رواية رحيق في هونج كونج الفصل الاول
في شقة بسيطة وجميلة
يرن المنبة الساعة
الثامنة صباحاً.
تستيقظ رحيق من النوم بنشاط تذهب تأخذ حمام
وترتدي ثيابها المكونة
بذله سوداء وتحتها قميص ابيض
وتفرد شعرها الاصفر
لتذهب إلى موعد فى غاية الاهمية.
( رحيق) متخرجة من كليه طب صيدلية تعمل فى شركة كبيرة لتصنيع الدواء
تجتهد فى عملها لتحقق حلمها أن جميع الادويه تكون صناعه مصريه ١٠٠ / ١٠٠
تعيش رحيق بمفردها لأن الأب و الأم متوفين وليس لديها اخوات .
جميلة و رقيقة و مرحة جداً تعشق المزح ولا تسطيع أن تظل بلا مزح فتره طويلة.
رحيق :جسم ممشوق و طول مضبوط عيون بني ،فم وأنف صغير جدا شعر أصفر طويل
تشبه عارضات الازياء من كثرت جمالها
&&&&&&&&&&&&&&&
في جهاز المخابرات المصريه
تدخل رحيق وتجلس في مكتب في إنتظار شخص
وصل الشخص و هو يقول : ازيك يا دكتوره رحيق
نهضت رحيق و قالت باحترام: الحمد لله يا فندم، خير ان شاء الله.
جلس العميد حلمي و قال بهدوء: خير ، بس تشربي ايه الاول
سألت رحيق بتوتر: شكرا لحضرتك بس عايزه أعرف فى ايه.
حلمي بجديه: سمعت أن في شركة ادويه فى الصين عايزكي تشتغلي عندهم.
سألت باستغراب: وأنت عرفت منين
حلمي بعصبية: نعم
أجابت بهدوء : آسفه انتوا عارفين كل حاجه وأكيد عارفين اني رفضت.
سأل بجديه: ليه
رحيق بهدوء: حضرتك الشركة دي في شبهات أنها تابع إلى الأعداء وأنا عمري ما أقبل اشتغل عندهما.
حلمي: بس أحنا نقبل
نهضت رحيق من مقعدها و قالت بصوت عالى: ايه تقبلوا فعلا الخيانه مش بتجي غير من اللي المفروض يحمي مصر معلش يا مصر حقك عليا ،ايه مفيش وطنية مش اخلاص.
حلمي بصوت عالى: اخرسي
جلست بخوف و قالت بخوف: أنا خرساء اصلا من زمان
قال بجديه: اسمعي انتي تروحي هناك علشان تنقلي كل المعلومات اللي هناك لينا ويعني تكوني عميله ل المخابرات المصريه.
نهضت من مقعدها مرة أخرى
وكانها سمعت موسيقية رافت الهجان
و قالت بغرور : يعني أكون زي رافت الهجان و جمعه الشوال و ساميه فهمي.
صرخ بغضب و هو يدق على المكتب: اقعدي يا دكتوره علشان افهمك المهمه وكمان اعرفك على الظابط اللي يكون معاكي.
جلست رحيق و دلف إلى الغرفة ظابط
وسيم جدا طويل وجسم رياضي عيون سمراء شعر أسمر ناعم قصير.
نظرت رحيق عليه باعجاب
رحيم باحترام: السلام عليكم ورحمه الله وبركاته
حلمي: عليكم السلام ورحمه الله وبركاته،ده الظابط رحيم ودى دكتور رحيق.
جلس رحيم في المقعد المقابل لها و قال بهدوء : ازيك يا دكتورة.
رحيق باعجاب : رحيم ورحيق ما شاء الله، لقينا على بعض نجيب المأذون امت.
رحيم بعصبية: نعم
حلمي بغضب : دكتوره
رحيق بهدوء: آسفه يا فندم
حلمي: اسمعي يا دكتوره المفروض تروحي الشركه اللي هناك بس لازم تدريبات الاول وده المسؤول عنه الظابط رحيم وهو المسؤول عن العمليه كلها و الموضوع صعب مش تهريج.
رحيق بابتسامه: دي تكون عمليه عسل اوي
رحيم بعصبية: فى ايه يا دكتوره مالك العمليه مش هزار يا فندم لو سمحت أنا مش بحب صنف حواء كلها، ويوم ما اشتغل عمليه مهمه جدا تكون دي معايا.
قال الجمله وهو يشاور على رحيق من فوق لتحت باحتقار
حلمي بعصبية: نعمل ايه يا رحيم للاسف دي الوحيده اللي تنفع ل العمليه، للاسف العمليه مش تنفع من غير دي، للاسف دكتوره شاطره وهما نفسهم تشتغل معهما.
