رواية انتقامي كامله جميع الفصول بقلم جمانه السعيدي
اني شاهين اريد احجيلكم قصتي
اعرف راح تحجون عليه من تسمعون قصتي
بس اني اكول بعد الشي الي صار وياي كل وحده
كشفت حقيقتها الزوجها وخليته يطلكها تستاهل
الرخيصه تستاهل كلشي يصير وياها
تستاهل تتخلى عليها الف علامة استفهام وتعيش ناقصه بعين المجتمع
اني انسان عادي من اسره حالتنا الماديه كلش زينه
عندي خوان ثنيين اكبر مني وبعدين اني ومن بعدي خوات ثنيبن
احنا عائله عدنا العيب والحرام قانون نمشي علي
اني اصلي واصوم من اني زغير
ابوي انسان شديد كلش ما يتفاهم ابد
ما يقبل بلغلط اي واحد بينا يغلط مايرحمه
الحد ماكبرنا واحنا بعدنا نتعاقب بلضرب
وماكو مصروف اذا اي واحد منا غلط ولو غاط بسيط
كلشي بلبيت ماشي حسب قانون العيب والحرام والممنوع
امي انسانه فقيره وطيبه تصير بت عم ابوي
ابوي ماخذها عن حب
تخيلو عمرها حاليا قريب على الستين وابوي ما يقبل تطلع
اذا تريد تروح للزياره
تبقى تتوسل بي ولازم يعرف ويا منو رايحه وشكد تبقى
مو قلت ثقه بيها
بس لان مايريد اي احد يحجي علي
مايريد يكولون زوجة فلان كاضيتها زيارات وطلعات
وماتكعد بيتها خاف هذا الحجي ياثر على سمعة خواتي
خاف اصير عليهن نضره وتتعطل قسمتهن
جمانه السعيدي
اما خواتي شلون متحملات مااعرف
ماكو اي طلعه بس للمدرسه
لا حفله عد اقاربنا ولا عرس ولا فاتحه ولا احد شايفهن
زين ومخليهن يكملن دراسه
ممنوع حتى يفتحن الباب الاي احد
حتى من يجون خوالي وعمامي ما يطلعن يسلمن عليهم
امي تمشي بقوانين ابوي لان تخاف على زعله
اني من وصلت صف سادس علمي ما طلعت معدل عالي
اضطريت ادخل كليه اهليه
إدارة واقتصاد اخواني الأكبر مني واحد موضف
والثاني لازم الشغل وياا ابوي
كل واحد عنده اطفال ثنيين
بعد زواجهم بكم سنه عزلو بيت وحدهم اجرو بيت
وقسمو بلنص وكعدو بي
طبعا احنا ببتنا ٣ طوابق مبني ومتكامل
من اخواني جانو ساكنين بلبيت فوك كل غرفه بيها سبلت
والهول مجهز على شكل مطبخ
وحتى اكو حمام وصحياة فوك
يمكن اجا ابالكم سؤال إذا بيتكم جبير وحالتكم الماديه تمام والبيت مجهز ليش يطلعون ويتحملون
الاجار والامبيرات وكل المصاريف الزايده
الجواب بكل سهوله لان ابوي ما يقبل زوجات اخواني يطلعن
اذا يرحن للحفافه لازم يسئذنن منه وديز وياهن احد
مايقبل يطلعن ويرجعن بكيفهن
جمانه السعيدي
هذا الوضع ماعجبهن يردن يعيشن حياتهن يأكلن ويلبسن ويطلعن وين ما يعجبهن
لهذا السبب طلعن من البيت استأجرن بيت وكعدن بي
بعد ما طلعو اخواني من البيت ابوي كال انت تزوج فوك
بمكانهم
بدت امي ادورلي عروس طبعا بعد ما خلصت جامعه
بهاي الفتره اختي الي ازغر مني خلصت معهد
اختي كلش حلوه ومرتبه ومعدله ام بيت
ومثل ما كتلكم ماتطلع اله شغله ضروريه وامي تروح وياها
لا من البنات الي يتمكيجن ولا حتى حافه وجها
داومت بلمعهد وخلصت وهي على طبيعتها
عدها بس صديقه وحده بنيه جيرانه
اكو ناس بنفس منطقتنا بس ناس واصلين خير من الله عدهم ابنهم ضابط وابوهم مدير عام متقاعد
بهاي الفتره جانو يدورون مره الابنهم الضابط
امهم بلصدفه سمعت عدنا بنيه مخلصه معهد
اجت تشوفها كلش عجبتها
العريس بدا يسئل عنا بلمنطقه
يكول اي واحد اسئله يكول ماشايف بناتهم
صدكو وافق عليها بدون ما يشوفها بس على السمعه الطيبه
