رواية احبنى ولكن الفصل الاول بقلم حنان احمد ماهر
كان نازل من على سلم فيلته بهيبه كان وسيم لدرجة كل اللى يقبله يتمنى يقرب منه بس هو شخصيته جد مايثقش في اى واحدة عنده قناعة اللى هتملك قلبه مش اى واحدة رغم إصرار جدته أنه يتجوز لأنها كل أحلامها تشوف ابن حفيدها قبل ما تموت
خالو حبيبى ندهت بيها ريماس تبقى بنت أخته المتوفيه فهى من يوم وفات امها وهي عايشه مع بطلنا حازم بعد ما ابوها سبها وتجوز وسافر ورفض يخدها وكأنه لما صدق أنه مراته ماتت على شان يتجوز
قرب حازم منها وشلها بحب فريماس رجعت الضحكه اللى خطفتها موت أخته معاها . قلب خالو ايه مجهزتيش ليه على شان اوصلك المدرسة قبل ما أطلع على الشركه
ريماس بحزن . مش عايزه اروح النهارده
حازم بقلق . ليه ياحبيبتى انت تعبانه
ردت الجده زينب من حفدها وتكلمت بهمس . اصل النهارده عيد الام وانت عارف ريماس مش بتحب تحضره على شان المدرسة بتحتفل باليوم ده
حس حازم بالحزن على صغيرته. طيب ياحبيبتي إيه رأيك هروح الشركة هعمل كام حاجه كده وهرجع على طول ونخرج نتفسح
سقفت ريماس بفرحه وحضنته بقوه . حبيبي ياخلو نروح الملاهي
ابتسم حازم على حركتها الطفولية . ماشي يا ستى نروح الملاهي
قطعتهم الداده فاطمه . صباح الخير يازينب هانم
زينب .صباح الخير يا فاطمة
فاطمة بتوتر . المربيه اللى كلمت حضرتك عليها وقفة بره
زينب . تمام يا فاطمه دخليها الصالون وانا جيلها
ريماس بضيق وهى بدبدب برجليها على الأرض بطفوله . يووووه بقى انا مش عايزة مربيه يانانا
زينب بهدوء . ياحبيبتي انا مش عارفه انتى بتضايق منهم ليه بس كل ما واحده تيجي تطفشيها
ريماس بضيق . على فكره بقى هما اللى وحشين وبيعملونى وحش
حازم بحده . يعنى ايه بيعملوكى وحش وليه مش بتقولي لى
ريماس بمكر . متخافش عليه ياخالو انا مش بسكتلهم برده
ضحك حازم على صغيرته وشلها . اه يا شقيه على العموم خلينا نشوف المربيه دى ولو حصل منها حاجه تبقى تعالى قوليلي وانا هتصرف بس اتعملى بأدب مش عايزها تشتكى منك
ونزلها بهدوء وبسها من راسها استأذن وخرج طلع على الشركه
أما الجده زينب دخلت الصالون ولقت فتاه محجبه قاعده على الكرسى وبصه على الأرض بصت الجده زينب على فاطمه باستغراب ورجعت بصت على ليان .
