العطف الذي لا ينتهي.
وهي الصّدر الحنون الذي تُلقي عليه رأسك وتشكو إليه همومك ومتاعبك.
هي التي تعطي ولا تنتظر أن تأخذ مقابل العطاء، وهي التي مهما حاولتَ أن تفعل وتقدّم لها فلن تستطيع أن تردّ جميلها عليك ولو بقدر ذرة صغيرة؛
فهي سبب وجودك على هذه الحياة، وسبب نجاحك، تُعطيك من دمها وصحّتها لتكبر وتنشأ صحيحاً سليماً، هي عونك في الدّنيا،
وهي التي تُدخلك الجنّة........................💚🕊
الجو باررد يكص العظم من البرودة
ومغيم وكئيب
الواحد يحس بالخنكة من هيج جو
السماء مخنوكة بالغيم ومبينة مطارة
ومن الصبح الحجية فاطمة(أم منتصر )هاي المرأة العجوز الخيرة
دوم متواجدة بالمطبخ وهو مكانها المفضل مدفية المكان وعالكة بي هيتر كهربائي وصوبة نفطية
وسماور الجاي جاهز وبخارة يتصاعد للسكف
ومحضرة الريوك لابنها الكبير منتصر(ابو حسين)
وماتريد تحشم بنتة العنودية تبارك حتى تقوم بواجب
وخدمة أبوها لأن تنتر بالواحد وماعدها شي أسمة احترام
رغم هي مو صغيرة البنات البحلها بثالث متوسط
بس هي مدللة وكسولة ما فالحة بالدراسة رسبت مرتين بالسادس الابتدائي وبطلها أبوها من الدوام
وهم ماتريد الحجية فاطمة تحشم ولا تريد تضغظ
على بتها لمى تشوف طلبات اخوها
لأن البيها مكفيها ،،،،،
فهي بيها مابيها بالحيل الباقي عدها إداري نفسها وأولادها
دخل للمطبخ منتصر أبو حسين
وبيدة الخاولي ينشف بوجه
صبح على أمة الحجية فاطمة
_صباح العافية يوم
جاوبها وهو يسحب الكرسي ويكعد بصفها على ميز الطعام،،
_سالمة روحج يوم
صدري متنك وكلش متاذي وضايك نفسي العصر أروح اجيك وضعي
وهي تصبلة استكان الجاي وتحجي وياة
_يمة لو بس تعوف هاي الجكاير شوية وتشتري صحتك
الخاطر جهالك
هو هز راسة وجاوبها
_ ادعيلي يوم كون الله يرزقني براحة البال وبعد كلشي ما رايد من الدنيا تعبت وشيبت قبل وكتي
ومد ايدة وبدة يتريك
وهي دعتله من قلب والسان
_ روح يمة كون الله يريح روحك وبالك ويهدي فكرك وقلبك
والمسكينة بقت تشرب بااستكان الجاي المر بهدوء لأن عدها مرض السكري خطية،،
وتباوع لابنها بقهر
وتشوف الشيب شلون اكل راسة
وبدة ينهش بلحيتة
وهو كل عمرة ٣٧ سنة مو أكثر !!!!