رحيق بعصبية: هو فى ايه يعني للاسف للاسف مالي يعني أنا دكتوره قد الدنيا أهلي صرفوا و تعبوا عليا علشان أكون دكتوره.
رحيم بعصبية: وطي صوتك ومش تنسي نفسك
رحيق بابتسامه: بلاش عصبي يا حضرت ال ظ
نظر لها بتعجب و سأل: حضرت ايه
أجابت بابتسامة : أنا لسه أقول حضرت الظابط لا أقول حضرت ال ظ.
حلمي بعصبية: رحيم خدها على مكتبك علشان أنا مريض و عندي القلب والسكر والضغط ومش أقدر أتحمل الكائن الغريب ده.
رحيق: ألف سلامه عليك يا حضرت ال ع
رحيم بغضب: دي اختصار ل حضرتك العميد.
رحيق بمزح : ايوه بس أقولك يا قمر بلاش افش ،فك العمليه تفككك.
رحيم با استغراب: ايه
رحيق بابتسامه: فك العملية تفككك ،خليها تكون عمليه سهله وبسيطه كده
حلمي بصوت عالي: رحيم خده وامشي.
رحيم بعصبية: يعني ايه يا فندم تجيب ليا مصيبه وتريح دماغك انت, دي واحدة مش مبطلة كلام.
حلمي بعصبية: رحيم الزم حدوك وبعدين نعمل ايه يعني قولتلك مفيش غيرها ، يعمل العمليه دي مصيبه و جت على رأسنا لازم نتحمل.
رحيق بغرور: والله متخافش يا فندم أكون أحسن من محمد سعد فيلم كتكوت ،واحسن من احمد مكي في فيلم ولا تراجع ولا استسلام ،اوعي تخاف يا حضرت ال ظ.
حلمي: رحيم
رحيم بعصبية: قومي يا حضرت ال د.
رحيق : قصدك اختصار حضرت الدكتوره.
أومأ رأسه بالموافقة
قالت بسخرية : مش حلو مش لازم تقلد وخلاص لازم تكون متجدد يا حضرت ال ظ.
نهض و هو يغادر الغرفة و هي خلفه و قال بعصبية: تعالي معايا ومش عايز اسمع حضرت ال ظ دي تاني
رحيق تقدم التحيه العسكريه: تماما يا فندم
في غرفة رحيم
يدخل و هي خلفها
و تقول بصوت عالي : باشا باشا باشا باشا باشا
صرخ في وجهها بعصبية: ايه ايه الله ياخد الباشا اللي حظه الاسود يشتغل معاكي.
قالت ببرود: براحه على نفسك يا باشا ، يجيلك السكر وانت لسه صغير وقمر كده.
قال و هو يجز على أسنانه بغضب و قال: اسكتي علشان افهمك من اللي المفروض نعمله.
وضعت يدها على فمها
بعد ساعات طويلة يتحدثون عن المهمه ولا يخلي الحديث من مزح رحيق وعصبيه رحيم
عادت رحيق إلى المنزل لتحضير الحقيبه وتذهب إلى مكان التدريب
$$$$$$$$$$$$$$$
في شقة رحيم
رحيم : ماما أنا ماشي عايزه حاجه يا قمر
أمينة: ربنا معاك يا ابني و ينصرك على الظالم يارب
رحيم يقبل ايد أمه: يارب يا امي ، ويبارك فيكي يا قلبي انتي
كيف يتأقلم رحيم ورحيق معنا؟!!
$$$$$$$$$$$$$$$$
في الصباح
وصلت رحيق إلى مكان التدريب
كان رحيم ومجموعه من الشباب فى انتظارها
رحيم بجدية: أهلا يا دكتوره رحيق
رحيق بابتسامه: اهلا يا فندم.
رحيم: اعرفك على اللي معنا في العمليه و من فضلك عايز تركيز.
بعد التعارف على جميع الظابط
رحيق بمزح: ايه يعني أنا الوحيده اللى بنت لا أخاف على نفسي.
(زفر رحيم بغضب و قال : دكتوره رحيق.
رحيق بابتسامه: نعم يا حضرت ال ظ
سأل الظابط حسن باستغراب: حضرت ال ظ
قال بعصبية: الدكتوره المحترمه تختصر حضرت الظابط الي حضرت ال ظ شوفت يا حسن.
حسن بابتسامة : والله شكلك دمك خفيف.
رحيق بابتسامه: حبيبي يا أبو على شكلنا نسجم مع بعض
رحيم بصوت عالى جدا: شكلها مهمه سوده ، الكل يجهز بعد ساعه الكل يكون فى ساحة التدريب.
الكل يقدم التحيه العسكريه ورحيق معهما: تماما يا فندم
ذهب الجميع، الا هي لم تتحرك
سأل بغيظ: فى حاجه يا دكتوره
رحيق بابتسامة: سؤال فين ساحه التدريب دي علشان مش اضيع الطريق
رحيم بعصبية: انتي متاكده أنك دكتوره ولا سرقة الشهادة.