اول مره شافها بحفلة المهر وهم جان محرج من الناس
والهوسه مادقق بملامحها حيل
رغم هي طالعه تخبل بلمهر
ولله مو لان اختي امدح بيها
بس اول مره تحف وجها اول مره تتمكيج وكانت جايبه بدله أخضر داكن وهي بيضه طالعه تخبل عليها
ثاني يوم اجا من الصبح
دك الباب....امي طلعتله لان كتلكم ماعدنا بنيه تفتح الباب
امي من شافته تفاجئت جمانه السعيدي
امي. ها خاله تفضل
...خاله لا تحجين عليه اني السه ماشفت عروستي
البارحه هوسه وحسيت بلاحراج مادققت بيها زين
امي...يااا خاف تشوفها وتبطل ههههه
...لا ماابطل بعد الفأس وكع بلراس
دخل للبيت وامي راحت تحضر الريوك واختي لبست فستان بسيط بس حلو هي اطرافه كلش حلوه
يعني اديها ورجليها بيض وناعمات
لبست فستان ربع ردن ورفعت شعرها مكياج خفيف
وعطر ودخلت علي بلريوك
من شافها ابتسم
.رياض........هسه يله ارتاحيت
اختي ...صباااح الخير ليش ارتاحيت
رياض....طلعتي حلوه لان البارحه ماشفتج زين
اختي.. لا صدك ما شفتني
رياض....صدكي انحرجت من الناس وجماعتي وخواني كالو اطلع بسرعه مو تلزك وياها جوه نريد ناخذ صور ونحتفل على طريقتنا
اختي....بس اني زعلانه
رياض....ليش الله يستر
اختى...يعني صالون وبدله وخابصه نفسي تكعد خمس دقايق وتطلع لبستني بس الحلقه
خالتي لبستني باقي الذهب
حتى صوره مااخذنا سوه حتى تبقى ذكرى بينا
رياض...اني رجال عسكري ماأحب هيج أجواء
اختي...بس انت العريس مو شخص معزوم
.رياض..هسه اصالحج
اختي.. بعديش المكياج والتسريحه والبدله راحن
ردت بس صوره وحده
.رياض...هاي جبتلج تليفون حديث هاا تصالحنا ولج عندي بلزواج اخذج للاستوديو ونشبع صور
جمانه السعيدي
اختي...يله قبلت
رياض....ولج شني هاي طلعتي حلوه نعرس باجر
اختي..... ياا باجر شلون غير نحضر نفسنا
رياض...هو شنو نحضر نفسنا الغرفه اني مشتريها قبل ٣ اشهر
والذهب عندج وأخذج اليوم نشتري ملابس
اختي...يااا ليش مستعجل
.رياض..مو طلعتي حلوه وحجيج حلو
اختي...اي اني موجوده وين رايحه وهم مسجله بااسمك
يعني زوجتك
.رياض.. تعرفين من سئلت عنج وسمعت الحجي الحلو عنكم وعن سمعتكم كلت بس هي هاي
حتلو تطلع موحلوه ميخالف لان بهذا الوقت
البنات يخوفن واني رجال عسكري يعني ما موجود كل الوقت وأهم شي عندي سمعتي وسمعت اهلي
اختي...شكرا
.رياض..هااا شكلتي
اختى...على شنو
.رياض. نزوج باجر
اختي.. اتريك الجاي برد
.رياض ...يعني موافقه
اختي.. على كيفك وياي لان اني خوفوني من الضباط
.رياض.....اني سجلي ابيض والحمد لله تكدرين تسئلين عني
لو تعرفين امي شكد جابتلي بنات حتى اختار
بس ماعرف ليش ماجنت مرتاح
بس انتي ولله بس جابت اسمج واسم اهلج كلبي ارتاح
كتلها اي موافق
رغم قبل شلعت كلبها اي وحده تحجي عنها أكلها لا
اختي....قسمه اني ابد ما متخيله اخذ ضابط
رياض...وشبي الضابط عيوني
اختي....يكولون ملعب ويحب النسوان
...بس مو اني اني اختلف راح تعاشرني وتشوفين بعينج
اختي...نشوف
شاهين.....شوفو طول هذا الحديث بينهم امي عبالك بات مان كل شويه تدخل عليهم
وبيبان الصاله ثنيبنهن مفتوحات
لان تخاف من ابوي ابوي مايقبل زوج اختي يختلي بيها
لو يعرف ابوي جان كلب الدنيا علينا
بس الحمد لله رياض طلع من البيت قبل لا يرجع ابوي
واحنا عبالك بلمباحث الفداراليه اس اس لحد يحجي
كدام ابوي