هنا دخل عليهم همام أبنها الصغير
دخل يركض ومخبوص مستعجل
صديقة جعفر واكفلة بالباب
عدهم دوام، هاي اول سنة جامعة الة رغم جماعتة مرحلة ثالثة
بس هو ما توفق بالبكالوريا
-صباح الخير
يوم فدوة استكان جاااي بسرعة وبردي بالماي جعفر واكفلي بالباب ،،
وأخذ الصمونة وثلمها بسرعة وصار ياكل على السريع
جاوبتة الحجية فاطمة
-صباح العافية يمة على كيفك لا تغص لا تاكل هيج سريع
باوعلة أبو حسين وهز راسة وضحك على الهجوم السواة
-صباح الخير بوية على كيفك الاكل ما طاير
8 ت
جاوبة همام وحلكة مليان اكل
_ أبو حسين الورد لأ تنسى جعفر الطاير
واخاف تمطر وسيارتة عاطلة ماسحاتها
شرب الجاي دفعة وحدة هو بارد الحجية خلتلة نص الاستكان ماي،،وطلع يركض جعفر خبصة بالهورن
صاح بصوت عالي وهو باب المطبخ يلبس حذائه
-أودعناكم يابة
15 ت
صاح وراة أبو حسين
-همام عندك مصرف البارحة التهيت بضيمي ونسيت اسالك !؟
هو ما سمعة وصل للباب الخارجي ركض
بس الحجية جاوبتة
- عندة يمة طارق انطاة من نزل هذاك الاسبوع
واني انطيتة ،،
حير بروحك لا تشيل هم احد
-هو باوع بوجه والحجية وكال /الله كريم يوم ،،
وخلص اكلة وكام
راح يبدل ملابسه ويتوكل على شغله
الحجية عافت الريوك على الميز
حتى من يطلع أبو حسين تكعد لمى وتبارك
من النوم يتريكن ويديرن بالهن على الطفل حسين
هذا الطفل مكرود بس الله اليرحم بحالة
29 mm
هي كامت بالكوة وكعدت على القنفة تشرب علاجها
شوية ودخل عليها ابو حسين
_ يوم شوكت ينزل طارق من دوامة
جاوبتة الحجية وهي بيدها حباية السكري
_بعدلة يومين وينزل بسلامة
اجى وكعد يمها
_ يوم فدوة حاجي يستقيل من العسكرية وشلعان القلب وخلي يوكف وياية بالمعرض،،وحق القرآن بعد مابية حيل
هي دنكت راسها وحجت بقهر
_ يمة ما يفيد الحجي وية اخوك
مادام مرافك ابن عمك حاتم اغسل ايدك منة
علمه على درب الشرب والنسوان والعياذ بالله
بعد ما يفيد وياة الحجي
كام وكف على طوله وهو محتار بزمانه
_ يا الله،، توكلت عليك وانت أرحم الراحمين
يوم من تكعد لمى خليها تخابرني علمود اشوف المسواك والشغلات الناقصة عدكم وادزها بيد فاضل،،
فدوة حبيبة ما اوصيج على حسين
_توكل يمة على باب رزقك محروس بسم الرحمن
لا تشيل همه اباريله بعيوني ،،
دنك باس أمة على راسها//سالمة عيونج يوم
وطلع على شغلة
هو صاحب احد معارض السيارات بمنطقة الحبيبية
الحجية فاطمة بعد ما شربت علاجها
أخذت تلفونها واتصلت على لمى تكعدها من النوم
وبعد مارفضت لمى الاتصال معناها كعدت
5 ت
رجعت الحجية واتصلت على بتها الكبيرة هدى
تسلم عليها
هي بتها البكر متزوجة وعدها ٤ اطفال
ومستقرة بيت ملك وحدها
وزوجها (مهند )ابن عمها شامل الوسطاني
ورجل بمعنى الكلمة
مامقصر عليها بكشاية
هو شريك بمعرض السيارات التابع المنتصر
وصديقة الروح بالروح
بس هي صاحبة مشاكل وتحب الكالة والسوالف وتشمشم علوم ،،وتباوع للناس بطرف عينها
عكس طبيعة الحجية فاطمة وخواتها
19
بعد السلام والكلام بين الحجية وهدى
دخلت لمى للمطبخ شايلة حسين بعدة نعسان