قالت بصوت عالي: اقسم با الله العظيم دكتوره و الشهادة حقيقي، وبعدين انتوا الحكومة عارفين كل حاجه يعني.
نظر لها باستهزاء و قال باحتقار: اصلا ده مش شكل دكتوره صيدلانيه.
أجابت بعصبية: اومال ايه دكتوره حيوانات.
أجاب ببرود: يا شيخه حرام عليكي تظلمي الدكتور البيطري المحترم،أنتي الحيوانات اللي الدكتور البيطري يكشف عليها
و تصدقي أنا كده بظلم الحيوانات.
فتحت فمها و عيونها على اخرهم بصدمة و قالت:
أنا الدكتوره رحيق أحمد الأولي على الدفعه كل سنه واللي كل العالم نفسه اشتغل عندهما تقولى كده.
كأنها لم يسمع شيء ، قال بتحذير: لو جيتي متاخره على التدريب صدقني ازعلك.
وذهب رحيم
رحيق بصوت عالى: ماشي يا حضرت ال ظ.
$$$$$$$$$$$$$$$$$
بعد ساعة يقف الجميع في ساحه التدريب ينتظرون رحيق
تخرج رحيق ترتدي ترنج رياضي وتربط شعره على شكل ذيل حصان
رحيم ببرود: متأخره خمس دقائق
أجابت بهدوء : خمس دقائق بس طيب مش مشكلة.
رحيم بعصبية: لما أقول بعد ساعة يكون بعد ساعة بضبط.
رحيق بابتسامة: ايه يا حضرت ال ظ بلاش افش قولنا فك العمليه تفككك
رحيم بصوت عالى جدا: حسن
حسن باحترام: امرك يا فندم
رحيم بعصبية: حسن خد الدكتوره رحيق علشان تنط من الدور العاشر
حسن : بس يا فندم على طول كده مش المفروض فى حجات تعمله الاول قبل كده
رحيم بصوت عالى و هو يقلد رحيق: يا حسن بلاش افش قولنا فك العمليه تفككك والدكتوره رحيق شاطره وتعملها.
أجابت بغرور: طبعا حضرتك بتحدي رحيق صح وأنا قدها.
رحيم ببرود يشاور على فوق : ورني شطارتك يا حضرت ال د
رحيق بصوت عالى: يلا يا حسن
$$$$$$$$$$$$$$$$
ينتظر رحيم و الجميع فى الاسفل تقف رحيق مع حسن فوق فى الدور العاشر
رحيق: ايه
حسن: اربطي الحزام ده حوالينا وسطك.
رحيق بمزح: ليه أنا ارقص ولا ايه
حسن بجديه: يلا يا دكتوره
رحيق: حاضر
رطبت رحيق الحزام
و قالت : أنا نزله يا حسن
حسن: طيب
رحيق بخوف: أنا نزله يا حسن
حسن : طيب
رحيق بدموع: بقولك نزله
حسن: طيب
رحيق بصوت عالى: هو فى ايه يا حسن ، بقولك نزله امسك فيا وقولي لا مش تنزلي.
حسن: دي اوامر رحيم باشا
رحيق : ينتقم منك يا رحيم يا أبن أم رحيم.
(حسن: يلا يا رحيق
رحيق: هو مفيش مفر
قال بابتسامة : مفيش
قالت بصوت عالي : طيب صلي على رسول الله.
حسن: عليه افضل الصلاه والسلام
رحيق بدموع : قول الشهادتين
حسن: اشهد ان لا اله الا الله واشهد ان محمد رسول الله
نزلت رحيق وهي تصرخ وتدعي على رحيم.
وصلت رحيق إلى الاسفل
قالت بصرخة: الحمد لله لسه عايشه.
رحيم بأمر: يلا يا دكتوره ابدي الجري.
رحيق بتعب: جري ايه مش لازم ارتاح شويه.
رحيم بعصبية: يلا يا دكتوره
قالت بعصبية: لا لا لا
صرخ بصوت عالى جدا: حشمت
قالت بعصبية : حشمت مين وبعدين أنا مش بخاف يا حضرت ال ظ
قال ببرود: بصي وراكي يا دكتوره.
بصت رحيق كان كلب كبير
نهضت من على الأرض و سألت بتوتر: هو ده حشمت
أومأ رأسه بنعم.
رحيق: ليه تدخلا ما بينا اغراب أنا جريت من شهر.
ركضت رحيق والكلب يركض خلفها.
بعد نصف ساعة ركض
رحيم بصوت عالى: حشمت
دخل الكلب الغرفة
جلست رحيق على الأرض بتعب شديد.