صباح الخير
وقفت ليان باحترام وبصت على الجده زينب وتكلمت بهدوء وأدب . صباح النور ياهانم
زهلت زينب من جملها فهى رائعه الجمال عيون فيروزى وبشره بيضاء وخدود وردى ابتسمت زينب . بسم الله ماشاء الله انتى جميله اوى ربنا يحفظك يابنتى
ليان بخجل . شكراً على زوق حضرتك ياهانم
حست زينب بالراحة من صوتها وراحت قعدت قدام ليان. اتفضلى ياحبيبتي قوليلى بقى اسمك إيه ياحبيبتي
قعدت ليان بتوتر . انا أسمى ليان
زينب بترقب . وعندك كمان سنه ياليان
ليان . عندى 22 سنه
زينب . اشتغلتى مربيه قبل كده
ليان . لا حضرتك بس انا متخرجه من كلية ألسن إدارة أعمال
زينب بعمليه . تمام انا هشوف شغلك على شان خاطر داده فاطمه هى اللى موصيه عليكى ولو استريحنا هتكملى معانا
فاطمه . والله ياهانم مش هتلاقي فى احترام ليان
زينب بتفحص . هنشوف
ليان بامتنان . بجد شكرا لحضرتك على كرمك وان شاء الله هكون عند حسن ظنك
حست زينب براحه من اتجاهها وكأنها تعرفها من زمان . بصى انتى دخلت قلبي اعتبرني جديتك وقوليلى ياجدتى زى حفيدى وكملت بهزار ولا منفعش
اتكلمت ليان بتصرع . يانهار ابيض دانا ليه الشرف
زينب بجدية . طيب ياحبيبتي انتى هتعيشى معانا هنا زى ما فهمتنى فاطمه انك مش من القاهره وانك كنتى عايشه فى المنصورة هجهزلك الملحق اللى فى جنينه تقعدى فيه برحتك
ابتسمت ليان ابتسامه امتنان كملت الجده زينب . خديها يافاطمة فرجيها على الملحق وبعدين تروح عند ريماس تتعرف عليها
راحت ليان مع الداده فاطمه ودخلت الملحق اتكلمت فاطمه وهى بتفرجها على الملحق . ها ياحبيبتى عجبك
ليان بحزن . عادى ياداده المهم انى قدرت ابعد عن اللى كنت فيه انا بجد بشكرك على وقفتك جنبى ربنا يخليكي ليا
قربت فاطمه منها ورتبت على كتفها . ياحبيبتي انتى بنتى وامك الله يرحمها خيرها عليا وصدقينى لو كان عندي حل تاني مكنتش خليتك تشتغلي يعني من بعد ما كنتى هانم فى الاخر تكونى مربيه سمحينى يابنتى
ليان بابتسامة وامتنان وحب للست اللى سعادتها بدون مقابل . صدقيني ياداده المهم انى خلصت منهم وحولت ترسم الابتسامة على شفاه
وبعدين الشغل مش عيب ولا ايه
رتيبت فاطمه على ضهرها . ربنا يريح قلبك يا بنتي انا هسيبك تغيرى هدومك وهروح اجبلك الفطار
وعند حازم دخل الشركة بهيبته وكل أنظار الموظفين عليه فهو عنده هاله تخلى الكل مش قادرين يبعدو نظرهم عنه دخل مكتبه ووراء السكرتيرة الخاصة بتعاته
ريم بتوجس قلق . صباح الخير يامستر حازم
حازم بعملية . صباح النور يا ريم النهاردة عندنا ايه
فتحت ريم التاب . النهارده عند حضرتك إجتماع الساعه 12 مع شركه ابو المجد
حازم . تمام اطلبي لى القهوة بتاعتى
ريم . حاضر يا فندم عن إذن حضرتك وخرجت ريم ودخل فى نفس الوقت ياسر صديق حازم وشريكه ويبقى جوز بنت خالته
ياسر بهزار . صباح الخير يا حزوم
حازم بضيق . يابنى كذا مره اقولك بلاش تقولى حزوم دى
ياسر . ياسلام وشمعنا انا ماهى دينا بتقولهالك
حازم . هو انا يعنى بطقها ده لوله أبوها أنه كان صديق والدى الله يرحمه كنت لغيت الشغل اللى ما بينا بت لزقه ياخى وكل ما احرجها تلزق اكتر
ياسر بضحك . الحب لمورى شري
حازم . المهم سيبك انا هحضر الاجتماع وهمشي وكمل انت بقى
ياسر . وليه بقى أن شاء الله
حازم . وعدت ريماس هخدها افسحها بعد الضهر البنت نفسيتها تعبانه النهارده عيد الام ومرضيتش تروح المدرسة هخذها افسحها واحاول انسيها
ياسر . ربنا يخليك ليها ياصحبى طيب هروح انا أشوف شغلى واجهز للاجتماع
وعند ليان خدتها الداده فاطمه غرفة ريماس على شان تتعرف عليها
طلبت ليان من الداده فاطمه تسبها تدخل لوحدها وهى هتتعرف عليها بطريقتها