ساند راسة على كتف عمتة ومغمض عيونه
_ صباح الخيرات يوم
جاوبتها الحجية فاطمة وهي تسولف ويه هدى
_الصباح العافية يمة
شو دنيلي هذا المطعوج أبوسة
وباست حفيدها بوسة حنان وطيب
وكعدتة بصفها بين ما لمى تسويلة كلاص حليب
هنا الحجية فاطمة وجها انعقج وحجت وية هدى بنبرة عالية//روحي يمة الله يحفظلج بزرج وغلقت الخط
لمى باوعتلها بستغراب
شبيج يوم خير شو انكلبت احوالج
جاوبتها الحجية فاطمة وهي تعدل بشعر حسين بيدها
وتمسح على راسه،،،
_ اااخ يمة هو يجي خير من وره نك هدى
هم ردت على سالفتها روحي شمري الجهال على امهم
صاحت لمى بصوت مزعوج
_اوووو هسة احد شاكيلها من عدهم
شو هذا المكرود رغم كفيف بس مونسني
وهذيج المخبلة رادة علية وحشة البيت بعد زواج نهى
بس كليلي هدى ولدتيها بنص معركة
دومها صاحبة قال وقيل وتخلق مشاكل من جوة الكاع
هنا حسين كام يبجي لان عمرة ٦ سنوات ويفتهم الحجي،،صح هو ضرير من الولادة بس كلش ذكي وفطن،،
_ يمة فاطمة ما اريد أروح لبيت امي (نهاية )
من اروح يمها كله تصيح عليه الأعمى
وجهال يضحكون عليه
باستة الحجية فاطمة بكصته وكالتله
_ ولا اخليك تروح بعد يمها من عبالتها من أم
اني وعمتك لمى امهاتك
هو ضحك ودمعته بعينه
اني هوووواية احبج يمه فاطمة
وحتى ساهرة تكول اني امك
هي هزت راسها وكالت
_الله يجازيها كل خير ساهرة ونعم منها
بس ااااخ من الوكت الاغم الكسرها
هنا لمى كومت حسين ومشتة لميز الطعام
حتى يتريكون سوة وبقوا ياكلون ويسولفون ويضحكون
الحجية فاطمة كملت جولة اتصالها
تطمأن على باقي بناتها، ،
اتصلت على بتها سهى هم متزوجة وعدها ٤ أطفال
بس صغار دكدك ولدتهم واحد فوك الثاني
وكاعدة بيت عيالها،، متزوجة ابن عمها (سعيد )
مدرس لمادة الفيزياء
رجال ونعم منه صاحب نخوة ويوكف للغريب قبل القريب بالكلفات،، بالنهار يداوم بالمدرسة
والعصر يوكف وية اخوانة بااسواق الجملة
الخيرها يدر على كل عائلة الحجي جابر عم منتصر الكبير ،،سهى رغم ساكنة وية بيت عمها (عيالها)
بس مرتاحة وياهم وهم ناس اهل دين ويخافون الله
هم ٥ اخوان كلهم متزوجين ومخلفين وعايشين سوية
تحت اجناح امهم وابوهم
بعد ماسولفت وياها الحجية وطمأنت عليها
غلقت منها الخط
8 mmm
انوب رجعت وتصلت على بتها نهى
بعدها عروس ماصارلها ٥ اشهر من أزوجت
اخذها ابن خالها (وميض ) بعد علاقة حب سرية
دامت ٣ سنوات،،هم خوش رجال وأخو خيتة
يشتغل بمحل والدة هو وأخوة محل لغسيل السجاد والمفروشات ومن ضمنة مكوئ رزقة ماشي والحمد لله
بعد ماسولفت وياها الحجية وطمأنت على حملها
دعتلها بالخير والعافيه وغلقت الخط وياها
11 mm
يعني الحجية فاطمة عدها ٤ بنات و ٣ ولد
هدى- منتصر - سهى - نهى - طارق - وهمام - ولمى
كلهم ربتهم أحسن تربية بحياة زوجها المرحوم
أبو منتصر وبعد وفاة الله يرحمة ويجعل مثواة الجنة
توفى بسكتة قلبية وهو بالدوام جان مدرب
بالكلية العسكرية الأولى لكوة متوفي بغرفتة
وبعد المعاملة والمراجعة سجلة الدولة الراتب العسكري
بااسم الحجية فاطمة ونهى ولمى وهمام
بس الباقين ماشملهم استحقاق راتب أبوهم