رحيم بصوت عالى: يلا يا دكتوره
رحيق بتعب: عايز ايه تاني
رحيم ببرود : يلا نبدا التمارين الرياضيه.
قالت بتعب: مش أقدر أعمل حاجه تاني
قال بعصبية: دكتوره
قامت رحيق وبعد يوم طويل انتهت تدريبات اليوم
$$$$$$$$$$$
فى المكان المخصص ل الطعام
تنظر رحيق إلى الطعام أمامها و تسأل: هو فين الاكل
رحيم: الاكل اهو ايه انتي عمياء.
قالت بعصبية: هو فين الاكل ده جبنه وخيار حد قالك اني بعمل رجيم أنا مش فاهمه أنا دكتوره ليه كل التدريبات دي أنا احارب وأنا مش عارفه.
أجاب بعصبية: لو فاكره أنك فى رحله تبقي غلطانه انتي هنا في مهمه صعبه وحياة أشخاص كتير متعلقه على نجاح العمليه دي مش عجبك الاكل براحتك مفيش اكل النهارده ادخلى نامي.
ذهبت رحيق على الغرفة وهى عصبيه جدا بسبب رحيم
$$$$$$$$$$$$$
في الصباح صحيت على صوت عالي فى الميكروفون
قامت لبست وخرجت
رحيق لنفسها : طلعت الوطنيه صعبه برضو.
$$$$$$$$$
فى مكان التدريب
رحيم بصوت عالى جدا: كل اتنين يبدوا ملاكمه مع بعض
الكل بدأ ومفيش غير رحيق و رحيم.
أخذ رحيم وضع الاستعداد
سألت بتوتر: نعم
لم يجيب أعطها لكمة قوية في وجهها
وضعت يدها مكان الضربة و قالت بالم :ما براحه يا عم
لكمة اخرى
قالت بتعب: هو في كده مش المفروض تعلمني الاول.
لكمة قوية و قال: أنا كده بعلمك
قالت بدموع: يخربيت العلم اللي بشكل ده ما براحه طيب.
قال بأمر: يلا يا دكتوره
نصف ساعة و رحيم
يضرب رحيق كانها كيس ملاكمة ، على أساس أنه يعلمها و هي لم تفهم شيئا.
جلست على الأرض بتعب
رحيم با أمر: يلا يا دكتوره قومي علشان نجري
رحيق بتعب: والله مش قادرة اتحرك
رحيم بصوت واطي: حشمت
قالت بخوف: اوعي تتعب الاستاذ حشمت خليه مرتاح أنا جري لوحدي حسبي الله.
جريت و هي تدعو الله على رحيم و حشمت فى ساعة واحدة.
بعد يوم طويل دخلت ألقت نفسها بتعب على السرير
و قالت بتعب: اه كان مالي ومال الوطنيه ،الوطنيه ليه ناس معينة ، بس أنا ماشيه بالعلاج ، وصحتي على قدي أنا اتجوز رحيم و اقعد فى البيت اطبخ واعمل شغل البيت.
ونامت رحيق من التعب
$$$$$$$$$$$
مر شهر على تدريبات رحيق
رحيق بغرور: ايه رايك يا حضرت ال ظ
رحيم ببرود: عادي
رحيق بغرور: عادي بس مفيش ممتازه مثلا.
قال بعصبية: ادخلي نامي يا دكتوره
رحيق بهدوء: تصبح على خير
لم يجيب رحيم
$$$$$$$$$$$$$$$$$
في الصباح
يجلس الجميع فى المكان المخصص ل الطعام
تدخل رحيق وهى ترتدي شورت جينز بلوزة بنصف كام وتفرد شعرها الاصفر
كانت جميله جداً
أنصدم الرجال من منظرها ونظر الجميع إليه باعجاب.
رحيم بصوت عالى جدا: الكل يبص في طبقه
جلست رحيق بجوار رحيم
رحيق بابتسامه: صباح الخير يا حضرت ال ظ
رحيم باشمزاء: صباح الزفت
سألت بتعجب: مالك شكلك زعلان مني.
لم يجيب رحيم
بعد الانتهاء من الطعام خرج الجميع، كانت تغادر رحيق، لكن سأل رحيم بصوت عالي و اشمزاء: هي الدكتوره راح كباريه ولا ايه.
توقفت عن الذهاب و نظرت له و سألت بعدم فهم: مش فاهمه
قال بصوت عالى: ما هو لما الهانم تخرج قدم كل الرجاله كده وهى نسيها هدومها، تبقي راح فين غير الكباريه، أو عايزه الرجاله تبص عليها ، مفيش اختيار تالت.
اقتربت منه و نظرت له بغضب شديد ، رفعت يدها حتي تصفع رحيم على تجاوز حدوده معها فى الحديث.....