فاطمة . وما له ياحبيبتي لو عزتى حاجه نادى عليه
نزلت فاطمه وخبتط ليان الباب وفتحته . ممكن ادخل
ريماس باستغراب من شكلها . انتى مين
دخلت ليان وسابت الباب مفتوح على شان ريماس
متقلقش . انا ليان المربيه الجديدة بتاعتك
ريماس بغضب . بس انا مش محتاجه مربيه ياريت تمشي من هنا
فى الوقت ده رجع حازم وكان قريب من غرفة ريماس وسمعها وهى بتكلم بقله زوق وكان لسه هيدخل يلومها
بس رجع وقف لما سمع ليان بتكلم بلطف . تصدقى عندك حق وكملت وهى بتقعد جانبيها انا برده مش بحب أن يكون ليه مربيه كنت بضايق لما اصحابى يقول لى أنا مامتهم جيبلهم مربيه كنت بقولك لنفسى دول مدلعين اوى
يعنى أهليهم جيبلهم على شان يسعدوهم فى لبسهم ومذكرتهم واكلهم يعني هما كبار على شان يعتمدو على نفسهم
أتعجبت ريماس من كلامها . تمام ايه بقى اللى مخليكى هنا امشي
اتكلمت ليان بهدوء . بصى انا عندى ليكى إتفاق ايه رايك تخلينى معاكي اسبوع بس نتعمل زى الاصحاب لو فضلتى مضايقه منى اوعدك انى همشى
وكملت انتى عارفه لو مشيت جدتك هتجبلك مربيه تانيه
وهتفتكر انك السبب انى امشى وهتزعل منك
ايه رايك نبقى صحاب
حطيت ريماس صباعها على دقنها علامه تفكير . ماشى
انا موافقه
ابتسامة ليان ومدت اديها علامه للسلام بدلتها ريماس الابتسامه وسلمت عليها
اتكلمت ريماس بحماس . على فكره انتى جميله اوى
ليان بابتسامة . مش أجمل منك ياماستى
ابتسمت ريماس بلطف . عارفه ان خالو بيندينى بماستي برده
ليان بحنيه ظهر على صوتها . طيب تسمحيلى انا كمان انديكى بكده
هزت ريماس راسها بموافقة
خبط حازم الباب وقفت ليان بسرعه فتحت ريماس الباب وتكلمت بفرحه . خالو حبيبى
بص حازم على ليان اللى السحر بجمالها اتكسفت ليان من نظراته ونزلت رأسها بخجل قربت ريماس من حازم وشدت جكت بدلته أنتبه حازم وفاق من سحر ليان عليه وتكلم وصوته محشرج مع ريماس . ها ياماستى جاهزه على شان نخرج
ريماس بحماس وبتصقيف بطفوله . هييييييه انا بحبك اوى ياأحلى خالو فى الدنيا وحضنته بقوه حالا هلبس وقربت من ليان وشدتها من اديها تعالى ياليان اختارى معايا الفستان اللى هلبسه
ابتسمت ليان على طفوله ريماس وراحت معاها
غيرت ريماس ولبست فستان على زوق ليان . ها ياخالو
ايه رايك فيا ليان هى اللى اخترتهولى وبدأت تلف
بص حازم على ليان بتفحص . زوقه جميل
نزلت ليان رأسها بخجل ابتسم حازم على خجلها ياله يبنا
ياماستى
مسكت ريماس ايد حازم وخرجت وكان وراهم ليان
وعند زينب ندهت على فاطمه . ايوه يا هانم
بصت زينب بتركيز بتحاول تقرأ ملامح فاطمه فى سهل تتقرا اللى جواها فهى عشره عمر . تعالى يا فاطمه اعقدى جنبى
قربت فاطمه وجلست بقلق
كملت زينب كلامها بهدوء . أنا عايزاكى تقوليلى ايه حكايه
ليان أنا حاسه ان وراها حكايه يعنى بنت جميله زيها
ومكمله تعليمها وباين عليها أخلاقها وتربيتها ايه اللى
يخلى واحده زيها تسيب بلدها وتيجى القاهره
وتعيش فيها
فاطمه بتوتر وتحاول تخبي . ها حكايه ايه ياهانم والله ليان دى بنت ناس
ومحترمه وانا كنت بخدم امها الله يرحمها زمان وكانو ونعما
الناس
حولت زينب تطمنها . بصى يا فاطمه انتى عارفه انى لازم أعرف كل حاجه
عن اللى شغالين عندى وانا نظرتى فيها انها بنت ناس
فياريت تكون واضحه معايا على شان لو اقدر أسعدها
فاطمة . انا أسفه يازينب هانم أنا مقدرش اتكلم بس انا
هنادي على ليان هى اللى تيجي وتحكيلك بنفسها على
شان هى امنتني وانتي عرفاني على رقبتي مقدرش
اخون الامانه
زينب . تمام يافاطمة روحى ناديها
خرجت فاطمه تنادى على ليان و .............