لأن البنات هدى وسهى كانن متزوجات
و منتصر و طارق كبار
14 mm
هنا دخلت تبارك صبحت على الحجية فاطمة
وعمتها لمى وهي تثاوب
_ صباح الخير
جاوبها الكل
_ صباح الخيرات
وكعدت تتريك وية لمى وحسين
9 ت
دكت جرس الباب باوعت لمى لشاشة الكاميرات
شافتها أم أحمد،، هاي مراة فقيرة
تمرلهم بالاسبوع مرتين عزيزة نفس ما تقبل مساعدة
من واحد، تشتغل وتنظف لبيت أم منتصر
وكم بيت تعرفهم بالمنطقة ينطونها هل قاسمة الله الها
خطية راعية ايتام زوجها متوفي صارلة سنين
وعدها بنات اثنين مزوجتهن بالعرب يم اهلهم
وولد اثنين أحمد الجبير متزوج وعندة ٣ أطفال
استشهد بحادثة تفجير المسنتصرية سنة ٢٠٠٧
خطية هو لا طالب ولا استاذ ،،صديقة طالب يداوم هناك بالكليلة وعزمة راح وياة وصار بوكتها التفجير
وراح هو وصديقة وباقي الطلاب شهداء وضحاية الهذا التفجير الظالم ،،،
وبقت زوجتة واطفالة يم أمة
زوجتة ماقبلت تروح لأهلها لأن هي أم أحمد تصير خالتها
وهناك اهلها بالعرب تعرف طبعهم راح يأذوها
واكيد يزوجها لغير واحد ،،وهي تريد عز بيت زوجها وخالتها وتريد جهالها فقررت تبقى يم خالتها
المابقى احد عدها غير أبنها الصغير بعدة طالب بالمدرسة
15 ت
راحت تبارك تفتح الباب
والحجية فاطمة حجت بصوت ناصي
_ يمة من تصعدين فوك علمي هاي العوبة
تستر نفسها وتلبسلها هدم عريض جسمها مفصل
ماتستحي من أبوها وعمامها
جاوبتها لمى وهي تغسل بمواعين الريوك بعد ما رجعت كلشي المكانة،،
_يوم حجيت لحد ما مليت مايفيد وياها عنودية
وعلى كولت إخوانه المصريين
دماغها صاير كزمة قديمة من كثر العناد
الله يساعد منتصر عليها
دخلت ام احمد وسلمت على الحجية فاطمة وبوستها
واجتي لمى سلمت عليها وهم بوستها
وكعدت شويه يم الحجية بين ما لمى صبتلها
استكان الجاي وشربته بسرعة
وهي تذيع اخبار المنطقة للحجية
تفيدها لان لا الحجية ولا البنات يطلعن برة
فتعرف منها اخبار الجيران علمود الواجب
والزيارة وتواصل الخير وية الجار
10
الحجية بقت كاعدة بالمطبخ أتعدد لمى
الشغلات الناقصة عدهم تكتبهن برسالة
وترسلهن لأبو حسين حتى يسوكلهم
وام أحمد كامت على البيت تنظفة
هو باقي على ايدها وتندل كل الغراض بي
البنات عليهن يساعدن الحجية بطبخ الغدة والعشة
ويغسلن المواعين اليستخدموها
كل البيت تنظفة أم أحمد ،،حتى الملابس
والفراشات وكلشي يخص البيت هي تشتغل
هنا لمى سمعت صوت صرخة حسين
طلعت تركض علية خطية عاثر برة بالطرمة
واكع على وجهه، فرفحت روحة لأن وكعدتة
صارت على حلكه وخشمه
واختة ألعوبة ولا تحركت من مكانها
كاعدة تتفرج تلفزيون بالصالة
اجتي لمى شايلته وهو بطولها ما شاء الله
جابته جوة بعد ما غسلت وجهه بحنفية الحديقة اقرب شي عليها
وهو يكلها //حلكي بي دم هواية يوجعني
هي تشجعه وتكله //لا تصير جبان عيب عليك انت رجال شنو تبجي وتخاف من وكعة صغيرة
وبعدين شعندك طالع برة مو رحت وية توتة اتابعون الكارتون
جاوبها //مو اريد اجيب نارنجية من الحديقة
حتى توتة تكصها الية من فوك وتسويها طاسة
احفرها بالخاشوكة وارش عليها ملح
هنا الحجية ضحكت على سوالفه
_ولك يمة شنو نهى عدتك هي تتنسى وهيج
تاكل النارنج انت شبيك؟؟
هو كام يمطك ويكلها//يمة الطعم طيب
هنا اتصل رقم غريب على رقم الحجية
بس ما جاوبت علية الولد محذريها هي ولمى
ما يردن على رقم غريب، ،وهو الرقم اتصل
مرة وحدة وبعد ما كرر الاتصال
4
الحجية وجهت لمى علمود تطبخ الغدة
وهذيج ألعوبة كعدت اخوها يمها
وبقت تحجيله شنو تشوف بالتلفزيون
وام أحمد مثل هبة الريح كرفت البيت ونظفتة بسرعة
والحجية ما قصرت وياها انطتها حقها وكرمتها
للعصر ولو هو الشتاء مابي عصر نهاره قصير بسرعة تظلم الدنيا،،
وبعد ما اجه منتصر الظهر من شغل
وهمام من كلية ،،وكلهم تغدوا بالعافية
منتصر اتحضر يروح للطبيب يشوف وضعه
باوع بجهاز شاف رقم غريب متصل عليه مرتين
بس هو كان بالحمام ما لحلك يجاوب
هنا ودك طارق على جهاز امة
وبعد ما سلم عليها كاللها،،
_ يوم اتصل علية هسة رقم غريب
ومن فتحت الخط صوت بنية تبجي
رادتج بالاسم حجية فاطمة أم منتصر
كتلها منو انتي ؟؟
جاوبتني اني مسرة بت عدنان
امي اتوفت ودكيت الصبح على خالة
بس ما جاوبتني، ،ودكيت على اخوك ماادري ابوك
قبل شوية وهم ماجاوبني
ماعدنة احد يجي علينة وامي من الفجر توفت
وسدت الخط ماادري انكطع الاتصال ماادري خلص رصيدها
8 ت
هنا الحجية فاطمة افترت بيها الكاع
ونشف ريكها وكامت تحجي بصوت عالي
المووت حق يمة مايدوم بس وجه ربك الكريم
لا إله إلا الله وحده لا شريك له
أنا لله وأنا إليه راجعون
روح يمة يبرالك الله ورسوله هسة اتصل عليها
7
هنا أبو حسين هو وهمام واكفين باب المطبخ
يردون يطلعون للطبيب
بس من سمعوا كلام امهم استغربوا وبقوا واكفين
الحجية فاطمة رجعت اتصلت على الرقم
الاتصل عليها الصبح وفتحت السماعة الخارجية
واجاها صوت بنيه تبجي
وتكول،، خالة تعاي الحكينه امي توفت الفجر
وماعدنة احد وهي قبل ما تموت كالت إذا
متت اتصلن على خالتي فاطمة هي ولدها يدفنوني
16 mmmm
الحجية فاطمة بقت تبجي وتحجي وياها وتهدي بيها
وكالتها هسة اجيكم بس رديلي عنوان بيتكم
بعد ماحجى بصوت ناصي أبو حسين يسأل عن مكانهم
وهي البنية ردتة الهم
الحجية من غلقت الخط كالت
_ شدكول يمة منتصر هل سمعت بااذانك
خطيه هل المراه مالها احد بس هي وبناتها
7
منتصر سحب نفس عميق وزفرة كاللها
_ كومي يوم نتوكل على الله هو أرحم الراحمين
يلا همام امشي وياية لأن ادري بهاي روحتي
راح افتح ابواب جهنم عليه
14 mmmm
جاوبة،ابو حسين
لان الحجية راحت تلبس عبايتها وجواريبها
_ سهر بت اخت الحجية
همام هنا تخبل وكاله أبو حسين من كل عقلك
تريد تروح!!!!
mmmmmmm
جاوبة منتصر
- لعد شنو رايك خطية ماعدها احد
واعتبرها مراة غربية وطاحت بالشارع ونختني
شنو تريدني ماانتخيلها مو انا ربات كاظم وفاطمة
وماتهزني غيرتي على مراة ناخيتني
همام ضاج كاله، ، بعد بكيفك بس من هسة
اكلك العشيرة والاقارب راح يحاربونك
18
جاوبة منتصر وهو يطلع كدامة يشغل السيارة
_الله موجود
8 ت
وراحت الحجية فاطمة ومنتصر وهمام
لبيت سهر............